Ads by Google X

رواية احببت خادمتي كاملة - بقلم فرح احمد

 رواية احببت خادمتي كاملة من الفصل الأول للأخير بقلم الكتابة فرح احمد

رواية احببت خادمتي كاملة

رواية احببت خادمتي الفصل الأول

انا يارا اتولدت في الصعيد اهلي صعايده بس انا مكنتش بحب العادات الي عندهم كان نفسي اوي اسافر القاهره و اشوف الناس و ابعد عند الصعيد خالص اهلي ناس مش غنيه و مش فقيره يعني متوسطين نفسي اوي ابقي مدرسه و ادرس للبنات الس مكاملوش تعليم عندي اخ اسمو علي ده الكبير و امي ماجده و ابويا عبد التواب ابويا طيب و غلبان اوي بس عمي شديد جدا و انا مابحبوش لا هو ولا ولادو اصل ولادو دول رخمين اوي

المهم مش هطول عليكو

عندنا البنت لازم تتجوز ابن عمها و انا مش بحبهم نفسي اتجوز واحد بحبو و يحبني المهم كبرت و خلصت الثانويه العامه و عمي قال اني مش هكمل تعليمي و بابا وافق علي طول اصلو بيخاف منو و زعلت اوي و عيطت كتير جدا

علي اهدي معلش يا حبيبتي

يارا حلم حياتي ضاع يا علي ضاع

ماتستغربوش اني بعرف اتكلم زي بتوع القاهره اصل عندي واحده صحبتي اسمها ندي من عيله كبيره اوي و هي من القاهره يعني جت مره الصعيد تزورها و اتعرفت عليها بقينا صحاب و جبتلي موبايل و علمني انا و علي ازاي نتكلم زيها و بقينا بنتكلم كل يوم في الموبايل و هي كانت بتيجي في الاجازه كنت بحس ان الواد علي كده معجب بيها بس اتأكده لما اعترفلي انو بيحبها

علي بصراحه انا بحب ندي

يارا بجد

علي ايوه بحبها اوي

يارا شكلها كده هي كمان بتحبك ماتقلقش انا هعرف

و كلمت البت ندي و عملت عليها حوار كده و قلتلها ان علي بيحب بنت من عندنا يعني بس الغريبه انها ماادتش اي رد فعل كانو عادي بالعكس دي قالتلي انها ممكن تخليه يجي يشتغل عند ابوها في الشركه و يكون نفسو و كنت مشغله الاسبيكر و الواد علي كان سامع و زعل اوي و قرر ينساها بالظات لما ابويا قالو انو لازم يتجوز بنت عمو البت ورده بت طيبه اوي و في حالها كده

المهم عرفت ان هما هيجوزوني ابن عمي احمد مش بحبو بحسو بارد كده بكرهو اوي و قررت اهرب و كلمت البت ندي و قالتلي انها ممكن تخليني اجي عندها

بس اهلها كانو جامدين كده ماكنوش يعرفو اننا صحاب اصلا كانو رافضين انها تسافر الصعيد اصلهم من عيله كبيره و ليهم اسمهم و سمعتهم و لو عرفو انها مصحباني مش هيخلوها تشوفني تاني و انا اقترحت عليها فكره حلوه

يارا ايه رايك اشغل خدامه عندكو

ندي ايه لا طبعا

يارا افهمي اهلك لو عرفو انك مصحباني مش هيخلوني اشوفك تاني و لو اشتغلت عندكو هقدر اشوفك علي طول

بعد الحاح كبير تدي وافقت و في يوم في الغجر كده قمت و خرجت برا البيت و لقيت عربيه فيها شاب و ندي

ندي اركبي بسرعه

ركبت بس الشاب ده كان بيبصلي اوي

ندي اعرفك رعد اخويا

يارا اهلا بحضرتك

رعد اهلا

يارا رد عليا ب استحقار كده المهم روحنا الفيلا علي الصبح كده كانت فيلا كبيره اوي فيها حراسه كتيره و عربيات اكتر المهم رعد و ندي طلعو علي اوضتهم و كانهم كانو نايمين و قالتلي ازاي اخليهم يشغلوني عندهم

بعد شويه فضلت واقفه قدام الفيلا و واحد من الحراس جه عليا

الحارس انتي واقفه ليه كده

يارا انا كنت عايزه اشتغل اي حاجه لو حتي خدامه

الحارس ادخلي

دخلت الفيلا و لقتها جميله جدا كل حاجه في روعه الحارس دخلت اوضه فيها راجل كبير في السن بس مش باين عليه خالص و ست تانيه كبيره في السن بس كتر العمليات مش مبين ليها ملامح

عايزه ايه

يارا ان ابس كنت عايزه اشتغل اي حاجه هنا

الست اتكلمت بغرور انا فريده هانم و دا عبدالله بيه و انتي هتشتغلي خدامه هنا روحي المطبخ خليهم يدوكي اللابس

خرجت برا و انا ماسيه خبطت في واحد

يارا انا اسفه يا استاذ

محصلش حاجه كمل باستغراب بس انتي مين

يارا انا الخدامه الجديده يا استاذ

ادهم اسمي ادهم ابن فريده

يارا ااه فريده هانم

ادهم ايوه

يارا طيب عن اذنك

روحت ناحيه المطبخ دخلت بصيت عليه المطبخ قد البيت الي انا عايشه فيه شكلو جميل جدا

جت عليا ست شكلها طيبه جدا

انتي مين

يارا انا الخدامه الجديده

انا دادا علياء و انتي

يارا انا يارا

علياء انا هنا بقالي اكتير من عشرين سنه انا الي مربيه ادهم و ندي وورعد

يارا ايوه

علياء و انا الي مسؤله عن الخدم و عن كل حاجه تحصل في الفيلا

يارا ايوه

علياء تعالي بقي عشان اوريكي الاوضه بتاعتك

يارا انا ليا اوضه

علياء طبعا

دادا علياء خدتني و ودتني اوضه

كانت جميله اوي كانت سرير و دولاب و تسريحه و حمام و بلكونه فيها كل حاجه

علياء دي الاوضه الي بيقعد فيها الخدم

يارا يالهوي دي الاوضه بتاعت الخدم امال اصحاب الفيلا الاوضه بتاعتهم عانله ازاي

علياء سيبك من ده كلو انتي هتفضلي مقيمه هنا في الفيلا ولا هتروحي عن اهلك

يارا لا انا هقعد هنا

علياء يبقي دي الاوضه بتاعتك يا يارا و ده الدولاب في هدوم

يارا بس انا معايا هدوم

علياء لا انسي هدومك دي الهدوم الي في الدولاب دي شيك و احلي فريده هانم بتحب كل حاجه تبقي منظمه و شيك

يارا حاضر

علياء يلا بقي خدي دوش و نامي و الشغل من اول بكره اه نسيت لازم لبسك دايما يبقي نضيف و انتي تبقي نضيفه و عشان فريده هانم تهجب بيكي و تحبك و لازم اوضتك تبقي نضيفه عشان فريده هانم بتعدي تشوف الغرف نضيفه ولا لا

يارا حاضر

دادا علياء خرجت و انا فتحت الدولاب لقيت بيجامات و فساتين و لقيت كمان اللبس الي هشتغل بيه الاكسسوارات موجوده و البرفانات و المكياج كل حاجه

يارا يارتني هربت من بدري ايه الدلع ده

المهم خدت بيجامه و خدت دوش و زبطت نفسي زي ما قالت و زبطت الاوضه و نمت

في اليوم التالي

صحيت علي صوت خبط قومت من السرير و زبطت نفسي وفتحت لقيت دادا علياء و فريده هانم

يارا تفضلو

دخلو و فريده هاتم بصتلي بأعجاب

فريده شعرك حلو اوي يا يارا و ناعم شكلك بتهتمي بيه

يارا ايوه بهتم بيه و بسرحو علي طول

فريده كويس اوضتك جميله المهم اي خدامه جديده هنا لازم تعمل الفطار عشان نشوف اكلها

يارا من عنيا

خرجو خدت دش و لبست لبس الشغل و دخلت المطبخ و عملت فطار

انا شاطره جدا في الطبخ امي دايما بتعلمني الطبخ عملتلهم فطار و خرجت حكيتو علي السفره

فريده الله حلو جدا انتي منين

يارا من الصعيد

عبدالله و بتعرفي تعملي الاكل ده ازاي

يارا من علي النت كل حاجه علي النت انا بحب اتعلم كل حاجه

عبدالله باعجاب برافو عليكي ليكي مستقبل كبير انتي في كليه ايه

يارا مادخالتش كليه كان نفسي ابقي مدرسه و اعلم البنات الي لسه ماتعلموش

عبدالله ماتقلقيش اعتبري نفسك خلاص في الكليه

يارا بجد يا بيه

عبدالله بجد

يارا شكرا جدا بيه

دخلت اوضتي و انا فرحانه اوي شويه و دخلا ندي

ندي مبروك يا حبيتي

يارا انا فرحانه جدا يا ندي

ندي و ان اكمان يا يارا

يارا مين الاتنين الي كانو قاعدين معاكو دول

ندي ماتيجي نتعرف علي الشخصيات احسن

يارا ماشي

ندي بنت زي القمر زي طبعا مش محتاجه كلام في كليه هندسه و نفسها تطلع مهندسه ديكور بتحب السفر جدا

رعد اخو ندي شاب مستهتر اوي في منتصف العشرينات

ادهم اخو ندي الكبير ضابط شرطه شاطر جدا متواضع اوي زي القمر زي طبعا

فريده هانم برميل تكبر هتقول ليه ماقلتيش غرور عشان لدغه في ال ر 🙂

عبدالله ابو ندي مش متكبر زي فريده اهم حاجه عندو سعاده ولادو

عبد التواب ابو يارا شخصيه ضغيفه مش ليها رأي بيخاف من اخوه جدا

علي اخو يارا شاب طيب و غلبان زي كده

احمد واد رزل كده و رخم اوي

عصام عم يارا بارد جدا و مش بيحب يارا خالص

ورد اخت احمد في حالها علي طول طيبه و غلبانه و زي القمر زي

كده الشخصيات خلصت

يتبع..

الفصل الثاني

في الصعيد

احمد اختفت مش لقينها

عصام الفاجره جبتلنا العار

في القاهره

عبدالله بيه نفذ كلامو و و دخلت الكليه كانت حلوه اوي و كنت فرحانه اوي خلصت و ركبت تاكس و قعدت اتفرج علي الطريق كان جميل اوي المهم روحت و دخلت و لبست لبس الشغل و بدات الشغل و انا بشتغل جت فريده هانم و دخلت المطبخ

فريده يارا انتي الي تعملي الغدا و دادا علياء هي الي تشرف عليكي

فرحت جدا و عملت الاكل و كان في شويه اخطاء و دادا صلحتهالي عملت الاكل و حطيتو علي السفره و

فريده عايزين فطار مختلف ممكن تعمللنا الفطار الصعيدي الي بتفطريه عندكو

فرحت اوي و كنت متحمسه

خلصت شغل و دخلت الاوضه بتاعتي خدت دش و اترميت علي السرير الشغل متعب بس حققت الي انا عايزاه قمت و زاكرت شويه كنت متحمسه للمزاكره اوي و بعديها الباب خبط و دخلت ندي

ندي هاي عطلتلك

يارا لا انا خلصت

ندي شكل كده ماما هتحبك

يارا معتقدش

ندي تؤتؤ اقولك دادا علياء كانت كدا و بدات ماما تعاملها مويس و تثق فيها اوي و هي بقت مسؤله عن كل حاجه تحصل في الفيلا

يارا يمكن

كنت فرحانه ب كلام ندي اوي بس كنت خايفه من اهلي بس ندي طمنتي و قالتلي انهم مش هيعرفو يلاقوني اخرهم يدورو عليا في الصعيد و خلاص استريحت ل كلامها بالظات اهلي مش عارفين اماكن كتير في القاهره

عدي شهرين

فريده هانم بقيت تعاملني حلو اوي و قالتلي ماقلهاش يا هانم تاني فرحت اوي دي كمان بقت تشتري معايا لبس الكليه اه نسيت انا بقيت شاطره اوي في الدراسه و طبعا فريده بقت تساعدني كتير اكتشفت انها مش مغروره زي نافكرتك بالعكس دي طيبه اوي كنت مرتاحه جدا بس الحاجه الوحيده الي ماكنتش مرتاحلها هي رعد كان دايما بيحاول يكلمني اوقات بيجي يخبط علي اوضتي في وقت متاخر كنت بقفل الاوضه بالمفتاح

دادا علياء مره قالتلي ان رعد ده مش كويس

دادا علياء ابعدي عن رعد مش كويس و ممكن يلعب بيكي

سمعت كلام دادا علياء و بعدت عنو و لما.جه يكلمني قولتلو اني مش هينفع اكلمو و كان ردو قاسي اوي

رعد و انتي فكراني هبص ليكي دا انتي مجرد خدامه بتخدميني

سبتو و مشيت دخلت اوضتي قعدت اعيط كتير اوي الكلمه وجعتني اوي الباب اتفتح و دخلت فريده و خدتني في حضنها

فريده ماتزعليش هو رعد دايما دبش كده

بارا حضرتك عرفتي منين

فريده سمعتكو انتي مش خدامه يا يارا انتي بتشتغلي هنا و الشغل مش عيب مش كده

يارا صح

فريده اغسلي وشك و تعالي اعمليلي عشا عشان نفسي اكل من اديكي الحلوين

الكلمه فرحتني مع انها كلمه بس ممكن تفرح اي حد

خرجت و عملتلها عشا و قعدنا نتكلم و عملت ل نفسي و اتعشينا مع بعض

فريده قوليلي بقي انتي ليه مش عايشه مع اهلك

حكتلها كل حاجه عن اهلي ارتحتلها اوي

فريده يا حرام معلش يا حبيبتي اوعي تخافي طول ما انتي في الفيلا هنا محدش يقدر ياذيكي

يارا علي وحشني اوي

فريده ممكن تكلميه

يارا مش معاه موبايل

فريده خلاص اكتبي جواب ليه و انا هخلي حد يبعتهولو و ماتقلقيش محدش هيعرف من اهلك جريت علي طول علي اوضتي و كتبت جواب ل علي و اديتو ل فريده

فريده تمام روحي نامي انتي و ماتقلقيش

في اليوم التالي في الصعيد

علي صحي لقي جواب جمبو علي السرير استغرب اوي فتحو

علي انا يارا انا هربت و روحت اشتغل في بيت بتاع ندي مماتها طيبه اوي اتجوز ورد و انزل القاهره و قول ل عمي ان انت لقيت شغل ب مرتب كبير و هو هيوافق علي طول و قولو انك هتبعتلو فلوس كل شهر هو طماع و هيقولك ماشي و هتلاقي موبايل جمبك الموبايل فيه رقمي اتصل بيا و اتواصل معايا

في القاهره

صحيت انهارده مش عندي كليه انهارده اجازه قومت و لبست لبس الشغل و خرجت لقيت بوكيه ورد جميل اوي و لقيت كرت

انا اسف ماكنتش قصدي يارب تقبلي اعتزاري

رعد

فرحت اوي بصراحه و بعديها لقيت رعد جاي عليا

رعد احم انا اسف جدا يارب تقبلي اعتزاري

يارا حصل خير

رعد مدلي ايدو و قالي صحاب

حطيت ايدي في اديه و قولتلو صحاب

نسيت كلام دادا علياء خالص رحت و اشتغلت و كنت مستنيه مكالمه علي و اخيرا تلفوني رن و كان علي خرجت و روحت الجنينه

يارا علي ايوه وحشتني اوي

علي و انتي كمان يا يارا

يارا ها فكرت في كلامي

علي ايوه فكرت و موافق

يارا ماشي اتجوزها في اسرعه وقت و ماتقلقش انان هخلي ندي تشغلك عند باباها

علي تمام سلام بقي

يارا سلام

خلصت و لفيت لقيت رعد كان وشو احمر و كان شكلو متعصب اوي

رعد كنتي بتكلمي مين

يارا دا علي

رعد علي مين

يارا اخويا

هدي شويه

رعد ماشي

سبني و مشي ماداش اهميه للموقف و مشيت

يتبع...

الفصل الثالث

عدي كمان شهر و انا و رعد بقينا قريبين من بعض و انا حبيتو جدا و مع ان دادا علياء كانت بتحزرني منو بس انا مكنتش بسمع ل كلامها المهم علي اتجوز ورد بس كنت زعلانه عليه اوي هو مش بيحبها و ممكن يظلمها علاقتي ب فريده بقت كويسه جدا و قولتلها اني انا و ندي صحاب و ماعترتض خالص بالعكس دي فرحت انا بقيت شاطره اوي في الدراسه الحمدالله و في يوم كنت قاعده انا و فريده

يارا كنت عايزه اسألك سوأل بس محرجه

فريده عارفه هتقوليلي ليه الي يتعامل معايا يفتكرني متكبره بصي يا ستي انا كنت من عيله فقيره جدا و كنت بنزل اشتغل في المحلات و من محل ل محل اشتغلت كتير و لما كبرت و خلصت كليه روحت اشتغلت في شركه كنت في كليه تجاره اشتغلت و كان صاحب الشركه ابو عبدالله

يارا انا كنا فكراكي من عيله غنيه

فريده مش لازم المهم اشتغلت سنه و حالنا اتحسن شويه عشان انا و اخوتي كلنا كنا بتشتغل كان عندي اخ و اخت اخويا اتجوز و سافر و اختي اتجوزت صاحب عبدالله

يارا بس من اول ما جيت هنا مجتش ليه

فريده هي عايشه طول حياتها نوادي و سهر و مالهاش دعوه ب عيالها كل اخواتي اتجوزو الي انا في مره كنت بشتغل و لقيت عبدالله واقف بيعاكس في البنات كان وسيم جدا كان يعجب اي بنت بس انا مركزتش معاه و كملت شغلي

فلاش باااااك

فريده في نفسها ركزي و مالكيش دعوه ب حد عشان ماتخسريش شغلك

عبدالله البنات كلها واقفين جمبو و هو استغرب ان فريده قاعده في مكانها

عبدالله مين دي

بنت من الي واقفين دي فريده بس ابعد عنها مالهاش في الكلام ده

عبدالله ليه

محترمه و ملتزمه في الشغل و قفل كده و مابتتكلمش غير في الشغل

عبدالله بس قمر بقولك هو شعرها حلو و كده

حلو ده عامل زي الشوكلاته السايحه

عبدالله ماشي

لقيتو جاي عليا ماتدتش اهميه و كملت عادي و فضل واقف قدامي و انا ماتدهوش اهميه برضو

اتغاظت اوي ده اي بنت تتمني تكلمني
مسكت فيشه الكمبيوتر و شلتها

فريده وقف قدامو

فريده يا متخلف انت ازاي تعمل كده مش شايفني بشتغل

عبدالله مسك النضاره بتاعت فريده و قلعلها

عبدالله كده احلي عشان اعرف اشوف عيونك الحلوين

فريده لو سمحت هات النضاره مش بشوف من غيرها

عبدالله لا

فريده بقولك هاتها

جه ابو عبدالله

ماهر في ايه الي بيحصل هنا

عبدالله البت دي سابت الشغل و قعدت تتكلم معايا و انا بقولها تكمل شغلها

ماهر عبدالله اديها النضاره

عبدالله مسك اديها و حط فيها النضاره و هي لبستها

ماهر غور من هنا متجيش تاني و انتي يا فريده انا بعتزر منك علي سخافه عبدالله

فريده بصت ل عبدالله بانتصار مفيش حاجه حصلت

باااااك

يارا لا كملي

فريده لا بكره بقي قومي اعملي الاكل انا جعانه

عبدالله بتعملو ايه

يارا مفيش فريده كانت بتقولي انها كانت فرحانه لما انت رزلت عليها و خدت منها النضاره زمان و ان هي كانت معجبه بيك اوي اول ما شفتك

عبدالله مايغركيش ان انا كبرت انا لسه الستات بتجري ورايا

فريده ماشي يا بتاع الستات خلي الستات تنفعك و انتي قومي يلا اعملي الاكل عشان متعصبش عليكو

يارا مش عامله حاجه

عبدالله و لو قولتلك عشان خاطري

يارا بدلع من عيوني يا بودي

فريده بتتدلعي علي جوزي

يارا هي جت عليا ما الستات كلها بتتدلع عليه ولا انا وحشه

عبدالله انتي زي القمر

فريده روحي اعملي الاكل عشان مارميكيش في الشارع

يارا و هي ماشيه ماتقدريش

عبدالله علاقتك بيها قويه اوي ده انتي ماكنتيش بعملي كده و علياء

فريده يارا طيبه و اتظلمت من اهلها و عسوله اوي

عبدالله فعلا هي طيبه اوي

يتبع
google-playkhamsatmostaqltradent