رواية رجال من التجمع ونساء من بولاق الفصل التاسع 9

الصفحة الرئيسية

رواية رجال من التجمع ونساء من بولاق الفصل التاسع 9 بقلم محمود مصطفى 

رواية رجال من التجمع ونساء من بولاق كاملة

رجال من التجمع ونساء من بولاق الفصل التاسع 9

مروه انتي حبيتي اسلام ؟!
مروه بتبص لمحمد وعينيها فيها دموع 
سبني يامحمد انا عاوزه افضل لوحدي شويه...
بحزن محمد قالها
يعني حبتيه !...
محمد ، عشان خطري ، عشان خطري سبني لوحدي....ممكن!!
بتقعد مروه ع كرسي جنب باب غرفه الطوارئ الي فيها اسلام
ومحمد بيطلع النضاره الشمس ويلبسها ويقرب من باب زجاج باب غرفه الطوارئ وبيقول لمروه 
ع ما اعتقد اني ماليش لازمه هنا
مروه بتبص عليه بحزن
هتمشي وتسبني دلوقت ؟!
انا ماليش لازمه هنا...
اسلاااام....
بحزن مروه بتقوله 
ماله ؟!
ماتخفيش ، هيبقى كويس ان شاء الله تعالى...طالما بيتحرك وفاكرك وفاكر الدنيا حواليه...يبقى الحمد لله قدر ولطف...
اناااا بقى... اناااا ، ماليش لازمه...لازم امشي...
بحزن مروه بتقوله...
طب اناااااا...انا اسفه....
بيتنهد محمد وهو بيقولها
ع ايه...ع ايه يامروه بس...ابقي خدي بالك من نفسك...
محمد ماتزعلش...
مش زعلان..." تنهيده قبل ما يقول " ربنا يطمنك عليه....عن اذنك....
بيتحرك محمد من ادام مروه الي ماكنتش عارفه تبكي ع ايه ولا ايه وسع شويه كدا ولا ع ايه...
مروه بقت لوحدها حرفيا 
مافيش حد جنبها....اسلام جوزها مش طايقها وعاوز يطلقها وف غيبوبه وحالته كرب يعني وبين محمد الي سبها...
مروه وهيا لوحدها وقاعده ع الكرسي الي جنب غرفه طوارئ 
حطت ايديها ع عينيها  وقعدت تبكي...وحزن جاب حزن ، ووجع جاب وجع...
وكسره نفس جابت كسره نفس....
وكٲن حزن واحد لايكفيك...
الممرضه خرجت من عند غرفه اسلام بس كانت ايه...
ممرضه زي ما الكتاب بيقول حاجه كدا هيفاء وهبي ع نانسي ع صافيناز
ميكس كله أبطال...
مروه مسحت دموعها وجريت عليها زي الطفله 
طمنيني عليه يادكتوره عامل ايه دلوقت...
قوليلي يا نادين حبيبتي من غير دكتوره ولا حاجه...وهو كويس الحمد لله...استاذنك بلاش تدخلي دلوقت عنده...
ليه ، ليه ، ليه ، لييييه ؟!
ايه ياحبيبتي كل ليه دي!...هو عشان تعبان دلوقت ولما شافك ضغطه علي...تقريبا كانت فيه مشاكل بينكم...احنا عاوزينه يرتاح حاليا عشان نقدر نعالجه...
هو لهجتك مش مصريه تقريبا صح
ايوه انا من لبنان..
اه... طيب يعني هو  عامل ايه...يعني ايه الي عنده
ماتقلقيش كل المؤاشرات كلها كويسه ممكن يحتاج شويه علاج طبيعي...وهتلاقي حصان بيجري قدامك 
يااارب...طب اقدر اشوفه امتى...
اديله يومين كدا او تلاته...ممكن تروحي ولما يتحسن اكلمك تيجي 
انا مش هتحرك من هنا...مش هسيبه...
وجودك هنا هيبقى تعب عليكي....
مش هسيبه بقولك انا هفضل هنا...لا مش هسيبه...
طيب انتي ادرى برضو...عن اذنك...
اتفضلي يادكتوره...
قولنا ايه ؟؟
يانادين حاضر...
بتمشي نادين ناحيه غرفه اسلام وبتفضل جنبه...عشان لو حصلت مشكله ولا حاجه تقدر تساعده
ومروه كانت بره...والدكاتره كلهم خرجو وقالولها ممنوع منعا باتا تدخل عنده الا لما صحته تتحسن وهما يقولو ليها انها تقدر تدخل عنده والا هيحملوها المسؤليه كامله لو جرالو حاجه....
مروه قالتلهم حاضر مش هدخل عنده خالص...انا هبقى قاعده هنا....ممكن ؟!
ممكن...
وهيا قاعده جنب الغرفه بس كانت ودنها مع نادين واسلام...
بس ماكنش ف بال مروه غير حاجه واحده 
يارب يا اسلام لو عجبتك نادين دي تتعمي وماتشوفش تاني...ماله القصر العيني مش فاهمه انا يعني!
لازم مستشفى خاصه وغاليه ومصاريف وقال ايه محمد انا ليل علاقتي ومش عارف ايه...انت مالك انت اصلا احنا بنحب القصر العيني قصر معانا ف ايه دا !
بتقوم بتبص من بعيد ع نادين بتلاقيها قاعده وحاطه رجل ع رجل ووركها باينه وشعرها ناعم مفرود ع جسمها
اه هو دلوقت اسلام هيفوق يفتكر نفسه دخل الجنه..ودي الحور العين!
اقوم انا هاجمه عليه افكره انه لسه ف الدنيا يموت فيها ويرتاح بقى....حسبي الله فيك يامحمد
يعني وقت ماتحب تخدمنا تحرق دمي كدا!
مروه بتقعد ع اعصابها بره 
ياما نفسي اجيبك يانادين من شعرك...وايه الشعر دا....ايه الطول دا!
لا بس اسلام بيحبني...اكيد مش هيبص ع واحده غيري...مش كدا يا اسلام ولا هتغدر بيا ولا ايه ؟!
بتسمع صوت اسلام بدء يفوق
اااااع يا راسي...انا فين
هششش انا جنبك هون...
مروه بتتريق ع نادين
جنبك هون!...ما انتي كنتي بتتكلمي مصري أحسن مني!...لسانك اتعوج دلوقت !!
ايه الي حصل !
مافي شئ...انت ريح بس وكل شئ بيكون بخير...
اسلام بيبص ع نادين وبيقولها 
انا دخلت الجنه مش كدا
مروه بره ع اعصابها
اااااه ومالو ياحبيبي...ومالو...
بتضحك نادين بصوت عالي شويه
مروه بتقولها وهيا بره
مقالش حاجه تضحك ع فكره وع فكره جوزي دمه سم يعني بتضحكي ع ايه مش فاهمه انا !
انا عاوز اشرب 
اسقيك من عيوني...
لا انا عاوز من الميه الي هناك دي
عيوني ياقمر انت
مروه ع اعصابها 
هقتلهم...هدخل اقتلهم....
انا فاكر اني لمحت مروه مراتي
مروه بتبتسم انه قال اسمها وقالت 
مش قولتلكم بيحبني
نادين ردت ع اسلام
اي بس هيا مشيت ...
مروه بتقول ف نفسها...
اكيد هيقول وحشتني عاوز اكلمها
لكن اسلام رد
يلا الحمد لله
مروه بترد ع اسلام
كدا ياسولم...ياخساره ع سندوتشات الكبده ...يعني عشان نكدت عليك ف الايام الي فاتت تبعني كدا..صدق الي قال مطمرش فيه الشكولاته جابلي الحكايه ع بلاطه...
نادين كانت مهتمهب اسلام تأكله وتشربه وتسنده لو هيروح الحمام...وكمان كان لازم يتحرك ويمشي ف المستشفى عشان يبدء يحرك عضلات جسمه
ف كانت نادين بتسنده واول مره خرج فيها من غرفته ونادين كانت حاطه ايده ع كتفها
وهيا مسكاه من وسطه وتسنده عشان يمشي...
مروه لما شافتهم كدا...
كانت عاوزه تجيب نادين من شعرها تمسح بيه بلاط المستشفى 
لكن اول ما شفها اسلام قالها
انتي لسه هنا ؟!
مروه قالتله 
المفروض اكون فين...
ف البيت ، مع محمد...
بس انا...
مروه بعد اذنك انا مش عاوز اشوفك ادامي...ممكن ؟!
روحي يامروه
مروه عينيها بتدمع وخصوصا انها اول مره تتحط ف موقف محرج وقدام حد غريب عليها زي نادين
طب انا اسفه
بعد اذنك يامره انا تعبان...تعبان والله...روحي عشان خطري.....روحي عشان خطر اي حاجه
طب ، طب انا ممكن اسندك وامشيك وهروح والله العظيم...
لا...انا مرتاح كدا
بحرقه مروه بترد عليه
مرتاح كدا ؟!
ايوه وبعد اذنك يامروه...بعد اذنك " عين اسلام بتدمع "مش عاوز اشوفك ادامي
" نادين بتمسح دموع اسلام من ع خده وهيا بتطبطب عليه "
مروه كانت حاسه نفسها هتتشل وهيا بتشوف المنظر دا ادامها...
وانا مش ماشيه يا اسلام...مش همشي...
اووووف...يلا يانادين
يلا ياقمر...
يوم ورا التاني وكانت نادين لازم تمشي اسلام عشان يبدء يفوق من الي حصله وكل مره يخرج فيها يشوف مروه وهيا بتبصله بحزن  لكن ماكنتش بتتكلم...
وف مره باليل ع 3 الفجر كان دخل الحمام ولكن الفضول غلبه يشوف مروه بتعمل ايه
خرج بره غرفته لاقها نايمه ع الكرسي وراسها معوجه 
لا اله الا الله...ما قولتلك تروحي وتنامي ف بيتك مرتاحه...
بيقرب منها ويهمس ف ودنها
مروه...مروه قومي نامي ع السرير...انا خلاص نمت شويه حلوين مش عاوز انام تاني..
مروه يدوب بتفتح عينيها لكنها كانت فاكره نفسها بتحلم واترمت ف حضن اسلام وهيا بتقوله
انا بحبك اوي...
اسلام برق شويه
مروه قولتي ايه من شويه ؟!
مروه انتي نايمه ؟!
مروه!!!
بيرجعها تاني للوضع الي كانت فيه وهو بيقول 
اكيد مش ليا اكيد كانت بتحلم بمحمد الواطيه دي
جاب كرسي تاني قدامها ومد رجلها عليه 
اجيب غطى كمان عشان هتبرد...
بتصحى من النوم مروه وهيا بتقول لنفسها
هو اسلام جاني وانا نايمه ولا ايه...بتصحى بتلاقي غطى عليها وكرسي تاني قدامها ودلع يعني
بتبتسم وهيا بتقول 
بيحبني الواد دا...
بتقوم من النوم وتدخل تلاقي نادين بتاكل اسلام 
اسلام بيقولها
انتي ايه الي جابك انا قولتلك اني مش عاوز اشوفك
مروه بتقوله بعصبيه
يعني انت خلاص مابقتش تحبني يا اسلام ولا انت من الاول ماحبتنيش عموما انا ماشيه خليها تنفعك نادين دي خرجت مروه من غرفته...
بعصبيه اسلام بينادي ع مروه
تعالي يامروه...تعالي كدا
 نادين بتقول لاسلام
 انت ضغطك بيزيد واحنا ماصدقنا ان كل دا يتظبط
اسلام بيبص ع  نادين الي كانت بصتها كانت فيه رقه وحنيه الي كان نفسه يشوفها ف مراته مروه
على صوته اكتر اسلام 
تعالي يامروه بقولك
مروه بتدخل من باب غرفته تاني بعد ما كانت خرجت وعينيها بتدمع
عاوزه تعرفي انا بتجنبك ليه ومش عاوز اشوفك ليه ؟!
تمام افتحي شنطتك...
مروه بتبص ب استغراب ناحيه اسلام
افتحي ، يامروه ، شنطتك.
مروه بتفتح شنطتها...
 هتلاقي جواب ف ركن شنطتك ، دوري عليه هتلاقيه
مروه بتقلب ف الحاجات الي كانت ف شنطتها لحد ما تلاقي ورقه مطبقه ف شنطتها
بتبص ناحيه اسلام
افتحيها يامروه واقريها بصوت عالي بعد اذنك
مروه بتبدء تقرءها وهيا بدءت تتماسك شويه
عارفه...انا طول عمري بسال نفسي ايه الفرق بين الحب والعشق
كنت فاكر ان الاتنين واحد
" اسلام عينيه بتدمع والدموع بتنزل ع خده "
لحد ما اتجوزتك ، عرفت الفرق ساعتها
" مروه هيا كمان عينيها بتدمع وهيا بتقرء ولكن بتكمل قرءه الجواب "
اكتشفت ان الي بيحب ممكن عادي يكره...انا بحبك النهارده بكرهك بكره
او بحب حد تاني غيرك...
لكن العشق....
" بتاخد نفسها من الدموع "
العشق هو انك تتنفس الشخص الي بتعشقه...مابتشوفش غيره
بتنام تحلم بيه ، تصحى تحلم بيه....
وانا بتنفسك يامروه "
اسلام بيتكلم والدموع ف عينيه
انا كنت بعشقك يامروه....كنت....
مروه بترد عليه 
كنت يا اسلام...
ايوه يامروه...عارفه كتبتها امتى...لما زعلتي مني عشان كان وريا شغل وسبتك وكنتي زعلانه مني...
قولت اعملها مفاجاءه ليكي لما تفتحي شنطتك ف اي وقت تقريها...
عين اسلام بتدمع....
مروه بتقول بصوت واطي 
بس انا بحبك...
اسلام بيبصلها وبيقولها
بتقولي ايه
بقولك
ايوه ؟!
بحبك....
google-playkhamsatmostaqltradent