U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية محامية تحت التمرين الفصل الرابع 4 - ميرنا ناصر

  رواية محامية تحت التمرين الفصل الرابع 4 بقلم ميرنا ناصر

رواية محامية تحت التمرين البارت الرابع

ادهم : عرفتى تعملى كل ده ف يوم واحد بس هو انتى ازاى كدا😍
نور: طبعا منبهر ب شطارتى انا عارفة😎
ادهم: بقيتى ف نظرى قد كدا🤏🏻
نور: طب الحمدلله ادينى كبرت شويه
ادهم يبتسم: انتى مجنونة 😂
نور: ايتا ..ايتا..ايتا ماانت عندك أسنان اهو
ادهم :ايه مش فاهم اكيد عندى أسنان يعنى
نور: اوماال مبتضحكش ليه ياراجل🤔
ادهم : كنت متخيل انه لماضة ما علينا انا مش بحب الضحك انا جد جدا
نور: اسمها نكدى جداا انت تعرف ان الناس اللى بتضحك دى عضلة القلب بتاعها حديد وكمان عمرها بيبقى طويل ومفيش حزن بيأثر عليها...ادهم ...ادهم
ادهم: هااا كنتى بتقولى ايه
نور: لا انت مش معايا خالص
ادهم : معلش سرحت شويه منك المهم يلا كدا اهدى وابدأى البسى روب المحاماه واعتبرينى القاضى واترافعى
نور: انا ياباشا 🥺🙂
ادهم : ايوه يانور مالك يابنتى ماانتى شطاره وزى الفل وحليتيها يلا عشان اننى عارفانى شويه وتلاقينى اتعصبت انا هادى عشان بس طلعتى مهندسة ديكور جامده🤫 ابدأى
نور بتلعثم :ا...اص...اصلى انا ممش هعرف ياادهم اقف اترافع كدا
ادهم:ماشاء الله انتى بتخافى اهو وبتقطعى ف الكلام كنت فاكرك غير كدا
نور:انا اخاف واقطع يابنى انا اصلا مولوده ف محكمة بس انا نسيت هقول ايه
ادهم يضحك: عارفهم انا الشويتين دول حركات ومولوده اوماال طيب ورينى بقا
نور: هو انا ممكن اقولك حاجه
ادهم يجز على اسنانه: انجزى واخلصى خير
نور:😏 بغض النظر عن انك مغرور ومتكبر وغلس بس ...بس ضحكتك حلوه اضحك تملى عشان الدنيا تضحكلك بابا دايما كان يقولى كدا😞
ادهم : نور .......
نور: ايه سكتت ليه هجمع والله واقولك اهدى بس
ادهم: انا ..انا هادى كملى
نور: هقول بسم الله الرحمن الرحيم "واذا حكمتم بين الناس فإحكموا بالعدل" صدق الله العظيم .
ادهم : جميل بس صوتك ميبقاش ناعم كدا هاا خلى صوتك عالى لانك بتدافعى عن الحق
نور: طويب .. سيادة القاضى حضرات والسادة المستشارين
ادهم بابتسامه : اممم هتسكتى ولا ايه
نور: لا هكمل اسمع بس
ادهم: اممم اعتبرينى القاضى وكلمينى
نور: سياده القاضى اللى قاعد ف الوسط انت
ادهم: انتى هتقولى كدا 🤔 القاضى اللى ف الوسط انت
نور: يابنى الللى بيبقى شعره ابيض وماسك شاكوش خشب ويقعد يقول الصوت ياجماعة
ادهم: شاكوش خشب !!! وشعره ابيض
نور: ايوة وبيبقى تخين كدا وصوته فخم وعنيه بتبقى واسعة
ادهم: اخصم منك ايه تانى فهمينى
نور: ششششش اتفرج بس هقرب منه جامد وابص ف عنيه كدا وهقوله " انا عارفه كد ايه انت طيب وعارفه انك تعرف تميز الناس بص لعنيا ياسياده القاضى هتلاقينى مش بكذب طب والله الراجل دا اتنصب عليه انا معايا مستندات بس احب اقولك انك انسان طيبوب وقاضى حنون وعسول"
ادهم بعصبيه: يختاااااااااااااااااى يانهار اسود ياسمعتك اللى بقيت زى الهباب ياادهم يالللى فضيحتك هتبقى بجلاجل يااالى مكتبك هيبقى كد السمسمه بين مكاتب مصر كلها كان مالى انا ومال الشغلانة دى يانهارك الاسود ياادهم
نور: مكنش يومك ياغالى... مكنش يومك دا انت لسه متهنتش يااخويا بعيالك ومراتك يالهوووى😂 طب ماانت بتعرف تهزر ياادهم اهو
ادهم: ادهم هيموت بحسرته هقفل المكتب يامصيبه هبيع بطاطا ع الكورنيش اريحلى اريحلى ياامى
نور تنظر لعينيه بقوه: واخد بالك من الحته بتاعت هبص للقاضى ف عنيه واقوله شوف عنيا والصراحه
《ادهم ينظر الى عينيها دون ان ينطق بكلمه واحده》
ادهم:...
نور: ادهم مالك انت نزلتلك جلطه ولا ايه
ادهم:..........اطلعى بره يانور
نور: دا مكتبى🙂
ادهم: يبقى انا اللى هطلع يا نور يطلعوكى ع نقالة يابعيدة😞
《خرج ادهم وهو لايدرى هل يضحك على هذا الامر ام ياخذ موقف رادع وحازم لأستهوانها بالأمر.. ام يسأل نفسه لماذا وقف امام اعينها صامتا دون التحدث

بقلم ميرنا ناصر

نور: الواد انبوهر من طريقتى ماشاء الله ربنا يحرسنى ويخلينى لمحاكم مصر والقضاء المصرى😊اللهم وفقنى اللهم طلعة براءة وحط ف عنيا براءة امين 🙏
ادهم يطل من الحاجز بينهم: اللهم خدها وارحمنى وانقذ الراجل اللى هتترافع عنه فاانت ارحم الراحمين
نور بضحكة: ههههه خد يسطا زعلت ليه خد بس
《ذهبت نور إلى ادهم مسرعة 》
ادهم يكتم ضحكته على شكلها ف الروب المحاماة: وصلنا لغايت فين ف الخصم
نور:الهى تنستر ...الهى يكبر من مكتبك ويزيدك غرور وتكبر كفايه لغايت هنا 🥺 ان شالله يخليك البدل بتاعتك وجرافتاتك
ادهم يبتسم: نور
نور: عشان خاطر ربنا بلاش فرصة قد كدا🤏🏻🤫
ادهم: مش قادر 😂 ربنا ياخدك

《مر اسبوعين ف تكرار للاحداث ف نور بدأت ف نجاحها المتواصل لكل قضية تترافع عنها وتحلها بسرعة البرق وكأنها كانت طرفا مشترك مع المتهمين وتعرف اسرارهم واحد تلو الآخر فى مشاكسة دائمة لادهم فى جمال شخصيتها وخفة دمها التى جعلت كل من يتعامل معها يعشقها 》

نور بقلق :صباح الخير ياادهم ايه جاى بدرى يعنى خير
ادهم بابتسامه:صباح الخير يانور
نور: بتبتسم ادهم الطواف بجلالة قدره والصبح وجاى بدرى وبيبتسم
عم محمد : صباح الخير يابيه خير مالك فى حاجه ايه دا يابيه انت عتضحك
نور: ايوه عيضحك ياعمو بقولك ايه ركز معايا ع دا يوم تاريخى اصلا الطعمية السخنة اللى انا جيباها هاتها تمام وعصير البرتقال ماسى اه استنى والعيش السخن
عم محمد:والله انتى مبروكه يانور مبروكه حاضر
《ادهم يضحك بصوت عالى》
نور:استر يارب مش عوايده دى🙏يكونش جننته اه جننته استحمل ياحبه عينى كتير 💔😢 مكنش يومك
ادهم بضحك: اصلك متعرفيش حوار مبروكة وسبحان الله ونوس توتس
نور: ايه اللى بتقوله دا مش فاهمه😂
ادهم: احسن المهم انا عايزه افطر معاكى ونبدأ شغل
نور: تمام
---
نور : ها فطرنا وحلينا وشربنا واشتغلنا شوية كتير نفصل بقا ع لينا اكتر من 3ساعات شغل
ادهم: تمام ماشى كلامك يانور
نور: استأذن انا ع مكتبى
ادهم: لاء ...لاء اقصد يعنى اقعدى هنا ارتاحى هنا يعنى
نور: نور: لاء لاء هقعد ع مكتبى
ادهم بخنقة :تمام اتفضلى😊
---
نور:ادهم ...ادهم
ادهم: خير مالك فيكى حاجه يانور فى ايه
نور: ينفع استأذن وامشى حالا
ادهم:اه ينفع بس فى ايه مالك
نور: مفيش خير ان شاء الله انا همشى
ادهم:تحبى اوصلك طيب ومتحكيش حاجه
نور:متشكره

*صباح اليوم التالى *
ادهم: صباح الخير يا اساتذة
الكل: صباح النور يافندم
ادهم: عم محمد القهوة بتاعتى 😊
عم محمد: حاضر يابيه
《ادهم دخل غرفة نور ولكن لا يراها 》
نور:صباح الخير هو انت واقف ليه هنا
ادهم باابتسامة: ابداا اصلى مشوفتكيش واقفه
نور بابتسامه مصطنعة: معلش انا اسفه اتأخرت
ادهم: تمام ..جهزتى الشغل
نور: كله تمام وعطيته لاستاذ كريم واستاذ رؤوف وهيتناقشوا معاك فيه
ادهم: انتى كويسة!؟؟!
نور: الحمدلله😊
*الساعة الثانية بعد الظهر*
《ادهم يدق ع مكتب نور ويدخل》
ادهم: المكتب كله مشى الساعة2 ايه دا انتى بتعيطى بجد
نور:اهئ.....اهئ😢💔
ادهم: ايتا ..ايتا انتى طلعتى بنو ادمة زيينا وبتعيطى
《نور تنظر اليه ثم تعود الى البكاء》
ادهم: طالما مطلعتيش دبش يبقى الموضوع كبير ممكن تحكيلى مالك مش بحب اشوفك زعلانة وانا اصلا مشوفتكيش ولا مره كدا
نور:.......💔😢
ادهم: طب اضحكك واحكيلك اول لما اشتغل عم محمد كان بيعمل مواقف ازاى معايا😂 طب سيبك من عم محمد ..مخصوم منك 😂 برضو مش بتضحكى طب انا المتكبر المغرور ببدلى وجرافتاتى يووه احكى بجد قلبى وجعنى من المناهده
نور بعياط وصوت عالى :مش عايزاه يموت كفاية 💔اللى حصلى زمان ليه كدا يارب ليه 😢اهئ...اهئ
ادهم: اهدى بس مين اللى مش عايزاه يموت وليه بتقولى كدا
نور :ابنى ابنى ...حياتى كل حاجه ليا وسندى وضهرى عنده ميكروب ف الدم
ادهم بصدمة: ابنك 😲
قد يعجبك أيضا
الاسمبريد إلكترونيرسالة