U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية قسوة قلبك الفصل الثامن عشر 18 - بقلم هاجر العفيفي

  رواية قسوة قلبك البارت الثامن عشر 18 بقلم هاجر العفيفي

رواية قسوة قلبك الفصل الثامن عشر 18

فى قسم الشرطه

كان قصي فى مكتبه وشارد وتفكيره كله فى جيانا ملكت عقله وتفكيره كله قاطعه من شروده دخول عمر
قصي : ايه كنت فين ياابنى سالت عليك
عمر جلس قدامه : كنت بحاول بس فشلت
قصي باستغراب : تحاول فى ايه وفشلت فى ايه
عمر : كلمتها ورفضت الكلام
قصي : هههههه انت لحقت تروحلها
عمر : اه قولت اخد خطوه اومال هفضل كده بس شكلى خدتها غلط
قصي : اكيد رابطه الموضوع بموضوع جيانا صح
عمر بدهشه : صح انت عرفت ازاى
قصي : ياابنى هو انا عيل
عمر : بتقولى انت اكيد عايز تعمل فيا زى ماصاحبك عمل فى اختى
قصي : ههههههههههههه مجانين والله
عمر : انت بتضحك شوفلى حل مليش فيه
قصي : ده انت غلبت معاذ مش انت ال كنت بتتريق عليه لما بيكلم خطيبته
عمر : عرفت هو حاسس بايه دلوقتى
قصي : مش لما اشوف حل انا الاول
عمر : اوووبااا انت وقعت
قصي : موقعتش بس البت عنديه وال حصلها مش سهل
عمر : حن على البت شويه
قصي : بس محدش قالها تقف قصادى هى ال جابته لنفسها
عمر : ياعم غلطت مش حرام
قصي : لاء برضوا لسه ليها حكايه تصدق دى راحت لاخوها وزارته ودخلتله
عمر بصدمه : ده بجد وانت عرفت منين
قصي : هو انا بقال قصادك انا بعرف النمله ماشيه ازاى عيب عليك بس انا طنشت المره دى وعملت نفسى معرفتش
عمر : وانت ناوى على ايه
قصي بشرود : هتجوزها
عمر بصدمه : ميييييين !!
قصي ببرود : هتجوزها ايه مش سامع
عمر : وانت فاكر انها هتوافق بعد ال انت عملتوا فيها وكل ال حصل
قصي بخبث : لاء هتوافق بمزاجها اوغصب عنها متخافش وهتشوف
عمر : لما اشوف مش مرتاحلك والله
قصي : ههههه لاء اطمن
عمر : ماشى بقولك ابقا اتكلم مع معاذ انا سمعت ان هياخد اجازه اسبوعين علشان نفسيته وحشه من ساعة ماهو وريتال سابه بعض
قصي باستغراب : سابه بعض ازاى وامتى
عمر : حكايه كده خلى معاذ يحكيلك بس حاول تطلعوا من الموود ده انت عارف هو مش بيسيبنا
قصي : هو فى مكتبه
عمر : لاء مجاش النهارده
قصي : تمام انا هتصرف
عمر : اوك اسيبك انا بقا يابشا اشوف شغلى على ماتشوفلنا حل احنا التلاته سلام وسابه وخرج
قصي : سلام

بقلم هاجر العفيفي

فى منزل جيانا

جيانا كانت فى غرفتها وكاميليا دخلت عندها
كاميليا : روحى عامله ايه النهارده
جيانا : زى الزفت
كاميليا : ليه كده بس
جيانا : هو طول ماالزفت ده ورايا هرتاح ابدا
كاميليا : هو جالك تانى النهارده
جيانا : اه مش عارفه عايز ايه ده
كاميليا بغمزه : مايمكن معجب بس مش عارف يوضح ويجيبها ازاى
جيانا بسخريه : معجب والنبى اسكتى ده ده سبب كل حاجه وحشه حصلتلى فى حياتى
كاميليا : شوفتى انا ال حصلى بقا النهارده
جيانا بتساؤل : ايه ال حصل
كاميليا : بصى وقصت عليها ماحدث مع عمر والمقابله
جيانا : طب مايمكن كلامه صح
كاميليا بدهشه : انتى ال بتقولى كده ياجيانا
جيانا : اه لان مش كلهم زى بعض ده جه وقالك باحترام مهددكيش ولا استعمل معاكى اسلوب وحش
كاميليا بتردد : بس خايفه ياجيانا خايفه اووى لو اتجرحت
جيانا : متخافيش خدى خطوه يمكن دى تكون سر السعاده متضمنيش الخير هيجى منين
كاميليا : هاحاول لو هو كلامه صح هيحاول تانى معايا وممكن اديلوا فرصه لكن لو طلع كان كلام يبقا انسا الموضوع ده خالص
جيانا : هو ده الصح
كاميليا : وانتى هتعملى ايه
جيانا : هعمل ايه ادينى عايشه بس اتعودت خلاص
كاميليا : ربنا يريحك ياقلبى هاروح اساعد ماما اشوفها بتعمل ايه
جيانا : ماشى وانا هحصلك
كاميليا : ماشى وسابتها وخرجت
جيانا جه فى بالها قصي وكمان افتكرت ان النهارده كان دراعه متصاب قلبها اتقبض وكان عندها فضول تعرف هو ايه ال حصلوا بس رجعت قالت فى نفسها : طب وانا مالى بعد ده كله وبعد ال عملوا معايا خايفه عليه وانا هخاف عليه بمناسبة ايه يووووه بقا انا زهقت وقامت خرجت تشوف كاميليا ووالدتها علشان تساعدهم
---
فى فيلا الجارحى

فى غرفة ميرا

كانت ماسكة الفون بتتفرج على السوشيال ميديا وفجاه فونها رن برقم غريب اترددت ترد وسابته يرن بس رن كذا مره وهى تجاهلت بعد كده قررت ترد تشوف فى ايه
ميرا : الو مين
شادى : نستينى
ميرا اتخضت اول ماسمعت صوته ولسه هتقفل الفون
شادى : لو قفلتى هتخسرى كتير ياقطه
ميرا حاولت تستجمع قوتها تانى وردت بقوه مزيفه : ا انت عايز ايه تانى يابنى ءادم انت
شادى : تؤ تؤ كده برضوا ياميرو ده انا حبيبك
ميرا بسخريه : هه حبيبى انت طلعت احقر انسان شوفته فى حياتى بسببك كانت حياتى هتضيع منك لله حسبى الله ونعم الوكيل
شادى : هههههههههه على اساس كده خوفت انا ميهمنيش انتى شايفانى ايه دلوقتى انا عندى اهم حاجه ان اوصلك معلومه واحده بس انتى روحك فى ايدى وسمعة العيله كلها
ميرا بصدمه : انت تقصد ايه
شادى بحقد : صورك معايا ياقطه اخوكى انقذك بس طلع غبى ملحقش ياخد الصور الصور دى كفيله تجيب عيلتكم الارض
ميرا بدموع : انت حيوان حيوان انا مش عارفه انا ازاى فكرت فى يوم ان احب واحد زيك وقح
شادى : طولة لسان لاء ياقطه علشان متزعليش انتى فى الاخر ماشى
ميرا بدموع : وايه المطلوب علشان اخلص من قرفك
شادى : مطلوب صغير خالص خمسه مليون جنيه ومش هتشوفينى تانى
ميرا بصدمه : خمسه مليون جنيه انت مجنون اجيبهم ازاى دول انت عايز حد يرجعلك عقلك تانى
شادى : اظن انتى شايفه المبلغ ده جمب سمعة العيله ميسواش مش كده
ميرا : اجبهوملك ازاى دول انت مش طبيعى
شادى : والله اتصرفى مش شغلتى هاديكى اسبوع بس تجهزى فيه المبلغ بالطول او بالعرض سلام ياقطه
ميرا : يازباله ياواطى الو الو
رمت الفون وعيطت بانهيار وفضلت تقول : ربنا ينتقم منك ربنا ينتقم منك
****
فى قسم الشرطه

قصي دخل مكتب معاذ ال كان مكتئب وشارد ومش بيعمل حاجه وماسك القلم وكسروا
قصي : مال ياابنى مكتئب ليه كده كل حاجه وليها حل
معاذ بياس : للاسف ياقصي دى ملهاش حل
قصي : طب حاولت معاها
معاذ : من ساعة مازعلنا وانا بحاول معاها ومفيش فايده
قصي : تقوم تفقد الامل خالص
معاذ : طب قولى اعمل ايه
قصي : روح اتكلم مع اهلها من تانى اكنك اول مره تتقدملها والخطوبه تتعاد تانى بس صح متحاولش تهملها حاسسها انها اول اهتمامتك هترتاح
معاذ بدهشه : قصي انت ال بتقول كده ازاى
قصي : ليه هو انا مش بنى ءادم وبحس
معاذ : مش قصدى بس انت دايما مش بتحب فكرة الحب والارتباط وبتقول عليه كلام فارغ
قصي : عادى مجرد احساس مش اكتر
معاذ : انت بتحب ياابنى
قصي بسخريه : انا لاء طبعا انت بتقول ايه
معاذ : مش عيب على فكره انك تحب متكابرش فى الموضوع ده قلبك مش بإيدك افهم
قصي حاول يغير الموضوع : سيبك منى انا المهم انت هتعمل ايه دلوقتى
معاذ : ال ربنا عايزه هيكون هحاول تانى زى ماانت قولتلى وربنا يسهل
قصي : تمام وابقا طمنى عملت ايه ماشى
معاذ : ماشى
قصي قام وقف وقال : انا همشى انا بقا سلام
معاذ : مع السلامه
قصي خرج ومعاذ رجع يفكر هيعمل ايه مع ريتال
****
فى منزل جيانا

فى غرفة كاميليا كانت قاعده بتفكر فى كلام عمر ليها وفجاه فونها رن برقم غريب
ردت بااستغراب وقلق
كاميليا : الو مين
الشخص : كاميليا عامله ايه
كاميليا بااستغراب : مين ؟
الشخص : انا خالد ابن عمك نستينى
كاميليا بضيق : اه ازيك ياخالد عامل ايه
خالد : تمام ايه محدش بيشوفك يعنى
كاميليا بسخريه : هو كان حد فيكم جه عزا بابا ولا حتى سال عليا اهو على العموم كل واحد بيبان وقت الشده
خالد : انتى عارفه ان وبابا مشغولين علشان شركتنا وكده ومش بنلاقى وقت للحاجات ال زى دى
كاميليا : اممم ماشى بس صحيح انت جبت رقمى منين
خالد : هههههههه انا لما اعوز اوصل لحاجه بوصلها واظن انتى فاهمه كلامى كويس ياكاميليا
كاميليا بعدم فهم : لاء مش فاهمه انت تقصد ايه
خالد : ايه انتى نسيتى ان كنت طالب ايدك من عمى قبل كده وانتى مكنتيش موافقه بس خلاص جه وقتى بقا
كاميليا : خالد ممكن توضح كلامك اكتر من كده
خالد : هتعرفى كل حاجه فى وقتها سلام ياكوكى وقفل السكه
كاميليا : الو الو ورمت الفون وقالت حيوان
في الوقت ده دخلت جيانا عليها
جيانا : ايه بتكلمى نفسك
كاميليا : الزفت خالد ابن عمى ده كلمنى مش عارفه عايز ايه منى
جيانا بااستغراب : مش ده ال كان عايز يخطبك باين
كاميليا بضيق : اه هو بيكلمنى دلوقتى كلامه كله تهديد
جيانا بعدم فهم : ازاى
كاميليا : بيقولى لما بعوز حاجه باخدها وانتى هتفهمى فى وقتها بنى ءادم مستفز وغتت وبارد
جيانا : فكك منه يابنتى دول ناس عايزه الحرق قومى يلا علشان نتعشا
كاميليا : مليش نفس والله كلوا انتوا
جيانا : قومى يابت بلاش دلع قومى قدامى يلا
كاميليا : حاضر
وخرجو الاتنين
****
فى فيلا الجارحى

كان قصي فى غرفته غارق فى بحر من الافكار وبيفكر فى جيانا هو ليه حصلوا كده من اول مره شافها فيها ليه بيبقا عندو فضول يعرف كل حاجه عنها ليه بيراقبها وبيطاردها وبيحب يعصبها ويشوف جننانها ممكن زى ماعمر قالوا فعلا ان ممكن يجى الوقت عليه ويحب ويتحب هو طول عمره بيسهر مع بنات بس عمر ماواحده شغلت تفكيره كده حاول كذا مره يطلعها من دماغه بس معرفش وليه هو يحبها وهو اكتر انسان دمر مستقبلها وكان سبب ان تتطرد من الكليه وطموحها كله يروح ليه ميديش نفسه فرصه ان يحب زى الناس ويفتح قلبه وتكون دى اول تجربه ليه يمكن تنجح طول عمره فى شغله واصحابه وسهروا بس عمره مافكر يفتح قلبه لواحده بس خلاص هو قلبه اختار دى حبها فعلا بكل تفاصيلها بس للاسف هى عمرها ماهتحبوا بعد ال عملوا فيها وصعب ان هو يوصل لقلبها بس هيحاول معاها حتى ولو بالقوه بس لازم يكسبها وميضيعهاش منه وفكر فى فكره ممكن تسهلوا الطريق خالص ليها ويوصلها وفضل فى تفكيره لحد ماذهب فى ثبات عميق من كتر التعب
****
فى منزل معاذ

كان بيحاول يرن على ريتال كذا مره وهى مبتردش لحد مافقد الامل بس فى اخر مره ردت
ريتال ببرود : نعم
معاذ بلهفه : ريتال وحشتينى اخيرا رديتى انتى ليه معذبانى كده حرام عليكى
ريتال بدموع : حرام عليا انا انت ليه مش بتحل تشيل نفسك غلط معاذ ارجوك انا خلصت كلامى معاك وخلصنا مش هنعيدو تانى
معاذ بعصبيه : لاء ياريتال مخلصناش انا مش هسيبك مهما كان التمن انتى ملكى انا وبس ومش هسمح لأى حد ياخد مكانى فى قلبك انتى فاهمه
ريتال بدموع : يااااه ده انتى انانى اوووى
معاذ : لاء ياريتال دى مش انانيه ده حب انا اه ممكن اكون قصرت معاكى اووى بس مش معنى كده ان بكرهك انا بحبك مش بس بحبك كلمة بحبك قليله على ال انا حاسس بيه اعملى حسابك ان بعدك عنى بيقتلنى والله العظيم بيقتلنى انا مش عارف اشوف شغلى ولا اركز فى اى حاجه من ساعة ماسبتينى انتى روحى ياريتال وخلاص انا عرفت قيمة الشخص لما بيضيع وبالذات لو غالى انا بحبك ياريتال وهحارب اى حاجه علشانك
ريتال بدموع : معاذ ارجوك سيبنى ارتاح انا هقفل
معاذ : تمام اقفلى بس خليكى عارفه ان مهما عدا الوقت انتى ليا وانا ليكى سلام وقفل معاها
ريتال بدموع : والله ياحبيبى انا ال تعبانه اكتر من بعدك وانا ال موجوعه بس لازم تحس بقيمتى يارب ريحنى وقامت دخلت الحمام اتوضت وخرجت تصلى وتدعى ربها وتشكيلوا همها
****
فى مكان ما

شادى : كده كله تمام
شيرى : بس مش خايف لاتقول لاخوها تانى ويجيبك ليه من تانى
شادى : ههههههههه متقدرش هتخاف وبعدين احنا هناخد الفلوس من هنا ونسافر من هنا ياقلبى نشوف حياتنا بقا
شيرى : بجد ياحبيبى
شادى : طبعا ياقلبى
شيرى : بس انا خايفه اوووى ومش مطمنه
شادى : لاء اطمنى اووى طول ماانا معاكى
شيرى : ربنا يخليك ليا ياروحى
شادى ويخليكى ليا ياموزتى
قد يعجبك أيضا
الاسمبريد إلكترونيرسالة