رواية غيرة بنات الفصل الثامن 8 والفصل التاسع 9 بقلم اية علي عبر دليل الروايات (deliil.com)
رواية غيرة بنات البارت الثامن
عزة دخلت عالأوضة علي طول وإتفاجئت بنرمين معاهم جوا وهشام الأكل جنبه عالسرير ورافض يأكل طول مانرمين في الأوضة وعاوزة تأكله وكانت اعدة عالسرير بتترجاه يوافق إنها تأكله وعزة بقت مستغربة والغيرة هتموتها ومابقتش عارفة تعمل ايه ووقفت بصالهم بصة وحشة وهما إتفاجئوا زيها بالظبط ونرمين وعزة كل واحدة فيهم مش راضية تقول قدام التانية حاجة بس الغيرة كانت هتموتهم الاتنين من بعضهم وكل واحدة فيهم شكت في التانية وظنت إنها عاوزة تأخد هشام منها ......
_شيماء :اتفضلي يابت ياوزة عاملة ايه جاية تشوفي هشام وتطمني عليه فيكم الخير والله يابنات أحلي صحبات دول ولاايه ...
_نرمين : طبعا ياشيماء هشام ده أخونا قبلك ....
عزة : أيوة صح طبعا أخونا مش أخو صاحبتنا برضه يبقي أخونا احنا كمان سلامتك يا هشام ألف سلامة عليك البنت دي ماكانتش تستاهلك والله ربنا ريحك منها ....
_هشام بضيقة من وجودهم : تسلمي أنتي وهي بس لو سمحتوا أنتم عرفتوا كل المعلومات دي إزاي بالسرعة دي كلها .....
_نرمين :شيماء بلغتني كنت برن عليها امبارح طول اليوم مش بترد ولما ردت عليا وسألتها حكتلي عاللي حصلك ياهشام ....
_عزة :وأنا كمان والله كذلك الأمر ياهشام ....
_هشام بتريقة :ياسلام أنتم الاتنين في يوم واحد كده كنتم عاوزين تكلموا شيماء ....
....كلهم اتاخدوا ووشهم اتخطف خافوا لاهشام يحس إن هما اللي عملوا كده في ياسمين لكن هشام كان بيتريق وظن إن شيماء هي اللي كلمتهم وعرفتهم علشان عارفة إنهم بيحبوه ونفسهم يحبهم هما كمان بس للأسف هو مش عاوزهم وكمان مش قادر ينسي ياسمين حبيبته .....
......وفجأة هشام سابلهم الأوضة وقرر يدخل الحمام يغسل وشه ويفوق من اللي هو فيه تعبه ونومه .....
_الأم : هشام ياحبيبي ماأكلتش ليه علشان تأخد علاجك ......
_هشام وهو متدايق من نفسه :
"أكل إزاي بس ياماما وايه اللي دخل نرمين وعزة أوضتي وإزاي سمحتم ليهم بكده لا وكمان ايه نرمين عاوزة تأكلني يعني أفوق واصحي الأقيهم حواليا وكمان شيماء بنتك اللي جايباهم ومبسوطة بكده وأنا ميت ألف مرة أقولها بلاش كده أنا ماأقبلش اتجوز أي بنت منهم أصلا دول بنات ماعندهمش أخلاق .....
_الأم :وهي بس يابني هتعملهم ايه هما اللي بنات قليلة الأدب وماعندهمش دم ولاكرامة هتطردهم يعني ولاهتشتمهم وتضربهم ....
_هشام :لا ياماما دي بتشجعهم علي كده وبتعشمهم كمان إني ممكن أحبهم واتعلق بيهم وكانت قبل مااخطب ياسمين مديا رقم فوني لنرمين وكلمتني وكانت بتطلب منها اتقرب ليها وأحبها وأنا رفضت وقفلت معاها الموضوع وقولت لشيماء تبعدهم عني نهائي ومع ذلك أول مافكيت خطوبتي من ياسمين رجعت تجيبهم تاني وهما يجوا برضه فاكريني هحبهم يعني وانسي ياسمين .....
_الأم : يابني اومال سبتها ليه لما أنتا مش قادر تنساها وبعدين مش هي اللي عملت كده وباعتك وشافت غيرك خلاص هتعملها ايه هتوقف حياتك ودنيتك عليها ....
_هشام :لا ياماما الدنيا مش بتقف علي حد بس برضه مش هنام وأقوم الاقيني فجأة ناسيها غصب عني محتاج شوية وقت علي مااقدر اعدي الصدمة دي ياأمي ....
_الأم :ياارب يابني إن شاءالله هتعديها وهتقابل البنت اللي أحسن منها ومن أي بنت في الدنيا ربنا هيعوضك ياحبيبي ....
_هشام :ياارب ياماما طب أنا رايح اقعد في البلكونة اشم شوية هوا علي ماالبنات دول يمشوا ....
_الأم :طب ياحبيبي وأنا هدخل اجيبلك الأكل من جوا تأكل علشان تأخد العلاج في ميعاده ...
_هشام : طب ياأمي وأنا هقف شوية كده في الهوا علي ماتجيبي الأكل وابقي ادخل أكل في الصالة علي ماهما يبقوا يمشوا بقي ......
_الأم :ماشي يابني بالهنا والشفا ليك .....
.....ودخلت الأم تجيب الأكل لهشام من أوضته والبنات التلاتة جوا وأول مادخلت لقتيهم بيتكلموا مع بعضهم وطبعاً وشيماء بتكلمهم .....
_الأم :عن إذنكم يابنات هأخد الأكل لهشام ....
_نرمين :ليه ياطنط مايجي يأكل هنا هو متدايق من وجودنا ولاايه .....
_عزة طبعاً غيرانة وشاكة في الموضوع وردت وقالت بكل كيد وغل :
"براحته ياجماعة عادي يعني"
_الأم :ياحبايبي مش حابب يحرجكم وبعدين هشام ابني خجول برضه وهو كمان بيتحرج وحابب يأكل لوحده في البلكونة وهو بيشم شوية هوا كده ....
_شيماء :بالهنا والشفا ليه ياماما حبيبي والله ربنا معاه يااارب.......
...واخدتت الأم الاكل لهشام وخرجت ليه والبنات الاتنين كل واحدة فيهم مش طايقة إن التانية بتحب هشام كده وقاموا إستاذنو ومشيوا وكل بنت مشيت في طريق لوحدها وشيماء كانت فرحانة فيهم وبقت تقول في نفسها يلا خليهم يقعوا في بعضهم بقي ده يمكن يموتوا بعض كمان علشان أخويا هههههههه .....
....هشام أكل واخد علاجه ورجع نام تاني مازال لسه تعبان ومافاقش من صدمته ودائما ياسمين مش مفارقة باله ولاخياله .....
....والأم قامت تشوف شغل بيتها وحالها .....
....وشيماء قعدت في أوضتها علي فونها عاللاب شوية اهي بتقضي وقتها ......
***
_في المستشفي عند ياسمين ومامتها :
...ياسمين بدأت تفوق وبصوت تعبان ونايم مااااما أاااااه ياماما .....
_الأم : حبيبتي يابنتي وجريت عليها علي طول عالسرير ......
_ياسمين :ماما هشام فين وايه اللي حصل بالظبط عرفوني والنبي أنا مش عارفة ولافاهمة أي حاجة ....
_الأم :ولااحنا يابنتي والله إهدي بس كده وفوقي وأنا اروح اجيبلك الدكتور يشوفك ويطمن عليكي الأول أهم من أي شئ وبعد كده نتكلم مع بعض براحتنا احنا زينا زيك لاعارفين ولافاهمين حاجة برضه بس احنا كل اللي كان هاممنا وقتها
صحتك وتكوني كويسة الأول يابنتي ....
_ياسمين : أوكيه ياماما ياحبييتي مستنياكي ....
...وبالفعل خرجت الأم للدكتور وسألته وقالتله إن ياسمين فاقت علشان يجي يطمن عليها ويشوفها ....
...الدكتور دخل لياسمين وقاس ليها ضغطها وشافها واطمئن عليها ولقاها بقت كويسة وحالتها استقرت شوية وأكد علي الأم بعدم الإنفعال أو الزعل علشان ماتدخلش في إنتكاسة وحالتها تسوء أكتر من كده..
...وبالفعل الأم كانت كل اللي شاغلها راحة ياسمين وصحتها وقررت ماتكلمهاش ولاتفاتحها في أي شئ فات وعدا غير لما تخرج من المستشفي وتكون تمام لكن ياسمين كانت فاقت والممرضين جابولها وجبة الأكل وبعدها اخدتت العلاج وكانت اتحسنت وبقت تمام .....
_الأم :ألف هنا وشفا ياحبييتي بالشفاء إن شاءالله...
_ياسمين : حبيبتي ربنا يخليكي ليا يااارب .....
_الأم :ويخليكي يابنتي ويشفيكي وتقومي لينا بالسلامة كده إن شاءالله....
_ياسمين:ياارب ياماما بس عاوزة أعرف ايه اللي حصل وايه اللي جابني هنا وهشام ليه سابني أنا مش عارفة حاجة ومتلغبطة خالص وحاسة إني بحلم وعايشة في فيلم ولا وهم فيه ايه ياماما فهموني ايه اللي بيحصل ده ....
_الأم :احنا اللي بنسألك يابنتي وعاوزين نفهم يوم ماروحتي كليتك وصلتي بدري ليه عن ميعاد محاضراتك وهشام كان هو وأخته جايين معاكي ليه وكان يومها ساير وعصبي وفك الخطوبة وقلع الدبلة واتهمك إنك كنتي في شقة واحد اسمه طارق وهو فضل ماشي بعربيته وراكي لحد ماوصلتي لشقته وطلع وراكم وجابك من عنده من هناك ....
_ياسمين :معقول أنا ياماما اروح لشقة شاب لوحده لا طبعاً عمري مااعمل كده .....
_الام :اومال ايه بس يابنتي ......
_ياسمين :مش عارفة ياماما ايه اللي حصلي أصلا ولافاكرة أي حاجة غير بس أخر حاجة إني روحت الكافتيريا وطلبت أكل وشرب في وقت الريست بين المحاضرات بعدها بقيت حاسة بصداع على شوية دوخة وزغللة في عيني ومابقتش عارفة ولاحاسة ايه اللي بيحصلي بقيت حاسة فعلا إني شوية مع طارق وبعدها هشام بيضربني ياماما جامد ماقدرتش اتحمل دوخت جامد ووقعت أغمي عليا وبعد مافوقت في العربية لقيته هو كان بيسوق ومعاه شيماء بتكلمني لحد ماجينا ليكم وهشام كان مش طايقني قدامه وبينزلني من العربية وأنا مش قادرة انزل حاسة إني ممكن اقع من طولي مش عارفة كان مالي ساعتها ياماما أنا كنت في عالم تاني ومافوقتش منه غير دلوقتي ولاايه ماما أنا تعبانة أوي ......
_الأم :طب والولد اللي كان معاكي ده اللي اسمه طارق علاقته بيكي ايه يابنتي وايه اللي وداكي شقته أبوس إيدك عرفينا ايه الحكاية بالظبط ....
_ياسمين :طارق ده ولد معانا في الكلية البنات كلها بتحبه وبتمشي معاه وهو كل بنت يشوفها تعجبه يعاكسها ويمشي وراها ويفضلوا فترة مع بعض هزار وضحك ويقضوا وقت حلو يتفسحوا ويخرجوا وفي الأخر لما يلاقي بنت جديدة قدامه يسيب البنت اللي معاه ويمشي معاها هي وكان دائما بيعاكسني وبيستظرف عليا ياماما بس أنا ماكنتش بسمع كلامه أصلا ولاليا دعوة بيه وفي حالي ودراستي ومذاكرتي والله حتي كنت بحكي لهشام علي كل حاجة واصارحه وهو كان بيقولي سيبك منه وكنت ولاشاغلة بالي بالموضوع أصلا لكن أنا مش عارفة ايه اللي وداني هناك ياماما ومعاه ده أنا كنت في كافتيريا الجامعة بذاكر وأشوف ايه اللي ناقصني في المحاضرات علي ماميعاد المحاضرة التانية تيجي ....
_الأم :أه وبعدين ياحبيبتي حصل ايه كملي ....
_ياسمين :زي ماقولتلك ياماما طلبت أكل وشرب وأكلت وشربت عادي وبعد كده بقي بقيت حاسة باللغبطة دي وإني مش طبيعية وبقيت بتفاجئ باللي بيحصل من هشام ومش فاكرة حاجة خالص حاسة إني كنت نايمة ولافي غيبوبة.....
.... طبعاً الأم فهمت ايه اللي حصل بس مافهمتش كل الحكاية استنتجت حاجات بسيطة من ضمن اللي حكيته ليها ياسمين ......
_الأم : أه كده أنا فهمت وعرفت ايه اللي جرا ...
_ياسمين :فهمتي ايه ياماما فهميني ....
_الأم : دي خطة ولعبة واتلعبت عليكي ياغايبة بس إزاي مش عارفة أنتي اتحطلك حاجة في اللي بتشربيه أو اللي بتأكليه كونك إنك تأكلي أو تشربي وتبقي بعدها مش دريانة ايه اللي أنتي فيه واللي بيحصلك يبقي هو ده اللي جرا ....
_ياسمين :ياماما مين بس اللي هيحطلي ده أنا في الجامعة وفي الكافتيريا وكل يوم بأكل وبشرب فيها..
_الأم :لا يامايلة الواد اللي أنتي بتقولي عليه ده بيعاكسك علي طول وحاطك في دماغه هتلاقيه هو اللي عمل فيكي كده واخدك شقته علشان الله وأعلم كان يعمل ايه معاكي وهشام شافك بالصدفة بقي صدق وافتكرتك معاه ومشي وراكم لحد ماروحتو هناك اعذريه يابنتي غصب عنه فعلا وبعدين احمدي ربنا إنه شافك وطلع جابك من فوق ولحقئك قبل ماالواد ده كان يلمسك والإ كان زمانه ضيعك وقضي عليكي وفضحنا يابنتي وضيع مستقبلك حتي لو كان هشام سابك واخد عنك الفكرة السيئة دي ماتزعليش منه افتكري ليه الجميل ده الزعل تقدروا تتصالحوا لما تروقوا وتأخدوا وقتكم وممكن تتفاهموا وكل شئ يتصلح إن شاءالله لكن افرضي لو كان حصلك حاجة ولا الواد الكلب ده عمل لاقدر الله حاجة معاكي وأنتي مش حاسة كان هيبقي ايه موقفنا دلوقتي يابنتي ....
...بكت ياسمين كثيرا وبقت تقول حبيبي ياهشام والله العظيم أنا بحبك أوي وعمري ماحبيت حد غيرك ياارب يصدقني ويرجعلي ياارب يعرف الحقيقة .....
....الأم قامت جنبها عالسرير واخدتها في حضنها وبقت تقولها حبيبتي يابنتي إهدي ماتخافيش ربنا هيقف جنبك إن شاءالله لادامك ماغلطتيش ولاعملتي أي حاجة تغضب ربنا واللي حصل ده كان غصب عنك يبقي خلاص ماتقلقيش وارمي حمولك عاللي خلقك هشام بيحبك وأكيد لما يفكر مع نفسه كده ويأخد وقته هيعرف ويفهم إنك مظلومة إن شاءالله بس أنتي إهدي دلوقتي علشان نفسك وصحتك واحمدي ربنا إنك خرجتي من اللعبة القذرة دي سليمة ده من حب ربنا ليكي والله علشان هو اللي عالم بيكي وبينا يابنتي إهدي ياقلب أمك واخدتها في حضنها وبقت تطبطب عليها كتير وبقت ياسمين بتهدي وتسكت واحدة واحدة لحد مابطلت عياط ونامت في حضن مامتها ....
...طارق كل يوم بيروح الكلية عادي وعايش حياته والناس بستغرب ياسمين ليه مش بتيجي وبدأو يسألوه عن غيابها خصوصاً إنها أخر يوم كانت معاه هو ....
...نرمين اتقدملها عريس شاب فوق التلاتينات عنده 35سنة أكبر منها ب12سنة يعني لأنها عندها 23سنة بس إنسان محترم واتأخر في زواجه علشان كان بيكون نفسه وحاله وبيساعد أهله في جواز إخواته البنات وهو كان وحيدهم وبقي ميسور الحال وهو بيشتغل في النقاشة صنعة كويسة يعني وطبعاً هي رافضاه علشان هشام والعريس مافيهوش أي مشاكل وكويس المشكلة إنه كبير عليها بس وأهلها موافقين بيه لأنهم شايفين السبب عادي وينغفر يعني ماهو في سن الشباب برضه وصغير في عز شبابه كفاية أخلاقه وكفاحه وكمان زهقئوا منها ومن رفضها لكل عريس يتقدملها وعاوزين يطمنو عليها وشايفين إن العريس بس نرمين مش موافقة وكل يوم خناقات معاهم والعريس مصمم عليها وعاوزها والأهل مبسوطين بكده إنه عاوز وشاري ....
...طارق رجع يكلم شيماء تاني ويلعب عليها ويمثل دور إنه بيحبها ومعجب بيها علشان طبعاً أغراض وأهداف في دماغه وشيماء صدقت صحيح وبقت تكلمه وتستجيب ليه ونسيت نرمين وعزة نهائي وهما كمان بقوا مستغربين مش بتكلمهم ليه ولابتسأل عنهم ويكلموها ياما مش بترد عليهم ياما مشغولة في مكالمات أخري ياما الجرس يرن لحد مايخلص فبقت كل واحدة فيهم سواء عزة أو نرمين مش عارفين يعملوا ايه وطبعاً نرمين عاوزة هشام يتقدملها بسرعة بسبب ضغط أهلها عليها من العريس ده وهي مش عاوزاه وكل يوم خناقات مع أهلها كتير فعاوزة الحكاية تخلص بسرعة ......
....وبعد مرور يومين ولاتلاتة ياسمين حالتها الصحية اتحسنت وبقت كويسة وانكتب ليها علي خروج خلاص وخرجت هي وأهلها من المستشفي عالبيت .....
_الأم والأب :ألف حمدالله على سلامتك يابنتي نورتي البيت ....
_ياسمين :الله يسلمكم ياماما أنتي وبابا ربنا يخليكوا ليا ياارب ...
_الام : حبيبتي يابنتي ربنا يخليكي أنتي لينا ياروح قلبي يلا بقي ادخلي خدي دش كده علشان تفوقي من جو المستشفي ده والتعب اللي كنتي فيه علي ما أنا اجهزلك العشا كده علشان تأخدي علاجك وتنامي لحد الصبح هتقومي كويسة عالأخر .....
_ياسمين :حاضر ياحبييتي صحيح ياماما فوني فين ماحدش رن عليا من صحابي خالص ولاايه.....
_الأم : والله يابنتي ماأعرف ولاأصلا شوفنا تليفونك ده خالص أنتي وقعتي يومها في الشارع أغمي عليكي اخدناكي عالمستشفي علي طول وماشوفناش معاكي التليفون خالص ولاحتي كتبك وحاجتك بس ولايهمك حبيبتي فداكي نجيبلك غيره هتلاقيه وقع منك والكتب والمحاضرات ابقي خوديهم من صحابك البنات المهم بس راحتك وصحتك يلا بقي روحي خودي دش وأنا هجهزلك العشا وأنتا ياأبوياسمين يلا اطلع ارتاح شوية برضه أنتا تعبت كتير معانا والله ...
....وبالفعل كل واحد فيهم شاف حاله والام دخلت المطبخ تجهز العشا وياسمين اخدتت دش واتعشت واخدتت علاجها ونامت لحد الصبح .....
...هشام كان بالليل في أوضته لوحده قاعد علي فونه بيقلب في بروفايل ياسمين لانه غصب عنه مش قادر ينساها وفجأة اتفاجئ بشئ غريب في بروفايلها وراح رزع الفون في الأرض كسره وفضل يشتم فيها وينهار ويقول إنسانة حقيرة ورخيصة ودخلوا علي صوته مخضوضين كلهم مامته وباباه وأخته شيماء بيحاولوا يهدوه ويفهموا منه ايه اللي حصل وهو واحده واحده هدي وقالهم ايه اللي حصل .....
....تاني يوم الصبح ياسمين صحيت من النوم رايقة وفايقة وحاسة إنها بقت تمام وعاوزة ترجع لحياتها الطبيعية وتروح كليتها وتشوف مذاكرتها وحالها وتأخد كل المحاضرات اللي فاتت من صحابها البنات وطبعاً مش مستغربة إن حد من صحابها كلموها لانها قالت إن الفون ضاع والهاتف مغلق فظنت إن هما حاولوا يكلموها كتير وماحدش رد وهما مايعرفوش رقم باباها ولامامتها ....
_الام :صباح العسل عالعسل يلا علشان تفطري وتأخدي علاجك ....
_ياسمين : حبيبتي صباح السكر بس كده بقي أنا هأخد عالدلع ده وأنا بصراحة بقالي كتير غايبة عن الكلية وعاوزة اروح بقي اخد المحاضرات وكل اللي فاتني من صحابي ....
_الأم : كلية ايه ياياسمين أنتي بتتكلمي إزاي أنتي لسه خارجة امبارح ارتاحي النهاردة حتي ....
_ياسمين :لا ياماما والنبي كده كتير أنا بقيت كويسة والله وهلتزم بالعلاج وهبقي أحسن ....
_الأب :طب يابنتي علشان خاطري النهاردة بس وابقي روحي بكرة وتعالي بقي افطري يلا الفطار جهز جوا اهوه ماتروحي ياأم ياسمين تجيبي الفطار يلا عاوزين نفطر ....
_الام :طيب داخلة اهوه مستعجلين علي ايه بس ....
_ياسمين :هههههه حاضر أمري لله هقعد النهاردة بس ماحدش يلومني بقي لما اسقط هسقطلكم السنة دي دلع بدلع بقي ياسي بابي أنتا ومامي ......
_الأب والام : ههههه ادلعي براحتك ....
.....وفطروا كلهم علي خير والأب نزل علي شغله وياسمين قعدت عاللأب بتاعها شوية علشان تشوف جروب الكلية وتتابعه وتعرف أخباره وأخبار المحاضرات ايه وتكلم صحابها وتعرف منهم اللي فاتها وآلام كانت جنبها بتعملها الشاي بلبن اللي هي بتحب تشربه دائما بعد الفطار وفجأة اتفاجئت ياسمين بشئ غريب واتصدمت وشكلها اتغير واتحول فجأة بدون أي مقدمات ومابقتش قادرة تتكلم ولونها راح نهائي وأغمي عليها مكانها عالكنبة وغابت عن الوعي وراحت في دنيا غير الدنيا.....
.....الأم اتفاجئت بالمنظر وبقت تصرخ وتقول بنتي وتحاول تفوق فيها بس للأسف مش بتفوق خالص وجسمها كله بقي متلج فجأة ...
البارت التاسع
وفجأة اتفاجئت ياسمين بشئ غريب واتصدمت وشكلها اتغير واتحول فجأة بدون أي مقدمات ومابقتش قادرة تتكلم وأغمي عليها مكانها عالكنبة وغابت عن الوعي وراحت في دنيا غير الدنيا.....
.....الأم اتفاجئت بالمنظر وبقت تصرخ وتقول بنتي وتحاول تفوق فيها بس للأسف مش بتفوق خالص...
_فلاش بااااك:
...
...طارق لما راح الكلية والكل لاحظ غياب ياسمين سألوه عليها بحكم إنها كانت ماشية معاه أخر يوم في الكلية قبل غيابها وهو رد عليهم وقالهم إنها هتتخطب ليه كمان كام يوم وكمان سيد البياع بتاع الكافتيريا سأله وطارق علشان مايوجعش دماغ نفسه وكل شوية حد يسأله قال سابت خطيبها علشاني وأنا وهي هنتخطب إن شاءالله وبنجهز للخطوبة والكل صدق واخد موقف من ياسمين ومابقوش حتي يسألوا عنها بالفون ونزلت ياسمين من نظر كل صحابها ودكاترة الكلية بتوعها فعلشان كده طارق كلم شيماء علشان تساعده يعمل ايه وبالفعل شيماء فرحت جدا وساعدته وبعتتله كل صورها اللي عندها وكمان بروفايلها عالفيس علشان طبعا ينشر عليه الخطوبة وبقي يركب صوره جنب صور ياسمين ويكتب عليها بوستات حب قال يعني بيحبوا بعض واتخطبوا خلاص ومافيش حاجة تفرقهم عن بعضهم
وده كان نفس الشئ اللي هشام شافه عالفيس وكسر الفون وانهار وطبعا ياسمين كانت تعبانة في المستشفي وفونها كان ضايع منها ولابتفتح فيس ولانت وأول مابقت كويسة وإتحسنت فتحت تكلم صحابها وتتابع جروب الكلية ولكن للأسف إنصدمت صدمتها الكبيرة دي..
_إنتهي الفلاش باااااااك :
**
....الأم منهارة بتحاول تفوق في بنتها وياسمين كانت خلاص مش بتفوق وحالتها صعبة ومازالت الأم تصرخ وتقول بنتي مالك فيكي ايه أنتي كنتي بقيتي كويسة خلاص ايه اللي حصل وقررت تشوف اللاب وتعرف بنتها حصلها كده بسبب ايه وفعلا شافته وشافت الصور ليها هي وطارق وبوستات الحب والغرام وكل التعليقات مهينة لياسمين وتجرحها وتجرح أخلاقها وتهين كرامتها وتعليق منهم بيقول :
"ياخسارة بعتي الدهب بالتراب طب كنتي سيبي خطيبك المحترم علشان حد قيمة عنه شوية "
...وتعليق أخر :
"يااااه فعلا ياما تحت السواهي دواهي وورا وشوش الملائكة شياطين خلاص بقي اقلعي قناع البراءة والطفولة ده واظهري علي حقيقتك "
....وتعليق أخر :
"ياسلام عاوزة تعيشي الدور وتحسي نفسك مرغوبة يعني وعمالة تلعبي بولاد الناس المحترمين أنتي فاكرة نفسك ايه بكرة هيرميكي زي مارميتي غيره يوم ليكي ويوم عليكي ياشوك بيشوك اللي يمسكه خسارة فيكي اسم ياسمين حتي "
.... طبعاً كانت كل التعليقات دي كانت لوحدها توجع وده اللي عمل كده في ياسمين ودخلها في الحالة دي والأم كمان أول ماقرأءت كده مابقتش مصدقة عنيها فضلت تصرخ وتلطم وتقول :
"حبيبتي يابنتي ليه اللي بيحصلك ده كله ياقلب أمك فوقي يابنتي يالهوي يانا بنتي راحت مني طب اعمل ايه ياربي لا أنا هتصل بأبوها"
...وبالفعل اتصلت الأم عالأب وهي في عز إنهيارها ...
_الأب :ألووووو ياأم ياسمين ....
_الأم ببكاء شديد : ألووو ياحاج الحقني بسرعة.....
_الأب :خير ياأم ياسمين مالك فيه ايه ....
_الأم :ياسمين ياحاج أغمي عليها تاني ومش راضية تفوق البت هتموت مني ومش عارفة اتصرف لوحدي تعالي بسرعة ارجع ياحاج نوديها المستشفي .....
_الأب :لا توديها مستشفي ليه اتصلي بالدكتور بتاعها يجي يشوفها دي لسه خارجة إمبارح هنوديها النهاردة....
_الأم : مش هينفع البت حالتها صعبة أوي لوتشوف شكلها هتصدقني تعالي بسرعة والنبي ياحاج البت هتموت مننا أاااااه يابنتي ....
_الأب:طب ايه اللي حصل لكده مش كانت بقت كويسة خلاص فيه ايه تاني بس ......
_الأم :بعدين هحكيلك بس يلا علشان خاطري بسرعة ..
_الاب :طيب أنا راجع خلاص سلام عليكم...
_الأم :سلام ورحمة الله وبركاته....
...وبقت الأم تحاول تفوق في ياسمين وهي برضه مش راضية تفوق وغايبة عن الوعي نهائيا والأم منهارة علشانها تقول :
"بنتي حبيبتي فوقي أبوس إيدك احنا مانقدرش نعيش من غيرك أنتي بنتنا الوحيدة اللي مالناش غيرها في الدنيا يااارب والنبي بنتي تفوق وتقوم بالسلامة وتبقي كويسة أاااااه وترجع ياسمين بتاعة زمان أكيد أنتي محسودة يابنتي "
***
_في البيت عند هشام وشيماء وأهله :
...كلهم متجمعين عالفطار الصبح بيفطروا ....
...هشام بيفطر من غير نفس وهو متدايق من نفسه وماكانش أصلا عاوز يفطر ولايخرج من أوضته بس طبعاً ضغط وإلحاح أهله عليه ماحبش يزعلهم وخرج فطر معاهم علي قد نفسه ....
_الأم :حبيبي يابني انسي بقي هي خلاص شافت حياتها شوف حياتك أنتا كمان بلاش يابني تزعل نفسك وتعمل كل ده مش أول ولاأخر بنت في الدنيا يعني ولا اللي خلقها ماخلقش غيرها ....
_هشام :ماما من فضلكم ماحدش يكلمني في الموضوع ده تاني أنا خلاص عاوز أنساه نهائي وكأنه ماحصلش في حياتي ....
... طبعاً شيماء بقت من جواها فرحانة عالأخر وحاسة إنها حققت حلمها وهدفها وقررت تستفزه وتجيبله السيرة اللي مش بيحبها نرمين وعزة وقالت :
" حبيبي دي بت زبالة ماتستاهلكش دور عاللي بيحبك ياهشام أنتا بس اللي مش شايف قدامك"
_هشام بعصبية زيادة :تقصدي ايه ياشيماء نرمين وعزة صح ....
_شيماء :أيوة صح ياهشام كل واحدة فيهم بتحبك وعاوزاك ليها وتتمنا بس نظرة من عنيك ليها وتقولها كلمة حلوة وخلاص دي ماهتصدق ....
_هشام :أه واختار مين بقي فيهم إن شاءالله الاتنين صحابك والاتنين بيحبوني قولتلك ولأخر مرة ياشيماء بقولك ومن زمان بقول من قبل ياسمين ماتدخل في حياتي أنا لو أخر يوم في عمري ومافيش قدامي غير نرمين وعزة عمري ماافكر اخطب بنت فيهم ولااتجوزها فاهمة ولاتحبي افهمك تاني مهما أنتي ولاهما تعملوا وقام هشام من عالأكل متعصب وزهقئان وماكملش فطار ....
_الأم :ليه بس يابنتي كده حرام عليكي هي عافية ولاحد بيعوز حد غصب عنه ده البنت مش بتتغصب علي واحد يبقي هتغصبيه هو عليهم وبعدين ماتزعليش مني بقي دول بنات قليلة الأدب ومش محترمين ولاعندهم دم ولاكرامة المفروض البنت تبقي محترمة كده وتصون نفسها وأهلها إنما بنت تيجي لشاب شقته وتدخله أوضة نومه وتبقي عاوزة تأكله كمان فاضل ايه تاني يابنتي تعمله دي بنات قادرة بعيد عنك وربنا يكفينا الشر فياريت ياحبييتي تبعدي أنتي كمان عنهم وريحينا وريحي نفسك .....
_شيماء :خلاص حاضر ياماما اللي تشوفيه ياحبييتي أهم حاجة أنتي ماتزعليش مني وهشام يبقي كويس أنا ماأقدرش علي زعله أبدأ ....
_الأم :ربنا معاه يابنتي غصب عنه اللي هو فيه والله بس يلا بقي بكرة الأيام تنسيه .....
_شيماء :إن شاءالله هينساها ماتقلقيش ....
_الأم :ياارب ادي الله وادي حكمته ومش عاوزين غير بس يكون بخير ويرجع زي الأول تاني ...
...وكانوا خلصوا فطارهم والأب نزل علي شغله والأم قامت تشوف شغل البيت وتجهز الغدا وشيماء دخلت لهشام تواسيه وتصبره وتطمن عليه وبعدين دخلت أوضتها تقعد علي فونها وتتسلي مع نفسها عليه وعالنت ....
***
_في المستشفي عند ياسمين ومامتها وباباها:
...الدكتور خارج من أوضة ياسمين لونه متغير وباين عليه العصبية ومتدايق عالأخر ....
_الأم :خير يادكتور بنتي عاملة ايه طمني عليها ....
_الدكتور :للأسف بنتكم عندها إنهيار عصبي حاد ودخلت في غيبوبة نتيجة صدمتها دي وحالتها صعبة أوي دي ممكن تزيد عندها وتدخل في إنتكاسة ووقتها بقي متاهات وحكايات علي ماتتحسن من تاني ....
....الأم صرخت ولطمت علي وجهها تقول :
"يالهوي يالهوي بنتي ياحبييتي غيبوبة ايه وإنتكاسة يادكتور الحقني ياأبوياسمين البت هتموت مننا أاااااه يابنتي ياارب اشفيهالي وقومهالي بالسلامة والنبي ده أنا لوحصلها حاجة هموت وراها أااااااه "
_الأب :إهدي بس ياأم ياسمين هتبقي كويسة إن شاءالله ماتقلقيش ....
_الدكتور : احنا ادناها مهدئات وحقن واهو نبضها شغال وبدأت الحالة تستقر شوية وربنا معاها هو بس ماكانش ينفع إنها تخرج من أساسه من المستشفي هي دي الرعاية ياجماعة مجرد ماخرجت يوم واحد من المستشفي تاني يوم يجرالها كده وكمان أصعب وأسوء من الأول احنا بنقول تتحسن من سئ لأحسن مش ترجع من الأحسن للأسوء بنتقدم خطوة ونرجع عشرة ....
_الأم بإنهيار وبكاء شديد:
"والله ماعملنا حاجة معاها يادكتور بس هي اللي تعبت مننا فجأة ولقناها مغمي عليا ادامنا حبيبتي يابنتي ..
_الاب :طب هي هتفوق أمتي من الغيبوبة دي يادكتور طمنا أرجوك ....
_الدكتور :الله وأعلم دي ماأقدرش أفيدكم فيها الغيبوبة بتقعد مع المريض فترات ممكن تكون قصيرة وممكن تكون طويلة وممكن تكون أيام أو ساعات أو شهور أو سنين دي بتكون حسب حالته الصحية وسبب تعرضها ايه بس احنا بنطمن عليها وبنطمن عالنبض وادعولها تفوق بإذن الله تعالى....
_الأم :أااااه ياارب يابنتي تفوقي وترجعي ياسمين العسل وردة البيت بتاعتنا ياقلب أمك وأبوكي ....
_الاب :ياارب ياأم ياسمين إن شاءالله ربنا هيقف جنبها وتقوملنا بألف سلامة...
_الأم :ياارب ياحاج طب يادكتور ماينفعش ادخلها أشوفها اطمن عليها بس ....
_الدكتور :للأسف لا ماينفعش خالص ممنوع حتي الكام يوم الأولانين دول علي ماحالتها تستقر وتسمح بالزيارة ...
_الأم :قلبي مش هيطاوعني ماأشوفش بنتي يادكتور من فضلك .....
_الدكتور:للأسف ماينفعش أسف سامحيني ياحاجة كده أنتي هتضريها مش هتنفعيها ....
_الاب :خلاص يادكتور اللي تشوفه صح اعمله المهم بنتنا تقوم بالسلامة بس ....
_الدكتور :إن شاءالله استاذنكم أنا .....
...الأم والأب في صوت واحد اتفضل يادكتور ....
...الأم مازالت منهارة وتبكي وخايفة علي بنتها والأب بيهديها وبيسألها عن سبب كل التعب واللي حصل ده ..
_الأب :إهدي بس ياأم ياسمين مش كده وتعالي نقعد وعرفيني ايه اللي حصل بالظبط لكل ده وبنتك جرالها كده ليه أنا سايبها الصبح كويسة ....
_الأم :أه ياحاج بعد مافطرت واخدتت العلاج جابت اللاب توب بتاعها وقعدت فتحت فيس عليه علشان تدخل جروب الكلية بتاعهم وتشوف صحابها والدكاترة بتوعها وتأخد منهم اللي فاتها من محاضراتها وأنا كنت جنبها بكلمها عادي وبنشرب الشاي لقيتها مش بترد عليا ولونها اتغير وراح فجأة وأغمي عليها مكانها قومت أشوفها وأحاول أفوقها مش بتفوق أبدأ ببص في اللاب لقيت صورها مع الواد الزفت اللي اسمه طارق اللي معاها في الكلية اللي كان هشام خطيبها يوم ماجه وفك الخطوبة وقالنا دي كانت مع شاب اسمه طارق في شقته ....
_الأب :كملي صورها معاه إزاي ....
_الأم :صورهم مخطوبين لبعضهم وصورهم واقفين جنب بعض وبوستات كلام حب وكده بتاع الشباب بتوع اليومين دول والتعليقات عالمنشور مهينة للبت وبيشتموها فيه البت مظلومة والله هي قالتلي إن ده شاب كان دائما حاططها في دماغه علي طول عاوزها تمشي معاه زي البنات اللي بتمشي مع الشباب كده ومعاه هو كمان ماهما بنات منحلين ومالهمش كبير وهي اللي رفضت وكانت في حالها ودراستها وحياتها وبتحب هشام خطيبها أنتا عارف بنتك يعني ياأبو ياسمين مش اهبل عنها ولالسه هتعرفها النهاردة فقرر يعمل فيها كل ده ويسوء سمعتها قدام خطيبها وصحابها وأكيد هشام شاف المنشور ده وإستحالة يفكر يرجعلها تاني ياعيني عليكي يابنتي ياحبيبتي ياترا كل ده بيجرالك ليه بس ياارب والنبي يقف جنبك يابنتي وتخرجي من محنتك الصعبة دي علي خير ....
_الأب :إن شاءالله ماتقلقيش ياأم ياسمين وأنا بإذن الله أول ماالبت تقوم بالسلامة ونطمن عليها هعرف منها مين الواد ده وأهله واروحلهم واوقفهم عند حدهم هما وابنهم بس أهم حاجة بنتنا الأول تقوم بالسلامة ونطمن عليها ونتأكد إنها بقت بخير وتمام بس إزاي ماكانتش بتقولنا كل ده يبقي حتي كان عندنا علم ....
_الأم :كانت بتقول لهشام وتصارحه وهو كان عارف بس للأسف لما شافها معاه في شقته افتكرها إنها كانت بتضحك عليه أنا عذراه برضه بس كان المفروض يسألها ويعرف منها اللي بيحب بيلتمس العذر بس هنعمل ايه بقي وبعدين كانت هتقولنا ليه وتشغل بالها هي كانت كل دماغها في مذاكرتها وكليتها ومع خطيبها الموضوع يعني ماكانش مشكل ليها أهمية ولاهي مدياله أكبر من حجمه ....
_الأب :خلاص إهدي وإن شاءالله مش هيحصل غير كل خير وكل شئ في الدنيا بيحصلنا سواء خير ولاشر بيكون لحكمة عنده ربنا مش هيعملنا ولاهيعمل لبنتنا حاجة وحشة أبدأ ....
**
_في البيت عند نرمين وأهلها :
..نرمين في أوضتها عمالة ترن علي شيماء عاوزة تكلمها بس فونها مشغول طول اليوم في مكالمات تانية طبعاً بتكلم طارق اللي ضحك عليها فجأة وفهمها إنه بيحبها وبيموت فيها ونرمين هتموت من الغيظ وفاكراها بتكلم عزة وغيرانة من جواها وخايفة تكون عزة بتحب هشام ولاهشام بيحبها وهي لا وفجأة مامتها خبطت عليها باب أوضتها ....
_نرمين : مين ...
_الأم دخلت لبنتها وقالت :أنا يابنتي يلا بقي البسي واجهزي كده العريس مستني بره .....
_نرمين بعصبية :مش عاوزة البس ولااتنيل اطلع بره للعريس هو أنا عاوزاه أصلا ولاموافقة عليه علشان البس وأخرج ليه .....
_الأم :ايه ده يابنتي أنتي إتجننتي ولاايه ده هو بره وزمانه سمعك دلوقتي وبعدين ماله مش موافقة عليه ليه بقي عريس كويس اهوه ومافيهوش أي عيب شاب وزي القمر وشغال ورجل وكويس ايه اللي يخليكي ترفضيه ....
_نرمين:كبير عليا أنا في العشرينات وهو في أواخر التلاتينات اتجوزه اعمل بيه ايه .....
_الأم :بت أنتي ده مش مبرر علي فكرة وبعدين التلاتينات والأربعينات دول عز الشباب ايه اللي كبره ياحبييتي هو أنتي جايلك راجل عجوز خمسين سنة ولاحاجة ماتعرفي أنتي بتتكلمي إزاي يابت وده مارضاش يتجوز صغير علي مايكون نفسه وحاله ويساعد أهله ده شئ يشرفه يعني هتتجوزيه ورجلك فوق رقبتك مش كل واحد يتقدملك هتطلعيلنا فيه موضوع فيه ايه بالظبط ....
_نرمين :وأنا قولت مش هتجوزه يعني مش هتجوزه وهخرج أنا أقوله الكلام ده بنفسي ويااريت يكون عنده نقطة من الأحمر ويمشي ومايعتبهاش تاني ...
...وخرجت نرمين تجري والام بتحاول تمنعها وخرجت وراها ولكن إتفاجئوا إن العريس مشي أول ماسمع الكلام ده وقال لوالدها :
"معلش ياعمي أسف ماأقدرش اتجوز واحدة مش موافقة بيا الجواز مش بالعافية؛ وفيه مثل بيقول :
"كل شئ بالخناق إلا الجواز بالإتفاق "
..أكيد أنتا وطنط تعرفوا الكلام ده أكتر مني .....
_الأب:استني بس يابني دي عيلة صغيرة وماتعرفش حاجة وشوية كده وهتتعود عليك وتحبك.....
_العريس :لا طبعاً ياعمي الجواز لازم يكون فيه رضا وقبول وزي ماقولت لحضرتك دلوقتي كل شيء بالخناق إلا الجواز بالإتفاق وهي جوا بتتخانق مع مامتها اهي وبعدين ده مش منظر بنت ومحتارة لسه أو قلقانة أوخايفة لا دي رافضاني نهائياً فبعد إذنكم واتشرف إني دخلت بيتكم في يوم من الأيام ....
_الأب :وعليكم السلام ورحمه الله وبركاته يابني .....
_نرمين :أحسن اهو غار في داهية....
_الأم :حرام عليكي ياشيخة أنتي ايه يابت فاكرة نفسك برنسيسة ولافاكرة نفسك الملكة نفرتيتي عمالة تتدلعي وترفضي في ده وفي ده ايه هتفضلي ترفضي في العرسان لحد أمتي لحد ماتبوري وتقعدي جنبي ولاأنتي يابت شكلك كده في بالك واحد تاني وماشية معاه وتلاقيه عيل مالوش قيمة ولاأي لازمة في الدنيا انطقي يابت الموضوع ده شكله فيه حاجة رفضك للعرسان ده ليه ماهو حاجة من الاتنين ياما في بالك حد تاني ياما بقي حد ضحك عليكي وعمل معاكي حاجة يابت اتكلمي قولي فيه ايه....
.. صرخت نرمين بعلو صوتها وقالت :
"أنتي بتقولي ايه حرام عليكي قولتلكم مش عاوزة حد ارحموني بقاااااااااا ودخلت جريت علي أوضتها ورزعت وراها الباب ورمت نفسها عالسرير تعيط وتقول :
"هشام حبيبي أنا بحبك أوي امتي يجي اليوم اللي ابقي معاك فيه وفي حضنك نفسي تحس بيا وبحبي ليك أنا برفض أي حد علشانك مش عاوزاك تخذلني أاااه هشام لو مابقاش ليا أنا ممكن اموت نفسي وحقا لو الكلبة اللي اسمها عزة دي اخدته مني أنا هقتلها ....
....الأم والأب بيخبطوا عالباب بره عليها وبيقولوا :
"افتحي يابت فيه ايه نرمين افتحي الحقني ياأبو نرمين بنتك جرالها ايه يالهوي يانا ياترا فيه ايه يارب ياترا حصل ايه بالظبط افتحي يابت ....
_نرمين بصريخ وبصوت عالي مش فااااتحة سيبوني في حالي بقاااااا .....
_الأب :سيبيها دلوقتي وتعالي علي ماتبقي تهدي ونبقي نشوفها مالها .....
....والأب اخد الأم ودخلوا علي أوضتهم يتناقشوا في الموضوع ومش عارفين يعملوا ايه مع بنتهم.....
...نرمين إتفاجئت بريكورد جاي ليها من عالواتس من شيماء ففتحته علي طول وسمعته وكان الكلام بتاعه صعب وهو نفس الريكورد اللي اتبعت لعزة وقتها بعد مااتبعت لنرمين وهو :
(حبيبي يابني انسي بقي هي خلاص شافت حياتها شوف حياتك أنتا كمان بلاش يابني تزعل نفسك وتعمل كل ده مش أول ولاأخر بنت في الدنيا يعني ولا اللي خلقها ماخلقش غيرها )
_هشام :ماما من فضلكم ماحدش يكلمني في الموضوع ده تاني أنا خلاص عاوز أنساه نهائي وكأنه ماحصلش في حياتي ....
_شيماء :حبيبي دي بت زبالة ماتستاهلكش دور عاللي بيحبك ياهشام أنتا بس اللي مش شايف قدامك ....
_هشام بعصبية زيادة :تقصدي ايه ياشيماء نرمين وعزة صح ....
_شيماء :أيوة صح ياهشام كل واحدة فيهم بتحبك وعاوزاك ليها ....
_هشام :أه واختار مين بقي فيهم إن شاءالله الاتنين صحابك والاتنين بيحبوني قولتلك ولأخر مرة ياشيماء بقولك ومن زمان بقول من قبل ياسمين ماتدخل في حياتي أنا لو أخر يوم في عمري ومافيش قدامي غير نرمين وعزة عمري ماافكر اخطب بنت فيهم ولااتجوزها فاهمة ولاتحبي افهمك تاني مهما أنتي ولاهما تعملوا......
_الأم :ليه بس كده يابنتي كده حرام عليكي هي عافية ولا حد بيعوز حد غصب عنه ده البنت مش بتتغصب علي واحد يبقي هتغصبيه هو عليهم وبعدين ماتزعليش مني بقي دول بنات قليلة الأدب ومش محترمين ولاعندهم دم ولاكرامة المفروض البنت تبقي محترمة كده وتصون نفسها وأهلها إنما بنت تيجي لشاب شقته وتدخله أوضة نومه وتبقي عاوزة تأكله كمان فاضل ايه تاني يابنتي تعمله دي بنات قادرة بعيد عنك وربنا يكفينا الشر فياريت ياحبييتي تبعدي أنتي كمان عنهم وريحينا وريحي نفسك .....
_شيماء :خلاص حاضر ياماما اللي تشوفيه ياحبييتي أهم حاجة أنتي ماتزعليش مني وهشام يبقي كويس أنا ماأقدرش علي زعله أبدأ ....
_الأم :ربنا معاه يابنتي غصب عنه اللي هو فيه والله بس يلا بقي بكرة الأيام تنسيه .....
_شيماء :إن شاءالله هينساها ماتقلقيش ....
_الأم :ياارب ادي الله وادي حكمته ومش عاوزين غير بس يكون بخير ويرجع زي الأول تاني ...)
_فلاش بااااك :
...شيماءقررت تسجل لهشام كلامه وهما بيفطروا الصبح لأنها عارفة إنه مش بيحب نرمين ولاعزة وطبيعي هيغلط فيهم ويشتمهم ويتعصب ولكن طبعاً الظروف خدمت شيماء أكتر بكلام مامتها وأول مادخلت أوضتها قررت تبعته لنرمين وعزة علشان تحرق دمهم وتخلص منهم وتلتفت بقي لنفسها ولطارق حبيبها وحبها الجديد وطبعاً هي عارفة إن كل بنت أول ماتسمع الكلام ده أكيد هيحصلهم حاجة ده يمكن البنت فيهم تجيلها صدمة عصبية ولاتقع من طولها ولاتقوم تولع في نفسها بس طبعاً طارق وقتها اتصل بشيماء وانشغلت معاه بالحب والغرام والكلام المعسول وهي صدقته وأصلا هو بيضحك عليها علي بس ماتساعده في موضوع ياسمين لانه مصمم مايسيبهاش غير لما يأخد منها اللي هو عاوزه وتبقي زيها زي كل البنات اللي مشيوا معاه واللي راحوله بيته بل هي أسوء وأكتر منهم كمان وبعدها يرميها وماتلاقيش حد تاني غيره يعبرها ولايخطبها بعد ماادمرت وسمعتها الحلوة اتبهدلت في وسط صحابها والدنيا كلها وبعدين يروح يخطب شيماء من أهلها ويتجوزها وطبعا ده الكلام اللي ضاحك بيه علي شيماء ومفهمها كده لكن الحقيقةغير كده وطارق بيفكر في شئ تاني وهو إنه يخطف ياسمين ويتصل بأهلها ويضغط عليهم إنه يخطبها لانه فعلا حبها وعاوزها وبعد كده يقول لشيماء أمك في العش ولاطارت بس مستخدم شيماء وسيلة للوصول لياسمين ولأنه عارف حقدها وكرهها ليها وغيرتها منها طارق مش سهل وينفات ليه بلاد ويضحك علي أي بنت لحد مايوقعها في شباكه ليها لكن ياسمين بأدبها وأخلاقها غيرت ليه عقله خالص واتندم إنه هو صدق البنات دي في كل اللي قالوه عليها وكان هيسمع كلامهم في إنه يقضي عليها ويدمرها وقرر يخطبها ويتجوزها غصب عنها وعن أهلها وكمان غار عليها من هشام وحبه ليها لدرجة إنو طلع اخدها من عنده ومااستحملش يشوفها مع واحد تاني غيره ......
...نرجع بقي لنرمين أول ماسمعت الريكورد ....
...نرمين إنصدمت ومابقتش مصدقة ودانها وقالت :
"أه ياشيماء يابنت الكلب كنتي بتلعبي علينا وتعملي تمثيلية عليا أنا وعزة وفي الأخر تدينا المقلب وحياتي لأوريكي واتصلت بيها علي فونها تكلمها"......
***
....في البيت عند عزة وأهلها :
..عزة مع نفسها في أوضتها علي فونها سرحانة بالهاند فري في ودانها وبتسمع أغاني حب وغرام وبتفتكر حبيبها هشام وفجأة إتفاجئت بنفس الريكورد علي واتسها فتحته وسمعته وكان بالنسبة ليها صادم وقامت من علي سريرها مستغربة ايه ده وقررت تفتحه تاني وتتأكد من كلامه وبقت واقفة مش عارفة تعمل ايه والكلام كان بيتقال في الريكورد كأنه نار بتحرقها وفجأة داخت ولفت بيها الدنيا فصرخت ووقعت في الأرض مغمي عليها وأبوها وأمها وأخوها سمعوها من بره وطلعوا خبطوا عليها باب الأوضة مش بيفتح لأنها بتبقي قافلة علي نفسها علشان تقعد في روقان ولكن كسروه ودخلوا إتفاجئوا بيها واقعة مكانها شالوها عالسرير وحاولوا يفوقوها بس مش بتفوق ومغمي عليها خالص ومش دريانة بالدنيا حواليها....
***
.....ياسمين لسه في المستشفي مازالت في الغيبوبة ومافاقتش منها وعدا عليها يوم من أول النهار لأخره بالليل والام والأب بره ممنوعين من الدخول بس الأم مش قادرة تتحمل ماتشوفش بنتها الوقت ده كله وندهت عالدكتور وهو خارج من عند ياسمين ...
_الأم :دكتور بنتي عاملة ايه طمني يادكتور ....
_الدكتور : الحمدلله بدأت تتحسن والحالة تستقر والنبض كويس بس لسه في الغيبوبة .....
_الأم :طب ماتعرفش هتفوق منها أمتي ...
_الدكتور:الله وأعلم الظاهر الصدمة كانت شديدة عليها أوي ...
_الأم:طب ادخلها يادكتور أشوفها بس دي بنتي وأنا أم مش هقدر اتحمل ابقي بيني وبينها خطوة وماأشوفهاش من فضلك يادكتور أبوس إيدك...
_الدكتور :تمام اتفضلي بس خمس دقائق بالكتير ....
_الأم :حاضر والله ...
...ودخلت الأم جنب بنتها وياسمين في دنيا غير الدنيا وغايبة عنها نهائي ومش دريانة ولاحاسة بأي شئ حواليها .....
_الأم ببكاء شديد مسكت إيد بنتها وبكت ونزلت الدموع من عينيها تقول :
"بنتي حبيبتي فوقي والنبي ارجعي ياسمين بتاعة زمان الحلوة الجميلة الرقيقة اللي دائما متفائلة ومبتسمة للحياة وطول عمرها حاجة جميلة ورقيقة كده وبراءتها واضحة ارجعي ذاكري وانجحي واتفوقي ارجعي لنشاطك وحيوتك وحلاوتك وجمالك ورقتك وبراءتك أااه يابنتي" ....
....وفجأة نطقت ياسمين بكلمة ماما وكانت بدأت تفوق وتسمع كلام مامتها لكن مازالت لسه تعبانة ...
...الأم اتفاجئت وكانت فرحتها مش سيعاها ....
...ياسمين كان كلامها ماما أنا فين وايه اللي حصلي وبصوت تعبان وواطي نهائي وبعدها غابت تاني عن وعيها ومابقتش تتكلم ولاترد علي مامتها ..
...الأم خرجت للأب وللدكاترة وبلغتهم باللي حصل ...
...الأب كان فرحان جدا وبيدعي لبنته بالشفاء ....
...ودخلوا الدكاترة يشوفوا ياسمين ويطمنوا عليها وعلي حالتها ولقوا فيه تحسن وهي بتتحسن عن الأول بس طبعا لسه حاجة بسيطة ومحتاجة الرعاية وإبعاد أي زعل أو إنفعال عنها فاطمنوا عليها ونبهوا علي باباها ومامتها إنهم يسيبوها حتي لتاني يوم علي ماتتحسن أكتر وطبعا ماينفعش يظهروا قدامها وهما زعلانين أو مدايقين كده علشان هينعكس عليها هي ويبقي خطر علشانها وتتعب أكتر وتنتكس من تاني .....
***
..في البيت عند شيماء بالليل في أوضتها :
..نرمين اتصلت بيها تبهدلها وتشتمها وتعرف منها هي ليه عملت فيها كده هي وعزة وأخيرا كانت ردت شيماء عليها علشان طبعا عارفة إنها سمعت الريكورد واتحرق دمها فحابة تسمع رد فعلها وتفرح فيها أكتر وأكتر......
_شيماء :ألووو يانرمين ياحبييتي عاملة ايه....
_نرمين :حبيبتك أه بقي كده يانرمين كنتي بتلعبي بينا طب ليه وغرضك كان ايه ....
_شيماء :أنا مالي بس ياحبيبتي ماأنا كنت بقوله وبعمل اللي عليه والله وساعدتكم تخلصوا من البت ياسمين خطيبته دي اعمل ايه تاني أكتر من كده يعني....
_نرمين :والله طب ما عزة كانت بتحبه وكنتي أكيد بتعملي معاها زي ماعملتي كده معايا كنتي بتلعبي عالجنبين ياشيماء كانت مصلحتك ايه من كده انطقي ماهو ماكنتيش هتساعدينا كده محبة فينا
ولا لوجه الله أنتي كنتي كمان عاوزة تخلصي من ياسمين زيك زينا ويمكن أكتر مننا أنتي واحد مريضة نفسياً ومش بتحبي حد طب كان هدفي أنا وعزة نخلص من ياسمين علشان بنحب هشام أنتي بقي كنتي عاوزة تخلصي منها ليه ....
_شيماء بكل بجاحة وصوتها علي وطبعاً باب أوضتها مقفول عليها وهي لوحدها في الأوضة :
"أيوة مابحبش حد وكنت بكره ياسمين وبغير منها ومش هخلي أخويا يخطب أي بنت تاني ولما لقيتكم صيدة سهلة وهتموتوا عليه حبيت أورطتكم واهو منكم تساعدوني وكمان علشان كنت بكرهك أنتي وعزة وبغير منكم عمالين تتدلعوا وتلبسوا وتحبوا وتتحبوا وأنتي يجيلك عرسان وترفضي وبعدين لقيتها مصلحة برضه اشمعني أنتي تتخطبي وأنا لا ليه يابت أنا ماحدش عمره يبقي أحسن مني والبت اللي اسمها عزة دي واحدة هي كمان بتتدلع وشايفة نفسها ودفعت هي الفلوس نظير حبها لهشام عايشالي دور المضحية يلا اهي شالتهم هي وطارق اخدهم ليه من غير ماكان يعمل أي حاجة وبعدين أنا لاني واثقة وعارفة كويس إن هشام عمره ماهيبصلكم فحبيت أعشمكم وفي الأخر أوقعكم علي جدور رقبتكم حبيت أشوف كسرتكم وعلي فكرة الريكورد ده اتبعت لعزة وزمانها دلوقتي هترن عليا بعدك ماتلاقي الكلام برضه حرق دمها زيك بالظبط يانونة تعيشي وتأخدي غيرها ياقلبي قال ياسمين ولاأنتي ولاعزة ولاغيركم هيدخلوا يأخدوا أخويا وأهلي مني ويدلعوا ويتجوزوا ويخلفوا وأنا اتركن عالرف أنا بس اللي اتدلع واكل الجو من حواليا وإياك ترني عليا أو تعرفيني تاني أنتي ولاالزفتة عزة ....
_نرمين :أه يازبالة ياواطية كنتي بتلعبي كل ده لحسابك أنتي ولمصلحتك والله ماهسيبك ......
_شيماء :ههههههههه أعلي مافي خيلك اركبيه أنا معايا دلوقتي اللي يحميني منكم روقة حبيب قلبي بيحبني وهنخلص أنا وهو من ياسمين وكمان خليته ينشر صورها علي بروفايله وبروفايلها في جروب الكلية والفيس عامة إن هما مخطوبين وهندمرها نهائيا وهيجي يخطبني من أهلي ويتجوزني ....
.... طبعاً نرمين بقي محروق دمها وبتغلي وراحت رازعة الفون في الأرض وداست عليه برجليها لما اتكسر وشيماء بقت تضحك وفرحانة عالأخر ....
....وفجأة شيماء راحت مخضوضة ومصرخة بعلو صوتها عاااا.. يتبع الفصل العاشر اضغط هنا