رواية حب وعذاب الفصل الحادي عشر 11 والثاني عشر 12 بقلم اية السيد
رواية حب وعذاب البارت الحادي عشر
زين فتح الظرف الظرف واتصدم من اللي شافه
زين بعصبيه /اه يابن ال**
وبعدين نده علي العسكري بزعيق
زين بزعيق /انت يا عسكري يا زفت ياللي بره
العسكري دخل بفزع وخوف علي بمكتب زين
العسكري بخوف /اوامرك يا فندم
زين بعصبيه /اندهلي شريف بيه بسرعه
العسكري بإيمائه وهو يخرج /اوامرك يا فندم
زين قعد علي الكرسي وهو بيبص علي الظرف بعصبيه
____________________
في منزل حنان
حنان دخلت اوضتها وفضلت مستغربه وعماله تفكر يا تري مين الي باعت الورد
وافتكرت الجمله اللي كانت مكتوبه وابتسمت
وفاقت من شرودها علي صوت والدتها
ريهام /يا حنان
حنان /ايوة يا ماما
ريهام /يلا يا حبيبتي عشان تاكلي
حنان /حاضر يا ماما جايه اهوه
وخرجت من الاوضه وراحت اوضه المعيشه
___________________
في شركه الجرحي
رحيم كان قاعد في مكتبه وعمال يفكر في حنان ويا تري الورد عجبها ولا لا
وافتكر الجمله اللي هو طلب من صاحب المحل يكتبها علي الكارت
_________فللااااااش بااااك
الراجل باحترام /تحب نكتب ايه علي الكارت يا فندم
رحيم بهيام وهو بيفكر في حنان اكتب /الف سلامه عليكي يا معذبه قلبي
الراجل /بتوقيع مين يا فندم
رحيم /بدون توقيع
الراجل /تمام يا فندم... اي أوامر تانيه
رحيم /لا
وبعدين قفل السكه
وسند براسه/امتي بقا يا حنان تعرفي بحبي ليكي ومبقاش مضطر اخبي نفسي عنك والعب دور المجهول
__________باااااك
رحيم فاق من شروده علي صوت خبط علي الباب
رحيم /ادخل
هند باحترام /معاد الاجتماع كمان نص ساعه يا فندم... يعني بعد استراحه الغدا علطول
رحيم /تمام... جهزي انت كل حاجه
هند بإيمائه /تمام يا فندم
رحيم/فيه حاجه تانيه
هند /بصراحه كنت محتاجه حضرتك تمضي الورق دا
رحيم /ماشي حطيه وان هبقي اراجعه و امضيه
هند /تمام... عن اذنك يا فندم
هند خرجت وقفلت الباب وراها
ورحيم رجع تاني يفكر في حنان
رحيم لنفسه /جرا ايه يا رحيم....ركز كده واعقل
وبعدين مسك ورق الصفقه وبدأ يراجع الورق
________________________
في الكافيه
وعد كانت قاعده متوترة ومش عارفه تبدأ ازاي
ياسين /ها يا وعد انا سامعك بس اذا انتي مش حابه تحكي وحاسه اني مش اد الثقه بلاش
وعد قاطعته بسرعه /لا لا الحكايه مش كده انا بس مش عارفه ابدا ازاي او ارتب الكلام
ياسين بابتسامه/طيب ممكن تهدي واتكلمي وانا سامعك
وعد بتنهيده /حاضر.... الشخص دا يبقا احمد السيوفي اتعرفت عليه وانا في الجامعه كنت لسه في سنه اولي ومعنديش أصحاب وطبعا هو أكبر مني بسنه اتقابلنا انا وهو صدفه
وبعد كده كنت بشوفه في الجامعه منكرش اني كنت معجبه بيه وانبسطت لما هو كمان طلع معجب بيا وانه بيحبني وانه هياجي يتقدم ليا اول لما نخلص جامعه
وعد وبدأت تدمع /وانا طبعا زي الهبله صدقته ومشيت وراه وفضلنا سوا وعدت اول سنه واحنا كله تمام بينا وبنقرب اكتر من بعض
لغايه ما فيوم اكتشفت انه أقذر انسان موجود في الدنيا
ودموعها نزلت اكتر
ياسين أداها منديل ووعد مسحت دموعها
ياسين وبدأ قلبه يوجعه بسبب دموعها وفي نفس الوقت نفسه يلاقي ياحمد عشان يطلع عصبيته فيه /كملي
وعد /اهتمامه بيا قل وكل حاجه بدأت تبوظ وكملت بمراراه/ اكتشفت... اكتشفت انه بيخوني
______________فلااااااااااش بااااااك
وعد كانت قاعده في الكافيه وفجأه شافت احمد وهو داخل من الباب وكان معاه بنت ماسكه جامد
أحمد والبنت اللي معاه دخلوا وقعدوا علي ترييزة وفضلوا يضحكوا وهو كان ماسك ايدها
كل دا وعد بتراقب ودموعها بتنزل من عيونها ومش مصدقه ان احمد ممكن يعمل معاها كده
وعد محستش بنفسها غير وهي واقفه قدامهم
أحمد بصدمه /وعد
وعد بدموع /ايوة وعد ايه مستغرب.... مش هتعرفنا ولا ايه
البنت /اهلا انا ندين خطيبته
وعد بدموع وصدمه /خطيبته
ندين /ايوه انتي مين
أحمد بارتباك /دي تبقا
وعد قاطعت كلامه
وعد بدموع / وعد... وعد اللي ضحكت عليها وفهمتها انك بتحبها.... وعد العبيطه اللي صدقتك ومشت وراك.... وعد اللي فكرتك ضهر وسند... وعد اللي فكرتك انسان نضيف... بس مع الأسف طلعت أقذر انسان في الدنيا
أحمد كان واقف ومش عارف يعمل ايه ولا يرد يقول ايه
وعد بمراره/بس تعرف الغلط كله غلطي انا... غلطي اني أصدق واحد زيك... انا مش عاوزة اعرفك تاني
وسابته ومشت
ندين /الكلام دا بجد يا احمد
أحمد /يا ندين..
ندين بصرامه /الكلام دا بجد
أحمد معرفش يرد يقول ايه
ندين وهي بتقلع الدبله /ردك وصلني كل حاجه بينا انتهت
وقلعت الدبله وسبتها علي التربيزة ومشت
أحمد قعد علي الكرسي ومش قادر يستوعب اللي حصل
وعد خرجت من المكان وفضلت تعيط وتفتكر كل حاجه كانت بينهم وكل وعد وعدها بيه ومطلعش قده
_________________بااااك
ياسين كان قاعد بيسمع كلامها وهو شايف دموعها وهاين عليه انه يقوم ياخدها في حضنه
وعد وهي بتمسح دموعها /طبعا انا كده في نظرك بنت مش كويسه و.....
ياسين وهو بيقاطعها/لا يا وعد بالعكس هو اللي مش كويس وهو اللي استغلك وضحك عليكي وبعدين مش يمكن خير..... المهم اننا نتعلم من اخطائنا
وعد /شكرا يا ياسين بجد كنت محتاجه الكلام دا جدا وشكرا لأنك قدرت تفهمني
ياسين /لا شكر علي واجب وبعدين ايه رايك نكون اصحاب
وعد بابتسامه /اشطا جدا
ياسين بابتسامه /يبقا اتفقنا ولو اللي اسمه احمد دا أتعرض ليكي تاني تعرفيني فورا
وعد بابتسامه /حاضر
ياسين وهو بيبص في ساعته /يا خبر دا وقت الاستراحه خلص دا رحيم هينفخنا
وعد بضحك /هههههههه شكلك حلو اوي وانت كده
ياسين بهيام وهو بيبص علي ضحكتها /انتي ضحكتك حلوة اوي.
وعد بطلت ضحك واتكسفت من كلامه /هاااااا شكرا... يلا
ياسين وهو شايف كسوفها/يلا
وراحوا هنا الاتنين الشركه وكل واحد راح مكتبه
_________________
في القسم
زين كان قاعد ومتعصب وفجأه سمه صوت الباب
زين /ادخل
الباب اتفتح وشريف دخل
شريف بقلق /فيه ايه يا زين العسكري قالي انك عاوزني ضروري
زين مد ايده بالظرف وشريف اخده منه وفتحه
شريف بصدمه بعد ما شاف الصور /دي... دي صور لجثه عدنان بعد ما انتحر.
زين مد ايده بجواب واداه لشريف
شريف فتحه وبدأ يقرأ "دي حاجه بسيطه بس مني عشان تفهم انك مش قدي وانك مهما حاولت تعمل هفضل دايما سابقك مش بس بخطوة ولا اتنين... تؤتؤتؤتؤ... بعشر خطوات"
شريف /دا معناه ايه
زين بعصبيه /دا معناه ان فيه حد هنا بينقله الاخبار اول بأول
شريف باستفسار /قصدك ايه يا زين
زين /لسه متاكدتش بس لو طلع اللي في بالي صح مش هيحصل كويس
شريف /قصدك مين
زين /مفيش يا شريف... يلا روح انتا دلوقتي
شريف بإيمائه وتحيه /تمام... عن اذنك
شريف خرج وزين فضل يفكر في الرساله ومين هو الزعيم
_____________________
في المستشفى
ريم /ولا يا محمد انا هجيب عصير واجي
محمد /ماشي يا ستي... هاتي ليا معاكي
ريم /اشطا يا زميلي
محمد وهو بيرفع حاجبه /اشطا وزميلي... انتي متأكده بنت
ريم /لا فرخه يا خفه
محمد /ماشي يفرخه يلا بقا روحي هاتي العصير وبطلي لماضه
ريم /ماشي
ريم خرجت وكانت ماشيه وبتبص في الارض وفجأه خبطت في حد
ريم رفعت وشها واتصدمت
ريم بصدمه /انت؟؟؟؟؟
الشخص/انتي؟
حب وعذاب البارت الثاني عشر
في القسم
زين فضل يفكر في الرساله اللي جت ليه ويا تري مين هو الزعيم ومين هو الشخص اللي معاهم في القسم وبيساعده
وقرر ينهي تفكير دا ويروح لمحمد
في مكان مهجور
كان واقف ومديهم ضهره لان لغايه دلوقتي محدش شاف وشه غير أقرب واحد ليه من رجالته
الزعيم /اخبار العمليه الجديده ايه
الراجل /كله تمام... كل حاجه اتظبطت ومستنيين الاشاره عشان ننفذ
الزعيم /انا عاوز كل حاجه تمشي من غير اي غلطه
الراجل /اتطمن يا زعيم احنا رجالتك وانت عارفنا كويس في الشغل... احنا قدها وقدود
الزعيم /وانا متأكد من كده.... اخبار محمد ايه
الراجل /فاق وبقا كويس بس لسه موجود في المستشفى
الزعيم /اممممممم.... يبقا لازم نزوره
الراجل /اللي تشوفه
الزعيم /انا اللي هروح بنفسي
الراجل /تمام... تؤمرني بحاجه تانيه
الزعيم /لا روح انت
الراجل خرج والزعيم ابتسم بشر /متقلقش يا زين الدور جاي عليك وانا بنفسي اللي هصفيك وهتبقي نهايتك علي ايدي
_________________________
في احد الكافيهات
احمد كان قاعد هو واصحابه
ممدوح /ها يا احمد عملت ايه قدرت تقنعها ترجعلك
أحمد /لا بنت ال***** مش راضيه واتهربت مني
ياسر /يعني ايه
أحمد يغضب /اتخطبت يعني خلاص مينفعش
ممدوح بغضب /امال مين اللي هيدفع الفلوس دي
أحمد /هتصرف بس استني عليا شويه
ياسر /مش هنستنا كتير عشان انت فضلت معشمنا انك هتدفع لما تلعب علي وعد وتجيب منها الفلوس واديك خلفت وعدك
أحمد /قولت هتصرف وهجيبها
ممدوح /اما نشوف
وبعدين سابوة ومشوا
"ياسر و ممدوح يبقوا أصحاب احمد بس مش كويسين... بيلعبوا قمار وبيشربوا خمرة وبيعملوا كل ما حرمه الله واحمد دخل معاهم في الطريق دا وخسر فلوسه في اللعب واستلف منهم ومش معاه يسدد"
أحمد قعد علي الكرسي وبيفكر هيعمل ايه وهيجيب الفلوس دي منين وازاي هيقنع وعد انها تسيب خطيبها زي ما هو مفكر وترجع ليه تاني وساعتها يقدر ياخد منها الفلوس ويديها لممدوح وياسر
____________________________
في المستشفى
ريم سابت محمد في الاوضه وخرجت عشان تشتري العصير وكانت ماشيه وباصه في الارض وفجأه خبطت في حد
ريم بوجع وهي باصه في الارض /اهه مش تحاسب
الشخص /انتي اللي خبطيني
ريم رفعت وشها ولسه هتزعق اتصدمت لما لقيته زين
ريم بصدمه /انت
زين اتصدم لما شاف وشها ولقاها ريم
زين بصدمه /انتي
ريم بعصبيه /ايوة وبعد كده ابقا فتح وانت ماشي
زين /نعم انا بردوا اللي افتح وبالنسبه للحلوة اللي كانت باصه في الارض كأنها بتعد النمل
ريم /انا حره امشي زي ما انا عاوزة انت مالك اصلا يا بارد
زين /احترمي نفسك يا بت انتي انا محترمك بس عشان انتي بنت واخت صاحبي
ريم بعند /انا محترمه غظبا عنك يا بتاع انت وطلعت لسانه ومشت
زين اتصدم من حركتها دي و كان لسه هيتكلم بس ريم سابته ومشت وهو بص في اثرها لغايه لما اختفت خالص
زين ابتسم علي تصرفاتها اللي شبهه الأطفال وبعد كدا مشي هو كمان وراح اوضه محمد
زين خبط علي الباب وبعدين دخل
زين بابتسامة /ايه يا صاحبي عامل ايه
محمد بابتسامه /الحمد لله يا كبير... انت عامل ايه واخبار الشغل ايه
زين ملامحه اتغيرت وسكت
محمد باستغراب /فيه ايه يا زين
زين طلع الظرف من جيبه ووراه لمحمد
محمد باستغراب /ايه دا
زين /افتحه وانت تعرف
محمد فتح الظرف واتصدم من الصور اللي شافها وكمان شاف الرساله
محمد /دا معناه...
زين /ايوة فيه ناس في القسم بتنقل كل الأخبار للزعيم مش بس كده الناس دول رتبتهم عاليه انهم يقدروا يعرفوا معلومات بالاهميه دي وخصوصا ان اخر عمليه مكنش فيه غير كام شخص بس اللي يعرفوا المعاد بالظبط والمكان والباقي عرف المعلومات قبل العمليه بدقايق
ودا معناه ان العمليه اللي تمت دي كانت فشنك
محمد باستغراب /يعني ايه
زين /يعني كانت لعبه من الزعيم مش اكتر عشان يقلنا انه مهما حصل هو دايما سابقنا بخطوه والدليل علي كده ان البضاعه اللي مسكناها في العمليه دي كانت قليله جدا علي عكس المعلومات اللي جت لينا وكمان عدنان اللي اتقتل في السجن
محمد /دا معناه اننا لازم نعرف مين هما الناس دول وفي اسرع وقت
زين /احنا لازم نفكر كويس قبل ما نتحرك اي خطوة ونختار الناس اللي هنتعامل معاهم
لان الكل دلوقتي موضع اتهام
محمد /معاك حق يا زين
زين كان لسه هيتكلم بس سمعوا صوت خبط علي الباب
محمد /ادخل
الباب اتفتح ودخل فارس
فارس /ازيك يا محمد
محمد بابتسامه /الحمد لله يا فارس اتفضل
فارس دخل وقعد علي الكرسي اللي جنب زين
فارس بابتسامه مزيفه بص علي زين /ازيك يا زين
زين /تمام
وبعدين فارس وجهه كلامه لمحمد /حمد لله علي سلامتك
محمد /الله يسلمك يا فارس تسلم
فارس /ها ايه اخبار صحتك دلوقتي
محمد /الحمد لله بقيت احسن
________________________
ريم سابته ومشت وفضلت تشتم فيه
ريم لنفسها /دا ايه البني ادم اللي برأس كلبه دي....
وبعدين كملت بضحك /بس ايه يخربيت حلاوته امه الواد مز ولا عضلاته يا خرابي يا جدعان
وكملت بضحك وربنا انا عبيطه انا مش كنت بشتمه من شويه ههههههههه
يلا ابطل هبل بقا واشتري العصير واروح اشوف الواد محمد
ريم راحت الكافتيريا بتاع المستشفى واشترت عصاير كتير وبعد كده راحت الاوضه تاني عند محمد
_______________
في اوضه محمد
محمد كان قاعد هو وزين وفارس وبيتكلموا وفجأه الباب اتفتح
ريم بضحك /ولا يا محمد انا.....
ريم ملحقتش تكمل كلاهما واتصدمت لما بصت ولقت زين والشخص قليل الادب من وجهه نظرها
ريم بصدمه /انت ايه اللي جابك هنا
محمد /انتوا تعرفوا بعض
ريم بجمود /لا
فارس بابتسامه خبيثه /انا جاي أزور صاحبي
ريم اتصدمت لما لقيته صاحب محمد
زين كان متابع ريم من اول ما دخلت واتضايق لما بص علي فارس وشاف نظراته لريم
ريم بصت لمحمد واستاذنت وخرجت. وقفلت الباب وراها
فارس /انت تعرفها
محمد /اه... اختي الصغيرة
فارس بخبث /امممم.... تمام
وبعد شويه فارس استاذن
فارس/ استأذن انا بقا
محمد /ماشي يا فارس وشكرا علي الزياره
فارس /لا شكر علي واجب وحمد لله علي السلامه مرة تانيه
محمد /الله يسلمك
وفارس خرج
وبعدها زين هو كمان استأذن وخرج
_________________________
ريم خرجت واتنفست بهدوء وبعدين مسكت تليفونها واتصلت علي علا
علا /الو
ريم /الو يا علا انا في مصيبه
علا/اهدي يبنتي بس كده وفهميني فيه ايه ومصيبه ايه دي
ريم /فاكره الزفت اللي هزقته قبل كده
علا /اي واحد فيهم
ريم بعصبيه /الزفت اللي احنا قابلناه في الشارع
علا باستيعاب /اه افتكرته ماله دا
ريم /طلع صاحب محمد وكان عنده النهارده
علا /يخربيت كده لا وانتي وقتها قومتي بالواجب وزياده
ريم بعصبيه /يعني انا مكلماكي تعصبيني ولا تشوفي ليا حل
علا /حل لايه
ريم /لمحمد ما هو اكيد هيسال اتقابلتوا ازاي وفين وايه اللي حصل
علا /ما تقوليله اللي حصل
ريم /تفتكري
علا /اه دا الاحسن
ريم /بس خايفه يخسر صاحبه بسببي
علا /دي حاجه محمد يحددها وبعدين هو حر سوا يبعد عنه او يفضلوا أصحاب
ريم بتنهيده /خلاص انا هقوله بقا واللي يحصل يحصل
علا /ماشي يا حبيبتي مش عاوزة حاجة
ريم /سلامتك يا قلبي
ريم فضلت تفكر شويه وبعدين قررت تروح تقعد في الكافيه لغايه ما أصحاب محمد يمشوا
________________________
فارس خرج وزين خرج وراه وقرر يراقبه
فارس كان ماشي بالعربيه وعارف أن زين ماشي وراه وانه بيراقبه وقرر انه يمشي عادي
زين فضل ماشي ورا فارس لغايه ما لقي فارس رجع بيته
زين لنفسه /يا تري انت وراك ايه يا فارس انت كمان وايه للي انت مخبيه
وبعدين شغل العربيه ورجع بيته
في بيت زين
زين /انتي فين يا ماما
مرفت بحب /انا هنا يا حبيبي في الاوضه
زين راح اوضتها ولقاها بتقرا قران
زين قرب ومنها وبعدين نام علي رجلها وهي بدأت تحسس علي شعره
مرفت بابتسامه /مالك يا حبيبي
زين /جعان نوم
مرفت /طب يلا يا حبيبي وانا هجهز الاكل وكل وبعدين نام
زين /ماشي
مرفت /اخبار محمد ايه
زين /الحمد لله يا حبيبتي بقا أحسن انا لسه جاي من عنده
مرفت /ربنا يشفيه يا حبيبي ويحفظكم يا رب
زين /تسلميلي يا حبيبتي... يلا انا هغير بقا علي ما تجهزي الاكل
مرفت /ماشي يا حبيبي
ومرفت جهزت الاكل واكلت هي وزين وبعدين زين دخل ورمي جسمه علي السرير
وكان بيفكر في ريم وفي اول مكالمه بينهم ولما شافها اول مرة وافتكر طريقتها المضحكه وهي داخله الاوضه وابتسم لا إرادي
زين /انتي ايه حكايتك يا ريم ان كمان ولا شكلي هحبك ولا ايه
وبعدين استسلم للنوم
_________________
ومرت الايام ومحمد خرج من المستشفى وبقا كويس وقدر يرجع شغله تاني
وياسين ووعد بقوا أقرب اتنين لبعض وبقوا أصحاب جدا ويبقوا مع بعض في الشركه وبيتكلموا لما بيروحوا
وحنان لسه بتفكر في محمد ومحمد كذالك وبيتبسط لما بيشوفها الصبح قبل ما بتروح الشغل
ورحيم لسه بيحاول يقرب من حنان
وزين باله مشغول بريم وبقا بيحاول يعرف عنها كل حاجه ولسه بيحاول يعرف مين الزعيم
أما ريم فبدات تعجب بزين من كتر كلام محمد عليه وبدأت تحس ناحيته باحساس غريب
____________________
في شركه الجرحي
رحيم كان قاعد بيفكر في حنان وانه خلاص لازم يعترف ليها بحبه وفجأه الباب خبط
رحيم /ادخل
حنان /استاذ رحيم.. لو سمحت محتاجين امضتك
رحيم بهيام وهو بيبصلها وبيبتسم /ماشي
حنان اديته الورق وهو اخده منها ومضي عليه وحنان خدته ولسه هتخرج وقفها صوته
رحيم /حنان
حنن بصت ليه /نعم
رحيم قام من مكانه وراح ناحيتها /انا..
يتبع الفصل الثالث عشر اضغط هنا