رواية أحببت مسترجله كاملة جميع الفصول من الفصل الأول إلى الفصل الأخير عبر دليل الروايات
رواية أحببت مسترجله البارت الأول
اعرفكم على نفسي أنا مريم عندى 21سنه مش كملت تعلمى عشان الظروف مش تسمح أنا عايشه مع اخواتى بعد موت بابا وماما أنا عندى سمر 19سنه وحنين 15سنه ودول اغلى حاجه فى حياتى بخاف عليهم اوى وكل الناس بتحترمنى وبتعتبرنى راجل حتى طريقه كلمهم ليا بصيغه رجليه
وصفى بنت محجبه ورشيقه عيون بنى بشره بيضاء شعر بنى غامق
فى صباح الباكر
مريم بعد ما حضرت الافطار رايحه تصحى اخواتها
مريم...سمر قومى يا حبيبتي عشان تفطرى وتنزلى الكليه
سمر وهى تغطى وشها.. حاضر بس سبينى دقيقة بس اكمل الحلم
مريم وهى بتشد الغطاء ..قومى يا بت بطلى كسل
سمر ..اوف عايزه انام يا جدعان
مريم ...قومى يا بت يلا بلا كسل
ومريم راحت لحنين
مريم ...حنه قومى يا قلب اخت عشان تفطرى وتروحى المدرسه
حنين ...صباح الفل يا قلبى
مريم ..صباح السكر
يلا قومى بقا يا قلب اختك
حنين ...حاضر
مريم وهى بتبص على سمر ...شوفى الناس اللى بتسمع الكلام من الاول امال زى ناس بتقول هكمل الحلم
سمر ...ما أنا قومت اهوه الله
مريم وهى بتحضنهم هم الاتنين... ربنا يخليكوا ليا ومش يحرمنى منك ابدا
الاتنين وهم بيبسوها من خدها ..ويخليكى ليا يا ماما
مريم..يلا عشان نفطر وكل واحد يروح مكانوا
البنات ...يلا .
وفطروا ونزلوا هم الكل
اعرفكوا على إخوتها
سمر ..بنت محجبه وجميله شبه مامتها عيون خضراء وبشره سمراء وشعر اصفر غامق وفى كليه هندسه فى الفرقه الاولى
حنين .دى بنت محجبه برضو وعيون سودا وغمزات وبشره بيضاء وعندها 15سنه وفى تلاته إعدادى وناويه على طب
هم عايشين فى حى شعبى وكل الناس بيحبوهم من احترامهم ومحدش يقدر يقرب منهم عشان بيعملوا حساب لمريم
مريم فى الشغل لبسه هدوم رجالى
...يا سطا مريم فى واحد عايزك
مريم وهى بتقوم من تحت العربيه اللى بتصلح فيها
مين عايزنى يا محمود (محمود ده الصبى بتاعها وادرعها اليمين معنه صغير بس معاها على طول وبيشتغلوا فى تصليح السيارات)
محمود ...مش عارفه ياسطا
مريم ...ماشي يا حوده كمل اللى فايدك يلا لما اشوف مين عايزنى
محمود...ماشي ياسطا
مريم ..ايوه مين حضرتك
شخص وهو يلتفت ليها
انتى بنت الحاج احمد.
مريم ...ايوه حضرتك
البارت الثاني
مريم ...ايوه مين حضرتك
شخص وهو يلتفت ليها
انتى بنت الحاج احمد
مريم أيوه حضرتك
الحاج سعيد..بسم الله ماشاء الله انتى كبيره امال فين بابكى
مريم ...الله يرحمه يا عم
الحاج سعيد...هو مات 😟
مريم ..اه من ١٠سنين هو وماما فى حدثه وهى بتشد كرسي اتفضل يا عم اقعد
الحاج سعيد... ربنا يرحمه أنا عمك سعيد صاحب بابكى من زمان أنا سفرت من 15سنه بعد ما مراتى ماتت واول ما جيت سالت عليه ربنا يرحمه كان وحشنى اوى
مريم ...الله يرحمه
تشرب ايه
الحاج سعيد... ربنا يخليكى يا بنتى مش عايز حاجه
انتى اسمك ايه بقا
مريم ...مريم يا عم سعيد
سعيد...عاشت الاسامي
مريم ..شكرا
سعيد..لو عوزتى حاجه أنا موجود أنا زى بابكى وأعطاه كارت فيه العنوان ورقم التلفون
وطلع فلوس عشان يديها
عم سعيد ..خدى يا بنتى دول وان شاء الله كل شهر هيوصل ليكى زيهم
مريم.. شكرا يا عم مستوره والحمد لله
عم سعيد ..خدى بس دا ابوكى ليه فضل عليا كتير مش عارفه ارده ازاى
مريم ...يلا ربنا يرحمه كله فى ميزان حسناته
عم سعيد..يلا ربنا يرحمه هو انتى بتشتغلى هنا
مريم ..اه
سعيد..طيب الكارت ده فى عنوان لشركه بتاعتى تعالى ليا بكره عشان اشوف ليكى شغل كويس
مريم ...لا شكرا يا عم مرتاحه كده ومرتاحه وانا فى وسط احلى وناسي وكفايه الضحكه اللى بتطلع من قلب الفقير بدنيا ومافيها
عم سعيد ... عندك حق والله مش كل الناس مرتاحه
طيب استأذن أنا
مريم ...ماشي
وذهب عمى سعيد
: وعدا الايام وجه يوم كان فيه مطره شديده ومريم مش عرفت تروح واطرت أنها تقعد لما الجو يهدى شويه
مريم وهى بتتصل على إخوتها تطمن عليهم وتقول ليهم مش هتيجى دلوقتي
مريم..الو ايوه يا سمر ايه انتى فى البيت انتى وحنين وكويسين
سمر ...اه امال انتى فين اتاخرتى كده ليه
مريم ... والله الجو وحش ومش عارفه اطلع من الورشه لما الجو يهدى شويه هاجى
سمر ..ماشي خالى بالك من نفسك والبسي الجاكت
مريم ..حاضر وخالوا بالكوا من نفسكوا اتعشيتوا ولا لا
سمر ..اه الحمد لله
مريم .. ماشي يا حبيبتي يلا سلام
سمر..سلام ابقى طمنينى عليكى
مريم .. حاضر
وقفلت
جه شخص من بعيد جاى جرى من المطره
... السلام عليكم
مريم... وعليكم السلام
... معلش يا اخت هقعد شويه لما المطره تبطل شويه
مريم..براحتك يا اخ اعمل حاجه سخنه تشربها
الشاب..ياريت لو شاى
مريم بعد شويه..اتفضل
الشاب .. شكرا
هو مفيش حد فى المكان ده غيرك هنا
مريم ...اه ليه
الشاب ..اصل العربية بتاعت عطلت وانا فى الطريق وعايز مصلح فين صاحب المكان ده
مريم ..أنا اهوه يا اخ
الشاب .. لا قصدى الاسطى اللى بيصلح مش انتى
مريم ..ياعم ما أنا قولت أنا اهوه
الشاب ...
: وانتى بقا بتعرفى تصلحى ولا هتبوظيها ليا اصل البنات مش شاطره غير فى كده
مريم وهى بتمسك مفتاح التصليح ويتقرب منوا
ليه البنات مش عجباك
الشاب ..ازاى لا دول قمرات
مريم ...تعرف تسكت خالص
الشاب...هو أنا قولت حاجه
وبعد شويه الجو يهدى شويه
مريم... العربية بتاعتك فين
الشاب ...هو انتى مش خايفه انى اكون حرامى واسرقك
مريم وهى بتضحك ...حرامى وتسرقنى انت عبيط يلا ولو انت حتى حرامى أنا أعرف اتصرف تجرب ولا ايه لو عايز تجرب ممكن اطلب الإسعاف الاول
الشاب...وعلى ايه الطيب احسن يا اسطى يلا عشان اتصلحى عشان اروح
مريم ...طيب ورينى هى عطلت فين
واخدها على مكان العربيه
: مريم وهى بتطلع من تحت العربيه ...شوف كده يا عم
الشاب وهو بشغلها ...لسه يا عم
مريم ..فى سرها عربيه زى صاحبها
وتطلع تانى ..شوف كده
الشاب وهو بيدورها ...اه كويس اشتغلت يا بنت اللذينه
مريم ...بتقول حاجه.
الشاب لا يا حاجه بقول تسلم ايدك
مريم..وهى بتطلع من تحتها وبتنفض هدومه ..يلا بقا سوق وامشي
الشاب ...اتفضلى حق التصليح
مريم ... شكرا
الشاب بصوت عالى شويه وهى ماشيه مش عرفت اسمك يا قمر
مريم ...اسمى مريم وانت
الشاب...فهد
مريم ..اتشرفت بمعرفتك يا استاذ نمر
الشاب ..فهد مش نمر
مريم ..مش تفرق يلا سلام
فهد...اوصلك
مريم ... شكرا البيت مش بعيد
فهد ...انتى حره
اوصف فهد شاب رياضى عنده شركه
وعايش فى مصر من مده صغيره عيون بنى شعر اسود بشره بيضاء غمازه فى دقنه
مريم وهى مروحه لقت واحد ماشي وراها ....
ياترى مين اللى ماشي وراها
البارت الثالث
مريم وهى مروحه لقت واحد ماشي وراها
مريم ....انت لسه ما روحت وكمان ماشي ورايا
فهد..أنا بس كنت عايز اطمن عليكى اصل انتى بنت ومش ينفع امشي لنفسك بالليل الأصول بتقول انى اطمن عليكى
مريم .. شكرا وانا مش بخاف وانا مش اى بنت أنا أقدر ادافع عن نفسي ومش طلبت مساعده
فهد...أنا برضو مش ماشي غير لما اطمن سواء بتخافى ولا أنا اللى بخاف أنا بخاف على بنات الناس زى ما بخاف على اخواتى فاهمه
مريم ...ماشي شكرا يا...
فهد..حالا نسيتى أسمى فهد
مريم .. شكرا يا استاذ فهد أنا قربت من البيت اهوه
فهد وهى وشه الابتسامه .. الشكر لله وحده خلاص انا ماشي كده اطمنت
وكل واحد راح بيته
مريم اول ما دخلت البيت لقت اخواتها مستنظرينها
سمر ..ايه ده كلوا أنا قولت أنا هتباتى فى الورشه
: مريم ...الجو كان وحش وجيت لما هدى
سمر...حمد لله على السلامه اهم حاجه
مريم الله يسلمك امال فين حنين
حنين.وهى لسه صاحيه
أنا اهوه
انتى جيتى امتى
مريم ...لسه وأصله حالا
حنين..حمد لله على السلامه
مريم ...الله يسلمك يا حبيبتي يلا عشان ننام عشان مصالحنا
سمر ..مش هتتعشي
مريم ...لا مليش نفس
حنين...مريم أنا كنت عايزه فلوس الدروس
مريم ...حاضر وطلعت فلوس من جبها
خدى دول وبكره هديكى الباقى
وهى بتدى سمر مبلغ
خدى يا سمر دول
سمر ...انا معايا فلوس اللى مكفيانى
مريم.. برضو خديها اى حاجه نفسكوا فيها قولوا وانا انفذ
البنات ... ربنا يخليكي لينا ومش يحرمنا منكى
مريم..ويخليكوا ليا يلا بقا ننام اصل تعبانه اوى
البنات ...يلا
وكل واحد دخل على سريره ونام معادا مريم
مريم بتفكير..يارب المصاريف كترت وانا مش معايا يكفى الشهر اعمل ايه يا ربى حلها من عندك يارب
ونامت
تانى يوم البنات صحيوا وأدوا فرضهم وكل واحد راح على مصلحته
مريم وهى فى الشغل تعبت شويه ..
محمود ..مالك يا مريم تعبانه ولا ايه
مريم ..لا كويسه يا حوده بس جيب كبايه شاى من عند عمك حسن عشان اصحصح
محمود..حاضر
وذهب وأحضر ليها كبايه الشاى واخدت الشاى وحست بتعب
مريم..يا محمود خلى بالك من الورشه عشان مروحه
محمود...حاضر اجى اوصلك
مريم...تسلم يا حبيبي
مريم روحت ودخلت على طول على السرير سمر جت وعارفه انو مفيش حد فى البيت
سمر دخلت الاوضه لقت مريم نايمه
سمر...بسم الله الرحمن الرحيم ايه اللى جابك بدرى كده ليه
مريم..مفيش كنت تعبانه قولت اجى استريح شويه
سمر وهى بتحسس على وشها ...يااااه دا انتى سخنه اوى
مريم..لسه واخده حاجه لخافض الحراره وهنام
سمر...الف سلامه اعمل كمادات
مريم ...لا لا هنام وهابقى كويسه
سمر ..ماشي الف سلامه
: وجه الليل ومريم تتعب اكتر
سمر..يا ربى الحراره مش راضيه تنزل اعمل ايه
حنين...تعالى انوديها المستشفى
سمر..انتى مش شايفه الحته بره عامله ازاى
حنين...امال هنعمل ايه هى سخنه اوى
والباب يخبط
سمر خليكى هنا أنا هروح افتح
حنين .. حاضر.. يتبع البارت الرابع والخامس اضغط هنا