Ads by Google X

رواية جوز الحرباية الفصل الثالث والأخير - بقلم نسمة مالك

الصفحة الرئيسية

   رواية جوز الحرباية الفصل الثالث 3 والأخير بقلم نسمة مالك

رواية جوز الحرباية الفصل الأخير

طول الليل صاحية،عينى مغفلتش لحظه،ضميرى بيأنبنى،
مش قادرة أصدق انى خت فلوس من ورا جوزى،
أستغفرت ربنا كتير وقولت لازم أرجعهم مكانهم تانى قبل ما جوزى يعرف ولا كأن حاجه حصلت،
الليل كان طويل أوى،وانا مش عارفه أنام نهائى،
وكل ما أحاول أبعد عن حضن جوزى يشدنى لحضنه أكتر،
أول مره افضل صاحية كده،كنت بروح فى سابع نومة من كتر تعبى فى شغل البيت،
وحتى جوزى بينام ومبيحسش بالدنيا خصوصاً فى أول يوم من أجازته الأسبوعية،
عقلى بقى يودى ويجيب،
ياترى ممكن يكون كريم مال للى ما تتسمى رقية دى بسبب مياصتها؟..
طيب ياترى البت دى ناوية على ايه تانى؟..
والسؤال اللى حيرنى اكتر انا ليه خت الفلوس من محفظة جوزى؟!!!!..
 شكل غيرتى عليه عمتنى ومبقتش عارفة اتحكم فى تصارفتى،
اااااه يارب دبرها من عندك،انا عمرى ما اتمنيت الأذى لحد،أظهرى الحق وأبعد عنى اللى عايز يأذينى،
عنيا اتملت بالدموع وبصيت لجوزى اللى غرقان فى النوم،
أد ايه ملامحه كلها برائه وطيبه وحنان يكفى العالم ويفيض،
وفعلا ليها حق رقية تتهبل عليك يا كريم،
مش هى بس دى كل الناس بتحسدنى عليك،
شديت الغطا علينا وحضنته بكل قوتى،
ربنا ميحرمنيش منك ويقدرنى وأحافظ عليك،
غمضت عينى وبدأت أقرأ سور من القرأن الكريم يمكن عينى تروح فى النوم،بس صوت باب البلكونه اللى بيتفتح علينا خلانى أفتح عينى تانى على أخرها،والتفت بسرعه جوه حضن جوزى ضهرى بقى قصاد صدره ومسكت أيده لفتها حواليا وعينى على باب البلكونه اللى بيتفتح بمنتهى الحرص،
معقول يكون حرامى؟!!..
بس مافيش حرامى يقدر يهوب ناحية بتنا اللى قصاده قسم شرطه،
مرت لحظات رعب بالنسبالى وانا بحاول اصوت بس صوتى مأسعفنيش من شدة خوفى،لحد ما شوفت رقية اللى دخلت تتسحب زى الثعبان،الحقيرة دخلت البلكونه من باب المطبخ،
كانت صدمه صعبه عليا لما شوفتها داخلة تتفرج عليا انا وجوزى واحنا نايمين،
او بمعنى اصح بتتفرج على جوزى لوحده،بتاكله بعنيها،
الحمد لله أنى شديت الغطا علينا،بس يا عالم دى المرة الكام اللى دخلت علينا فيها،
يبقى هى اكيد اللى بوظت باب البلكونه علشان تقدر تدخل أوضتى فى أى وقت،
معقول توصل جرائتها لحد الوقاحة دى!!!..
فضلت تتفرج علينا شويه بكل بجاحه وعدم حياء،والتفتت علشان تخرج زى ما دخلت،بس أنا كنت استجمعت قوتى وصرخت بعلو صوتى فزعت جوزى حبيبى وهى خرجت جرى من باب البلكونه وسبته مفتوح من خوفها ورعبها لكريم يشوفها،كلبشت فى حضن جوزى واتكلمت بعياط..
"كريم فى حد كان فى أوضتنا"..
كريم بفزع وصوته كله نوم..
"حد مين بس يا حنان انتى كنتى بتحلمى اكيد"..
حنان:"لا يا كريم بقولك فى حد كان معانا"..
شاورتلو على باب البلكونه.." حتى شوف البلكونه مفتوحه"..
قام كريم بكسل ودخل البلكونه ملقاش حد،بس لفت نظره باب المطبخ المفتوح على غير العاده،قرب منه ودخل المطبخ ملقاش حد،قفل باب المطبخ ورجع لاوضتهم تانى واتكلم بتعب..
"حنان يا حبيبتى مافيش حاجه اطمنى"..
قفل البلكونه وقرب منها خدها فى حضنه..
"يله نامى ومتخفيش من اى حاجه وانا معاكى"..
حنان:برجاء.."علشان خاطرى يا كريم صلح باب البلكونه وركب قفل كويس علشان اقفلها وانا مطمنه لما اجازتك تخلص وترجع شغلك"..
كريم:"حاضر عنيا ليكى يا احلى حنون"..
دفنت نفسى فى حضنه وخت قرار ان البنت دى ملهاش قعاد معايا انا وجوزى تانى ابداً،وهعمل المستحيل علشان امشيها من هنا،وبعد وقت كبير من التفكير أخيرا قدرت انام شويه..
بس نوم تعب وكوابيس،صحيت على صوت كريم وهو بيدور على الفلوس زى المجنون،بصتله بستغراب واتكلمت ببرائه.."فى ايه مالك يا كيمو؟؟"..
كريم:"قبض الشهر كان فى المحفظه كامل يا حنان ملقتش منه غير 500ج بس!!!!!"..
حنان:بستغراب.."ازاى الكلام دا،دور تانى يا حبيبى يمكن انت شلتهم هنا ولا هنا"..
كريم:بتأكيد.."انا متأكد انى مشلتهمش من المحفظه يا حنان".. 
سحبت الروب ولبسته عليا وقومت بدلع قربت منه واتكلمت بأسف.."علشان تبقى تصدقنى لما اقولك ان كان فى حد معانا فى الأوضه يا كريم،والحد دا من البيت على فكره وهو أكيد اللى قلب محفظتك يا كيمو"..
كريم:"حد مين يا حنان؟؟"..
حنان:"مستحيل تكون مامتك طبعا"..
لفيت ايدى حولين رقبته.."ولا أنا اكيد"..
كريم:بصدمه.."قصدك رقية؟!"..
بصتله شويه بحيرة،مش عارفه اللى هعمله صح ولا غلط،
انا كنت ناويه ارجع الفلوس مكانها بس اللى عملته رقية خلانى عايزه اعمل اى حاجه علشان ابعدها عن حياتى انا وجوزى،خت نفس طويل وقولتله..
"ايوه هى،رقية عايزة علقه تفوقها لنفسها يا كريم"..
بصلى بستغراب وسكت شويه واتكلم بهدوء خوفنى..
"امممم وانتى عيزانى اديها علقه يا حنان؟!!"..
حنان:بغيظ.."وتطردها كمان تروح تقعد فى سكن جامعتها،دا هيكون احسن ليها ولينا"..
كريم:بتنهيده.."طيب حضرلنا فطار واللى ريده ربك هيكون"..
حنان:بطاعه.."حاضر يا كيمو،ربنا يعوض عليك فى الفلوس اللى اتقلبت منك يا حبيبى"..
سبته فى اوضتنا وخرجت وانا من جوايا مضيقة،مش عارفه اللى عملته صح ولا غلط،بس اللى أعرفه انى عايزة احافظ على بيتى وجوزى ودا بنظرى أكبر صح،وعلشان كده هبقى حنان جديدة طول أجازة جوزى،وهعمل كل اللى يرضيه ويريحه ويفرحه..

بقلم نسمة مالك

..عند كريم..
قاعد على السرير ماسك محفظته بأيده وبيكلم نفسه بذهول..
"شوفت مراتى بعينى وهى بتقلب محفظتى، 
وعايزة تدخل فى دماغى أن بنت خالتى اليتيمه اللى عايشه معانا هى اللى بتسرقنى،
رغم انى مش حرمها من أى حاجه وكل طلبتها مجابه يعنى ملهاش اى حجه انها تسرقنى،وكمان تتهم رقيه البنت اللى اعتبرتنى اخوها وعايزانى اضربها واطردها من عندنا وأزعل منى امى اللى بتعتبرها بنتها،
الحمد لله انى حكمت عقلى ومسمعتش كلامها،
خلينى اعرفكم على نفسى الاول،
انا كريم عبد الخالق..33سنه،خريج كلية تجاره،وشغال محاسب بشركه اغذيه فى الغردقه، وبيتى فى الشرقيه،
بقعد شهر فى شغلى وبرجع اجازه اسبوع،
كان اول يوم فى أجازتى أمبارح،وبرضو اول يوم أحس ان حنان متغيرة فى طريقتها معايا،بقت جريئه اكتر،وبتدلع عليا على غير العادة،ورغم ان التغير دا عجبنى اوى بس انا حاسس ان وراه حاجه كبيرة،علشان كده هسكت وأصبر عليها أشوف أيه اللى فى دماغها وايه اللى ناويه عليه..
..عدا يومين وظهر التغير على حنان أكتر،غيرت لون شعرها وعملت أصة تجنن عليها،أشترت هدوم جديدة تليق بعروسه لسه متجوزة،وبقت تلبس وتتشيك على سنجة عشرة وتطير عقلى منى،لا وكمان عملتلى مفاجأة وجبتلى هدية ساعة وقميص وبنطلون وحتى الكوتش والشراب ههههه بتبقشش عليا من جيبى،بس الصراحة انا مبسوط واوى كمان،هتجننى بنت اللذينه بطريقتها الجديدة،ولبسها اللى بقى يهبل،
ولحظت نظرات نارية من رقية،وكمان بدأت تتخانق مع حنان وبتقولها بغيرة انا حستها اوى بصوتها وطريقتها..
"هو ايه المسخرة اللى انتى عملاها دى يا حنان؟؟"..
ردت عليها حنان ببرود مستفز..
"مسخرة اية يا رورو!!"..
شاورتلها رقية على لبسها وأتكلمت بغل وبصة أستحقار..
"البيجامة اللى انتى لبساها وهتتفرتك من عليكى دى ولا ايه حكاية مكياجك وشعرك،وكل شوية تغيرى بجامة اضيق من قبلها وتتلونى زى الحرباية على كل لون،كأنك قاعدة فى الشفة لوحدك انتى وجوزك ولا عاملة حساب ليا انا وخالتى اننا قاعدين معاكو وشايفين دلعك الماسخ اللى يقرف دا"..
كلامها عل اد ما عصب حنان بس اتبسطت انها قدرت تظهر غلها قدام جوزها وحماتها،وحاولت تتحكم فى اعصابها وغضبها على اد ما تقدر واتكلمت ببرود اشد..
"امممم وايه كمان يا رقية"..
جزت رقية على اسنانها بغيظ واتكلمت بتعالى وكبر..
"وبعدين انتى غسلتى كل الهدوم ومغسلتيش هدومى اللى فى الغساله وكوتيهم ليه زى كل مره،وحتى الاكل اللى بحبه مبقتيش تعمليلى منه ولا بتحضريلى فطار قبل ما اروح الكليه زى ما كنتى بتعملى وكمان بتسبينى نايمه وانتى عارفه ان ورايا محاضرات بدرى،ليه كل الغباء اللى بقى فيكى دا يا حنان"..
خدت حنان نفس طول وضحكت برقه وبهدوء اتكلمت..
"طيب كويس انك ختى بالك انى كنت بغسلك وبكويلك هدومك وبعملك الاكل اللى بتحبيه واصحيكى لمحاضراتك ووقفه معاكى وفى ضهرك كأنك بنتى مش بس اختى رغم أن هما 6 او 7سنين اللى بنا"..قربت منها وبصت فى عنيها وكملت بضحكه صفرا..
"انتى بقى عملتى ايه مقابل اللى عملتهولك دا يا رقية؟!"..
بصتلها رقبة بحاجب مرفوع وبمنتهى قلة الزوق والجحود قالت..
"وانتى عايزانى اعملك ايه يا حنان،انتى بتعملى كده علشان فاضية مش لاقيه حاجه تعمليها ولا بتدرسى ولا عارفه تخلفى حتة عيل لأبيه كريم وتفرحيه هو وخالتى فبتعملى بلقمتك وقعدتك معانا هنا مش اكتر"..
حنان بصتلها بصدمه وعنيها دمعت ومبقتش عارفة ترد عليها بأيه،عمرها ما تخيلت انها بالقسوة دى كلها ويوصل بيها غلها انها تعايرها بعدم الخلفه اللى انا السبب فيها ومراتى الأصيله قالت ان العيب فيها هى..
دلوقتى بس عرفت ليه مراتى عايزة تمشى رقية من البيت،
وبعد اللى حصل قدامى دا، حنان طلعت معها كل الحق..
لقيت امى هتقوم تجيب رقية من شعرها بس انا همستلها..
"اهدى يا أم كريم خلينا نشوف أيه اللى هيتم"..
سعاد:بهمس.."البت رقية عايزة علقة سخنه تظبطها"..
بصلها كريم بدهشه واستغراب،اكدت سعاد كلامها..
"هى مش بنت اختى بس مش مظبوطه وعايزة تتربى من اول وجديد"..
ضحك كريم واتكلم بخوف مصطنع..
"اطمنى حنان هتظبطنا كلنا حالاً بعد كلام بنت اختك الدبش اللى حدفتها بيه"..
سعاد:"حنان تعمل اللى هى عيزاه،ورقية تستاهل "..
قطعت رقية كلامهم لما قربت من كريم وقعدت جنبه متعمدة تكون قريبه منه لدرجة تقريبا قعدة على رجله،واتكلمت بدلع..
"ابيه كريم قول لحنان تغير القرف اللى هى لبساه دا وتبطل اللى بتعمله فى نفسها دا وتحترم وجودنا علشان مش لايق عليها وشكلها يعر ويكسف بجد"..
ضربتها سعاد قلم على وشها واتكلمت بغضب..
"انتى بت ناقصة رباية"..
عيطت رقية بتمثيل واتكلمت بصراخ..
"بتضربينى يا خالتى علشان الحرباية مرات ابنك"..
اترمت فى حضن كريم تعيط.."شايف يا ابيه مراتك وخالتى الاتنين اتفقو عليا اكمنى يتيمه ومليش حد"..
قربت حنان وشدتها من حضن جوزها واتكلمت بهدوء عكس نار الغضب والغيرة اللى فى قلبها..
"انا وماما سعاد متفقناش عليكى يا رقية،اللى فى دماغك واللى انتى عبزة تعمليه هو اللى هيتقلب عليكى وهتقعى فى شر اعمالك"..
رقية:ببرائة مصطنعه.."وانا كنت عملتلكم ايه علشان تقولى كده يا حنان ولا انتى عايزة تطلعنى وحشه فى عين ابيه كريم وخلاص"..
سعاد:"انتى فعلا وحشه وقليلة الادب كمان علشان تغلطى فى حنان اللى رحبت بيكى وبيا فى بيتها وشالتنا على كفوف الراحة وانتى فى الأخر عايزة ت؟؟"..
قطعت كلامها باحراج لانها مش عارفه تقول ايه على بنت اختها اللى عايزة تخطف ابنها من مراته وتخرب بيته،ما هى فى الأخر بنت اختها فى وشها وهى اللى اصرت تجبها تقعد معاهم،ندمت انها مسمعتش كلام ولادها لما قالولها عمامها اولى بيها،كانت سابتها لعمها هو يربيها،بس خافت عليها منهم ومهنتش عليها خصوصاً ان اهل ابوها طباعهم صعبة ومتشددين اوى وبالذات على بناتهم،بصتلها بأسف وخيبة أمل واتكلمت بنفاذ صبر..
"اتأسفى لحنان وامشى انجرى على أوضتك"..
اتحكم الغضب من رقية اكتر وبندفاع صرخت..
"مش هتأسفلها دى واحدة حرباية قلبتك عليا يا خالتى"..
بصت لكريم اللى بدا يظهر على وشه الزهق واتكلمت بعياط..
"شوفت مراتك  قومت عليا وخلت خالتى تضربنى ازاى يا أبيه،طلاقها يا ابية انت وقعت فيها ازاى دى،طلقها قبل ما يتقال عليك جوز الحرباية"..
سعاد قامت وقفت وقربت منها علشان تضربها تانى بس حنان وقفت بنهم وبعدت عنها سعاد اللى بتتكلم بغضب وغيظ..
"انتى يا بت كنتى مخبية قلة ادبك دى كلها فين؟!!!"..
حنان:بقلق.."خلاص يا ماما اهدى علشان صحتك"..
بصت سعاد لابنها اللى قاعد يتفرج على اللى بيحصل بهدوء واتكلمت بغيظ..
"انت قاعد ساكت ليييييه يا كريم"..
اتنهد كريم وقام وقف وقرب من حنان وحط ايده على كتفها ومشى بيها ناحية اوضتهم..
"انا لقيت حل هيريح الكل"..
بص لمامته ولرقية اللى بتصطنع العياط..
"انا بسافر شغلى شهر وبرجع اجازة أسبوع،بص لحنان بحب..
"هاخد حنان معايا وهنزلكم  انا وهى نقعد معاكم اسبوع ونرجع تانى"..
سعاد:بفرحة.."عين العقل يا ابنى"..
رقية:بصدمة.."انت بتقول ايه يا ابيه،هتاخدها معاك الشغل؟!!!"..
كريم:بأمر.."ملكيش دعوة انتى يا رقية بأى حاجه تخصنى انا ومراتى"..بص لوالدته.."ماما متزعليش من قرارى دا بس اللى حصل قدامى فى اليومين دول بياكدلى ان لو الوضع فضل على كده بيتى هيتخرب"..باس دماغ حنان..
"وانا مش عايزه يتخرب"..غمض عينه بعنف وكمل بوجع..
"كفاية انى مبخلفش وحنان استحملتنى وقالت على نفسها هى اللى مبتخلفش"..
شهقت رقية وبصت لخالتها بذهول..
ابتسمت سعاد ابتسامة متالمة واتكلمت بعتاب..
"شوفتى حنان اللى انتى بتقولى عليها حرباية"..
بصت حنان بحب لكريم ودموعها مغرقة وشها واتكلمت بفرحة..
"فعلا انا حرباية يا ماما سعاد، رقية مغلطتش،كفاية انى بعرف أتعايش مع اى ظروف وتحت اى ضغوط وانا راضيه الحمد لله"..حضنت كريم.."وكفاية عندى حب كريم واحترامه ليا حتى بعد ما قلبته"..
بصلها كريم بدهشه،فكملت هى..
"ايوه عارفة انك شوفتنى وانا ب"..
قطعها كريم..
"واننى بتخطفى قلبى وانفاسى بدلعك واسلوبك الجديد اللى عجبنى اوى يا احلى حنون"..
بصتلهم سعاد بفرحة وقلبها بيدعلهم بدوام الحب بينهم وبصت لرقية اللى واقفه تبصلهم بأحراج من اللى كانت ناوية تعمله مع حنان،كانت فاكرة انها هى اللى مبتخلفش وقالت تفرق بنهم وتتجوز هى كريم ،بس اعتراف كريم ان العيب منه هو صغرها فى نظر نفسها ونظر الكل خصوصا بعد ما عايرت حنان قدامهم..
انتفضت بخضه لما سمعت كريم بيقول..
"البيت دا انا بعتبره بيت امى يا رقية،واحنا اللى ضيوف فيه وانا واثق ان امى مش هتستغنى عنك ولا هتمشيكى من هنا غير على بيت عريسك"..بص لمامته.."فبعد اذنك يا امى انا هاخد حنان ومش هسبها تانى"..
سعاد:براحة.."ربنا يكملك بعقلك يا ابنى"..
بوست ايد امى وراسها وخت مراتى ودخلنا اوضتنا واول ما قفلت الباب لقتها اترمت فى حصنى وضمتنى بكل قوتها وعيطت بنهيار وقالتلى..
"ربنا ميحرمنيش منك ابدا يا كريم،نصفتنى ومكسرتش بخاطرى ربنا يجبر خاطرك ويفرح قلبك يا حبيبى يارب"..
ضمها كريم بحب شديد وهمس فى ودنها..
"ولا يحرمنيش منك يا حبيبتى"..مال على رقبتها وبدا يبوسها برقه.."ولا من دلعك ولبسك الجديد الجامد اللى انتى شرياه بفلوسى اللى قلبتيها منى يا حنون يا لصة"..
ضحكت حنان بدلع وقالت بميوعة..
"ايه يا كيمو خسارة فيا؟"..
كريم وهو بيضمها لحضنه برغبه..
"لا خسارة ليا يا حنون"..
بعدته حنان عنها بصعوبه وشدته من ايده ناحية الدولاب وفتحته وخرجت جاكت قديم لجوزها شايلة ذكرى من هدوم والده وحطت ايدها فى جيبه طلعت مبلغ كبير وادته لكريم اللى عينه وسعت على اخرها واتكلم بذهول..
"ايه الفلوس دى كلها يا حنان؟!"..
بصتله حنان واتكلمت بعياط وضحك..
"دى فلوس عملية الحقن المجهرى يا كريم،انا كنت عامله جمعية من مصرف البيت بقالها 3سنين وقبضتها ودلوقتى نقدر نعمل العمليه من غير ما نستلف من حد اى قرش "..
بصلها كريم بفرحة واتكلم بلهفه..
"وتبقى حامل منى يا حنان"..
أرتمت حنان بحضنه وهمست بأمل..
"بأذن الله يا حبيبى ربنا هيرضينا وهتبقى انت احلى واحن بابا فى الدنيا كلها"..
كريم:بعشق.."انتى اللى هتبقى احسن ام فى الدنيا كلها يا احلى حنون"..
تمت بحمد الله..
google-playkhamsatmostaqltradent