قصة عبد الرحمن الفصل الثامن 8

الصفحة الرئيسية

  قصة عبد الرحمن الفصل الثامن 8 عبر دليل الروايات (deliil.com)

قصة عبد الرحمن كاملة

قصة عبد الرحمن البارت الثامن 8

انا:الو مين معايا
اللواء:معاك سيادة اللواء
انا:الو يا سيادة اللواء اهلا وسهلا
اللواء:اسف يا عريس قطعت عليك شهر العسل
انا:ولا يهمك يا سيادة اللواء في حاجه ولا ايه
اللواء:انا اسف بس انا مضطر اقطع شهر العسل عليك
انا:ليه حصل ايه
اللواء:اصل في مواطن فجر نفسه قدام المقر ودا عمل خساير كبيره
انا:لا حول ولا قوة الا بالله طب في حد مات
اللواء:اتنين مواطنين استشهدوا واتنين عساكر وظابط استشهدوا وإصابة ظابط وعسكري
انا:إنا لله وإنا إليه راجعون البقاء لله
اللواء:المهم انا عايزك عندي المقر في اقرب وقت ممكن
انا:مسافة السكه سعادتك
اللواء:في رعاية الله
انا:مع السلامه
منه:في ايه يا حبيبي وليه وشك مخطوف ليه سيادة اللواء قال ايه
انا:لا حول ولا قوة الا بالله إنا لله وإنا إليه راجعون
منه:طمني
انا:دا حادث تفجير كان هدفه قتل أكبر عدد ممكن من المجندين والمواطنين
منه:لا حول ولا قوة الا بالله طب انت هتعمل ايه دلوقتي
انا:مضطر اقطع شهر العسل وننزل حالا
منه:طب يلا
انا:مش زعلانه مني
منه:طب وهزعل منك ليه غصب عنك اللي حصل
(بوست راسها)
انا:اوعدك هعوضهولك في اقرب وقت ممكن
منه:انا مش عايزه شهر العسل انا عايزاك جمبي انك تكون بخير دا عندي بالدنيا كلها
انا:لو لفيت الدنيا كلها مش هلاقي احسن منك ربنا يباركلي فيكي
منه:طب يلا عشان نلحق نوصل قبل الليل ما ييجي علينا
انا: يلا
(ركبنا العربيه و سافرنا عشان اشوف المصيبه طول الطريق منه مش عايزه تبص في وشي ولا بتكلمني انا مقدر انها زعلانه وهي مش عايزه تبين كده بس عنيها دايما فاضحاها وهي كمان مستحملاني ومقدره ان مركزي حساس )
وصلنا البيت
انا:الحمد لله وصلنا
منه:الحمد لله
انا:طب انا هستأذن يحبيبتي عشان اشوف اللواء وهبعتلك ماما
منه:ماشي
انا:انا عارف كلمة ماشي دي معناها ايه
منه:ايه يا ابو العريف
انا:يعني ليلة اهلي سوده النهارده
منه:لما ترجع نبقى نتخانق
انا:هروح وارجع بسرعه عشان الخناقه سلام
منه:سلام
(ركبت عربيتي وسوقت بأقصى سرعة عشان اوصل المقر بسرعه)
انا:السلام عليكم يا سيادة اللواء
اللواء:وعليكم يبني اقعد
انا: اولا كده البقاء لله بس حصل امته الكلام دا
اللواء: النهارده الصبح
انا:طب عرفتوا توصلوا للناس اللي ورى الموضوع دا
اللواء:انا جايبك عشان كده عايزك تشتغل مع ظابط مباحث في الموضوع دا وانا هحاول اوصل لأهالي الضحايا عشان نسلمهم جثث موتاهم يدفنوها بنفسهم
انا:علم وينفذ يا سيادة اللواء
اللواء: انت دلوقتي تروح بيتك عشان ترتاح وياريت متجيش بكره
انا:مجيش بكره ليه
اللواء:عشان تقعد مع عروستك يا اخي
انا:دا مش مبرر مجيش الشغل عشانه يا فندم
اللواء:نفذ الأمر وانت ساكت
(موبايل اللواء بيرن )
انا:موبايل حضرتك بيرن مش هترد
اللواء: اتكل على الله انت
انا:عن اذنك يا فندم
خرجت من مكتب اللواء
اللواء: الو
شخص مجهول: الو ها عملت ايه
اللواء:كله تمام يا باشا انا اديته أمر ميجيش بكره عشان
شخص مجهول: حلو اوي
اللواء: راضي عني يا باشا مبسوط
شخص مجهول: ليك مكافأه كبيره عندي لما العمليه الكبيره تتم
اللواء:هتتم بإذن الله
شخص مجهول:طب اقفل دلوقتي وروح نام والأخبار توصلني أول بأول
اللواء:تحت امرك يا باشا
(في البيت)
انا:ازيك يا حبيبتي اتأخرت عليكي
منه:ابدا يا حبيبي
انا:ايه كل الشموع دي هو النور قاطع
منه:يا سلام
انا:لا متهزريش اوعي تقوليلي ان دا عشا رومانسي
منه:انت بس روح غير هدومك وتعالى
انا:علم وينفذ
(غيرت هدومي وجيت)
انا:انا جيت اهو ياحبي.... منه روحتي فين
منه:بخخ
انا:يخرب عقلك يا شيخه خضتيني
منه:بقى في ظابط حربيه يتخض برضه
انا: اه وهو اللي يشوف جوز العيون الجمال دول وميتخضش يبقى اهبل
منه:بقولك ايه سيبلي نفسك على الآخر انا هنسيك دنيتك وهنسيك الناس كلها وعايزاك تفتكر حاجه واحده بس منه
انا: حاضر يا حبيبتي
منه:تعالى ناكل الأول
(بعد ما اكلنا )
انا:تسلم ايدك يا قمري بس الساعه كام
منه:الساعه ١٢ودقيقه بس بتسأل ليه
انا:غمضي عنيكي
منه:اهو 🙈
انا:كل سنه وانتي طيبه
منه:متهزرش
انا:حبيت اكون اول واحد يقولك كل سنه وانتي طيبه مش هتشوفي هديتك
منه:بوكس شوكولاته ميرسي اوي
انا:طب حطي ايدك لجوه شويه في البوكس
منه:ليه
انا: اسمعي كلامي
منه:حاضر .....ايه دا انا مسكت علبه صغيره
انا:خرجيها
منه:ايه دي
انا:افتحيها
منه:خاتم الماظ يا حبيب قلبي بس دا غالي(قامت حضنته)
انا:مفيش حاجه تغلى عليكي ابدا
منه:طب مش يلا عشان نرقص slowly
انا:بس انا مش بعرف ارقص
منه:هششش انا قولتلك ايه سيب نفسك وانا هعلمك
(قعدنا نرقص كتيير والوقت سرقنا ومحسيناش بيه )
منه:كفايه كده انا تعبت انت متعبتش
انا:الصراحه تعبت بس عجبتني الرقصه
منه: يخرب عقلك الساعه واحده يلا نام عشان تروح شغلك بكره
انا:لا اللواء قالي متجيش بكره
منه:ليه
انا: مش عارف بس مش مطمن
منه:خلاص سيبك من دا كله ويلا عشان ننام
انا :يلا
(الساعه اربعه الفجر)
منه:بودي يا بودي اصحى
انا:في ايه يا منه في حد يصحى حد بالشكل دا
منه:يلا عشان نصلي الفجر
انا: طب خشي اتوضى انتي وانا بعدك
منه:حاضر
(اتوضت منه)
منه:خش اتوضى يلا
انا:حاضر
(اتوضيت)
منه:يلا عشان نصلي
(صلينا الفجر)
منه:ياااه اخيرا الحلم اتحقق
انا: هو ايه
منه:اني اصلي وراك وانت تكون إمامي
انا:طب ما انا ياما صليت بيكي قبل ما نتجوز لما كنا في أولى ثانوي
منه:لا بس تفرق دلوقتي طعمها احلى طبعا
انا:طب تعالي نقرأ ربعين قرآن قبل ما ننام هبدأ انا
(قريت ربع)
انا:اتفضلي يلا
(قرأت منه )
انا:صوتك حلو اوي عذب وجميل يمس القلوب
منه:.............
انا:ساكته ليه
منه:اصل مش بعرف ارد على الكلام الحلو وخايفه اقول اي دبش يبوظ اللحظه
انا:طب يلا ننام بقى
منه:يلا
بعد نص ساعه
منه:عبد الرحمن اصحى
انا:في ايه تاني
منه:انا بردانه اوي الجو تلج في الفجر
انا:اتغطي كويس
منه:طب ولو قولتلك اني بردانه اوي اوي اوي اوي
انا:افتحي الدولاب وهاتي بطانيه تانيه
منه:طب تصدق اني غلطانه اتخمد
انا:حقك عليا يا حبيبتي بهزر معاكي تعالي في حضني
منه:لا مش هاجي
انا:لا هتيجي غصب عنك لاني كمان بردان وعايز حضن دافي
منه:تصدق انك صعبت عليا تعالى
انا:تصبحي على خير يا احلى حضن
منه:وانت من اهل الخير
(تاني يوم الضهر )
الباب بيخبط
منه:عبد الرحمن اصحى افتح الباب
انا:باب ايه سيبك منه ونامي
منه:الباب بيخبط من بدري اصحى بقى
انا:طب شوفي الساعه كام
منه:احنا دلوقتي الضهر
انا:ياااه كل دا نوم طب انا هقوم اشوف مين وآجي وانتي خليكي هنا في الاوضه
(خرجت وروحت فتحت الباب )
انا:اديني جاي اهو
فتحت الباب وبذهول
انا: ايه دا هو انتي.......
يتبع.. البارت التاسع أضغط هنا
google-playkhamsatmostaqltradent