Ads by Google X

رواية ان كيدهن عظيم الفصل الأول - بقلم منار رمضان

الصفحة الرئيسية

رواية ان كيدهن عظيم الفصل الأول بقلم منار رمضان عبر دليل الروايات

رواية ان كيدهن عظيم كاملة

رواية ان كيدهن عظيم البارت الأول 1

خليل يا خليل
خليل : نعم يا ست الكل
ام خالد :خالد اخوك فين 
خليل : هيكون فين اكيد فى صالة الچيم اللى عملهلنا ف البيت 
ام خالد : وانت زعلان ليه مش انت كمان بتدخلها 
خليل : بدخلها اه بس بعد عذااب ابنك ده اقول عليه. ايه لازم ينشف ريقى عشان يدخلنى 
ام خالد : يلا يا استاذ لمض نادى على اخوك وابوك عشان عمك زمانه جاى 
خليل بتوهان : عمى يا حلاوة عمى وجمال عمى ورقة عمى 
ام خالد : انا عارفه انت هتموت على ايه 
خليل : على ايه ولا ايه ولا ايه انتى متعرفيش حاجه اسكتى 
ام خالد : ما انا فعلا معرفش حاجه يلا يلا أجرى عند اخوك 
خليل : ايه الأم دى طيب 
خليل راح عند خالد فى اوضته الخاصة للرياضة هى اوضة خالد مجهزها بكل الأجهزة الرياضية الحديثة 
خليل : خالد 
خالد حاطط الهاند فرى فى ودنه ومش سامع 
خليل بصوت عالي: انت ياعم
خالد...
خليل : انت ياعم ڤان ديزل ياعم الروك ياعم سلفستر 
خالد : عايز ايه يابارد 
خليل : اول ما جبت سيرة حبايبك رديت صح 
خالد : ومين ميحبش الناس دى 
خليل : يا عم اتلهى خلص امك بتقول عمك على وصول يلا عشان ننزل تحت
خالد : لا حول ولا قوه الا بالله وايه الجديد ما عمك بيجى على طول وبعدين انت عارف انا مش بحب اقعد معاهم ليه 
خليل : يا عم تصدق انك رخم دى عسل اقسم بالله وحاجة سكرة كده 
خالد : انا مش عارف انت واقع كده ليه ما البلد مليانة مزز ملقتش غير دى وتتشعلق فيها 
خليل حط أيده على قلبه : القلب وما يعشق انت مالك بقا وبعدين اتكلم عنها كويس دى هتبقى مرآة اخوك يعنى فى مقام اختك الكبيرة 
خالد : فى مقام مين ياخويا ده انا اكبر منكم انتم الاتنين ده انتم عيال ياه
خليل : خلاص يا وحش أهدى بس عشان ابوك بينادى 
خالد : يلا بدل ما اطبق فى بعض 
خليل : ظريف ياض
احمد الشرقاوي والد خالد وخليل 
احمد : خالد   خليل 
خالد : نعم ياحج
خليل : ايووون 
احمد : انتوا لسه مجهزتوش ليه 
خالد : ليه يابا ما عمى ببجى ع طول هنجهز ليه 
احمد بص لخليل : انت مقولتلوش
خليل خبط ع دماغه : تصدق نسيت ياحج
احمد : نسيت عليه العوض ومنه العوض فيك اموت واعرف مين اللى وأكل دماغك وشاغل عقلك 
خليل : بعد الشر عليك يا حجوج من الموت بعدين هتعرف 
خالد : هو فى ايه يابا 
احمد : عمك هيجى عشان شافلى ارض جديده هشتريها أن شاء الله
خالد : ارض ليه بس ياحج ما عندنا الأرض كتيرة والحمدلله 
خليل : اه والله عندك 15 فدان عايز ايه تانى ياحج 
احمد : فى ايه ياض انت وهو الحمدلله الخير موجود أراضى وبشترى وبدل البيت تلاتة والحمدلله بساعد اى حد بيطلبنى فى خدمة ومش مخليكم عايزين حاجة والفلوس اللى معايا بشغلها لكم عشان امنلكم مستقبلكم انتوا وعيالكم ومتشيلوش هم ولا تتعبوا زى ما انا تعبت فى حياتى انا بعمل ده كله عشانكم انا مليش حد فى الدنيا دى غيركم انتوا وامكم عايز اطمن عليكم قبل ما اموت 
خالد وخليل : بعد الشر عليك يا حج ربنا يديمك لينا 
احمد : الموت مش شر الموت علينا حق وكل واحد ليه يومه وانا عاجلا أو آجلا هموت عايز اكون مطمن عليكم وعايز لما اقف ادام ربنا ويسالنى أقوله الحمدلله يارب سترت عيالى فى الدنيا وريحتهم 
خالد : ربنا يطول في عمرك يابابا 
احمد : ويطولى فى عمركم يارب يلا روحوا اجهزوا عشان عمكم 
خالد وخليل : حاضر ياحج 
احمد : عملت ايه يا خالد 
خالد : مش عارف والله يا بابا مستنى ادعيلى انت بس أن المنحة دى تجيلى 
احمد : أن شاء الله تكون من نصيبك 
خالد : أن شاء الله
خالد وخليل طلعوا اواضهم عشان يجهزوا ويروحوا مع ابوهم وعمهم ابوهم رغم صغر سنهم بس بيعتبرهم كبار وببعاملهم أنهم رجالة كبار ناضجة 
احمد : اهلا يا حبيبي
محمد : اهلا بيك يا كبير
احمد : اذيك يا بطة 
فاطمة : الحمدلله يا عمى انت عامل ايه
احمد : انا الحمدلله يا بنتى 
خليل كان نازل على السلم وشاف فاطمة وقف وضحك وفتح بؤقه ومبحلق فيها فاطمة ضحكت عليه ومشيت عند ام خالد فى المطبخ 
خليل : يااااارب انت عارف بقا 
احمد : مالك يا خليل 
خليل : هااا لا ابدا يا حج سلامتك 
احمد : طيب يلا عشان نمشى 
خالد ضرب خليل على كتفه : يلا يا حج احنا وراك اهوو
خالد بصوت واطي : ما تهدى ياض انت شوية اعمل حساب لابوك وعمك 
خليل : هو انا عملت حاجه انا بقول يارب انت عارف عملت حاجه انا بقا 
خالد : معملتش حاجه خالص 
خالد وخليل نزلوا سلموا على عمهم وراحوا مع ابوهم اشتروا الأرض واللى كانت عبارة عن 5 فدادين وكده يكون عنده 20 فدان ورجعوا البيت تانى اتغدوا كلهم ونظرات خليل لفاطمة مستمرة ونظرات فاطمة لخالد اللى محدش بيلاخظها مستمرة 
بليل بعد ما محمد وفاطمة مشيوا والكل راح للنوم 
ام خالد : بقولك ايه يا حج 
احمد : قولى يا ست الكل
ام خالد : كان فى حاجة كده مش عارفه انت هتوافق ولا لا 
احمد : فى ايه
ام خالد : الواد خليل ادلق على بوزوا وحب 
احمد ضحك بصوت عالي : هههههه ههههههه خليل مالوا 
ام خالد : هو انا قولت حاجة غلط انت بتضحك على ايه 
احمد : ههههه لا ابدا اصلك بتقولى واكن الواد عمل مصيبة وادلق على بوزوا وحب 
ام خالد : خلاص مش هتكلم 
احمد : لا اتكلمى يا زوزو هو انا ليا غيرك انتى بعد ربنا المهم انتى تعرفيها اللى دلقته دى 
ام خالد : فاطمه بنت محمد اخوك
احمد : والله يا زين ما اختار البت طيبه ومحترمه ويتيمة الام 
ام خالد : يعنى انت موافق 
احمد : طبعا موافق دى بنت الغالى 
ام خالد : لللللللووولللوللى لللللللووولللوللى 
احمد : هههههههههه 
خالد وخليل جريوا من اواضهم 
خالد : فى ايه انت عملتها ولا ايه ياحج جبت لانى درة 
احمد : درة ايه بس هو انا اقدر 
خليل : اومال ايه الزغاريط دى 
ام خالد : ابوك وافق نخطبلك فاطمة بنت عمك 
خليل : والمصحف 
احمد بضحك : أيوة يا مضروب تبقى واقع كده ومتقلش لابوك 
خالد : عشان تسكت ومتوجعش دماغى بعد كده 
خليل : اسكت انت يقولك ايه يا ماما 
ام خالد : قول يا حبيب ماما 
خليل : انتى بتعمليها ازاى 
ام خالد : هى ايه 
خليل : دى لللللللووولللوللى 
احمد وخالد ضحكوا عليهم والكل راح للنوم وهو مبسوط  
 تانى يوم
محمد : تعالى يا حبيبي
احمد : بقولك ايه من غير لف ودوران كده انا عايز البت فاطمة لخليل عندك اعتراض
محمد : انت داخل حامى اوى ليه كده 
احمد : مزاجى كده عندك اعتراض
محمد بضحك : لا طبعا هو انا هلاقى لبنتى حد احسن من خليل فين 
احمد : على بركة الله الشبكة هتكون يوم الجمعة باذن الله
محمد : أن شاء الله
فاطمة 😲
google-playkhamsatmostaqltradent