رواية احببت طالبتي الفصل العاشر 10

الصفحة الرئيسية

   رواية احببت طالبتي الفصل العاشر 10 بقلم منة رجب 

رواية احببت طالبتي كاملة

رواية أحببت طالبتي الفصل العاشر 10

بعد المحاضره
ساره بخوف: الحقيني يا سلمى الحقيني مش عارفه أعمل ايه
سلمى: يا ستى ما تخافيش انا هاجي معاكي
ساره: يا لهههوييي يا ترى عايزني في ايه يا ربي
انا خايفه اوي اوي
سلمى:استهدي بالله يا حبيبتي ما فيش حاجه ان شاء الله استغفري كده ويلا ما فيش حاجه
ساره: بس انا خايفه اوي اوي
سلمى: يلا وما فيش حاجه ان شالله 
دق باب مكتب حسام
حسام: ادخل
دخلت ساره متوتره اوي اوي وخايفه وخايفه وخايفه جدااا 
دخلت ساره
حسام: ساره احمد ادخلى لوحدك 
سلمى سابت ايد ساره وطلعت بصت على ساره نظرة استعطاف🥺
خرجت سلمى
حسام: واقفه بعيد كده ليه تعالي هنا
ساره:....... لا رد
حسام بغضب😡 و بصوت عالى : هو انا مش بتكلم والا حاجه
ساره مشيت و وقفت قدام مكتبه
حسام: اقعدي
ساره واقفه مكانها
حسام: بقولك اقعدي انتي ما بتفهميش
ساره مش بتبص عليه عنيها في الارض 
حسام: ساره احمد فاكراني والا افكرك بنفسي
ساره:....... لا رد ايضا
حسام: افكرك انا 
انا حسام اللي ضربتيه بالقلم مرتين افتكرتيني
ساره: ..... لا رد
حسام يضرب بيده على المكتب: افتكرتيني 
ساره خافت اوي واتخضت وغصب عنها رفعت عنيها
حسام: ايه لسانك اتبلع
ساره بتوتر: ح حض حضرتك عايز مني ايه
حسام بإبتسامه: عايز منك اي عايز حاجات كتير
ساره بخوف: نعم حاجات كتير ايه
حسام: لا ما تخافيش مش انا بتاع الكلام ده
ساره حست بأمان نحيته هي دلوقت مش حاسه بخوف هي مش عارفه ليه بس هي مش خايفه هي حاسه بأمان
مع انه المفروض تخاف بس هي مش خايفه 
حسام: انتي دلوقت هتعملى كللل حاجه هطلبها منك و الحاجه اللي هتخسري فيها بقه هيبقى ليها عقاب 
ساره: ع عق عقاب زي ايه يعني
حسام بكل برود وهو يقعد على الكرسي ويضع رجل على رجل: والله بقه لسه مش عارف لما افكر
هقولك بس خليكي جاهزه لانه في أي وقت هقولك اعملى حاجه 
ساره مصدومه مش عارفه تعمل ايه ولا تقول ايه: ح حاضر حضرتك عايز حاجه تاني 
حسام: اطلعى بره واقفلي الباب
خرجت ساره هتموت من الخوف
سلمى: في ايه يا بنتي كل ده تأخير
ساره حكت ى سلمى كلل حاجه
سلمى: طب هتعملى ايه بقه خليكي مستعده لأي حاجه
ساره: ربنا يستر 
سلمى: يا رب بقولك يا ساره تيجي ناكل في اي مطعم كده تفكي عن نفسك شويه وكمان تتأخرى شويه البيت والضيوف اللي جايالكو
ساره تزفر بضيق: يلا
...
فون حسام بيرن
يوسف: السلام عليكم 
حسام: وعليكم السلام 
يوسف: خلصت
حسام: اه
يوسف: طب يلا انا بره مستنيك
حسام: ماشي جاي
خرج حسام من الجامعه
يوسف بيسلم على حسام 
يوسف: عامل ايه
حسام: الحمد لله تمام وانت
يوسف: بخير والله الحمدلله 
حسام: هنروح فين 
يوسف: مطعم( ‌......) 
حسام: ماشي يلا
...
وصلت ساره وسلمى المطعم
سلمى: يلا يا ساره شوفي هتطلبي ايه
ساره: لا ما ليش نفس
سلمى: هو ايه اللى ماليش نفس امال جايه ليه
ساره: جايه معاكي يا سلمى
سلمى: طيب يا ساره ما لكيش كلام معايا تاني وقامت على شان تمشي 
(سلمى بتحاول تفرفش ساره وعايزه تخليها تاكل وكده) 
ساره: خلاص يا ستى ايه الاوڤر ده اقعدي
سلمى بضحك: 😹عجبتك ها انفع امثل
ساره بإبتسامه بسيطه: يخربيت فقرك يا شيخه 
سلمى: المهم هتاكلى ايه على شان جعانه 
ساره:انتي هتاكلى ايه
سلمى: هاكل كريب شاروما فراخ
ساره: ماشي هاتي معاكي
سلمى: اوك
الجرسون: اتفضلوا طلباتكم ايه
سلمى: اتنين كريب شاورما فراخ

بقلم منة رجب

وصل حسام ويوسف المطعم وقعدوا 
يوسف: هتاكل ايه 
حسام: اي حاجه 
يوسف: اجيبلك معايا بيتزا
حسام: ماشي
كلوا البيتزا
ساره وسلمى كلوا الكريب
سلمى: هدخل الحمام وجايه
ساره: ماشي ما تتاخريش على شان نمشي
راحت سلمى الحمام وهي خارجه رجليها اتخبطت في الكرسي وكانت هتقع بس في حد مسكها من ايديها وايه على خصرها(صدفه) 
وهي مغمضه عنيها فتحت عنيها ببطئ وجدت نفس الشخص ما اتكلمتش بعدت عنه بسرعه 
سلمى:انت
يوسف بابتسامه: اه انا😹
سلمى: بتضحك على ايه 
يوسف:عادي،ده بدل ما تقوليلي شكرا
سلمى:ماشي شكرا
سابته ومشيت قعدت تستغفر كتير جدا
هو مش مصدق انه شافها
اعتراف:(يوسف بيحب سلمى جدا هو حبها من اول مره حب من اول نظره بس مش حابب يقولها دلوقت هو عايزها تبقى حلاله غير كده لا ودايما بيدعي ربنا في صلاته على شان تبقى ليه هو)( ما أجمل الحلال) الجمله ده ممكن تلاقوها متكرره كتير في الروايه😍
رجعت سلمى عند ساره ومتوتره
ساره: مالك يا بت شكلك متوتره كده
سلمى حكت ل ساره على اللى حصل
ساره: طب انتي ايه اللي موترك
سلمى: مش عارفه لما لمسني كده حسيت بحاجه غريبه
ساره وهي ترفع احد حواجبها: حاجه غريبه زي ايه يعني
سلمى: مش وقتك يا ساره ارجوكي
ساره: خلاص يا اخت ما تتعصبيش يلا نروح
...
رجع يوسف عند حسام
حسام: ايه يا عم المبتسم ايه اللى مخليك مبسوط كده
يوسف: انت مالك يا رخم
حسام: طيب يا غلس يلا 
وخرجوا من المطعم
...
كل واحد رجع بيته
...
دخلت ساره نسيت انه في حد عندهم
ساره: السلام عليكم يا اهل البيت
فجأه لقيت شخص واقف قدامها: وعليكم السلام
اتفاجأت ساره وافتكرت وكانت متدايقه اوي
إسلام: ازيك يا ساره
ساره وهي تنظر للأرض: الحمد لله 
اسلام: انتي كويسه 
ساره: اه الحمد لله بعد اذنك لازم ادخل( قصدها الغرفه)
اسلام: طب مش هتسلمى على بابا
ساره: ماشي
دخلت ساره
السلام عليكم ازيك يا عمو
محمد: وعليكم السلام ازيك يا ساره يا حبيبتي كبرتي يا ساره وبقيتي عروسه
اسلام: اه فعلا كبرت وبقت عروسه قمر
ساره: شكرا بعد اذنكو
دخلت ساره الغرفه
محمد بيسأل احمد: ايه يا احمد مالها ساره
ام ساره: لا عادي ما فيش حاجه بس هي لسه جايه من الجامعه وكده اكيد تعبانه
ساره غيرت و صلت فرضها و نامت بس ماسكه الفون بتقرأ عليه قرأن
الام دخلت عند ساره
ساره
ساره: نعم يا ماما
الام: مش هتاكلى
ساره: لا انا كلت انا وسلمى 
الام: مش هتاكلى مع عمك ده اول يوم
ساره: ماما قولتلك انا كلت وعايزه انام شويه
الام: ماشي يا بنتى براحتك
خرجت الام
قعدوا ياكلوا
الاب: فين ساره
الام: ساره نامت قالت هريح شويه 
اسلام: مش هتيجي تاكل معانا
الام: لا هي مش جعانه
محمد: تعبانه والا حاجه
الام:لا لا عادي بس هي دايما بتيجي من الجامعه ترتاح شويه
محمد: هي مش قربت تخلص ان شاءلله 
الام: ربنا يسهل 
محمد: طب احنا عايزين نتكلم معاكم في موضوع كده بس كنا عايزين ساره تبقى موجوده بس مش مشكله 
احمد: اتفضل يا محمد في ايه
محمد: احنا عايزين نطلب ايد ساره لإسلام
فجأه ساره خرجت لانه كانت عايزة تدخل الحمام وكده وسمعت....
انصدمت واتدايقت اوي اوي اوي..
google-playkhamsatmostaqltradent