Ads by Google X

رواية فتاة فى زمن قاسي الفصل الثامن عشر 18

الصفحة الرئيسية

رواية فتاة فى زمن قاسي الفصل الثامن عشر 18 بقلم دودو محمد

رواية فتاة فى زمن قاسي بقلم دودو محمد
فتاة فى زمن قاسي بقلم دودو محمد

فتاة فى زمن قاسي الفصل الثامن عشر 18

فى الشركه
دخل المحامي وقعد على الكرسي وقال
المحامى :- البقاءلله
عبدالرحمن :- شكر الله سعيك
المحامى :- استاذ عمر الله يرحمه كان اخ لينا كلنا
علياء :- بدموع الله يرحمه اتفضل حضرتك قول الوصيه بتاعته
المحامى :- لازم يبقى الكل موجود
علياء :- تقصد بأيه الكل موجود
وفى الوقت ده الباب اتفتح ودخل أدم ومعاه مراد
علياء :- بتبص اتفاجئت بمراد وقفت وقالت انت
مراد :- بصدمه علياء
علياء :- بعصبيه ايه جاب الحيوان ده هنا
مراد :- علياء انتى بتعملى ايه هنا
علياء :- متجيبش أسمى على لسانك فاهم
أدم :- استنا انت وهى مين دى وبتعمل ايه هنا وبص على عبدالرحمن وقال انت مش الواد اخو الخدامه فيه ايه يا جماعه مين دول وبيعملوا ايه فى شركتى
عبدالرحمن :- اتكلم عدل يالا بدل ما أنزل على وشك زى زمان
أدم :- اطلع بره من شركتى
عبدالرحمن :- شركة مين يا ابو شركه دى شركة جوز اختى
أدم :- نااااعم هو شغل النصب هيبتدا ولا ايه
مراد :- جوز اختك وبص لعلياء وقال انتى كنتى مرات عمر الله يرحمه
علياء :- اه كنت مراته كنت مرات اشرف راجل فى الدنيا دى بحالها راجل عارف معنى الرجوله بجد مش زى ناس زباله اسم فى البطاقه وبس
مراد :- بصدمه مستحيل ده حصل قولى أن اللى بسمعه ده كدب
أدم :- طبعآ كدب امشوا بره يا شوية نصابين بقى انا اخويه هيتجوز زباله زيك
عبدالرحمن :- راح مسكه من هدومه وقال كلمه تانى زياده هطلع روحك فى ايدى
مراد :- طلع يجرى وشد عبدالرحمن وقال اهدا يا عبدالرحمن
عبدالرحمن :- انت مش سامع بيقول ايه على اختى
مراد :- اهدا بس وبص لادم وقال اقعد يا آدم لحد ما نفهم الموضوع
أدم :- موضوع ايه اللى نفهمه ما هى واضحه زى عين الشمس دول نصابين
علياء :- على فكره بقى احنا مش نصابين انا معايا عقد الجواز وشهادة ميلاد بنتى بأسم منار عمر سليم
مراد :- بص بصدمه لعلياء
أدم :- لا والله وكمان مخلفه منه بنت الورق ده مزور
المحامى :- لاء مش مزور يا استاذ أدم مدام علياء فعلا مرات اخوك الله يرحمه ومعايا كل الاوراق اللى تثبت الكلام ده
أدم :- حرام ومرتشى كمان شوف متفقين يدوك كام لما ينصبو نصبتهم ويخدوا الفلوس
عبدالرحمن :- اللهم طولك يا روح
المحامى :- شكرآ لذوق حضرتك عمومآ انا علشان خاطر استاذ عمر هستحمل اللى حصل ده واتفضلوا علشان نفتح الوصيه
مراد :- قعد على الكرسى اللى قصاد علياء وفضل يبص عليها وهو مش مصدق نفسه
علياء :- بصت ليه بقرف وقالت لمحامى ياريت تخلص حضرتك علشان مش قادره استحمل اقعد فى المكان ده
المحامى :- فتح الشنطه وقال دى الوصيه اللى مكتوبه من استاذ عمر هفتحها بس قبل ما افتحها كل واحد ليه ظرف مكتوب بأسمه سايبه ليه استاذ عمر وقال مدام علياء ده ليكى استاذ عمر ده ليك استاذ أدم ده ليك محدش يفتح حاجه دلوقتى غير لما أقرأه ليكم الوصيه وفتح الوصيه وبدء يقراه الكلام اللى فيها

المحتوى

السلام عليكم ورحمه الله وبركاته

مدام بتقروا وصيتى دلوقتى ابقى انا انتقلت إلى الرفيق الأعلى وفرقت الحياه

أدم انا عارف انك هتتفاجئ بخبر زواجى وإن انا كمان عندى طفله صغيره وانك هتشكك فى زواجى من علياء بس هى دى الحقيقه انا اتزوجت علياء وربنا رزقنا بطفله اسمها منار لو بتحبنى بجد حافظ عليهم واعتبر بنتى كأنها بنتك يا آدم انا حبيت علياء وحافظة عليها فى السنين دى كلها ياريت تحافظ عليهم هما كمان بعد موتى انا هبقى حاسس بكل حاجه مش عايزك تجرح علياء وتكسرها شوف فيها اخوك الكبير اللى تعب وشقى علشان يربيك ويكبرك ويعيشك عيشه مرتاحه ومتتبهدلش ربع اللى انا اتبهدلته

مراد
انا اللى طلبت تكون موجود ساعة فتح الوصيه لأن انا بعتبرك اخويه وبحترمك جدآ وبأمنك على كل كبيره وصغيره خلى بالك على مراتى وبنتى امانه فى رقابتك متخليش حد يهنها ويذلها يا مراد حطهم فى عينيك واحميهم من غدر الزمن

علياء

حبيبتى روحى كل حاجه كانت حلوه ليا فى الدنيا دى انتى كنتى بالنسبه ليا الهوا اللى بتنفسه كنتى بنتى وامى واختى ومراتى وحبيبتى كنتى ضحكتى وقت زعلى كنتى بلسم لجروحى علاج لكل آلامى كان نفسى عمرى يطول علشان اتمتع بكل لحظه عيشتها معاكى عارف سبتك لوحدك بس مش بأيدى ده عمر وانتهى يا علياء خدى بالك من نفسك ومن بنتنا وبلاش دموعك تنزل على خدك حتى وانا ميت لأن دموعك دول غاليين عليا اوى يا علياء خليكى قويه زى ما متعود منك تبقى قويه فى الظروف الصعبه انا مش خايف عليكى لأن اللى تربى تلاته وهى لسه صغيره بشرف هتعرف تربى بنتى بعفاف وشرف انا سايب ليكى اللى يكفيكى انتى وبنتك وأخواتك علشان متتعبيش تانى فى الدنيا وانتى لوحدك هتوحشينى يا احلى وارق ملاك

محامى زهران

هتقسم التركه بشرع ربنا بأستثناء الفيلا اللى فيها علياء واخواتها انا كتبتها بأسم علياء والشركه كتبتها بأسم علياء وقصادهم كتبت الشركه اللى فى دبى والفيلا بأسم أدم بديل الفيلا بتاعة مصر والشركه اما الفلوس اللى فى البنك وباقى فروع الشركه والعربيات هتتقسم بالشرع والقانون ومعاك عقد لأستاذ مراد عينته رئيس مجلس الاداره لخبرته فى إدارة الشركات لأن انا متأكد أن علياء مش هتعرف تمسك الشركه لوحدها مراد هيساعدها فى إدارة الشركه كويس اوى

برجاء الدعاء ليا بالرحمه والغفران مع السلامه

المحامى :- دى كانت وصية استاذ عمر كل حاجه هتتقسم بالشرع والقانون معادا اللى قال عليهم بره الورث وانا أن شاءالله بكره هعمل اعلان وراثه علشان كل واحد ياخد نصيبه
عبدالرحمن :- بس انا اختى حامل
المحامى :- فى الحاله دى هنأجل كل حاجه لحد ما تولد مدام علياء علشان نقسم حسب الشرع
أدم :- نعم لاء بقى ده شغل سرقه ونصب انا ايه ضمنى أنها حامل من اخويا عمر ما يمكن تكون واحده سهله وخانت اخويا وحامل من حد بره
علياء :- وقفت وراحت عنده ورفعت ايديها وضربته بالقلم وقالت اخرس قطع لسانك انا اشرف من عشره زيك كان عنده حق عمر فى كل كلمه قالها عليك
أدم :- انتى بتمدى ايدك عليا يا و***** ورفع أيده علشان يضرب علياء بالقلم بس قبل ما تنزل على خدها ايد مراد منعته
مراد :- اهدا يا آدم مينفعش اللى انت هتعمله ده
أدم :- انت مشوفتش مدت ايديها عليا ازاى ماشى يا خدامه مبقاش انا لو مكنتش عرفتك قمتك يا جربوعه وخرج وسابهم
عبدالرحمن :- انا مسكت نفسى عليه بالعافيه
مراد :- بص لعلياء وقال حقك عليا متزعليش منه
علياء :- كلكم زى بعض رخاص ومفيش عندكم مبدأ
مراد :- علياء
علياء :- قولتلك متجيبش أسمى على لسانك انا انضف واطهر من أن اسمى يجى على لسان واحد زيك
مراد :- بص لعبدالرحمن وبعدين بص لعلياء وقال انا دورت عليكى كتير علشان اقولك الحقيقه يوم اللى حص
علياء :- قطعته وقالت بس مش طايقه اسمع صوتك لو سمحت اطلع بره طول ما انت موجود قصادى بحس بقرف
مراد :- اتنهد بوجع وقال اسمعينى طيب
علياء :- بأنهيار اطلع برررررره اطلع بره قولتلك مش عايزه اشوف وشك تانى اطلع بره
عبدالرحمن :- أهدى يا علياء وبص لمراد وقال معلش يا مراد اطلع بره دلوقتى
مراد :- بص على علياء بدموع وطلع من المكتب
علياء :- قعدت على الكرسى وافتكرت كل اللى حصلها من مراد وقعدت تعيط
عبدالرحمن :- هو ايه الموضوع يا علياء
علياء :- مسحت دموعها وقالت مفيش يا عبدالرحمن انا ماشيه
عبدالرحمن :- استنى اجى اوصلك
علياء :- لاء خليك انت فى الشركه خد بالك منها اليومين دول انا همشى لوحدى وفتحت الباب وخرجت لاقت مراد واقف بصت ليه بقرف ونزلت وسابته
مراد :- اول ما شافها ماشيه نزل يجرى وراها وقال علياء استنى اسمعينى بس
علياء :- انت ايه رجعك بس انا بكره جسمى وبقرف من نفسى كل ما افتكر اللى حصل منك حسبى الله ونعم الوكيل فيك على اللى عملته فيا انا بكرهك يا مراد بكرهك وهعيش فى الدنيا دى بس علشان اشوفك مكسور ومذلول قدامى
مراد :- بدموع طيب اسمعينى بس
علياء :- بعصبيه مش عايزه اشوف شكلك ولا اسمع صوتك افهم بقى وسابته وراحت ركبت العربيه مع السواق وروحت على الفيلا
مراد :- بص عليها وهى ماشيه ودموعه نزلت منه وقال ليه يا عمر تعمل فيا كده انا طلبت منك تدور عليها وترجعها تروح تتجوزها ااااااااه يارب حب عمرى كسرتها وشايف كرهه ليا فى عينيها ومش قادر اعمل حاجه اااااااااه يارب ووقف تاكسى وراح على البيت
**
فى فيلا عمر

دخلت علياء الفيلا لاقت مياده قاعده بصت ليها بدموع واترمت فى حضنها وقعدت تعيط

مياده :- شششش أهدى يا حبيبتى علشان اللى فى بطنك ده
علياء :- اااااااه يارب هى ليه الدنيا بتعمل فيا كده بتاخد من ايدى كل حاجه حلوه وبتسيب ليا بس العذاب والألم ليه كل ما اقول الدنيا ضحكت ليا تدينى ضهرها وتجبنى سابع ارض ليه انا بالذات اللى بتعمل فيا كده ليه انا مكنتش عايزه اى حاجه من الدنيا غير أن عمر يفضل جمبى وبس لكن. حتى دى استكترتها الدنيا عليا ااااااه يا وجع قلبى وكسرته ااااااه
مياده :- بدموع استغفرى ربنا يا علياء بلاش الكلام ده حرام
علياء :- والله ما بعترض على أمره بس خلاص تعبت مبقاش عندى طاقه استحمل
مياده :- تعالى اغيرك هدومك وصلى ركعتين واقعدى اقرى شويه فى المصحف وانتى هترتاحى شويه
علياء :- طلعت مع مياده غيرت هدومها واتوضت وصلت ركعتين وقعدت تقراه فى المصحف
مياده :- خرجت من الاوضه عند علياء بصت على اوضت سمر وقالت بأستغراب البت دى مالها مظهرتش النهارده خالص وراحت خبطت على الباب وفتحته ودخلت لاقت سمر نايمه قالت نوم ايه ده اللى نايمه دلوقتى وراحت عندها وقالت سمر بت يا سمر اصحى
سمر :- اممم سبينى انام شويه يا مياده
مياده :- نوم ايه ده العصر هيأذن خلاص انتى يا بنتى
سمر :- قامت قعدت بتعب على السرير وقالت نعم يا مياده
مياده :- مالك يا سمر فيكى ايه
سمر :- بتعب مفيش بس تعبانه شويه
مياده :- بقلق اجبلك دكتور طيب
سمر :- بخوف لالالا مش محتاجه دكتور دول شوية برد
مياده :- يا بنتى انتى عمرك ما نمتى فى السرير بالطريقه دى
سمر :- بتعب يا مياده قولتلك عندى شوية برد بس على تقيل
مياده :- طيب يا حبيبتى خليكى مريحه على سريرك وانا هنزل اجيب ليكى لقمه تاكليها
سمر :- مليش نفس يا مياده للاكل
مياده :- انتى على لحم بطنك يا بنتى
سمر :- لما اجوع هنزل اكل
مياده :- خلاص ماشى عايزه حاجه
سمر :- بتعب ل.ل.لاء
مياده :- طيب انا هنزل تحت وشويه وهطلع اطمن عليكى تانى وخرجت وقفلت الباب وراها
سمر :- بصت على اختها وهى ماشيه بدموع ومسكت بطنها وقالت اعمل ايه بس ياربى خايفه حد يكتشف موضوع الحمل ده قبل ما أنزله منك لله يا حازم ربنا ينتقم منك وقامت تجرى على الحمام وقعدت ترجع وغسلت وشها وخرجت من الحمام بتعب وقالت اااااه مش قادره خلاص حسبى الله ونعم الوكيل فيك يا حازم ونامت على السرير وقعدت تعيط
**
فى الشركه

دخل عبدالرحمن مكتبه وقعد على الكرسى ومسك سماعة التليفون وطلب السكرتير ردت عليه السكرتيره الجديده طلب منها كل الملفات القديمه علشان يمضيها وفنجان قهوه وبعد وقت دخلت السكرتيره الجديده ومعاها الملفات والقهوه وقالت

السكرتيره :- اتفضل يا فندم
عبدالرحمن :- شكرآ وبص ليها وقال بصدمه انتى بتعملى ايه هنا
السكرتيره :- انت اللى بتعمل ايه هنا
عبدالرحمن :- ده مكتبى جايه فيه ليه يا مريم
مريم :- هو انت المدير
عبدالرحمن :- ايوه وانتى السكرتيره الجديده
مريم :- بقرف للاسف
عبدالرحمن :- وانا ميشرفنيش تكون السكرتيره بتاعتى واحده زيك
مريم :- انا اللى ميشرفنيش اشتغل معاك لو اعرف كده من يوم ما استلمت الشغل كنت سبته من ساعتها
عبدالرحمن :- اطلعى بره مكتبى
مريم :- بصت ليه بقرف وخرجت تجرى من المكتب واخدت شنتطها ونزلت تجرى من الشركه
عبدالرحمن :- اتصل على محامى الشركه وطلب منه ملف مريم وقفل السكه وشويه والمحامى بعت الملف بتاع مريم اخده عبدالرحمن وفتحه وقراه الشروط اللى فيه وبص على الفراغ وقال زى ما عيرتينى بأختى ودخلتيها القسم مبقاش انا لو معملتش فيك زي ما عملتى فى اختى يا مريم واتنهد وبدء يشوف شغله
**
فى بيت عبده

فى اوضت مراد ومهند

قعد كل واحد منهم على سريره وقال مهند

مهند :- يااااااه واحشتنى اوى يا مراد مش مصدق نفسى انك رجعت
مراد :- بوجع وانتوا كمان واحشتونى بس ياريتنى ما رجعت
مهند :- ليه حصل ايه
مراد :- انت عارف نزلت مصر ليه
مهند :- ايوه علشان صاحب الشركه مات وطلب انك تكون موجود ساعة فتح الوصيه
مراد :- وعارف مين صاحب الشركه دى
مهند :- كان اسمه عمر صح
مراد :- بوجع ايوه وجوز علياء
مهند :- علياء مين
مراد :- علياء يا مهند
مهند :- بصدمه تقصد علياء بتاعتنا
مراد :- بوجع ايوه
مهند :- طيب وايه جاب علياء لعمر
مراد :- مش عارف انا اتصدمت النهارده لما عرفت انها تبقى مرات صاحب الشركه اللى شغال فيها اللى تعبنى ومجننى أن انا طلبت منه يدور عليها ويرجعها ليا تانى يروح يدور عليها ويتجوزها ويدارى عليا كل ده أنه لاقها ليه طيب انا عمرى ما اتوقعت أن هو يعمل كده معايا
مهند :- انساها خلاص يا مراد اهى اتجوزت وكل حاجه اتصلحت
مراد :- ازاى انساها يا مهند انا بحب علياء والله اعلم عاشت حياتها ازاى اكيد كانت مكسوره بسبب اللى انا عملته فيها مشوفتش نظرت عينيها والكره اللى فيهم ليا علياء شيفانى حيوان مفترس شيفانى واحد من غير قلب سلب منها شرفها من غير شفقه ولا رحمه اه من نظرت عينيها ليا اه سكينه بتقتل فيا يا مهند
مهند :- انت رجعت أسوأ من الاول يا مراد
مراد :- هتفضل حالتى تسوء كده لحد ما علياء تسامحنى وقام وقف
مهند :- رايح فين
مراد :- طالع فوق وسابه ومشى
مهند :- اتنهد وقال علشان كده سمر مكانتش بتيجى اليومين إللى فاتوا المعمل ومياده مش بترد عليا وقال يلا مليش نصيب اشوفها وقام خرج من اوضه ونزل المحل
**
عند مراد

طلع على السطح وبص على المكان بوجع وحسره وراح زق الباب وفتحه بص على الشقه كانت كلها تراب وبص مكان ما فاق هو وعلياء ومد أيده على الأرض ودموعه نزلت منه وقال

مراد :- انا اسف يا علياء انا اللى دبحتك بأيدى انا اللى كسرتك ووجعتك انا اسف على كل دمعه نزلت منك بسببى اسف على كل لحظة الم اتألمتيها وانا كنت السبب فيها اسف على حاجات كتير عملتها فيكى من غير قصد وراح قعد على الأرض وسند ضهره على الباب وفضل يبص على الأرض ويعيط وشاف علياء قصاده قام وقف وقال بدموع علياء انتى هنا صح وراح مشى أيده على وشها وقال انا اسف يا علياء اللى حصل ده كان غصب عنى انا عمرى ما افكر اوجعك انا بحبك يا علياء وبص حاوليه وقال علياء انتى روحتى فين علياء يا عليييييياء وقعد فى الارض وقعد يعيط
**
عند أدم

كان قاعد عند ملك وهو متعصب وبيشرب خمره والسيجاره فى أيده وقال

أدم :-ازاى عمر يعمل كده ازاى يتجوز وميقولش ليا طول السنين دى كلها اهو جاب ليا اللى يقسم معايا الورث بعد ما كنت بحلم يكون كل ده ليه لوحدى وكمان اتأجلت كل حاجه لحد ما الست هانم تولد
ملك :- ولا تعصب نفسك ولا حاجه الحل فى ايدينا
أدم :- ازاى مش فاهم
ملك :- يعنى اللى فى بطنها ده ممكن يبقى بح يعنى لو الحمل لسه فى اوله حادثه بسيطه تنزله وبكده تقدر تستلم ورثك متستناش لحد ما تولد وتجيب وريث جديد وممكن كمان هى تتكل وتروح فى داهيه
أدم :- طيب ما هى معاها بنت منه برضه
ملك :- شهاده مزوره تثبت أن هى مش بنته وبكده يبقى الورث كله ليك يا حبيبى
أدم :- بتردد بس عمر موصينى عليهم ودول مهما كان ولاده وهو اللى ربانى وكبرنى بعد موت أبويه
ملك :- يا حبيبى اخوك خلاص مات وحرام لما واحده شحاته زى دى تاخد فلوس اخوك على الجاهز وانت اخوه من دمه تاخد نص الورث اللى زى دى اصلا تلاقيها ولا بتحبه ولا حاجه تلاقيها اتجوزته بس علشان فلوسه يعنى راحت ولا جات نصابه وحراميه اسمع كلامى بس
أدم :- شرب من الكاس والسيجاره وبص لملك وابتسم ليها بشر
**
فى فيلا عمر

كانت مياده قاعده وماسكه التليفون بتاعها وبتتكلم مع مروان ودموعها على خدها وقالت

مياده :- انا تعبت من انا أظهر قويه قصادهم علشان اقويهم لكن انا فى الحقيقه منهاره يا مروان موت عمر وجعنى اوى كسرت اختى علياء وجعنى اوى خوفى على سمر تعبنى قلقى على عبدالرحمن تعبنى انا من قلقى عليهم مش بنام يا مروان
مروان :- أهدى يا مياده مش كده يا حبيبتى اخواتك كبار وهما يعرفوا يحافظوا على نفسهم كويس اوى لما يحصلك حاجه وتوقعى محدش هينفعك
مياده :- عارفه انهم كبار بس مش كلهم بيعرفوا يحافظوا على نفسهم يا مروان واحده زى اختى علياء بتأذى نفسهم بحزنها على عمر وقلة اكلها وهى حامل سمر اختى طايشه وخايفه اوى اوى عليها عبدالرحمن عصبى وبخاف ليضيع نفسه فى مره من عصبيته انا اوقات كتير بحس نفسى أن مسؤوله عليهم كلهم مش هقدر استحمل اى حاجه تحصل لحد من اخواتى انا من غيرهم ولا حاجه يا مروان
مروان :- يا حبيبتى عارف والله وربنا يخليكم لبعض بس انا خايف عليكى مش اكتر
مياده :- عارفه يا مروان انا بتكلم معاك انتى واقولك على اللى وجعنى علشان كلامك ليا هو بلسم روحى وبيخلينى ارتاح وانسى اللى تعبنى كله
مروان :- انا معاكى وجمبك فى اى وقت تحبى تتكلمى فيه يا مياده انا وانتى واحد يا قلبى إن شاءالله بعد الاربعين هاجى اتقدم ليكى انا خلاص جهزت كل حاجه ومستعد للخطوه دى بقى ده انا بحلم باليوم اللى هتبقى فيه مراتى على سنة الله ورسوله
مياده :- ابتسمت بحب وقالت ربنا يخليك ليا يارب
مروان :- وميحرمنيش منك يا عمرى
مياده :- يلا هقفل معاك واطلع اطمن على البت سمر علشان تعبانه شويه
مروان :- ماشى يا قلبى باى
مياده :- قفلت مع مروان وطلعت عند اوضت سمر ودخلت لاقتها نايمه قالت بأستغراب ايه حكاية البت دى مع النوم وراحت عندها وقالت سمر انتى يا بنتى
سمر :- بتعب نعم
مياده :- انتى ايه حكايتك مع النوم
سمر :- ما قولتلك يا مياده واخده دور برد تقيل شويه سبينى انام بقى
مياده :- لاء مش هسيبك وانتى فى الحاله دى قومى البسى اخدك لدكتور يطمنى عليكى
سمر :- ها ل ل لا يا مياده مش هروح انا على شوية برد انا اخد علاج وعلى الصبح هكون كويسه أن شاءالله وقطعت كلامها وطلعت تجرى. على الحمام وقعدت ترجع
مياده :- بقلق سمر انتى مالك بالظبط رفضه تروحى لدكتور ليه
سمر :- بتعب م.م.مفيش يا مياده انتى مكبره الموضوع كده ليه وخرجت من الحمام نامت على السرير
مياده :- بصت ليها بقلق وقالت ربنا يستر واللى فى دماغى ميطلعش صح انا اروح فيها يا سمر
سمر :- بتوتر ها ت.ت.تقصدى ايه
مياده :- يارب يطلعوا شوية برد زى ما بتقولى يا سمر يارب وخرجت وسابتها
سمر :- بصت لأختها وهى خارجه بدموع ونامت على السرير وحطت وشها فى المخده وقعدت تصرخ
**
فى اوضت علياء

راحت علياء عند شنتطها وفتحتها ومدت ايديها واخدت الظرف اللى سابه ليها عمر وابتسمت ليه بدموع وراحت قعدت على السرير وفتحته وبدأت تقراه كلام عمر ليها

المحتوى

عمر :- حبيبتى انا عارف انك دلوقتى قاعده فى اوضتنا وانتى بتقرى كلامى ده واكيد هتكون دموعك نازله على خدك بس اول طلب هطلبه منك امسحى دموعك دى يا علياء
علياء :- ابتسمت ومسحت دموعها وكملت قرايه
عمر :- ايوه كده علياء لو كنت فى يوم غالى عليكى بلاش تكونى ضعيفه عايزك تكونى قويه عايز علياء اللى اول ما شوفتها خطفت قلبى بقوتها وقوة تحملها كنت بتمنى يبقى عندى ربع قوتك واصرارك اللى كنت بشوفهم فى عينيكى اتعلمت منك حاجات كتير اوى حلوه فى حياتى اتعلمت يعنى ايه الصبر على ابتلاء ربنا اتعلمت اكون ازاى متسامح مع نفسى قبل الاخرين كل ده اتعلمته على ايدك انتى يا علياء بقيت كل يوم اتعلق بيكى اكتر من اليوم اللى قابله ولو كنت أتمنى أن عمرى يطول علشان بس اعيش جمبك لو ثانيه واحده
علياء انتى لما رفضى تقولى ليا مين اللى عمل معاكى كده مغصبتش عليكى لأن انا عارف لو كنتى تقدرى تقولى كنتى قولتى ليا كل حاجه مهما كان مين فهو حمار علشان يقدر يجرح ملاك زيك المهم انا كتبت الشقه اللى كنتى قاعده فيها بأسم عبدالرحمن هو يستحقها لانه شاب مكافح وعنده عزة نفس وكرامه و فتحت حساب بأسم مياده فى البنك علشان تتجوز منه وسمر برضه فتحت ليها حساب فى البنك خلى بالك على نفسك وعلى بنتنا وعلى اخواتك وبلاش حزن يا علياء عيونك دى اتخلقت علشان الابتسامه وبس نلتقى بعد عمر طويل ليكى فى الجنه يا حبيبتى بعشقك
علياء :- نامت على السرير وحضنت الجواب وقعدت تعيط وقالت حتى وانت ميت شايل هم الكل اااااه يا حبيبى يا وجع قلبى على فراقك يا عمر ااااه يارب الصبر من عندك يارب وقعدت تعيط
**
عند مراد

نزل يجرى من الشقه ودخل اوضه وهو دموعه على خده قعد على السرير ومد أيده فى جيبه وطلع الظرف بتاع عمر فتحه وبدء يقراه كلامه

المحتوى

عمر :- مراد مدام بتقراه كلامى دلوقتى يبقى انت اكيد فى مصر وحضرت فتح الوصيه وسمعت اللى مكتوب فيها وعارف انك هتقابل مصاعب كتير اوى فى مشوارك مع اخويه أدم بس انت الوحيد اللي اقدر اطمن على مراتى وبنتى معاك عارف انك دلوقتى زعلان منى لانك اتفاجئت بجوازى من علياء وان انا منفذتش طلبك يوم ما جيت طلبت منى ادورك عليها انا اسف بس كان لازم ابعدك عنها عارف ليه لان انا متأكد انك بتحب علياء انا لما طلبت منك تسافر. وتمسك فرع الشركه وتاخد بالك على أدم مش علشان انا عايز كده لاء انا عملت كده علشان ابعدك عن علياء علشان شوفت حبها فى عيونك يا مراد من اول مره تجمعنا احنا التلاته فى المكتب وانا شوفت حبها فى عينك نظرتك ليها نظرت عاشق يوم ما جيت طلبت منى ادورك عليها شوفت قد ايه انت مشتاق ليها شوفت خوفك ولهفتك عليها علشان كده خليتك تسافر ودلوقتى انا خلاص مبقتش موجود فى الدنيا بس سايب حته منى هناك سايب علياء وبنتى يواجهوا المصير المجهول بالنسبه ليهم أدم اخويه اكبر خطر عليهم وممكن يأذيهم علشان كل حاجه تبقى ليه خليك معاهم يا مراد احمى مراتى وبنتى من شيطان اخويه ارجوك انا عينتك فى الشركه علشان تبقى معاها وجمبها تحميها وتاخد بالك على الشركه فى نفس الوقت مراد انا طول عمرى بثق فيك بتمنى انك دلوقتى تكون قد الثقه دى حط مراتى وبنتى فى عينك يا مراد علشان هسألك يوم القيامه على وصيتى دى ليك الى اللقاء بعد عمر طويل ليك فى الجنه
مراد :- كرمش الجواب فى أيده وقال بدموع ليه تعمل كده يا عمر وتبعدنى عنها ليه وحدف الجواب فى الارض وقال انا لازم اخليها تسامحنى انشالله لو هدفع عمرى كله.. يتبع الفصل 19 اضغط هنا
google-playkhamsatmostaqltradent