Ads by Google X

رواية احببت مسترجله الفصل الرابع والخامس

الصفحة الرئيسية

رواية أحببت مسترجله الفصل الرابع والفصل الخامس

رواية أحببت مسترجله كاملة

رواية أحببت مسترجله البارت الرابع

الباب بخبط
سمر ..خليكى هنا وانا هروح افتح 
حنين ...حاضر 
ذهبت سمر لتفتح الباب 
صاحب البيت ...ازيك يا سمر امال فين مريم
سمر ..الحمد لله 
مريم تعبانه شويه عايز حاجه يا عم محمد
عم محمد...بصى يا سمر أنا استنيت عليكم كتير أنا لو مش ادفع ليا اجار البيت مش تلموا غير نفسكوا أنا بقالى تلات شهور مش خدت حاجه وقولت استنى ولحد كده كفايه خلال اسبوع لو مش ادفع الاجار  يبقا ملكوش قعاد هنا
سمر ..حاضر يا عم محمد 
وقفلت الباب
حنين..مين اللى كان على الباب 
سمر وهى زعلانه ...ده كان عمى محمد صاحب البيت عايز الاجار اللى متاخر 
حنين ..طيب هنعمل ايه انتى معاكى كام 
سمر ..أنا محوشه الف جنيه وانتى معاكى كام
حنين..أنا مش معايا غير ٢٠٠جنيه للمواصلات 
سمر ..يبقا معانا ١٢٠٠ هنكشف بيهم على مريم 
سمر..أنا هتصل دلوقتي على دكتور يجى 
حنين...ماشي
وسمر وتتصل على الدكتور وياتى الدكتور 
سمر ...ايه يا دكتور الاخبار
الدكتور ..خدى الورقه دى هاتى اللى فيها وتاخد الدواء باستمرار وعايزه راحه 
سمر..ماشي يا دكتور شكرا يا دكتور وهى بتديه مبلغ من المال 
اتفضل 
دكتور.. شكرا 
الف سلامه عليها وربنا يقومها بالسلامه 
سمر..يارب  حنين أنا رايحه اجيب الدواء لمريم خالى بالك منها
حنين..حاضر
وتذهب سمر اللى الصيدليه 
سمر ...لو سمحت عايزه الدواء ده 
الصيدلي....هاتى الورقه كده 
وأعطته الورقه 
الصيدلى..اتفضلى 
سمر ... شكرا الحساب كام 
الصيدلى..٥٠٠جنيه كده 
سمر ...بس انا مش معايا غير٤٥٠جنيه اتفضلهم والله هابعت ليك الباقى بكره عشان معرفش ارجع تانى 
الصيدلي...بس خلاص ماشي الف سلامه 
سمر ... والله هابعتهم 
الصيدلى ...ماشي يا ستى 
سمر .. شكرا بجد 
وتذهب سمر اللى البيت 
حنين..اتاخرتى كده ليه 
سمر..مكانش معايا غير ٤٥٠والعلاج ٥٠٠ عشان سايبه الباقى فى البيت عشان المصاريف
حنين .وعملتى ايه  
سمر..قولت هجيبهم ليه  بكره عشان الدنيا متاخر
حنين ..ورضى 
سمر ...اه ربنا يكرمه 
حنين ...يارب هاتى بقا لما اديه ليها 
ويذهبوا لمريم ويعطوا لها الدواء وتنزل دمعه من عين سمر وحنين على أختهم
سمر...أنا هنزل من بكره ادور على شغل أنا مش هاقعد اتفرج كده
حنين...ماشي وانا هحاول اوفر اكتر واذاكر فى البيت ومش اخد دروس 
سمر...ملكيش دعوه انتى خدى الدروس وزاكرى وانا هلاقى شغل أن شاء الله
سمر..يلا عشان ننام عشان ادور على شغل
حنين ...أنا هاقعد جنب مريم اذاكر شويه واشوفها لما تصحى
سمر ..ماشي وهى بترفع أيدها لربنا
يارب حلها من عندك وقوم مريم لينا 
حنين.. يارب
ويذهب كل واحد على سرير
 تانى يوم تستيقظ سمر لتدور على شغل فى اى مكان 
سمر...صباح الخير يا حنه 
حنين ..صباح الفل
ايه نازله 
سمر ...اه وهى بتبوس راس اختها 
هى عامله ايه دلوقت
حنين.. وآلله شويه سخنيه تروح وشويه تيجى كل شويه باعمل كمادات
سمر ... ربنا يشفيها يارب 
حنين..يارب مش هتفطرى
سمر ..لا يادوب انزل ادور على شغل
حنين ..ماشي خالى بالك من نفسك
وتذهب سمر اللى بعض من المحلات لتسأل على شغل
سمر .. السلام عليكم
شخص ..وعليكم السلام
سمر..حضرتك أنا جيت على طلب شغل هنا كان مكتوب فى الجريده
الشخص ..للاسف ورقك مش كامل  وانتى لسه فى التعليم أنا كاتب واحده مخلصه ومعاها شهاده 
سمر.. والله انا شاطره وبفهم بسرعه وهاعجبك 
الشخص..للاسف مينفعش
سمر وهى بتطلع من الشركه 
يارب مليش غيرك أنا واخواتى 
وبعد تدوير وتعب كتر على شغل تروح تقعد على النيل وتبكى
سمر..يارب يارب ملناش غيرك 
...مالك بتعيطى ليه 
سمر...

البارت الخامس

وبعد تدوير وتعب على شغل  تروح سمر تقعد على النيل وتبكى 
سمر..يارب يارب ملناش غيرك 
...مالك بتعيطى ليه 
سمر .وهى تلتفت 
..وانت مالك 
سامر..أنا آسف انى أدخلت  بس اى حاجه فى الدنيا مش تستاهل انك تعيطى عشانها ربنا بيضغط علينا الحياه عشان نستحمل وفى الاخر برزقنا بحاجات حلوه بس بعد تعب ومعناه ربنا لما بيحب عبد اوى بيضيق عليه الدنيا سوء فلوس أو فشل أو مرض هو ربنا هيعرف انك مؤمنه ازاى من انك تمرى بحاجات صعبه عشان لما تيجى الحاجة اللى عيزاها تكون ليها طعم تقولى تعبت ولقيت زى مثلا واحد سرق مثلا وجاب اكل جميل من اللى بطنك بتحبه ومثلا واحد فقير وبيشتغل اليوم بيومه ومثلا جاب بجنيه طعميه وكل واحد فيهم كل أنهى اللى هيكون ليه طعم الفقير هيخاف على الجنيه اللى طلعه من جيبه وهيحمد ربنا عليه امال الحرامى اكله مش هيكون ليه طعم وهيسرق كل شويه ومش هيحس بمعنى الفلوس وهى بتروح أنا عايز اوصلك انوا ربنا لازم يبعت الحاجه متاخر عشان يكون ليها طعم وفى الاخر هتلقيها  طبعا مع الدعوات وقربك من ربنا
سمر...ياااه كنت محتاجه كلام زى ده شكرا بجد يا يا 
سامر..أسمى سامر وانتى 
سمر ...عاشت الاسامي 
أسمى سمر
سامر وهو بيقعد جنبها ...مش هتحكى ليا بقا مالك 
سمر...انا وحده عايشه من اخواتى بعد موت ماما وبابا الله يرحمهم وليا اخت أكبر منى هى اللى مسؤله على البيت بكل حاجه هى امى وبابا وكل الدنيا اختى دى تعبت اوى فى حياتها وجت تعبت امبارح اكتر وطبعا احنا على قدنا ومش معانا فلوس وصاحب البيت عايز الشهور اللى متاخره وانا بدور على شغل مش لقيه ورحت كذا شركه ومحل بيقولوا لازم اكون معايا شهاده 
سامر..بسيطه انتى فى كليه ايه
سمر..كليه هندسه
سامر..فى سنه كام
سمر ..فى السنه الاولى 
سامر وهو بيطلع مبلغ من المال ...خدى دول معاكى وخدى الكارت ده تعالى ليا بكره عشان اوظفك
سمر وهى بتديه فلوسه..أنا مش بشحت أنا ارتحت ليك وحكيت ومش تخلينى اندم انى حكيت 
سامر..أنا مش قولت انك شحاته أنا قولت انك هتشتغلى وده عربون 
سمر...بصراحه مش عارفه اقول ليك ايه بجد انت انسان محترم جدا 
سامر..ده من تربيتك
سامر..يلا بقا روحى كده وتعالى الشركه الساعه ٨ ماشي
سمر .. شكرا حاضر يا استاذ سامر
سامر.. بلاش أستاذ دى سامر مفيش احلى منها
سمر..ماشي يا سامر
سامر ..هو أسمى حلو كده ايه
سمر بخجل.. عشان انت حلو
اعرفكم على سامر
ده شاب فى سن ٢٥داير الشركه منسجات وكل الناس بتحترمه وبتكبره شاب واعى عارف الصح من الغلط بس مش بيحب الكذب وبيحب البنات الملتزمه شاب رياضى وبشره بيضه وعيون سودا وشعر اسود كثيف ورموش  كثيفه 
وذهبت إلى البيت 
سمر وهى جايبه اكل 
سمر...حنين يا حنه فينك 
حنين .. حمدالله على السلامه
أنا اهوه 
ايه ده كلوا 
سمر..خدى حطى الاكل ده على السفره لما اغير وأشوف مريم 
حنين..حاضر ايه هو انتى اشتغلتى
سمر..اه 
حنين باستغراب..ايه الشغل اللى يجيب من اول يوم ده كلوا واخده.مبلغ كمان منين 
سمر ...هحكيلك لما نخلص اكل وتغير الهدوم اللى عليا واصلى
حنين..طيب
: وذهبت سمر لغرفه مريم
مريم...حمد لله على السلامه ايه لقيتى شغل 
سمر وهى بتبوس رأسها ..اه الحمد لله ايه بقيتى.احسن 
مريم ...اه الحمد لله هنزل الشغل من بكره وانتى ارجعى كليتك
سمر ...انتى تعبتى اوى وانا لقيت شغل حلو ومالوا انوا اشتغل واساعدك.والكليه تلات ايام فى الأسبوع 
مريم ..يا حبيبتي انا عايزاكى تكونى احلى مهندسه فى الدنيا أنا أعرف اشتغل أنا بس اليومين اللى كنت تعبانه فيهم عارفه صعبين بس مش تشغلى وزاكرى وشوفى مستقبلك 
سمر..مريم أنا هشتغل يعنى هشتغل
مريم ..خلاص اللى ريحك  
سمر وهى بتحضنها... ربنا يخليكى ليا يارب 
حنين ..الله الله وانا مليش فى الحضن ولا ايه 
تأتى سمر بحضن اخواتها 
تانى يوم 
تستيقظ الفتيات ويقوم كل واحد يادى فرضه ويذهب اللى مكان ما هو ذاهب
مريم وهى ذاهبه اللى الورشه
...حمد لله على السلامه يا ست مريم اخبارك ايه
مريم.. الحمد لله يا عم محمد
عم محمد ده فاتح محل بقاله
..حمد لله على السلامه يا بنتى 
مريم ..الله يسلمك من كل شر يا راجل يا طيب 
عن محمد ..تعالى اشربى كوبايه شاى 
مريم .. ربنا يخليك يا عم محمد تشكر
وتذهب اللى الورشه
 محمود الصبى بتاعها..حمد لله على السلامه يا مريم 
مريم ..الله يسلمك يا حوده عامل ايه 
محمود..الحمد لله انتى اللى صحتك عامله ايه 
مريم ..الحمد لله
محمود..يديمها حمد 
مريم ..تشكر يا حوده 
دانا مش شايفه شغل كتير النهارده كده ليه 
محمود ...ما أنا خلصت كل الشغل وجبت الواد شوكه يساعدنى واديته اجر 
مريم..راجل يا حوده 
على الناحيه الآخر 
تذهب سمر اللى الشركه سامر
سمر...واو ده شركه سامر تحفه ربنا يزيده عليه اكتر
وتذهب  تسال عليه
سمر.. لو سمحتى كان معايا معاد لأستاذ سامر
السكرتيره..ثانيه وحده حضرتك الو يا استاذ سامر ايوه فى وحده بره اسمها
سمر ...اسمى سمر
السكرتيره..سمر يا استاذ
سامر..دخليها
السكرتيره..حاضر 
وهى يتغلق الخط
اتفضلى حضرتك هو مستنيكى 
سمر.. شكرا
سمر وهى بتخبط على الباب 
سامر من جوه ..اتفضل
سمر..السلام عليكم
سامر وهو بيقف ..وعليكم السلام اتفضلى يا سمر 
سمر ..مرسي 
سامر ..تشربى ايه 
سمر .. شكرا أنا عايزه ابدا الشغل على طول
سامر..مستعده باين عليكى 
سمر..جدا 
سامر ...ماشي أنا كنت عايز سكرتيره لمكتب الاستاذ عماد  ده ابن عمى عشان السكرتيره بتاعته اتجوزت ومش هتيجى تانى ولازم اعرفك الاول عليه وعلى الشغل طبعا سماح السكرتيره بتاعتى هتعرفك كل الشغل وانتى باين عليكى بسم الله ماشاء الله بتفهمى بسرعه وشاطره يعنى مش هتتعبينى 
سمر..وان شاء الله اكون عند حسن ظن حضرتك
سامر ..أن شاء الله وانا هستنى
ويضغط على زر 
ايوه يا سماح تعالى ليا 
سماح وهى بتخبط على الباب
سماح ..ايوه يا فندم 
سامر ...اتفضلى عرفى سمر على شغلها وديها على مكتبها هى دلوقتي تحت مساؤليتك 
سماح وهى بتبتسم اللى سمر ..حاضر اي أوامر تانيه حضرتك 
سامر.  لا شكرا اتفضلوا انتوا
وتذهب سمر وهى معاها سماح لتعرفها على شغلها 
سماح ..ده مكتبك وانا هرفعك على باقى الشغل ياجميل باين عليكى قموره ومش هتتعبينى
سمر ..انتى اللى قموره 
سماح ..ممكن نتعرف على بعض 
سمر..اكيد طبعا أنا سمر عندى ١٩سنه وجايه اشتغل لظروف 
سماح..عاشت الاسامي يا سموره
أنا بقا سماح بنت عندى ٢٢سنه متخرجه من كليه حقوق ولسه متجوزتش
واعتبرينى اختك هنا اى حاجه عايزها أنا موجوده
سمر.. ربنا يخليكى حبيتك اوى 
سماح ..أنا اللى حبيتك اكتر
واتعرفوا على بعض وبدأوا فى الشغل
: وتذهب كل وحده بعد شغلها اللى البيت  
سمر وهى بتفتح الباب وهى فرحانه 
السلام عليكم
حنين..وعليكم السلام
عملتى ايه  
سمر...كان يوم تحفه وشغل سهل اوى 
حنين.  ربنا معاكى يا قلبى هتاكلى 
سمر ...لما مريم تيجى 
مريم وهى بتفتح الباب 
مريم ..أنا سامعه أسمى يا جدعان
سمر وحنين وهم بيحضنوها ..حمد لله على السلامه
ايه بقيتى احسن 
مريم الحمد لله
انتى اللى عامله ايه فى شغلك 
سمر ...جميل اوى واتعرفت على سماح بنت جميله اوى 
مريم ...يلا ربنا معاكى يا قلبى يلا عشان أنا جعانه اوى
سمر ..وانا اكتر منك 
حنين..وانا اكتر منكم انتوا الاتنين
الكل طيب يلا عشان مش ناكل بعض ويبص وا لبعض ويضحكوا ويذهبوا اللى تناول الطعام
ويخلدوا اللى النوم
: ويمر الايام وكل واحده فى شغلها ومبسوطين
وسماح تقرب اكتر من سمر وتكونوا اصحاب اوى و صحه مريم تتحسن 
البنات وهم قاعدين فى البيت 
يرن جرس الباب 
مريم ..خليكى انتى يا سمر أنا هافتح
سمر ...حاضر
يا ترى مين على الباب هنعرف فى البارت القادم يتبع البارت السادس اضغط هنا
google-playkhamsatmostaqltradent