رواية البحث عن الجاني بقلم دودو محمد كاملة جميع الفصول من الفصل الأول إلى الأخير عبر دليل الروايات للقراءة والتحميل pdf
مقدمة رواية البحث عن الجاني
اثنان يجمعهم القدر ليصبحوا هما محور الاهتمام لكشف الحقائق للجميع
هما فك شفرة الالغاز المعقده يبحثون حتى يمسكون بطرف الخيط لتبدء المطاردة القاسيه ليكون كل منهما درعآ حاميآ للآخر ولكن إذا تقابلا خارج نطاق العمل يصبحوا كالقط والفأر كل منهم ندآ للاخر فمن يراهم يقول أنهما أعداء لتصبح لديهم انفصام فى الشخصيه شخصين مختلفان تمامآ ولكن كيف سيجمع بيهم القدر سيبقوا قط وفأر للابد ام سيتغير الزمان ويصبحوا عاشقان
الفصل الأول
فى إحدى المناطق الراقية يوجد شقه مكونه من اربع غرف يظهر عليها الذوق الرفيع يوجد بيها عائله سعيده تخرج من الغرفه فتاة ترتدى الزى الشرطى لتقوم بتأدية التحيه العسكريه لوالدها وهى سعيده لتنظر له بحب قائله
فريده / تمام يا فندم لتقترب منه وتحضتنه بحب قائله ايه رأيك فى بنتك وهى لابسه البدله
فريد/ بحب قمر يا بنتى ربنا يحميكى ويحرسك يارب
فريده /نظرة اتجاه والدتها وقالت وانتى يا مزتى ايه رأيك انفع ظابط
منى / تنفعى ونص كمان هاتى بوسه بقى
فريده / اقتربت من والدتها وقبلتها قائله دعواتك بقى يا ماما النهارده اول يوم ليا فى الشغل وخايفه اوى
فريد / نظر لها وقال بنت فريد منصور متخافش أبدآ جمدى قلبك وانتى داخله كده علشان محدش يستضعفك فاهمه
فريده / بتأديه عسكريه قالت تمام يا افندم واحتضنته وقالت انا بنت اللواء فريد منصور لازم اكون قلبى حديد زيه صح ولا ايه
فريد / ربت على ظهرها بحنان قائلا صح يا قلب ابوكى
فريده / الدموع بدأت تتجمع فى عيناها ابتعدت عن احضان والدها وقالت هروح انا بقى عايزين منى حاجه
منى / بتسأل مش هتفطرى يا بنتى
فريده / اجابة قائله لاء يا ماما مليش نفس لو جوعت هجيب اى حاجه اكلها فى الشغل ووضعت القبعه العسكريه فوق رأسها لتنظر إلى نفسها فى المرأة بفخر وقامت بفتح الباب وخرجت وأغلقت الباب خلفها ونزلت إلى الأسفل لترى إحدى الجيران تنظر لها قائله
فايزه / صباح الخير يا بنتى
فريده / صباح الخير يا طنط فايزه
فايزه / بسم الله ماشاءالله يا بنتى زى القمر فى البدله العسكريه
فريده / ميرسى يا طنط عن اذنك
فايزه / تذهب لها وتقف أمامها قائله بقولك يا بنتى
فريده /بأستغراب خير يا طنط
فايزه / الولا حسن ابنى عنده عربيه اجره الظابط وقفه امبارح واخد منه الرخصه قال ايه علشان ماشى مخالف ينوبك ثواب يا حبيبتى تجيبها ليه ده غلبان وبيجرى على طفلين
فريده / يا طنط انتى فاهمه غلط انا مش ظابط فى المرور لاء انا فى المباحث الجنائية مليش دعوه خالص بالكلام اللى انتى قولتيه ده كله
فايزه / يعنى ايه مش فاهمه
فريده :- تنهدت وقالت يعنى انا مليش دعوه خالص بموضوع ابنك ده عن اذنك بقى علشان اتأخرت وتركتها وذهبت بأتجاه السياره الخاصه بيها وصعدت إلى السياره وقادتها إلى العمل الخاص بها
فايزه :- نظرت لها فى بتهكم قائله يا اختى شايفه نفسك على ايه ده انتى لسه اول يوم وصعدت إلى الشقه الخاصه بها
***
فى إحدى المناطق الراقية توجد شقه بيها عائله صغيره مكونه من اب وام وطفلين يخرج الأب من الغرفه وهو متعصب ليقول بصوت عالى
سيف / هاجر يا هاجر
هاجر //ايه فيه ايه
سيف /بعصبيه فين القميص الابيض
هاجر //عند المكوجى
سيف /بعصبيه نعم يا اختى عند المكوجى وانا هلبس ايه دلوقتى
هاجر // معرفش البس اى حاجه من عندك فى الدولاب
سيف // نظر لها بغيظ ودخل إلى الغرفه وجلس على السرير ووضع رأسه بين يديه حتى يهدأ قليلا ليسمع صوت زوجته وهى تقول له
هاجر// اطلعلك قميص تانى من الدولاب
سيف / نظر لها بقلة حيله قائلا أنا تعبت من اهمالك كل همك بس ضوافرك وشعرك وجسمك إنما أنا اخر تفكيرك حتى الولاد مش بتهتمى بيهم سيباهم مع المربيه ليل نهار
هاجر// انت مش بتزهق من الكلام ده انا قولتلك من الاول مليش فى شغل البيت ولا الحاجات دى مش كل شويه تقول نفس الكلمتين هوف وخرجت من الغرفة
سيف / نظر لها بقلة حيله ونهض من على السرير واتجه إلى خزانة الملابس الخاصه بى وأخذ ملابس العمل واتجه إلى المرحاض ودلف إلى الداخل واغلق الباب خلفه وبعد وقت خرج سيف من المرحاض ووقف أمام المراه ومشط شعره وقام بتأدية فرضه وخرج من الغرفه ونظر إلى زوجته نظرة كره واتجه إلى غرفة أبناءه وفتح الباب ودلف إلى الداخل لينظر لهم بحنان ويذهب يجلس بجانب ابنته على السرير و يملس بحنان فوق شعرها قائلا صباح الخير يا حبيبت بابا
ليان// صباح النور يا بابا
سيف / ينظر بأتجاه ابنه قائلا صباح الخير يا بطل
معاذ /صباح النور يا بابا
سيف /يلا يا شاطرين جهزوا نفسكم علشان مدرستكم
ليان / حاضر يا بابا ونهضت من على فراشها ودخلت المرحاض
سيف / وانت يا عم الكسول قوم يلا
معاذ :- حاضر لما ليان تطلع من الحمام
سيف :- اوعى تنام تانى
معاذ :- لاء متخافش
سيف :- نهض وخرج من الغرفه ونظر إلى هاجر وقال ياريت تفطرى الاولاد قبل ما ينزلوا المدرسه علشان انا متأخر على الشغل
هاجر :- هديهم فلوس ويبقوا يشتروا حاجه ياكلوها
سيف :- نظر لها بعصبيه وهز راسه مستنكر أفعال زوجته وذهب اتجاه باب الشقه وفتحه وخرج منه واغلقه خلفه ونزل إلى الأسفل صعد سيارته وقادها إلى مكان العمل الخاص بى
***
فى قسم الشرطه
دخلت فريده قسم الشرطه وهى تحاول أن ترسم الجديه على ملامح وجهها لتدخل إلى المكتب الذى اشار عليه العسكرى لم تجد أحد لتخرج مره اخرى قائله
فريده :- هو فين اللى فى المكتب
العسكرى :- لسه مجاش
فريده :- من اولها كده تأخير طيب فين المكتب بتاعى
العسكرى :- اهو يا فندم وشاور عليه
فريده :- طيب ودخلت المكتب الخاص بيها ونظرت إليه بفرحه كبيره وجلست على مقعدها وحركت يديها فوق المكتب الخشبى والفرحه تملأ عيناها ولحظات وتسمع صوت رجولى مرتفع جدآ لتنتفض من فوق مقعدها لتنهض وتركض بأتجاه الباب وتفتحه وتنظر إلى العسكرى وتسأله ، هو فيه ايه
العسكرى :- ده سيف باشا
فريده :- بتسأل سيف باشا مين
العسكرى :- شاور بيده على الغرفه وقال سيف باشا
فريده :- نظرت اتجاه يده وقالت بتوتر سيف باشا سيف باشا
العسكرى :- أجابها وقال ايوه يا افندم
فريده :- ربنا يبشرك بالخير ونظرت اتجاه باب الغرفه بتوتر ودخلت مره اخرى إلى المكتب الخاص بها وقالت ده انا شكلى داخله على ايام فحلوقى وقامت بتعديل ملابسها واخذت نفس عميق واخرجته بهدوء وفتحت الباب وخرجت واتجهت إلى المكتب الخاص بسيف وطرقت على الباب لتسمع صوته يأذن لها بالدخول مدت يدها على مقبض الباب وأغلقت عيناها بتوتر وفتحت الباب ودخلت وقالت
فريده :- ا.ا.السلام عليكم
سيف :- بعصبيه السلام عليكم ايه وانتى داخله على اصحابك فى الكافيه فين التأديه العسكريه يا حضرت الظابط
فريده :- بتأدية عسكريه تمام يا افندم
سيف :- نظر لها وقال انتى بقى اللى جايه جديد
فريده :- الملازم فريده فريد منصور يا باشا
سيف :- نظر لها نظره مطوله واردف هو احنا كنا ناقصين بلاوى تتحدف على الواحد
فريده :- ليه حضرتك بتقول كده
سيف :- بتحذير انتى متسأليش انتى تسمعى اللى اقول عليه وبس فاهمه
فريده :- تمام يا فندم
سيف :- اتفضل على مكتبك يا حضرت الملازم
فريده :- طيب هو حضرتك مش هشتغل ولا ايه
سيف :- بعصبيه اومال انتى بتعملى ايه اتفضلى على مكتبك يلا
فريده :-بتأدية عسكريه تمام يا فندم وخرجت من عنده
سيف :- نظر اتجاه الباب وقال ناقصه هى جايين واحده تشتغل معايا وبدء ينظر أمامه على ملف القضيه
***
دخلت فريده المكتب الخاص بها وجلست على المقعد ومسكت السلاح بيدها ونظرت اتجاه الباب ووجهت السلاح اليه وقالت
فريده:- سلم نفسك الهروب مش هيفيدك وفى ذلك الوقت الباب اتفتح ووقف عامل البوفيه مكانه ورفع يده إلى الاعلى وقال
وائل// والله العظيم ما عملت حاجه يا فندم
فريده / نزلت السلاح ووضعته على المكتب وابتسمت قائله نزل ايدك يا ابنى انا كنت بجرب المسدس بس
وائل // تنهد بأرتياح ونزل يده وقال الحمدالله انا اتخضيت
فريده / بفرحه بجد يعنى يتخاف منى
وائل // ها ا.ا.اه طبعآ يا فندم حضرتك عندك هيبه كده تخوف وابتسم
فريده / بفرحه ربنا يكرمك يارب
وائل // حضرتك محتاجه اى حاجه اجبها ليكى شاى قهوه ليمون نسكافيه اى حاجه انا تحت امرك
فريده/ يااااااه جيت فى وقتك والله هاتلى واحد شاى بلبن وبسكوت
وائل // ها
فريده / ايه فيه ايه بقولك شاى بلبن وبسكوت
وائل// ها لا مفيش حاجه حاضر يا فندم هيكون عندك حالا وخرج وتركها
فريده / يا سلام عليكى يا بت يا ديدى وانتى بتخوفى كده وفى ذلك الوقت سمعت صوت مرتفع واتعرفت على الصوت وقالت هو فيه ايه مش بيعرف يتكلم غير بزعيق ده ولا ايه وسمعت صوته وهو بينادى عليها وقفت بقلق وقالت استر ياللى بتستر وركضت عنده وقالت تمام يا فندم
سيف // انتى جايه رحله فين الكاب يا حضرت الملازم
فريده / ها على المكتب يا فندم
سيف // بغيظ بيعمل ايه على المكتب
فريده / نسيته لما سمعت حضرتك بتنادى عليا
سيف // هاتيه وتعالى ورايا بسرعه
فريده / ح.ح.حاضر وركضت إلى المكتب اخذت القبعه واتجهت إلى مكتب سيف ووضعته على رأسها وقالت تمام يا فندم
سيف// اخذ السلاح ووضعه فى مكانه وارتدى سترته ونظر لها وتحرك وشاور بيده لها تتحرك خلفه واتجه إلى الخارج واتجهت خلفه وقالت
فريده/هو احنا رايحين فين حضرتك
سيف// هخدك الملاهى اصل بحب ادلع اللى هيشتغل معايا
فريده / بفرحه بجد يا فندم دى الحكومه طلعت حلوه اهى وفرفوشه
سيف // بصوت مرتفع انتباه يا حضرت الملازم فريده مش ناقص فقع مراره
فريده / بخوف تمام يا فندم
سيف// صعد السياره ونظر لفريده بغيظ وقال ما تزفتى واركبى
فريده / ح.ح.حاضر يا فندم وصعدت السياره بتوتر
سيف // اطلع يا ابنى على مكان الجريمه
فريده / بفرحه مكان الجريمه ايه ده هو احنا رايحين شغل
سيف // بغيظ اه رايحين نلقط رزقنا كده الصبر من عندك يارب اطلع يا ابنى اخلص وتحركت السياره واتجهوا إلى مكان الجريمه وصعدوا إلى الشقه ودخلوا الاثنين مكان الجريمه واتجه سيف إلى الجثه وازال الغطاء من على وجهها
فريده/ اول ما رأت الجثه تعلقت بذراع سيف وقالت يا مامى قتيله
سيف // بغيظ يا ايه يا اختى هو انا جايب بنتى معايا انتباااااااه يا حضرت الملازم
فريده/ ابتعدت عن سيف بخوف وقالت ت.ت.تمام يا فندم ونظرت للجثه بخوف
سيف // تنهد بغيظ ومال بظهره إلى الاسفل ونظر للجثه بتمعن ونهض مره اخرى ونظر لسكن وسأل بواب العقار وقال ايه اللى حصل
البواب // انا حضرتك كنت طالع عند استاذ خالد علشان اشوف طلبات المدام واجبها ليها لاقيت باب الشقه دى مفتوح وحد واقع على الارض دخلت لاقيت القتيله دى سايحه فى دمها بالشكل ده
سيف // تعرفها
البواب // اول مره اشوفها امبارح بليل كانت جايه وبتتلفت حاوليها ولما سألتها انتى رايحه فين قالت جايا عند خالتها اللى فى الدور السابع بس شوفت الرقم على شاشة الاسانسير لاقيتها طالعه الدور العاشر
سيف// يعنى هى قالتلك طالعه الدور السابع ولا قيتها طالعه الدور العاشر ومقتوله فى شقه الدور الخامس ده اللى هو ازاى مش فاهم
البواب // مش عارف والله حضرتك
سيف // طيب مين صاحب الشقه دى
البواب // استاذ رامى بس هو مسافر مش بيجى فيها غير كل فين وفين
سيف // يعنى فاضيه الشقه
البواب // ايوه يا باشا
سيف // نظر فى الشقه واتصدم لما وجد فريده بتمسك تحفه فى الشقه قال بصوت عالى استنى عندك بتعملى ايه
فريده/ انتفضت من مكانها وقالت خير يا فندم
سيف // ممنوع تلمسى اى حاجه فى مكان الجريمه علشان البصمات فاهمه
فريده / حاضر يا فندم
سيف // تنهد وقال انتى عارفه لو عملتى اى حاجه تانى هخليكى جثه تانيه جمب دى فاهمه
فريده / فاهمه يا فندم وقالت بصوت منخفض عايز رصاصتين فى دماغك دى علشان استريح منك
سيف //بتقولى حاجه
فريده / ها لاء يا فندم بدعيلك بس
سيف // نظر لها بغيظ واكمل عمله وبعد وقت انتهوا وعادوا إلى قسم الشرطه وفتح الباب ودخل جلس على المقعد الخاص بالمكتب ونظر إلى فريده بغيظ وقال انتى بعد كده مفيش نزول معايا انتى اخرك شغل المكتب وبس فاهمه
فريده/ ليه بس يا فندم عملت ايه
سيف // ده انا لو كنت اخد بنتى الصغيره معايا كانت هتبقى اهدا منك فى الشغل انتوا اللى زيكم اخرهم فرح وقاعده فى البيت مش تيجوا تقرفونا هنا فى شغلنا
فريده / حضرتك انا معملتش حاجه لكل ده وبعدين انا اول يوم ليا فى الشغل والمفروض ان حضرتك تستحملنى لحد ما اتعود مش تحبطنى بكلامك ده
سيف // بعصبيه انتى ازاى تتكلمى معايا كده يا حضرت الظابط
فريده / انا اسفه يا فندم بس حضرتك زودها معايا اوى من الصبح ومش طايقنى من ساعة ما شوفتنى معرفش ليه
سيف // علشان كلكم زى بعض مفيش عندكم اى احساس بالمسؤوليه
فريده / انا مش زى حد ولا فاهمه حضرتك بتتكلم عن مين عمومآ انا اسفه لو ضيقت حضرتك واوعدك هكون اكثر جديه فى الشغل
سيف //تنهد وقال لما نشوف اتفضلى اقعدى هنا علشان نبدء التحقيق فى القضيه
فريده / تمام يا فندم وجلست على المقعد الجلدى
سيف // ضعط على زر واتفتح الباب ودلف العسكرى إلى الداخل وادى التحيه وقال
العسكرى//تمام يا فندم
سيف // دخل المشتبه فيه اخو المجنى عليها
العسكرى // تمام يا فندم وخرج احضر شقيق القتيله وخرج مره اخرى
سيف // اسمك وسنك ومحل اقامتك
ماهر // ماهر عبد الحميد وهدان عندى سبعه وعشرين سنه من اسيوط
سيف // بتشتغل ايه
ماهر // عندنا ارض فى البلد
سيف // وكنت بتعمل ايه هنا انت واختك
ماهر // اختى طفشت بقالها يومين وجيت ادور عليها هنا
سيف // طفشت ازاى
ماهر // فرحها هى وابن عمى كان من يومين وطفشت قبل ما يكتب عليها وناس قالوا شافوها وهى بتركب عربيه رايحه اسكندريه جيت هنا ادور عليها
سيف // ودورت عليها ولاقيتها وقتلتها علشان جابت ليكم العار
ماهر // منكرش حضرتك ان انا كنت عايز اقتلها واشرب من دمها علشان جابت لينا العار بس ابويا مرضاش وصمم ان اخدها ليه عايشه
سيف // بس اكيد لما شوفتها الدم غلى فى عروقك ومقدرتش تتحكم فى نفسك وقتلتها
ماهر // قولت لحضرتك مقتلتهاش انا لو قتلتها كنت هقول كده وانا فرحان ان رفعت رقابتى قصاد اهل البلد بس للاسف مش انا اللى قتلتها
سيف // طيب لو مش انت اللى قتلتها مين هيكون عنده دافع لقتلها
فريده / اكيد ابن عمها العريس علشان ينتقم لكرامته
سيف // نظر لفريده بغيظ ونظر لماهر مره اخرى وقال رد على كلامها
ماهر // الله اعلم انا مشوفتش ابن عمى من يوم ما اختى هربت من الفرح
سيف // امضى على اقوالك
ماهر // مضى على اقوله
سيف // ضغط على الزر ودخل العسكرى وامره يأخذ ماهر الحجز لاستكمال التحقيق معه مره اخرى ويحضر المشتبه فيه الثانى ابن عم القتيله
العسكرى// اخذ ماهر الحجز واحضر ابن عم القتيله
سيف // اسمك وسنك ومحل الاقامه
هانى// هانى اسماعيل وهدان سنى خمسه وعشرين سنه من اسيوط
سيف // بتشتغل ايه
هانى // فى مصنع قمح فى اسيوط
سيف // بتعمل ايه هنا فى الاسكندريه
هانى // كنت بدور على بنت عمى وخطيبتى اللى هربت يوم فرحنا
سيف // ولاقيتها وقتلتها علشان تنتقم لكرامتك صح
هانى // منكرش ان الدم فار فى نفوخى وكنت عايز اقتلها بس انا بحب نجاة ومقدرش اذيها نجاة انا اللى مربيها على ايدى واكمل حديثه بدموع وقال انا متخيلتش انها تعمل فيا كده ومش قادر اصدق ان نجاة بنت عمى ماتت وسابتنى انا حاسس نفسى بحلم لاء حلم ايه ده كابوس ااااااه يا نجاة اااااه يا بنت عمى ليه تموتى وتسبينى لييييييه
فريده/ قامت من مكانها واتجهت إلى هانى بدموع واعطته كوب ماء وقالت اهدا خد اشرب مايه
هانى // اخذ الماء من يدها وقال بدموع شكرآ حضرتك
فريده / ربنا يرحمها ويصبر قلبك على فراقها
سيف // وضع يده على وجهه بغيظ وقلة حيله وقال حضرت الملازم فريده ممكن تقعدى علشان نكمل التحقيق
فريده/ ها ا.ا.اه طبعآ وجلست مره اخرى
سيف // تنهد وقال بس انت اكتر واحد عندك دافع لقتلها
هانى // بدموع مقتلتهاش والله ما قتلتها ولا كنت اقدر اعمل كده
سيف // امضى على اقوالك
هانى// مضى على اقواله
سيف // ضغط على الزر وامر العسكرى انه يأخذ هانى لاستكمال التحقيق فى وقت اخر ووضع يده على وجهه بأرهاق
فريده/ نظرت له وقالت على فكره القضيه دى متعقده جدآ لان الاتنين شكلهم صادقين ومش بيكدبوا
سيف // تعرفى تنقطينى بسكاتك
فريده / ليه طيب
سيف // لان المجرم مش هيجى ويقولك انا اللى قاتلة لازم يثبت ليكى انه مظلوم ومعملش كده علشان يهرب من حبل المشنقه
فريده / طيب وهتعرف ازاى الكداب من الصادق
سيف // اولا هنستنى نتيجة الطب الشرعى وبعد كده نمسك اول طرف فى القضيه ونشكل فريق بحث جنائى ونتبع الطرف ده لحد ما نوصل للجانى
فريده / احيه كل ده علشان نوصل للجانى
سيف // ايوه اومال حضرتك مفكره ايه بنشم على ضهر ايدينا ونوصل للمجرم علطول
فريده / يعنى دلوقتى مين اللى قتلها ماهر اخوها ولا هانى ابن عمها وخطيبها
سيف // ده اللى هتوضحه التحقيقات فى الايام الجايه
الفصل الثاني
انتهى اليوم وخرجت فريده من العمل وصعدت السياره الخاصه بها وقامت بتشغلها تحركت وقبل انا تغادر المكان تذكرت الهاتف المحمول الخاص بها فى المكتب نزلت من السياره وركضت على المكتب ووجدته تنهدت بأرتياح واخذته واتجهت إلى الاسفل مره اخرى ووجدت سيف يقف بجانب سيارته ومتعصب نظرت له بأستغراب واتجهت له وقالت
فريده / خير يا فندم حصلت حاجه عصبتك
سيف // ضغط على اسنانه بغيظ وقال عربية حضرتك اللى واقفه قصاد عربيتى ومعطلانى
فريده / اوبس سورى يا فندم اصل نسيت تليفونى فوق طلعت اجيبه
سيف // وانا مالى نسيتى ايه فوق خلصينى وشيلى ام العربيه دى
فريده / بغيظ طيب وصعدت السياره وقامت بتشغيلها وتحركت بيها وغادرت المكان وتركته
سيف // هو انا كنت ناقص بلاوى يا ربى وصعد سيارته وغادر المكان
***
بمنزل فريده
وصلت فريده المنزل ودخلت القت جسدها على الاريكه بأرهاق وقالت
فريده / مساء الخير
فريد// مساء النور يا بنتى
منى / مال وشك اصفر كده يا بنتى
فريده / اسكتى يا ماما على اللى شوفته النهارده فى الشغل
منى / شوفتى ايه يا حبيبتى
فريده / شوفت جثه حقيقيه قدامى مقتوله وسايحه فى دمها قلبى كان هيوقف عليا من الخوف
منى / لا حولا ولا قوة الا بالله من اول يوم ليكى كده قضية قتل واتقتلت ليه دى بقى
فريده / علشان
فريد // بعصبيه فرررررريده غلط اللى انتى بتعمليه ده لازم تحافظى على اسرار الشغل مينفعش تقوليها لاى حد
فريده / بس يا بابا انا مش بقولها لحد غريب دى ماما
فريد // متقوليش لجنس مخلوق على الارض حاجه تخص شغلك حتى لو امك
منى / يوه ما تسيبها يا فريد تتكلم يعنى انا هقول الكلام ده لحد بره
فريد // منى اسمعى الكلام خلى بنتك تلتزم بسرية شغلها قومى يلا يا بنتى غيرى هدومك
فريده / تنهدت بأرهاق وقامت وقفت وقالت حاضر يا بابا عن اذنكم ودخلت غرفتها وقامت بخلع سترتها وعلقتها مكانها ودخلت المرحاض وبعد وقت خرجت ووضعت باقى ملابسها فى المكان المحدد ليهم ووقفت امام المراه ونظرت على انعكاس صورتها وابتسمت وقالت قمر يا ديده خساره فى المجرمين والله وسمعت صوت والدتها تنادى عليها من الخارج اجابة عليها بصوت مرتفع وقالت ايوه يا ماما انا جايه اهو والقت قبله لانعكسها فى المراه وخرجت تركض من الغرفه وجلست على المقعد ونظرت لطعام بشهيه وقالت الله يا ماما الملوخيه ريحيتها تجوع وبدأت تتناول الطعام
منى / بألف وهنا وشفا يا حبيبتى
واكملت تناول الطعام وقامت وقفت وقالت
فريده / الحمدالله هدخل انام احسن خلاص مش قادره تصبحوا على خير
فريد ومنى // وانتى من اهل الخير يا حبيبتى
فريده / اتجهت إلى غرفتها واغلقت الباب خلفها والقت جسدها على السرير وقالت اااه يا انى يا اما على اللى لسه هشوفه من اللى اسمه سيف ده واغلقت عيناها ونامت
***
بمنزل سيف
جلس سيف على طاولة الطعام ومعه ابنائه وقام بأطعامهم وابتسم لهم وقال
سيف // ايه رأيكم فى الاكل يا حبايبى
ليان/ حلو اوى يا بابا
معاذ // تسلم ايدك يا بابا
سيف // الف هنا وشفا يا حبايبى ها قولوا عملتوا ايه النهارده فى المدرسه
ليان / بفرحه كان فيه مسابقة رسم النهارده ودخلتها وكسبت فيها وطلعت الاولى
سيف //بفرحه بجد مبروك يا حبيبتى انا فخور بيكى وانت يا عم معاذ
معاذ // نظر للارض ولم يجيب عليه
سيف // بأستغراب مالك يا معاذ سكت ليه
معاذ // تنهد وقال مفيش يا بابا وقام وقف وقال تصبح على خير وتركهم وغادر المطبخ
سيف // نظر إلى معاذ بأستغراب
ليان / عايز تعرف ماله يا بابا
سيف// اه قولى ماله
ليان / درجاته النهارده كانت مش حلوه والميس زعقت ليه وقالت ان مستواه بقى وحش اوى وهتتصل بوالى امره
سيف // وانتى عرفتى الكلام ده منين يا اوزعه
ليان / من جيسى صحبته اللى معاه فى الكلاس
سيف // تنهد بحزن ونهض واتجه إلى غرفة معاذ وطرق الباب ودخل عنده وجلس بجواره على السرير وقال مالك يا بطل فيه ايه مزعلك بس
معاذ // مفيش
سيف // علشان يعنى درجاتك مش حلوه وايه المشكله المره الجايه هتبقى احسن بس محتاجين شوية تركيز صح ولا ايه
معاذ // بدموع اعمل ايه يا بابا بحاول والله اركز بس انا لوحدى محتاج ماما معايا المنهج صعب ومحتاج مساعده ومش بلاقى
سيف // تنهد وقال وانا قصرت معاك فى حاجه يا ابنى
معاذ // يا بابا حضرتك طول النهار فى الشغل كتر خيرك وعلى ما بترجع من الشغل وتعمل لينا الاكل وناكل بيبقى جه وقت النوم
سيف // تنهد بحزن وضمه فى حضنه وقال حقك عليا يا ابنى حقك عليا من بكره ان شاءالله هقعد معاك واراجع ليك كل اللى فات يلا يا حبيبى تصبح على خير وقبل رأسه ووضع الغطاء عليه وخرج واغلق الباب خلفه ودخل غرفته وجد هاجر تجلس على السرير وتشاهد التلفاز تنهد بغيظ واغلقه
هاجر / نظرت له بعصبيه وقالت انت ازاى تقفل التلفزيون هات الريموت
سيف// بغيظ انتى ايه يا شيخه معندكيش دم مفيش عندك احساس بأى مسؤوليه اتجاه بيتك وولادك
هاجر / ايه فيه ايه
سيف // فيه ان ابنك يا هانم محتاج وجودك جمبه فيه ان وجودك معانا فى البيت زى قلته فيه ان انا بقيت اقوم بدور الاب والام فيه ان انا تعبت انا مبقتش قادر على كل ده لوحدى فيه ان انا كراجل مفتقدك فى حياتى تقدرى تقوليلى اخر مره لمستك فيها كانت امته وكل ما اقرب ليكى تقوليلى انا تعبانه مش عايزه مصدعه ملكيش مزاج قوليلى انت ايه فيدتك فى البيت لا نافعه كأم ولا نافعه كزوجه
هاجر / انت ازاى تتكلم معايا كده انت تحمد ربنا انا وافقت عليك واتجوزتك اصلا انت ناسى انا بنت مين واحد غيرك يبوس التراب اللى بمشى عليه انا غلطانه اصلا ان قاعده معاك لحد دلوقتى عيالك عندك وانا هروح عند بابى
سيف // بغيظ فى ستين داهيه ومن بكره هتكون ورقتك عندك
هاجر / ماشى يا سيف واخذت الحقيبه الخاصه بها ووضعت ملابسها بها وقامت بحملها وخرجت من البيت و صعدت السياره واتجهت على منزل والدها
سيف // جلس على السرير ووضع رأسه ما بين يده بحزن وتنهد وقال انا تعبت واستحملت فوق طاقتى والله والقى ظهره للخلف واغلق عيناه
***
بعد مرور اكثر من اسبوعين
اشرقت شمس صباح يوم جديد بنورها الساطع فى سماء الاسكندريه لتبدء فريده بفتح عيناها على صوت رنين هاتفها التقطت هاتفها ونظرت فيه وجدته سيف نهضت سريعآ وجلست على السرير واجابة على الهاتف وقالت
فريده / صباح الخير يا فندم
سيف //خير ايه وزفت ايه على دماغك مجتيش ليه لحد دلوقتى
فريده / ها هى الساعه كام
سيف //شوفى ساعتك كام
فريده / نظرت فى الساعه وقالت بصدمه نهار فحلوقى انا اسفه يا فندم راحت عليا نومه نص ساعه بالكتير وهكون عند حضرتك الو يا فندم الو ونظرت فى الهاتف وجدت السكه مغلقه تنهدت وقالت قفل السكه فى وشى ابن المضايقه ونهضت من على فراشها واتجهت إلى المرحاض وبعد وقت خرجت ارتدت ملابسها وهى تشعر بألم وخرجت من الغرفه وقالت بتعب صباح الخير انتى ازاى مصحتنيش يا ماما لحد دلوقتى اتأخرت على الشغل
منى / صحيتك يا بنتى وتعبتى قلبى معاكى سيبتك براحتك
فريده / لا والله براحتى ايه بس يا ماما
منى / اصبرى احضرك الفطار
فريده / مفيش وقت متأخره اوى يا ماما وكمان البريود جت وتعبانى اوى ولسه البؤقين اللى هسمعهم من اللى اسمه سيف ده
منى / ربنا معاكى يا بنتى
فريده / فين بابا
منى / فى الاوضه مريح شويه
فريده / اديلو بوسه نيابة عنى ماشى يلا سلام يا مزه واتجهت إلى الاسفل وصعدت سيارتها واتجهت إلى قسم الشرطه وبعد وقت وصلت نزلت من السياره وركضت إلى الداخل واتجهت إلى غرفة المكتب الخاص بسيف وطرقت الباب وسمعت صوته يأذن لها بدخول فتحت الباب ودخلت وادت التحيه وقالت تمام يا فندم ا.ا.انا اسفه حضرتك
سيف // نظر لها بعصبيه وقال مخصوم منك يومين انا اكتفيت المره دى بالخصم انما اقسم بالله لو حصل حاجه منك تانى هحولك التحقيق فاهمه
فريده / فاهمه يا فندم وبصوت منخفض قالت اللهى تنشك فى معاميعك يا بعيد يوعدك بمجرم احول يحدفك بحاجه تيجى فى مناخيرك تكسرها ليك ان شاءالله
سيف // بغيظ انتباه يا حضرت الملازم
فريده / انتباه يا فندم
سيف // اتزفتى واقعدى علشان نشوف شغلنا
فريده / طيب ممكن ادخل الحمام
سيف // نعم
فريده / ايه يا فندم ده الحمام حاجه مش بأيدينا يعنى
سيف // تنهد بغيظ وقال اخلصى
فريده / هوا يا فندم عن اذنك وركضت إلى المرحاض وبعد وقت خرجت وجلست على المقعد المجاور لسيف
سيف// عملتى اللى قولتلك عليه
فريده / ايوه حضرتك درست القضيه كلها وكل القضيه واقفه عند نقطه واحده بس
سيف // ايه هى
فريده / اكيد نجاة هربت من الصعيد يوم فرحها علشان متعلقه بواحد وعلشان كده جت لشخص ده اللى هو احنا مش عارفين هو مين ولما جت العماره دى كانت جايه تقابله وممكن يكون حصل مشاده فى الكلام ما بينهم وقتلها علشان خاف من اهلها فى الصعيد
سيف // كلام جميل بس البواب قال انها طلعت العاشر والجريمه كانت فى الخامس ايه رأيك فى الكلام ده
فريده // حضرتك انا اصلا شكه فى كلام البواب ده وحاسه ان مفتاح القضيه كلها معاه هو
سيف // شاطره انا هقولك بقى الحقيقه
فريده/ بصدمه ايه ده هو حضرتك عرفت الحقيقه
سيف // ايوه والقضيه خلصت
فريده / طيب ايه هى الحقيقه
سيف // قام وقف واتجه إليها ووقف امامها وقال اللى قتلها ابن البواب
فريده / بصدمه ابن البواب ووقفت امامه
سيف // ايوه، هو من نفس بلد نجاة وكان معشمها بالجواز وحصل ما بينهم علاقه والبنت اكتشفت انها حامل و هربت من البلد يوم فرحها خافت من الفضيحه و جت ليه فى العماره اللى شغال فيها ابوه واتقابلوا فى الاوضه اللى تحت السلم وطلبت منه انه يتجوزها علشان يستر عليها زى ما وعدها حاول يتهرب منها ونكر ان اللى فى بطنها ده منه هددته ان لو هو متجوزهاش هتروح تقول لاهلها الحقيقه ومش هتبقى على الدنيا فى حاجه وهو علشان عارف ان ممكن يتقتل فيها مسك السكينه وضربها بيها فى ضهرها قبل ما تمشى وابوه دخل الاوضه واتصدم لما شاف الجثه والدم ولما سأل ابنه قاله على اللى حصل ما بينهم طبعآ البواب خاف على مستقبل ابنه وبما انه البواب كان معاه مفتاح شقة اللى اسمه رامى ده لانه مسافر علطول وبيجى كل سنه مره فتح الباب وحط الجثه فيها واتصل بينا على اساس ان هو اللى اكتشف الجريمه ومحى اى حاجه ليها علاقه بأبنه ونسى ان القتيله كانت حامل وهيظهر مين ابوه فى الطب الشرعى واول ما ظهرت النتيجه شكلنا فريق بحث جنائى وقدرنا نوصل لابن البواب ده ولما واجهته بالكلام ده اعترف على اللى حصل ده كله واتقفلت القضيه على كده
فريده / طيب ليه حضرتك معرفتنيش باللى بيحصل ده كله
سيف // علشان انتى مزعجه ومكنتش هعرف اشوف شغلى منك وثانيآ كنت بحاول اخليكى تتدربى على شغل القضيه واخليكى تشغلى دماغك وتدرسى القضيه بهدوء
فريده / بس حضرتك انا هنا علشان نشتغل مع بعض مش حضرتك تشتغل من ورايا وتوهمنى ان القضيه لسه شغاله
سيف // انا بس اللى اقول هنا ايه اللى ينفع وايه اللى مينفعش ولما الاقيكى جاهزه لشغل فى البحث الجنائى هبقى اسمح ليكى تشتغلى معايا
فريده / نظرت له بغيظ وتركته وذهبت إلى المكتب الخاص بيها
سيف // نظر لها بعدم اهميه وجلس على المقعد الخاص بالمكتب وقام بالعمل مره اخرى