U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية فارس وفيروز عشقت صعيدي كاملة جميع الفصول

 رواية فارس وفيروز عشقت صعيدي كاملة جميع الفصول من الفصل الأول إلى الفصل الأخير عبر دليل الروايات للقراءة والتحميل pdf

  • ملحوظة قبل البدأ لما تبحث عن الرواية اكتب في جوجل (رواية عشقت صعيدي دليل الروايات) لكي تظهر لك كاملة

رواية فارس وفيروز عشقت صعيدي كاملة

رواية عشقت صعيدي فارس وفيروز الفصل الأول

يوم عرسي الذى انتظره بفارغ الصبر وتزوجت من احب وابتعدت عن عائلتى سااعرفكم بنفسي انا فيروز (فتاه عمرى 25عاما شعرى ذهبى مثل خيوط الشمس وعيونى خضراء مثل خضره الطبيعه بشرتى بيضاء كل من يرانى ينبهر بى وبجمالى تزوجت فى محافظه من محافظات الصعيد وابتعدت عن اهلى رغم صعوبه ذلك ولكن حبى له غلبنى).
تجلس فيروز على السرير تنظر الارض فى خجل وخدودها مثل الجمر يدخل اليها فارس(شاب صعيدى يتميز بعضلاته وقمحاوى وعيونه الزرقاء مثل ماء البحر تنجذب اليه اى فتاه ولكنه لم يلفت انتباهه سوى فيروز الذى عشقها من كل قلبه وصمم عليها ووقف امام عيلته التى رفضتها وصممت على تزويجه من ابنه عمه فهو اولى بها وهى تحبه يبلغ عمره27عاما له شركه كبيره استطاع ان ينشأها بسبب مجهوده وذكائه معروف بقوه شخصيته وحنيته فى نفس الوقت نقطه ضعفه هى حب حياته فيروز)
فارس تنحنح ودخل الى الغرفه وجدها على حالها لم تتحرك
فارس:روز مش هتغيرى هدومك
فيروز:هاا اه طبعا
فارس :طيب ممكن بقا بسرعه
فيروز:ليه بسرعه يعنى انت عايز حاجه
فارس:ابتسم بزاويه فمه لانه شعر بمدى خجلها وتوترها..اه اكيد عايز يعنى فى ليله زى دى
فيروز:نظرت الى الارض بخجل ولم تتكلم
فارس:عايز نتوضى علشان نصلى..شعرت فيروز بالحراجه من جملته وابتسمت واخبرته ان يخرج لتبدل ملابسها
اخذ فارس بيجامته وخرج ليبدل ملابسه فى غرفه اخرى ليرفع عنها الحرج
بعد مده ليست طويله استاذن فارس ودخل الى فيروز التى كانت ترتدى اسدالها وتبدو مثل الملائكه
فيروز:مالك بتبصلى كده ليه
فارس:بتأمل فى جمالك
فيروز:بخجل طيب مش هنصلى
فارس:اه طبعا وصلى بها فارس ودعوا الله ان يوفقهم فى حياتهم الجديده
سمعت فيروز ضرب النار فى الاسفل فخافت كثيرا وتشبثت بفارس وحضنته بقوه
فيروز:فيه ايه فارس
فارس:مش عارف اهدى بس ماتخافيش كده هقوم اشوف فيه ايه
فيروز:لالا مش هتسبنى
فارس:ياحبيبتى هبص من الشباك فى البلكونه مش اكتر
فيروز:دول بيضربوا نار ممكن رصاصه تيجى عندك بالغلط
فارس:لا ماتقلقيش مش هيحصل حاجه
فيروز:والدموع فى عينيها وظهر على صوتها انها ستبكى برضو لا
فارس:احتضنها بشده طيب حاضر ماتعيطيش انا هتصل بخالد اخويا واعرف فيه ايه
فيروز:ماشى بس مش هتتحرك من هنا
فارس:حاضر هقوم اجيب التليفون بس
فيروز:هاجى معاك
فارس:ابتسم على طفولتها ماشى تعالى وذهب فارس لاحضار التليفون وفيروز لاتتركه
فارس:خالد فيه ايه ليه ضرب النار ده كله
خالد:مستنين يطمنوا
فارس:نعم يطمنوا على ايه
خالد:احم ان مراتك بكر
فارس:بعصبيه انت اتجننت ايه اللى بتقوله ده خليهم يمشوا لانزلهم انا
خالد:يافارس انت عارف ان احنا فى الصعيد ومايفهموش غير كده ومش هيمشوا ابدا
فارس:يبقا انزل انا بقا واعرفهم ازاى يقفوا كده
خاللد:لالا مش عايزين مشاكل ارجوك انا هحاول معاهم(يعرف مدى عصبية اخوه وان اذى شخص زوجته ولو بكلمه لن يكفيه ان ياخذ روحه)
فارس:طيب بسرعه
فيروز:فيه ايه يافارس
فارس:عايزين اللى يثبت انك بكر
فيروز؛يعنى ايه
فارس:اللى يثبت انك بكر
اتصدمت فيروز فهى تعرف ان هذه من عادات الصعيد ولكنها تعرف انها انتهت منذ فتره طويله ولم تكن تعرف اهتمام عيلة فارس بمثل هذا الامر وكيف سيحدث ذلك وهى تخجل من فارس وكانت ستحدثه ان يتركها فتره حتى تاخذ على المكان وتعتاد عليه لم ترد عليه واكتفت بدموعها المنهمره
فارس:روز ماتعيطيش ياحبيبتى انا مش هخلى ده يحصل
روز:يعنى هنعمل ايه
فارس:كاد ان يتحدث ولكن قاطعه الفون..ايوه ياخالد
خالد:عمك صالح هو اللى عامل ده كله علشان بنته طبعا ومصمم على ده وجمع العيله كلها لازم ترمى منديل بسرعه وماتنزلش لانهم لو وقفت قدامهم هيشككوا قيك وانت فاهم طبعا
فارس:نعععععم انا نازل خلاص اقفل
فيروز:ايه اللى حصل
فارس: مصممين على اللى هم عايزينوا او يقولوا انى مش راجل انا هنزلهم وذهب واخرج مسدسه
فيروز:لالا مستحيل اسيبك تنزل اعملهم اللى هم عايزينو
فارس:انا فارس الاسيوطى يتلوى دراعى يافيروز ازاى وكمان انتى خايفه من الاول اعمل معاكى كده بالغصب
فيروز:مش غصب يافارس ده حقك انا اه خايفه بس هفضل كده فتره طويله يبقا اعمل اللى هم عايزينوا وخلاص
فارس:مستحيييل ده يحصل انتى مراتى وماحدش يقدر يخوفك ولايجبرك على حاجه حتى لو كنت انا

ياترى فارس الاسيوطى هيعمل ايه؟

الفصل الثاني

فارس بتفكير شاف سكينه على صينيه الاكل فاخدها
فيروز:ايه هتعمل بيها ايه دى
فارس:هعور نفسي حاجه بسيطه كده بس وهوريهم الدم كده وخلاص
فيروز:بانهيار تام ودموع لاتنتهى يافارس علشان خاطرى اعمل اللى هم عايزينوا اهون كتيير من اللى انت بتقوله ده مش هسمحلك تأذى نفسك
جذب فارس فيروز الى حضنه لكى تهدأ وشدد من قبضة يده عليها:عارفه ياروز رغم الموقف الزفت اللى احنا فيه ده بس مبسوط بانك بتحبينى كده لدرجه انك مفضلانى على خوفك
فيروز:انا ماليش غيرك يافارس اه عيلتى موجوده الحمد لله بس من ساعه ماوافقت اننا نتجوز واتنقل هنا الصعيد وانت بقيت كل دنيتى صدقنى وقولت انت هتبقا كل حاجه ليا
فارس:ربنا يقدرنى واسعدك ياحبيبتى روحى بقا اغسلى وشك كده من الدموع دى وتعالى هنفكر هنعمل ايه
فيروز:حاضر
بمجرد خروج فيروز اخذ فارس السكينه بسرعه وعمل جرح سطحى فى ذراعه من الاعلى كى لايراه احد ونظفه بالمنديل والقاه عليهم من الاعلى
اثناء عوده فيروز للغرفه سمعت ضرب النار ينطلق فى الاجواء بكثره فخافت وذهبت مسرعه الى فارس وجدته يحاول ربط دراعه وفيه اثار من الدم..فيروز بخوف شديد جرت عليه:ليه كده يافارس برضو عملت اللى انت عايزه
فارس:ياحبيبتى والله جرح سطحى ماتقلقيش بقا وكفايه الدموع دى مابحبش اشوفك بتعيطى ابدا وكمان ياستى على الاقل ساعدينى اربط دراعى احسن ماتعيطى كده هههههه
فيروز:طهرت له الجرح وربطت دراعى وجلست تبكى ثانية
فارس: ممكن اعرف القمر ده بيعيط ليه دلوقتى
فيروز:علشان بسبب خوفى انت اتأذيت اهو وبدل مااسعدك ضايقتك بسببى مش كنت عرفت انا اى حاجه عن الجواز كده بدل خوفى ده وابقا عندى خبره
فارس:نععععم يااختى خبرة ايه ده انا حبيت اكتر حاجه فيكى كسوفك تقوليلى خبره مااسمعش منك الكلمه دى تانى وياستى مين قالك انى زعلان بقا اشوف الخوف اللى فى عينيكى ده عليا وماابقاش مبسوط ازاى بس اهم حاجه عندى دلوقتى تبطلى عياط بقا ودموعك دى ماتطلعش بره ابدا تمام
فيروز:ماشى تمام
فارس:عايز بقا ابتسامه حلو كده وقومى نتعشا
فيروز:بابتسامه حاضر
فارس:ايوه كده بالظبط يلا بينا واخذ بيد فيروز وانطلقوا للعشاء وبعد الانتهاء من الطعام..يلا ننام ياروز
فيروز:اه ياريت علشان اعصابى باظت اووى النهارده كده بما فيه الكفايه
فارس:ههههه معلش ماانتى متجوزه صعيدى بقا
فيروز:برقتها المعتاده احلى صعيدى
فارس:لا ابوس ايديكى بلاش الرقه دى لاتهور
فيروز:فهمت مقصده ونظرت للارض فى خجل
فارس:يارب صبرنى كده ومااتهورش ولااعمل حاجه يلا ياروز ياحبيبتى ننام وربنا يسترها عليكى بقا
فيروز:انا كده هنام فى اوضه تانيه!!
فارس:لا طبعا انتى هتنامى فى حضنى وانا هبقا مؤدب
فيروز:مؤدب يافارس
فارس:عيب ياروز ده انا جوزك برضو
فيروز:ههههههه طيب يلا ننام بقا
فارس يلا ياستى ونامو وكان فارس يحتضن فيروز..روز بقولك ايه
فيروز:نعم
فارس:انتى عارفه نيره بنت عمى
فيروز:اه شوفتها ساعه الفرح بس مااتعاملتش معاها لسه
فارس:انا عايزك بقا ماتتعامليش معاها خالص
فيروز:اعتدلت فى جلستها ليه خير؟؟
فارس:خير ياحبيبتى بس يعنى نيره بقا من النوع الغيور وكده وانتى قمر فهتضايقك وكمان اسلوب كلامها مش كويس فعايزك تتعاملى معاها بحدود خالص وكل واحد فى حاله
فيروز:ممكن اصاحبها واعلمها تتعامل كويس ازاى
فارس:بعصبيه لا ياروز قولت تبعدى عنها يبقا خلاص
فيروز:بدموع حاضر اللى تشوفه
فارس:انا اسف ياحبيبتى مش اقصد اعلى صوتى عليكى بس انا بخاف عليكى معلش علشان خاطرى نفذى كلامى
فيروز:طيب حاضر واستكانت بين احضانه
فارس:فى داخل نفسه ربنا يستر من مقابله نيره مش هسيبك معاها ابدا ياروز هكون جنبك دايما لتأذيكى

كيف سيكون اول لقاء بين نيره وفيروز؟؟

الفصل الثالث

استيقظ فارس من النوم قبل فيروز نظر اليها والى جمالها الساحر كانت تبدو مثل الملائكه ببشرتها بياض الثلج اقترب منها وقبلها لاول مره عند شفتيها وذاق رحيق عثلها ولم يتمالك نفسه فاصبح يقبلها بهدوء فى كل جزء فى وجهها وشعر انه سيتمادى اكثر فابتعد عنها مسرعا وهو يلهث كانه كان فى سباق
فارس لنفسه:لالا مش هينفع كده اهدى شويه يافارس لحد ماروز تطمن مش عارف همسك نفسي عنها ازاى دى يارب قدرنى دى البت مراتى زى القمر هيييح ارو اخد شاور قبل ماتصحى بقا وذهب وبعد ان انتهى قام بتحضير الفطار واخذه الى داخل غرفه نوم وجلس على الكرسي فى انتظار استيقاظ فيروز
بدات فيروز تفتح عينها رويدا وكانك ترى منظر طبيعى فى عينينها ثم جلست ووجدت فارس على الكرسي بجانبها
فيروز:صباح الخير
فارس:صباح الورد والفل والياسمين على عيونك
فيروز بابتسامتها المعتاده:ليه قاعد كده
فارس:بتأمل فى المنظر الطبيعى ده والجمال ده كله اللى ربنا كرمنى بيه
فيروز:بخجل شكرا
فارس:ياربى الكسوف ده كله علشان بوصفك امال لو اتجرأت وعملت حاجه تانى هيحصل ايه قومى بقا بسرعه وتعالى نفطر علشان بمسك نفسي عنك بالعافيه
فيروز:اممممم كسلانه اووى عايزه انام تانى
فارس:خلاص مش هتقومى اجيلك انا بقا
فيروز:بسرعه ايه لالا خلاص هقوم اهو وطلعت تجرى
فارس:هههههههه متجوز طفله يارب قدرنى واسعدها واطمنها المهم هههه
ذهبت فيروز واخدت شاور وارتدت بيجامه بحمالات وبنطلون لا يصل الى ركبتها وذهبت اليه للفطور
فارس:ياروز حرام عليكى ده
فيروز:ايه بس انا عملت ايه
فارس:مش احنا اتفقنا مش هيحصل حاجه قبل ماتطمنى على الاخر وتاخدى على المكان هنا وتتعودى ونرحم بعض شويه
فيروز:اه فين المشكله بقا
فارس:يااختااااى واللى انتى لابساه ده رحمه برضو
فيروز:نظرت الى نفسها ثم الى فارس الذى كان ينظر لها باشتياق فخجلت واخبرته انها ستذهب لتبدل ملابسها
فارس:لالا خلاص خليكى كده براحتك
فيروز:لا انت عندك حق
فارس:لا ماعنديش حق اش عرفك انتى
فيروز:يوووه بقا مش فاهمه حاجه
فارس:اشوف اى حاجه وخلاص
فيروز:انت قليل الادب على فكره
فارس:يابنتى انا جوزك والله واه ياستى انا بصراحه قليل الادب مع مراتى تعالى بقا ومش هبص ماتقلقيذ
فيروز:مش باين
فارس:هقعد محترم صدقينى
فيروز:طيب ولو ان مش واضح انك هتقعد محترم خالص ظلوا يتناولوا الفطار حتى انتهوا
فارس:تعالى ياروز نشوف هتلبسى ايه لاستقبال العيله
فيروز:ما ينفعش اطله ببجامه يافارس
فارس:مييين بيجامه لا انتى فاهمه غلط الحاجات دى لجوزك مش للبلد كله
فيروز:لا طبعا مش هلبس زى ده هلبس بيجامه بكم وواسعه مش كلهم ستات
فارس:حتى لو كلهم ستات برضو لا
فيروز:ماشى خلاص شوف بقا هلبس ايه
فارس:جايبلك فستان حلو اوووى وكنت شايله
فيروز:ايه ده بجد فين
فارس:ذهب للدولاب واخرج كيس من تحت ملابسه وكان به فستان من اللون الفضى وفيه حزام ذهبى واخرج طرحه ستان بنفس لون الحزام كان يبدوا فستان غايه فى الروعه
فيروز:بانبهار ده تحفه اووى ذوقك جميل جدا يافارس
فارس:اذا كنت اخترتك انتى مش هيبقا ذوقى حلو
فيروز:باباتسامه ميرسي هروح البس بقا
فارس:ماشى لو احتجتى مساعده عرفينى وابتسامه بزاويه فمه
فيروز:لا شكرا مش عايزه وذهب وارتدت ملابسها فى ذلك الوقت ارتدى فارس ملابسه ايضا لاستقبال الضيوف وخاصه بنت عمه نيره الذى يخاف على فيروز منها
فيروز:بعد وقت ايه رايك
فارس:راى فيروز التى تبدو مثل قطعه من الجنه زى القمر ياحبيبتى مابقتش عايز حد يش وفك اصلا
فيروز:بخجل بس انا عايزه اشوف عيلتك.كلها واتعود عليهم
فارس:الا نيره
فيروز:ماشى حاضر..ضرب جرس الباب فى ذلك الوقت وذهب فارس وفتح لهم كانوا سيدات العائله الذين اتوا لتهنئه العروس محملين لها العديد من الهدايا فاستقبلهم فارس واحضر لهم عصيرا وذهب لاخراج فيروز
اتت فيروز واستقبلتهم جيدا وتعرفت عليهم ورات نيره كانت فتاه شديد الجمال لكنها لاتملك عيون روز الخضراء ولا شعرها الذهبى حيث كانت تخرج بعض من خصلات شعرها ولا تبدو برقه فيروز وخجلها
نجاه والده فارس:الف مبروووووك ياحبيبتى ربنا يسعدكم دايما
فيروز:الله يبارك فيكى ياطنط ربنا يخليكى
جليله والدة نيره:ايه ياحبيبتى عايزينك تفرحينا كده بعيل ده فارس البكرى ولاايه اوعى تكونى ارض بور ماانتى مش من الصعيد
كانت فيروز الدموع فى عينيها ولاحظ فارس ذلك ورد بدلا عنها:لا مش بور يامرات عمى وحتى بعد الشر لو كده هى اللى فى القلب بس
ابتسمت روز على اطراء زوجها لها وتحدثت امل اخت يافارس :ياسيدى ياسيدى الحب وعمايله بقا
جليله:حب ايه وكلام فاضى ايه اسكتى ياامل بس برضو يافارس عايزين نفرح بعيالك
فارس:ان شاء الله قريب سيبوها على الله ثم عليا
فيروز:نظرت بخجل الى فارس الذى فهم خجلها من ماذا وتفادى الامر
نيرة:رفعت راسنا يافارس امبارح
فارس:اكيد طبعا كان عندك شك ولاايه
نيرة:لا طبعا انت صعيدى اصلى كان عندى شك فى حد تانى
فهم فارس ماترمى اليه نيرة:واخبرها انها تطمن كله تمام
انتهت القعده وخرج الجميع ولم يتبقا سوى نيرة كانت تدخل بعض الطعام والزياره للمطبخ واثناء خروجها من المنزل
نيرة:فارس الدم اللى على المنديل ماله خفيف كده
فارس:يعنى ايه خفيف
نيرة:يعنى المفروض يكون لونه تقيل شويه
فيروز':انتى اتجوزتى قبل كده يانيره
نيرة:بزهق لا
فيروز:امال تعرفى حاجه زى دى ازاى
شعرت نيرة بالغضب وفرح فارس من رد زوجته وانها لاتترك حقها
فارس:ماتقلقيش كله تمام وفى لحظه احتضن روز والتقط شفتيها وقبلها قبله طويله يبث فيها مدى عشقه لها ولاغاظه نيرة التى شعرت بالخجل فخرجت مسرعه
فيروز:بخجل ايه اللى عملته ده يافارس
فارس:لازم اغيظها واخليها تخرس خالص مبسووط اووى انك عرفتى تاخدى حقك
فيروز:ماهى ضايقتنى وانا مش بسكت عن حقى
فارس:كنت فاكرك قطه مغمضه طلعتى شرسه
فيروز:برقتها المعتاده يعنى انا شريره
فارس:انا اللى هبقا شرير دلوقتى لو مامشيتيش من قدامى ذهبت فيروز مسرعه من امام فارس
فارس:يارب انت شايف اهو قدرنى بقا
اثناء خروج نيره وهى فى قمه غضبها قابلت خالد اخو فارس فابتسمت ابتسامه خبيثه بطرف فمها

ياترى ايه اللى هتعمله نيره علشان تفرق بين فارس وفيروز؟؟ ده اللى هنعرفه فى الجزء القادم
قد يعجبك أيضا
الاسمبريد إلكترونيرسالة