يوميات مريم وأحمد البارت السادس 6 بقلم مريم سمير
يوميات مريم وأحمد البارت السادس 6
_انا لى شكلى مش حلو زى باقي البنات
=انتى أجمل واحدة ف البنات
_بطل بقي كلامك دا.. انت مش شايف الناس بتبصيلى ازاى؟ انت بتقول كد عشان انت ابن خالتى وصاحبي لكن الحقيقه انى مش حلوة
=ربنا بياخد حاجة عشان يعوض بحاجة
_انت مش شايف الحفور إلى على وشي كل إلى بيشوفنى بيبعد عنى ومحدش متقبلنى ولا حد بيحبنى
=كلنا بنحبك يا جميلة انا وماما ومامتك.. كفايه طيبه قلبك و...
_جميلة؟ مجرد اسم بس.. دا حتى لما اقولهم اسمى يقولوا جميلة اى احنا هنكدب.. كلامهم بيدخل قلبي يقطعه.. بيتهيقلى انى معتش عندى قلب وان كل كلمة بسمعها دلوقتي مبقتش بتأثر.. بستنى اى سبب تافه عشان انهار قدامه انا اتهلكت
=تعرفى انا قدامك اهو.. شايفك احسن منى بكتير.. كفايه ضحكتك إلى بتنور الدنيا من ايام مكنا صغيرين.. الحادثه إلى حصلتلك ممكن تكون أثرت ف شكلك لكن قلبك لسه زى مهو.. انتى فعلا جميلة.. متهتميش لكلامهم مفيش حد كامل.. كل واحد فيه عيب فيه العيب الظاهر والعيب الخفي.. العيب الخفي بيبقي ابشع من الظاهر بكتير
_مش عارفه من غيرك كنت عملت اى.. مفيش غيرك إلى بيطمنى وبيدعمنى وبيحسسنى ان فيه حد بيحبنى بجد.. شكرا انك صاحبي شكرا انك جمبي شكرا انك معايا شكرا على كل كلمة صغيرة قولتها
=بضحك:مش عارف اصلا من غيري اي لزمتك ف الحياة يبنتى والله.. احمدى ربنا انى ف حياتك حقيقي
_الحمد لله والله بجد
=حبيبي طب والله حبيبي وعم عيالى
_ايوة ترجع عاملنى كواحد صاحبك تان يلا
=أيس كريم؟
_آيس كريم اشطا جدا بس عاوزة بطعم....
=الشوكولاتة والفانيليا وبلاش فراولة عشان عندك حساسيه منها
_دا اى الشطارة دى
روحنا عند عربيه الايس كريم
ولد 1: اى دا يعم هى محروقه ولا اى
ولد 2: ممكن يكون دا قلة نظافه ولا حاجة
فضلوا يضحكوا وانا كنت ثابتة جمب احمد.. احمد بصلى ابتسمت ابتسامة باهتة.. ضم ايده وضرب الشابين ف لحظة غضب كبيرة منه.. بعد مضربهم جابهم قدامى
_يلا اعتذر
ولد 1:انا اسف والله
ولد 2:احنا اسفين والله
_غوروا ف داهيه
طلعوا يجروا وجه وقف جمبي وغمزلى وانا ضحكت
_ضربتهم لى
=اهو كيفي كد
_عادى يعم اتعود على كد خلاص
=انتى أقوى بنت شوفتها ف حياتى.. وضربتهم عشان هما كذبين عشان انتى جميلة.. جميلة اوى والله
_شكرا يا احمد.. ربنا يخليك ليا
روحت البيت بعد موصلنى احمد.. احمد دا صاحبي الوحيد وابن خالتى بجد مش عارفه انا كنت هعمل اى من غيره.. كان فيه فترة بعد الحادثه كنت دخلت ف حالة اكتئاب.. هو الى رجعنى تان وشجعنى اشكى لربنا وكان واقف جمبي دايما.. هو احسن صاحب لكل حد واقرب ليا من اى حد..
_انا جيت يماما
=احمد وصلك
_ايوة لسه ماشي اهو
=طب حضري نفسك بق عشان عريس النهارده
_عريس؟ ليا انا
=ايوة يبنتى
دخلت اوضتى وانت مستغربه بقالى سنة من ساعة الحادثه وانا محدش اتقدملى اكيد مش عارفنى او مشافنيش اهو كد كد هيشوفنى وهيمشي
لبست فستان وطرحة ومحطتش ميكب خالص.. عشان عوزاه يشوفنى على طبيعتى من غير اى نوع من التجميل.. طلعت الصالة لقيت احمد وخالتى
_امال العريس فين؟ أمشي صح
أحمد اخدنى من ايدى ودخلتى اوضتى
_مشي صح.. شاف صورة ليا؟ قولتله انا عاملة ازاى قام مشي مش كد يا احمد
=بتعيطى لى دلوقتى
_مش بعيط.. اطلع معلش يا احمد اقعد معاهم برا وسبنى لوحدى
=لوحدك اى امال الرؤيه الشرعيه هتتعمل ازاى
_رؤيه شرعيه!!
=ايوة منا العريس
_عريس اى
=اه هتستغبي بق
_انت الى جاى تتقدم
=ايوة
_صعبت عليك قولت اتجوزها
=حبيت فقولت اتجوزها
_انت شايف شكلى عامل ازاى يا احمد
=صدقينى ماشوفتش أجمل منك والله
_مش عاوزة يجى يوم واخسرك
=مش هسمح انك تبعدى
_هتكمل معايا
=ايوة
_هتستحملنى
=يريت انتى الى تستحملينى
_مش هتزهق من كلام الناس
=يغور كلام الناس وتفضلى انتى
_موافقه
=بتتكلمى بجد
ضحكت من ردت فعله:ايوة بجد
=دا احنا نجيب شربات بق
#قالوا الجمال ف الروح عشان هى إلى باقيه.. يوميات مريم وأحمد الفصل السابع أضغط هنا