U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

خاتمة رواية قسوة قلبك بقلم هاجر العفيفي - النهاية

   رواية قسوة قلبك الخاتمة بقلم هاجر العفيفي عبر دليل الروايات للقراءة والتحميل pdf 

رواية قسوة قلبك الخاتمة - النهاية

فى المستشفى

كان الجميع واقف أمام غرفة العمليات بقلق وكاميليا كانت منهاره
معاذ جه عند قصي
قصي : ها عملت ايه لقيت ال عمل كده
معاذ باسف : اه القوات ال كانت مأمنه المكان قفشوا الواد ال عمل كده واعترف ان ال قالوا يعمل كده هو هو
قصي : انطق يامعاذ مين
معاذ : منير هاشم
كاميليا سمعت الاسم بصدمه : عمى !
قصي : انت متأكد
معاذ : ايوه الواد هو ال اعترف
كاميليا بدموع : اكيد عمل كده عشان ابنه حسبى الله ونعم الوكيل فيهم
جيانا بحزن : اهدى ياكاميليا لنا نطمن على عمر
كاميليا : يارب يطلع بالسلامه يارب
وفى الوقت ده الدكتور خرج
قصي : خير يادكتور طمنا
الدكتور باسف : للاسف الاصابه خطر جدا ونزف دم كتير ومحتاجين دم ضرورى
قصي بعصبيه : طب ومستنين ايه شوف عندكم فى بنك الدم
الدكتور : اهدا يااستاذ مش كده هو مش بمزاجنا فصيلة دمه نادره جدا
معاذ : ليه فصيلة دمه ايه
الدكتور : O سالب
أمجد مسرع : أنا فصيلة دمى كده
الدكتور : طب كويس اتفضل معانا نعملك فحوصات بسرعه
أمجد راح معاهم بس قصي مسكه من كتفه
قصي : انا مش عارف أقولك ايه
أمجد بابتسامه : احنا أهل متقولش حاجه
وسابه ومشى مع الدكتور
كريمه بقلق : يارب استر يارب

وبعد وقت دخلوا أمجد وأخدوا منوا الدم المناسب لعمر
فى الخارج كانوا منتظرين بقلق كلهم
والدكتور خرح ليهم
الدكتور : الحمد لله لحقنا فى الوقت المناسب
قصي : وأمجد عامل ايه
الدكتور : هو بخير الحمد لله بس ياريت تجبلوا عصير وحاجات زى دى عشان اتبرع بدم كتير
معاذ : هنزل اجيب واجى
قصي : نقدر ندخلهم طيب يادكتور
الدكتور : أستاذ أمجد هيروح أوضه عاديه حاليا وتقدروا تشوفوه لكن استاذ عمر لسه قدامه ساعتين تحت الملاحظه وبعد كده تقدروا تشوفوه
قصي : تمام شكرا ليك يادكتور
الدكتور : العفو عن اذنكم
وسابهم ومشى
كاميليا بدموع : انا عايزه اشوف عمر حالا
ميرا : يابنتى انتى مسمعتيش كلام الدكتور بيقول لسه كمان ساعتين روحى البيت غيرى الفستان ده وتعالى
كاميليا باعتراض : لاء طبعا انا مش همشى من هنا غير لما يفوق واطمن عليه
قصي : سيبيها براحتها ياميرا هى حقها برضوا
ميرا بقلة حيله : ماشى
  • ملحوظة لما تبحث عن الرواية أكتب في جوجل "رواية قسوة قلبك دليل الروايات"
كلهم دخلوا اطمنوا على أمجد وكانت حالته عاديه وبعد مرور ساعتين الدكتور بلغهم ان عمر راح أوضه عاديه بس مينفعش يتكلم كتير مع حد عشان ميحصلش مضاعفات وان مينفعش كلهم يدخلوا مره واحده
كاميليا دخلت أول واحده وراحت قعدت جمبه برفق وهو كان مغمض عينه
كاميليا بدموع وهمس : عمر عمر انت سامعنى ياحبيبى
عمر فتح عينيه ببطئ شديد وتعب
عمر بهمس وتعب : حبيبتى انتى كويسه
كاميليا بابتسامه من وسط دموعها : لاء مش كويسه عشان انت كده
عمر بابتسامه تعب : انا كويس متقلقيش عليا
كاميليا بتذمر طفولى ودموع : كويس ازاى وانت فى مكان زى ده
عمر : معلش النصيب
كاميليا بدموع : انا عارفه ان انا السبب فى كل ال انت فيه ده و
قاطعها عمر بتعب : هشششش مفيش الكلام ده انا قولتلك طول مانتى معايا هضحى بنفسى عشانك فى كل حاجه
كاميليا وطت عليه بخجل وباسته من خده وبعد كده دارت وشها
عمر بذهول : ده بجد
كاميليا كانت ساكته مش بتتكلم
عمر بتعب : لاء ده شكله بجد طب والله حاسس بعد ال عملتيه ده ان نفسى أقوم حالا ونمشى من المستشفى دى
كاميليا بهروب : انت لازم ترتاح الدكتور قال الكلام الكتير مش حلو عشان وانا هخرج ابلغهم انك فوقت عشان قلقانين عليك وخرجت وسابته
عمر ابتسم بتعب وقال : مجنونه وهتجننى معاها

كاميليا خرجت بلغتهم ان هو فاق وكلهم دخلوا يطمنوا عليه
قصي : حمد الله على السلامه يابطل
عمر بتعب : الله يسلمك
معاذ : حمد الله على السلامه ياباشا
عمر : الله يسلمك هو فين أمجد صحيح
قصي : فى الأوضه ال جمبك
عمر بصدمه : حصلوا ايه هو كمان
معاذ : لاء محصلوش هو اتبرعلك بدم كتير ومحتاج يرتاح مش اكتر
عمر بصدمه : ايه ده بجد طب وهو عامل ايه دلوقتى
كريمه : متخافش ياحبيبى هو بخير
عمر : انا متشكر ليكم أووى مش عارف من غيركم كنت هعمل ايه
معاذ : متقولش كده ياض انت
جيانا كانت قاعده على الكرسى مسكت ايد قصي وضغطت عليها جامد
قصي قعد جمبها : مالك ياحبيبتى حاسه بحاجه
جيانا بتعب : مغص شديد أووى ياقصي مش قادره حاسه ان هولد دلوقتى
قصي : مش يمكن تهيؤات زى ال بتحصلك كل يوم دى
جيانا والتعب ابتدا يشتد عليها : لاااء ده وجع اكتر
كاميليا : انتى لسه فى السابع ياجيانا صح
جيانا بتعب : صح بس مش قادره ااااااااه
كريمه : الحق ياقصي شكلها بتولد بجد يابنى
قصي بخوف وقلق : حاضر حاضر وشالها بالراحه وخرج من الاوضه وكلهم خرجوا وراه
وجيانا كانت بتصرخ جاامد
جيانا بتعب وصراخ : اااااااااه ياماااااااماااااااا الحقوووونى
قصي بخوف : اهدى ياحبيبتى بس ووصل بيها عند غرفة الكشف الخاصه بالدكتوره
دخلت الدكتوره كشفت عليها وخرجت بلغتهم ان هى خلاص بتولد وهيدخلوها العمليات دلوقتى
جيانا بصراخ : لااااااااء انت هتسيبنى معااهم مش عايزه أولد
قصي : طب انا ذنبى ايه بس ادخل معاكى ازااى
جيانا بتعب وصراخ : انت سبب المصايب امشى من هنااااااا
قصي بصلها بصدمه
كلهم كتموا ضحكتهم على جيانا
كريمه راحت عنده : معلش ياحبيبى هى مش قصدها هى بس تعبانه
قصي بقلق : انا عارف والله بس انا خايف عليها أووى
جيانا بصراخ : انتوا لسه بتتكلموا شوفوا الزفته الدكتوره دى فييييييين
معاذ بصدمه : الحق مراتك هنطرد من المستشفى بسببها
جيانا : امشوا من هنا كلكم مش عايزه حد تعالى انتى ياماما وانت ياقصي طلقنى دلوقتى يلا ااااااااااااه
قصي : لاء انتى اتجننتى رسمى فعلا انا هاروح اشوف الدكتوره قبل ماتشتمنا كلنا وراح يشوف الدكتوره
جيانا : فييين مدير المستشفى الحيواان ال هنا ال مشغل عنده ناس مبتفهمش حد يلحقنى بقاااا
ريتال : ههههههههههه
معاذ : اضحكى اضحكى دى بتشتم مدير المستشفى عندها قوه مش عندى
ريتال : اسكت لتضربك انت كمان
معاذ : لاء وعلى ايه سكت أهو
ريتال : ههههههه
جيانا بدموع : انتو سيبنى كده ليه فرحانين فيا صح فين الدكتوره الزفته دى رااااحت فين
كريمه : يابنتى اهدى هى أكيد بتجهز وجايه
جيانا : مش قاااادره بقااا اااااه
فى الوقت ده الدكتوره جت والممرضين جهم اخدوا جيانا ودخلوها غرفة العمليات
وقفوا كلهم منتظرين فى قلق وقصي كان هيتجن
وبعد انتظار ساعتين
قصي راح عند كريمه
قصي بقلق : هى اتأخرت ليه كده جوه
كريمه : متخافش يابنى ان شاء الله خير
وفى الوقت ده سمعه صوت بكاء بيبى
الكل فرح جدا
والممرضه خرجت وقالت ليهم بابتسامه : مبروك البنوته قمر
قصي بفرح : طب وجيانا عامله ايه
الممرضه : المدام زى الفل وهتروح أوضه عاديه تقدروا تدخلولها
قصي : انا متشكر جدا وطلع من جيبه بعض النقود واعطاها لها
وبعد وقت الجميع اتجمع عند جيانا جوه وهى كانت لسه نايمه اثر البنج وكان قصي قاعد جمبها وماسك ايدها وبعد وقت ابتدت تفتح عينيها ببطئ وتتعب
جيانا بتعب واستغراب : أنا فين
قصي : هى الولاده أثرت على الذاكره
جيانا : اه صح افتكرت ان كنت بولد فين بقا
قصي : فين ايه
جيانا بتعب : فين البيبى
قصي : اها الممرضه هتجيبها دلوقتى ياحبيبتى المهم انتى عامله ايه دلوقتى
جيانا : تعبانه شويه
كريمه : حمد على السلامه ياحبيبتى
جيانا : الله يسلمك ياماما
والجميع كلهم اطمنوا عليها وفيه منهم ال فضل معاها وال طلع يشوف عمر وأمجد
جيانا بصت لكاميليا : يابنتى انتى لسه بالفستان روحى غيرى
كاميليا : حاضر بس هطلع اشوف عمر الاول
جيانا : اوك
قصي : انتى مش فاكره انتى عملتى ايه صح
جيانا باستغراب : عملت ايه
معاذ : ماشاء الله هزقتى كرامة الدكتورة ومدير المستشفى واحمدى ربنا ان مطردوناش
جيانا بدهشه : مين دى انا !
قصي : اممم وكنتى عايزه تتطلقى كمان
جيانا بدهشه أكبر : ده أنا !!
ريتال : هههههههه حرام عليكم هى مكنش قصدها وهى مش فاكره حاجه متفكروهاش
معاذ : مين يشهد للعروسه
جيانا بصتلهم باحراج وسكتت
ميرا : كسفتوها بس بقا
وفى الوقت ده دخلت الممرضه وكانت شايله البنت واديتها لقصي البنت كانت تشبه قصي الى حد ما لكن واخده عيون جيانا رمادى
اخدها منها بابتسامه وفرحه عارمه وضمها برفق
وبعد كده ميرا اخدتها منه وباستها بحب والكل شالها وشافها وباسها
جيانا بتذمر : عايزه اشوف
قصي : ههههه هى عروسه خدى وادهالها
جيانا شالتها بحب وحضنتها جامد
جيانا بابتسامه : عارف ايه احلى حاجه
قصي بابتسامه : ايه هى
جيانا : انها شبهك أووى
قصي : بس انا زعلت عشان هى مش شبهك انتى بس هى واخده عيونك
ميرا بمرح : خلاص ياجماعه هى شبهى انا
الجميع ضحك على كلامها
معاذ : هتسموها ايه بقا
جيانا : انا بقول ريماس حلو
قصي باعجاب : ريماس قصي الجارحى حلو منك ياحبيبتى
ريتال : ربنا يخليها ليكم يارب
قصي وجيانا :ربنا يخليكى
كريمه : هاتو حفيدتى بقا
قصي : ههههه خدى طبعا ياماما
وادوها ليها اخدتها وقعدت تبصلها بحب

انتهى اليوم ده بعد تعب من الجميع وكل واحد روح بيته يرتاح ماعدا قصي وكريمه فضلوا مع جيانا
وكاميليا روحت تغير الفستان ورجعت تانى لعمر
***
بعد مرور اسبوعين

عمر خرج من المستشفى وحالته اتحسنت وكاميليا كانت دايما معاه وعم كاميليا اتحبس بتهمة الشروع فى قتل عمر
وجيانا كانت رجعت بيتها ووالدتها كانت دايما معاها

فى فيلا قصي

جيانا بدموع : انتى بتعيطى ليه دلوقتى طب اعملك ايه زعلانه منى
قصي دخل عليهم كانو الاتنين بيعيطوا
قصي : ياخبر مالك انتى وهى بتعيطوا ليه
جيانا بدموع : أنا مش عارفه هى بتعيط ليه
قصي : هى بتعيط من امتى
جيانا : من خمس دقايق
قصي : خمس دقايق وبتعيطى حرام عليكى
خضتينى هى بتعيط كأى طفله عادى
جيانا مسحت دموعها : يعنى عادى
قصي : اه عادى يخربيت جنانك
جيانا : كنت فين
قصي : فى الشغل ياحبيبتى
جيانا : ومين هيقف مع العمال بتوع الحفله
قصي : أنا دى حفلة خطوبة أختى يابنتى
جيانا : ماشى
قصي : هتخلى ريماس مع مين النهارده
جيانا : مع الداده
قصي : اوك
***
فى المساء

اتجمع الناس فى جنينة الفيلا وكان الكل موجود بدون استثناء وابتدت مراسم الخطوبه
أمجد : مبروك ياميرو
ميرا بابتسامه : الله يبارك فيك

وفى الوقت ده اشتغلت أغنيه (بيت كبير)تامر عاشور
وقصي أخد جيانا ومعاذ وريتال وعمر وكاميليا وأمجد وميرا وابتدوا فى الرقص الهدى
الكلمات

انت يالى خدت قلبى
من الزمن ومن ال فيه
خدت قلبى لدنيا تانيه
أحلى من ال حلمت بيه
أحلى عمر أنا عشته جمبك
والحنان عندك كتير
هو فى كده زى قلبك
لسه فيه فى الدنيا خير

عمرى ماانسى انا قبلك كنت فى ايه
ومعاك بقيت أنا ايه
أنا باقى ليك ولحد ماعمرى
ينتهى هفضل ياحبيبى معاك
وهعيش واموت بهواك
أنا ليا مين غيرك حبيب عمرى

عمرى ماانسى انا قبلك كنت فى ايه
ومعاك بقيت أنا ايه
أنا باقى ليك ولحد ماعمرى
ينتهى هفضل ياحبيبى معاك
وهعيش واموت بهواك
أنا ليا مين غيرك حبيب عمرى

عمرى ماانسى انا قبلك كنت فى ايه
ومعاك بقيت أنا ايه
أنا باقى ليك ولحد ماعمرى
ينتهى هفضل ياحبيبى معاك
وهعيش واموت بهواك
أنا ليا مين غيرك حبيب عمرى
والرقصه خلصت وكان الكل سعيد ومبسوط جدا وكلهم متجمعين وعاشوا فى سعاده دائمه
تمت
  • الرواية الجديدة للكاتبة هاجر العفيفي أضغط هنا
قد يعجبك أيضا
الاسمبريد إلكترونيرسالة