رواية زمان الفصل الثالث - بقلم حسناء محمد

الصفحة الرئيسية

  رواية زمان لا أمل دون يأس الفصل الثالث 3 بقلم حسناء محمد

رواية زمان البارت الثالث - مِرْسَالٌ

ففتح معتصم القفل 
نادرة بصدمة : اى دا النور شغال هنا يعنى 
معتصم بثقة : مانا جيت ركبت كذا لمبة فى الضهر كدا 
نادرة بجمود : طب اتفضل ادخل يلا هنقف كتير 
معتصم بقلق : ادخلى انتى الأول
نادرة بضحك شديد : اى دا ثانية بس كده شكلك خايف هههههههه
معتصم ببرود : لا مش خايف وخلصى مش هنقضيها كلام على الباب كدا 
دلفت نادرة إلى داخل المنزل وكان ملئ بالأتربة وآثاثه محطم ومتهالك ومغطى بأغطية بيضاء مليئة بالغبار وبيوت العناكب 
كان معتصم يتجه إلى جميع الغرف بالمنزل بخفة ،وكانت تتبعه نادرة  ، كانت جميع الغرف مفتوحه ،
ثم توقفوا أمام غرفة ذات باب بنى مغلق 
اردفت نادرة بسخرية : اتفضل افتح 
معتصم بضحك : دى حاجه سهلة جدا على فكرة 
نادرة بإشمئزاز: اممم طب اتفضل افتحه مش كل باب هنقف عليه نفضل نرغى كتير كدا الله
ثم أخرج معتصم من حقيبته ، آله حاده وبدأ يفتح فى باب الغرفة ، وبعد نصف ساعة تقريبا بدأ الباب يفتح ببطئ بسبب الصدأ الذى كان يملأ القفل فكان يصعب فتحه بسهولة
ثم فتحوا الباب ونظروا داخل الغرفة فوجدوا، الغرفة مليئة بالأتربة ، ثم بدأو فى تشغيل البطاريات ، وكانو لا يرو شيئا سوا غرفة فانية لا يوجد بها اى شئ ، ظلوا يبحثوا ويبحثوا عن اى مدخل أو اى شئ يدل على أنها قد تكون غرفة الاسرار ولكن لا جدوى .
نادرة بحزن : طب احنا كدا دورنا فى البيت كله 
معتصم بعصبية : يعنى هتكون أنهى اوضة فيهم طيب احنا لازم نلاقى الكنز 
نادرة بعصبية : يا اخى كفاية بقى عصبية اى كل حاجة صوت عالى وتخلف 
معتصم ببرود : أن كان عاجبك 
نادرة بدموع : مكنتش اتوقع فى يوم تكون بالقذارة دى 
معتصم بضحك : لا ياشيخة واتوقعتى هههههههه
نادرة بسخرية : انت اصلا واحد مش متربى علشان تبقى عايز تخطف تيتا علشان الكنز والفلوس واحد انانى 
معتصم ببرود : بصى انا مش فاضى للكلام بتاعك دا وخفى لك علشان والله ممكن اتغابا عليكى 
حسناء بدهشة :
ثانية ثانية بس فى حاجة خشب تحت رجلى
معتصم بفرحة : فين فين 
نادرة : اهى اهى 
معتصم بفرحة: اوعى كده ثانية 
ثم وجد مربع خشبى على الأرضية ويوجد عليه قفل فأخذ يفتح باللوح الخشبى 
حتى فتحه كاملا ووجه البطارية على اللوح فوجد أسفله سلم حديد 
بدأ ينزل ونادرة تتبعه وكلما هبطوا درجة قل الاكسجين أكثر 
كان معتصم يشعر بالاختناق الشديد 
نادرة بخوف : معتصم انا مش قادرة اتنفس 
معتصم وهو يتكلم بصعوبة : ولا انا يلا نرجع احنا كدا هنموت
واثناء حديثة بدأ السلم يهتز وسقطوا إلى اسفل 
نادرة بثقل فى رأسها : معتصم احنا فين 
نادرة بخوف : معتصم انا مش شايفة حاجة قولى احنا فين 
نادرة بدموع وصوت عالى : معتصم يا معتصم 
___________
فى مكان آخر 
معتصم بصوت عالى : نادرة يا نادرة انتى فين يابنتى ردى يا ناااااااااادرة 
كان فى مكان مظلم ولا يرى اى شئ ولكنه كان يتنفس بحرية
----------------------
بدأت نادرة تركز فى المكان وتحاول أن ترى اين هى 
نادرة بدهشة شديدة :....

تكمله البارت الثالث

بدأت نادرة تركز فى المكان وتحاول أن ترى اين هى 
نادرة بدهشة شديدة :اى دا اول مره اشوف قصر بالشكل دا دا شبه قصور الملوك 
ثم استوعبت ما الذى يحدث وفاقت من تلك الصدمة واردفت : اى دا انا ازاى بقيت فى قصر 
وبعدين ايه اللبس اللى لابساه دا انا لابسه لبس خدامين ليه 
كانت ترتدى جيبه سوداء طويله وواسعة وفوقها بليزر نبيتى فضفاض وطرحة بيضاء 
، عندما وضعت يدها على شعرها وجدت ذلك الحجاب الذى يغطى شعرها كاملا ، واستيقظت مره اخرى من شرودها عندما وجدت إمراه خمسينية ترتدى نقاب وجلباب فضفاض اسود وذات عيون زرقاء كزرقة السماء  تتجه إليها وتقول :
يلا يانادرة ادخلى خلصى المواعين وبعدين انتى ايه اللى مقعدك فى الارض كدا احنا مش اتفقنا انك هتنتظمى علشان تعيشى ،الناس مش بترحم بره يابنتى 
نادرة بعصبية : مواعين اى واعيش ايه انتى اكيد اتجننتى انا هنا بعمل اى وانتى مين اصلا 
وبعدين فين معتصم انا عااااايزه معتصم 
سمية  بهدؤ: يابنتى اتكلمى كويس اى الطريقة اللى بتتكلمى بيها دى انتى مالك النهاردة مش مظبوطة خالص 
نادرة بدموع : والله العظيم انا مش فاهمه انتى بتقولى اى انا هنا بعمل اى وفين معتصم ارجوكى جاوبينى 
سمية بحنان : انا هنا صاحبة القصر دا ومش عارفة معتصم مين دا اللى بتتكلمى عنه 
اى يا نادرة انتى تعبانة يابنتى 
نادرة بعدم فهم : انا هنا بعمل اى انا ايه اللى جابنى هنا انا كنت فى النفق من دقايق 
سمية بحنان : اى يابتى انتى نسيتى انتى امبارح جيتى وكان شكلك يصعب على الكافر ولبسك كان مقطع كله وكنتى بتعيطى بطريقة رهيبة واترجتينى اشغلك عندى علشان اهلك طردوكى من البيت 
نادرة بصدمة : انتى بتقولى اى انا معنديش غير تيتا أهل مين اللى طردونى وبعدين انا كنت فى النفق اخر حاجه والله 
سمية بدون فهم : انا مش فاهمه انتى بتقولى اى المهم اتفضلى ادخلى خلصى المواعين علشان زمان جاى دلوقت ومفيش مواعين نضيفه نحط فيها الاكل 
نادرة بعدم فهم: زمان مين 
سمية بضحك : لا انتى شكلك حكايتك حكاية انتى مش فاكره 
دا امبارح فضلتى تقوليلو اتجوزنى يابيه علشان اهلى كانو عايزين يجوزونى ابن عمى فلازم حد يتجوزنى قبل ميعرفو مكانى ويجوزونى غصب 
وزمان كان يحسبك مسيحية من اللبس الغريب اللى كنتى لابساه وشعرك ،سابك ومشى وقالى ياامى اتصرفى معاها وساب البيت خالص ومرجعش من امبارح 
نادرة بصدمة : انا مش فاهمه حاجه حاسه راسى هتفرتك والله 
سمية بهدؤ : يابتى بالله عليكى روحى اغسلى المواعين واعملى بلقمتك علشان متمشيش من هنا وتتبهدلى انتى شكلك امبارح منمتيش كويس او الزعل أثر عليكى 
نادرة بتساءل: طب طب فين المطبخ 
سمية بضحك : انا هعذرك المرداى لأنى مورياكى المطبخ فوق الخمسين مره بس على كل حال هو على ايدك الشمال 
نادرة بدموع : تمام 
ثم دلفت إلى المطبخ وبدأت فى غسل الاطباق والاوانى والاكواب ، كان كم هائل من الاوانى 
وهى لم تعتاد على غسل الاطباق ابدا فكانت جدتها تفعل كل اعمال المنزل وكانت هى كا الملكة فى منزل جدتها ولكن لابد من أخذ حقها من تعب السنين الذى عانت منه جدتها المرأة الثمانينية ولم تشتكى قط من التعب 
"جميعنا سيأتى علينا وقت ، نفعل به ما لم نتوقع فعله من قبل ، فيجب علينا الاستعداد إلى فعل اى شئ فى اى وقت "
ثم أنهت غسل الأواني ، بعد زمن ليس بقليل وكانت فخورة بما فعلته فها هى تلك النادرة التى لم تفعل شئ قط فى المطبخ تغسل اوانى قصر كامل فيا له من إنجاز 
دلفت إمراه ثلاثينية جميله ذات عيون بنية كانت ترتدى جلباب غريب بعض الشئ لونه بنى ويوجد عليه وروود خضراء صغيره وفى الخصر استك "عباية بوسط يا جماعة اللى هى بتاعت زمان خالص دى "
واردفت بجمود: ها خلصتى المواعين 
نادرة بابتسامة : اه 
 عواطف : طيب ياختى مع انى مفهماكيش 
نادرة بعدم فهم : مش فاهمه اى بالظبط.
عواطف بخبث وهى تنظر إلى الأوانى : اى دا انتى خلصتى بسرعه كده 
نادرة بابتسامة انتصار : اه شفتى 
عواطف اخذت تضحك بسخرية وبدأت فى وضع الطعام فى الاطباق واخرجتهم على 
ترابيزه من التراث القديم لونها بنى والمقاعد التابعة لها لونها جملى ذات تراث قديم 
كان يجلس على تلك السفره زمان ووالدته سمية 
واخته نجوى 
عندما نظر زمان الى طبقه أردف :...
google-playkhamsatmostaqltradent