خاتمة رواية للعشق لقاء اخر بقلم موني - اماني خالد

الصفحة الرئيسية

  رواية للعشق لقاء اخر بقلم موني الخاتمة النهاية

رواية للعشق لقاء اخر كاملة بقلم موني

رواية للعشق لقاء اخر الخاتمة بقلم اماني خالد

ليست نهايه المطاف ولكنها بدايه جديده يشعشع النور بداخلها ليخرج وينير ظلمات حياة بائسه معلنا عن بدايه جديده 
ضربت علي صدرها غير مصدقه بما حدث ايمكن لهذا العاشق ان يتركها بتلك السهوله. اي مخبول هذا لينتظر تحت شرفتها في ليالي البرد القارص وفجأه يطلقها ويتخلي عنها كانت تلك الكلمات تجول بخاطر السيده البسيطه "ام احمد" لا لا انا مش مصدقه ان كريم بيه يعمل كدا دا كانت عنيه حابسه الدموع بالعافيه دا ي حبه عيني كان هيتجنن ويشوفك بس 
ردت عليها "مروة " ويعتليها خيبة أمل نعم لقد كانت تنتظر تمسكه بها حتي وان رفضته ثم قالت " كدا احسن يا خالتي انا مرتاحة كدا اكتر خليه بقي ف حياته وانا ف حياتي 
"ام احمد بتسال"  هتعملي اي 
"مروة " مش عارفه بس هشتغل اي شغلانه كويسه واصرف ع نفسي 
"ام احمد " عين العقل يا بنتي ونصيبك هيجيلك لحد عندك 
"مروة " بسخريه  ان شاء الله ي خالتي 
...
"ياسمين " انتي همجي ازاي تكسر الراجل كدا 
"مراد" ولولا حشتوني كنت قتلتو 
"ياسمين " اي الغباء دا هو عمل اي لدا كلو 
"مراد " حاجة بسيطه خالص بيعاكسك بس لا وكمان انا واقف 
"ياسمين بإستفزاز " طب وايه يعني هو مقالش حاجة غلط 
"مراد" ياسمين غوري من وشي دلوقت بدل ما اكسرلك مناخيرك زيه كدا 
تلك كانت فرحتها العارمة من منا لا يتراقص قلبه بغيره حبيبه عليه لربما ندعي الثبات ولكننا نشتاق لرؤيته تلك الغيره  
دخلت مهينار تتمايل بحركاتها الاغرائيه وتقول " تحب اعملك حاجة يا مراد بيه " 
قد اتخذها مراد فرصه لاشعال غيره زوجته 
"مراد" بليل يا ماهي ام اعوزك هطلبك. 
لم تنتظر باقي الحديث حتي فعلت مالا يليق بمركزها ولا بسنها فقد صفعت ياسمين مهينار علي وجهها وامسكت بسلاسل شعرها وانهالت عليها بالضرب كما لو انها قاتله فهم مراد ان تلك هي غيره ياسمين التي لم تتحمل كبحها اكثر فلم يهم بالدفاع عن تلك المهينار الا حين اشتدت ضربات ياسمين لها 
"مراد" بتعملي اي اوعي 
"ياسمين " ااه طبعا مهو انتا خايف ع الهانم بتاعتك تجيلك بليل ها طب وربنا لموتها دلوقت. 
"مراد بنفاذ صبر " اوعي بقي انتي مجنونه هتموتي البت 
"ياسمين بعصبيه" يانا يا هي اختار 
"مراد " انتي بتقارني نفسك بالشغاله انتي عبيطه 
"ياسمين " ها يا مراد امشي انا ولا هي هتمشي 
"مراد بقله حيله" حاضر لمي هدومك يا ماهي واتفضلي من هنا. 
"ياسمين بغضب" اسمها زفته اي ماهي دي هي صحبتك 
"مراد " حاضر 
اخذت مهينار تلملم اشيائها وغادرت والفرحة تعتلي وجه ياسمين
"مراد" هاا ارتحتي دلوقت 
"ياسمين " عادي مش فارقه انا داخله انام شويه 
"مراد " نامي نامي انا اصلا خارج مع اصحابي 
"ياسمين " وخارج رايح فين يا بيه اي صعبان عليك تقعد ف بيتك شويه 
"مراد" لا اله الا الله منتي هتنامي هقعد اعمل اي 
"ياسمين " لا خلاص مش هنام انا هروح اعمل فشار ونشغل حاجة حلوه ف التلفزيون 
ابتسم مراد وداخله مشاعر كثيره اتت ياسمين بعلبه فشار كبيره وتفاجأت بمسرحيه العيال كبرت التي تعشقها فنظرت له متساله وقبل ان تتفوه بكلماتها المتساله اتاها الجواب منه "مراد" بحبها قولت نتفرج عليها مع بعض جلست ياسمين وجلس مراد بجانبها ويده تلتف حول خصرها وكانت تلك اولي لمساته لها بعد زواجهما ربما تكون البدايه لعلاقتهما 
اندمجت ياسمين بمشاهده المسرحيه فإنتهز مراد تلك الفرصه ليقترب منها اكثر ليسجل تاريخ عمرهما اول قبله بينهما كانت ياسمين تشاهد التلفاز حتي وجدته يقترب منها مسلط نظره عليها.......... 
تبسمت بخجل واخفضت راسها وكأنها اشاره بالموافقه فحملها بين زراعيه متجه لغرفتهما  ❤
...
تعافت مروه وعزمت علي الرجوع الي القاهرة والعمل بدون الالتفات لطليقها بل انه فريستها الان 
"عزت " يا اهلا يا اهلا ياهلاا ياااا مروة بنفسها عندنا دنا ياما عرضت عليكي تشتغلي معانا وانتي رفضتي 
"مروة" واديني جيت يا عزت انجز مش ناقصه لوكلوك كتير 
"عزت " جرا اي يا مروة متهدي علينا بختي 
"مروة" مبهداش ي عسل انتا اخرك معايا ارقص وبس الي ف دماغك دااا لا مليش فيه يا عنيا 
"عزت" يابت يابت فتحي مخك شويه دنتي جوهره هتكسبي دهب 
"مروة" يفتح الله 
"عزت " بضيق امين من الليله هعملك احلي بوسترات ياست الناس 
نظرت له بشمئزاز ونظرت لنفسها بحكاره وقالت دي اخرتها يا كريم انا هربيك انا كدا كدا اتعودت 
"لوسي" مالك يا كيمو مدايق لي 
"كريم بضيق" انا ماشي مليش مزاج اسهر النهارده 
"لوسي بدلع " لي يا حبيبي دا حتي جايبين رقاصه جديده هتعجبك اووي 
"كريم " انتي عاوزا اي مش خلاص بيتي اتخرب واطلقت مراتي وابني مات بسببك عاوزا اي تاني 
"لوسي " لا يل حبيبي انا قولتلك الي سمعتو وبس انتا بقي الي جريت صدقت وضربتها واديها هي الي رامتك وانتا رجعتلي تاني اهو عشان تعرف انك ملكش غيري 
"كريم " انا الي استاهل فعلا سبت مراتي وبيتي وجريت ولا الركلمات الي شبهك وانا مراتي ضفرها برقبتكو كلكو تعالي صوت لوسي "لوسي" جرا اي يا عنيااااا اوعي تكون فاكر اني ضربتك ع ايدك ولا جريت وراك انتا يا خويا الي جيت لحد هنا برجلك ومدام مراتك احسن سبتها وجتلي لي 
كاد يرد عليها ولكن ما راه يكفي ليصبه بشل في حركته 
زوجته ترتدي ملابس عاريه وترقص امام الناس 
"لوسي بشماته " الي ضافرها برقبينا بترقص يا كيمو هيهيهيهي  
يالله ما تلك الصدمة زوجته تتعري امام الحاضرين هل ماسمعه عنها صدق ام ماذا 
هلع كريم صوب مروة يجرها من شعرها لخارج الملهي الليلي 
"عزت " اي ي كتكوت واخد المزه ورايح فين 
لكمه كريم علي وجهه حتي سقط مغشيا عليه 
"كريم " انتي ااي شيطانه منك لله بتعملي فيا كدا لي 
"مروة " وهي ترتسم الجمود عكس بركانها الداخلي 
انتا مين سمحلك تلمسني كدا انتا فاكر نفسك مين 
"كريم "  انا جوزك الي كان مفكر انك فعلا مظلومة لكن الواضح اني كان عندي حق 
"مروة بصريخ" انتا طلقتني وخونتني وشككت فيا سبتني ف الوقت الي كنت محتاجاك فيه وخسرت ابني بسببك انتا فاكر نفسك مين انتا متنفعش تكون اب ولا زوج ولا اي حاجة اوعي تكون فاكر اني مكنتش اعرف سهرك وخياتك كل يوم كنت عامله نفسي مش واخده بالي وساكته لحد ما جت حته ركلام شككتك فيا وانتا صدقتها بس الحق مش عليك الحق عليا انا انا الا كنت عارفه بمرضك وخبيت عليك وجبتها فيا وجزااتي بعد دا كلو اني طلعت خاينه لا يا كريم انتا لو اخر واحد ف الدنيا مش هرجعلك انا بقيت رقاصه رجعت لكاري تاني كل واحد بيرجع لاصله  
شقت كلماتها قلبه كم اهانها و جرح مشاعرها 
"كريم ببكاء،" سامحيني ارجوكي سامحيني وانا خلاص والله حرمت عرفت قيمتك يا مروة ارجوكي سامحيني وانا هعملك كل الي تعوزيه لو زعلتك تاني اقتليني بس بلاش تموتيني بالبطئ ببعدك عني ارجوكي 
"مروة " يااااا جت متاخر اوي يا كريم بعد اي بعد ما قتلت ابني وخلتني اتمرمط واستحمل نظرات الناس بعد ما كنت عارفه كل يوم انتا فين ومع مين وبتعمل اي انا عملت فيك اي عشان تعمل كدا سبني يا كريم سبني انا كدا مرتاحة 
"كريم " لا مش هسيبك يا مروة انا بحبك 
"مروة " هرجع بس بشرط 
"كريم " اعمل اي حاجة عشان ترجعي 
"مروة" انا في حالي وانتا ف حالك انتا بالنسبالي مجرد بيت هتحامي فيه من الناس وبس 
"كريم رغم شعوره بالاهانه " موافق يا حبيبتي موافق اي حاجة بس تكوني معايا 
...
صبا يا صبا قالها حسن مناديا لزوجته التي قاربت علي ولادتها 
"صبا" نعم عاوز اي 
"حسن " هتبطلي تعامليني ام المعامله دي امتي 
تبسمت صبا وقالت" حبيبي انا حامل وخلقي ديق بس متزعلش مني والله غصب عني حسا اني مخنوقه وجذبته لحضنها واكملت مبسوطه اوي انك رغم كل التهزيق وكلامي دا انتا مستحملني ومفيش مره زعلتني 
"حسن بحنو " انا بحبك يا صوبا وعارف انك مخنوقه اصل انا من يوم ما عرفت انك حامل وانا بشتري كتب ومعلومات عن الحمل كمان متابع دكتور اون لاين وعرفت ان في ناس بتتعب ف الحمل وبيبقي خلقها ديق فانا بقي بحاول اريحك علي قد ما اقدر عشان عارف انتي بتمري بايه 
"صبا بدموع " بتحبني للدرجادي يا حسن 
"حسن " بحبك اكترر من نفسي 
"صبا " طب تعالي ننزل نشتري هدوم عشان الفرح بتاع زميلك ولا مش عاوز تاخدني معاك 
"حسن " مدام صبا بد ذات نفسها هتتواضع وتيجي معايا حصلتلنا البركة يا فندم 
...
يا بنتي انتي متخلفه فاضل علي الفرح يومين وانتي بتقولي نأجلها متكلمبها يا طنط قالها مازن والغضب يزج من عينيه 
"سلمي " يا بنتي استهدي بالله دراستك وخلصتيها واختك والحمدلله مرتاحة والشقه وكل حاجة جاهزه وطبعنا الدعاوي كمان هنستنا اي لا كدا مينفعش 
"ملك " لا لا انا مش مطمنه 
"مازن " نعم ياختي هو ايه دا الي مش مطمنه هو انا بقولك تعالي اوريكي الشقه دا جواز وفرح بصي انا مااشي والفرح هيتعمل في معاده واي اعتراض هعتبر انك بترفضي جوازك مني نهائي 
رحل مازن بغضب عارم 
"سلمي" ممكن اعرف الجنان دا لزمته ايه 
"ملك " معرفش خايفه هسيبكو وهمشي مش قادره ابعد عنكو 
احتضنتها سلمي وقالت"بصي دي سنه الحياه ولازم تتجوزي ولو مرتحتيش هطلقك منه اي رايك بقي وبغدين الي يسمعك ميقولش انك كنتي سيبانا سنين وقاعده في لبنان 
"ملك " معرفش بقي 
...
جاء يوم الزفاف وكل اسره اعدت نفسها لحفل زفاف ملك ومازن 
"ملك " كان فيها اي يعني لو اجلنا الفرح شويه 
اقتضب وجه مازن " بقولك اي عدي يومك ع خير بدل ما اسبلك الفرح وامشي. 
"ملك " حد ماسكك الف من يتمني يقعد مكانك يا حبيبي 
"مازن " تعرفي تسكتي شويه 
اتت" ياسمين " مبرووك يا مازون الف مبروك وهنبقي قرايب خلاص 
نظرت لها" ملك بغيره " هو بس مبروك ها واننا قاعده طيشه ف وسطكم 
اتاها صوت زوج اختها "مراد"  احنا نقدر بردو ننساكي دنتي القمر بتاعنا يا صغنن 
"ياسمين " جرا ايه يا منحنح انتا دي اختي ع فكره 
"مازن " ومراتي ع فكره 
ضحك مراد وملك بشده " ملك " لا خليكو مع بعض وانا هروح مع مراد بقي نتكلم احسن انتو عيال خنيقه 
"ياسمين " نعم يا عنيا دا جوزي تاخدي فين اتلمي يا بت يالا باي يا مازون دلوقت وسجبت زوجها بشده 
"مازن " لولا ان مدير الشركة كنت قومت قتلته هو مين دا الي تروحي تتكلمي معا هاا لي متجوزا سوسن 
..
تحتضن ياسمين صديقتها همسه بشده 
"همسه " وبقينا قرايب بجد يا يسوووو 
"ياسمين "  الف مبروك يا هموسه ع النونوو السادس 
"همسه بضحك" عبالك ياختي 
"ياسمين " دعوتك استجابت يختي 
"همسه " بجد 
"ياسمين " اه والله في التالت كمان. 
"همسه " يا كلبه ومقولتليش 
"ياسمين " انا لسه عارفه امبارح اصلا 
همسه بت يا ياسمين مش دي البت صبا 
"ياسمين بتركيز" ايوه هي يا بت دي كعبرت كدا لي شكلها هتولد خلاص دي اتجوزت امتي 
وجايه لي 
ذهبتا ليسالا عن صديقتهما الجديده 
"ياسمين "  صبا 
صبا بتفاجا" ياسمين وهمسه ازيكو وحشني جداااا انتو اي الا جابكو هنا 
"ياسمين " العروسه اختي" همسه " العريس اخويا 
"صبا " العريس صاحب جوزي 
ظلو يضحكون ثم سألتها ياسمين "انتي اتجوزتي امتي وهتولدي امتي"
"صبا " اتجوزت حسن بن عمي وحامل في اول التاسع وانتو اتجوزتو ولا لسه 
"ياسمين " اتجوزت وفي نونو في السكة
"همسه " وانا اتجوزت وعندي خمسه والسادس جاي ف السكة 
"صبا " ماشاء الله ربنا يحميكم لبعض وحشني جدااا 
"ياسمين وصبا "تعالو نسلم ع العروسه والعريس 
ذهبوا معا ليرقصو مع العروسه 
تجمع مازن ومراد ومروان وحسن يتحدثون ثم دخل عليهم رامي وزوجته 
"مروان" انتا الا عزمتهم يا مازن 
"مازن " لا والله مش انا 
"مراد" انا الي عزمتهم الي فات فات نبدا من جديد 
"رامي " مبروك يا مازن مبروك يا مراد 
اقترب منه مراد وقال "الله يبارك فيك يابن عمي " احتضنه مراد وكأنه يخجل من الاعتذار منه فقرر ان يعتزر بطريقه اخري 
اشتد احتضان رامي لمراد 
"مازن " ما خلاص يا جدعان كدا الناس هتفهمكو غلط 
"مراد " ابقي فكرني اخصملك شهر عشان طوله لسانك دي 
"رامي " وحشتني اوي يابن عمي 
--
انتهي الزفاف ودابت المشكلات بينهم 
--
"مروة" بعد ازنك يا كريم مش مهني اننا عايشين مع بعض يعني انا موافقه ع قربك مني احنا اتفاقنا قبل كدا 
"كريم "سامحيني بقي يا مروة انا اسف اعمل اي تاني عشان تسامحيني انا تعبت من كتر المحايله 
نظرت له وتوقرقت الدموع باعينها "مروة " جرحتني اوي يا كريم 
"كريم" والله اخر مره عرفت قيمتك خلاص 
تبسمت وامأت براسها بمعني موافقه علي مسامحته 
حملها كريم ...
....
كدا الروايه خلصت يارب تكون النهايه عجبتكم انتظرو روايه جديده
google-playkhamsatmostaqltradent