رواية مجنونة زين البارت الثالث والأخير - بقلم دعاء فرحات

الصفحة الرئيسية

  رواية مجنونة زين البارت الثالث والأخير بقلم دعاء فرحات 

رواية مجنونة زين كاملة

رواية مجنونة زين الفصل الأخير

ابتدت نظرات ماما تتغير ليا وشكها ييزيد كل يوم عن اللي قبله
كنت بشوف زين كل يوم قبل الدروس وبعدها وبنقعد سوا لحد بليل
-حور
-نعم
-لو يوم ضاقت بيكي الدنيا هتلاقيني موجود معاكي وعايش جواكي
-الدنيا مبقتش دنيا غير لما جيت يا زين
-حووور
قومت وانا ببص بخوف وارتباك
-ماما انا
-بتعملي اي هنا لوحدك
-لوحدي ببص جمبي لقيت زين اختفى 
ازاي وامتى هو لحق
-ابدا يا ماما انا كنت بذاكر
-طب يلا عشان نروح
-يلا
-قومت وانا ببص حواليا زيي المجنونه
كنت بدور عليه زيي ما يكون عيل صغير وتاه مني
روحنا البيت ودخلت اوضتي لقيت ماما جت ورايا
-حور
-نعم
-سمعتك وانتي بتكلمي حد
كنتي بتكلمي مين يبنتي
-ولا حد يا ماما وبعدين انتي بتتجسسي عليا
-لا انا بطمن عليكي عشان انتي بنتي الوحيده يا حور
-انا مش صغيره
-مهما كبرتي هفضل اشيل همك وهتفضلي صغيره محتاجه اللي يوجهك يبنتي
-انا عارفه انا بعمل اي يا ماما 
-يبنتي
-انا هدخل اخد شاور يا ماما بعد اذنك
-سيبتها ودخلت الحمام
المايه بتروق اعصابي جدا
وبتهديني اوي
خرجت ودخلت اوضتي وقفلت الباب واتصلت على زين
-روحت فين
-مروحتش يا حبيبتي اختفيت في مكان لحد ما طنط مشيت عشان ميحصلش مشاكل
-تمام ماشي انا هنام
-تصبحي علي خير 
-انت من أهله
قفلت وانا زعلانه منه 
انا فاهمه أنه خايف عليا بس المفروض يواجه الموقف ويطلب ايدي منها
عدى يوم والتاني والتالت والرابع بقو شهر وكل يوم نتقابل
-حور
-نعم يا ماما
-مين زين
-ارتجفت وحسيت بجسمي اتنفص
-ز.. زي..ن مين يا ماما
-الشخص اللي بتفصلي تكلمي معاه 
-انا مبتكلمش 
-مين زين يا حور
-بني ادم كويس وبحبه وبيحبني
-ومجاش اتقدم لي طالما بيحبك
-لأنه 
-لأنه مش حقيقي وانتي بس اللي بتتخيليه
-انتي بتقولي اي
-زين مش موجود يا داليدا
-صحابك بيمشو وراكي كل يوم ومحدش بيشوفه غيرك
بيشوفوكي بتتكلمي مع نفسك طول الطريق وتضحكي لوحدك
زين مش موجود
-متقوليش كده انتي متعرفيش حاجه
-انا اعرف كل حاجه
ارجوكي يبنتي روحي لدكتور اتعالجي عشان الموضوع ميطورش معاكي
-ماما انا مش مجنونه
زين موجود
زين موجود يا ماما
-زين موجود في خيالك مش اكتر
-امسكي الفون كده ورني عليه
قدامي
-ثواني
مسكت الفون وعملت سيرش على الاسم والغريب اني  ملقتوش
ملقتش اي اثر لرقمه أو لصوره
-شوفتي يا حور
-لا انا مسحت الرقم بالغلط مش اكتر
-يبنتي والله زين ما موجود
-من فضلك يا ماما اسكتي
بعدت عني شويه
لقيته بيرنو أو الله لو
سجلت الكلام عشان ابقى اسمعولها
-ولما قفل جت 
شغلتلها التسجيل بس مكنش فيه غير صوتي بس
يعني اي
يعني زين بجد مش موجود
-زين مجرد خيالات 
-اكيد ماما بتهزر 
بعد محايلات كتير من ماما 
روحت لدكتور نفسي
-انا عارفه اني مش مجنونه بس هثبتلها ده
حكيت لدكتور كل حاجه
-طب وانتي شايفه أنه حقيقي
-انا مش مجنونه يا دكتور
-انا عارف ده اتكلمي 
اتكلمي بدون قيود وخوف انا هنا عشان اسمعك
فضلت اتكلم معاه لحد ما الجلسه انتهت
انا وزين بعدنا عن بعض خالص
الدكتور قالي 
-الوحده اكبر سبب للي انتي فيه انتي لوحدك ف تخيلتي أن في حد معاكي وموجود بيهتم بيكي وبيحاول عشانك
خلقتي لنفسك اوهام وصدقتيها
ولأن معندكيش صحاب وكان نفسك حد يهتم بحزنك ويكمل معاكي كل طريق طويل
انتي مش مريضه يا حور انتي وحيده والوحده اقسى مرض بيحول الإنسان من شخص طبيعي لشخص غريب بيتخيل اوهام ويصنع منها اشخاص تصاحبه
-زين انت هنا
-انا على طول هنا يا حور
انا على طول جواكي
-انت موجود يا زين صح انا مش بتوهم
-انا وهم موجود دايما فيكي
وهم حقيقي بس هفضل مجرد وهم
غمضت عيني وانا بعيط فتحت لقيته مش هنا
ولا انا هنا
لقيتني في مستشفى غريبه رابطني بجنازير حديد
وبابا قاعد قدامي بيعيط
-بابا انت هنا انا مش بتخيلك انت بجد هنا
عنيه كانت وارمه من العياط
قرب مني وخدني في حضنه
كنت حاسه بحضنه ليا
-ماما فين 
-ارجوكي اتعايشي مع موتها بقى 
ارجوكي ياحور فوقي من كل الاوهام دي 
كنت ببصله وانا بضحك
-انت اكيد مجنون انت مش موجود اصلا ماما اللي كانت معايا دايما
انت وهم فاهم
فضلت اغمض في عيني وافتح على أساس أنه هيكون وهم أو كابوس أو حلم هفوق منه 
بس لا كنت بفتح كل مره بلاقيه قدامي بيعيط وبيترجاني بعنيه اني اكون بخير
عرفت منه أن ماما المفروض ميته من 10 سنين وانا بقالي 7 سنين بتعالج نفسياً لحد ما حالتي اتدهورت وابتديت اهرب من كل حاجه بالانتحار 
بيقولي كام محاوله انتحار فشلت وكام مره يقولي الكلام ده وارجع انوهم ماما من تاني
وزين
زين مالوش اي وجود في حياتي لا زمان ولا دلوقتي
كلامه مش منطقي
-انا مش مجنونه العالم اللي مش منصف ورافض يخليني عايشه
غمضت عيني لأخر مره وانا بردد
-لو هما مش هنا ف انا كمان مش عايزه اكون هنا
مش عايزه...
-يصير المرء غريباً حين يصيبه داء الوحده"
تمت
أنتظروني في رواية جديد عبر دليل الروايات "deliil.com"
google-playkhamsatmostaqltradent