رواية رجال من التجمع ونساء من بولاق الفصل الثالث 3

الصفحة الرئيسية

رواية رجال من التجمع ونساء من بولاق الفصل الثالث 3 بقلم محمود مصطفى 

رواية رجال من التجمع ونساء من بولاق كاملة

رجال من التجمع ونساء من بولاق الفصل الثالث 3

مروه بتبعد نفسها عن حضن اسلام وهيا بتقوله برقه وبتضحك....
اسفه ماكنش قصدي....
اسلام كان بيقول جواه
ليييييييه بس ما احنا كنا ماشين كويس .....
بس رد عليها...
ولايهمك ياعروسه....
عروسه ؟!...انت لسه شايفني عروسه؟!
واحلى عروسه ف الدنيا كلها....
بتبتسم بخجل وبتقول لاسلام
بس بقى يا اسلام ماتكسفنيش....
ماشي ياقمر...
مروه بتبص لاسلام وكان نفسها تتشعلق ف دراعه وهما جنب بعض بس قالتله
اناااااا...
اسلام كان ماشي ف الطرقه الي ف بيته وهيا جنبه... بصلها ب استغراب وقالها
انتي ايه !
مروه حقيقي مشاعرها متلخطبه مابين اسلام الي بيحاول يعمل كل حاجه عشان يرضيها وبين محمد الي هيا المفروض بتحبه من زمان!!!
انااااا...عملت اكل...عملت الغدا...
بيبتسم اسلام وهما قربو من المطبخ وقالها..
والله...مبروووك...عملتي ايه بقى...
استنى دا انا هبهرك...
بيسند ع الحيطه الي ف المطبخ وهو مبتسم ليها..
بتبص بكسوف ناحيته وهيا بتقوله 
بتبتسم ع ايه...
لا مافيش...وريني عملتي ايه!
بتطلع طبق بانيه من الميكرويف وهيا بتقوله بثقه الشيف
تاتاتاتا...ايه رايك بقى...
هو انا مش قصدي اتريق عليكي بس انتي قاعده طول اليوم بتعملي ف بانيه بس؟!
يووووه ما تتريقش عليا اول مره ادخل مطبخ اصلا....بس بص شكلها عامل ازاي تحفه
بصي هو انا ايه مش عاوز احبطك تاني...بس تقريبا البانيه اتحرق منك...
لا لا انا متاكده ان طعمه حلو ثواني كدا هاخد قطمه منه
" بتاكل منه حته وبتفها بسرعه ع جنب "
هو فعلا شكله اتحرق شويه...طب ايه هناكل ايه ؟!
بيضحك اسلام وغمازته بانت 
بتقرب منه مروه وبتمشي صوابع ايديها ع دقنه وغمازته وهيا بتقوله...
ايه دا ايه دا...انت عندك غمازات!
يعني ع خفيف كدا...عموما انا طلبتلك بيتزا بالسوسيس زي ما بتحبيها...
دا انت مرقبني بقى وعارف بحب ايه وبكره ايه !!
اكيد مراقبك...لاني بح....
سكت اسلام ومكملش الجمله....
من جواها مروه كانت بتزقطط وشبكت صوابع ايديها ف ايديه وبصلته فوق شويه لانه أطول منها  وهيا بتقوله وعينيها مليانه حب رومانسيه...
ريحه البرفيوم الي حاططها تحفه... لانك ايه بقى؟!
اااااا...لانك مراتي...
بيتبسم ليها وهو بيقولها 
انا هاخد دش ع السريع على ما يجي الدليفري...
طب وانت ماجبتش اكل ليك ليه...ولا هناكل مع بعضينا " بتبسم"....
لا كلي انتي الف هنا...
لييييه؟!
انا كلت بره وقولت كدا كدا انتي مش بتحبي تاكلي معايا وبتكلمي محمد ف ماحبتش ازعجك معايا...
هنا فهمت مروه سبب تغيره من الصبح وانه بعيد عتها وقالتله بحزن
هو انت سمعتني وانا بكلم محمد...والله العظيم مافيش بينا حاجه ماتفهمش غلط والله العظيم والله العظيم مافيش اكتر من كدا كلام وبس والله حتى لما هو طلب...
ماتكمليش ارجوكي...انتي كنتي صريحه معايا من البدايه قبل ما اجي اجوزك وقولتي انك مش بتحبيني وانك بتحبي حد تاني...وانك عملتي كدا عشان خاطر والدتك وانك خايفه عليها
انا لما وافقت كنت عارف كدا...بس كنت فاكر اني ممكن اقدر اغيرك..." بيسكت وبيبص ع الارض بحزن وبيكمل كلامه " بس تقريبا كنت غلطان
بترفع وشه وهيا بتقوله 
ممكن تبصلي....
بيبص عليها وعينيه مليانه حزن وعينيه بدءت تملى دموع
ف اللحظه دي افتكرت لما كانت قاسيه عليه وهو بيحاول يقرب منها ولما كان بيعملها الاكل وتزعق فيها... فردت وهيا بتسمح دموعه وبتاخده ف حضنها وبتقوله....
يالهوي عليا يارب اموت انا اسفه والله حقك عليا انا....
بعد الشر عليكي ، القلب يامروه مالناش سلطان عليه....انتي كنتي عاوزه نطلق في خلال شهر...احنا ممكن نطلق ف اقل من كدا...
بحزن وكسره مروه بترد عليه 
نطلق ....
بتنهيده حزن طويله بيرد عليها اسلام
ايوه انتي مش كنتي عاوزه كدا...انا بفكر ف خطه ان شاء الله ف خلال شهر ترتاحي مني...
" بيمسح عينيه من الدموع وهو بيقولها وهو مبتسم "
ماتشغليش بالك بيا...انا اتمنالك السعاده دايما ايا كانت مع مين او فين...انا هاخد دش قبل ما الدليفري يجي...
بيديها ضهره وهو لسه بيمسح دموعه وبيدخل الحمام
هيا كانت واقفه قلبها وجعها بسبب انها كسرت قلب اكتر شخص كان حنين عليها...وبرغم انه سمعها وهيا بتحب شخص تاني...الا انه استحملها...لو شخص تاني كان ممكن يقتلها لكنه كان حنين عليها ، كان بيودها...كان بيقرب منها....كان...بيحبها!
سمعت صوت الدش اتفتح افتكرت العضلات الي شافتها الصبح ، ودمماغها عماله تروح ف سكك مايعلم بيها الا ربنا..فقالت ف نفسها...
لا حيث كدا يبقى الشيطان تالتنا....مبروك ماجالك يا ابو محمد
بصت لنفسها ف التلاجه وهيا بتقول 
محمد مين
محمد ابننا ان شاء الله..
راحت ع اوضتها بسرعه ولبست فستان قصير حاجه كدا تلهب المشاعر اكتر ما هيا ملتهبه
 وحطت برفيوم...
فتحت عليه الحمام...لاقيته واقف يدوب قلع البلوفر الازرق وفتح زراير القميص 
عضلات صدره وبطنه متقسمه مع فتحه القميص كان كل دا بيحرك مشاعرها 
بلعت ريقها وفضلت تقرب منه وهيا بتعض ع شفايفها
 بصلها ب استغراب ....
ف حاجه يامروه!
ومن جواه بيقول
اح يولاه ايه الصاروخ دا!!...
ها...ااااا...اه...انا كنت جي اخد الفوطه الي وراك ع الغساله دي...
فوطه ايه الي وريا ، انا مافيش حاجه ورايا!
لا فيه بس انت مش واخد بالك...
وهيا عماله تقرب منه وتحاصره لحد ما حصرته فعلا عند الغساله وقربت منه لدرجه انه بقى حاسس بنفسها بيخبط ف صدره
هو انت عينيك لونها ازرق...اول مره اخد بالي من لون عينيك...
نبضات قلب متسارعه عند اسلام ومروه...
مروااااه...انتي كويسه ؟!
بتحرك صوابع ايديها ع عضلات صدره بالراحه وهيا بتقوله..
هم...اه انا ماكنتش كويسه ف حياتي خالص اد ما انا كويسه ف اللحظه دي...
مشاعر دافئه بتتحرك جواهم هما الاتنين 
انت كمان شعرك ناعم...
بتعض ع شفايفها وهيا بتحرك ايديها ع شعره...وهيا بتقوله
انت بقى الجميل الي لايق عليه الغرام!
بيبص عليها وهو كمان بيحرك ايديه ع شعرها وبيرد عليها
والله مش عارف بس الي متاكد منه انك انت الي حلمت بيه ضحكته ونظره عينيه...ياحبيبي وأتت جنبي تفتكر...
خلاص انت هتعمل البوم دلوقت!...
سوري اندمجت....
بتقرب منه اكتر...بيقرب منها اكتر....
ايديها بتنزل ناحيه عضلاته بطنه وهيا بتقوله
هما ليه سموها six packs ؟!
بيرد عليها وهو ماسك ايديها وبيحركها ع عضلاته بطنه
عشان هما ست عضلات...
ادي واحده...
اه...
ادي التانيه...
ايوه....
ادي التالته....
كفايه بقى...
كفايه ايه...
احم.. هو انا لو...
وبتسكت وهيا بتقرب من وشه...
لو ايه يامروه....
هو انا اسمع يعني ، اسمع ان المتجوزين يعني تقريبا بيستحمو مع بعض باين!
اه...انا سمعت حاجه زي كدا
طب هو احنا مش متجوزين!
حاجه زي كدا...
طيب ايه بقى!...
تن ، تن....
" صوت جرس الباب "
دا الدليفري باين...اما اروح افتح
خد هنا رايح فين انا مش جعانه ع فكره...وف بالها بتقول 
"لو مشيت من قدامي دلوقت هقتلك "
مش جعانه يعني
تؤ....ماقولتليش بقى احنا مش متجوزين!
تن ، تن...
اروح افتح بقى...الراجل عيب يعني يقول علينا ايه....
روح يا اسلام...روح....ايكش تتزحلق وانت ماشي...
بعد ما بيمشي  وبيسبها
بتقول 
وبعدين ف الراجل الي مش عارفه اتجوزه دا !
google-playkhamsatmostaqltradent