رواية رجال من التجمع ونساء من بولاق الفصل العاشر 10

الصفحة الرئيسية

رواية رجال من التجمع ونساء من بولاق الفصل العاشر 10 بقلم محمود مصطفى 

رواية رجال من التجمع ونساء من بولاق كاملة

رجال من التجمع ونساء من بولاق الفصل العاشر 10

معلش انا تقريبا سمعت غلط يامروه!....
نادين بترد بسرعه...
ايوه فعلا ، ولو سمحتي يامروه لازم تخرجي دلوقت....
مروه عاوزه تعيد هيا قالت ايه
بس انا قولت...
نادين بتقاطعها وتقولها...
بعد اذنك يامدام عشان ما اندهش الامن لان كدا خطر ع صحه اسلام...
نظرت حزن من مروه لاسلام
بتبص ع دبلتها  وبتبوسها وهيا بتتحرك ناحيه باب الغرفه عشان تطلع بره
ولسه هتخرج من عنده...
اسلام بيقولها وهيا عند باب غرفته...
قولتي ايه بامروه....
نادين بتقول لاسلام 
اسلام ياحبيبي...
" نظرات تعجب من اسلام لنادين وهو رافع حاجب ومنزل التاني بعد كلمه حبيبي "
قصدي ياااااا...ياااااااا...اسمك كان ايه انت ولا ايه...
خدامك اسلام...
نادين بتبص لعينيه وهيا بتقول ف نفسها
دا انا الي...
بس فاقت بسرعه وكملت كلامها....
يا اسلام ....عشان التعب لازم ترتاح 
انا عاوز اسمع هيا قالت ايه " بيبص لمروه نظرات كان باين فيها اشتياق "
وبنبره اشتياق ودفى بيقولها....
قولتي ايه يامروه...
مروه بحزن وهيا ماسكه الدبله بترد عليه....
قولت اني بحبك....
مش سامع تقريبا المسافة بعيده قربي شويه...
بتقرب شويه مروه
قولي تاني كدا قولتي ايه
بحبك...
لا برضو المسافة بعيده قربي تاني اكتر...
كدا كويس...
معلش انا مريض والسمع عندي بعافيه... قربي شويه كمان...
اهو...كدا حلو...
يعني بصي لو تقربي اكتر شويه
بتقرب منه مروه لحد ما تيجي جنب السرير بتاعه وعين مروه تكون قصاد عين اسلام
ها قولتي ايه بقى؟!
مروه بتمشي صوابع ايديها ع دراعه...
اسلام بيحس كٲن نبضه ف قلبه كانت ناقصه وردت فيه....
مشاعر هنا وهناك...بدات تطفو ع السطح
اسلام بيغمض عينيه وهو حاسس بحاجات جواه ماينفعش تتقال لانها تتحس بس 
قولتي ايه يامروه
بيفتح عينيه اسلام
بيشوف مروه
 وفيها نظره له ف عيونها كان نفسه يشوفها من زمااااان 
ردت عليه مروه
بحبك....
مشاعر متلخبطه ، احاسيس من الطرفين...بركان من العواطف...
نادين بتمسك وش اسلام وهيا بتقوله
يالهوي...
ف ايه يانادين...
وجواها بتقول 
محدش هيخدك مني انت فاهم بس بترد عليه
شوفت درجه حرارتك زادت
درجه حرارتي زادت ازاي انا حاسس نفسي كويس
يالهوي وكمان ضغطك علي...
بس انا حاسس نفسي كويس
مروه بترد عليها بلهجه حاده شويه وهيا حاطه ايديها ع راس اسلام
ع فكره هو كويس
نادين بتوسع ايديها من ع راس اسلام وتقولها
انا الدكتوره وانا الي اقول اذا كانت درجه حرارته زادت ولا لا
مروه بتحط ايديها ف وسطها وبترد عليها
وانا مراته واخده بالك انتي...انا ايييه مراته...يعني حتى لو تعبان انا ال...
بتضحك نادين استهزاء بعد كلمه مراته
مراته...اول مره اشوف واحده تكون السبب ف ان جوزها...
اسلام قاطعهم وهو بيقولهم...
بااااس انتو الاتنين....كلمه كمان من واحده فيكم هفتح الشباك دا وهرميكم منه...
مروه بترد عليه بدلع
ههون عليك
لا بصراحه مش ااا...
نظرت انتصار من مروه لنادين 
بتقاطعه نادين
ايه دا يعني انا الي ههون عليك...
لا برضو عشان انتي الي عالجتيني..دي كانت فكره منيله لما قولت هرميكم من الشباك..
نادين بترفع وتنزل حواجبه وهيا بتغيظ ف مروه...
بيرجعو يكملو خناقهم...اسلام بيضغط ع زر جنبه وبيدخل عليهم دكتور كبير وهو بيجري
خير يادكتوره نادين اسلام جراله حاجه...
لا يادكتور المرادي انا الي استدعيتك
خير يا اسلام حاسس بحاجه...؟!
هو حاليا لا بس لو فضلو شويه احتمال يحصلي...ممكن تخرجهم بره يادكتور
بيبص لمروه وهو بيقولها
انتي مين حضرتك..؟!
بتحط ايديها ف وسطها وترد بكل ثقه  ، ثقه لما تكون فاكر نفسك مقفل الماده وتلاقي نفسك شايلها ف اخر السنه
انا مراته يادكتور...انا اييييه انا مراته...
طب بعد اذنك اتفضلي بره دلوقت عشان راحه المريض...
ايه دا ؟!...
بعد اذنك يامدام عشان راحه المريض مطلوبه...
طب وهيا اااا !
لا دي الممرضه المتابعه لحالته ف لازم تكون معاه...
يعني انا مراته...اخرج بره...وهيا الي تفضل ف الاخر!
بعد اذنك يامدام...
بيخرجو بره غرفته اسلام وبيقفل الباب وراه
طب ما تخلي الباب مفتوح الله يباركلك ؟!
نعم!
الباب بس حضرتك افتحه يعني
ليه معلش؟!
عشان هما لوحدهم والشيطان تالتهم وكدا يعني
ماينفعش عشان خصوصيه المريض
او خصوصيه المتجوزين...
نعم !!
لا وحاجه يادكتور...ولا حاجه يادكتووور...
عن اذنك
اذنك معاك يا اخويا...ياترى يا اسلام خونتي ولا لسه!
مروه قاعده بره ع اعصابها وكل شويه تقوم وتقرب من اللباب وتحاول تسمع اي حاجه بس مش سامعه...
وسيناريوهات رايحه وجايه ف تفكيرها...
ولكن هناك 
كان اسلام نايم ع السرير ونادين كانت عماله تتكلم معاه بس هو كان ف عالم تاني
كان حاطط ايد ورا راسه ، وايده التانيه بيمشيها ع عضلات صدره..... وهو  بيفكر ف اللحظه الي قربت منه مروه وبتمشي صوابع ايديها ع دراعه وهيا بتقوله بحبك....
ابتسم لما افتكر الشعور الي حس بيه...
اسلام انت معايا؟!
اسلام بص جنبه ع نادين...
معلش يانادين انا سرحت منك...ممكن اطلب منك طلب
انت تؤمر بس
ممكن تروحي تقفلي النور
بس كدا عينيا طبعا....
لما قفلت نادين النور
مروه وهيا بره لاحظت النور ف غرفته اتقفل
ياختييييي ... ياختي ياختي طب ايه ابلغ عنهم بوليس الآداب ولا ايه !!
بعد ما قفلت نادين النور...
اسلام لف ع جنبه اليمين وهو بيقولها تصبحي ع خير يانادين
وف سره قال
تصبحي ع خير ياقلبي..قصدي يامروه...
نادين وقفت مبلمه شويه وكان ف دماغها شويه افكار مش ولابد للي المفروض يحصل...
بس ردت عليه
وانت من اهله يا اسلام...
مروه واقفه بره ع اعصابها عماله تروح وتيجي قدام غرفته....
وكان فيه دكتور معدي بالصدفه جنبها
تفتكر يادكتور الحمل هيكون طبيعي ولا قيصري...
نعم ؟!
قصدي يعني... هيا هتكون حامل ماشي فهل هتولد طبيعي ولا قيصري
بتقولي ايه حضرتك؟!
 دلوقت يعني...نادين واسلام...واخد بالك... لوحدهم...تمام...والنور اتقفل فجاءه...فهل اروح اقتلها ولا اصبر لما تولد عشان حرام ولا اروح اقتل عم محمد البواب ولا اعمل ايه فاهمني..
اقتلي عم محمد واخلصي !!
انا قولت كدا...شكرا يادكتور....
عدت ساعه واتنين ومروه ع اعصابها بره...لحد ما قررت تفتح الباب والي يحصل يحصل...
فتحت الباب لاقت نادين نايمه ع سرير المرافق واسلام نايم ع جنبه اليمين مديها ضهرها....
جدع ياض يا اسلام،،،انا قولت برضو انك جوزي قره عيني...
مشيت مروه بتتسحب عشان ماتعملش صوت وهيا معديه من قدام سرير نادين قالت بنفس صوت محمد سعد ف فيلم كتكوت
ياما نفسي اقتلك يانادين واخلص العالم من شرك....
فضلت تقرب من سرير اسلام لحد ما وصلت عند اسلام وهو نايم...قربت كرسي من ناحيه المكان الي نايم منه
وقعدت قصاده وهو نايم بتحرك ايديها ع شعره شويه وع شعر دقنه شويه...
اسلام فتح عينيه شويه لاقها قدامه 
ابتسم مسك ايديها وقربها من صدره وكمل نوم
مروه بتتكلم بصوت واطي بتهمس ف ودنه
اسلام سيب ايدي عشان الحيزبون دي لو صحيت وشافتني هتعمل مشكله
اسلام...حبيبي...
سمعت اسلام وهو بيتكلم وهو نايم
وانا كمان بحبك يامروه....
مروه بلمت ومشاعر جياشه جواها ... رعشه حست بيها غمضت عينيها وكانت عاوزه تسمع الكلمه دي من تاني ، مروه كانت عاوزه تقوم تحضن اسلام حضن محدش حضنه لحد قبل كدا  او تبوسه... اوتصرخ تقوله انا بحبك...انا بحبك يا اسلام
كانت عاوزه تعمل الف حاجه وحاجه ف نفس الثانيه
عينيها دمعت من الفرحه وقالت 
انت بتحلم بيا يا اسلام ياما نفسي اخطفك من الحلم دا وتبقى ادامي دلوقت...
ابتسمت قبل ماتقوله
انا كمان بحبك يا اسلام....
اسلام بيفتح عينيه بيلاقي مروه قعده قدامه مبتسمه
مروه!
انتي هنا من بدري!
تؤ ...انا لسه الي جايه...
ماشي صباح الخير...
صباح النور....
مانمتيش من امبارح ولا ايه...
تؤ...
ليه ؟!...ماكنش فيه سرير فاضي ولا ايه
مش كدا...
اومال ايه ؟!
اصل كان فيه حد واحشني
بيتبسم اسلام وهو بيقولها
يابخته ياستي...
نظرات حنيه من مروه وهيا بتقوله
يابختي انا بيه...
نادين بتصحى من النوم جنب اسلام
صباح الخير يا اسلام
صباح النور يانادين
مروه ف سرها
صباح الزفت ع دماغك....
مصحتنيش ليه لما صحيت يا اسلام
انا لسه الي صاحي...
بتبص نادين بتلاقي مروه قدامها 
يلا يا اسلام عشان الحق دقنك
اسلام بيستغرب وهو بيقولها
بس انا مش عاوز احلقها؟!
ازاي دي طولت وبقت وحشه 
اسلام بيبص لمروه وبيقولها
بقت وحشه فعلا
بالعكس قمر...
طب اومال ايه
نادين بلهجه حاده شويه...
يلا يا اسلام عشان تحلق دقنك
الي تشوفه ياباشا
مروه بتقوم وبتقولها
لو فيه حد يحلق لجوزي تبقى مراته
اسلام بيقاطعها...
لا معلش انا عاوز نادين
مروه بتقوله ب استغراب
نعم!
كنت قدمك ياهانم ف البيت والحياه فرص خلاص ياهانم 
يعني هتسبها تحلق دقنك
ايوه
وتحط ايديها ع وشك كدا عادي
ايوه
وتلمس شعرك كدا
ايوه يامروه ...انتي علقتي !
ماشي يا اسلام...وبص بقى
هتضربي ولا ايه...
انا ماشيه 
ف امان الله....معاكي فلوس طيب
بتبص بعصبيه ناحيته تبرطم كلام بعصبيه
انا سمعتك ع فكره الله يسامحك ع العموم
 وتمشي بره غرفته وتسيبه...
نادين بتساعه اسلام انه يقوم وتقرب كرسي من الحمام عشان تحلق دقنه...وتقوله ثواني انا هروح بره اشوف الدكتور عاوز مني ايه واجيلك تاني...
مروه وهيا بره...
مايتحرقو هما الاتنين....هما الاتنين مايتحرقو...انا معصبه نفسي ليه...
لحد ماسمعت دكتور بالصدفه كان جنبها ف غرفه مريض تاني بيقول لممرضه تانيه
الدوا دا مخدر قوي اديها اتنين نص فرص عشان تعرف تنام وترتاح ودي علبه الفيتامينات...
نادين كانت خرجت ناحيه الدكتور راحت مروه جابت عصير ودوبت فيه قرص كامل بحاله
وندهت ع نادين قبل ما تروح للدكتور
انا شايفه ان العلاقه بينا متوتره يانادين وماينفعش احنا اتنين أصحاب انا عزامكي ع كوبايه  عصير ممكن تشربيها معايا
نادين ونظرات شك منها لمروه بس كانت عطشانه فقالتلها ماشي يامروه انتي عندك حق
بعد ما شربت وراحت للدكتور مروه قالت
ايكش تنامي يومين بحالهم واخلص منك
بتفتح باب غرفته اسلام 
اسلام بيسالها مستغرب :
اومال فين نادين يامروه
" بتقول ف سرها اديتها منوم هيخليها تنام تلات ايام ، يارب ماتكونش ماتت بس "
بس بترد عليه وهيا بتهز كتفها 
مش عارفه ...
بيبصلها اسلام بصه روبي بتاعه يولا عارفينها دي
ماشي يعني محدش يساعدني احلق دقني...انا هروح انام...
انااااا...
نظرات تعجب من اسلام لمروه
انتي ايه ؟!
اناااا ، ممكن اساعدك يعني....اذا حبيت يعني
امممم...لا شكرا...انا هسند نفسي لحد ما انام
بتقرب منه مروه وبتحط ايديها ع شعر دقنه وبتمشي ايديها بالراحه وهيا بتقوله وعينيها ف عين اسلام
لا ليه...مش هتاخد خمس دقايق...
اسلام بيبص ع مروه ، الي بتبادله نفس النظرات
خمس دقايق بس؟!
خمس دقايق يا اسلام...
ماشي...اما نشوف...
بتروح تجيب ماكنه الحلاقه بتاعه الدقن واسبراي عشان يعمل رغوه ع الدقن
بترش منه ع دقنه وهيا بتضحك
بتضحكي ع ايه؟!
بقت شبه بابانويل حتى بص
بتروح بتجيب الموبيل بتاعها وبتقرب خدها من خده وهيا فاتحه الكاميرا وهو كمان بيضحك وبيقولها 
لا عندك حق...
مروه وهيا قريبه من خده ، بتسرح ف عيون اسلام...
اسلام هو كمان بيسرح ف عينيها....
google-playkhamsatmostaqltradent