رواية فتاة فى زمن قاسي الفصل الخامس والعشرون 25

الصفحة الرئيسية

رواية فتاة فى زمن قاسي الفصل الخامس والعشرون 25 بقلم دودو محمد

رواية فتاة فى زمن قاسي بقلم دودو محمد
فتاة فى زمن قاسي بقلم دودو محمد

فتاة فى زمن قاسي الفصل الخامس والعشرون 25

وصلت علياء الفيلا ودخلت لاقت سمر قاعده بتعيط على السلم اتخضت وبصت لمنار وقالت ليها تطلع اوضتها وراحت قعدت جمب سمر وشدتها فى حضنها وقالت
علياء :- مالك يا سمر بتعيطى ليه
سمر :- مسكت اكتر فى علياء وقعدت تعيط
علياء :- أهدى يا سمر انا اول مره اشوفك بتعيطى بالطريقه دى
سمر :- ااااه يا علياء اختك اتكسرت بما فيه الكفايه انا عارفه أن غلط كتير بس التمن اللى دفعته وبدفعه غالى اوى ومسكت اكتر فى علياء وقعدت تعيط
علياء :- بخوف وتوتر ت.ت.تقصدى ايه بكلامك ده ا.ا.اوعى تقوليلى أن فيه حد لمسك ودموعها نزلت منها وقالت ردى عليا يا سمر اوعى
سمر :- بصت ليها بدموع ووجع وندم
علياء :- قعدت تضربها على وشها وقالت ليه تعملى كده ليه ليه يا سمر يااااااارب حرام عليكى مكنتش ناقصه تزوديها عليا لييييييه يارب ليه كده اختى كمان ااااااه يارب وشدتها فى حضنها وقعدت تعيط
مياده :- نزلت تجرى على صوت علياء ولاقتها بتعيط هى وسمر عرفت أن علياء عرفت بموضوع سمر حطت ايديها على وشها وقالت ليه يا سمر ليه وراحت عند علياء وقالت أهدى يا علياء كل حاجه هتتصلح والله العظيم انا روحت للى عمل فيها كده وهيجى بكره يتقدم ليها ويتجوزها
علياء :- بصت ليها بدموع وقالت انتى كنتى عارفه
مياده :- بصت فى الارض وقالت ايوه
علياء :- ومقولتيش ليه من الاول يا مياده
مياده :- كنت خايفه عليكى وعلى اللى فى بطنك وبعدين انا قولت فيكى اللى مكفيكى محبتش اشيلك هم على همومك
علياء :- الولا ده يجى يكتب عليها النهارده دلوقتى حالا
مياده :- أهدى يا علياء مينفعش مش عايزين عبدالرحمن يحس بحاجه انتى عارفه اخوكى متهور ازاى وممكن يضيع مستقبله بسببها خليها تمشى طبيعى علشان محدش يشك فى حاجه
علياء :- يا خساره يا سمر يا خساره وسابتهم وطلعت على اوضتها
مياده :- بصت لسمر وهزت راسها يمين وشمال ولسه هتطلع اوضتها
سمر :- وقفت قصاد مياده بدموع وقالت والله العظيم اللى اسمه أدم ده هو اللى حاول يقرب منى والله مظلومه يا مياده
مياده :- للاسف مبقاش عندى ثقه فيكى واللى شوفته ده يخلينى اصدق عينيا واكدبك انتى
سمر :- طيب انا هعمل كده تانى ليه انا خلاص اتعلمت الدرس يا مياده مش هروح برجلى تانى لسكه دى ابوس ايدك صدقينى
مياده :- عمومآ انتى كلها ايام وهتتجوزى اللى اسمه حازم ده وبعد كده يطلقك وترجعى تعيشى حياتك بس ياريت تكونى فعلا اتعلمتى الدرس ومترجعيش تانى سمر بتاعة زمان وسابتها وطلعت على اوضتها
سمر :- اتنهدت بدموع وطلعت على اوضتها
مياده :- كانت لسه هتدخل اوضتها سمعت صوت غريب فى الاوضه الفاضيه اللى قصادها استغربت وراحة فتحت الباب وقالت انتى مين
ريهام :- انا ريهام مرات عمر
مياده :- بصدمه مرات عمر
ريهام :- ايوه وعلياء عارفه وهى اللى قالت ليا اجى اعيش معاكم هنا
مياده :- علياء اختى طيب وانتى هنا من امته
ريهام :- انا هنا من الصبح وشوفت كل حاجه حصلت تحت والبنت مظلومه لان ادم هو اللى حاول يقرب منها وهى اللى كانت بتبعده عنها
مياده :- سيبك من موضوع البنت انتى دخلتى هنا ازاى
ريهام :- السواق جابنى هنا والشغاله هى اللى فتحت الباب وطلعتنى الاوضه دى
مياده :- انا مش فاهمه حاجه انا هروح لعلياء هى اللى تفهمنى وسابتها وراحت عند اوضت علياء وخبطت على الباب ودخلت عليها وقالت انتى كنتى عارفه أن عمر متجوز وكمان جايبه مراته تعيش هنا
علياء :- انا لسه عارفه وفيها ايه لما مراته تعيش هنا فى الاول والاخر الفيلا بتاعة جوزها زى ما بتاعة جوزى
مياده :- بس هو كتبها بأسمك وبعدين انتى اتأكدى انها مراته بجد
علياء :- يعنى هى هتكدب ليه يا مياده وانا شوفت بعينى الصور اللى هو متصورها معاهم وقبل ما اشوفهم عندها شوفتها هنا فى درج المكتب بتاع عمر هى مش ذنبها حاجه يا مياده بالعكس هى اتظلمت من عمر وانا كنت سبب الظلم ده وعمرى ما هسامح نفسى علشان اخد عمر من مراته وولاده وهحاول اعوضهم عن الظلم ده
مياده :- يا بنتى ما يمكن تكون واحده نصابه جوزك كان رجل اعمال مشهور وسهل اوى يتنصب على اسمه
علياء :- بقولك انا شوفت صورتهم فى مكتب عمر قبل ما اعرف أنه متجوز اصلا
مياده :- انا تعبت والله العظيم تعبت ومبقتش قادره خلاص ، اخلص من مشكله أقع فى مشكله تانيه لما الحمل زاد اوى عليا يا علياء
علياء :- انا مش صغيره يا مياده انا كبيره وعارفه انا بعمل ايه ويا ستى ما انا ياما اتحملت مشاكلكم وانتوا صغيرين وكنت لوحدى وعمرى ما اشتكيت
مياده :- انا مش قصدى اشتكى يا علياء انا كل الحكايه خايفه عليكى وتكون الست دى بتضحك عليكى اصل مش مقتنعه أن عمر يعمل كده طيب ليه هيدارى عليكى موضوع جوازه عنك فيه حاجات كتير مش مقنعه بيها
علياء :- بس انا أقنعت بكلامها يا مياده و مراته واولاده هياخدوا حقهم الشرعى اللى ربنا قال عليه
مياده :- انتى حره يا علياء وسابتها وخرجت من الاوضه وراحت على اوضتها
علياء :- اتنهدت وراحت عند اوضت ريهام وخبطت على الباب ودخلت وابتسمت لريهام وقالت عامله ايه
ريهام :- الحمدالله كويسه لو كنت هسبب ليكى مشاكل فى البيت ارجع شقتى تانى يا علياء
علياء :- مفيش مشاكل ولا حاجه وبعدين الفيلا دى بتاعتك زى ما بتاعتى يا ريهام ده خير عمر الله يرحمه
ريهام :- بدموع الله يرحمه
علياء :- اي حاجه عايزاها قوليلى متتكسفيش منى انا زى اختك
ريهام :- شكرآ يا علياء بس كنت عايزه اقولك حاجه
علياء :- قولى
ريهام :- البنت اللى كانت بتعيط تحت دى مظلومه أدم اخو عمر هو اللى قرب منها وهى كانت بتحاول تبعده عنها
علياء :- بأستغراب أدم كان بيعمل ايه هنا
ريهام :- معرفش انا سمعت صوت زعيق خرجت اشوف فيه ايه لاقيت آدم انا اعرفه من صورته اللى كانت مع عمر بيقرب من البنت دى وبيحاول يبوسها وهى كانت بتبعده عنها
علياء :- ماشى يا آدم حسابك معايا بكره لما اروح الشركه هيبقى ليا تصرف تانى معاه
ريهام :- انا قولت اقولك علشان البنت صعبة عليا اوى
علياء:- دى تبقى سمر اختى الصغيره وانا اللى مربياها وهى لسه عندها ايام
ريهام :- اه ربنا يخليكم لبعض
علياء :- يارب هسيبك تريحى شويه وهروح اوضى عن اذنك وسابتها ودخلت اوضتها واترمت على السرير ودموعها نزلت منها بوجع وقالت يارب تكون مرتاح دلوقتى يا عمر زى ما انت كنت حمايتى فى حياتك هبقى انا حماية مراتك واولادك بعد موتك يا عمر انا اه زعلانه منك بس لسه بحبك وجمايلك كانت كتير اوى عليا الله يرحمك يا حبيبى
««««
مر اسبوعين بدون احداث تذكر
اتقدم حازم لسمر واتفقوا على كتب الكتاب كمان اسبوعين واخد حازم خمسين ألف من مياده علشان يتجوزها والخمسين التانين بعد الطلاق

وصلت حكمت ومهند ومريم وعبده على فيلا عمر علشان يحضروا كتب كتاب سمر واجتمعوا فى الجنينه مع شوية معازيم صغيرين ووجود ريهام وكانت علياء ومياده وانجى فى اوضت سمر

سمر :- والدموع على خدها قالت هو المأذون جه تحت ولا لسه
انجى :- المأذون جه بس لسه مجاش العريس
مياده :- انا مش عارفه أتأخر كده ليه وتليفونه مقفول استنى كده هتصل على مهند يروح يجيبه من بيته واتصلت بمهند وقالت ايوه يا مهند حازم أتأخر اوى معرفش ليه كده
مهند :- انا بكلمك وانا رايح اجيبه من البيت اهو أنا فى السكه قربت عليه
مياده :- انا لسه كنت هقولك كده شكرآ يا مهند وقفلت السكه مع مهند وقالت راح علشان يجيبه
علياء :- ربنا يستر وميطلعش ندل ويهرب
مياده :- لاء انا واثقه أنه مش هيهرب
سمر :- ضحكت بوجع وقالت ده ايه الثقه الزياده عن اللزوم دى اشمعنا يعنى واثقه أنه هيجى
مياده :- ها ع.ع.علشان مهند مهدده وهو هيخاف منه
انجى :- أن شاءالله هيجى تلاقى حاجه عطلته ولا حاجه
سمر :- اممم ممكن
علياء :- انزلى انتى يا مياده عند الضيوف بدل ما احنا كلنا هنا ومفيش غير اخوكى عبدالرحمن معاهم بس
مياده :- ماشى وراحت فتحت الباب ونزلت تحت
انجى :- وانتى يا علياء انزلى ليهم وانا قاعده مع سمر متقلقيش
علياء :- ماشى يا انجى ومسكت وش سمر ما بين ايديها وقالت متخافيش يا سمر كل حاجه هتكون كويسه متقلقيش وباست راسها ونزلت
سمر :- دموعها نزلت منها وقالت انا عار عليهم كلهم يا انجى ياريتنى كنت موت قبل ما حصل ده كله ياريت
انجى :- حضنتها وقالت بعد الشر عنك يا قلبى انتى غلطى زى ما البشر كلها بتغلط محدش مننا معصوم من الغلط يا سمر
سمر :- بس انا غلطتى كبيره اوى
انجى :- معلش هو درس ليكى بس صعب شويه بكره يطلقك الحيوان ده وتقفلى الصفحه دى من حياتك نهائى وتبدأى بصفحه جديده وشخصيتك الجديده وتشتغلى وتحققى ذاتك يا سمر
سمر :- قد ايه كلامك مريح اوى يا انجى وفيه امل ربنا يخليكى ليا ويديمك فى حياتى يارب
انجى :- وميحرمنيش منك يا احلى اخت
سمر :- ممكن تنزلى تشوفى حازم جه ولا لاء
انجى :- حاضر وسابتها ونزلت تشوف حازم وصل ولا لاء وراحت عند مياده وقالت ايه الاخبار
مياده :- مش عارفه لسه ومهند مش بيرد
انجى :- ربنا يستر
مياده :- يارب وبعد وقت طويل الناس بدأت تمل وتلاحظ أن فيه حاجه غريبه ويسأله على سبب التأخير ده وفى الوقت ده دخل مهند وخيبة الامل مرسومه على وشه وراح عند مياده وقال
مهند :- للاسف طلع واطى واخد الفلوس وهرب
مياده :- يا نهار مش فايت طيب والعمل احنا كده سمر هتتفضح والمستخبى هيبان
مهند :- خدى اقرى ده سابه مع الجار اللى قصاده
مياده :- فتحت الظرف وقرت المكتوب اللى فيه وقالت الواطى الجبان بيقول أنه استكفى بالخمسين الف اللى اخدهم وهيسافر بره وان محدش يسأل عليه علشان محدش هيعرف يوصل ليه يا فضحتنا السوده هنعمل ايه دلوقتى يا مهند
علياء :- جات وقالت فيه ايه وبصت لمهند بقرف
مياده :- طلع واطى وطفش يا علياء اختك اتفضحت اتفضحنا خلاص
علياء :- ياريت ما سمعت كلامك يا مياده قولتلك بلاش تديله الفلوس غير بعد كتب الكتاب قولتى يعنى هو هيروح فين اهو اخدهم وطفش
عبدالرحمن :- جه وقال هو فيه ايه يا جماعه فين العريس مجاش لحد دلوقتى ليه
مياده :- بصت لعلياء وقالت بتوتر ا.ا.العريس مش جاى
عبدالرحمن :- يعنى ايه العريس مش جاى
علياء :- يعنى مش جاى يا عبدالرحمن مش هيتجوز اختك سمر
عبدالرحمن :- انا عايز افهم كل حاجه دلوقتى حالا اول حاجه صممتوا على العريس ده رغم أن انا مرتحتش ليه وكنت عايز ارفضه ودلوقتى بتقولوا مش جاى يتجوز سمر فيه ايه بالظبط
مياده :- بصت لعلياء وبصت لمهند وانجى وغمضت عينيها بتوتر وقالت كان لازم يتجوزها يا عبدالرحمن علشان وسكتت شويه وقالت علشان ضحك على اختك
عبدالرحمن :- يعنى ايه ضحك على اختك
مياده :- يعنى ضحك على اختك يا عبدالرحمن ملهاش معنى تانى
عبدالرحمن :- بعصبيه ال*** انا هقتلها وهقتله ولسه هيمشى
مهند :- مسكه وقال اهدا يا عبدالرحمن الناس بتبص عليكم انت كده هتفضح اختك
عبدالرحمن :- انا لازم اقتلها واغسل عارها بأيديا سيبنى يا مهند
مهند :- اهدا يا عبدالرحمن بقى
علياء :- عبدالرحمن العصبيه مش هتنفع اللى حصل حصل خلاص خلينا نشوف دلوقتى هنعتذر لناس ونقولهم ايه
عبدالرحمن :- قوليلهم أن العروسه واحده رخيصه باعت نفسها والعريس رماها يوم فرحها
مياده :- يا ابنى اهدا ابقى خلينا نفكر بهدوء شويه عارفه انها صعبه عليك وعلينا احنا كمان بس خلينا دلوقتى فى الأهم الفضيحه اللى احنا فيها دى
علياء :- روح مشى المأذون يا عبدالرحمن وانا هتأسف لناس وهقولهم أن حصل ظرف طارق للعريس والفرح اتلغى ولسه هتمشى
مهند :- استنى يا عبدالرحمن خلى المأذون انا هتجوز اختك
مياده وعلياء وانجى التلاته بصوا لبعض بصدمه
عبدالرحمن :- وانت ذنبك ايه تصلح غلطة غيرك
مهند :- مش وقته الكلام ده يا عبدالرحمن اعمل اللى بقولك عليه
علياء :- بصت ليه بقرف وقالت انت لو اخر واحد فى الدنيا مش هجوز اختى ليك
مهند :- ياريت ننسى اى خلفات قديمه يا علياء ونفكر دلوقتى فى مصلحة اختك وسمعتها
علياء :- من امته الشهامه دى فاكر زمان كنت بتعمل ايه طول عمرك وسخ وطلعت مش انت بس لاء واخوك كمان مفيش جواز ولسه هتمشى
مياده :- علياء لاء أهدى ارجوكى اختك اهم من اى حاجه دلوقتى اسلم حل أننا نجوزها لمهند ويا ستى يبقى يطلقها بعد كده بس اهم حاجه ندارى الفضيحه دى ابوس ايدك وافقى
علياء :- ده بنى أدم زباله اسمعى منى يا مياده احنا كده بنرمى اختنا فى النار بأيدينا
مياده :- النار اللى بجد هى الفضيحه يا علياء لما الكل يبص لأختك نظره رخيصه اسمعى كلامى علشان خاطر سمر
علياء :- داست على أسنانها وقالت ماشى بس بشرط تطلقها بعد ما الناس تمشى علطول
مهند :- مش هينفع يبقى كده احنا معملناش حاجه الناس هتقول العريس طلقها ليه يوم فرحها اكيد مسك عليها حاجه انا هطلقها اكيد بس بعد شهرين تلاته علشان تكون الناس نسيت
علياء :- هو شهر واحد ومش هتقرب من اختى فاهم
مهند :- ماشى يلا بقى علشان الناس
علياء :- ماشى يا عبدالرحمن منها لله اختك اللى خلتنا نحتاج للاشكال دى
عبدالرحمن :- انا من اللحظه دى هعتبرها ماتت وراح مع مهند عند المأذون
مريم :- بصدمه لامها الحقى يا ماما ابنك مهند رايح عند المأذون
حكمت :- وهى حاطه منار على رجليها قالت بأستغراب الولا ده هيعمل ايه وبصت لعبده وقالت ابنك هيعمل ايه يا عبده
عبده :- مش عارف هروح اشوفه وراح عند مهند وقال بتعمل ايه يا مهند
مهند :- انا اسف يا بابا بعد اذنك هتجوز سمر
عبده :- كده من نفسك ملكش أهل تاخد رأيهم
مهند :- وقف وقال بابا انا بحب سمر وعايز اتجوزها من زمان وما صدقت أن العريس حصلت ليه ظروف ولغى الفرح وطلبت ايديها من اخواتها ارجوك يا بابا وافق
عبده :- بس
مهند :- علشان خاطرى يا بابا
عبده :- هز راسه يمين وشمال وقال انت حر اعتبرتنى مش موجود واخد القرار مع نفسك يبقى كمل لوحدك ولسه هيمشى
مهند :- بالله عليك ما تزعل ووافق علشان خاطر ماما ومسك دراعه وقال ها يا بابا وافق علشان المأذون يكتب الكتاب
عبده :- اكتب يا مهند اكتب انا هروح اقعد جمب امك وسابه ومشى وراح عند حكمت وقال ابنك هيتجوز سمر
حكمت :- خبطت على صدرها وقالت ايه امال العريس فين
عبده :- بيقول حصلت ليه ظروف
حكمت :- كنت هتموت عليها من الاول وفرصه وجات لحد عندك يا مهند بس كده من نفسى ماشى حسابنا مش دلوقتى لما نروح البيت
وغير المأذون بيانات العريس من اول وجديد وبدأ يكتب الكتاب وبعد وقت خلص واخدت علياء الورق وطلعت مضت سمر عليه من غير ما تعرف أن مهند العريس ونزلت تانى
انجى :- طيب دلوقتى هنعمل ايه مع سمر هى متعرفش أن اللى اتجوزها واحد تانى غير حازم
مياده :- مش هتفرق مع سمر المهم دلوقتى خلصنا من الفضيحه اللى كانت هتحصل يلا هروح اجبها من فوق
مهند :- نده على مياده وجه عندها وقال استنى يا مياده انا هطلع ليها
مياده :- بس
مهند :- متقلقيش انا هتفاهم معاها
مياده :- م.م.ماشى
مهند :- سابها وطلع عند اوضت سمر وفتح الباب ودخل علطول من غير ما يخبط
سمر :- ا.ا.انت ازاى تدخل عليا اوضى كده من غير ما تخبط وايه يدخلك اوضى من اساسه اتفضل لو سمحت اطلع بره
مهند :- دخل وقعد على السرير وبصلها ومقالش ولا كلمه
سمر :- اطلع بره بدل ما اصرخ والم عليك الناس فين مياده وعلياء ازاى يسيبوك تدخل هنا
مهند :- عادى صرخى محدش ليه عندى حاجه
سمر :- ده انت بجد بجح اطلع بره مينفعش اللى انت بتعمله ده
مهند :- لاء يا بت شريفه اوى وخايفه على نفسك
سمر :- بدموع انا عارفه أن غلط بس بحاول اصلح الغلط ده واعيش صح بقى ارجوك اطلع بره لو مياده أو علياء شافوك هنا فى اوضى هيفكروا أن فيه حاجه ما بينا لأنهم مش بيثقوا فيا خالص دلوقتى ارجوك يا مهند
مهند :- وقف وراح عندها وقال عندهم حق ميثقوش فيكى إذا كنت أنا نفسى مش بثق فيكى
سمر :- قعدت على حرف السرير وقالت بوجع كفايه كلامك اللى بيوجع ده واطلع بره لو سمحت مش ناقصه فضايح
مهند :- فين الفضايح دى ايه المشكله لما راجل يقعد مع مراته فى نفس الاوضه
سمر :- بصت ليه بأستغراب وقالت تقصد ايه
مهند :- قرب منها وقال يعنى انا جوزك وانتى مراتى
سمر :- وقفت وقالت ايه الجنان اللى انت بتقوله ده انا لسه مضيه عقد الجواز بتاعى انا وحازم
مهند :- ضحك وقال انتى بصيتى فى العقد
سمر :- لاء هبص ليه ما انا عارفه اللى مكتوب فيه
مهند :- ضحك وقال لاء مش عارفه لأن اللى مكتوب فيه أن انا الزوج يا سمر
سمر :- بصت ليه بصدمه وقالت نعم ازاى انت الزوج امال حازم راح فين
مهند :- حازم بح عمل عملته وهرب وروحت اجيبه لاقيته سافر روحت انا عملت ايه؟ من كرم اخلاقى اتجوزتك علشان ادارى فضيحة حضرتك انتى تنامى فى أحضان الرجاله واحنا نشيل نتيجة عمايلك
سمر :- انت اكيد اتجننت وكداب مستحيل يكون ده اللى حصل
مهند :- قعد على السرير وقال عندك اخواتك تحت انزلى اسأليهم
سمر :- بصت ليه بصدمه ونزلت تجرى تسألهم عن اللى حصل
مهند :- نزل يجرى وراها وقال استنى هنا
سمر :- ابعد عنى سبنى
مهند :- اتزفتى هنا لما ندخل مع بعض علشان الناس متحسش بحاجه
سمر :- بقولك سبنى هما ازاى يعملوا فيا كده ازاى
مهند :- بقولك أهدى علشان محدش يحس بحاجه
سمر :- قعدت فى الارض وقالت بدموع انا تعبت ليه كل كده بيحصلى انا غلط ودفعت تمن غلطتى دى غالى اوى بس خلاص تعبت من الذل والاهانه تعبت من نظراتكم ليا المهينه حرام عليكم بقى سبونى فى حالى وابعدوا عنى كفايه بقى كفايه وقعدت تعيط
مهند :- غمض عينه بوجع ومد أيده ليها وقال قومى يلا نخرج لناس وبعد الفرح نبقى نتكلم فى الموضوع ده
سمر :- بصت لايد مهند وقامت من غير ما تمد ايديها ليه ومسحت دموعها
مهند :- نزل ايديه وقال اتفضلى امشى وخرجوا عند المعازيم وقعدوا فى المكان المخصص ليهم
علياء :- شويه واعتذرى لناس وخليهم يمشوا كفايه فضايح لحد كده
مياده :- ماشى وفى الوقت ده دخل مراد من الباب وراح عند علياء وبص ليها مده طويله من غير ولا كلمه
علياء :- بصت ليه بقرف ولسه هتمشى
مراد :- مسكها من دراعها جامد وقرب من ودنها وقال ليه عملتى كده
علياء :- بغيظ سيب دراعى
مراد :- ليه مقولتيش أن منار بنتى ليه سمتيها على اسم راجل غيرى ليه تعملى كده يا علياء ليه
علياء :- بصت بصدمه لمراد وقالت ا.ا.ايه الكلام اللى انت بتقوله ده
مراد :- ايوه يا علياء منار بنتى
علياء :- ا.ا.انت اكيد اتجننت م.م.منار بنت عمر الله يرحمه
مراد :- كدابه يا علياء منار بنتى ومعايا اللى يثبت ومد أيده بالتحاليل وقال ده تحليل الDNA واللى بيثبت انا منار بنتى انا يا علياء
علياء :- بصت لتحليل اللى فى ايد مراد وبصت على منار اللى على رجل حكمت وقالت منار بنتى انا فاهم بنتى انا وحسك عينك تقرب من بنتى وشدت دراعها من ايد مراد وراحت عند حكمت وشدت منار من على رجليها وشالتها وحضنتها وقالت مستحيل هسمحلك تقرب منها يا مراد مستحيل
مراد :- بصوت عالى اسمعوا يا جماعه منار تبقى بنتى انا من صلبى انا والتحليل ده يثبت كلامى انها منار مراد عبده رمضان
الكل بص لبعضه حتى سمر ومياده وعبدالرحمن كانوا مصدومين من اللى بيسمعوا
علياء :- بدموع وانهيار بصت على الكل و قالت اه بنتك بس قولهم جات ازاى قولهم انت عملت ايه فيا قولهم انك انت اغتصبتنى من اربع سنين قولهم انك واحد حيوان وواطى اخد منى شرفى من غير رحمه منك ولا شفقه كنت بترجاك بدموعى انك تبعد عنى متحركتش مشاعرك لو ثانيه واحده وخليتك تبعد عنى ايوه منار بنتك بس انت متستهلش تكون ابوها ابوها اللى اتقبل وجودها فى بطنى من غير ما يوجعنى بكلمه ولا يجرحنى ابوها اللى اتجوزنى وانا حامل فيها وكان بيعاملنى بكل طيبه وحنيه عمر هو ده اللى ينفع ابوها راجل بجد قعد جمبى واستحمل اصعب ايامى وانا تعبانه فيها كان بيخاف عليها كأنها بنته بالظبط عمره ما زعلها ولا قالى دى مش بنتى بالعكس كان دايمآ حنين عليها كأنه ابوها بالظبط هو إللى أداها اسمه بفرحه وحب وترحاب منه بيها ده اللى ابوها بجد إنما انت متستهلش الكلمه دى منها منار هتفضل بنت عمر مهما عملت والورق اللى معاك ده اشرب ميته واياك تقرب من بنتى فاهم
مراد :- بدموع قولتلك كان غصب عنى والله العظيم ما كنت فى وعى حتى اسألى مهند اهو
مهند :- ايوه يا علياء مراد مش بيكدب عليكى هو معملش كده وهو فى وعيه لاء ده كان تحت تأثير الحبايه اللى اخدها على أساس أنها بتاعة الصداع
حكمت :- ايوه يا بنتى انا اللى اديتها ليه بأيديا على اساس انها حباية صداع مكنتش اعرف انها مش كويسه
علياء :- هزت راسها يمين وشمال وقالت كلكم كدابين كلكم كدابين محدش هياخد بنتى منى وطلعت تجرى ركبت العربيه بتاعتها ومعها منار ومشيت بيها
عبدالرحمن :- كان واقف مكانه مصدوم من اللى بيسمعه
مريم :- صرخت مره واحده وقالت بابا
الكل جرى على عبده لاقوه مش بيتحرك اتصلوا على الإسعاف وبعد وقت جات واخدت عبده وراح مهند ومراد وحكمت ومريم معاه المستشفى
عبدالرحمن :- اخد عربيته وطلع يجرى بيها وهو دموعه على خده
سمر بصت لمياده وطلعت تجرى على اوضتها
مياده :- قعدت فى الارض وقعدت تصرخ وتقول ليييييه كل ده بيحصل فينا ليه هو حرام لما نرتاح شويه شبه البنى ادمين كله وجع وحزن ليييييييه بس نفسى نعيش شبه البنى ادمين الفرحه عمرها ما كملت للآخر كل ما نطلع من حزن نقع فى حزن اكبر منه يارب أنا مش بعترض على حكمك وامرك بس تعبنا والله العظيم تعبنا وقعدت تعيط
ريهام :- وحدى الله قومى معايا وسندت مياده تقف وطلعتها على اوضتها
««««
فى فيلا أدم

كانت ملك قاعده على الكرسى وبتشرب سيجاره والكاس فى ايديها وقالت

ملك :- هتنفذ امته بقالك اسبوعين كل ما أسألك تقولى بعدين
أدم :- بعدين يا ملك انتى مستعجله ليه
ملك :- مستعجله علشان تورث يا حبيبى مجرد ما اللى فى بطنها ده ينزل هيتفرق الورث وتاخد نصيبك
أدم :- ربنا يسهل
ملك :- عمومآ انا خلاص نفذت
أدم :- بصدمه نفذتى ازاى
ملك:- الرجاله قاموا بالواجب والصبح هينزل البيبى و هى كمان هتتكل ونبقى استريحنا منهم والبنت سهله
ادم:- بعصبيه ليه بتنفذى من دماغك ليه
ملك :- لو اعتمد عليك مش هنعمل حاجه اصلك بقى قلبك رهيف اوى على الاخر
أدم :-ايوه ما انتى مش خسرانه حاجه يوم ما هيتهموا هيتهمونى انا علشان انا المستفاد الوحيد من الورث ده
ملك :- متقلقش هيبان انها قضاء وقدر ومحدش ليه يد فى موتها ده
أدم :- انتى ايه يا شيخه
ملك :- قامت قعدت وقالت انا بحافظ على حقوقى انا وابنك وحطت ايديها على بطنها
أدم :- بصدمه ابنى وبص على بطنها
ملك :- ايوه يا حبيبى انا حامل
أدم :- وقف وقال ازاى حصل ازاى
ملك :- حصل من اى ليله يا حبيبى هتفرق معاك ايه
أدم :- اللى فى بطنك ده لازم ينزل فاهمه
ملك :- لا يا حبيبى الكلام ده مش ليا اللى فى بطنى مش هينزل وانت هتتجوزنى ورجلك فوق رقابتك احسن والله انت لسه مشوفتش الوش التانى اللى عندى يا آدم
أدم :- انتى بتهددينى يا ملك
ملك :- اه بهددك وعايز تشوف قلبتى اتحدانى يا ادم وقعدت على الكرسى واخدت نفس من السيجاره وقالت كده يا دومى تخلينى اتعصب عليك خلينا منتظرين خبر موت مرات اخوك بمزاج رايق وتبقى كل الأملاك دى بتاعتنا انا وانت وابننا يا حبيبى وضحكت بشر
أدم :- بص ليها بقرف وهز راسه يمين وشمال وسابها وطلع اوضه قفل الباب عليه وراح فتح دولابه واخد الظرف اللى سايبه ليه عمر وقعد على السرير وفتحه وقعد يقراه فيه

المحتوى :- أدم ابن عمرى ايوه انت ابنى مش اخويه طول عمرى بعتبرك ابنى وبخاف عليك اكتر من نفسى رغم عارف ان انا مجرد بنك ليك وخلاص وانك بتتمنى اموت علشان الورث بس انا اسف عارف انك هتتصدم لما تعرف ان انا متجوز ومش واحده لا اتنين ومعايا اولاد كمان انا خوفت اقولك احسن ما تأذيهم انت عارف شعورى ايه وانا بحاول معرفش اخويه اللى من امى وابويه علشان خايف عليهم منك احسن تأذيهم الموت ارحم بكتير من الإحساس ده يا آدم انا عملت ليك كل حاجه وانت معملتش ليا اى حاجه بس جه الوقت اللى ترد فيه ليا الجميل مدام بتقراه كلامى ده دلوقتى يبقى انا ميت وسايب مراتى واولادى لوحدهم رد ليا الجميل واحميهم من شرك يا آدم احميهم من شيطانك اللى هيوزك تأذيهم امانه عليك يا آدم تخلى بالك منهم انا سايب لكل واحد حقه ياريت بلاش تطمع فى اكتر من حقك خلى بالك على ولادى يا آدم وحافظ عليهم زى ما اخد بالى منك وحافظة عليك خليك عارف ان دول امانه وأننا يوم ما هنتقابل هسألك على الامانه دى يا اخويا يا ابن امى وابويه
أدم :- كرمش الورقه فى أيده وقال انا اسف يا اخويا اسف ليك على احساسك بالخذلان من نحيتى اسف على شعورك بالخوف منى على ولادك انا اسف انا لازم انقذ علياء من شر ملك لازم وخرج يجرى من اوضه ونزل ركب عربيته وطلع يجرى على الفيلا عند علياء ودخل سأل عليها وعرف أن هى خرجت وفى الوقت ده التليفون الارضى رن ردت مياده على التليفون ودموعها نزلت منها وقالت بصريخ
مياده :- عليااااااااااااء.. يتبع الفصل 26 اضغط هنا
google-playkhamsatmostaqltradent