رواية جوازة المجنونة كاملة جميع الفصول - نسمة الخطيب

الصفحة الرئيسية

 رواية جوازة المجنونة كاملة من الفصل الأول إلى الأخير بقلم الكاتبة المصرية نسمة الخطيب عبر دليل الروايات 

رواية جوازة المجنونة كاملة

رواية جوازة المجنونة البارت الأول

_أيه يا بنتي اللي أنتي لابساه ده؟ 
_لابسة ايه ياماما ده جاكيت جينز وبنطلون جينز فيها ايه يعني 
_فيها أن جدتك هنا وأكيد هتعلق علي لبسك المهبب ده
_ماله يعني يا ماما مريحني 
_بس مش مريحني أنا بقي 
_ليه؟ 
_علشان رجالي حسسيني أنك أنثي كده 
_يعني أمشي ببدلة رقص يعني يا ماما 
_لأ أمشي من قدامي
_أحسن برضه 
_اه صح نسيت أقولك أن في عريس جاي النهاردة 
ومش هقبل أي أعذار هتقابلي العريس وتتكلمي معاه كمان  وتلبسي كويس وبلاش حركاتك دي أظن فهماني كويس 
_حاضر ياماما شفتي انا شاطرة ازاي
بليل♡
_يلا يا رنا العريس جه بره 
يخربيتك أنتي لسه مجهزتيش 
_هلبس دلوقت يا ماما ماتقلقيش
خرجت رنا من الغرفة وكانت ترتدي بليزر أبيض ورافعة شعرها ذيل حصان 
_سلمت عليهم وقعدت 
_ماما رنا:اتفضلوا يا جماعة
رنا أعزمي علي سليم 
_اه طبعاً يا ماما 
_أتفضل كل مش وقت كسوف هو
_أفندم
_ولا أقولك أكل أنا بصراحة الفاكهة شكلها يفتح النفس 
وفضلت رنا تاكل بطريقة مقززة جداً
حتي رمقتها جدتها وأمها بنظرات غضب 
بس الغريب أن سليم نظراته كانت نظرات إعجاب
وفي النهاية اوقعت علي ثيابها القليل من الفاكهة
_فقام سليم وناولها المنديل 
_شكراً يا ذوق
_سليم باندهاش:ذوق!!!!
_ماما رنا حاولت تداري الموقف:
قومي يا رنا يا حبيبتي معايا نعمل قهوة للبشمهندس سليم

البارت الثاني

_ايه اللي هببتيه بره ده أنتي أتجننتي 
_عملت أيه يعني مش حرام ياكل الحاجة وأنا عيني فيها
_حسابي معاكي بعدين لما يمشوا 
_طب يلا يا ست الكل أنتي أطلعي بره وأنا هاعمله القهوة 
_بجد بس أعملها حلوة بقي زي عادتك 
_طبعاً يا ماما عيب عليكي 
_ماشي أنا خارجه وأنتي متتأخريش 
_ماشي 
خرجت مامة رنا 
وأحضرت رنا برطمان الشطة المفضل لديها وقامت بمزجه مع القهوة وخرجت لتقدمها له
_معقولة بنفسك
_اه طبعاً يا بش مهندس أتفضل
_متشكر 
_وما أن رشف سليم عدة رشفات من القهوة حتي بدأ وجهه يحمر بطريقه غير طبيعية وقام بفك أزار قميصه قائلا: 
هو الجو أحرر كده ليه؟ 
_ماما رنا: حر أيه بس يا بني ده أحنا في شهر 12حتي
_وقد أدركت ماما رنا ما فعلته ابنتها ورمقتها ببعض نظرات الغضب
بينما كانت رنا لا تستطيع إخفاء ضحكها عليه
قام سليم من مقعدة: طب يا جماعة أحنا طولنا عليكم جداً نستأذن بقي
_ماما رنا: ليه بس يا بني مانتوا قاعدين؟
_لأ يا طنط إن شاء الله مرة تانية وبعدين أكيد هيكون في بينا مكالمات كتير عن أذنكم
_علي راحتكم يا بني أتفضلوا 
أبتسمت رنا بمكر وقد علمت أن خططتها نجحت في تطفيش العريس 
وما أن خرجوا حتي هربت رنا إلي غرفتها حتي لا تشعل الأمور أكثر من ذلك مع أمها 
هي تعلم أنها تحبها وبشدة ولكنها لاترفض  الزواج هي ترفض طريقة الزواج نفسها
ذهبت رنا إلي عملها في صباح اليوم التالي 
_بقولك يا رنا في واحد مووز أوي بيسأل عليكي بره 
_واحد  واحد مين ده؟ 
_معرفش أنتي بتسأليني أنا
_طب بقولك ايه قوليله  مش موجوده ولاأقولك قوليله في إجتماع 
وما أكملت جملتها حتي ظهر في وجهها 
_صباح الخير يا بش مهندسة رنا

البارت الثالث والأخير

_صباح النور
هو أنت عرفت مكان شغلي منين؟ 
_أنا لما أعوز أعرف حاجة بعرفها 
_ياه ده أنت متواضع أوي 
_اه طبعاً لازم أبقي متواضع خصوصاً أننا بينا قهوة وشطة 
_رنا باستعباط: شطة شطة ايه اللي بتتكلم عليها 
_هعمل نفسي أهبل وكأني ماسمعتش حاجة 
المهم أناجاي النهاردة علشان أعرفك أننا جايين النهاردة عندكم البيت لو مش هيضايقك يعني
_يضايقني وأنامالي البيت بيتك يا بش مهندس
بليل♡
_ماما رنا:منورين يا جماعة
_بنورك ياطنط
قامت مامه رنا وأخذت معها جدتها ومامة سليم وذهبت لتتركهم بمفردهم
_رنا في سرها:منك لله يا ماما
_تنحنح سليم:أنسة رنا هو أنا ممكن أسألك سؤال 
_اه طبعاً أتفضل
_هو أنتي ليه رافضة الجواز؟
_أنا مش رافضاه أنا بس عايزة اللي أتجوزه أكون بحبه
_طب مانتي ممكن تحبيه بعد الجواز
_ممكن مش أكيد
_ضحك سليم: يعني هو الجواز عن حب أكيد هيستمر بعد الجواز
_ظلت رنا تفكر ثم صمتت 
_شوفتي ملقتيش إجابة 
بصي يارنا أحنا نتجوز وشوفي ياستي بعد الجواز إذا كنتي هتحبيني ولا لأ ولو ماحبتنيش نتطلق ها موافقة
_خلاص موافقة
_ممكن أطلب منك طلب تاني
_اه أتفضل
_ممكن أشرب قهوة من ايديك بس من غير شطة
_ضحكت رنا:حاضر
_قاطعها صوته أثناء سيرها:رنا 
_بحبك
_طب أنا هروح ألحق القهوة قبل ما تفور 
_بس أنتي ماحطيتهاش أصلاً
_خلاص هاروح أحطها
بعد 5سنوات
_سليم وهو يأكل الفاكهة بطريقة مقززة جداً
_ياااع أنت بتاكل الفاكهة ازاي كده
_زي الناس عادي
باختصار♕♕
مهما كنتي غريبة الأطوار ستجدي شخصاً يتقبلك كما أنتي بدون أي تغيير هويريدك أنتي فقط.. روايتي الجديدة اضغط هنا
google-playkhamsatmostaqltradent