رواية رجال من التجمع ونساء من بولاق الفصل الخامس 5

الصفحة الرئيسية

رواية رجال من التجمع ونساء من بولاق الفصل الخامس 5 بقلم محمود مصطفى 

رواية رجال من التجمع ونساء من بولاق كاملة

رجال من التجمع ونساء من بولاق الفصل الخامس 5

امل ومروه قاعدين بره ف الليفنج
انتي جايه فرح شيماء مش كدا يامروه
اكيد يا امل هيا فرحها بعد بكره ...
هتيجي مع اسلام!
اه اكيد...
بس ااااااا...
مالك ؟!
 محمد هيكون هناك ع فكره...
" بتبص ع الارض بحزن وهيا بترد عليها "
كويس....
مالك اضايقتي ليه؟!
لا مافيش...
مروه انتي حبيتي اسلام....؟!
" نظرات قلق وتوتر من مروه "
ها..!
حبيتي اسلام....
لا...هو مجرد " بنبره حزينه بتكمل جملتها ".....جوزي
مروه اصل انا...
ايه يا امل هو تحقيق...خلاص هاجي الفرح قولت...
بس ع فكره اسلام طلع واد مز...عرفتي تنقي ياكلبه انتي...
دا قره عيني الي مش عارفه استفرد بيه دا...
ايه...!
لا بقولك ماشي تمام عرفت انقي
طب ااااااااا...
ايه !
يعني كنت بقول طالما انتي مش بتحبيه وهتطلقو...ااااااا
اااااا ايه؟!
يعني كنت انا اولى من الغريب
انتي بتقولي ايه يا امل؟!
اسمعيني بس...دلوقت انتو هتطلقو صح
مالكيش دعوه...
اسمعيني بس...انتو هتطلقو ف بدل ما يرحو لحد غريب صاحبتك حبيبتك اولى بيه
واهو لو حبيتي تشوفيه بيتي مفتوح...
" وف بالها بتقول دا انا لو اجوزته هقطع علاقتي بيكم كلكم "
امل انا مصدعه وعاوزه انام
اسمعيني بس...
تصبحي ع خير....
اسمعيني بس انا مش قصدي...
تصبحي ع خير يا امل...
" بتقفل وراها باب الشقه "
وهيا بتاخد وتدي مع نفسها
دا انت هتشوف ايام سوده يا اسلام عشان تغرغر بصاحبتي
بس هو معملش حاجه دا هيا الي عملت! 
انا اعتبرته خلاص هو الي عمل...وريحاله دلوقت
ماتضحكيش بس ع نفسك انتي هتموتي وتشوفيه وعاوزه تلاقي حجه 
ااااا لا طبعا دا كلام غير منطقي وانا هروحله واقفه عند حده...ناقص يتغرغر بيا انا كمان
بس انتي نفسك يتغرغر بيكي
جدا...لا طبعا بتقولي ايه هو انا هسمحله اصلا ! انا هروحله انكد عليه دلوقت...
 بتمشي لحد ما تروح عند اوضته بتلاقيه قالع التي شيرت ولابس بنطلون رياضي وبيجري ع الماشيه بتاعه الجري وحاطط الهيد فون ف ودنه
بتقول ف نفسها بنفس طبقه احمد حلمي ف فيلم كدا رضا 
" ولازمته ايه البنطلون دا دلوقت "
هيا وافقه ع جنب مسنوده ع الحيطه وهيا نفسها تجري عليه وهيا ونصيبها
تحضنه او يحضنها او...اي حاجه بقى
او تقف قدامه بعد ما يخلص جري وهو العرق ع جسمه بينزل ع صدره ثم الى عضلات بطنه المشدوده وهيا تجيب فوطه وتقرب منه وهو يبص عليها بعينيه بكل رقه وحنيه ويحرك ايده ع شعرها ويداعب خصلات شعرها الناعم وهيا تحرك ايديها ع عضلات صدره ب الفوطه  عشان تمسح العرق فيمسك ايديها ويخليها تسيب الفوطه ويبدء يقربها من حضنه....وهيا مشاعرها متلخبطه وبتاخد نفسها من الموقف الي هيا فيه...فيقربها اكتر واكتر
مروه بتبص ف عينيه وهيا بتقوله
اسلام انااااا...
بيقرب من وشها اكتر ويحط ايديه ع شفايفها وهيا بتتكلم...
اسلام انت ملخبطني...
بتبدء ايده تتحرك بحنيه ع شعرها وهو بيقولها
مروه اناااا بحبك...
بتعض ع شفايفها وبتاخد نفسها... بتغمض عينيها بتحس جواها برعشه او احساس جوها اتحرك.... 
مروه...مروووه مرواااااااااااه
بتفوق من الي هيا فيه.... 
ايه فيه ايه؟!
بقالي ساعه بنده عليكي...جرس الباب بيرن !
هيا امل مشيت...
اه...اه...
يبقى دا الدليفري...ولا امل جات تاني ولا ايه..
انتي كويسه يامروه!...مالك وشك احمر ليه...
ها...انا كويسه..،.كويسه...انا دايخه شويه...
طب اقعدي طيب جايز المكان هنا حر عشان قافل المكيف عشان كنت بلعب رياضه ودا الي خلى وشك يحمر
اه جايز....
 ثواني البس التيشيرت....
لا....
" بيبص ب استغراب عليها وهو بيقولها "
لا ايه!
ااااااا لا ما تروحش تفتح وانت كدا...
ما انا هلبس التيشيرت  اهو
بيلبس التيشيرت ويخرج من غرفته ومروه بتقعد ع طرف السرير وهيا بتاخد شهيف وزفير وبتكلم نفسها
اهدي يامروه...مالك ف ايه !
 بيروح يفتح وياخد البيتزا مع البيبسي من الدليفري 
كام الحساب
60 جنيه
خد دول وخلي الباقي عشانك
شكرا ياباشا 
العفو ياحبيبي....
يلا البيتزا السخنة جات اهي....
بتطلع مروه ناحيه السفره
بتلاقيه مجهز كوبايتين بيبسي والبيتزا ريحيتها مفحفحه
الله شكله حلو اوي...
دا احلى حد تاكلي من عنده بيتزا...
بتقعد ادامه وهيا بتقوله...
طب ايه مش هتاكل معايا؟!
لا انا مش باكل باليل عشان احافظ ع الفورمه
طب خلاص انا مش واكله انا كمان...يا اما تاكل معايا...
بيقطع كلامها وهو بيقولها...
وبعدين بقى ف دلع القمرات دول...
" بتبتسم بكسوف "
بيقطع حته من البيتزا والمودزريلا بتشد معاه وهو بيقول لمروه
القمر يفتح بوقه بسرعه كدا
" بتفتح بوقها وبتاكل حته البيتزا "
ايه رايك بقى ؟!
واو..لا بجد واو سبني بقى ادوقك حته
قولتلك ياحبيب...
 " نظرات من مروه ناحيه اسلام الي كان هيقول حبيبتي "
اااا..يامروه قصدي مش باكل باليل
افتح بس بوقك...
ماشي انا هاكل حته واحده بس
ماشي افتح بوقك يلا...
بيفتح اسلام بوقه 
مروه بتسيب الكرسي الي هيا قاعده عليه قدامه وتقعد جنبه وتمشي ايد ع شعره وايد تانيه بتاكله حته البيتزا
" اسلام بعد ما يفتح بوقه وياكل حته البيتزا "
مروه بتنزل ايديها ع شعر دقنه الخفيف وتحرك ايديها على دقنه
مروه انتي بتعملي ايه ؟!
بتبص عليه بنظره فيها رقه وبترد عليه
انا بٲكلك...
يعني هو انا لما اكلك المفروض اعمل كدا...
المفروض...
 سبحان الله الانسان كل يوم بيتعلم حاجه جديده معلش اصلي اول مره يعني ااكل حد...
انا كمان اول مره ، استنى فيه حته اكل ع شفايفك...
طب ثواني امسحها...
لا استنى...هيا مش بتتمسح كدا عادي...
اومال ازاي؟!
بتقرب منه...
مروااه...انتي كويسه
اه..انا كويسه جدا...بتقرب ايديها من شفايفه...وبتشيل الاكل الي كان موجود بايديها...
اسلام بيقولها
طب انا كان ممكن اعمل كدا عادي ؟!
تؤ انا الي باكلك يبقى انا الي اهتم بيك...
اممم يعني لو انا باكلك مثلا يعني وحته بالغلط وقعت ف اي مكان ايا كان يعني مثلا ، المفروض بقاااا !!
بترد عليه بثقه...
ضروري  هو مش انت الي بتاكلني...
سبحان الله ، سبحان الله... عارفه...انا كل يوم معاكي...
بتلف ايديها حوالين رقبه اسلام وبتحرك ايديها ع شعر راسه من ورا وهيا بتبص ع عينيه والنور كان جي ع عينيه فلك ان تتخيل عينيه كانت قدام مروه عامله ازاي  
ومروه بتقوله...
كل يوم  معايا ايه يا اسلام؟!
اسلام بينسى الاكل وبينسى نفسه وبينسى كان عاوز يقول ايه اساسا وهو بيبص ف عينيها...
مرت ثواني ... او دقايق... ماكنش فيه كلام ...او الأصح الكلام كان بالعيون بس
كل حاجه كانت ف نفس مروه وكانت عاوزه تقولها لاسلام قالتها بعينيها
وكل المشاعر الي كانت جوه اسلام قالها لمروه بعينيه
المشاعر والاحاسيس بتزيد بينهم
لهيب المشاعر المدفونه بيظهر ع السطح زي البركان لما بيكون خامل وفجاءه بيثور
مروه انا ااااا.....
هشششش
" بتحط صوباعها  ع بوق اسلام وبتقوله"
اسلام انا ال ااااااا.....
google-playkhamsatmostaqltradent