رواية احببت ظبوطة كاملة من الفصل الأول للأخير عبر دليل الروايات للقراءة والتحميل pdf
رواية احببت ظبوطة الفصل الأول
: ي جدي بس أنا مش عيزة اتجوز
: ي بنتي لازم تتجوزي
: للدرجاتي ي جدو أنا عادي بالنسبالك ومعنديش غلاوة عندك
: يبنتي صدقيني أنتي اغلي ما عندي وأنا بكدة بحافظ عليكي
: بتحافظ عليا ي جدي انك فجأة كدة تقولي هتجوزي ومن واحد عمري ما شفته يعني أنا لسة مخلصة كلية ونفسي احقق اهدافي واشتغل لا وكمان الله واعلم إللي هيتجوزني دا شكله ايه ولا هيعاملني إزاي
: لا يبنتي محمد راجل والناس كلها بتشهد بادبه واحترامه وكمان متدين علي الاخر وبعدين ي حبيبت جدو أنا مش هعشلك العمر كله
: بعد الشر عليك ي جدو ربنا يجعل يومي قبل يومك
: خلاص ي حببتي كتب الكتاب يبقي يوم الخميس
: ايييه كتب الكتاب هو في ايه ي جدو انتا بتهزر صح وعامل مقلب
: ي بنتي صدقيني أنا لما اجوزك أنا كدة بحميكي عشان اموت وأنا مطمن عليكي
: بطل بقي ي جدو الكلمة دي يعني أنتا عادي بالنسبالك كدة في يوم وليلة تصحي متلاقينيش في البيت طب مين هيصحيني كل يوم بدري مين هعملك الفطار ومين هيظبتلك مواعيد ادويتك هتخرج مع مين كل يوم تقعد وسط الزرع وهتنام إزاي من غير ما تحكيلي عن زمان وقصة حبك أنتا وتيتة الله يرحمها ها
الجد بعياط: خلاص يبنتي إللي يحريحك
: خلاص ي جدي أنا موافقة بس بشرط هجيب ممرضة تخلي بالها منك وتظبتلك مواعيد ادويتك وكل حاجة
: ماشي ي بنتي موافق
: عن اذنك ي جدي هدخل اوضتي
دخلت واترميت علي السرير تقريبا من كتر العياط دخت ونمت صعب اوي لما تبقي لوحدك ومفيش حد حواليك وتبقي وحيد ومتعرفش حد ومفيش حد تشارك معاه احزانك وافراحك وديما كاتم في نفسك ( أنا ليل وحيدة ديما ومعنديش اي حد. مليش غير جدو من يوم ما اتولدة وأنا معاه بابا وماما ماتو في حدثة يوم ما اتولدة وهما راجعين هما ماتو وأنا إللي عشت ناس كتير استغربو وقال قد ايه ربنا عيزني اعيش بس أنا كنت اتمنى اموت معاهم. جدو هو كل حياتي بس هو مريض ومينفعش عليه الكلام الكتير أو الزعل فأنا اتضريت اوافق عشان ميتعبش
صحيت حاثة أن راسي تقيلة اوي مش قدرة ارفعها من كتر العياط
الجد بحزن: حببتي خلاص لو مش موافقة براحتك
ليل بابتسامة مكسورة: لا يحبيبي أنا موافقة خلاص افرح بقي حبيبتك هتتجوز
الجد: ربنا يسعدك يبنتي ويخليكي ليا
تاني يوم ليل وجدها قعدين يكلو ولاتنين بيكلو بحزن
ليل: احمم جدي لو سمحت عيزة انزل القاهرة يومين
الجد: ليه ي حببتي هتعملي ايه
ليل: حضرتك عارف إني لسا متخرجة وكدة وفي لسا حجات نقصاني في الكلية هروح اخدها
الجد: ماشي ي حببتي تروحي وتيجي بالسلامة
سافرت ليل القاهرة وطول الطريق بتفكير في مصيرها اللي جاي هيبقي ازاي وصلت وراحت شقتها ارتاحت ونزلت الكلية
ليل: لو سمحت عيزة ادخل
الظابط: تخشي فين ي انسة
ليل: عيزة ادخل لعميد الكلية ضروري
الظابط: لا طبعا مش هتخشي أنتي فكرة في مدرسة وعيزة تقابلي المدير
ليل: ايه الغباء دا بقلك عيزاه ضروري أنتا مبتفهمش
الظابط: اتلمي يبت أنتي عرفة أنا ممكن اعمل فيكي ايه
ليل: بت تبتك انت ايه خلاص عشان ظابط ماشي بمزاجك تتكبر علي خلق الله
وهوب فلتت منه وقعدة تخبط
العميد: ايه ي حضرة الظابط أنا مش قلت مدخلش حد عشان في ناس جوه
ولسا الظابط هيرد
العميد: ايه دا لالا مش معقول ازيك ي ليل عاملة ايه
ليل بانتصار: أنا كويسة ي دكتور بس حضرة الظابط مكنش عايز يدخلني
العميد: معلش بقي متزعليش دي تعليمات هو ميعرفش انك أنت الظابط:ليه جنابها تبقي مين السفيرة عزيزة
ليل: أنا مش هنزل لمستواك ورد عليك
الظابط كان لسة هيرد بس ليل قاطعته
ليل: ممكن حضرتك ي دكتور ندخل جوه عشان عيزة حضرتك في حاجة خاصة مينفعش حد يسمعه
دخلت ليل والعميد وقفلت الباب جامد والظابط قرب يولع منها
بعد مدة طويلة خرجت ليل وبصت للظابط بصت انتصار وتكبر وهو بصلها بتوعد
ليل رجعت عند جدها وتمر الايام
الجد: ليلي حببتي مش عيزة تعرفي عريسك شغال ايه
ليل: مش فارقة يجدو بس قول
الجد: شغال ظابط ي قلب جدو
ليل لنفسها: اممم ظابط ويطلع ظابط زفت زي إللي كان الصبح دا
ليل: اهاا ماشي ي جدو أنا راحة انام تصبح علي خير
وتمر الايام وكتبو كتاب محمد وليل وليل مشافتهوش خالص وهما في العربية
محمد: إيه ي عروسة مش ناوي تشوفيني
ليل بخضة: ايييه انتااا
الفصل الثاني
ليل: ايييه انتا لا أنتا اكيد بتهزر صح مش معقول تكون انتا إللي جوزي يعني أنا مكنتش طيقة العريس خلقة كمان انتا لا بجد حرام
محمد بيعلب بحواجبه: نصيبك بقي معلش
ليل بغيظ: نصيب اسود ومنيل
فضلو طول الطريق شتيمة وزعيق هما الاتنين
ليل: ممكن اعرف رايحين فين
انتا انا بتكلم
يا بني ادم انتا
محمد: ي نعم خير
ليل: اهدي شوية وانتا بتتكلم احسن تموت فيها وتموتني معاك
المهم إحنا هنروح فين إحنا كدة خرجنا برة القاهرة
محمد: ايه دا ماشاء الله طلعتي بتفهمي في المحافظات كمان
ليل: ليه حضرتك فاكرني بقرة وكملت بتكبر اللي معاك دي وبلا فخر لفت محافظات مصر كلها
محمد : اوووه لا بجد ادهشتيني دنتي طلعتي جمدة اوي
ليل: نينيني ها متزفتين هنروح فين
محمد: اسكندرية اخرصي بقي
ليل بفرحة زي الاطفال: الله اسكندريااا
محمد: مالك مبسوطة كدة ليه مرحتيهاش قبل كدة اومال فين إللي لفت محافظات مصر كلها
ليل: لا طبعا رحتها بس بقالي كتير مجتش وبعدين مالك انتا اصلا بتسأل ليه
كملو الطريق وليل نامت عشان تعبت من الطريق
محمد: كانت نيمة زي الملاك بالظبط ملامحها هادية جدا ورقيقة عكس جدا وهي صحية كملو الطريق ووصلو وليل صحيت بس مكنتش شيفة قدمها عشان لسة صاحية
محمد: اتفضلي بصي بقي الصراحة أنا كاره حكاية الجواز دي جدا بس أنا اتجوزت عشان امي متتعبش عيزاني لازم اتجوز
ليل: هو انتا ليه محسسني ميتة في جمالك ولا مشيا اجري وراك اقولك اتجوزني أنا كمان وافقت عشان جدي وصحته مش هنطول اصلا. ها اضوتي فين
محمد: اخر الطرقة علئ الشمال
ليل: دخلت الاوضة كانت واسعة وجميلة جدا غيرت وخرجت قعدة برا في الريسبشن وكان محمد دخل ينام
ليل: ياااه مش كان زماني قعدة مع جدو ومنيمني في حضنة وفضلت تعيط وتفتكر ذكرايتها مع جدها
محمد: بسم الله انصرف
ليل بصت في التليفون بسرعا مسحت دموعها بس كان لسا في اصار
ليل: خير مالك شوفت عفريت
محمد: عفريت لا ابدا وحدة قعدة في نص البيت ومولعة نور خفيف متبقاش عفريت
ليل: خفيفه ابدا صحية عشان اصلي الفجر
محمد: تمام روحي اتوضي ونصلي سوا يمكن ربنا يهديكي
ليل: ايه دا انتا بتصلي
محمد: ليه حد قالك إني ابو لهب ولا ايه
اتوضو وصلو سوا مع كل سجدة ليل كانت دموعها بتنزل غصب عنها ومحمد كان سامعها ومستغرب اوي وخايف عليها
اول ما خلص مستنتش وطلعت تاني الريسبشن ومحمد استغرب ودخل نام
وليل كملت عياط وفضل قعدة تقرء قران لغاية ما الشمس طلعت راحت نامت
وجه الصبح وليل صحيت علي صوت قران جميل اوي فتحت الباب وخرجت تتسحب لغاية برا لقيت محمد قاعدة علي المصلية وقاعد يقرء اعجبت بصوته جدا ووقفت تسمعه بس محمد خلص وهي مخدتش بالها
محمد: اممم مكنتش اعرف أن صوتي هيجذبك كدا
ليل: عاا ايه مفيش احم ولا دستور وبعدين ايه دا انتا بتقرء قران اول مرة اعرف أن ابليس بيقرا قران
محمد: ظريفة اوي. واكمل بخبث بس جامدة البيجامة البيضة دي
ليل بصت علي نفسها لقيت لابسة بيجامة بيضة نص كم وبرموضا لما سمعت صوت القران نسيت وخرجت كدة طلعت جري علي اوضتها
محمد: والله مجنونة بس قمر
ليل لبسة اسدال زهري وكانت زي القمر وطلعت تعمل فطار
محمد: ليييل
ليل: اممممم
محمد: اعملي حسابك صحابي جيين شوية كدة يبركولي
ليل ببرطمة: يعني أنا كنت طايقة واحد كمان هيجبلي أصحابه
محمد: بتقولي حاجة
ليل: ابدا بقول ينورو 🙄 ايه دا ايه دا انتا بتعمل ايه
محمد: اييه بصب لبن عشان نفطر
ليل: لبن وانتا بتفطر لبن اووف
محمد: ايوا بفطر لبن اومال عيزة ظابط يفطر ايه باتون ساليه
ليل: تمام مع نفسك بقي أنا مش هشرب
محمد: هتشربيه غصب عنك
ليل: ودا اللي هو إزاي
محمد: خليكي هادئة واشربي من سكات
ليل بخبث: حاضر عنيا هشربه كله بس هشربه بعد ما اخلص اكل
محمد مطمنلهاش بس سكت
راحو يكلو ومحمد بياكل وليل عمالة تاكل لقمة كل فين وفين مستنياه يقوم
هوب هو قام من هنا وهي جريت علي المطبخ حتط اللبن تاني وسابت يدوبك حبة عشان لما يخرج تحتطه علي بقها اكنها شربته
صحاب محمد جم وقعدو يهزرو وليل عمالة تسنط عليهم بيقولو ايه
مشيو وليل خرجت
محمد: مالك
ليل: ابدا اصل انتا واصحابك شبه الرجل الاخضر اوي
محمد: ليه عيزانا ننزل قصة ونلبس بناطيل مقطعة ونعمل شعرنا استشوار احنا ظباط ي حببتي
ليل: تصدق وتؤمن بالله انا طول عمري بحب الظباط ونفسي اتجوز
ظبوطة لكن بعد ما شفتك أنت واصحابك كرهت كل الظبوطات
محمد: كرهتي ايه
ليل ببراءة: الظبوطات
محمد ضحك جامد: بقي جمع ظابط ظبوطات منك لله دنتي قليتي مننا اوي
ليل :الله ايه دا أنا مخدتش بالي امبارح من الجمال دا البلكونة كانت كبيرة جدا ومليانة ورد وبتبص علي البحر علي طول
كملو بقيت اليوم عادي تاني يوم
محمد صحي علي ريحة هو مش مطمنلها وطلع بيقدم رجل وياخر رجل
محمد بشهقة: هااااا أنتي بتعملي ايه
الفصل الثالث
محمد بشهقة: هاااا انتي بتعملي ايه
ليل: اييه ي جدع قطعتلي الخلف وأنا لسة في عز شبابي
ايه بعمل شاي بنعناع
محمد: وأنتي بقي جيبة النعناع دا منين
ليل: من البلكونة بس مقلكش حقيقي رحته تجنن
محمد: نعمم اول واخر مرة تيجي جنب النعناع دا تاني
ليل: ليه إنشاء الله ضد اللمس
اعمل حسابك إني كل يوم هاخد منه عشان أنا لازم كل يوم الصبح اشرب شاي بنعناع
محمد: كلمتي اتقالت النعناع دا مخليه منظر بحب شكله وريحته كده مش باخد منه
ليل: بس أنا هاخد
ليل: صحيح انت اسمك ايه
محمد انفجر في الضحك: هههه اول مرة اشوف وحدة متعرفش اسم جوزها
ليل: اصلا مش عاوزة اعرف مش مهم بس عشان لو حد سألني
محمد:خلاص مدام مش مهم مش هقلك اعرفي لوحدك
ليل: عادي هعرف من جدو
بعد مناهدة طويلة منهم محمد قاعد علي المكتب بيشتغل وليل فاتحه فون
محمد: ليييل
ليل: امممم
محمد: ي ربي مربي بقرة معاية
ليل: بتقول حاجة
محمد: ابدا بقول عايز نجيب بقرة
ليل: طب ونجيب ليه منتا كفاية
محمد: لمي لسانك طيب
ليل:🙄🙄
محمد: ايه دا ي سبحان الله اول مرة مترديش
ليل: طب اسكت طيب وبعدين كنت بتنادي ليه
محمد: اه صح أمي نفسها تشوفك معرفش علي ايه بس هي نفسها تشوفك وهي ست كبيرة اكيد مش هتيجي فا احنا هنروحلها بعد بكرة
ليل: تمام
جه الليل ومحمد دخل ينام وليل عملت زي امبارح
قعدة في الريسبشن وولعة نور خفيف وقعدة تعيط
محمد: ي بنتي حرام عليكي هتوقفيلي قلبي في مرة
وبعدين أنتي عاملة زي الخفافيش طول الليل صاحية ونايمة طول النهار
ليل: معلش
محمد: طب تعالي نصلي
ليل خلصت ومحمد دخل ينام كان نفسه يقعد معاها ويعرف هي بتعيط ليه بس محبش يدخل وراح نام ليل فضلت قعدة لغاية ما الشمس طلعت راحت نامت
صحيت علي نفس صوت القران بس المرادي عملت حسابها ولبست اسدال وخرجت عملت الفطار
محمد: علي فكرة مش لازم اسدال علي طول أنا زي جوزك بردو
ليل: إنشاء الله بقلك
محمد: اممم ي ربي أنا هعمل زي البقرة زيها نعمم
احمم أنا عيزة اروح الكلية
محمد: ليه
ليل: عيزة اخلص حجات هناك تبع المشروع عشان اشتغل
محمد: امم وأنتي علي كدة معاكي كلية ايه
ليل: أنا معاية كلية اللسن ومعاية تلات لغات وأي شركة تتمني ابصلها
محمد: ليفل التواضع عندك عالي اوي
تمام هروح معاكي
ليل: دا اللي هو ليه إنشاء الله
محمد: حضرتك بقيتي متجوزة وكمان أنتي مش راحة اخر الشارع أنتي راحة محافظة تانية
ليل : اوووف مش هينفع
محمد : ليه
ليل: يعني أنا الاسبوع إللي فات اتخانقت معاك قدام عميد الكلية ودلوقت اروله وأنا متجوزاك
محمد: خلاص أنا قلت هروح
ليل طول الطريق مكسوفة اوي ووصلو الكلية وكل شوية وحدة توقفها تسألها مين دا
يارا: ايه دا ي ليل مش تعرفينا مين القمر
ليل بضيق ومسكت ايد محمد: اعرفك ي حبيبتي وماله القمر دا يبقي جوزي
نرمين: ايه دا اتجوزتي بسرعة كدة من غير حتي متعزمينا
ليل: معلش بقي كل حاجة جت بسرعة وبعدين دا كتب كتاب اكيد في الفرح هنعزمكم يا بنات
يارا: وعلي كدة جوزك اسمه ايه
ليل في الوقت دا اتمنت الارض تنشق وتبلعها وبصت لمحمد عشان يقول اسمه بس هو بصلها باستفزاز
محمد: ما تقوليلهم ي حياتي اسمي
ليل مسكت ايد محمد جامد وقالت بمياصة: الصراحة أنا مش بحب اقله اسمه أنا بناديه بي حبيبي يلا بقي ي حبيبي عشان منتاخرش
محمد بصلها واستغل الموقف وحط ايده علي كتفها وهي كانت مكسوفة جدا
ليل بعد ما مشيو شوية : ايدك لا توحشك يابا
محمد: اهدي ي شبح مالك يلا ندخل
ليل: نعم ندخل دا كليتي ودا العميد اتفضل اقف هنا مش كفاية اللي حصل برا
محمد نفخ بضيق وقعد استناها وكان نفسه يعرف هي بتعمل ايه
ليل خرجت ومشيت مع محمد من غير كلام
محمد: كنتي بتعملي إيه
ليل: قلت حاجات تبع الكلية
محمد بزعيق: ايوا منا عارف أنها حاجة تبع الزفت حاجة إيه يعني
ليل خافت من صوته وبصتله بحزن وسندة راسها علي الشباك وسرحت هي ديما بتحث معاه بالامان لكن لما زعق خافت أوي
محمد : إيه إللي عملته دا أنا غبي أوي
وصلو وليل نزلت من العربية بسكوت وكملت باقي اليوم وهي سكتة مش زي عوايدها ومحمد اضايق هو متعود علي خناقها وعصبيتها وردودها الدبش وجنوها
محمد: يووو بقي أنا لازم اصالحها
محمد دخل عمل كوبيتين شاي بالنعناع ودخل البلكونة
محمد: احمم ليل لييل
ليل بزعل: امم نعم
محمد: تعالي نشرب الشاي سوا
ليل: شكرا مش عوزة أنا داخلة انام
محمد مسك ايديها: تعالي بس والله منتي مشية دي بالنعناع
ليل: اول ما مسك ايدي كنت مكسوفة بس حسيت كل خوفي انتهي وحسيت بالامان اوي وفجأة بصت في عنيه الزيتوني وسرحت
محمد بغرور: احمم مكنتش اعرف أني حلو لدرجت انك تسرحي فيا كدة بس عرفة عيني هي اللي محلياني
ليل فاقت: هاا لا طبعا بس سرحت عادي
محمد: طب خلاص أنا اسف متزعليش عشان زعقتلك قلبك ابيض بقي تعالي نشرب الشاي
ليل: متتاسفش تاني
محمد: ليه
ليل: عشان مش بحب حد يتأسفلي عشان بمجرد ما بيتأسف بسامحه
محمد ضحك علي كلامها وبرأتها وقضو بقيت الوقت هزار وضحك وخناق
جه الليل ومحمد صحي الساعة تلاتة تتفاجأ ان ليل مش موجودة زي كل يوم دخل الاوضة ملقهاش
بص شوية وبعدين قال ليييييل
الفصل الرابع
محمد: ليييل بتعملي ايه في البرد دا برا
ليل: قلت بدل ما اخضك زي كل يوم طلعت برا
محمد: يستي متخض ولا اتنيل خشي خشي الجو برد
وبعدين هو أنتي خفاش
ليل: لأ بس ليه
محمد: اصل طول الليل صاحية وطول النهار نيمة
ممكن أسألك سؤال
ليل: متقليش ليه كل يوم بتعيطي في نفس الوقت بس متخفش يعني مش ملبوسة
محمد: تمام براحتك لسة قاعد ساعة علي الفجر ما تيجي نعمل حاجة
ليل: زي ايه
محمد: متيجي نسمع فيلم رومانسي كدة
ليل: اممم والله فكرة حلوة طب حضر انت علي ما أعمل فشار
محمد حضر الفيلم والقعدة وليل عملت فشار كتير وقعدو كلو
محمد: كنت حاببها اوي في اللحظة دي كان نفسي اخدها في حضني واعرف مالها بتعيط ليه
ليل: ديما وأنا معاه بحس بالامان مش عرفة دا ايه بس أنا ببقي مبسوطة اوي منه خصوصا الصبح لما زعقلي وبعدين صالحني بكوباية الشاي بانعناع اللي قلي اوعي تلمسيه
الفيلم خلص ومحمد جاي يقوم لقي ليل نامت مكنها ضحك عليها وعلي طفوليتها صحاها براحة مردتش تصحي شلها براحة ونيمها عالسرير وصلي الفجر ونام
تاني يوم ليل وقفة في المطبخ بتحضر الفطار وبتغني
ليل: عشان تبقييي تقولييي لااااااا عنيكي طلعت لنسز زرقا
عشان تبقي تقووولي لااااا عنييكيي طلعت لنسز زرققااا
ليل: وبعدين في الراجل إللي نايم جوه دا مصحيش ليه أما اروح اصحيه
ليل خبطت مردش فضرت تدخل
فتحت براحة ولقيته نايم فضلت تبصله شوية وقد ايه هو جميل
محمد كان صاحي وسمعها وهي بتغني لأن صوتها زعجه بس عمل نايم
ليل: انت ي اخ ي بنييي ادم انتاااا اصحااا
محمد: ايييه عملة زي البومة عالصبح ليه علي اساس إني مصحتش من صوتك الجميل دا عالصبح
ليل بتكبر: عرفة ان صوتي جميل الكل بيمدح فيه
محمد: اتنيلي دنتي عملة زي البلاعة إللي عيزة تسليك
ليل مسكته من لياقت التيشيرت: طب قوم قوم افطر عشان نروح لامك بدل ما البلاعة دي تفتح فيك
محمد: في بنت محترمة مؤدبة كيوت تقول امك
ليل بمياصة: سوري يحبيبي يلا عشان نروح لطااانط
طلعت تجري ومحمد حدفها بالمخدة
ليل في المطبخ: مصحبش فرافير حتي لو ركبين فيراري
محمد: ي بنت الناس الناس تصحي تقول صباح الخير تقرء قران
مش تقول وقلد صوتها: مصحبش فرافير حتي لو ركبين فيراري
ليل: اولا أنا لسة مخلصة الورد بتاعي حالا
وبعدين مال اهلك انتا اغني مغنيش انشلا حتي اروح جهنم مالك
محمد مسكها من لياقة البيجامة: أنا مش قلت نلم لسانا شوية
ليل: ايدك يابا قلت لتوحشك
محمد: حاضر يشبح يلا نفطر عشان نروح عند امي
فطرو ولبسو عشان يروحو عند مامت محمد
ليل كانت لبسة فستان بيبي بلو وطرحة بيضة كانت زي القمر
محمد اضايق من شكلها وكان نفسه يقلها غيريه عشان شكلك قمر بس سكت
عند مامت محمد بعد ما سلمت علي ليل وحبتها خالص
الام: في مفجأة ليك ي محمد
محمد: خير ي امي
زياد: انااااا
محمد: ي ساتر ي رب
عامل إيه ي صحبي وحشني والله
زياد: وانت كمان يسطا والله
ايه مش تعرفنا بالقمر
محمد جز علي سنانه وضغط علي ايد زياد: اعرفك ليل مراتي
زياد باعجاب: اممم قمر اهلا ي ليل
محمد مد ايده لزياد: معلش ي زيزو مراتي مش بتسلم علي رجالة
ليل فرحت حست انه غيران اوي بس مبينتش
وطول القعدة زياد بيبص لي ليل نظراات مطمنش ومحمد اضايق جدا
روحو
ليل: مالك
محمد بضيق: مليش أنا رايح اشتغل في اوضتي
ليل: اووف ماله دا اكيد اضايق من الزفت اللي اسمه زياد دا
اممم بس عرفت هصلحه ازاي
ليل فتحت الاوضة براحة ودخلت
محمد: خير عاوزة ايه وازي تدخلي من غير تخبيط
ليل في سرها: يعم اتنيل أنا دخلة للبتاع يعني
ليل بابتسامة: هو أنا لازم اخبطش علي كدشة
محمد ضحك علي طريقة كلامها بس مردش
ليل: بقلك بقي ي واد ي ظبوطة ي جميل انتا
محمد: واد وظبوطة وجميل خير
ليل: اخص عليك الف خصاية يعني هعوز منك ايه يعني
محمد: لا عندك حق اخلصي وقولي
ليل: بردو ظنك فيا مش تمام يعني هو انا لو قلتلك ننزل نتمشي علي البحر دي حاجة يعني دنتا جوزي ودا وجبك ليا
محمد وفهم: اممم طب يلا ي شاطرة عشان عندي شغل واسحبي الباب في ايدك
ليل ورجعت لاصلها: ولا بقلك ايه يلا انت هتنزل معاية غصب عنك إحنا مش جيين هنا نقعد نطغطي وننام يلا خمس دقايق وتلبس والقيك برا
خرجت ومستنتهوش يرد وراحت تلبس لبست فستان ابيض عليه طرحة بنك كانت زي الحوريه
محمد لبس تيشرت بينك وبرتكول بني كان مز جدا
ليل خرجت لقيته مستنيها
ليلفي سرها: يخربيت حلاوتك الولا أحلي مني
محمد: يلا
ليل: يلا
نزلو علي البحر وفضلو يتمشو
محمد: متيجي ناكل اكلة سمك
ليل قلبت وشها: بس بس إلا السمك
محمد : ليه
ليل: مش بحبه خالص استحالة اكله
محمد: اخر مرة كلتيه امتي
ليل: مش فكرة بس بقالي يمكن عشر سنين مكلتوش
محمد : طب تعالي مستنهاش ترد وسحب ايديها وجري
ليل وهي بتجري: انت يابا انت ساحب بقرة اهدي شوية
محمد: يلا ندخل
ليل: انت بتفهم من ودانك مش بحبه
محمد: خلاص اتفرجي عليا وأنا باكل
ليل : ي سلام مستنتش ترد وسحبها من ايديها تاني وطلع
محمد: افتحي بقك
ليل: بقلك ايه أنا مش طيقة نفسي اصلا كل وانتا خرسان
محمد لقاها بتتكلم راح حدف السمكة في بوقها
ليل وهي بتندغها ومغمضة عينيها: انت مبتفهمش بقلك مش بحبه
محمد: طب كوليها
ليل كالتها وهي الصراحة حبتها ومحمد فضل ياكلها ويديها وهي حبته
محمد: اوووف بس بقي كفاية اوي كدة يلا نروح
ليل: نعم لا طبعا أنا عيزة ايس كريم وكمان لسة متصورتش
محمد: ليفل التفاهه عندك عالي جدا
ليل بطفولة: مليش دعوة عيزة ايس كريم
محمد: ماشي يستي
ليل: ويكون بالمنجا
محمد: حاضر حاجة تاني
ليل: تشكر يباشا
ليل راحت تتمشي ومحمد راح يجيبلها ايس كريم
ليل: الله ايه دا
محمد: بلالين هيليم
ليل: الله ودي المين
محمد: لوحدة كدة اسمها ليل
لسا مخلصش لقي ليل سحبتهم منه ونطت في حضنه
ليل: شكرا اوي اوي خد بوسه كمان
محمد ضحك عليها وحضنها وكان فرحان اوي
ليل بكسوف: احم احم أنا اسفة علي إللي حصل بس أنا بحب البلاين اليهليم اوي
محمد: يستي ولا يهمك
قضو اليوم ما بين الضحك والهزار
ليل: خد صورني وأنا كدة
محمد بزهق: ي بنتي حرام عليكي دي الصورة الستلاف كفاااية
ليل: ملكش دعوة
خلص اليوم وروحو وهما قعدين في الصالة
ليل: بقلك ايه ي مان
محمد: خير ي وماان
ليل: جدو وحشني وعيزة اشوفه
محمد: عيزة تروحي امتي
ليل بفرح: ايه دا بجد هتوديني
محمد: اه يستي ايه رايك نمشي بكرة الصبح
ليل: تمام يسطي
محمد: والله سواقة تكتك
ليل نامت وهي طيرة من الفرح وصحيت لبست فستان وطرحة
ومحمد لبس بنطلون اسود وقميص اسود عليه بليزر بني وحزام بني وكان سينمائي اوي
ليل: بقلك عيزة اوروح الاول الكلية مشوار بسرعة
محمد: تمام يلا
ليل بغيرة : وانت إنشاء الله هتمشي معاية كدة
محمد: ليه مالي
ليل: انت مش شفت اللي حصل المرة إللي فاتت واللي تقولك قمر واللي تقولك حلو. اما انهرده بقي يجو يطلبوك مني
محمد وفهم: وانتي بقي بتغيري ي بطة
ليل: هه اغير يلا يلا بلاش هبل مشيو وراحو الكلية وكل البنات كانت بتبص لمحمد جامد وليل قربت تمسكه تشيله في شنطتها
وصلو البلد عند جدها
ليل نطت في حضن جدها: جدوووو حبيبي عامل إيه ي حبيبي
الجد: كويس ي قلب جدو عاملة ايه
ليل: أنا الحمدلله بس ناقصني وجودك ي جدو
محمد كان واقف متابعتهم: إيه الهبل دا وأنا زعلان ليه دا جدها
الجد: ازيك ي محمد ي بني عامل إيه
محمد: تمام ي جدو
الجد: اوعي تكون مزعل ليلي
محمد: اهااا وأنا اقدر دي في عيني وجز علي سنانه
قضو الوقت كله كلام ما بين ليل وجدها ومحمد اضايق لانها نسياه خالص
الجد : يلا بقي ي ليل كفاية كدة روحي نامي انتي وجوزك في الاوضة اللي خليت ام احمد تروقها
محمد فرح أن ليل هتبقي معاه في نفس الاوضة
ليل بسرعة: لا ونبي ي جدو انت واحشني اوي خليني انام في حضنك انهرده
الجد: ي بنتي لحسن جوزك يزعل
محمد: لا ي جدو ابدا هطلع انا
الجد: شيفة اهو زعل اهو
ليل: ي جدو منا قعدة معاه علي طول لكن انت واحشني اوي
ليل راحت مع جدها وفضلت في حضنه قد ايه هي كانت مفتقدة الحضن دا ونفسها فيه
محمد قاعد لوحده قرب يشيط: بقي كدة راحة تنامي في حضن جدك ولا اكني موجود ماشي ي ليل أنا هوريكي
جه الصبح ومحمد صحي لوحدة هو اتعود كل يوم يصحي علي صوت ليل
محمد فتح البلكونة بص لقي ليل.. يتبع الفصل الخامس والسادس اضغط هنا