رجال من التجمع ونساء من بولاق الجزء الثاني الفصل الأول

الصفحة الرئيسية

رواية رجال من التجمع ونساء من بولاق الجزء الثاني 2 الفصل الأول بقلم الكاتب محمود مصطفى (اين تهيس هذا المساء) عبر دليل الروايات "Deliil.com"

رواية رجال من التجمع ونساء من بولاق كاملة

رجال من التجمع ونساء من بولاق 2 الفصل الأول

اسلام ولاول مره بيتعصب وهو بيقول لمروه
مروه...سؤال وتجاوبي بصراحه...
" محمد كان ماسك احمد من رقبته وكاتم بوقه عشان مايتكلمش واحمد كان بيزقه عشان يتكلم"
مروه بتبص وعينيها مليانه دموع ناحيه اسلام 
الكلام الي هو بيقوله دا " بصوت عالي " حصللل !!
كان لسه هيروح ناحيه مروه ويشدها من شعرها وهو متعصب لولا الناس كانت مسكاه
بصوت اعلى
جاوبيني ....كنتي متجوزه قبل كدا ....!!
مروه بتبص ودموعها ع خدها ع محمد الي كان بيهز راسه بالنفي وهو لسه ماسك احمد وكاتم بوقه وهو بيحرك شفايفه ليها وبيقولها
ماتخربيش بيتك.....
بتبص لاسلام وهيا عينيها مليانه دموع وقلبها واجعها وبترد عليه
حصل....
محمد ف اللحظه دي بيبعد ايده عن احمد وهو بيحط ايده ع راسه وهو بيقول ف نفسه
ليه يامروه بتهدي كل حاجه.....
احمد بيوسع عن محمد وهو بيظبط الهدوم وبيبتسم ابتسامه فيها خبث ناحيه مروه واسلام ومحمد....
اسلام بيحدف كوبايه مرت جنب ودن مروه الي كانت بتبص عليها بدموعها بصه يأس وقله حيله
مش هاممها اي حاجه....
اسلام بيزعق ف مروه وهو كمان دموعه من حرقه قلبه بتنزل وهو بيتكلم معاها وبيقولها 
ليه يامروه حرام عليكي عملت فيكي ايه لكل دا....انا استحملت كل حالاتك عشان بحبك....استحملت انك حتى ماتقوليش ليا صباح الخير عشان بحبك...استحملت انك تنامي ف اوضه وانا ف اوضه عشان بحبك
مروه بترد عليه وهيا بتعيط وبتاخد نفسها
انا اسفه...والله العظيم اسفه...
اسلام بيكست شويه وبيحاول يجمع نفسه ويسطير ع دموعه وهو بيقولها
كنت بحبك...كنت بحبك يامروه...
مروه بتنهار ف البكاء وهيا مش عارفه ترد عليه ب ايه ولكنها بتكتفي انها تبكي...تكبي وبس...
اسلام بيبص ع محمد الي بيقرب منه وهو بيقوله 
اسلام انت فاهم كل حاجه غلط....
اسلام بيمسح دموعه وهو بيقوله
اهلا بالعشيق التاني....كدا الشله اتجمعت...
بيبص ع مروه وهو بيقولها
كدا ارتحتي!!!...جوزك القديم وعشيقك...بيسكت شويه...شويه كتيره ودموعه بتنزل قبل مايكمل
وانا.....طب طالما مش بتحبيني...وافقتي عليا ليه...طالما مش طيقاني اوي كدا يعني...
اسلام بيمسح دموعه وبيحاول يجمع نفسه....
مروه بتقوله بدموعها 
بس انا بحبك....
اسلام بيبص بعصبيه بعد جملتها الاخيره ليها
محمد بيفهم الجمله الجايه من اسلام ايه وبيقوله
اسلام ارجوك...ماتقولهاش....
اسلام بيبص بصه برغم انها تبان عصبيه لكن كان جواها حنين....
محمد بيقرب من ناحيه اسلام وهو بيقولها
ارجوك يا اسلام...اوعى تقولها....
دموع من عيون اسلام بتنزل قبل ما يقول
مروه....
اسلام بيمسك الدبله وبيبدء يخلعها ومروه مبرقه وهيا دموعها بتزيد ف عينيها
محمد بيهز راسه بالنفي وهو بيزعق ف اسلام وماسك ايده...
اسلام صدقني انت فاهم كل حاجه غلط...ارجوك ماتهدش كل حاجه....اسلام مروه اصلا
مروه بتبص لمحمد وهيا بتهز راسها بالنفي عشان مايكملش جملته....
اسلام بيخلع الدبله ودموعه ع خده وهو بيقولها...
انتي طالق.....بيبكي اسلام وهو بيقولها....
انتي طالق يامروه...
اسلام بيوسع ايد محمد وبيتحرك عشان يخرج بره المطعم دا....
مروه ف حاله صدمه من الجمله...مروه كان ف خيالها اي حاجه ممكن تتقال...زي مروه انا بكرهك...مروه انا مش بطيقك...مروه احنا ماننفعش بعض....
محمد بيقرب بسرعه ناحيه مروه وهو بيكتب ف ورقه لجرسون ع اسم دوا وبيقوله 
بسرعه اخرج لاقرب صيدليه هات الدوار بسرعه...
مروه كانت شبه منعزله عن الدنيا ومحمد جنبها وهو بينده عليها
مروه..يامروااااااا....
مروه فضلت تضحك ضحك هيستيري....وهيا بتقول
طلقني....طلقني....طلقني...
مروه ابوس ايدك بلاش تنتكسي تاني...
الجرسون رجع بسرعه ومعاه الدوا ، محمد طلع الدوا واداه لمروه الي بصلته بعد ما اخدت الدوا
 وهيا بتعيط وبتقوله
دا طلقني..،طلقني يامحمد....طلقني....
اهدي يامروه طيب وكل حاجه هتتحل....
بتعيط عياط. هيستري وهيا بتقول كلمه واحده بس
طلقني...طلقني....
محمد بيبص بعصبيه ناحيه احمد الي كان بيشرب حاجه ساقعه وهو بيبص ب ابتسامه خبيثه ناحيه محمد ومروه....
محمد بيقول لمروه تعالي اروحك يامروه....
بفرحه زي العيال الصغيره بتقوله ....
هتوديني لاسلام صح....هروح لاسلام صح....انا وحشته صح...
محمد ف اللحظه دي عينيه بتدمع وهو مش عارف يقولها ايه....
مروه بتقول لمحمد وهيا بتعيط
انا عمري ماهزعل اسلام تاني والله...انا اسفه لو زعلته قبل كدا انا اسفه والله...هو بيحبني...هو مقالش انتي طالق...هو قال انتي حبيتي صح...قال كدا صح....
محمد عينيه بتدمع اكتر وهو بيقولها
تعالي يامروه اروحك....
مروه بتروح معاه وهيا ف الطريق بتقوله وعينيها بتدمع
بس دا مش طريق بيتنا...دا مش طريق اسلام....
محمد بيمسك نفسه وهو بيقولها
هنروح الاول لمامتك نسلم عليها وبعدين نروح لاسلام
لا انا عاوز اروح لاسلام ، جوزي...وحشني اوي....والله وحشني....
محمد وبرغم عينيه بتدمع بس بيمسك نفسه وهو بيقولها
حاضر بس هنروح الاول لازم لمامتك نسلم عليها وبعدين نروح لاسلام....
مروه بتسند راسها ع ازاز العربيه وهيا بتقول كلمه واحده
اسلام......
لما روحت عند مامتها كانت مروه كل شويه تسال هنروح عند اسلام امتى!!....لحد ما محمد قالها مش النهارده يامروه مره تانيه...
مروه اتعصبت وفضلت تشد ف شعرها وبتزعق انا عاوزه اروح لاسلام...والله هو بيحبني...بيحبني بس زعلان مني شويه....
محمد كان عامل حسابه وجايب حقنه مهدئه للاعصاب ف الحالات الي زي حالاتها 
مروه بدءت تهدى شويه بعد الحقنه... وتنام ولكن كان ع لسانها كلمه واحده بس....
اسلام....
اسلام لما روح البيت ... البيت المره دي كان موحش...كان فاضي....كان ع الاقل بيلاقي حد بيتكلم معاه وحتى ان ماكنش بيحبه...بس فيه نفس معاه....اسلام بيتمشى ف الشقه وهو بيتخيل هنا كان بيعملو ايه...وهنا كانو بيعملو ايه...اسلام فتح باب الحمام وغسل وشه وهو بيغمض عينيه كان بيتخيل ف اي لحظه انها تفاجئه زي لما كانت بتعمل...بيفتح عينيه بيلاقي فراغ تام....
حط جسمه ع السرير...كان مستني ف اي لحظه انها ترن الجرش وترجع....وهو يحضنها ويقولها انك وحشتيني برغم كل حاجه...اني بحبك برغم كل حاجه...اسلام حضن المخده ودموعه كانت بتسيل ع خده.....
عدى يوم واتنين وتلاته...ولكن يا الله انها ايام ثقال....سواء ع اسلام الي برغم كل حاجه كان اتعود عليها...ومروه الي ماكنتش بتعمل حاجه غير انها نايمه السرير ومش ع لسانها غير كلمه اسلام...
كانت بتفتح صور اسلام عشان تحضنها وتتكلم معاها كانها اسلام....كل حاجه بالنسبه لمروه اتوقفت معدا اسلام....
بعد اسبوع تقريبا ف الليل محمد عدى بيت مروه عشان يطمن عليها....
والدتها قابلته وهيا باين عليها اثار البكاء والزعل ع حال بنتها
هيا عامله ايه ياماما دلوقت....
زي لما سبتها يا ابني....هاريه نفسها عياط  ، بس انا زعلانه من اسلام
حكم عليها من غير مايفهم اي حاجه
دي كانت رغبه مروه ان اسلام مايعرفش واي حد مكان اسلام كان هيعمل كدا...90 ف الميه من الناس بيكون عندهم حكم مسبق
بتهز راسها وهيا بتقول للدكتور محمد
كنا مصدقنا خلصنا من الكابوس الي اسمه احمد....
ربنا يستر ياماما...ربنا يستر...هيا بتاخد ادويتها....
بالعافيه يابني....
لاحول ولا قوة الا بالله....
وع الجانب الاخر كان جرس الباب عند اسلام رن...اسلام كان بيجر رجله حرفيا من السرير عشان يشوف مين لانه ماكنش عاوز يتحرك من السرير...
بيفتح بيلاقيه عم محمد البواب
خير ياعم محمد!!
خير يابني ، انت بقالك كذا يوم محدش شايفك ولا حتى المدام جات معاك قلقت عليك وقولت اطمن عليك...
اسلام حس نفسه حرفيا وحيد لدرجه انه لو مات محدش هيحس بيه!!
ابتسم ابتسامه مكسوره وهو بيقوله...
فيك الخير ياعم محمد...انا كويس 
استاذن انا بقى...
استنى ياعم محمد....انا عاوز اتكلم معاك...
تحت امرك يابيه
خش ياعم محمد...خش....
ع الناحيه التانيه بعد ما الدكتور محمد قعد شويه مع ام مروه قالها
 ممكن ادخل اطمن عليها قبل ما امشي....
اه يابني اتفضل....
الدكتور محمد خبط ع باب غرفتها وهو بيقولها....مروه انتي صاحيه....
مافيش صوت من مروه خالص....
بيفتح النور...بيلاقيها نايمه....بس الوضع كان مريب...بيقرب اكتر بيلاقي فيه علبه دوا من ادويتها مفتوحه ومتاخده كل الحبوب منها وجنبها جواب فيه جمله واحده
خلو اسلام يسامحني....
محمد بيبرق وبيزعق وهو بيشيل مروه وبيقول اتصلي بالمستشفى بسرعه خليهم يجهزو غسيل معده بسرعه
مامتها بخوف وقلق بترد
ليه يابني ف ايه ؟!
مروه بتنتحر...
امها رجلها مش بتقدر تقف عليها من الصدمه ف محمد بيطلع الموبيل وبيتصل وهو شايل مروه وبيطلب عربيه اسعاف مجهزه تقابلهم ف الطريق وهو بيزعق ف مروه
لييييه يامروه بتعملي كدا لييييييييه....
اسلام بعد ما بيحكي الي حصل لعم محمد بيقوله
عارف ياعم محمد...انا أوقات كتيره كنت عاوز اموتك
الله يكرمك يابيه...
بس عارف
عم محمد مشاعره بتتهز لما بيبص ع عيون اسلام الي بتتملي بالدموع ، ودموعه بتنزل منه وبيقوله
ايه يابيه ، ايه يابيييه ليه الدموع دي يابيه...
اسلام بيكمل الجمله وهو بيعيط وبيمسح دموعه الي بتنزل ع خده ب ايديه.....
انا عاوزك انت الي تموتني ياعم محمد ، عاوزك تموتني....ومسامحك والله....مسامحك.. يتبع الفصل الثاني اضغط هنا
google-playkhamsatmostaqltradent