رواية رجال من التجمع ونساء من بولاق الفصل الأخير

الصفحة الرئيسية

رواية رجال من التجمع ونساء من بولاق الفصل الأخير بقلم محمود مصطفى 

رواية رجال من التجمع ونساء من بولاق كاملة

رجال من التجمع ونساء من بولاق الفصل الأخير

من مين يا اسلام الورد دا ؟!
ها !!
بتقرب منه وهو بيكرمش الكارت ب ايده وبيدعي انها ماتكونش شافته
بقولك من مين الورد دا ؟!
من نادين صح !!! 
وسايبلك رقمها طبعا وهتكلمها لما نروح وتخوني معاها وتطلقني و...
بيمسك بوقها وهو بيبص ف عينيها وبيقولها 
هششش اهدي...دا اكيد من اداره المستشفى ومش معاه كارت ولا حاجه
معلش انفعلت لحظه..
لحظه!!!
بتحط ايديها ف وسطها وهيا بتقوله
قصدك ايه بقى اني مجنونه يعني وبنفعل ع طول !
مثلا...
والله بقى كدا...
مروه كلمه كمان وهضرب نفسي حقنه هوا ، وشوفي بقى هتطلعي هرموناتك ع مين بعدي
لا خلاص انا اسفه " بتٲنكج اسلام " يلا ع بيتنا عشان انت وحشتني
بيبصلها وهو رافع حاجب ومنزل حاجب
ماتبصليش كدا ممكن
اشمعنى ؟!
عشان عينك بتسحرني...
اسلام بيتكسف وبيبص فوق 
بتحط ايديها ع دقنه وبتنزل وشه ناحيتها وهيا بتقوله 
بس برضو ماتبعدش عينيك عني لاني بحب اشوفهم دايما قدامي
بيحط اسلام ايده ع وشه وهو بيضحك وبيقولها
ياقلبي انا....
يلا بينا ع البيت يا اسلام ، اسند عليا...
لا بص هات ايدك لفها ع كتفي...ايوه كدا...وانا هلف ايدك حوالين وسطك...ايوه كدا...
اسند عليا وانت ماشي...
وهما خارجين بره الغرفه لاقو نادين كانت واقفه بره عينيها فيها حزن وهيا شايفه اسلام خارج من المستشفى 
اسلام بيسلم عليها من بعيد
مروه بتقوله بعصبيه بصوت واطي
مالكش دعوه بيها ممكن
ماشي انا بسلم عليها من بعيد تعبت برضو معايا...
والله...اروح اخطبهالك ياحنين...
ياريت...
دا انا اقتلك انت وهيا وعم محمد البواب...
وعم محمد ذنبه ايه بس..
معرفش بس انا عاوزه اقتله 
طب عم محمد وهيهون ، ونادين برضو هتهون
دي اول واحده دا انا هجبها كدا من شعرها امسح بيه بلاط المستشفى بلاطه بلاطه
وبعدين بميه نار بقى وع وشها وبعد كدا...
بااااسسس اهدي...طب وانا ههون عليكي وانا غرقان ف دمي كدا
تؤ...
وماتلاقيش حد تنكدي عليه او يعملك سندوتشات الكبده...
تؤ تؤ مش هتهون عليا...بس عشان خاطر السندوتشات بس
سندوتشات بس...
يعني وشويه حاجات كدا..." وشها بيحمر من الكسوف "
حاجات ايه بقى...
بس بقى....
قولي بس ، ماتخفيش سرك ف بير
بس بقى ياحبيبي...يووه قصدي يا اسلام
قولتي حبيبي صح
تؤ
لا قولتي
تؤ
لا قولتي انا سمعت كويس
ايوه ارتحت
قلبي يانااااس....لا دا احنا كل ما نتخانق نيجي المستشفى بقى
بعد الشر عليكي ياحبيبي...
بيطلعو بره المستشفى وبيركبو اوبر وبيروحو لحد البيت
عم محمد البواب بيشوف اسلام وهو ساند ع كتف مروه
وه وه وه يابيه سلامات اجي اساعدك انا
لا شكرا ياعم محمد
لا يابيه لازم اجي اساعدك 
ياعم خليك قاعد بقى " وف سره انا مصدقت اننا نوصل لليفل دا من العلاقه "
يابيه ماينفعش وانا موجود 
ياعم خليك قاعد شايفها اشتكت 
مروه بتبص لعم محمد وهيا بتقول لاسلام حرام ماتكسفهوش تعال ياعم محمد
واسلام ف سره بيقول وعم محمد البواب سانده لحد ماوصلو باب شقتهم
شوفت بقى كنت عاوز اقتلك ليه!
خلاص ياعم محمد شكرا احنا وصلنا 
يابيه ماينفعش لازم اوصلك لحد جوه يابيه
ماتيجي تسكن معايا بالمره
بتقول ايه يابيه!
خلاص ياعم محمد شكرا ياعم محمد،  خد دول ياعم محمد
يابيه مستوره يابيه
اخلص ياعم محمد...
شكرا يابيه ، لو احتاجت اي حاجه...
اخلص ياعم محمد بدل ما احدفك من البلكونه واحنا ف العاشر!
ماشي يابيه ، سلام يابيه...
بيبص لمروه ومروه بتبص بكسوف لاسلام
ظريف اوي عم محمد دا....
مروه بتحرك راسها بالايجاب 
اه يارجلي...
مالك ياحبيبي...
رجلي واجعني اوي وانا بمشي...
طب اسند عليا طيب...
اسلام بيلف ايده  ع كتفها وهو بيبص عليها بعينيه 
مروه بتحاول تفتح الباب ب المفتاح باب الشقه
المفتاح بيقع منها وهيا بتبص ع عيون اسلام 
سوري المفتاح وقع 
اسلام بيحرك ايده ع شعرها وبيقرب من وشها وهو بيقول
مفتاح ايه دلوقت ....
بيحرك مناخيره ع مناخيرها وهو بيقولها
عارفه انك وحشتيني 
اسلام انت لخطبتني
بيحرك مناخيره ع مناخيرها وهو بيقولها
ايه المشكله لما الخبطك المره دي " بيبوسها من خدها ومشوها خدها وهو بيكمل كلامه "
 انتي ملخبطاني من ساعه ما عرفتك...
بتمسك ب ايديها ع عضلات صدره من فوق القميص وهيا بتعض ع شفايفها وبتاخد نفسها وبتقوله...
اسلام...
بيحرك ايده ع وشها برقه...ع عينها  ، و ع شفايفها....
هيا كمان بتحرك ايديها ع عضلات صدره...وهيا بتقوله
اسلام.....
اسلام بيبصلها بصه فيها رومانسيه واشتياق ....وبيقولها وهو بيقرب من ودنها وبيهمس
عيون اسلام...
انا دايخه ، دايخه...ندخل احسن
ماشي...
الحمد لله ع سلامتك يا اسلام نورت البيت
الله يسلمك يامروه
خليك ساند عليا 
خايف اكون تقيل ع كتفك
" بتبسم وهيا بتحضنه وبتقوله "
ولو تقيل ولا يهمك انا عندي كام اسلام يعني
بيدخلو جوه وبيقعد ع الكنبه الي ف الريسبشن  وهيا بتقوله وهيا باصه ف عينيه 
عارف انا عمري ماكنت كويسه ف حياتي زي ماكنت دلوقت 
بتميل ع خده " مشوها خده ! " وبتبوسه وهيا بتقوله 
وحشتني ع فكره...
مروه انا خايف اخد ع الدلع دا تتحولي تاني
تؤ...انا اسفه لو زعلتك الايام الي فاتت ، اناااا ، انا بحبك
قولتي ايه...
بتبتسم وهيا بتقوله...
 قولت هقوم اعملك الغدا...
طب ما بلاش ، المره الي فاتت حرقتيه
قصدك ان اكلي وحش!
لا يعني لو نجيب جاهز ، انتي جايه تعبانه وانا جايه تعبان وكدا يعني
تؤ انا هعملك اكل هتاكل صوابعك وراهم
ربنا بستر
بتقول ايه...
لا بقول اكيد يا قل..."بيسكت "
بتقرب من عينيه  وبرقه بتقوله وهيا بتحرك ايديها ع دقنه
يا ايه ؟!
نظرات من عيون اسلام لمروه الي بتبادله نفس النظرات....
اسلام بيميل ع خد مروه الي بتلف ايديها ع رقبته وهيا بتقوله 
انا بحبك...بحبك...
ترن ، ترن....
جرس الباب بيرن...
اسلام بيبص ع مروه ب استغراب وهو بيقولها...
دا مين ابن ال...
اهدى يا اسلام كاننا مش موجودين...
ع رايك صحيح...
ترررررن ، ترررررررررررن
افتح يا اسلام طمني عليك 
اسلام بيقول ب استغراب
ماما!!! ، استغفر الله العظيم..الحمد لله مكملتش الجمله...
مروه بتبص ع حزن ع اسلام الي بيقولها معلش لازم نفتح بقى...
بيقوم من مكانه زي القرد وبيمشي عادي...
مروه بتقوله
الله ، الله ...خفينا بسرعه ماشاء الله يعني...
ها!...اه ما جسمي بيلم بسرعه
نظرات زي بتاعه روبي لما بتقول يولا وهيا بتقوله
والله...عموما الحمد لله ع سلامتك ياحبيبي....
تررررن...
هفتح لحسن نتشم انا وانتي دلوقت...
بيفتح الباب
بيلاقي امه بتحضنه وهيا بتقوله 
ابني انت كويس...
اه ياماما الحمد لله كويس...
بتعرف تمشي كويس
اه ياماما اهو ف ايه...
اصل عم محمد البواب
بيقاطعها وهو بيقولها
عم محمد البواب!!
ماله بقى
كلمني وقالي انك اتشليت 
اتشليت!!!
وانك مابقتش تعرف تقف والدكاتره قالولك ان قدامك اسبوع تعيشه بالكتير
عم محمد قالك كدا ؟!
لا اخر حته بتاعه الدكتور دي انا الي مالفها ، قلب الام بقى...
ربنا يخليكي لينا يا امي...اتفضلي بقى...اتغديتي ولا لسه
انا الي هعملكم الغدا يابني...
هو انا لازم اقتله 
هو مين دا يابني...
ها ... لا مافيش ياماما...
بيبص لمروه عشان تساعد امه...
مروه بتروح تساعدها وهو بيقعد ف الريسبشن مستنيهم...
ومامته بتفضل معاهم لحد ما اسلام زات نفسه بينام ع الكنبه ف الريسبشن لانه جي تعبان من المستشفى....
بعد ما تمشي والدته وتطمن ع ابنها ، مروه بتصحي اسلام برقه...
اسلام حبيبي...
اسلام بيفتح عينيه مخضوض وهو بيقولها
ف ايه !!
مافيش ياحبيبي قوم يلا عشان تنام جوه....
بيقوم اسلام والنعاس غلبه...كان لسه هيدخل غرفه الاطفال زي ما كان متعود
بس مروه بتوقفه وهيا بتقوله
تؤتؤ...انت هتنام جنب مراتك حبيبتك...
بيبتسم اسلام وبيروح هناك ع السرير وبينام...مروه بتنام جنبه وبتفرد دراعه وبتحط راسها ع صدره وبتنام ف حضنه.....
زي طفله حست لاول مره بالامان وتنام وهيا مطمنه
بتقرب من خده وهيا بتبوسه مره ، واتنين ، وتلاته وهيا بتقوله ف كل مره بتبوسه فيها
بحبك 
بحبك
بحبك
بتصحى مروه تاني يوم بتحرك ايديها يمين وشمال مابتلاقيش اسلام...
بتصحى مخضوضه من النوم...وهيا بتقول 
اسلام!!!
بتلاقيه داخل عليها بصنيه وهو بيقولها
صباح الخير ياحبيبتي....
صباح النور ياقلبي...مصحتنيش ليه طيب معاك اساعدك ف الفطار...
تؤتؤ انتي برنسيسه يجيلك الاكل لحد عندك
شوفتي عمرك برنسيسه بتعمل اكل
اخاف اخد ع الدلع دا...
خد ياقلبي براحتك
عملت ايه طيب ع الفطار...
سندوتشات الكبده الي بتحبيها...ومعاهم بطاطس مقليه وشويه طعميه ع بتنجان ومعاهم كوبيتين بيبسي ساقعين
بتقوم تبوسه وهيا بتقوله 
متجوزه ملاك انا مش بشر
الف هنا ياحبيبتي...
ع فكره احنا معزمين ع العشا
معزومين فين ؟!
وبعدين احنا مش هنبقى لوحدنا خالص يعني !
حتى لو انا الي عازمك !
انت؟!
ايوه...
لا طالما انت الي عازمني ، انا موافقه جدا طبعا...عازمني فين بقى؟!
عارفه المطعم الدوار....
ملامح وشه مروه بتتحول للخوف والقلق واسلام بيكمل كلامه وهو مبسوط
مطعم ف فندق بيدور ، بيدور ، بيخلينا نشوف القاهره واحنا قاعدين 
مروه بتقوله بخوف وقلق
حبيبي مش المكان دا غالي شويه!!
مافيش حاجه تغلى عليكي ابدا ياقلبي...
مابلاش ونروح اي مكان تاني هنا جنبنا وخلاص
مالك ياحبيبتي المكان مش عاجبك ، روحتيه قبل كدا ؟!
ها...لا انا بس شايفها مصاريف ع الفاضي...مافيش حاحه تغلى عليكي ياروحي...
حبيبي عشان خطري بلاش ، خلينا ف اي مطعم.... او خلينا ف البيت
حبيبتي انا حجزت خلاص ودفعت الفلوس ، لو فيه مشكله قولي طيب !!
بحزن بتقوله 
لا خلاص يلا نروح...
مال وشك مش فرحان!!.. انا فكرتك ان دا هيسعدك وخصوصا ان دي اول خروجه لينا سوا
لا انا فرحانه اهو...
مش باين ع فكره...
لا ياحبيبي فرحانه....
بيجي الميعاد باليل وتجهز وهو كمان يجهز ويمد دراعه عشان مروه تٲكنجه ف دراعه
وبيرحو هناك...وهما هناك بيوقفهم العامل عشان يشوف التصريح والحجز
بيقول
ايه مدام مروه بقالك زمن مش بتيجي ليه
مروه بتتلبخط وبتقول لاسلام الي كان مستغرب لان ع كلامها اول مره المفروض تيجي هنا
انا هستناك جوه....
مروه بتدخل هناك واسلام بيجي وراها وبيقولها
هو عرفك ازاي!!...كنت بتيجي هنا قبل كدا ؟!
ها...لا اكيد اتلخبطت بيني وبين واحده تانيه
اتلخبط!! دا قال اسمك صح ؟!
فيه مليون مروه غيري ، مالك يا اسلام هتقلبها نكد !!
لا مش نكد ياحبيبتي ، بس انا مصدقك ياحبيبتي انه اتلخبط عادي اليوم جميل وهينتهي انه جميل ان شاء الله تعالى 
ان شاء الله يا اسلام...
الاكل نزلهم ومروه واسلام بيهزرو عادي.. اسلام سمع صوت وراه بيقول
مروه بنفسها هنا....
اسلام بيبص وراه بيلاقي شخص لابس بدله شيك وشكله غني 
مروه ملامح وشها بتتغير لخوف وقلق...
اسلام بيقوله
تلاقيك غلطان وحد شبهها بس
لا هيا مروه...استنى ، استنى انت جوزها الجديد صح
اسلام ملامح وشه بتتغير لغضب وهو بيقوله
جوزها الجديد!!
لسه كان هيتكلم لاقى الدكتور محمد ظهر ومسك الشخص دا من دراعه وهو بيقوله
انت تقلت ف الشرب النهارده يا احمد... يلا عشان شكلك وحش دلوقت...
بيبص لاسلام وهو بيقوله 
ماتشغلش بالك هو سكران...
بيضحك احمد بسخرية وهو بيقوله
ايه دا ، ايه دا...ثانيه هو مايعرفش انها كانت متجوزه قبل كدا هاهاها
مروه عينيها بتدمع وهيا باصه ع اسلام 
اسلام بيحاول يستوعب الي بيتقال قدامه
وكمان تلاقيك ماتعرفش انها كانت خطيبته الدكتور محمد قبل كدا
محمد مسكه من دراعه وهو بيقوله
كلمه كمان ومش هخلي ف جسمك عضمه سليمه
مروه بتبص وهيا بتبكي ع اسلام 
الي بيقوم من مكانه وهو بيزعق لمروه ومحمد بيحوشه عن مروه
قوليلي ان الي سمعته دا غلط
الناس الي ف مكان بيحاول يهدو اسلام
قوووولي انه غلط
مروه ماكنتش عارفه تقول ايه ولا تعمل ايه غير انها تبكي...تبكي وبس
واحمد كان واقف وهو بيضحك وبيقول
اااه يامروه...فاكره الايام الي قضينها سوا واحنا متجوزين...كانت اخر دلع ....
اسلام مسك السكينه وراح بيها ع رقبه احمد...
لولا محمد والناس مسكوه 
بص لمروه وهو عينيه بتدمع وبيقولها 
لاخر مره هسالك...
الكلام دا حصل ولا محصلش.....
مروه بتبص عليه وعينيها بتدمع وهيا بتبكي وقالتله
الكلام دا....الكلام دا....
اسلام بيبص عليها وعينيه كلها شر
الكلام دا...." بتاخد نفسها من الدموع "
وبتبص ع محمد الي بيهز راسه بالنفي ف اشاره انها ماتردش...
ولكنها بتبص ع اسلام بدموعها وبتقوله 
حصل.. نهاية الجزء الأول يتبع الجزء الثاني من رواية رجال من التجمع ونساء من بولاق اضغط هنا
google-playkhamsatmostaqltradent