رواية رجال من التجمع ونساء من بولاق الفصل الحادي عشر 11

الصفحة الرئيسية

رواية رجال من التجمع ونساء من بولاق الفصل الحادي عشر 11 بقلم محمود مصطفى 

رواية رجال من التجمع ونساء من بولاق كاملة

رجال من التجمع ونساء من بولاق الفصل الحادي عشر 11

مروه بتبص ف عيون اسلام الي تشبه موج البحر وتغرق ف سحرهم
اما اسلام يا ولداه كان نفسه يشوف منها بصه زي دي
مروه بتقول لاسلام
بس ع فكره انت بقالك كذا يوم ما استحمتش
بيبعد عنها اسلام وهو بيشم الهدوم وبيقولها
ايه دا ريحتي وحشه ولا ايه
بكسوف بترد عليه مروه
لا مش قصدي ، انا قصدي يعني...انك لو ...
بيبصلها اسلام مستغرب وبيقولها 
لو ايه يامروه ؟!
بتقرب منه مروه وبتاخد حته من الفوم بتاعه معجون الحلاقه وتحطه ع شفايفه وهيا بتقوله
يعني لو انا اساعدك انك تستحمى يعني...
هو مش كنتي هتحلقي دقني بس !!
بكسوف بترد عليه...
انت جوزي...يعني اشوفك 
تشوفيني !!
قصدي اساعدك عادي بس لو مش عاوز " بتوسع نفسها عنه وبتمشي وهيا بتقوله " خلاص امشي احسن
بيمسك ايديها ويقربها لحضنه وهو بيحرك ايديه ع شعرها برقه وبيبص ف عينيها
ممكن ماتبصليش كدا...
بصوت هادي ممزوج مشاعر
اشمعني..
بتلف ايديها حوالين رقبته وهيا بتقوله 
عشان ....." بتكتفي انها تعبر عن الي جواها بنظرات عينيها "
بس عارفه ياميرو
ميرو...اول مره تدلعني ع فكره....
يعني ف مستشفى وانتي ف حضني....
انت عارف انا مره قريت ان فيه امكان بتقرب الناس من بعضها...يعني بص
اسلام بيحط ايديه ع شفايف ع مروه وبيحركها وهو بيقولها...
هششش انتي عارفه انك حلوه اوي....
مروه بتتلخبط وبتتكسف وتقوله
بص يعني هو انا لو حلوه...ف عشان انا معاك بس...
بيحرك ايديه برقه ع خدها وهو بيبص عليها بعينيه 
مروه مشاعرها بتتكهرب وبتحس برعشه ف جسمها 
بتغمض عينيها وبتقوله
اسلام اناااا.....
انتي ايه ياميرو...
هو انا ممكن اعمل حاجه بس خايفه تفهمني غلط
بيبصلها وهو مبتسم
انتي مراتي افهمك غلط ازاي...
يعني اعمل اي حاجه...اي حاجه...
بيقرب من خدها وبيبوسها برقه وبيقرب من ودنها وبيهمس...اي حاجه ، اي حاجه...
بتعض شفايفها وهيا بتقوله 
بص بقى انا...
لسه هتقرب منه مروه فتحت الباب نادين ولك ان تتخيل هيا كانت شايفه ايه قدامها
ايه دا الي جابك هنا...
مروه بتقولها ب استغراب
انت ازاي ما نمتيش !!
ب استغراب نادين بترد عليها
انام ايه انا مش فاهمه...وايه الوضع دا...تحبي اندهلك الامن دلوقت 
اسلام بيدخل وبيقولها
امن ايه يانادين..مراتي وكانت بتح...
مراتك دا ف البيت إنما دي مستشفى محترمه عن اذنك اتفضلي دلوقت بره وماتدخليش تاني هنا لو سمحتي والا هجيب الامن...
بحزن بتقولها مروه
طيب يعني انتي الي هتحلقي دقنه...
بتحط نادين ايد ف وسطها وايد بتشاور لبره وبتقولها 
بره بعد اذنك ممكن....
بتبص لاسلام بحزن الي كان بيبصلها نفس البصه  وماشيه بحزن من غرفته...لحد ما تطلع بره خالص وتبص ع اسلام ونادين واقفه قدامها مبتسمه وراحت رزعت الباب ف وشها 
ماااشي يانادين الزفته انتي....هبغلك عن نقابه الاطباء والمنهدسين والمعلمين واي نقابه موجوده ف مصر...ثم هيا اذا مانمتش بعد المنوم!!!
واقفه مروه بره غرفه اسلام ودمها بيغلي وكانت بتحاول تفكر ازاي المنوم ما اثرش فيها...لحد ما افتكرت
اخ انا حطتلها من الفتيامينات مش المنوم...ايه يامروه هيا عندها انيميا صحصحي كدا مالك!!
اكيد دلوقت عماله تتصرمح مع اسلام جوه وتحلق دقنه...." بتقلدها " اسلام ممكن اشوف دقنك بقت ناعمه ولا لا هيهيهي....انا مش عارفع خريجه تمريض ولا هيفاء وهبي...لا بس البنت وتكه
انا كبنت شايفها وتكه اومال اسلام هيشوفها ازاي....
بتقعد ع الكرسي وهيا بتكلم نفسها...
يلا كان حنين الله يرحمه اسلام....هو السم بقى لو اتحط ف الشاي يجيب نفس مفعول العصير ولا لازم عصير عشان بشوفهم بيعملو كدا ف الافلام....
مروه دماغها عماله تروح وتيجي عن الي ممكن يحصل جوه ما بين نادين واسلام...
نادين بتقرب من اسلام وهيا مبتسمه وبتقوله
تحب اساعدك وانت بتحلق دقنك...
اسلام بيقولها ممكن تجيبي الفوطه دي...
ايه يا اسلام هتغير قدامي " بتعض شفايفها " عيب عيب انا بتكسف...
اغير ايه وتتكسفي ايه وعيب ايه انتي كمان...انا همسح معجون الحلاقه الي ف وشي دا...
ايه دا مش هتحلق...
لا...
بس انا
لا
اسمعني بس
لا يانادين واخلصي والا قسم بالله اجيب بالموس دا رقبتي من هنا لهنا وانتحر واعملك جريمه تلبسي فيها اعدام...
لا وع ايه خد اهو...
بيمسح وشه وبيقعد ع السرير....
اممم طب تحب نقوم نتمشى ف المستشفى...
انتي ليه محسساني اننا ف جنينه الفسطاط مثلا !
لا انا هنام...
ايه بس انت مكملتش الفطار بتاعك...
مش عاوز
بتقعد جنبه وبترفع وشه ب ايديها وبتقوله 
بس انت لازم تاكل كويس
قولتلك مش عاوز
برقه وبتعمل تعبيرات بوشها عشان تبان كيوت وهيا بتقوله 
عشان خاطري...
يانادين....
عشان خاطري بقولك...
اوووف...ماشي هاكل السندوتش دا بس
ماشي افتح بوقك يلا....
اوووف اهو...
خد معاه العصير دا كمان...
بيحرك راسه بالنفي وهو بيبلع...
عشان خطري بقولك يلا افتح بوقك...يلا الاكل رايح فين
ايه يا نادين الافوره دي هو انا ابن اختك...
انت لو ابن اختي ماكنتش هسيبك من حضني دا ابدا
بيبلع ريقه وهو مبرق وبيقولها
استغفر الله انتي ايه بتابعي نت فيلكس كتير اليومين دول ولا ايه!
افتح بوقك يلا عشان تاكل....
مروه بره كانت هتموت وتدخل تشوفهم بيعملو ايه...لحد ما جه وقت الغدا والممرض كان جايب الصينيه وفتح الباب وهنا شافت مروه الموقف بطريقه مش لذيذه خالص
اسلام بيفتح بوقه وهو مبتسم ونادين بتحايل فيه وهيا ماسكه ايد والايد التانيه بتاكله بيها....
سلو موشن ع ما الراجل ما دخل صنيه الاكل وخرج تاني وباب الغرفه بيتقفل تدريجي 
نادين بصه ناحيه مروه وهيا بتفرع حواجبها وبتنزلها عشان تغيظ مروه واسلام بص ناحيه مروه شافها متغاظه ف راح اكل لقمه من الساندوتش من ايد نادين وهو بيقول بصوت عالي شويه
بصراحه يادودو اجمل ساندوتش اكلته ف حياتي عشان كان من ايدك بس
مروه كانت حاسه انها هتتشل وهيا شايفه كدا قدمها لحد ما الباب قفل عليهم 
مروه بتقعد ع الكرسي وهيا مصدومه وبتقول ف نفسها بنفس طبقه خال مختار لما قال اختك...انا بقيت اختك
قالت
دودو...بقى دلوقت اسمها دودو!!
ماشي يا ام...ولا بلاش خلاص بقت الاحزان بالكوم بقيت مليان هموم...حتى اللون طفح ع الهدوم
والله شاعره ويجي مني
عدى يومينن ع حال ان مروه تبقى بس بتشوف نادين هيا الي جنب اسلام وهيا مش قادره تكون جنبه واسلام لما كان بيشوفها كان بيضحكلها نفس ضحكه ليوناردو دي كابريو عشان يغظها اكتر " هسبلكم الصوره ف الكومنتات "
لحد ما الدكتور جه يشوف اسلام ينفع يروح ولا لا
قبل ما الدكتور يتكلم نادين قاطعته وهيا بتقوله 
طبعا لازم يروح يكون عند حد يهتم بيه فيروح معايا احسن 
الدكتور واسلام ومروه بيبصو ب استغراب لنادين الي كملت كلامها
دا ان كان هو موافق يعني انا بتكلم عشان صحته يعني لان فيه ناس تانيه " بتبص لمروه "
مش واخدين بالهم من الجوهره الي معاهم
الدكتور واسلام ومروه نفس البصه
ف نادين بتلحق نفسها وتكمل
قصدي يعني ع الشخص الي معاهم يعني
الدكتور بيقرب من اسلام وبيقيس الضغط والسكر وبيشوف ردود فعله والاستجابه...
لا دا احنا بقينا عال الحمد لله 
اسلام بيرد ع الدكتور
الحمد لله يادكتور
نادين ممرضه شاطره وخدت بالها منك كويس
اسلام بيبص ع مروه وبيقول للدكتور
خدت بالها فعلا مني ، واحسن من ناس تانيه المفروض كانت تاخد بالها مني
دموع من عيون مروه نزلت منها بعد الجمله الي هو قالها
عموما تقدر تخرج يا اسلام بكره انت خلاص بقيت كويس
الحمد لله ....
مروه بتبص لاسلام بحزن ولسه عينيها بتدمع وهيا بتساله
طيب هتروحي معايا يعني ف الاخر البيت ولا مع نادين!!
اسلام بيبص جنبه ع نادين الي كانت بتبص بصه النصر ع مروه
اسلام مسك ايد مروه وخلى مشاعرها تتاخد منها 
وقعدها جنبه
وسط تبريق من نادين
مسح ب ايديها دموعها وهو بيقولها
هروح  " بص ع نادين وكمل جملته "  معاكي انتي طبعا ع بيتنا....
نادين بتقول لاسلام
هتروح مع دي...
مروه حطت ايديها ف وسطها بعد ما حست بالنصر
ومالها دي ان شاء الله ، دي بقى الي هيروح معاها...
نادين بصلته وهيا بتقوله 
يعني هتروح معاها يا اسلام ، هتخوني خلاص...
هخونك!!!
قصدي يعني خلاص هتمشي يعني 
اكيد مش هفضل طول عمري هنا يعني !
ماشي وف سرها بتقول 
يارب تعمل حادثه بس ع خفيف كدا بعد الشر عليك يعني وترجع هنا تاني...
مروه بتمسك ايده وهيا بتقوله يلا عشان اساعدك تلبس هدومك...
بيمسك ايديها ويقوم بيلاقي الباب بيخبط بيفتح اسلام بيلاقي بوكيه ورد مبوعتله
بيفتح الكارت بيلاقي مكتوب فيه
الحمد لله ع سلامتك يابطل ، مبروك للخروج مسيرنا هنتقابل تاني
الأمضاء :
محمد...
اسلام بيقول ف سره وهو متعصب
هقتله...وهقتل نادين ومروه والدكتور وعم محمد البواب وههرب بره البلد بعد كدا
مروه بتقاطعه  وحاجب فوق وحاجب تحت 
من مين بقى الورد دا ان شاء الله ؟!
اسلام مش عارف يقولها ايه..
هل يقولها  دا من محمد عشان تهدى بدل ما هيا متعصبه وفاكراه من بنت!
بس هو خايف ترجع تحنله تاني !!
ولا يقولها من بنت ويخليها هيا الي تقتله عشان يخلص بقى من الي هو عايشه دا !
google-playkhamsatmostaqltradent