U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية خيانة بلا مبرر كاملة - بقلم وفاء رشدي

 رواية خيانة بلا مبرر كاملة جميع الفصول بقلم الكاتبة وفاء رشدي الرواية من الفصل الأول إلى الفصل الأخير عبر دليل الروايات للقراءة والتحميل pdf

رواية خيانة بلا مبرر كاملة

مقدمة رواية خيانة بلا مبرر

كنت بحب اتفرج عليه اوووى وهو بيسرح شعره
شعره ناعم جدا وجميل اوى مايل للون الأصفر ونازل على عينه كدا وزى الممثلين ايه دا
بقى الود الحليوه دا يبقى ابن عمتى
زمان لما كنا فى المدرسه كانت البنااات كلها بتكرش عليه
وكانوا بيصاحبونى علشان انا قريبته ويقدروا يتقربوا منه عن طريقى
وانا بقى من خيبتى بحسبهم بي بيصاحبونى علشان نفسى
بس اى حد يشوفنا مع بعض يحسب اننا اخوات من كتر الشبه الى بينا
وبما أنه شايف نفسه حليوه والبنات كلها بتجرى وراه تقولش حسين فهمى
كان تلاقيه مصاحب ١٠ بنااات على بعض
والمشكلة أنهم بيبقوا عارفين
احنا متربين مع بعض وبنعتبر بعض اخوات عمرنا مافكرنا فى بعض بصوره تانيه خالص
كنا بنذاكر مع بعض حتى فى الثانويه العامه جبنا مجموع زى بعض ههه مش حاجه غريبه دى
رغم انه كان مقضيها مع البنات بس ابن الايه دا كان شاطر جدا
احنا الاتنين دخلنا طب اسنان
انا بقى موزة العيله
اسمى چيچى بس الحقيقة چيهان
وهو اسمه عمر
انا وحيده بابا وماما
وعمتو فاطمه عندها عمر ومهاب
مهاب عكس عمر خالص واخدها جد جدا وشايف نفسه وبيكره البنات ليه مش عارفه عمره ما ضحك فى وشى ابدا
اى نعم هو وسيم جدا بس الحلاوه مش كل حاجه دا حتى مش له اصحاب اولاد غير واحد زيه كدا تحسوا أنهم اختاروا بعض علشان زى بعض
مهاب اكبر من عمر ب ٣سنين هو فى صيدله
احنا عايشين فى بيت واحد كبيير هو بيت جدى الله يرحمه
جوز عمتى اتوفى لما كان مهاب وعمر صغيرين ومارضيتش تتجوز بعد ما اتوفى
بابا مهندس وماما مهندسه بيشتغلوا فى نفس الشركه
بأى بقى علشان بكره اول يوم فى الدراسه واول يوم ليا فى الكليه
اها نسيت اقولكم مهاب معانا فى نفس الجامعه
ربنا يستر بقى

الفصل الاول من رواية خيانه بلا مبرر

المهندسه نوال مامت چيچى
وباباها اسمه المهندس سمير
وعمتها اسمها ليلى
المهندسه نوال : چيچى يلا قومى علشان متتأخريش
اول يوم هتروحى متأخره كدا
چيچى : لسه بدرى ياماما سبينى شويه
نوال : يلا قومى بلاش كسل يلا علشان نفطر انا كمان ورايا شغل يلا علشان متأخرنيش
چيچى : حاضر يا بشمهندسه هقوم اهو انا قومت خلاص انا فى الحمام اهو خخخخخخ
نوال : يابنتى قومى بقى انا وعمتك هنحضر الفطار تكونى قومتى ولبيستى كمان
انا مش هطلع ليكى تانى
چيچى : تمام تمام
نوال نزلت لاقيت ليلى مجهزه الفطار
نوال : ايه الحلاوه دى يا لولا طيب مش استنيتى ليه لما كنا نجهزه سوء انتى بتتعبى اوى يا حبيبتى
ليلى : ما انتى كمان بتتعبى مع اخويا فى الشغل يا نانى
هى چيچى قامت ولا لسه
دا عمر طلع عينى عقبال ما قام
نوال : ههههه توأمه فوق
ليلى : تحسى أنهم فوله وانقسمت نصين
نوال : ربنا يهديهم
مهاب نزل اهو
مهاب : صباح الخير
نوال وليلى مع بعض صباح النور
نوال : ايه ياهوبا عامل ايه
مهاب : الحمد لله ياطنط بخير
نوال : كل سنه وانت طيب اول يوم فى الدراسه
مهاب : وحضرتك طيبه
نوال : ابقى خلى بالك من اخواتك چيچى وعمر
مهاب : هههه اخلى بالى منهم ازاى يعنى هما اطفال ودا اول يوم ليهم فى المدرسه
ليلى : يابنى نانى قاصدها انك قديم فى الكليه وهما لسه جدد ومش عارفين حد هناك
مهاب : ياماما اولا هما فى كليه وانا فى كليه تانيه خالص
ولازم يعتمدوا على نفسهم
انا ماشى سلام عليكم
نوال : ايه مش هتفطر ما تمشيش من غير فطار
مهاب : ماليش نفس ياطنط
نوال : مافيش حاجه اسمها ماليش نفس لازم تاكل اى حاجه
ليلى : خلاص بقى يا مهاب اقعد افطر معانا
مهاب : حاضر
ليلى وهى بتبص ناحية السلم وبتضحك : يخرب عقلك ايه الى انتى عاملاه فى نفسك دا
نوال ومهاب بصوا لاقوا چيچى نازله
نوال بصدمه : انتى رايحه فين يا چيچى ب المنظر دا
چيچي : ماله المنظر ياماما مش انا رايحه الجامعه بقى
ليلى : والى رايح الجامعه بيعمل كدا
مهاب بقرف : مفكره نفسها راحه كباريه
چيچى : انت مالك انت هو حد خد رأيك
مهاب قرب منها ومسك دراعها ولواها ورا ظهرها
مهاب : مال مين انتى عبيطه ولا ايه
چيچى : اى اى اى دراعى انت وجعتنى
نوال : تستاهلى هو ايه انت مالك دى
چيچى بعصيبه : ايوه هو ماله
مهاب وهو بيضغط على درعاها جامد : انتى بتعيديها تانى
صرخت چيچى
ليلى : ايه يامهاب ماخلاص هو حصل ايه يعنى سيب دراعها
مهاب : ياماما انتى مش شايفه بكلمنى ازاى
ليلى زقت مهاب واخدت چيچى فى حضنها
وقالت لها براحه اطلعى حبيبتى غيرى الهدوم دى وخفيفى الميك اب خالص الى انتى حاطها دا
الكليه زى المدرسه بالظبط ليها احترامها يلا حبيبتى
چيچى طالعه وهى بتعيط
قابلها عمر وهو نازل
عمر وهو بيضحك : ايه دا انتى خلصتى النمره بتاعتك ولا ايه
چيچى نزلت تانى وجريت وراه
مهاب : يلا اخلصوا هنتأخر
چيچى : وانت عايز مننا ايه ما تمشى
مهاب : مش همشى غير معاكم وبعد ١٠ دقائق بالظبط يلا اخلصى وقالها بحده خلت چيچى طارت ل فوق فى ثوانى
سمير نزل علشان يفطر
سمير : صباح الخير
كلهم مع بعض صباح النور
سمير : فى ايه الهيصه دى على الصبح
مهاب : ابدا يا خالو اصله اول يوم بقى وچيچى وعمر فرحانين
سمير : يلا يا نوال هنتإخر
نوال : حاضر حاضر
سمير مشى خرج قبل نوال
نوال ل ليلى : اخوكى على طول متعصب كدا
ليلى : انتى ياختى الى واخداه وعارفه أنه كدا وكمان عن حب وكان على قلبك زى العسل
نوال وهى بتضحك : ومازال على قلبى زى العسل
سمير من بره : يانواااال
نوال : ياختاى سلام سلام
نوال وهى بتجرى لبره : حاضر حاضر
چيچى نزلت وكانت لبسه شميز طويل وبنطلون ومسحت الميك اب
ليلى : ايوه كدا ايه العسل دا مافيش احلى من الجمال الرباني
وانتى اصلا قمر من غير حاجه وباستها
عمر : يلا انا جاهز يلا علشان نمشى
انت هتيجى معانا يا مهاب ولا هتروح لوحدك
مهاب من غير رد شد چيچى من ايدها وخرج
عمر خرج وراهم من غير ولا كلمه
چيچى : اااايه اوعى ايدى انت بتشدنى كدا ليه
انت مالك بيا اصلا
مهاب شد على ايديها جامد : تانى انتى مش بتحرمى
چيچى مشيت ساكته لأنها خافت منه فى البيت ليلى حاشته عنها لكن هنا ممكن يأذيها وعمر مع نفسه ولا هيعمل حاجه
ركبوا العربيه بتاعت مهاب
چيچى ل نفسها : الغلس دا هيروح معانا كل يوم ايه القرف دا
اف
وصلوا الجامعه ومهاب ركن العربيه
نزل عمر وچيچى ومهاب
ومشيوا شويه ومره واحده مجموعة بنااات جريت على مهاب
وچيچى اول مره تشوف ابتسامة مهاب
ابتسامته ساحره
چيچى لنفسها ايه دا انا مش مصدقه نفسى بقى الصنم دا بيعرف يبتسم
وايه كمية البنات الى حوليه دول امال كان بيمثل علينا أنه بيكره البنات
وهو ميه من تحت تبن
ماشى يا سى مهاب اذا مكنتش افضحك فى البيت مابقاش انا چيچى
عمر :اااااها انتى هتفضلى كدا كتيير يلا علشان نعرف هنروح فين ولا احنا فى أنهى سكشن
چيچي : ااايوه يلا
وهما ماشين بصوا على مهاب وقفوا مذهولين مره واحده
ياترى ايه الى حصل

الفصل الثاني من رواية خيانه بلا مبرر

وهما ماشين بصوا على مهاب وقفوا مذهولين مره واحده
شافوا بنت جت من بعيد جرى على مهاب وباسته من خده
عمر ل چيچى : شوفتى الى انا شوفته
چيچى بغيظ : وانا مالى يلا علشان نشوف هنعمل ايه ولا هنروح فين والسكشن بتاعنا فين
عمر : طيب براحه فى ايه مالك
چيچى : مافيش مالى ما انا حلوه اهو
عمر : حلوه بس دا انتى زى القمر
چيچى ب ابتسامه : ماشى يلا بقى
چيچى لنفسها : انا اضايقت ليه ما أن شالله ١٠ يبوسوه شاطر بس يكشر فى وشى ويضربنى
وهو يضحك مع البنات وكمان بتبوسه
عمر القائمه بتاعة سنه اولى اهى تعالى نشوف اسمائنا
چيچى بزعل : ايه دا انت مش معايا
عمر وهو بيضحك : ياستى مش مشكله امال لو مش كنا فى كليه واحده كنتى عملتى ايه
چيچى : دا كنت انتحرت
عمر بص ليها بص كأنه بيشوفها لأول مره
چيچى : طيب يلا بقى امرى لله
مشيوا هما الاتنين
بس عمر حس لاول مره فى حياته أن دى مش چيچى أخته الى متربيه معه
چيچى كانت هتقع مسكها وبص فى عينيها وسرح فى جمال ملامحها
حس بنبضات قلبه غير طبيعية
ايه الى حصل فى ايه
ايه الى بدل مشاعره كدا
معقول من كلمة هنتحر لو مش فى كليه واحده
چيچى : اييييه انت سرحت فى ايه سيبنى ويلا
يادى البنات الى وأكله دماغك فوووووق
عمر : يلا يلا
كل واحد فيهم دخل محاضرته
چيچى وهى داخله خبطت فى بنت كانت داخله هى كمان
چيچى : انا اسفه
البنت : ولا يهمك انتى اسمك ايه انا اسمى مى
چيچى : اهلا يا مى انا چيچى
مى : اسمك الحقيقى چيچى
چيچى : لا اسمى الحقيقى چيهان
مى : اهلا چيچى انتى اتعرفتى على حد من زمايلنا هنا
چيچى وهى بتضحك ضحكه طفوليه : لا انتى اول احده لسه
مى بخبث : متإكده
چيچى : ايوه تأكده بس ليه يعنى
مى وهى بتضحك : لا اصل انا كمان لسه متعرفتش على حد وانتى اول واحده وباين علينا هنبقى أصحاب اووى
چيچى : فعلا انا استريحت ليكى خالص
مى بنظره غريبه : وانا كمان
مى من نوع البنات الى شايفه نفسها حلوه وبتحب الاطراء وبتحب تلفت انتباه اى شاب
چيچى شدت انتباه اكتر شباب الدفعه ب جمالها المميز
كان فى اكتر من شاب حاول يتقرب منها اول يوم علشان يلحق يرتبط بيها قبل اى حد
لغاية ما الموضوع وصل ل خناقه فى المدرج بسبها
چيچى ل مى : ايه العيال المجانين دول
مى بضحكه مصتنعه : فعلا مجانين
چيچى : هما جاين يتعلموا ولا جاين يحبوا
مى : قوليلى ياچيچى انتى مرتبطه
چيچى وهى بتضحك : مرتبطه ايه بس يابنتى احنا لسه خارجين من ثانوى
مى : وايه يعنى ما انا كنت مرتبطه
چيچى : والله طيب احكيلى بقى
مى : مش هحكى حاجه غير لما تقوليلى الاول
چيچى : اقولك ايه بس يابنتى مافيش حاجه علشان اقولهالك
مى : طيب والمز الى كان معاكى الصبح دا وكان حاضنك
چيچى : يانهار اسود حاضنى ايه مين الى كان حاضنى دا
انتى باين عليكى بتحسبينى حد تانى
مى : لا انتى وكان ماشى معاكى شاب زى القمر
چيچى وهى بتضحك : اها دا عمر
مى : امال لما سألتك الصبح انك اتعرفتى على حد قبلى قولتى لا ليه بقى
چيچى : لانى فعلا انا متعرفتش على حد قبلك
عمر دا اخويا
مى : اخوكى انتم توأم
چيچى : لا لا قاصدى زى اخويا
مى : اها فهمت ما احنا كلنا هنا اخوات
چيچى : لا يا بنتى بصى انا هفهمك عمر دا ابن عمتى ومتربين مع بعض فى بيت واحد وبناكل وبنشرب وبنذاكر مع بعض فهمتى يعنى اخويا مش كلنا هنا اخوات
مى : اها فهمت بس يعنى علشان ابن عمك يحضنك
چيچى ب انزعاج : اولا دا ابن عمتى مش عمى
ثانيا مش كان حاضنى انا كنت هقع وهو مساكنى
ثالثا انتى بتتكلمى كتيير بأسلوب مش مريح وفيه الغاز وانا مش بحب كدا
رابعا باين علينا مش هنبقى أصحاب لو سمحتى متكلمنيش تانى
مى : ايه دا انتى زعلتى انا بهزر معاكى اصل انتى مش عارفه
اصل ما شوفت ابن عمك قاصدى ابن عمتك وهو عجابنى ف كنت عايزه اعرف انتم مرتبطين ببعض ولا لاء
وكنت عايزاكى تعرفينى عليه ممكن يا چيچى بلييز
چيچى : انا ماعرفكيش علشان اعرفك عليه
هو موجود عندك اهو لو عايزه تتعرفى عليه اتعرفى هو مش هيمانع لأنه واخد على كدا سلام بقى
مى لنفسها: هى مالها دى شافيه روحها على ايه طيب والله ل اكسر مناخيرك
كانت فى واحده واقفه تتفرج من بعيد وشافت عصبية چيچى وهى بتتكلم مع مى
ولما چيچى مشيت راحت وراها وندهت عليها
البنت وهى بتمد ايدها :ازيك ياحبيبتى
چيچى لنفسها : يادى الارف هو انا مش هخلص من المتطفلين
چيچى للبنت من غير ما تمد ولا تسلم عليها: اهلا اى خدمه
البنت ب ابتسامه جذابه : هى مى لحقت تكرهك فى الناس مابضيعش وقت خالص البنت دى
چيچى : انتى عارفها
البنت : ايوه دى كانت زميلتى ٣ سنين فى ثانوى والصراحه لما شوفتها واقفه معاكى قولت اجى احذرك منها حاولى انك تتعاملى معها معامله سطحيه ومتقوليش ليها أى سر من اسرارك
چيچى ب اندفاع : ايوه ماقولش ليها اسرارى لكن اقولها ليكى انتى صح ولا عايزه برضوه تتعرفى على الشاب الموز الى كان معايا الصبح
البنت ب حزن : انا اسفه بجد انى جيت علشان انصحك انا ماطلبتش منك تحكى لى على اى حاجه ولا اننا نبقى أصحاب اصلا وموز ايه الى بتتكلمى عنه انا مابكلمش شباب عن اذنك وأسفه ل المره التانيه
وسابتها ومشيت
چيچى حست انها ظلمت البنت وكانت بتعاملها ب اسلوب فظ
ف جريت ورا البنت ونادت عليها
چيچى : لو سمحتى لو سمحتى
البنت بص لها وقالت : نعم نسيت حاجه تانيه تقولهالى
چيچى برجاء : انا اسفه انى اتكلمت معاكى كدا
اصل الصراحه مى دى عصبتنى اووى
البنت : حصل خير عن اذنك
چيچى : استنى انتى اسمك ايه
البنت : اسمى دره
چيچى مدت أيدها : وانا چيچى
دره سلمت على چيچى : اهلا بيكى
چيچى : بصى بكره تيجى تقعدى جنبى لانى مش عايزها تقعد جنبى
دره وهى بتبتسم : حاضر بس ممكن تقعد جانبك الناحيه التانيه
چيچى بضحك : لا ما انا اصلى هقعد على الحرف وضحكوا هما الاتنين
چيچى وهى خارجه لقيت مهاب فى وشها
مهاب : خلصتى
چيچى : ايه دا انت عرفت منين أن انا خلصت
مهاب : ملكيش فيه
دره : انا ماشيه بقى سلام اشوفك بكره ان شاء الله
چيچى : سلام أن شاء الله
وبصت ل مهاب بغيظ وقالت له : انت ازاى تكلمنى بالطريقه دى ادام صحبتى
مهاب بسخريه : صحبتك انتى لحقتى تصاحبى يلا امشى
چيچى :انا هستنى عمر نروح سوا لو انت خلصت وعايز تروح روح مافيش حد منعك
مهاب : عمر لسه وراه محاضره
چيچى : هستناه
مهاب بحده : مافيش حاجه اسمها هتستنى فى الجامعه يلا
وشدها من ايدها
چيچى : اوعى كدا هو مافيش حد يقف قصادك ولا ايه
مهاب : اخرسى ومتعليش صوتك وامشى احسن لك
چيچى بغيظ : طيب انا هقول ل بابا بس ها
مهاب : اخلصى يلا
مشيت وركبت العربيه وهى متغاظه
قالت لنفسها
هو فاكر نفسه ايه علشان يتعامل معايا كدا
المشكله انها فعلا مش هتعرف تكلم باباها ولا تقوله حاجه لأنه صعب وهيقول لها مش عايز وجع دماغ واقعدى من الجامعه
ولو حكيت لماما على طول بتيجى فى صفه
انا مش طايقاه امتى اخلص منه دا
مايروح يتجوز ولا يشوف له صرفه
شاطر البنات تقعد تبوس فيه
على ايه مش عارفه انا منكرش أنه وسيم بس برضو ما يتعاشرش اف بقى
وصلها البيت وفضل واقف لغاية ما دخلت وبعد كدا مشى
چيچى دخلت وهى متعصبه
ليلى : حمد الله على السلامه يا حبيبتى ايه اخبار اول يوم فى الجامعه ها انبساطتى
چيچى بعصيبه : كان يوم زفت من اول ما خرجت لغاية ما جيت
ليلى : ليه بتقولى كدا ياحبيبتى ربنا يحلى ايامك
چيچى : طول ما الاستاذ مهاب دا موجود مافيش ايام هتبقى حلوه
ليلى : هو مهاب ضايقك تانى ولا ايه
چيچى حكت ل عمتها الى حصل من اول ما خرجت من البيت لغاية ما دخلت
ليلى : طيب معلشى انا هكلمه مايضايقش القمر بتاعنا تانى
بس مين دى الى كانت بتبوسه
چيچى بعصبيه : انا عارفه ابقى اسأليه شاطر بس يقرفنى فى عشتى
ليلى وهى بتضحك : انتم عاملين زى ناقر وناقير انتم باين عليكم هتقعوا فى بعض
چيچى : هنقع فى بعض ازى يعنى
ليلى : ما تحطيش فى بالك وانا لما يجى ليا كلام معه روحى يلا غيرى واتوضى وصلى ويلا عشان تتغدى
چيچى : لا انا هستنى عمر
ليلى وهى بتضحك : طيب ياحبيبتى الى يريحك
عمر طول اليوم وصورة چيچى فى دماغه
كان طول عمره شايفها أخته وسره معها ايه الى حصل ليه حاسس ب احساس تانى خالص من ناحيتها زى ما تكون كبرت مره واحده
خلص محاضرته وخرج يشوفها اتصل بيها
عمر : ايوه ياچيچى انتى فين
چيچى : انا فى البيت
عمر ب اندهاش : يعنى ايه فى البيت خلصتى امتى وروحتى ازاى
چيچى : خرجت وكنت هستناك لاقيت مهاب فى وشى وهو الى روحنى غصب عنى وانا كنت هستناك علشان نروح سوء
عمر : طيب خلاص انا جاى اهو
چيچى : طيب يلا علشان انا جعانه ومش عايزة اكل من غيرك
عمر : بجد طيب انا جاى بسرعه اهو
چيچى سمعت صوت فرملة عربيه وصريخ
چيچى : عمر عمر عمر

الفصل الثالث من رواية خيانه بلا مبرر

عمر : ايوه يا چيچى
چيچى: انت بخير
عمر : ايه اتخضيتى عليا
چيچى : ايوه طبعا
ايه صوت الفرمله دى هو حصل ايه
عمر : ابدا عربيه كانت هتخبطنى بس ربنا ستر
چيچى : امال ايه الصويت الى كان عندك دا
انا اتخضيت اووى
عمر : دا البنات انتى عارفه بقى بيخافوا عليا وبيحبونى اد ايه
چيچى : يا ابنى انت لاحقت دا انت لسه فى أول يوم
عمر : ما انتى عارفه مابحبش اضيع وقت
بس تعالى هنا انتى غيرانه ولا ايه
چيچى : غيرانه ايه ياعم اتلهى
عمر : طيب استنى دا مهاب هنا اهو لما اضمن توصيله
ايه دا انتى مش كنتى قولتى أنه روحك البيت
معنى كدا روحك ورجع تانى الجامعه
چيچى : باين رجع ل الموزه الى كانت بتبوسه الصبح
عمر وهو بيضحك : بس الود دا طلع نمس وكان مغفلنا كلنا
چيچى : دا طلع ميه من تحت تبن
فالح يتشطر عليا انا
عمر : طيب سلام بقى علشان وصلت عنده اهو
چيچى : طيب
عمر لمهاب : ايه يا اسطه انت روحت ورجعت تانى يعنى
مهاب : كان عندى محاضره
وبعدين ايه ياسطه دى اظن عيب كدا لما واحد هيبقى دكتور محترم ويقول ياسطه
عمر وهو بيضحك : ياعم ما انت اتكشفت خلاص عامل فيها الراجل الدغرى وعلى رأى چيچى ميه من تحت تبن
مهاب بحده چيچى : بتقول عليا ميه من تحت تبن ليه بقى ان شاء الله
عمر : اصلها شافت المزه بتاعت الصبح لما كانت بتبوسك
مهاب : طيب يلا يلا مش هتروح اركب يلا وبطل كلام كتيير
عمر : لا طبعا هروح دا چيچى مش عايزه تأكل غير لما اروح
مهاب : طيب ابقى روح انت بقى
عمر : ايه دا هو مش كنت مروح دلوقتى
مهاب : كنت وافتكرت ميعاد
عمر : ايوه ياعم الله يسهله
مهاب بضجر : امشى امشى علشان تلحق الى مستنياك على الغداء
عمر وهو ماشى بنت خبطت فيه
البنت بدلع : اه اسفه خالص
عمر ب انبهار : انا الى اسف
البنت وهى ب تضحك ضحكه عاليه شويه : انت اسف على ايه انا الى خبطت فيك
عمر ب ابتسامه :انتى معانا فى طب اسنان
البنت : ايوه فى سنه اولى وانت
عمر : بصره وانا كمان فى أولى
البنت وهى بتمد ايدها : مى
عمر : اهلا يا مى انا عمر
مى : اها ما انا عارفه
عمر وهو بيعدل ياقة التيشيرت : ايه دا انا مشهور هنا بقى وانا مش عارف
مى وهى بتتكلم بدلع : لا طبعا
عمر : امال عرفتى اسمى منين
مى بدلع برضو : مش هقولك
عمر وكأنه افتكر ميعاد : اه طيب يا مى معلش اشوفك بكره علشان مستعجل
مى : طيب تمام انت فى سكشن كام
عمر : فى .....
مى : خلاص بكره هبقى اجى لك
عمر : تمام سلام
عمر لنفسه : زمان چيچى قاعده مستنيانى وقلقانه عليا كمان
جاى لك ياحبيبتى
معقوله چيچى بتحبينى بس ليه ما قالتش ليا قبل كدا
كل تصرفاتها بتقول انها بتحبينى وبتموت فيا كمان
وانا برضو كنت بحبها بس كنت مش حاسس بمشاعرى ناحيتها
وصل البيت ومنتظر چيچى تجرى عليه وتطمن عليه علشان اتأخر
ولكن دخل لقى چيچى وليلى مامته بيتغدوا وبيضحكوا كمان
عمر لنفسه : هى مش قالت مش هتأكل غير لما اجى
تلاقى ماما غصبت عليها انا عارف ماما كويس
يلا مش مشكله
عمر ليهم : انا جييت
ليلى : انت مافيش فايده فيك ابدا مش هتكبر وتتعلم الصح
مليون مره اقولك لما تدخل من بره تقول السلام عليكم ورحمه الله وبركاته
چيچى ضحكت ضحكه طفوليه وقالت : ومين الى قال إنه كبر عمر اول مره يضايق من كلام مامته ومن رد فعل چيچى مع انها مش اول مره وواخد على كدا وعنده عادى
عمر : اناطالع انام علشان تعبان
ليلى : مش هتاكل
عمر : لا
چيچى : ليه فى موزه طنشتك ولا ايه
عمر بغيظ : تطنش مين يا بنتى
دا فى واحده صاروخ عملت حركه مكشوفه علشان تتكلم وتتعرف عليا
چيچى بضحك : صاروخ طيب خلى بالك ل يضرب فيك
عمر بغيظ : يضرب فيا ماشى
عمر لنفسه : هو فى ايه هى كل شويه حال
اه ممكن بتكون بتعمل كدا علشان امى ما تشكش فى حاجه
وطلع غير هدومه ونزل
عمر ل مامته : فين الاكل
ليلى : اكل ايه انت مش قولت مش عايز تاكل وبعدين روح اتوضى وصلى فروضك الاول
عمر : حاضر يا ماما حضرتك حضرى الاكل عقبال ما اصلى واجى
ليلى بتكلم نفسها : حاضر وحضرتك لا دا فى حاجه مش مظبوطه
مهاب دخل البيت اول ما چيچى شافته طلعت على الاوضه زى ما يكون شافت عفريت
مهاب : استنى انتى رايحه فين
چيچى : عايز منى ايه طلعه انام
مهاب : تنامى
چيچى : ايوه فى حاجه
وعلى فكره انا هقول لبابا انا مش ناسيه
مهاب وهو بيجرى وراها : انتى بتهددينى
چيچى جريت وخافت منه وجرى وراها لغاية الاوضه بتاعتها
وهى مالحقتش تقفل الباب هو يزوق الباب من بره وهى عايزه تقفله من جوه
وطبعا مقدرتش عليه فتح عليها الباب هى جربت على السرير
وبتقول بخوف : انت هتضربنى تانى انت بتعمل معايا كدا ليه
لكن مهاب مسكها من درعها وبص فى عينيها والدموع نازله زى اللؤلؤ وعنيها ملينا خوف منه
مهاب بحنيه : متخافيش
چيچى : انت بتعمل معايا كدا ليه
مهاب بصوت واطى وهو بيقرب منها : ما انتى ما بتسمعيش الكلام
چيچى واول مره تحس بقشعريره من قربه منها
بصت له ونظرت الخوف منه تلاشت
وهو فى لحظه كان هيضمها له ولكن فاق ورمى ايدها وخرج بسرعه
چيچى لنفسها : ايه دا ما هو حنين اهو امال بيعمل معايا كدا ليه
الباب اتفتح تانى وضهرها كان للباب
چيچى قلبها دق جامد اووى وبقت حسه أو نفسها يحضنها من ضهرها
وفعلا حضنها وقالها انتى فعلا بتحبينى زى ما بحبك
والتفت له وصرخت صرخه مكتومه
ياترى فى ايه هنعرف الحلقه الجايه

الفصل الرابع من رواية خيانه بلا مبرر

چيچى بحده :انت اتجننت يا عمر انت مش فى وعيك ولا ايه
عمر : فى ايه يا چيچى و انا عملت حاجه
چيچى : ايوه طبعا انت ازاى تحضنى كدا
عمر وهو بيقرب منها : اصلى اكتشفت انى بحبك وبحبك اوى
چيچى ب اندهاش : اكتشفت وبتحبنى
عمر قرب منها اكتر وضمها وهى فى حالة زهول
عمر : ايوه بحبك ومن زمان كمان زى ما بتحبيى الظبط
چيچى بعد ما فاقت من الصدمه بترفع رسها ولسه هتكلم
شافت عمتها ليلى ومهاب واقفين وبيبصوا عليهم فى اندهاش وزهول
وقفت والرعب مالى عينيها
ليلى بحده : ايه دا ازاى كدا
عمر : يا ماما انا وچيچى بنحب بعض وعايز اتجوزها
چيچى واقفه وهى مزهوله من الى حصل كله
ليلى : تتجوزها دا ايه انت لسه طالع من ثانويه عامه ولسه طايش وانت اصلا مش بتاع مسؤولية
عمر : لا يا ماما انا فعلا بتكلم جد وكلها كام سنه وهتخرج وهبقى دكتور
ليلى : هو انت لسه دخلت علشان تتخرج
چيچى زى ما تكون فى كابوس وعايزه تصحى منه
مهاب واقف بيبص ل چيچى وعينه بتطلع شراره
چيچى ل عمر : هو انت بتتكلم على مزاجك مين قال انى بحبك وعايزه اتجوزك
مهاب بسخريه : ايه دا انتى عايزه تتحضنى من غير جواز
ليلى ل مهاب : ايه يا مهاب انت ازاى تتكلم كدا مع بنت خالك
مهاب :اسف انا ماشى
ليلى ل عمر :تعالى معايا عايزاك
واخدته وراحة الاوضه بتاعها
چيچى قفلت على نفسها الاوضه وهى مش فاهمه ازاى الى حصل دا
ليلى ل عمر : ممكن تحكيلى بالظبط ايه الى انا شوفته دا والكلام دا بقاله اد ايه والموضوع ده وصل معكم لغاية فين
عمر : فى ايه يا ماما حضرتك مكبره الموضوع اوى
ليلى : مكبره الموضوع هو انت شايف أن الموضوع دا بسيط
انت عبيط ولا ايه
عمر : لا يا ماما مش عبيط ولا حاجه ايوه حضرتك مكبره الموضوع
انا بحب چيچى وهى بتحبنى وعايزين نتجوز بس
ليلى : يا ابنى الموضوع مش سهل
اولا انا كنت عايزه چيچى ل اخوك مهاب
عمر بيقاطع امه : چيچى بتحبى انا مش مهاب دى مش طيقاه
وكمان مهاب مرتبط ب وحده فى الجامعه شوفتها انهارده انا وچيچى بتبوسه
ليلى : بس انت لسه صغير على الارتباط دلوقتى وكمان دى مش زى اى واحده انت عرفتها دى بنت خالك يعنى عرضك
ولازم تحافظ عليها مش تلعب بيها
عمر : يا ماما انا مش بلعب بيها انا بحبها بجد
ليلى : طيب لازم أسأل اخوك الاول مشاعره من ناحيتها ايه
علشان ابقى عملت الى عليا
ليلى نزلت تحت لاقت مهاب قاعد فى الصاله وباين عليه الغضب
ليلى : مهاب عايزه اتكلم معاك
مهاب : اتفضلى يا ماما
ليلى : دلوقتى عمر فعلا بيحب چيچى وعايز يرتبط بيها بجد
انت ايه رأيك
مهاب بحده : وانا مالى رأى هيفيد فى ايه هما عايزين بعض انا مالى عند اذنك يا ماما انا خارج
ليلى : طيب انت متنرفز ليه دلوقتى
انت بتحب چيچى يا مهاب
مهاب وهو بيضحك : احب مين دى واحده هايفه ومستهترة
ليلى : اوعى اسمعك تقول كدا تانى على بنت خالك
چيچى دى ست البنات
مهاب : ست البنات ماهو واضح
ليلى : ممكن أسألك سؤال يا مهاب
مهاب : اتفضلى يا ماما
ليلى : انت ليه بتكره چيچى وبتعاملها معامله وحشه اوى كدا ليه هو فى طار بينك وبينها انا عمرى ماشفتك ضحكت فى وشها حتى
مهاب : واضحك فى وشها ليه اهى طلعت زى الكل
عن اذنك انا خارج
ليلى مش فاهمه ايه اسلوب مهاب مع چيچى دا كان نفسها فعلا تجوزهاله
چيچى بتعيط فى الاوضه ونفسها الى حصل دا يكون حلم
چيچى ل نفسها : انا فعلا بحب عمر بس زى اخويا مش اكتر
بس انا هقول ايه انا لو قالت لا ممكن مهاب يقول الجمله الى قالها تانى بس المره دى هتبقى ادام بابا وبابا صعب اووى
ممكن يقتلنى لو عرف أن عمر حضنى
انا مش عارفه فى ايه مهاب بيعمل معايا كدا ليه
ليه هو كويس مع البنات الى بره وانا لاء
ليه بيدلعهم ويضحك معاهم وانا يضربنى ويعاملنى معامله وحشه
وانا كنت بحسبه حنين لما قرب منى
يجرحنى كدا ويقولى انتى عايزه تتحضنى من غير جواز
انا بكرهك يا مهاب بكرهك
وفعلا هو عمر الى ينفعنى لأنه بيحبنى وبيتعامل معايا بحنيه وخوف عليا
مسحت دموعها وقالت تانى لنفسها : انا هوافق بس علشان يبقى الاستاذ مهاب مالوش كلام ولا ضرب عليا
ويبعد عنى خالص
فاقت على خبط باب الاوضه وصوت ليلى عمتها
ليلى : چيچى ممكن ادخل يا حبيبتى عايزه اتكلم معاكى
چيچى : اتفضلى يا عمتو
ليلى دخلت وقالت ل چيچى : ايه يا ست البنات
چيچى عيطت واترمت فى حضن عمتها
چيچى : انا فعلا ست البنات يا عمتو ؟
ليلى : طبعا يا حبيبتى انت عندك شك يا حبيبتى انك فى عينى ست البنات كلهم
چيچى : بس مهاب عنده رأى تانى
ليلى : مش ليكى دعوه ب مهاب رأيه يخليه ل نفسه
چيچى : والله يا عمتو ما حصل حاجه ودى اول مره انا اتفاجأت ب الى عمله عمر
ليلى :طيب بس ماتعطيش
قوليلى بقى علشان عمر الحماسه واخداه اوى وعايز يكلم سمير انهارده
چيچى : انهارده
ليلى : قوليلى بقى انتى رأيك ايه
چيچى : هو مهاب رأيه ايه
ليلى : احنا قولنا مش لينا دعوه برأى مهاب يحتفظ بيه لنفسه
چيچى لنفسها : بتأكيد طالما عمتو قالت كدا يبقى قال حاجه وحشه عليا
طيب يا استاذ مهاب انا فعلا مش يهمنى رأيك لانى واثقه فى نفسى
چيچى ل ليلى وهى بتمسح دموعها : انا موافقه يا عمتو
ليلى بأندهاش : موافقه انت بتتكلمى جد
چيچى : ايوه بتكلم جد
ليلى : بس عمر طايش و
قاطعتها چيچى : وبيحبنى ودا عندى كفايه
ليلى : طيب يا چيچى انتى لازم تفكرى كويس خدى وقتك وماتتسرعيش فى قرارك علشان ماتندميش بعد كدا وفكرى لغاية إجازة نص السنه وانا هقول ل عمر أنه ما يفاتحش سمير دلوقتى خالص
چيچى لنفسها : وانا لسه هستنى ل إجازة نص السنه وانا تحت رحمة الاستاذ مهاب
چيچى ل ليلى :لا يا عمتو انا مواقفه
ليلى : خلاص يا حبيبتى انا هكلم سمير انهارده
وباستها وخرجت
ليلى راحت ل عمر
ليلى : عمر انا عايزه اتكلم معاك كلمتين مهمين اوى
عمر : اتفضلى يا ماما
ليلى : انا هكلم خالك ومرات خالك انهارده علشان موضوع خطوبتك انت وچيچى
عمر بفرح : بجد ياماما
ليلى :ايوه بجد بس انا عايزاك توعدنى انك تحافظ على چيچى وتعاملها بما يرضى الله
اوعى تزعلها فى يوم او تجرحها
البنت دى اصيله زى مامتها وانا الى مربياها و بعزعها اكتر منكم انتم ولادى فاهم
عمر : ايوه طبعا فاهم يا ماما
ليلى : ربنا يصلح حالكم
عمر قام باس على رأس ليلى
عمر : ربنا يخليكى لينا يا ماما
سمير ونوال جم من الشغل
نوال ل سمير : اطلع انت يا حبيبى غير لما اشوف لولا عملت اكل ايه انهارده
سمير : طيب اطلعى انتى كمان غيرى هدومك الاول
نوال : انا هحصلك على طول
نوال : لولا لولا
ليلى : حمدالله على السلامه يا حبيبتى
نوال : الله يسلمك يا حبيبتى فى غداء ولا اعمل حاجه سريعه كدا علشان سمير
ليلى : ياسلام وانتى من امتى بتيجى مش تلاقى غداء
نوال : مش قاصدى والله انا عارفه اننا تعبينك معانا ومش بتخلينى امد ايدى فى اى تحضير اكل
انا اسفه ماتزعليش منى يا لوليتى
ليلى وهى بتضحك : وانا من امتى بزعل منك يانونيتى
نوال طيب نقطع وصلت الحب دى ونحضر الاكل علشان انتى عارفه اخوكى وضحكوا
ليلى : بس انا عايزاكى فى حاجه كدا الاول
نوال : قولى يا حبيبتى
ليلى بتردد : عمر
نوال وهى ومخضوضه : ماله عمر
ليلى : عايز يتجوز چيچى
نوال ب انزعاج : انتى اتجننتيى انتى بتقولى ايه
ليلى : عمر قالى أنه بيحب چيچى وچيچى بتحبه وعايزين يتجوزا وچيچى كمان موافقه
نوااال بعصبيه: انتى بتحكى الموضوع ببرود كدا ازاى انت مش حاسه انا احنا فى مصيبه
ياترى فى ايه هنعرف الحلقه الجايه
قد يعجبك أيضا
الاسمبريد إلكترونيرسالة