رواية رجال من التجمع ونساء من بولاق الفصل الثامن 8

الصفحة الرئيسية

رواية رجال من التجمع ونساء من بولاق الفصل الثامن 8 بقلم محمود مصطفى 

رواية رجال من التجمع ونساء من بولاق كاملة

رجال من التجمع ونساء من بولاق الفصل الثامن 8

ناس بتجري كتيره ف الفرح ف منطقه بعيده مروه بتاخد بالها وهيا جنب محمد وبتساله
هو ف ايه ؟!
محمد بيهز راسه بالنفي وبيقولها
مش عارف .. ثواني اما اسال حد 
لو سمحت ياكابتن ف ايه ؟!
مش عارف والله يا استاذ بيقولو فيع شخص مات هناك باين
قلب مروه بيدق من الخوف من ان الي ف بالها يطلع صح وبتجري معاهم وكمان محمد بيجري عشان يشوف ف ايه
برغم ان المسافه ماكنتش بعيده اوي لكنها كانت حاسها 1000 كيلو لحد ما وصلت هناك لاقت اسلام واقع ع الارض وشخص حطه ع ركبه وبيحاول يفوقه
محمد قرب من اسلام واخده ع رجله بدل الراجل  وبيقيس النبض بتاع قلبه
يالهوي ، يالهوي... النبض عنده ضعيف جدا ، حد يتصل بالاسعاف بسرعاااااه....بسرعه..
بدء ينيمه ع الارض ويعمله انعاش لاقلبه بالضغط عليه 
فوق يا اسلام بالله عليك فوووق....فوق واضربني واشتمني بس فوووق..
بدء يضغط ع قلبه ويعمله انعاش وهو بيعد واحد ، اتنين ، تلاته
مروه كانت ف حاله صدمه كانت بتقول اكيد دا كابوس..اكيد كابوس انا عاوزه اصحى منه
عينيها قربت من اسلام وقعدت جنبه ومحمد كان بيعمله انعاش لاقلبه وبيحاول يفوقه..
فجاءه انهارت بالبكاء واخدت اسلام ف حضنها وهيا بتقوله
محمد زعق فيها ....
انتي بتعملي ايه يامروه دلوقت ؟!
ما اهتمتش بكلام محمد او بالاصح ماكنتش سامعه صوته او صوت اي حد من الي حواليها ، انفصلت عن الواقع وكانت بس عاوزه تحضن اسلام 
انا اسفه يا اسلام حقك عليا...قوم ياحبيبي قوم بقى انا اسفه والله...انا عارفه اني كنت قاسيه عليك...حقك عليا بس بالله عليك تقوم...بالله عليك ماتسبني انا بحبك ، بحبك...انا اسفه والله انا جزمه انا عارفه بس قوم حقك عليا ....
عربيه الاسعاف كانت جات واخدت اسلام
مروه زعقت فيهم وهيا منهاره ف البكاء
انتو بتعملو ايه....بتعملوووو ايييييه...
محمد شارولهم عشان يروحو المستشفى 
هششش اهدي يامروه وان شاء الله يقوم بالسلامه
لو جراله حاجه انا هموت نفسي...هموت نفسي انا بقولك اهو
هشششش اهدي بس وان شاء الله مش هيجراله حاجه...يلا عشان نروح المستشفى نطمن عليه...
داخل احدى الغرف العناية المركزة ف احدى المستشفيات الكبرى داخل القاهرة 
مروه بتقرب من دكتور العنايه المركزه وشايفه اسلام نايم ع سرير وجانبه اجهزه كتيره متوصله بجسمه وانبوبه اكسجين....منظر كان صعب عليها وع اي حد  انك تشوف شخص كان بيجري قدامك وبيلعب فجاه نايم ع سرير ف مستشفى وانت مش عارف تعمله ايه او تتكلم معاه
كان نفسها يصحى يتخانق معاها او تسمع صوته حتى
 وبتسال الدكتور ودموعها بتنزل ع خدها
هو عامل ايه يادكتور...
 .معلش هو حضرتك تقربيلي ايه ؟!
" بتمسح دموعها وهيا بتقوله "
ابقى مراته...
نظرات حزن من الطبيب لمروه وهو بيقولها...
والله يامدام انا هكون صريح مع حضرتك
" مروه بتهز راسها كانها مش عاوزه تسمع الكلام الي هيتقال "
لو عدت الاربعه وعشرين ساعه على خير احتمال يبقى كويس
" مروه دموعها بتنزل اكتر وبتساله "
هو ايه الي حصل طيب ؟!
الواضح انه اتعرض لصدمه كبيره جدا ، جسمه ما استحملهاش ودا اثر ع عضله القلب عنده...
" مروه بتنهار ف البكاء "
امسكي نفسك يامدام وادعيله
طب معلش سؤال اخير بس يادكتور
اتفضلي حضرتك...
 الاحتمال الاكبر ايه يادكتور انه يعيش ولا .....
نظرات بحزن اكبر من الطبيب الي رد عليها...
ادعيله يامدام......
مروه بتنهار اكتر وبتشد ف شعرها 
وهيا بتصرخ
فوووق يا اسلام بقى....
الدكتور بيشارو للمرضه عشان يجيبو حقنه مهدئه
بتبص للدكتور وعينيها كلها دموع وبتحاول تجمع نفسها وهيا بتقول للدكتور 
طب انا  ، " بتاخد نفسها من البكاء وتكمل " انا عاوزه اشوفه
ممنوع حاليا يامدام انا اسف
طيب احضنه طيب اخر مره " بتمسك راسها من البكاء وتكمل " عاززه احضنه والنبي
الممرضه بتقرب من مروه وتديها الحقنه
الدكتور بيقولها
هششش اهدي هتنامي شويه دلوقت عشان اعصابك ترتاح 
الدكتور بيبص للمرضه وبيقولها
اسنديها لحد السرير عشان ترتاح شويه...
مروه ف اللحظات الي قبل ما تنام من تاثير الحقنه كان ع لسانها جمله واحده عماله تردد فيها
يارب خد من عمري واديله....يارب خد من عمري واديله....يارب خد من عمري واديله....
بتصحى من النوم بتلاقي محمد قاعد ع جنب 
اسلام عامل ايه دلوقت...فاق ؟!
محمد بيبص ع الارض وبيهز راسه بالنفي بجزن 
طب هو انا ممكن اشوفه
ممنوع يامروه وانتي عارفه كدا
خمس دقايق بس بالله عليك....
بيهز محمد راسه وهو بيقولها
ماشي هقولهم بس الوضع هيبقى صعب عليكي...اسلام مش هيرد عليكي لما تكلميه..اسلام مش هيروح معاكي البيت لما تقوليله يلا....
اسلام لسه محدش عارف ايه الأضرار الي ممكن تكون حصلتله بسبب  الحادثه دي...كله منتظر يفوق من الغيبوبه..
يعني اسلام دلوقت غير اسلام الي كان قبل كدا...
بتمسح دموعها وهيا بتقوله 
ممكن اشوفه  لو سمحت
حاضر...هتعرفي تقومي لوحدك ولا انده الممرضه...
هعرف ان شاء الله...
بتقوم مروه وهيا بتسند نفسها ع الحيطان وبتحاول تتماسك وكانت الممرضه جنبها بتساعدها برضو لحد ما فتحت باب غرفه اسلام
دموعها لوحدها نزلت كالانهار ، الوضع صعب ع اي شخص 
شخص كان ف حياتك فجاءه تلاقيه ادامك ع سرير وموصل بكذا جهاز غير انبوبه الاكسجين الي على انفه عشان يعرف يتنفس بيها...
قعدت جنبه ومسكت ايده وقربت ايده من شفايفها وباستها كذا مره
بدءت تعيط وتنهار بس مسكت نفسها وقالت
انا مش هعيط...مش هعيط...هعيط ليه..
ايه الي حصل انت نايم شويه صح نايم شويه وهتصحى مش كدا...هتصحى دلوقت وتاخدني من ايدي ونروح وتعملي ساندوتش الكبده... ع فكره كان طعمه حلو اوي...اناااا نسيت اقولك شكرا وقتها....بس مش شكرا ع دي بس
لا شكرا ع كل حاجه عملتها عشاني...شكرا انك حبتني بجد...انااااا عارفه اني كنت قاسيه عليك شويه....بس اناااااااا
انا بحبك....انا بحبك يا اسلام....
حطت ايديه من خدها وهيا بتغمض عينيها وبتقوله 
والله العظيم بحبك....قوم بقى وقولي وانا كمان...انا عارفه اني ما استهلهاش منك بس والله العظيم بحبك....
الممرضه قربت من مروه وقالتلها
معلش لازم تقومي دلوقت...
قبل ما تقوم قربت من وش اسلام وباسته من راسه " ومشوها راسه " وهيا بتهمس وبتقوله
قوم يا اسلام انا مقدرش اعيش من غيرك...
وزي الافلام الهندي والعربي والانجليزي...اسلام بدء يفوق وكٲن تلك القبله كانت قبله الحياه
او النكد لسه هنعرف كمان شويه !
اطلعي بره دلوقت يامدام...
مروه بتبص ب استغراب ناحيه الممرضه وبتقولها
ف ايه ؟!!
يادكتور يادكتور...اسلام بدء يفوق..
الدكتور بيسيب كل الي ف ايده وبيروح جري وبيطلعو مروه بره الغرفه 
وهيا بره بتسال محمد هو ف ايه
محمد بيرد عليها
تقريبا اسلام سمع صوتك وبدء يفوق..
بفرحه ولهفه زي الاطفال
بجد والله...يعني ، يعني ، يعني
اهدي يامروه وجمعي جمله مفيده
يعني ، يعني ، يعني
لاحول ولا قوة الا بالله البت علقت ياجدعان
يعني هو بقى كويس
لسه محدش يعرف...
طب هما بيعملو ايه
بيبدءو ف اجراءات انهم يفوقه ويشوفه ردود فعله عامله ازاي عشان يحددو الضرر الناتج وهكذا
مروه بترفع راسها لفوق وهيا بتقول بفرحه
شكرا ليك يارب...شكرا ليك...الحمد لله والشكر لله....
هيا وافقه بره وبتسمع صوت الدكتور وهو بيتكلم مع اسلام
عارف اسمك ايه...
اسلام...انت مين ؟!
طب عارف شغال ايه ؟!
هااا...ااااااااا اه مهندس بترول...انتو مين طيب ؟!
مروه بتفتح الباب من الفرحه عاوزه تشوف اسلام...
اسلام لما بيشوفها...
علامات الغضب بتترسم ع وشه وبيتكلم وهو بيتنهد وبيشاور لمروه وبيقولها
انتي...." بياخد نفسه بصعوبه "...انتي....." بياخد نفسه بصعوبه "
الدكتور بيزعق فيها اطلعي بره يامدام ضغطه ونبضات قلبه بدأت تعلى
مروه بتبص متفاجاءه من رده فعله وهو بيشاور بالنفي للدكاتره ف انه مش عاوزها تطلع بره
وبيكمل جملته
انتي..... طا....
اسلام بيغمى عليه تاني 
الدكتور بيزعق ف الي معاه عشان يجيبو ادويه تنزل الضغط الي ارتفع مره واحده
مروه بتبص بجزن ناحيه محمد بعد ما خرجت بره غرفه الطوارئ
محمد قالها
نبص ع الجانب الايجابي...
مروه بتبص عليه وكانها بتقوله 
جانب ايجابي ايه بالظبط؟!
كمل محمد جملته
انه الحمد الله مخه كويس وفاكر كل حاجه ودي حاجه مهمه جدا ف حالته
google-playkhamsatmostaqltradent