رواية حور البارت الثالث 3 بقلم سلمى بسيوني
نوفيلا حور البارت الثالث 3
كنت واقفه مرعوبه مديت ايدى فى جيب البالطو لقيتها رساله
يا ترى دى رساله تهديد زى رساله مؤمن ولا حاجه تانيه محبتش افتخها فى المصحه عشان رده فعلى ممكن تلفت الانظار وقررت افتحها لما اروح لسميه
خلصت اليوم وروحت
-سميه ...يا سميه
^مالك يا بنتى فى اى
-محمود حطلى دى فى جيب البالطو النهاره
^افتحيها بسرعه
(محتوى الرساله)
انسه حور اللى حصل فى شقتك دا كان قرصه ودن
وقلنا هتسكت وتعقل بس واضح ان العكس هوا اللى حصل
روحتى لساره واتكلمتى معاها ...انتى اللى عملتى فى نفسك كدا قدامك دلوقتى حلين يا اما تسكتى وتبطلى تدورى وتنكشي فى حجات مستخبيه يا ماتكملى وتدورى وتعملى اللى فى دماغك و هتخسرى نفسك........ هخليكى عايشه تلعنى نفسك انك فكرتى فيوم تدورى ورانا وانتى اكيد عارفه بنت فى جمالك لما تقع تحت ايد ناس زينا هيحصلها اى
وبالنسبه للسديهات اللى انتى فرحانه انها معاكى كدليل دى اتشفرت كلها قبل ما توصل لأيد مؤمن اصلا عشان تعرفى ان مؤمن دا انسان مغفل ....واديكى شفتى اى اللى حصله اعقليها يا حور وبطلى جنان ....الباشا الكبير باعتلك سلامه
اول ما قرأت الرساله كنت فى حاله زهوول قمت بسرعه وحطيت السيديهات فى اللاب فعلا متشفره
^هنعمل اى يا حور
-م...م ...مش عارفه ...مش عارفه اعمل اى سبيلى وقت محتاجه وقت بس
قعدتت يومين ما بنمش ولا بدوق طعم الراحه وحسمت قرارى
-سميه
^هااا ....هنعمل اى
-هروح المنيا بكرا وامرى لله .......مش هتخلى عن الموضوع بس هبقى فى حمايه اهلى
^اخيرا يا شيخه !!.....بس هتخليهم يسامحوكى ازاى بعد اللى عكيتيه من ٣ سنين ....
-هتصرف ... امى هتتطلع عينى ...بس جدى العسل دا هيسامحنى انشاء الله
نزلنا فعلا الصبح والطريق كان صعب جداا ووصلنا منهكين
-سميه ....بقولك اى مهما ...ها شوفى مهما اتمسح بكرامتى الارض جوا متتكلميش .....اصل انا مش هرجع بالساهل اقولهم اهلى حبايبى وهياخدونى بالحضن
^طب ادخلى يلا
رنيت الجرس بتاع الفيلا ...جه صوت من بعيد انا عرفااه
&طيب ....طيب جايه اهوو ...وآجف على بيضه ولا اى ....الله ....حورر!!! بتي!!
-ازيك يا حجه انعام عامله اى ......وحشااانى جدا
قربت وحضنتنى & بكااشه ....ما صدجتى يا بت خدتى بعضك ومشيتى ولا شوفتك من تلات سنين ...اتوحشتك اوى يا حوور!
^حور المكان نايس اوى
-وانتى والله وحشاانى...هوا جدى فين ...
$اخيراا شوفنا وشك يا بت يونس
-حوور يا جدى اسمى حوور ....وبعدين انتا وحشتنى اوى
$اتكلمى زيينا يا بت يونس متتكلميش زى المصاروه
^مصاروه !!!هوا بيشتمنا ولا اى
$ سكتى العروسه اللعبه اللى جيباها معاكى دى
-اسكتى يا سميه .....طيب يا جدى انا اتوحشتك اوى والله
$ جيالى بعد ٣ سنين عتجوليلى اتوحشتك .....كنتى فين يا بت يونس ...الا مجيتى عبرتينا فى مره اكده ولا شفنا خلجتك دى
^بقولك اى يا حجوج هوا مش وقت عتاب ...حفيدتك فى ناس مهددينها يقتلوها
$يجتلوها !!!!!......مين يتجرء يهدد بت عيله الجبالى ...مين دول يا بتى
-طيب هحكيلك
حكيتله كل حاجه من اول الحوار اللى سمعته لحد رساله التهديد
$الناس دى لازم تتربى يا حورر .....!
-ممعايش ادله انا محتجالك تساعدنى
ودا وشه بعيد عنى $هه.......اساعدك مانتى بقالك ٣ سنين عتساعدى نفسك ...اتصرفى بجى ....يا بت يونس
-جدى حقيقى انا محتجاك معايا ارجوك
طبعا جدى بقلبه الطيب اللى زى السكر دا مقدرش يقاوم نظرتى المتوسله دى كتير وسامحنى الحمدلله فااضل ماما اى نعم جدى هيساعدنى مفيش كلام بس انا عايزها تسامحنى
قعدنا يومين امى متوجهليش كلمه
فى اليوم التالت
-انتى عارفه انا جايه لجدى ياما
*..........
-عشان فى ناس مهددنى بالجتل ياما
*......يا وجعه طيين ....انتى عتجولى اى يا بت انتى ...،
-زى ما بجولك اكده ......انا ممكن اموت فى اى لحظه سامحينى بجى يا ما
بعد مناهدات سامحتنى نبع الحنان ..قعدنا اسبوع استرجعت زكرياتى واسترجعت ركوب الخيل اللى بتلطه وجدى رجع يدربنى تانى على استخدام السلاح .
فى اخر الاسبوع
&حور جدك عايزك تحت
-حاضر نازله اهه يا حجه انعام
نزلت لقيت جدى قاعد مع راجل شكله مش غريب عليا
.......ايمن معقوله !!!!!!!
يتبع.. البارت الرابع اضغط هنا