رواية ادوار وهمية الفصل الحادي عشر 11 - بقلم بنوتة الشيخ

الصفحة الرئيسية

رواية أدوار وهمية البارت الحادي عشر 11 بقلم بنوتة الشيخ الكاتبة أروى المسلاتي 

رواية أدوار وهمية البارت الحادي عشر 11

(حقيقه تم الغاء الخيال)
ريم:لبست اكسسوارها وعقلها يرفع ويجيب 
يحاول يذكر شي وفعلا قدرت تذكره!!
الولد يلي في مكالمة الفيديو !
هوا نفس يلي!!!....وتلفتت 
رواد:لاحظ نضراتها الغريبه ليه
سألها وهوا يلبس....شنو؟
ريم؛الولد يلي من ايام كنت تحكي معاه ع النت 
رواد:خيره غايره منه....وضحكلها بي هزوه 
ريم:ناصر كلن يحكي معاه انت من وين تعرفه 
رواد:اختفت الضحكه وبدي واضح على وجها علامات التوتر....من وين تعرفي انتي؟
ريم:شنو من وين نعرف ؟...ناصر كان معاي في نفس الحوش ونشوف فيه لما يحكي معاه 
رواد:بي اهتمام....شن كانو يحكو ؟
ويم:مركزتش ...منو هوا وشنو علاقتك بيه!؟
رواد:بصوت فيه حده....مدخلكش ومليكش اي علاقه فيه ولا فيا 
ريم:انت كنت تتواصل مع ناصر صح ؟
رواد:عطاها بضهر وهوا يلبس ومردش عليها 
ريم:قربت منه....نحكي معاااك انا 
علاش كنت تتواصل مع خوك ومتواصلتش مع اهلك كل هاذي السنين !!؟
رواد:حاجات تخصني هيا 
ريم:من وين تعرف عليا حاجات حتى ناصر ما يعرفهاش؟؟؟؟
رواد:تلفتلها وهوا يشوفلها 
ريم:اعتقد ان الشي هاذا يخصني عادي لو سألت عليه 
رواد:ضهرت على وجها ابتسامه عريضه خبيثه محت اثار التوتر ....حتى هاذي مليكش بيها علاقه يا انسه سمراء 
ريم:استمرت نضرات الشكوك في عيونها 
اما رواد خدي مفاتيحه وهوا يحاول يتجاهل نضراتها ....10دقايق وبنمشي هيا انزلي متعطليش 
وطلع 
__
لمياء:قعمزت جنب مروه بهدوء وطبست عليها....نوض اسمعي القنبله 
مروه:شنو؟
لمياء:لو تعرفي منو يهدد فينا بي الصور !
واصلين حتى في خوات بدر
مروه:عرفتوه منو؟
لمياء:اي 
مروه:منو
لمياء:اشرت بي عيونها على نمارق بنت سمر يلي كانت مقعمزه قدامهم وتلعب بي التالفون 
مروه:هههههه مبردك نسحابك تدوي جديات 
لمياء:من قالك نبصر؟نحكي جديات طلعت هياا
مروه:على وجها ملامح الصدمه.....كيف!!؟
كيف البنت صغيره في الاعدادي !
لمياء:مبكري عاطيه لي خوها الصغير تالفونها يلعب وانا مقعمزه نرقد في بنت 
نسمع في رسايل يوصلو ولما طبست على خوها نشوفلك وسايل الترجي وبالله عليك متنشريهمش فكيت منه التالفون وننصدم لقيت ايميلك وايميلي 
وحتى ايميل ريم 
مهددتها 
مروه:تسهوووكي ؟؟مستحيل لمياء البنت عيله 
لمياء:والله ما عيله الا انتي الفرخه تسترزق على عمرها  وانتي خايفه ترعشي 
مروه:قعدت في حالة صدمه فتره بعدين ناضت ...الحقيني 
لمياء:ناضت وراها 
__
طق طق طق 
فاطمه:جااايه 
طق طق طق طق 
فاطمه:فتحت الباب وهيا متكنطيه...باهي قلنا م😍انور ❤️
انور:اي ....وخش 
فاطمه:نحت الروب الفوقي وقعدت بي قفطان خفيف 
انور:خش للمطبخ حط الشكاير يلي جايبهم 
فاطمه:صحيت❤️
ليش متعب روحك؟
انور:مدامني سكنتك هنايت واجبي 
فاطمه؛بملامح برائه....صحيت❤️
انور:كلمني قيس 
فاطمه:انخطف لونها وحست ان الدم جف في عروقها ....ابتسمت بصدمه....م ممني ؟
انور:قيس ....قال انه بيرجع 
مفهمتش شن نرد عليه ولا شنو نقول 
فاطمه؛بلعت ريقها 
انور:على كُليٍ....خليك واتيه في اي لحضه بتاخدي شناطيك وترجعي حوش اهلك ..وجي بيطلع مسكاته من يده 
فاطمه:انور ارجوك ....منبيش نتبهدل انا وبنتي 
مستحيل قيس ياخدني 
بيبدا اسمي مطلقه واهلي صاعبيين وانت تعرف 
ارجوك انور 
انور:اكتر من هكي منقدرش نساعدك بجديات ...ونحى يدها 
فاطمه:تحكي وهيا تبكي ....علاااش ؟؟؟علاش متبينيش فهمني 
انور؛لاني منقدرش نفتح حوشين 
يكفي لعند هنايا وبس نبي انعيش مع البنت يلي ختارها قلبي خلاص ياسر تعبت من الصرف شكالات وحليب على بنت مش بنتي تعبت نمثل حتى قدام الناس 
فاطمه؛ومتبينيش لاني منشرفش وغلطت صحح؟؟؟
تسحاب يلي واخدها شريفه؟؟؟لو تعرف ربع العار يلي دراته ويلي قاعده ادير فيه صدقني تجي لعند رجليا تتراجاني نسامحك 
انور:ضحك عليها بهزو....هه
بجد نقدر نصدق اي حاجه الا انك توصلي في شرف مرتي !....المره هيا بنعديهالك والمره الجايه صدقيني لسانك نقطعهولك ....وطلع وسكر الباب 
الثقه ❤️حلوه لما يكون الشخص واثق من يلي يحبه ثقه عمياء ❤️بس يا ترى الشخص هاذا هل يكون قد الثقه او لا؟؟
زي مثلا شنو يصير في ايمن لما يعرف ان مرته تبات في حضن بدر؟؟
شن يصير فيه لما يعرف ان مرته ام صغاره خانت الثقه !!
وياما ناس في ابطال روايتنا خاينه الثقه ولعند توا منعرفوش من هما!

بقلم بنوتة الشيخ

نمارق؛تبكي...بالله عليك مرت عمي بالله عليك😭😭متقوليش لي ماما تقتلني 
مروه:قعمزت ويدها ع راسها....ياربي مستحيل مش قادره نصدق!!
كيف تهددي امك بي صورها؟؟كيف يطاوعك قلبك تهددي نساوين عمامك؟
نمارق:صاحبتي اقترحت عليا الفكره😭😭بالله عليك مرت عمي والله تقتلني امي 
لمياء:مربعه يديها وتشوف لي مروه 
مروه:نمارق مش اي شي تقوله صاحبتك يعني صح 
ومش كل نصيحه تاخديها منها هيا في النهايه صغيره زيك ومتعرف شي في الدنيا 
تخيلي امك تسمع بيك شنو بتحس؟؟
بتحس ان تربيتها ضاااعت💔💔احتمال تموت تنهااار ترضيها انتي ؟؟
نمارق؛مسحت دموعها ....لا اسفه نرجعلكم الرصيد انا غلطت اسفه 
مروه:مدامك اعتذرتي واعترفتي بي غلطك بنسامحك ومش وح نحكي لي امك 
نمارق:ابتسمت بي ارتياح وحضنت مروه...صحيتي مرت عمي ❤️
مروه:بري اغسلي وجهك قبل ما تشوفك امك تحركي 
نمارق:ابتعدت من عليهم بسرعه 
لمياء:علاش مسامحتيها القرده هااذي خليتيها تاكل على راسها من امها باش نوروها انها متعرفش تربي الوسخه هاذي 
مروه:امها مدخلهاش ...في النهايه هاذي بنت صغيره وتتربي مش انا يلي نتشمت في الناس بي صغارهم 
يقولك المثل (الضنوه ضنوتي والفعل مش فعلي )
لمياء:تكلمت بي تنرفيز .....قهرتنننني ...وخشت للمطبخ 
محلاها لما يكون فيه شخص هكي في العيله❤️
ينصح بدون ما يفضح 
يعلم بدون ما يشهدر ❤️
__
ريم:رجعت شعرها خلف ضهرها بي كبرياء وشافت لي اختها....وانتي خيرك هكي لاويتيهم؟
ريماس:تشوف لي اهل وليد...شي 
انا بنوض نلبس بدله خفيفه ....وهربت بسرعه قبل ما حد يشوف دموعها 💔
ريم:لحقتها وسكرت الباب ...خيرك تكلمي ؟!
ريماس:تلفتت ودموعها يطيحو💔.....مش مستريحه هنايا ريم حاسه روحي مخنوقه بنموت وربي 💔
ريم:بي ملامح جاده مسحت على شعر اختها ....شنو دارلك؟
شن صاير معاك ريماس 
ريماس:مسحت دموعها،....شي هوا كويس لكن انا ممكن تعودت على حوش اهلي حاسه روحي غريبه هنايا 
ريم:ضحكت بي ارتياح....عانيت منه الشعور هاذا في البدايه بس بعدين خلاص تتعودي عادي جدا 
ريماس:تنهدت....بس انت حتى في حوش اهلي كنتي بروحك ديمه ريم 
ريم:ابتسم ع جنب كأنها اذكرت شي...المهم بعدي الافكار السيئه من راسك وبطلي دلع 
ريماس:ضحكت ...نراجي امتى نسكر شهر باش نجي نبات عندك 
ريم:لوحي التقاليد البارده هاذي وتعالي حتى من بكرا 
ريماس:ضحكت من قلبها....طول عمرك كأنك مش عايشه هنايه 
ريم:خذت نفس....هيا البسي وتعالي 
شافت لي تالفونها.....العيل يشرينلي شكله جي بيروح بيا
ريماس:تبصري ....لااااا زيدي اقعدي 💔
ريم:منبيش نخش معاه في نقاشات ودراه كبد ...يالله حبيبتي نتلاقو 
ويماس:تنهد..بسلامه 
ريم:خدت عبايتها وطلعت بدون ما تسلم ع حد 
__
سلمى:ابتسمت  وهيا مضايقه ......بدر خيرك عطلت الناس بيرقدو
بدر:يمسح في حوايجه.....خذتني السهره مع الشباب والله 
ايمن:اوووو عريسنا هنايا 
بدر:بردرر...شن الجو 
ايمن :اهو تمام ماشيه...تي خيرك ساعه مدرس السياره وانا واقف في البلاكونا مريتكش خشيت هنايا؟
بدر:ابتسم بتوتر....اي والله كانت عندي مكالمه شغل والله
سلمى:ركزت في بدر وهوا يحكي كان تحت خده في اثار لونهم وردي كأنه بقايا روج💔
ايمن:سامحيني اختي والله ماريتك كيف الحال 
سلمى:اءء ال الحمد الله تمام....ابتسمت رغم ان كان لونها مخطوف 💔
بدر:هي يا خالتي انستو بعضكم 
سعاد:سلمك وليدي عاودوها 
بدر:ان شاء الله ....هيا سلمى 
سلمى:طلعت بدون ما تحكي ولا كلمه غير انها كانت تعطي في امل لي نفسها يكون شكها كدب 💔
مروه:ماسكه ولدها ترقد فيه قامت راسها جت عينها في عين بدر يلي كان يلبس في كندرته❤️
غمزلها وهيا ابتسمت ❤️
ركبت سلمى لي السياره وقلبها مقبوض 
بدر:سكر باب السياره....قلقتي هنايا؟
سلمى:تشوف لي الروشن...لا جوهم حلو البنات 
بدر:ولع السياره....به حلو 
سلمى:حطت يدها على رقبته وشافلها بدر مش فاهم 
سلمى:شنو هاذا بدر ؟
بدر:شاف يدها ملبزه بي روج وردي !!
معرفش شنو يرد عليها ...والله منعلم شنو ملبزني واحد من الشباب عيلين لا اللوح اليوم عندنا عيد ميلاد صاحبي دارو العار اقسم بالله 
سلمى:بالك كريمة تورته صح؟
بدر:اي تقريباً....ابتسملها❤️
استاحشتك اليوم 
سلمى:صدقت الكدبه يلي طلعتها هيا وفرحت بي كلمته ❤️.....حتى انا🥺❤️
بدر:ابتسملها ورجع عيونه لي الطريق ...كأنه عرف نقطة ضعفها وبيستخدمها ديمه💔

الكاتبة أروى المسلاتي

رواد:رقد ع السرير زي كل مره حوايجه متناثرات في كل مكان وعيونه 24ساعه في النت 
ريم:طلعت من الحمام 
رواد:عيونه في التالفون...وين فرخك؟
ريم:عند حناه زي العاده 
رواد:وعندك عادي ؟
ريم:تمشط في شعرها ....مبتش تعطيهولي خليها تاخده عندها نيه تتعب 
رواد:اممم....وكمل منسجم ع النت 
ريم:سكرت ضي غرفة النوم ورقدت ع السرير وتغطت 
رواد:سكر تالفونه رقد جنبها ويشوف لي السقف 
بعد تردد كلمها....ريم 
ريم:خير بلاك؟
رواد:حسب رايك في اسوء من حيات انسان مفركسه؟؟
ريم:فتحت عيونها وهيا عاطياته بضهر...كيف؟
رواد:يعني شخص سافر قعد برا لدرجة نسي عيلته 
ولما يرجع يلقاهم مش نفس الاول؟
ريم:ابتسمت ع جنب ....في اسوء اكيد 
رواد:شاف لي ريم يلي كانت عاطياته بضهر ...شن قصدك؟
ريم:لما يعيش مع عيله هيا مش عيلته من الاساس 
رواد:مفهمتش 
ريم:تصبح ع خير....وسكرت عيونها 
رواد:رجع عيونه لي السقف وهوا ساكت 
__
سلمى:تتكلم بحماس....بدر ينقولك 
بدر:عيونه في التالفون....نعم 
سلمى:ابتسمت....بكرا عيد ميلادي 
بدر:قام عيونه....والله؟
ان شاء الله بطول عمرك 
سلمى:وعمرك❤️...طبعا اكيد عيد ميلادي هادا رح يكون مختلف وانا معاك❤️
بيكون احلا صح!
بدر:اكيد...وتابع السهره ع النت 
سلمى:ملت من تصرفاته وبروده اتجاها اختارت انها ترقد بدون ما تزعجه اكتر من هكي 
سكرت عيونها وهيا تذكر في كلام امها 
(الراجل زي العيل الصغير ...متمليش ابدا من مسايرته وماخدت خاطره وسيوره يجي في يدك 
اهم حاجه متنقيش عليه بس))
__
فاطمه؛ليلها كلها قضاته بكي في بكي 💔
ندم على هلبا حاجات دارتهم💔
غلطة غلطة عمرها ومعرفتش ترقعها 💔قعدت حاصله فيها لعند اليوم !
كيف بتتصرف في وقت زي هاذا؟؟؟
وكيف ادير ؟
لي منو بتلجأ يساعدها؟
للاسف مفيش حد مساندها غير بنت عمها اسماء يلي معندهاش قدره لي ولا حاجه💔
__
ريماس:ناضت من نومها مفزوعه 
وليد:نووووضي نوووضي شنو رقدك توا؟
ريماس:نزلت من السرير وهيا خايفه....ن ن نعم ؟
وليد:من قالك ارقدي؟؟
ريماس:خداني النوم بدون مانحس !
وليد:قعمز ويشرب.....حكيتي لي امك وخواتك؟
ريماس؛ش شش شنو بنحكيلهم؟
وليد:ضحك....البرائه يا ناس !
مقلتيش وليد يعامل بيا غلط !!
ومحكيتيش على صحابي يلي يهيجو كل ليله هنايا؟
ريماس:هزت راسها بمعنى لا 
وليد:وقف ومسك السبته متعه....اناا منحبش الكذب 
ابدااا ابداااا 
لو حكيتي الصح والحق ...راهو تمام غفرتلك 
لكن للاسف كذبتي 
ريماس:تباعد بي خطوات بطيئه....شش شنو 
والله مكذب اقسم بالله 
وحق ربي 
وليد:اوووو وتحلفي بي الكذب زياده لالالالا غلط 
ريماس:انا م...ااااااااااااااه 
وليد:هاذي الخبطه الاولى عشان كذبتك 
ريماس:بدت تبكي وتحاول تهرب منه لكن مفيش فايده!!
--
الليل:
الليل ميفوتش على الناس زي بعض لا!
في ناس يفوت عليها الليل يكون طوووويل وسيئ لدرجه كبيره زي فاطمه وريماس 
وفي ناس يفوت عليهم الليل وهما منهاااارين من التفكير💔
زي رواد وسلمى!
في ناس بسرعه ما يفوت عليهم الليل لانه معبي حب ودفئ زي مروه وبدر وعائشه وانور 
وفي ناس يفوت عليها الليل وهيا تحاول تخطي خطوه القدام بس مش قادره ...زي نورهان ومجد !
في ناس تراجع في الخطط يلي دارتها اليوم او بديرها مزال زي لمياء 
وفي ناس رااااقده الليل كله مش عارفه بناتها شنو الاغلاط يلي يديرو فيها !...زي سمر💔
--
ثاني يوم ⛅️⛅️
عائشه:تلود في الدار وتبخر....انوررر انووور حبيبي نوض وقت عليك 
انور:فتح عيون.....اففف شن هاذا الدخان ع الصبح 
عائشه؛هاذي شوية اعشاب عطتهولي ماما قتلي بخريهم في حوشك باش حتى كان في عين اطير 
انور:ضحك....عليك قصص انتي وامك 
عائشه:هيااا انور وقت امتى بتفطر وتلبس 
انور:نزل من السرير باس راسها وكمل طريقه للحمام ❤️
عكس الصباح الحلو هاذا كان عند ريماس 💔
يلي نزلت من سريرها وجسمها ازررررق 💔
توضت صلة الصبح وهيا تبكي بحررررقه 
خش عليها وليد مش قادر يفتح عيون 
وليد:نوضي ديري دوره ع المربوعه نضفيها صاحبي طلع الحمام برا ديريله فطور....وتلوح ع السرير رقد من اثار السكير امس !
ريماس:دعت كم دعوه من قلبها وناضت 
كان صباح مروه زي اي صباح❤️
رساله حلوه من بدر ❤️
وراجلها مش جنبها طالع من الصبح بدون ما يعدل عليها او حتى يكملها 
قرت الرساله وطوول اتصل بدر عشان يسمع صوتها ويبدا  يومه بي صوتها زي كل يوم❤️
اما الصباح عند ويم زي العاده:-
رواد يعاند في فطوره بروحه ...وريم اكتفت بي فنجان قهوا تشرب فيه ع اقل من مهلها وتقلب في القنوات
رواد:فيه عصير؟
ريم:صاحبك الواطي كمله من امس العشي 
رواد:ماسك سفرة الفطور....كانك بنت اصل راهو انتي يلي توتيلي في فطوري انا وصاحبي 
ريم:والله يا بابا انا مش ملزومه لا بيك ولا بي صاحبك زي المرا الحرجانه في حوش بوها شادلي المربوعه قريب يطلعو منه الفطريات 
رواد:به به غير اعرفي كيف تدوي ...عبده وشايفه روحها 
ريم:قامت حاجبها....القهوا يلي حاطها في السفره ومتقدرش تكمل يومك بلاها رجعها للمطبخ لان لونها اسمر زيني 😊
رواد:الي يقدرك....وسكر الباب برجله 
ريم:تافه....وكملت شربها 
--
انور:نازل من الدروج وعلى وجها علامات الابتسامه بعد ما باساته عائشه وودعاته بحب ❤️
تلاقى مع فاطمه يلي كانت طالعه من شفتها وبنتها معاها 
انور:وين؟
فاطمه:بوجه تااعب ....بنمشي نطعم بنتي
انور:من رافعك؟
فاطمه:حد....بنطلع على الطريق بنشوف تاكسي 
انور:سكت شويه وهوا يشوف للبيبي ....اطلعي تو نوصلك 
فاطمه:تحكي كأنها يئست منه....مش ضروري انور 
توكل على ربي كمل طريقك 
انور:اركبي السياره معندناش حد هنايا يركب تاكسي 
فاطمه:طلعت وهيا تسكت في بنتها يلي بدت عياط 
_
سلمى:مسكة سورية بدر وكانت بتحطها في الغساله 
كانت متردده لكن تشجعت وشمت ريحتها وياريت ما قربتش عليها💔
اي بنت تقدر تميز ان الريحه هاذي ريحة بنت💔
تلخبطت سلمى ومقدرتش نشد دموعها 
امس روج واليوم ريحه؟
معقوله في شخص قلبه ميت يخون مرته من رابع يوم زواج؟؟؟
مسحت سلمى دموعها وحطت الحوايج في الغساله 
رغم هادا كله هيا قاعده تعطي نفسها في امل💔
_
مروه:السلام عليكم صباح الخير 
لمياء:تضحك بصوت واطي ....صباح النور خشي اسمعي العركه واسمعي كيف ربي ياخد في حقنا 😂
مروه:شن فيه؟
لمياء:سمر متبيش ترجع لي راجلها 😂وامها قتلها روحي 
مروه:ضحكت وقربت على المربوعه 
سمر:والله ماني مروحه لين يديرلي حوش بروحي 
سعاد:حووووش شنو،؟؟؟انتي رضيتي بيه في دار ولا؟؟؟
تحملي ما يجيك واسكتي انتي عندك بنت وولد توا 
بنتك كبيره مش صفيره 
سمر:وطت صوتها....حتى هوا يا امي يعامل فيا الفتره الاخيره غلطططط
سعاد:هاذا الراجل يابنتي لازم تصبري عليه 
سمر:لوفت وجها وسكتت
_
ريماس:كملت تنضيف المربوعه ولما جت بتطلع شافت شي يلمع في الجاكيت ...قربت عليه ونصدمت لما لقتها سلسلتها يلي خنبوها هذيك الليله 
طاحت ع الارض وخبطت على وجها....طلع هوا 💔هوااااااا 
لين قاطعها صوت من الخلف 
-لا مكانش وليد ....كان انا هديك الليله💔
_
رواد:يضحك ويحكي مع مجد بصوت عالي.....والله لما نفوزك يا عيل غير نجيب الخيط ...فتح باب دار النوم 
ريم:سكرت اللاب توب تشوفله بصدمه....اءء ان انت انت منو!؟
رواد:اختفت الضحكه من على وجها عشان يواجه الواقع يلي قدامه ....انكشف💔
ريم:كك كيف 
كيف يطاوعك قلبك تخدع عيله تامه؟؟؟كيف وولدهم الحقير شريك معاك الواطي 
مفكرش في مشاعر امه وبوه لما يكشفوك انك مش رواد؟؟؟؟
كيف قدرتم اديرو هكي !!!
رواد:ساكت مكانش في فمه ولا كلمه 
ريم:عيطت عليه بصوت عاااااااالي...انت منوووووو 
رواد:جاوب بي صوت متقطع💔....اء اء ان انا انا قيس...يتبع
google-playkhamsatmostaqltradent