رواية حياة فرحات الفصل الثامن 8 والفصل التاسع 9 بقلم اسلام عبدالعزيز
رواية حياة فرحات الفصل الثامن
اسراء بضحكة : يا فرحات ..اللي بتقوله ده .. روح الحمام برا ع ايديك اليمين .
فرحات بص ع الارض وبعدها ابتسم : هي النضارة السودة اللي لابسه بليل ديه مش بتوحيلك بحاجة ؟!
اسراء مستغربة وبتضحك: اها منا فعلا كنت هسالك لابسها ليه بليل ؟!
فرحات ابتسم : انا .... انا كفيف يا اسراء .
اسراء انصدمت : فرحات انت بتتكلم جد ؟؟ !!!
فرحات : دكتوووور مش وقته يلا عشان اكمل .
اسراء قامت و هو قام ودموعها ع خدها ومش مصدقة ده .
.........ً..............
فرحات مشي وحياة تعبت وراحت في النوم.....فرحات اخيرا وصل المكان .
المكان(من وحي الكاتب ) كان غابة كبيرة وواسعة كلها اشجار و ورد و اوراق خضراء وحشائش ....وكان اخره بحر و في وسط البحر ده جزيرة كبيرة ...وكان في تل في اخر الغابة فوقه بيت فخم متكون من دورين و سلم محفور في التل عشان تطلع البيت ده .
فرحات وصل هناك عالساعة١١:٣٠ بليل .
ركن العربية بتاعته والغابة كلها ضلمة مفهاش غير صاحب البيت ده اللي بيأجره للناس اللي بتيجي تعقد تغير جوه هناك .
فرحات خد الظرف و بص ع حياة وهي نايمة للحظات ...وبعدها راح لصاحب البيت واتفقوا ان الايجار البيت ب 2500 جنيه في الشهر .
فرحات كتب كل حاجة في العقد وخلاه ايجار لمدة ٣ شهور وقابل للتجديد.
حياة صحت من النوم وبتبص لاقيت الدنيا ضلمة خالص .....اتخضت لحد اما هديت وشافت نور في مكان صاحب البيت ....وسامعه صوت بحر وامواج ....بس خايفة جدا .
متخافيش .....انت في مكان يا إما هيكون اسوء ذكرياتك يا إما هيكون اجملها ...فرحات ركب العربية وبيبصلها : تمام؟!!
حياة اتخضت لانه دخل فجأة : طب اي المكان ده اصلا الاول ؟؟ ....وليه مش راضي ترجعني وعايز مني ايه ؟!!!!
فرحات مردش وكمل مشي لحد اما وصل للبيت ده وصوت الامواج اللي خلي الاتنين يرتاحوا نفسيا شوية و خرجوا من العربية ...... فرحات شدها وطلعها السلم وهي بتقول وهي خايفة ودموعها مجفتش : انت ماسكني من دراعي ليه ...براحة عليا حرام عليك بتعمل فيا كده لييييه ؟!!!
فرحات فتح الباب ودخل و أول مادخله ..... كأن مصمم البيت ده أبدع ما صمم في حياته .
حياة هديت شوية ...
فرحات قفل الباب بالمفتاح وخلاه معاه ....
حياة : ممكن اعرف انا هنااا ليييه؟!!! ...اتكلمم .!!
فرحات بص في عينيها وقلع البدلة بتاعته وهي بترجع لورا وخايفة وبعدها قلع التيشرت ....و هي بترجع لحد اما دخلوا اوضة وخايفة وبدأت تعيط وتصرخ : ارجووووك سيبني ارجوك انا عايزة ارتاااااااح .....سيبني في حالي .....
فرحات عمال يقرب اكتر لحد اما هي سندت ع الحيطة وهو قدامها بالفانلة السمرا ....
وهي بتعيط وبتبصله زي الطفلة ..
فرحات بصوت هادئ : متخافيش ....مش بعرف أذي ولا اخدع زيييك . اوضتك في الدور اللي فوق اطلعيها ونامي كويس واستريحي ...وبكرة نتكلم .
سابها و راح نام ع السرير بعد اما قلع الجذمة .
حيااة بتبصله وبعدها سابته ومشيت وهي همدانة وخلصانة ومرهقة تماما .....طلعت فوق و كملت نومها من التعب.
فرحات بيفكر كتير وفي حالة نفسية محيطة بيه ناااااار جواه عمالة تحرق فيييه و بدأ يتخنق ودموعه بتنزل مش بتقف وقلبه من شدة زعله بقا نبضته بتخبط صدره لقدام بدون ارادته . فضل شوية كده وكأنه مستني حد يجي يطبطب عليه ...وبقا عامل زي الطفل اللي تايه و روحه ضاعت منه ومقدموش غير اخر أمل في حياته وهي ....حياة .
الساعة 2.
فرحات هدي شوية ومسح دموعه وقام غسل وشه وهدي ...
حد بيخبط الباب .....فرحات فتح.
نسرين : ايه ياعم الجو ده ...المكان جميل جدا ...
بصوت واطي : فين حياة ؟!!
فرحات اتصدم و مبرأ عينه جامد ومخضوض .
نسرين باستغراب : مالك ياب...
فرحات شدها بسرعة جوه وقفل الباب و اتحدف ع الباب فأس وهي صوتت واتضخت ...فرحات ماسكها : متخافيش اطلعي لحياة فوق ومش عايز صوت لحد اما اعرف في ايه تمام ؟!
نسرين طلعت وهو قال لنفسه : هو انا ناقص ....مش مكتوبلي ارتااح 😑
فرحات فتح الباب مرة واحدة وملاقاش حد ...قفل الباب تاني وشد الفأس ولف وشه..... شاف واحد طويل ولابس قناع مرعب ومعاه سكاكين حول وسطه و فأس كبير في ايده
فرحات اتخض شوية من بشاعة شكله : انت مين ؟ وعايز ايه ؟! .......ويارريت تخلص عشان عايز انام .
الراجل ضحك ضحكة مرعبة وقرب من فرحات : انا الموت .
فرحات بسخرية وبيبص في عينه جامد : وعايز ايه ياموت ؟!/
الراجل اتعصب وخبط فرحات ع دماغه بخشبة الفأس ....
فرحات وقع في الارض ...واغمي عليه .
الراجل طلع فوق ...ومعاه الفأس في ايده .
نسرين نايمة جنب حياة وخايفة وسامعه حركات رجل حد طالع وبتتمني انه يكون فرحات ....
وبتفكر انها تهرب وتنط من البلكونة ....لكن مش هينفع تسيب صديقة عمرها وملازمتها دايما .
حد بيخبط ع الباب ...
نسرين خايفة ومش راضية تفتح .
لحد اما هو زق الباب بجسمه كله ودخل ونسرين بتصوت ...وحياة قامت مفزوعة وأول ماشافته صوتت وصرخت ....وهو داخل عليهم وبيضحك وطلع سكينة ورمي الفأس ع الارض...... .... نسرين وحياة بيصرخوا وخايفين وعمالين يرجعوا ويبعدوا ناحية البلكونة وهو بيقرب اكتر ...
اسراء بشوق ولهفة : ايه اللي حصل ؟!!!!!
فرحات : تفتكري الاول انا اتعميت ليه ؟؟؟! .
حياة فرحات الفصل التاسع
اسراء سكتت شوية : طب كمل بس الاول ايه اللي حصل ؟!!!!
نسرين و حياة بيصرخوا ووصلوا لسور البلكونة والراجل ذو القناع المرعب بيقرب منهم والسكينة في ايده......
مسك حياة وشدها ناحيته ....ورفع السكينة ..
فجأة وقع اتقلب ع وشه ....... حياة ونسرين بيبصوا لاقوا فأس اتغرز في ضهره ...فرحات دخل بعدها : ايه الصويت ده كله ؟!!!!
نسرين وحياة اتنهدوا و هديوا شوية
فرحات : اعملكم كوباية مياه بسكر تهديكوا .
فرحات راح المطبخ وبيقول لنفسه : هو انت ليه بتعمل كده معاها يعني ايه الغرض ...بتحبها ...ولا عشان شبه اللي قبلها اللي كان نفسك ترجعلها تاني .....ولا عشان ضيعت نفسك ...فعايز حد يرجعك ؟!
فرحات بزهق : اشربوا وناموا ....انا تعبت وعايز انام.
نسرين : طب والجثة ديه هنعمل فيها ايه ؟!!!!!!
فرحات فكر وهو بينام ع نفسه : هرميها من البلكونة وبكرة نتصرف ونعرف مين ده ...
نسرين باستغراب وانفعال : يابني انت مجنون ؟!! ولا تايه ؟! ...متشيل القناع عشان نعرف مين ؟؟؟؟
فرحات راح شاال القناع وشاف راجل عجوز ووشه كله مليان شعر : اديني شيلته اهو سبوني انام بقا .
نسرين : حياة مالك عاملة كده ليه ؟!.....مش انت كنت عايزة تعرفيه وعجبك ايه اللي غير ؟؟!
حياة بعصبية : ياريتني ماشوفته ولا اديتله ريق حتي انا ندمانة وبعدين ...انت كنت عارفة باللي هيحصل ده ؟؟!!!
نسرين : لا والله معرف هو اتصل بيا قالي تعالي في العنوان اللي بعتهولك عالواتس وانت مشوفتهوش .
حياة : طب سبيني انام عشان تعبت جامد النهاردة.
كلهم ناموا......
والد فرحات : عصمت ابني ...مشوفتش ابني ..مجاش عندكوا ؟!!!!
عصمت : انا بنتي ابنك خطفها ....ولو بنت مجتش خلال ٢٤ ساعة انا هيكون ليا تصرف مش هيعجبك .
والد فرحات بعصبية وقهر : دايما تاعبني يابن ال ***
ووالدته عمالة تعيط ومقهورة .
اسراء : ممكن بقا اعرف انت ....خطفتها ليه ؟!
فرحات اتنهد وسكت شوية: بصي ...انا ساعتها كنت حاسس ان الدنيا هتقفل عليا وهتطرد ....اها وبالمناسبة انا بحس بالحاجة قبل ماتحصل بفترة ...فكنت حاسس قبلها بفترة اني هطرد من البيت او هسيبه وهضيع ..ومن حسن الحظ وجود حياة ولقاءها قبل ماسيب البيت بيومين ..
كان لازم لما اخرج من البيت اكون بلا قلب وبلا عقل ابقا مجنون وبعمل تصرفات متهورة و ميهمنيش كده كده روحي ولا حياتي فمش فارقة بقا كنت حاطط في دماغي دايما ...اني ممكن اموت لو اختارت حياة .... واختارتها وربنا ستر وطبعا خطفتها ...عشان مكنش في طريقة اقدر اكسبها او اوصلها او اخدها غير بكده ....وودتها للمكان اللي كان نفسي اروحه ....بس مع شخص شبهها .
اسراء : طب ليه بتعاملها بقسوة كده ؟!
فرحات ابتسم: لا ...انا كنت ببقا زعلان بس لازم اعمل كده عشان اتعلمت اني مينفعش اظهر ضعفي ولا نقاط ضعفي لاي مخلوق حتي لو كنت انا روحه ....لان الشيطان ....عبقري مش شاطر .
حياة صحيت اول واحدة و طلعت البلكونة اللي الباب بتاعها كان زجاج والشبابيك كلها بابها زجاج .
حياة بتبص ع البحر وشعرها بيطير وبيتحرك وجواها شعورين بيحاربوا بعض ...وهو انها ترجع وتعود لحياتها الطبيعية عشان حاسة بغربة كبيرة جواها .
وشعور ان ممكن المكان ده يكون اجمل ذكرياتها ...بس لو هي عرفت تتعامل مع شخصية فرحات ...وبعدين هو معتقد اني خدعته ليه ؟! .....
ايه الجو عجبك ؟! .....فرحات جيه جنبها ...
حياة اتخضت وبعدت وبتبص ع الارض : انت عايز ايه ؟!!!
فرحات بصلها وهي بتبص ع الارض ...ومحدش بيتكلم فيهم .
فرحات كانت ع لسانه كلمة عايزك ....لكن
حياة : انا عايزة اروح بعد اذنك ....يا الا هتصل ب بابا ومش هيعجبك اللي هيحصلك فمن غير مشاكل ...بصتله ....رجعني .
فرحات بص ناحية البحر : انت مش هترجعي ...طالما جيتي هنا ...ياريت تريحي دماغك .
حياة بتبصله بعصبية : ماشي ...ممكن افهم انا هنا ليييه ؟؟!
فرحات بيبصلها : انت هنا ...عشان عايزك تكوني هنا .
متحاوليش تتصرفي اي تصرف... انا هروح اجيب اكل واجي .
حياة صبرها نفذ ...وهو خارج من البلكونة وقفت قدامه وبتزقه: انت مش هتمشي من هنااااا ....الا وانا معاك وترجعني ...يا الا هتصل ب بابا
فرحات بصلها بسخرية : اتصلي .
فرحات خرج وقفل الباب والشبابيك كلها .
وهي متحيرة تعمل ايه ......لحد اما فكرت واتصلت بعصمت والدها : بابا ...انا حياة ...الحقني .
عصمت بلهفة : بنتي !!! ....انت فين ياحبيبتي ؟؟؟!!
حياة بتبص حواليها وطلعت البلكونة : انا في مكان مش عارفة اسمه ...بس هو قدام بحر وفي قدامه جزيرة ...معرفوش يابابا .
عصمت : طب اهدي بس .... انت مع فرحات صح ؟!!
حياة : اهااا
عصمت : اوعي يكون لمس شعرة منك ؟؟!!
حياة بتبص ع الارض وبتمسح دموعها : لا يابابا ..انا تمام متقلقش بس هو حابسني وراح يجيب اكل ونسرين معايا .
عصمت : يعني نسرين كانت عارفة الموضوع وساكتة .....مممممم ماشي ..المهم افتحي الGPS بتاعك ومتقفلهوش خالص لحد اما اتصرف وخلي بالك من نفسك يابنتي .
حياة : ماشي يابابا .
حياة فتحت الGPS وسابت التليفون ع الترابيزة.
وعمالة تفكر تعمل ايه .
انا سمعت كل حاجة بس انت مفكرة انك كده صح ؟!
انا مش فاهمة ...هتفضلي لحد امتا ...عايزة تكوني مقيدة و عندك عقد نفسية من كل حاجة ...عندك عقد نفسية من الحب ....مقيدة حتي في تفكيرك ...ليه ...انت بقيتي دلوقتي حرة ...وبعدين متحبيه ...هو وحش في ايه ده حتي جينتل و شخصيته قوية ...والله لو مكانك انا كنت حبيت اني اتخطف من زمان 😂 .
حياة بتبصلها بقرف : مش متوقعة منك كده يا نسرين ...ليه كده ؟!
نسرين : بصي انت لازم تتعاملي معاه ...قربي منه ...انا اي نعم معرفتش هو جابنا هنا ليه وماله وتحس انه متغيير ...ومعرفش برضوا مش راضي يمشيكي ليه ...بس خلينا نتكلم معاه وبهدوء وتبطلي العصبية ديه .
حياة : ده ابرد خلق الله ....هيحرق دمنا.
نسرين : سبهولي انا وملكيش دعوة .
حياة : انا مش عايزة مشااااكل انا عايزة اروح من غير اي غلطة مننا مع الواد ده ابويا يسجنه يبلغ البوليس المهم اننا نروح ...وبعدين ايه اللي جابك هما وبرجلك ؟؟!!
نسرين بابتسامة : عشانك ...تلفونك وكمان عشان مينفعش اسيبك لوحدك ...عارفة انك بتخافي زي الطفلة .... نصيحة .....
اقفلي الGPS وعشيلك يومين هنا حتي ياستي لو معايا انا مش معاه هو ...اعتبريه مش موجود بس نحاول معاه الاول ..تمام ؟!
حياة بعد تنهيدة : تمام .
يلا نجهز الاطباق والسفرة .
فرحات جيه وطلع ادي لنسرين الاكل وقابل حياة قاعدة في الاوضة وموطية راسها : مشوفتش واحدة خداعة مهمومة كده زيك 😏.
حياة رفعت راسها و قامت : انا مش خداعة ...انت فاهم غلط ...نسرين هتحكيلك ع كل حاجة .. ملكش دعوة بيا انا .
حياة بتخرج من الاوضة .....فرحات مسك دراعها : عفكرة ...متفكريش لحظة يا....جميلة ...انك هترتاحي مني هنا طول مانت قدامي مش هترتاحي ....همس في ودانها : حتي لو مش قدامي مش هترتاحي..... حربك بدأت يا جميلة ...ولازم تخوضيها .....ولوحدك .
حياة بتعصب وصوت عالي : سيب دراعي ......انت مريض نفسي ...والله انت مريض نفسي.
سابته ومشيت .
فرحات دخل البلكونة وبيبص ع كل حتة و حاسس انه اتغير تماما ع الاول وحزين جدا ع ده .....بعد شوية .
نسرين بصوت عالي وصريخ : فرحااااااات الحق بسرعة!! يتبع الفصل العاشر اضغط هنا