U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية قسوة قلبك الفصل 38 الثامن والثلاثون - هاجر العفيفي

   رواية قسوة قلبك البارت الثامن والثلاثون 38 بقلم هاجر العفيفي عبر دليل الروايات للقراءة والتحميل pdf

رواية قسوة قلبك الفصل الثامن والثلاثون 38

فى المستشفى

عند أمجد وصل قصي ومعاه جيانا وميرا وطلعوا عشان يطمنوا على أمجد دخلوا الغرفه ال هو فيها كان معاه كريمه وكاميليا
جيانا راحت عنده بلهفه : حبيبى عامل ايه دلوقتى
أمجد بتعب : الحمد لله ياحبيبتى بقيت أحسن وبص لقصي
أمحد بتعب : حمد الله على السلامه ياقصي باشا كويس انك رجعت بخير
قصي : الله يسلمك وياريت بلاش باشا دى احنا نسايب ومش عايزين فرق بينا
أمجد استغرب من معاملته دى بس فرح جدا وكانت عنيه مركزه على ميرا :طبعا مفيش فرق
كريمه : ايه عامله ايه النهارده ياجيانا يابنتى
جيانا : الحمد لله بقيت احسن طول ماانتم بخير قدامى
كاميليا : عن أذنكم هخرج أجيب حاجه واجى
الجميع : اتفضلى
ميرا بتوتر : ح حمد الله على السلامه يا أمجد
أمجد بحب : الله يسلمك يا أنسه ميرا
ميرا خجلت ومسكت فونها عشان تحاول تبعد نظراتها عنه

فى الخارج عند كاميليا نزلت الكافتيريا بتاعة المستشفى تاخد نسكافيه عشان حست بصداع جامد وفى الوقت ده دخل عندها عمر
عمر بابتسامه : وحشتينى
كاميليا بخضه : عمر ! انت جيت امتى وعرفت منين ان انا هنا
عمر بابتسامه : كنت داخل المستشفى لمحتك داخله هنا جيت وراكى
كاميليا بتفهم : اها
عمر جلس قدامها : ايه مش هتقوليلى وحشتنى ياعمورى أى حاجه كده
كاميليا بكسوف : عمر بس
عمر : عيونه ايه يابنتى حرام عليكى كلمه واحده حلوه كده
كاميليا بخجل : عايز ايه يعنى
عمر : عايز أخدك ونهرب ايه رايك
كاميليا بصدمه : ايه !
عمر : هههههههههههه فكره مش كده
كاميليا : لاء طبعا انت بتقول ايه
عمر : بهزر يابت بس والله ده ال هيحصل أول مانتجوز هاخدك ونهرب بعييييد
كاميليا بعند : لاء
عمر بضحك : ههههههه ايه ال لاء بطلى عند عشان معملهاش دلوقتى
كامليا باعتراض : لاء طبعا هبلغ عنك الحكومه
عمر بغرور : أنا الحكومه يابنتى
كاميليا : لاء عادى هبلغ برضوا
عمر بخبث : واهون عليكى ياكامى
كاميليا بارتباك : ها ا اه لاء
عمر : هههههه اه ولا لاء
كاميليا : عمر انا طالعه فوق عشان ميقلقوش عليا
عمر : بصى اهربى براحتك بس مش كتير ياروحى
كاميليا بصتله بابتسامه متوتره وسابته وطلعت بسرعه
عمر : هههههههههه والله مجنونه بس بحبك
***
فى الاعلى

خرج قصي من الغرفه يعمل شوية مكالمات وكريمه اخدت جيانا عشان تتكلم معاها شويه
مكانش فيه فى الأوضه غير أمجد وميرا
أمجد بتعب : أنا مبسوط أووى انك جيتى النهارده
ميرا بتوتر : أنا جيت اطمن عليك يارب تكون بقيت احسن
أمجد : لما شوفتك بقيت أحسن بكتيير
ميرا سكتت بخجل
وفى الوقت ده الباب خبط ودخلت كاميليا
كاميليا : ميرا قصي بيقولك يلا عشان لو هيوصلك قبل مايروح الشغل
ميرا : وجيانا هتمشى
كاميليا : اعتقد لاء هو هيجى ياخدها بليل
ميرا : قوليلوا ان هفضل معاها ولا اقولك انا هخرج اقولوا وخرجت معاها
أمجد ابتسم لانه حس ان ميرا ابتدت تحبه غمض عينه بتعب

بقلم هاجر العفيفي

بعد مرور شهر

كان أمجد رجع بيته تانى وصحته بقت أحسن وكانت ميرا بتكلمه ساعات وهو كان بيفرح بده
وعمر كان دايما يكلم كاميليا ويفضل يشاكس فيها وكان نفسه يجى اليوم ال يتجمعوا فيه مع بعض فى بيت واحد
وقصي كان دايما بيحاول يسعد جيانا بأى شكل ويعوضها عن كل ال شافته بسببه
معاذ وريتال كانوا بيجهزوا لفرحهم عشان هيكون بعد امتحانات ريتال علطول
ميرا كانت بتحاول تدى نفسها فرصه تانيه مع امجد ونسيت شادى تماما

فى احدى الايام

فى فيلا الجارحى

فى غرفة قصي
كانت جيانا نايمه وهو جمبها وكان بيتأمل ملامحها الجميله بحب
قصي بحب : جوجو حبيبتى اصحى بقا
جيانا بنعاس : سيبنى والنبى ياقصي تعبانه جدا ومحتاجه انااام
قصي بابتسامه : مبقتيش تبطلى نوم بتوحشينى هو ده أثر حمل صح
جيانا بنوم : حاجه زى كده سيبنى انام بس وهصحى كمان شويه
قصي : هههههههههه طب والله عملك مفاجأه قومى بقا بطلى غلاسه وبخبث ولا اروح اديها لحد تانى
جيانا اعتدلت فى نومتها بنعاس : حد تانى مين لاء انا صحيت أهو
قصي بمكر : دلوقتى صحيتى طب مش هقولك
جيانا بتذمر : قول بقا
قصي : خلاص ياقلبى يلا قومى اجهزى عشان نخرج
جيانا : طب والمفاجأه
قصي : ماهى المفاجأه لما نخرج قومى بقا
جيانا : حاضر
وقامت بدلت ملابسها وجهزت كان قصي هو كمان جاهز واخدها ونزلوا ركبوا العربيه وقصي شغلها ومشى
وبعد وقت وصل قصي عند مكان هادى جدا بس شكله روعه وكمان أجواء جميله وأشجار وزهور من كل ناحيه
جيانا باستغراب : احنا فين انا مش فاهمه حاجه
قصي : اصبرى بس وانتى هتفهمى كل حاجه
جيانا سكتت وهى مازالت مستغربه لحد ماوصلوا قدام بوابة فيلا كبيره وفتحوا الحرس للعربيه وقصي دخل بالعربيه ركنها ونزل فتحلها الباب ومدلها ايده
جيانا مسكت ايده ونزلت براحه وبعد كده دخلوا داخل الفيلا دى
جيانا : لاء بقا استنا كده احنا هنا ليه جايين نزور حد صح
قصي : ههههههه ده انتى مشكله هنزور مين يعنى ماهى دى المفاجأه
جيانا بعدم استوعاب : مفاجأة ايه فهمنى
قصي : يابنتى الفيلا ال انتى فيها دى هى المفاجأة دى مملكتك الجديده ايه رايك
جيانا بصدمه : الفيلا دى بتاعتنا احنا ازاى
قصي : عايز اعرف ايه ال مش مفهوم فى كلامى بصى ياحبيبتى أنا جايبلك الفيلا دى عشانك انتى وجودنا فى الفيلا بتاعت بابا كان وجود مؤقت لحد مالفيلا دى تجهز
جيانا بدهشه : انت عملت ده كله امتى
قصي رفع ياقة قميصه بغرور : يابنتى أنا قصي الجارحى يعنى متقدريش تتوقعينى
جيانا : أنا فعلا لسه مش متوقعه عملت ده كله امتى
قصي : امممم من ساعة ماتجوزنا تقريبا وانا بجهز فيها وجه الوقت ال تشوفيها بقا وتيجى تنوريها
جيانا نطت بفرحه وحضنته
قصي : هههههههه الله يخربيتك يابت اتهدى النطه دى غلط انتى نسيتى انك حامل
جيانا بفرحه : أنا مبسوطه مبسوطه أوووى ياحبيبى انت عملت ده كله عشانى
قصي بحب : واعمل أى حاجه فى الدنيا عشان خاطر عيونك واشوفك مبسوطه
جيانا بتردد : ب بس انا بخاف أقعد لوحدى فى أماكن كبيره زى دى
قصي بابتسامه : وانا عامل حساب كده ياقلبى المفاجأه رقم اتنين ان عامل جناح خاص فى الفيلا لوالدتك وأخوكى وكاميليا عشان يجوا يعيشوا معاكى هنا
جيانا بذهول وفرحه : بجد
قصي : أه بجد والله
جيانا بدموع : انا مش عارفه أقولك ايه بجد أنا عاجزه عن الكلام
قصي بحب : ياحبيبتى أنا مش محتاج منك كلام المهم ان شايف ابتسامتك وفرحتك دول أغلى حاجه فى الدنيا وبالمناسبه دى بقا الهانم ال نسيت امتحانتها انا جبتلك كل حاجه تخص السنه دى عشان دى أخر سنه هتضيعيها كده وخلاص الامتحانات فاضل عليها اسبوعين تقريبا تقدرى تذاكرى وتستعدى
جيانا بتذكر : أوووبس نسيت خالص هلحق
قصي قرب منها وضمها : هتلحقى ان شاء الله طول مانا معاكى ويلا بقا عشان نروح نتغدا بره
جيانا بابتسامه : يلا
وخرجوا الاتنين ركبوا عربيتهم وراحوا على أكبر مطعم عشان يتناولوا الغداء
***
عند ريتال ومعاذ

معاذ : أخيرا هنتجوز يااااه ده انا هموت من الفرح
ريتال : بعد الشر ايه لسه اسبوعين
معاذ : هيعدوا عليا اكنهم سنتين
ريتال : معاذ متأفورش أووى كده هيخلصوا بسرعه
معاذ : بصى ياقلبى بالنسبه للسبع سنين ال قعدت فيهم مستنى دول خلونى عايز الوقت ده يطير
ريتال : يعنى ال خلاك تستنا سبع سنين مش قادر تستنا اسبوعين
معاذ : بت انتى انتى مش بتحبينى
ريتال بخجل : طبعا
معاذ : طبعا ايه كملى
ريتال : طبعا بحبك
معاذ : كده كتير عليا ابو الهول نطق ياجدعان
ريتال بغيظ : انا ابو الهول طب انا ماشيه
معاذ مسك ايدها
معاذ : اهدى يابت بهزر معاكى
ريتال بتذمر : انا غلطانه ان قولتلك كلمه حلوه
معاذ : لاااااء والنبى خلاص وبغمزه قولى ال انتى عايزاه ياقمر
ريتال بصت للأرض بكسوف
معاذ : المهم خلصتى كل حاجه صح
ريتال : اه بس يامعاذ الفيلا كبيره أووى مش هقدر أقوم بيها لوحدى
معاذ : يابت مانا هجبلك شغالين
ريتال : ااااه قول كده عايز تجيب شغالين بنات وافضل الف حوالين نفسى وكل شويه أقفشكم فى المطبخ و
قاطعها معاذ بصدمه : بااااااس ايه ده كله مين قالك كده انا هجيب ناس كبيره وبعدين انا مقدرش ابص لحد غيرك ياهبله
ريتال : بس متقولش هبله بس وبعدين ايه لازمة الفيلا ماكنت تجيب شقه كبيره شويه
معاذ : انتى يابنتى محبطه يعنى أنا بقالى أكتر من كام سنه بجهز فيها عشان يبقا الحاجه ال اتجمعنا وابسطك تقوليلى كده
ريتال : يامعاذ مش قصدى أنا قصدى منكونش مسرفين عشان ده بيت هيتفتح ومسئوليه
معاذ بابتسامه : متقلقيش ياحبيبتى أنا عامل حسابى كويس وان شاء الله طول مانا معاكى مفيش أى حاجه هتحصل تزعلك
ريتال ابتسمت على كلامه هى فعلا مش بترتاح غير لما هو بيطمنها من كل شئ بتحس ان هو أمانها فعلا
ريتال : طب يلا عشان توصلنى عشان متأخرش وورايا مذاكره
معاذ : ماشى يلا ياقلبى
وقام دفع الحساب ومشيوا راح وصلها وبعد كده طلع على شغله
  • ملحوظة الرواية كاملة أكتب في جوجل "رواية قسوة قلبك دليل الروايات"
فى فيلا الجارحى

فى غرفة ميرا كانت بتكلم أمجد فى الفون
ميرا : مش عارفه يا أمجد والله هينفع ولا لاء
أمجد : هو ممكن يكون صعب فى الاول بس بعد كده عادى
ميرا : يعنى انت هتحاول معاه
أمجد : أنا هكلم جيانا الاول عشان تمهد ليه الموضوع بعد كده أنا هكلمه
ميرا : ماشى ربنا يستر
أمجد : بس بجد قولى الصراحه انتى حبتينى بجد
ميرا بتوتر : ل ليه السؤال ده حاليا
أمجد : ياريت تجاوبينى عليه ياميرا هيفرق معايا كتير
ميرا : بص يا أمجد أنا بعد ال شوفته مع الزفت شادى كنت قررت ان مش هفتح قلبى تانى لحد لكن لما شوفتك ولقيت معاملتك معايا وطريقتك حسيت بفرق كتير حسيت انك بتحبنى فعلا ولما عرفت انك متصاب فى المستشفى حسيت بقلبى أتقبض جدا ومرتحتش غير لما شوفتك كويس ولو انا مش بحبك مكنتش وافقت انك تكلم قصي على موضوعنا
أمجد بفرحه : بجد ياميرا كلامك ده فرحنى أووى وانا والله مش هندمك انك فتحتى قلبك من جديد هاخليكى أسعد واحده فى الدنيا محدش فينا بيتعلم بسهوله وكل واحد ليه تجربه علمته فى الدنيا
ميرا : يارب يا أمجد نكون أحنا العوض لبعض عن ال فات
أمجد : ان شاء الله ياحبيبتى
ميرا : طب أنا هقفل دلوقتى عشان هاعمل شوية حاجات وهاكلمك تانى
أمجد : اوك انا هكلمك بليل
ميرا : ماشى مع السلامه
أمجد : سلام
ميرا قفلت الفون وحضنته بفرحه حست ان ده العوض فعلا
***
فى المساء

عند قصي وجيانا

كانوا اتناولوا الغداء وخرجوا يتمشوا بالعربيه فى أماكن هاديه مده طويله
قصي بابتسامه :مبسوطه ياحبيبتى
جيانا بفرحه : طبعا ياحبيبى طول مانا معاك مبسوطه دايما
قصي : تحبى أشغلك أغنيه حلوه كده زيك
جيانا بابتسامه : تؤتؤ أنا ال هشغلك المره دى على ذوقى
قصي بحب : ماشى ورينى كده
جيانا مسكت فونها ووصلته بالعربيه وشغلت اغنيه من عليه وكانت الاغنيه ل نداء شراره
(حبيتك بالتلاته) كلماتها

مالى حاسه بارتباك وبحاله مش عاديه
عقلى اتجنن معاك مش عارفه ايه ال فيا
قوم فض الاشتباك أوخبى عنيك شويه ده انا واقعه فيك بجد
من كلمتين يادوب بلاقينى فى حته تانيه
مبشوفش فيك عيوب وبراقبك ثانيه ثانيه
ازعل هتقوم حروب مش واحده لاء ثمانيه
هو انت أى حد هو أنت أى حد

مالى حاسه بارتباك وبحاله مش عاديه
عقلى اتجنن معاك مش عارفه ايه ال فيا
قوم فض الاشتباك أوخبى عنيك شويه ده انا واقعه فيك بجد
من كلمتين يادوب بلاقينى فى حته تانيه
مبشوفش فيك عيوب وبراقبك ثانيه ثانيه
ازعل هتقوم حروب مش واحده لاء ثمانيه
هو انت أى حد هو أنت أى حد

أنا نفسى أطييير فرحانه جدا ودايبه وبغييير
حاسه بسعاده وده احساس خطييير
مجنونه بيك نفسى أفضل قصادك واقولك بحبك كتير
وده مش كلام ده أنا جايه أغرق عنيك أهتمام
وده وعد عليا وقرار والتزام
لو كنت أطول كنت أمسح حياتى ونبدا باليله قوام

هو انت جيت منين حبيتك بالتلاته
سهرانه بتاع يومين عايزكم فى اثتباته
مبسوطه حبتين لاء حبتين تلاته
لاء ده الموضوع يخض
من غير أى اتفاق عقلى فى ثانيه انت خدته
تاه منى واما فاق مش ثابت زى عادته
ملهوف كله اشتياق بيروحلك وبارادته
من الفرحه مش بيرد من الفرحه مش بيرد

أنا نفسى أطييير فرحانه جدا جدا وبغييير
حاسه بسعاده وده احساس خطييير
مجنونه بيك نفسى أفضل قصادك واقولك بحبك كتير
وده مش كلام ده أنا جايه أغرق عنيك أهتمام
وده وعد عليا وقرار والتزام
لو كنت أطول كنت أمسح حياتى ونبدا باليله قوام

انتهت الاغنيه وده كله وكانت جيانا بتبص لقصي بحب وتوجهلوا كل كلمه فى الاغنيه دى وهو كان بيبصلها بسعاده وبحب
قصي بحب : كده هاخد على الحب ده
جيانا بمشاكسه : ماتاخد هو حرام ولا ايه ياسى قصي
قصي : منك انتى يبقا قمر ياروحى
جيانا : يلا بقا روحنى عايزه انااام مش قادره
قصي بمرح : اه صحيح ده كويس انك صاحيه لحد دلوقتى ده انتى لو فى البيت كان زمانك نايمه من بدرى
جيانا بنوم : علش استحمل يلا بس
قصي : حاضر وامرى لله
جيانا : هتروح الفيلا بتاعت والدك صح
قصي : لاء طبعا هنروح فيلتنا انا كلمت بابا وفهمته
جيانا : ياخبر انا مليش لبس هناك هنام بالهدوم دى
قصي : لاء طبعا انا جايبلك هناك لبس كتير احسن من ال فى الفيلا
جيانا : مش كتير كده ياقصي
قصي : ميكترش عليكى ياقلبى
جيانا ابتسمت ونامت على كتفه : ربنا يخليك لينا يارب
قصي بحب : ويخليكى ليا ياحبيبتى

وبعد وقت وصلوا الفيلا وقصي ركن العربيه وبص على جيانا لاقاها نامت شالها برفق وطلع بيها الاوضه نايمها بالراحه وبدل ليها ملابسها وبعد كده بدل ملابسه وراح نام جمبها واخدها فى حضنه وذهب فى ثبات عميق

يتبع
قد يعجبك أيضا
الاسمبريد إلكترونيرسالة