U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية قسوة قلبك الفصل الثاني والأربعون والأخير - هاجر العفيفي

  رواية قسوة قلبك البارت الثاني والأربعون 42 والأخير بقلم هاجر العفيفي

رواية قسوة قلبك الفصل الثاني والأربعون 42

بعد مرور شهرين على أبطالنا

كانوا نفذوا وصية محمود وميرا كانت بتحاول ترجع لطبيعتها تانى بس بصعوبه وأمجد كان بيحاول يقرب منها أكتر فى الفتره دى وطلب ايدها من قصي رسمى وهو وافق بس لسه مش قالولها الا لما حالتها تتحسن وترجع لطبيعتها
جيانا خلاص قربت تولد والحمل تاعبها جدا وقصي بيحاول يخفف عنها عشان متتعبش اكتر
معاذ وريتال طبعا عايشين فى سعاده وريتال بقت حامل هى كمان فى اسبوع
كاميليا وعمر مستنين فتره تعدى على موت والد قصي عشان يعملوا فرحهم

فى احدى الايام

فى قسم الشرطه

فى مكتب قصي

قصي : ها هتعمل الفرح امتى وفين
عمر : امتى والله لسه مش عارف لكن فين هعملوا فى الفندق ال عمل فيه معاذ
قصي باستغراب : وليه محددتوش معاد الفرح
عمر : كاميليا بتقولى لما جيانا تولد عشان تطمن عليها الاول
قصي : بس جيانا لسه فى السابع يعنى قدامها شهرين كمان
عمر : قول والله
قصي : اه والله
عمر بغيظ : وهى بتثبتنى وتقولى كلها اسابيع ماشى ياكاميليا ام اشوفك
قصي : ههههههه مش يمكن خايفه منك ياض انت
عمر : ليه ياخويا هو انا بخوف
قصي : اهو بقا هما بيخافوا وخلاص حتى جيانا كانت من أول ماعرفتها وهى بتخاف منى لحد ماعودتها على انها لو خافت من أى حد فى الدنيا متخافش منى أنا
عمر بتفكير : تفتكر
قصي : كلمها براحه خليها تحس بامان اكتر معاك
عمر : والله بحاول ياقصي على قد ماقدر
قصي : ربنا يسعدكم ويلا ياض روح اقنعها على ميعاد الفرح
عمر قام وقف : ااه طبعا هروح مروحش ليه يلا سلام وسابه وخرج
قصي : هههههههه والله مجنون

بقلم هاجر العفيفي

فى فيلا قصي

جيانا كانت بتكلم كاميليا فى الفون
جيانا : خليكى أجلى أجلى لحد الواد مايضيع منك
كاميليا بتوتر : ياجيانا انا مستنيه اطمن عليكى وبعد كده نحدد
جيانا : عليا انا يابت انا ياستى مش ناويه اولد دلوقتى براحتى هتفضلى مستنيانى برضوا
كاميليا بارتباك : ا اه
جيانا : كتك أوا ممكن مسمعش رايك تانى
كاميليا بتذمر : ياجيانا افهمينى
جيانا : بت انتى متشلنيش والنبى انتى لما عمر يفاتحك وافقى على أى ميعاد من غير كلام كتير
كاميليا : ياجيانا انا خايفه عمر يمنعنى ان اشتغل
جيانا : انتى سالتيه ورفض
كاميليا : لاء
جيانا : خلاص بتخمنى ليه انتى من دماغك
كاميليا : خلاص متتعصبيش عشان ال فى بطنك انا هتصرف
جيانا : مش مرتاحه انك هتتصرفى بس ام اشوف هتنيلى ايه
كاميليا : سيبك منى انا بقا ياجوجو قصي عامل معاكى ايه
جيانا بحب : والله يابنتى انا مشوفتش فى حبه وحنانه ده قبل كده
كاميليا : زيدى يازيدى وايه كمان
جيانا : بت اتلمى المهم ان حاسه ان تعبته الفتره دى أووى
كاميليا باستغراب : ازاى يعنى
جيانا : كل شويه اصحيه بليل واقوله الحقنى هولد يقوم يتخض ويجيب دكتور وفى الاخر الدكتور يقول دى تهيؤات ده هى لسه بدرى ويخلينى شكلى قلقاسه قدامه
كاميليا : هههههههههه والله انتى مصيبه
جيانا : اضحكى اضحكى ياختى بكره تشوفى ال انا شايفاه ده
كاميليا : بعد الشر ياختى عليا
جيانا : كاميليا غورى بدل ماقفل فى وشك
كاميليا بضحك : خلاص خلاص ياابو صلاح مش كده سلام يامزه
جيانا : سلام
***
كاميليا قفلت مع جيانا ولقت فونها بيرن برقم عمر ردت بتوتر
كاميليا : أ الو ياعمر
عمر : ايه ياحبيبتى انتى فين
كاميليا : فى البيت
عمر : طيب ممكن تقولى لطنط ان انا جاى النهارده بليل
كاميليا بصدمه : جاى ليه قصدى يوووه
عمر : اتجننتى الحمد لله
كاميليا بتزمر : اصبر بقا اتلغبطت
عمر : هههههه احسن انا مش باخد اذنك ياقطه انا بس بقولك تبلغيهم سلام ياقطتى الجميله وقفل معاها
كاميليا بصدمه : احيييه جاى فين وقطته مين يلهوووى ال خايفه منه هيحصل هيجى يحطنى قدام الأمر الواقع ابن الجزمه ياختااااى
كريمه دخلت عليها لقتها بتكلم نفسها
كريمه باستغراب : سلامة عقلك يابنتى انتى بتكلمى نفسك
كاميليا ببلاهه : ها
كريمه : مالك يابت
كاميليا بارتباك : ولا حاجه ولا حاجه
كريمه : متاكده
كاميليا : ا ا ه طبعا بقولك ياماما عمر جاى النهارده
كريمه : ينور يابنتى فى أى وقت ده بيته
كاميليا بصوت واطى : ينور ايه ده مش ناوى خير ياختااااى
كريمه : لاء بقا انتى بتكلمى نفسك
كاميليا : متركزيش معايا ياست الكل
كريمه : ههههه ماشى هخرج اشوف ال ورايا
كاميليا : وانا هصلى واجى اساعدك
كريمه : ماشى ياحبيبتى
وخرجت وسابتها

فى المساء

جه عمر واستقبلوا أمجد وكريمه وهو دخل وكان بيبحث عنها فى المكان
أمجد : نورت ياعمر باشا والله
عمر : بنورك بس بلاش باشا دى احنا نسايب واخوات
أمجد بابتسامه : ماشى ياعمر
كريمه : اتفضل يابنى العشا جاهز
عمر : والله ياطنط انا بشتاق لأكلك جدا والله بجد تسلم ايديكى ربنا يديكى الصحه والعافيه
كريمه : ربنا يحفظك ياحبيبى بالهنا والشفا

كلهم دخلوا اتناولوا الطعام وكاميليا خرجت وقعدت معاهم وكانت بتتهرب من نظراته ليها وخلصوا وراحوا الصالون وكاميليا جابتلهم الشاى ليهم وخرجت بره مع كريمه
وبعد وقت خرج لأمجد وعمر ليهم
أمجد : مبروك ياكوكى فرحكم ان شاء الله الخميس الجاى
كاميليا بصدمه : مين !
عمر بصلها بخبث
كريمه : مبروك ياحبيبة قلبى ربنا يتمملك على خير يارب
عمر راح عندها وهى واقفه مصدومه وبهمس : مبروك ياقطتى الجميله
كاميليا بصتله وهى متنحه ومش بتتكلم
كريمه : مالك يابنتى تنحتى ليه كده
كاميليا : ها
عمر : تلاقيها مبسوطه من الفرحه بس يلا بقا سلام عليكم عايزين حاجه
كريمه : لسه بدرى ياحبيبى
عمر : تسلمى ياطنط كده حلو أووى
أمجد راح وصلوا وكاميليا دخلت أوضتها وكريمه دخلت تصلى
***
عدت الايام وجه ميعاد الفرح يوم الخميس

الكل كان بيستعد ليه
معاذ : ايه يابنى خيلتنى اتهد شويه
عمر : يابنى انا مش عارف ليه مش راضين يخلونى ادخلها
معاذ : احسن اتذل زى مانا اتذليت
عمر : غور ياض انت من وشى عشان متعصبش عليك
معاذ : خلاص ياعم هتاكلنا سكت أهو
فى الوقت ده قصي دخل
قصي : مبروك يلا ربنا يتمم على خير
عمر : الله يبارك فيك بقولك هى خلصت
قصي : مش عارف جيانا معاها جوه وميرا وريتال ومحدش فيهم خرج
معاذ : اموت واعرف بيعملوا ايه فى الوقت ده ممكن يكونوا بيسخنوها عليك ياض ياعمر
عمر : لااااء هى والعه لوحدها مش محتاجه روح شوف مراتك انت وهو
قصي : طب يلا ياخويا عشان الناس جت تحت
عمر : يلا
وخرجوا التلاته وراحوا عند أوضة البنات وعمر خبط
خرجت ميرا : نعم
عمر : نعم ايه انا ليا عروسه عندكم
ميرا بتذكر : اااه اااه افتكرت ثانيه واحده ودخلت تانى
عمر : والنبى
معاذ : هههههه يلا يابابا من هنا ربنا يسهلك
عمر بغيظ : هو انا بشحت
قصي : اممم حاجه زى كده
أمجد عندهم
أمجد : ايه مالكم واقفين كده ليه
عمر : ست كاميليا مش راضيه تخرج
أمجد : طب انزل وانا هنزل اجبهالك مانا يابنى ولى أمرها
عمر بحذر : ماشى بس اياك تمسك ايدها حتى
أمجد : يابنى هو انا هخطبها انا هسلمهالك مش أكتر وبعدين يابابا انا عندى ميرا حبيبتى
قصي : ماتتلم ياض أخوها ال هو انا واقف
أمجد رفع ايده : احنا اسفين ياباشا

فى الغرفه عند البنات
جيانا بحزن : كاميليا مينفعش كده الميكب كله باظ من العياط ده
كاميليا بدموع : كان نفسى يبقا معايا بابا ياجيانا فى يوم زى ده
جيانا : معلش ياحبيبتى هو فى مكان أحسن من ده اكيد واكيد شايفك وفرحان بيكى يلا ياحبيبتى متبوظيش فرحتك
ريتال : معلش ياحبيبتى هو احساس صعب بس لازم تتعديه قومى يلا عشان الناس وصلت تحت
أمجد خبط عليهم
ميرا : ياختااى أنا نسيت صحيح عمر بره ومستنيكى
كاميليا : مش عايزه اخرج
جيانا : يلا ياهبله ريتال بعد اذنك ظبطيلها الميكب ال بوظته ده
ريتال : حاضر
ميرا راحت فتح لأمجد
ميرا باستغراب : أمجد أومال فين عمر
أمجد : مستنى تحت فين كاميليا يلا عشان انزلهاله
كاميليا : انا اهو يا أمجد
أمجد : طب يلا واخدها ونزلوا
وميرا وجيانا وريتال نزلوا وراهم
ونزل سلمها لعمر فى القاعه وعمر باس جبينها واخدها وراحوا المكان المخصص للعروسين

قصي اخد جيانا وجلسوا على احدى الترابيزات
قصي : مالك ياحبيبتى فيكى حاجه
جيانا بتعب تحاول تداريه : مفيش ياقصي أنا كويسه
قصي : متأكده
جيانا : اه طبعا

عند عمر وكاميليا

عمر : مبروك ياكوكى
كاميليا بخجل : الله يبارك فيك
عمر : شكلك مش مبسوطه مالك ياحبيبتى
كاميليا بحزن : كان نفسى بابا يكون موجود دلوقتى معايا كان وجوده هيفرق
عمر : ربنا يرحمه ياحبيبتى انا معاكى أهو هكون ليكى زوج واخ وحبيب وصاحب واب وكل حاجه فى الدنيا
كاميليا بصتله بحب : بجد ياعمر
عمر : بجد ياقلب عمر

عند معاذ وريتال

معاذ : فاكره يوم فرحنا ياتوتا
ريتال : اه طبعا هو ده يوم يتنسى
معاذ : ماتيجى نعمل فرح تانى النهارده
ريتال بضحك : هههههههه بس يامجنون
معاذ بحب : مجنون بيكى ياقلبى

عدى وقت وكان الفرح ماشى كويس وجت وقت رقصة السلو والدى جى طلب من كل Coples يجوا يرقصوا مع العرسان وبالفعل اشتغلت الأغنيه
بس للاسف تأتى الرياح بما لاتشتهى السفن
فجأه فى ضرب نار اشتغل فى المكان ورصاصه خرجت استقرت بجسد عمر
والجميع اتصدم واتجمد مكانه

يتبع
قد يعجبك أيضا
الاسمبريد إلكترونيرسالة