Ads by Google X

رواية احببتها بعد عذابها الفصل الخامس والسادس - منار رمضان

الصفحة الرئيسية

  رواية احببتها بعد عذابها الفصل الخامس والفصل السادس بقلم منار رمضان عبر دليل الروايات للقراءة والتحميل pdf

رواية احببتها بعد عذابها الفصل الخامس بقلم منار رمضان

صقر : ودينى لندمها على اليوم اللى اتولدت فيه
مراد مسك أيده : دى شكلها بت غلبانة يا صاحبي ملكش دعوه يا مراد
صقر طلع برة لقى الحارس بتاعه ماسك حور من دراعها صقر اول ما شافه راح ضربه فى وشه وقعه على الأرض
صقر : يا حيووووان انت ازاى تمسكها كده وتوقفها جانبك مش تمسكها بالطريقة دى
الحارس : والله يا فندم هى عضتنى وكانت بتحاول تهرب عشان كده مسكتها
صقر بص لحور : انتى عضتيه
حور بغيظ : اه عضيته زى ما ضربتك بالقلم كده
صقر اتجنن را مسكها ودخلها جوة العربية
صقر أمر السواق يطلع على الشقة بتاعة صقر
صقر : انا بقا هعرفك تضربى مين بالقلم
حور حست بالخوف : انت هتودينى فين
صقر بصلها بحدة لجحيمى
حور حاولت تصوت أو تعمل اى حاجه صقر خدرها وهى ناااامت فى ثوانى
مراد بيحاول يتصل بصقر مش بيرد عليه وكمان راح المكان اللى هما متعودين يسهروا فيه مش لقيه هناك حاول مرة ورا مرة صقر مش بيرد لحد ما قفل الفون خالص
مراد بنرفزة : انت فين بس يا زفت اى واحدة بتبقى معاك مش بتطلع بيها برة المكان ده وبس خدتها ووديتها فين يابو دماغ ناشفة
بعد ساعة
حور بتفوق لقت نفسها في شقة معدية حدود الفخامة بكتييير قامت لفت فى الشقة كلها
حور بتكلم نفسها : الله ايه المكان ده يكونش انا موت ودخلت الجنة ههههههه الله دخلت الجنة جيالك يا ابو حور يا حبيبى بس انا موت ازاى بردوا
حور كانت بتتكلم وتتنطط بطريقة طفوليه ومتعرفش أن فى حد متابعتها
حور افتكرت : يوووووووووه يعنى لما اجى اموت اخر واحد اشوفه يبقى ابو قردان ده ده دمه زى السم مش بطيقه حتى لما كنت بشوفه فى التلفزيون واحد مغرور ومتكبر
حور قامت وبتقلده وراحت حطت ايديها فى جنبها وبتخن صوتها : انتى متعرفيش انا مين انا صقر الشناوى. يا خويا طظ فيك الله يحرقك يا شيخ بس بردو انا فيييين
صقر كان واقف بيحاول يتحكم في ضحكته على المجنونة اللى مش حسة بالمصيبة اللى هى وقعت فيها
صقر : خلصتى فقرة الاراجوز بتاعتك
حور اتخضت : بسم الله الرحمن الرحيم خضتنى يا شيخ الله يحرقك انت بتطلع منين
صقر قرب منها : انتى لسانك ده طويل اوى خلى بالك وانا مش بحب طولة اللسان دى هقطعهولك
حور : انت متقدرش تعمل حاجه اساسا انت بوء وياريت بقا تمشينى من هنا عشان ماما اكيد زمانها قلقانة عليا
صقر بمكر : لا انتى تنسى بابا وماما طول ما انتى هنا عشان انتى مش هتطلعى من هنا غير لما اخد اللى انا عايزه
حور بعدم فهم : انت مجنون بقولك ماما قلقانة عليا وانت تقولى مش هتطلعى وبعدين انت عايز ايه منى ممكن اعرف
صقر قرب منها بمكر : عايزة تعرفى
حور فهمت هو عايز ايه وجريت من ادامه وهو بيجرى وراها حور بتجرى وخايفة منه لحد ما فى حاجة وقفتها ومنعت صقر أنه يقربلها سنتى
Back
حور كانت بتحكى لسارة وهى بتعيط
سارة : خلاص أهدى يا حور متخافيش انا جانبك اهو
صقر : لسة اللى فى دماغك ده بردو
مراد بعند وتحدى : أيوة يا صقر هتجوزها ويكون في علمك انا بكرة هروح اتقدملها
صقر :ليه
مراد : هو ايه اللى ليه
صقر : يعنى ليه عايز تتجوزها ومتقوليش انك بتحبها والكلام العبيط ده ولا انت مشفق عليها
مراد : لا بحبها ومش مشفق على حد
صقر عروقه ظهرت ودمه فار : لا انت مش بتحبها يا مررررااد هى بس صعبانة عليك مش اكتر من كده
مراد : وانت مالك مضايق ليه احبها أو أشفق عليها ملكش دعوه يا صقر
صقر : ماشى يا مراد انا مليش دعوه واعمل اللى يريحك بس خلى بالك احنا لازم نسافر عشان الصفقة الجديدة
مراد : عارف وهنكون اتجوزنا قبل السفر
صقر : ماشى براحتك اللى انت عايزوا
سارة : حور أهدى يا حبيبتي خلاص عدى بس كملى ايه اللى حصل..

بقلم منار رمضان

حور Flash back
حور بتجرى ولمحت مصحف محطوت على الترابيزة جريت عليه ومسكته
حور : بالله عليك يا صقر باشا ما تقربلى
صقر اول ما شافها مسكت المصحف. وبتتحاما فيه وقف وبص فى الارض وسابها وطلع برة الشقة خالص
حور : الحمدلله يارب أخرج من هنا بقا انا معملتش حاجه غلط انا كنت بدافع عن كرامتى وكرامة اهلى يااااارب خرجنى من هنا
حور قامت وفضلت تدور على اى مخرج مفيش حتى الشبابيك والبلكونات عليهم حديد من برة وكمان مش هتعرف تنط منهم هى فى الدرو العشرين
حور بعياط : يارب عايزة أخرج من هنا
بليل حور سمعت صوت الباب بيتفتح راحت مسكت المصحف ووقفت ادامه
صقر : خدى الاكل ده
حور : مش عايزة منك حاجه انا عايزه اروح
صقر بصوت جهورى: قولتلك هدى الاكل وادخلى اعمليه ومفيش مشيان من هنا غير بمزاجى
حور بعياط : انت ايه يا اخى حرام عليك انا عملتلك ايه
صقر بزعيق: كلمة زيادة ومتلوميش غير نفسك هدى الطفح وادخلى على المطبخ
حور خدت منه الشنط وجريت على المطبخ بعد ساعة حو عملت الاكل وخرجت حطته على السفرة وراحت تمشى
صقر : اقعدى كلى
حور : لا شكرا
صقر : حور قولتلك اقعدى كلى انا مش عايز ازعلك
حور بعياط جامد : قولتلك مش عايزة حاجة منك وكمان مش عايز تزعلنى حرام عليك بقا مشينى من هنا انا مش طيقاك غور بعيد عنى بقا
صقر مسكها من كتفها : قولتلك مفيش خروج من هنا غير بمزاجى فتخرسى خالص ومسمعش صوتك واللى اقولك عليه تعمليه وانتى ساكتة مفهوووووووم
حور بخوف : م م مفهومم
صقر زقها : اطفحى
حور قعدت جانبه على السفرة وكلت من غير صوت لحد ما شبعت هى كانت جعانة جدا خلصت وشالت الاكل وطلعت عشان تنام دخلت الاوضة وجت تقفل الباب صقر حط رجله
حور بخوف : اااانت بتعمل ايه هنا
صقر زقها ودخل : هنام عندك مانع
حور : يعنى مفيش غير الاوضة دى اللى تنام فيها
صقر نام على السرير : اه مفيش
حور : طيب خليك هنا انا هروح اى اوضة تانية هنام فيها
صقر وهو بيتقلب : يبقى اخرجى كده وورينى عشان مش هيحصلك طيب
حور بنرفزة : حرام عليك بقا سيينى اروح اى داهية اتخمد فيها
صقر : لا
حور دخلت الاوضة تانى وراحت على الكنبة عشان تنام
صقر : هتنامى عندك
حور : البعيد مبيشوفش
صقر : لسانك بيطول اوى
حور : يبقى متكلمنيش عشان ميطولش عليك
صقر : تعالى نامى هنا
حور : تصدق انك بنى ادم زبالة قولتلك لا وبعدين انت متعرفش حاجه اسمها حرام اصلا
صقر : لا عارف بصى انا مش هناهد معاكى نامى زى ما انتى عايزة يكشى اصحى الاقى راقبتك اتلوحت من مكانها
حور وهى بتتغطى : أن شاء الله انت
صقر ضحك بخفة وحور نامت بعد خناق مع نفسها عشان تنام صقر بعد ما اتاكد أنها نامت راح عندها وقعدت على ركبته ادام وشها
صقر لنفسه : اد ايه انتى جميلة جدا وملامحك حلوة بس لسانك عليه طول مشفتهوش قبل كده وهربيكى عليه كويس نفسى اعرف انتى ازاى ملكتينى كده وملكتى قلبى صقر الشناوى اللى مفيش واحدة قدرت تخليه بس يبصلها انتى جننتيه ومن يوم واحد اومال لو قعدت معاكى عمرى كله هيحصل ايه فيا بس يمكن ده الحب اللى من النظرة الأولى اللى بيقوله عليه مش عارف بس انتى خلاص ملكتى صقر الشناوى صقر شالها ونيمها على السرير وغطاها كويس
تانى يوم
حور صحيت بتبص حواليها لسة بتستوعب : انا فين
بتبص جنبها لقت صقر نايم بهدوء خالص
حور : أيوة صح ابو قردان خاطفنى بس يلهوى عليك انت حلو كده ازاى يخربيت جمال امك
صقر : عارف عارف
حور : ينهارك اسود ومنيل انت ازاى جبتنى هنا
صقر : يخربيت لسانك على الصبح هكون جبتك ازاى يعنى شيلتك
حور وحطت أيدها على دماغها : انت شربتنى ايه عملت فيا ايه قول الله يخربيتك
صقر : اولا انا مشربتكيش حاجه ثانيا معملتش حاجه ثالثا جبتك هنا عشان انتى كنتى بتوقعى من على الكنبة بتعملى شقلبظات حضرتك رابعا بقا وده الاهم انا مش هعمل حاجه غير وانتى فى وعيك تمام
حور : أما انت قليل الادب وسافل صحيح اوعى تفكر انك تقرب منى تانى انت فاهم ة
صقر لسه هيمسك ايديها قامت جريت ودخلت الحمام
صقر بصوت عالي : مسيرك هتطلعى من عندك
حور من جوة : بعينك يا قليل الادب
صقر قعدت على السرير وببضحك : شكلك وقعت ومحدش سمى عليك يا صقر
وعدت الايام ما بينهم وهما فى خناقات على طول ولسان حور اللى بيطول كل شوية لحد فى يوم
حور طلعت من اوضتها لقت صقر قاعد فى الصالة بيسمع التلفزيون
حور : صقر ممكن اقولك ع حاجه
صقر رغم أنه اعترف لنفسه أنه بيعشقها مش بس بيحبها بس هو محسسهاش بحاجة
صقر من غير ما يبصلها : ارغى
حور بدموع وقعدت ادامه : ممكن بقا تخلينى امشى انا بقالى شهرين هنا
صقر : قولتلك بمزاجي
حور : صقر والله ماما ملهاش حد غيرى
صقر بصلها : يعنى عايزة تمشى
حور بدموع هى كمان حاسة أنها بتحبه شعور مش عارفه توصفه
حور : أيوة
صقر بمكر : ماشى
حور بفرح : الله عليك يا حبيب والديك من غير وعى بسته فى خده
صقر اتصدم منها
حور وخدت بالها من اللى عملته : انت قليل الادب والله العظيم
صقر : وانا مالى هو انا
حور : طيب طيب انا هقوم البس
صقر : هو انا قولتلك أننا هنروح دلوقتي
حور : اومال امتى
صقر : لما اعمل اللى انا عايزه
حور : وده بعينك يا صقر انا عندى اموت نفسي ولا انك تلمس شعرة منى
صقر : خلاص مفيش مرواح
حور : هو انت محدش علمك الحلال من الحرام متعرفش أن حرام تلمس اى واحدة وهى مش على زمتك
صقر : وانتى اللى هتعرفينى بقا
حور بعصبية وزعيق وده اللى صقر منبه عليه أنه مش بيحب الصوت العالى
حور : لو اهلك مش علموك الحلال والحرام انا بقا هعلمهولك وبعدين يا اخى عيب على مكانتك واسمك وعيب عليك قبل ده كله انك تكون مسلم ومتعرفش الصح من الغلط وده ليثبت أن فعلا انك مش متربى ولا اهلك عرفوا يربوك وشكل مكنش حد فاضى من ابوك او امك أنهم يربوك
صقر اول ما سمع امك وابوك مفقش غير وهى مغمى عليها من كتر الضرب وشالها وكله شر وحقد وطلع فوق
بعد وقت حور فاقت لقت هدومها متقطعة كلها ومرمية على الأرض ومفيش حد فى الاوضة
حور بهستيرية اول ما شافت المنظر : عاااااااا حراااااااام علييييك ليه عملت كده لييييييه عملت فيا كده انا اذيتك فى اييه ياخى حرررررااااام
صقر طلع من الحمام : يلا قومى عشان حوووووور
كانت حور اغمى عليها ومففتش غير فى المستشفى
Back
حور : ده اللى حصل
سارة بعياط على صاحبتها : ربنا ينتقم منه
حور : ومش هقدر اقول لماما حاجه
سارة : لااا اوعى وبعدين مراد هيتجوزك و. حور انتى متأكدة أن فى حاجة حصلت بينكم
حور : يعنى ايه الدكتور قال
سارة : انتى كشفتى بعدها
حور : واكشف ليه انتى مجنونة ما الدكتور قالى مش محتاجه كلام يعنى
سارة بعند : لا تعالى معايا
حور : فين يا سارة
سارة : ملكيش دعوة
حور : انتى مجنونة يا سارة جيبانى العيادة هنا ليه انتى عايزة تفضحينى
سارة : افضحك ايه يا هبلة انتى مش انتى بتقولى إن كان مغمى عليكى ومحستيش بحاجة بصى هتفهمى بعدين ومتخافيش دى صاحبتى
بعد شوية
الدكتوره : اذيك يا سارة عاملة ايه
سارة : الحمدلله تمام بصى يا دعاء انا عايزاكى تكشفى على حور بس هيبقى سر ما بينا احنا التلاتة بعد ربنا
دعاء : عيب عليكى يا سارة انتوا اخواتى
دعاء : انتى بنت يا حور متخافيش
حور وسارة 😲
يتبع .....

الفصل السادس

الدكتوره دعاء : حور انتى بنت متخافيش
حور وسارة: اييه
حور : يعنى ايه بنت مش فاهمة ازاى يعنى
دعاء : يعنى مفيش حاجه حصلت وانتى مفيش حد قربلك خالص
سارة : دعاء انتى متأكدة
دعاء : طبعا يا سارة هو انا ممكن اهزر فى حاجة زى كده
حور بدموع حضنت سارة : الحمدلله الحمدلله يارب
سارة : الف مبروك يا قلبى الحمدلله
سارة : يلا بينا نروح بقا
حور بفرحة : لا تعالى نقعد فى اى مكان انا فرحانة اوى حاسة انى كنت فى حلم
سارة بضحكة : احنا تحت امر السنيورتا
سارة اخدت حور وقعدوا فى كافيه على النيل
حور : ياااااااه ياسارة متعرفيش انا كنت مضايقة اد ايه كنت حاسة انى ميتة وان روحى طلعت منى بجد انا مبسوطه اوى
سارة : الحمدلله يا حبيبتي أننا عرفنا الحقيقة وانى اخدتك غصب عنك لدعاء
حور بسرحان : بس ازاى
سارة : انا بردو عايزة اعرف ازاى
حور : يعنى ده كان مصمم أنه ينتقم منى ويعمل اللى فى دماغه
سارة : مش عارفه والله يا حور بس اللى اعرفه انه ببكره البنات جدا وكمان متعود أنه يسهر فى أماكن وحشة وكده
حور : وانا مش عارفة ليه كده يعنى
سارة : بقولك ايه سيبك منه ودلوقتي فى حاجة اهم
حور : ايه هى
سارة : مراد يا حور دلوقتي انتى لازم تعرفيه أن مفيش حاجه حصلت وأنه مش مجبر على الجواز منك
حور : عندك حق انا لازم أقوله وافهمه أنه مش مجبر على الجواز منى وكمان لو قدر يفهم من الزفت ده حاجه يفهمنى عشان انا دماغى باظت
سارة : ماشى يلا بقا دلوقتي عشان مينزلوش يدوروا علينا
حور بضحك : يلا
فى قصر صقر الشناوى
احلام : لينا يا لينا
لينا : نعم يا خالتو
احلام : تعالى عايزاكى
لينا : خير يا خالتو
احلام : صقر فين ليه مختفى الفترة دى
لينا : والله يا خالتو علمى علمك بس اكيد عشان الشغل كمان كان معرفنى أنه داخل صفقة كبيرة مع شركة عالمية ممكن عشان كده مختفى
احلام : مش عارفة يا لينا بس انا خايفه أن اخوكى لما بيقعد لوحده بيفتكر الماضى وبيتعب اوى انا خايفه عليه
لينا : لا يا خالتو متقوليش كده أن شاء الله هينسى
احلام : هينسى ايه بس دى امه مهما حصل هى امه
صقر بزعيق: هو انا مش قووولت الست دى محدش يجيب سيرتها فى البيت
احلام : احنا كنا
صقر بزعيق : كنتوا ايه ليه كل ما احاول انسى تفكرونى انسوها بقا زى ما هى نسيتنا حرام عليكوا انا تعبت اااه
احلام ولينا : صقرررر
فى قصر مراد الشاذلى
مراد : ده انت يا صقر اللى يفتكرك يتحرق دمه يا شيخ
الدادة صباح : مراد بيه
مراد : نعم يا دادة
صباح : احضرلك العشا يابنى
مراد راح بأس دماغها : ياريت والله يا صبوحة عشان انا همووت من الجوع
صباح : من عينيا يا بنى
مراد : تسلملى عيونك انا بجد من غيرك مكنتش عارف هعيش ازاى
صباح : يابنى والدك ووالدتك الله يرحمهم ليهم خير عليا ومشغلنى عندهم من زمان وكانوا بيعتبرونى اختهم مش الشغالة بتاعتهم وانت لما اتولد انا ساعد والدتك فى تربيتك عشان كنت شقى اوى من صغرك كده وانت شقى يعنى انت تعتبر ابنى يا مراد
مراد : الله يرحمهم وانتى متعرفيش غلاوتك عندى زى غلاوة امى بالظبط يلااااا بقا هموووت من الجوووووع
صباح بضحك : حاضر ثوانى بس
مراد تليفونه رن وكانت لينا
مراد باستغراب لينا ايه اللى حصل : الو لينا
لينا بعياط : مراد الحق صقر
مراد اتنفض ماله ايه اللى حصل
لينا : وقع فجأة
مراد : انا جاى حالا
مراد راح للينا واحلام البيت
الدكتور : هو كويس بس الضغط بقا عالى فجأة وياريت ياخد علاجه في ميعاده
مراد : ماشى يا دكتور شكرا
الدكتور : العفو
مراد اخد احلام ولينا برة : هو ايه اللى حصل
احلام حكتله اللى حصل
مراد : هو مش قايل مليون محدش يجيب سيرة الست دى هنا تانى
احلام : غصب عني والله يا مراد
لينا : انا معرفش بس هى ايه معندهاش دم ولا دين ربنا ينتقم منها
مراد : خلاص يا لينا ربنا مش بيسيب حق حد اهدوا انتوا ومحدش يجيب سيرتها تانى
احلام : ماشى
مراد : انا ماشى دلوقتى بس سيبوه يرتاح وانا هبقى معاكوا على التليفون
احلام : طيب يا بنى
مراد : سلام
سارة : ها يا صاحبى هتعملى ايه
حور : هو هيجى بكرة يتقدملى اكيد هقوله
سارة : انتى مش معاكى رقمه
حور : اه معايا
سارة : طيب رنى عليه وعرفيه
حور : لا يا سيتى اتكسف أكلمه انا
سارة : تتكسفى ايه هو انتى هتحبى فيه انتى هتقوليله حاجه مهمة وتقفلى على طول
حور : لا يا سيتى
سارة : اخلصى يا خور طيب هاتى فونك
حور : سارة بس لا
سارة : وحياة امك لرن انا عليه خدى خدى فتح
مراد : حور الو
حور : الو
مراد : مالك يا بنتى مش بتردى ليه
حور : احم ابدا بس كان فى حاجة مهمة حصلت ولازم تعرفها
مراد : حاجة ايه مالك يا حور انتى كويسة
حور : اه كويسة
مراد : طيب اتكلمى حاجه ايه
حور : بصراحة كده انا وسارة صاحبتى روحنا عند دكتورة النهاردة وعرفت أنى لسه بنت
مراد : ايييه ازاى يعنى
حور : هى الدكتورة قالت كده واتاكدت كمان
مراد بفرحة : انتى بتتكلمى جد يا حور
حور باستغراب : اه بجد انت فرحان كده ليه
مراد : اومال عايزانى ازعل لازم افرح طبعا
حور : اه اكيد لازم تبقى فرحان عشان كنت هتشيل مسئولية وهم انت ملكش علاقة بيه انت دلوقتى حر ومش ملزوم انك تستر عليا وانا بجد بشكرك ومقدرة واقفتك جانبى
مراد : خلصتى اللى عايزة تقوليه
حور : اه سلام
مراد : متقفليش
حور : ليه
مراد : انتى اتكلمتى وانا سمعتك دلوقتى انا هتكلم وانتى تسمعى
حور : اتفضل
مراد : انا فرحان ومبسوط لانك زى ما انتى وصقر مقربش منك وكمان عشان متحسيش نفسك مجبرة عليا أو حتى تحسى انى بستر عليكى زى ما بتقولى انتى دلوقتى حرة أن كنت. عايزانى ولا لا
حور : يعنى انت لسه عايز تتجوزنى
مراد : طبعا عايز زى الاول قبل ما اعرف الحقيقة كمان موافقة يا حور
حور : موافقة
مراد : متتخيليش بجد انا مبسوط اد ايه أن شاء الله اول ما صقر يقوم بالسلامه هاجر اتقدملك
حور قبلها اتقبض صقر يقوم بالسلامه: ليه هو فى حاجة حصلت
مراد بابتسامة : تعب شوية والضغط كان عالى بس الحمدلله هو كويس دلوقتي
حور : احسن
مراد : ههههه ماشى يا قمر أن شاء الله اول ما يقوم هجيلك هوا
حور : ماشى مع السلامه
مراد : سلام يا قمر
سارة : مالك يا بت قلبتى كده ليه
حور .....
سارة : حوووووووور
حور : هاا ايه
سارة : ايه اللى ايه مالك
حور : مفيش حاجه
سارة : طيب قالك ايه
حور : قال إنه هيجى يتقدم بعد.كام يوم وفرح اوى
سارة : طيب يا قلبى مبروووك
فى قصر صقر الشناوى
صقر نايم عمال يتقلب فى السرير وعرفان وجسمه متلج ومش عارف ياخد نفسه
صقر فاق فجأة : أعوذ بالله من الشيطان الرجيم اعوذ بالله من الشيطان الرجيم يارب هو انا مش هبطل اشوف نفس الكابوس ده انا خلاص كرهتها ومش عايزها عايز انساها يااااااارب ابعدها عننا يااارب
يتبع .....
google-playkhamsatmostaqltradent