رواية وخضعت للحب الفصل الثامن عشر 18

الصفحة الرئيسية

رواية وخضعت للحب الفصل الثامن عشر 18 بقلم اروي الشرقاوي

رواية وخضعت للحب

رواية وخضعت للحب الفصل الثامن عشر 18

أخذها وذهب إلى بيته
روان بتعجب:مين الموزه ديه ياحزنك ياروان أخوكى بيصاحب بنات وبيجبهم البيت كمان قوليلى ياختى عجبك فيه إيه ده
حسام:روان ياله ادخلى نامى مش عايز أعرفك تانى
روان بشكل كوميدى :وإنتا مفكر أنى هعرفك تانى مثلا انا هاخد حاجتى وألم عيالى وأسيبلك البيت ليه اهل تتعارك معاهم
حسام بصدمه :روان حبيبتى أنتى هبله عيال مين إحنا مخلفناش أصلا
روان بضحك :ياله يا اهبل هتخلف من اختك إزاى
حسام بخضه :يخربيت كده ياهبله
روان تمثل الحزن :أختك ولا الموزه ياطه
حسام :الموزه طبعا
عائشه بتضحك بشكل هستيرى :لا بالله عليكم كفايه هموت منكم
حسام بخضه :بعد الشر
روان :حونين قوى الواد ده
عائشه :ياكسوفى
حسام :إخرصى بقا عائشه مراتى
روان بأستنكار :ده ألى هو إزاى ده
حسام :قبلنا بعض حبينا بعض أتجوزنا
روان :بسيطه يالهوى على البساطه ياجدع مش عارفه انا مش فاهمه ازاى
عائشه :قابلنى فى مطعم واتجوزنا وروحت بيت أهلى جيبت حاجتى وجيت معاه على هنا بس تقريبا بابا إتشل من الى عملته
روان :اه قولى كده يعنى هربتو يامراهقين
طب ومروحتش شقتك ليه ياخويا
حسام :مش نضيفه ياله زى الشاطره كده روحى نضفيها
روان :نعم ناس تتجوز وناس تنضف متخلى عم عبده يشوفلك حد ينضفها ياخويا وانا مالى يالمبى وبعدين ماالشقق كتير فى العمار متقعد فى أى واحده فيهم
ولا نروح نسكن الفيلا
عائشه :فيلا ايه وشقق ايه
روان وكأنها تتسابق فى الكلام مع احدهم :مقولتلهاش ان العماره دى بتاعتنا وإننا عندنا فيلا بس قفلناها من عشر سنين بعد موت بابا وماما سبب وفاتهم بابا خسر فلوسه كلها ومات ماما ماتت وراه لانها كانت بتحبه بعدها حسام خلص تعليمه سافر لندن واشتغل وتعب وعمل شركات تانى وانا قعدت هنا لوحدى بعدها سافرت ليه لندن ورجعنا هنا تانى وحسام نقل شغله هنا يعنى جوزك رجل أعمال قد الدنيا ياختى
عائشه بصدمه :يعنى أنتا مش فقير زى مافهمتنى
روان :ماتتكلم ياخويا
حسام :هو إنتى مديه لحد فرصه يتكلم عائشه هفهمك
روان :مش عايزه افهم ولا زفت ضحكت عليا وخلاص
حسام :لا كده كتير هتبرى منك والله
روان :عائشه ياله يابنتى نسيبله الشقه لينا أوضه نقعد فيها وفى حاكم هنمرمطه
حسام مسكها من قفاها ودخلها اوضتها وطبعا عائشه بتضحك عليها
روان باست إيد حسام :تسلم ايدك ياسيد المعلمين
حسام طلع من عندها وهو بيخبط كف على كف :مجنونه رسمى
روان طلعتله:خليك فاكره لو مطلقتش فى حاجه إسمها خلع وهبهدلك فى المحاكم
وقفلت الأوضه ودخلت
حسام بذهول وهو بيص للأوضه :البت دى ازم اكشف عليها عند دكتور
عائشه وهى بتضحك :لا بصراحه اختك دى عسل مطلعتش زيها ليه
روان من ورا الباب :تسلمى يامرات اخويا ياغاليه
حسام شد عائشه من إيديها ودخل اوضته
حسام :بصى انا مش هقولك ليا حقوق والكلام ده لان اكيد لسه متعودناش على بعض هديكى فرصه تعرفينى وبعد كده نتعامل كأى زوجين
عائشه :فى حاجات انا مش فاهمها لما أنتا غنى مقولتش ليه
حسام :حسيت إنه مش هيفرق معاكى فى حاجه ومقولتش لترفضى تتجوزينى لما تعرفى أنى غنى
عائشه :طب ليه كل ده إنتا غنى يعنى تتجوز ألى تشاور عليها
حسام :والأخت جايه من خربتها ولا أيه
عائشه :الله دنتا بتقلش زينا وحلو اهوه
حسام :دنا هبهرك والله دنا عليا جمل تهبل
عائشه:دلوقتى هتنام فين ياشبح
حسام :انا جوزك بردك جمبك على السرير ومتخافيش انا مؤدب
عائشه لنفسها ؛احيه اخاف منك المفروض انتا إلى تخاف على نفسك ياخويا والله
عائشه :خلاص أنتا زى جوزى نام ونحط مخده مبينا
حسام :وهو كذالك
وقامت بتبديل ثيابها فى الحمام الملحق بالغرفه وانتظرت حتى اتم هو ايضا تغير ثيابه وبعدها خرجت
حسام بشرود:يخربيت كده ياشيخه بقولك انا رجعت فى كلامى ينفع
عائشه بعدم فهم :كلام إيه
حسام :كنا نعمل الدخله انهارده وبعد كده نتعرف براحتنا
قامت بقذف الوسائد عليه وبعد ذلك خلدو للنوم
**
تحدث مع ياسين فى الداخل وطلب من ياسين أن ينتظره فى الداخل
ادهم بحزن هو من فعل ذلك لم يثق فيها :ميرال لازم تسمعينى
ميرال بحزن :أسمعك وده من امته انا سمعتك كتير أوى ياأدهم كتير بس إنتا شكلك نسيت بس
أدهم :بس إنتى كمان ياميرال موثقتيش فيا وقولتلى ياسين على ألى بتعمليه وأنا إعتبرتينى مش موجود ليه ياميرال قولتلك بحبك
ميرال :الحب ثقه ياأدهم
ادهم :وليه أنتى موثقتيش فيا وإختبرتى حبى
ميرال بزعيق :أنا مبحبكش أفهم بقا
أهم بنفس مستوى صوتها :مش هفهم ياميرال
ميرال :خلينا فى المهم دلوقتى
ادهم:إيه هو المهم
ميرال :احنا هنلغى الشراكه
ادهم :ليه مهو إحنا مفيش بينا شر
ميرال بنفاذ صبر :لا كده كتير عليا هو انا كنت بعمل الليله دى ليه لعبه مثلا بتسلى
ادهم ركز معايا إحنا هنلغى الشراكه وهتاخد الشرط الجزائى كمان
ادهم :انا مش عايز منك فلوس
ميرال :أدهم ركز مع بالله عليك إحنا هنجتمع مع بعض فى الشركه عندى ياسين هيفضل مختفى
أهم :فى ايه فى دماغك ياميرال
ميرال :كل خير بس تعمل كده بس تيجى لوحدك وانا وانتا ومحاسب فى الشركه بس
ادهم :انا مش فاهم حاجه
ميرال :مش لازم تفهم ياأدهم المهم تعمل زى مابقولك
أدهم :غريبه دماغك دى محدش يعرف تفكيرك هيوصلك لفين ياميرال بس هيجى يوم وأفهمك واعرف تفكيرك
ميرال:صعب تفهمنى ياادهم ياله نمشى من هنا
خرج ياسين
ياسين :سلام عليكم بقا رايح مكانى
ادهم :بقا ليك مكان هنا
ياسين :طبعا يابنى انا هتجوز بنتهم وكده بيحترمونى
ميرال :ياسين
ياسين :هو الكلام بقا عليه جمرك كمان بنهزر ياجدع
ميرال :طب هزر براحه وعلى قدك ومش إما أختى توافق عليك الاول تبقى تشيل مناخيرك وتعيش الدور كده
ياسين :لا أختك قبلها أبيض وهتسامحنى
ادهم :مش زى ناس
ميرال بضحك :فعلا أنا قلبى مش أبيض لأنى بعتبر نفسى حاله خاصه حاجه مش هتتكرر تانى
أدهم بحب :عندك حق مفيش غير ميرال واحده بس
ياسين :حساس ورقيق الواد ده
ميرال :ياله ياادهم ولا حابب تكمل الليله هنا انا معنديش مانع
ادهم بنفى :لا جاى معاكى بس كده مش هيشفونى معاكى وتبقى مشكله
ميرال بضحك :ودى تفوتنى بردك انا عامله حسابى جيبالك شنب ودقن ونظاره خد حطهم
ياسين :هو انتى كنتى بتشتغلى مع المافيا زمان
ميرال بضحك :لا كده كتير عليا من العيله دى انجز ياادهم
وبالفعل انهى أدهم وضع الأشياء وذهب معها
وهو يفكر فى ميرال هل ستعود له يوما ما نعم يشعر ان حبه لها سوف يقدر على اعادتها له ثانيه نعم يحبها ويعشقها ولكن هو من فعل بنفسه هذا الشئ لماذا لم يثق فيها إلى متى سوف يدفع ثمن هذه الغلطه
أدهم :ميرال أنا لسه بحبك وإنتى بتحبنى الى بيحب مش بيعرف يكره ياميرال متخليش قلبك يقسى عليا
ميرال بسخريه:قلبى يقسى عليك هو ليه دايما ميرال هى إلى بيتبقى غلطانه ميرال الى بتقتل ميرال ألى بتخطف ميرال الزباله ميرال ميرال ميرال كرهت حياتى بسببكم
ليه دايما مطلوب مينى إنى اسامح الكل ومحدش يسامحنى ليه دايما بحط ليكم سبعين عذر وبقف جمب الكل
ادهم بحب :لأنك ميرال الكل اتعود منك على كده تسامحى وتغفرى وتساعدى لما بتبقى موجوده كل فرد فى العيله بيبقى مطمن فى وجودك ياميرال مش عارف قوتك جايباها منين بس كلهم بيحبوكى
ميرال :قوتى فى وحدتهم ياادهم قوتى وهوما مع بعض
ادهم :ماتكسبى فيا ثواب وتاخدنى معا بالمره فى العيله
ميرال :وصلنا اتفضل انزل ومتنساش الى قولتلك عليه ياأدهم
دخل ادهم وهو شارد ويفكر فيها حبها فى قلبه الذى يتمزق من بعدها
توفيق وهو يرتب على كتفه :هترجعلك لو بتحبك
ادهم :بابا طلعت من المستشفى إمته
توفيق :قولت كفايه تمثيل بقا واجى بيتى
ادهم بصدمه :يعنى كنت عارف
توفيق :طبعا يابنى هو انا كنت هستحمل موت أخوك
ادهم باس ايده وطلع نام وهو بيفكر فى ميرال
على الجانب الأخر عند ميرال وصلت القصر وهى تفكر هل تستطيع مسامحة ادهم هل الحب لوحده يكفى جلست فى الحديقه
تنظر إلى السماء وجدتها صافيه تمنت لو ان بعض البشر يصبحو مثل هذه السماء وقالت
(ياسماء أصبحتى صافيه بعد رحيل الغيوم والسحب هل ستصبح حياتى مثلكى ام سأظل أحارب الغيوم لكى اصبح مثلك هل سأقدر عليهم بمفردى هل سأظل مثل ماانا أقف فى وجه من يريد وضع الغيوم فى حياتى ام سأهرم ويحل عليا التعب وتنهدم عائلتى )
جاء ادم من خلفها :هتوجهى كل حاجه وإحنا معاكى
ميرال بتعجب :بتعملو ايه هنا
شادى :جاين نسهر معاكى
ميرال وهى تنظر بشك لمليكه :وشك نور الواد شادى مبيتبلش فى بوقه فوله ياجدع بس تعالى هنا مش ده إلى عايزه تنتقمى منه فجأه كده حبتيه
رفيف لمليكه :أوشى ورى من الناس فين
بيسان :انا أتكسفتلها سلف
مليكه :بس بقا إسكتو هو كويس ياميرال صح
ميرال :أه كويس أنا عمرى مافكر انهى سعدتكم انا بفكر فى إلى يسعدكم بس
ادم :خلاص ياختى عرفنا اسفين ياابو صلاح
ميرال :مشكلتى مبعرفش ازعل منكم
معاذ بشكل كوميدى :جسمى قشعر ياولاد حبايبى تعالو فى حضنى ضمونى وأنسو الدنيا ضمونى وإنسو الناس
ميرال وعينها تتركز على جردل مياه
قامت وراحت إتجاهه :صدق ياواد طلعت حونين
شالت ميرال الجردل وبسرعه غرقت معاذ بيه
معاذ :يح يح
الكل بيضحو على معاذ شاف ضحكهم راح فتح خرطوم المايه ألى فى الجنينه وغرقهم كلهم قعدو يجرو ورا بعض ويضحكو
كان ينظر إليهم بفرح وحب
كامل :كفايه كده هتبردو ياله كل واحد على اوضته بسرعه غيرو هدومكم
وبالفعل إنصاعو له وذهبو إلى غرفهم
**
فى اليوم التالى فى لندن
لاتستطيع القيام من النوم تشعر بأرهاق شديد يسيطر عليها
مازن :اسماء سوما سوسو قومى ياكسوله من النوم
أسماء :.....
مازن :إنتى يابت قومى بقا
أسماء:.....
مازن :هى البت جرالها ايه تكونش ماتت ياله الواحد يجدد
أسماء :منك لله يامازن يابن ام مازن عايز تتجوز عليا
مازن :جاتلك الفوق دلوقتى مكنتى نايمه من شويه
أسماء :فوقت علشان اشوف خيانتك ليا
مازن بتعجب :خيانه
أسماء:اه خيانه حضرتك عايز تتجوز عليا تبقى أيه
مازن :ياهبله انا عايز اجيب واحده تساعدم
اسماء :ياراجل شوف وانا ألى فهمتك غلط
مازن :علطول كده ظلمانى
اسماء :إلى هو انا صح طب قولى حلوه ولا وحشه
مازن :تفرق معاكى يعنى
أسماء:اكيد لأنها لازم تكون احسن مينى برستيجى وكده
مازن :متقلقيش حلوه
أسماء بصوت عالى :بتهزررررر
مازن :امال اسيبك تهزرى لوحدك قومى بقا ياسمسم عندنا شغل
أسماء :تعبانه يامازن مش هقدر أجى معاك
مازن بخضه :مالك ياحبيبتى
أسماء :قولها تانى
مازن:مالك
أسماء:لا حبيبتى
مازن :اسماء إخلصى مالك
اسماء :عايزه انام وتعبانه
مازن :استنى اتصل بالدكتور يجى يشوفك
أسماء :لا مفيش داعى للدكتور انا عارفه عندى ايه
مازن :عندك إيه
أسماء :حامل
مازن :طب حاجه بسيط. بتقولى أيه
أسماء:حامل
مازن شالها ولف بيها الأوضه كلها :بحبك بحبك متتحركيش من مكانك انا هبلغ الناس ألى تحت الفطار يطلعلك فوق ممنوع الحركه
اسماء :طب خد الباب فى أيدك وسيبنى أنام
وبالفعل خلدت الى النوم قبلها مازن من رأسها وذهب ألى العمل والسعاده تغمره
**
فى الشركه تجمعو لأنهاء العقد كما قالت له ميرال
احمد :ديه الفلوس ياأستاذ أدهم
ادهم :ماشى أنا مش عايز حاجه تربطنى
بالشركه بتاعتكم وحسابك معايا تقل ياميرال
ميرال :أخدت فلوسك وخلاص عايز إيه
ادهم :عايز ادمرك
ميرال:غلبان ناس كتير حاولت ومعرفتش إنتا الى هتعرف صعبت عليا
أدهم :هعرف ياميرال وحق أخويا هيرجع وقريب قووى ياميرال
ميرال وهى بتصقف :مستنيه ياأدهم
ادهم : بس اوعدك مش هخليكى تستنى كتير لان دمارك قرب
ميرال :العب على قدك وشوف بتهدد مين ياادهم دنا ميرال الجمال
ادهم :هقتلك ياميرال
ميرال :مستنيه قتلى بس مستعجله حاول تخلص بسرعه بالله عليك ودلوقتى بره شركتى خالص فلوسك خدتها أمشى بقا وورينا جمال خطوتك
ذهب ادهم وكذالك ميرال وظل الذى فرح بشده لما حدث منذ قليل
**
فى مكتب ميرال اتصل ادهم بها
ادهم:ايه رايك ممثل شاطر
ميرال بضحك :شاطر فعلا
ادهم :بس غريبه انا ممضتش على ورق إنى اخدت فلوس ولا مضيت ورق فض الشراكه
ميرال بمكر :مهو ده المطلوب
ادهم:مش فاهم
ميرال :مش لازم تفهم بس ألى عايزاه عملته وخلاص كده تمام اوى وانا ممضتش على ورق ان الشركه طلع منها فلوس حتى كاميرات المراقبه إتعطلت فى الوقت ده فى الشركه كلها
ادهم بتعجب :ليه كل ده
ميرال بخبث:هتفهم بعدين ودلوقتى إقفل عايزه أشوف شغلى
أغلقت معه ميرال الهاتف وظلت تفكر لوقت طويل ماعليها فعله
أنتهى البارت يتبع الفصل التاسع عشر اضغط هنا
google-playkhamsatmostaqltradent