رواية وصال القلوب الفصل الثاني 2 بقلم اشرف الصعيدي واطياف راحلة
رواية وصال القلوب الفصل الثاني
يناديك قلبي لماذا لم تجيب اما ان الاوان
أن تهديه حبك تهديه أمانيه الضائعه. لو تعلم كم اشتاق لك اشتاق قربك واشتاق ودك وكلامك حتى همساتك حتى صمتك اشتاق اليه. انر عتمه قلبي وعد اليه فما عاد له طاقه بالبعد والفراق.
---
في القصر
يونس / عتقول ايه ياجدي؟ ما انت خابر زين اني متجوز وعحب مرتي وبنتي. وسعيد معاها
الحاج صالح / خابر زين انك متجوز عتحب مرتك اما سعيد معاها ي أشك فيها.
لما صممت تدخل جامعه القاهره ومردتش تدخل جامعه أسيوط قلت وماله شاب وعايز يشوف الدنيا ومردتش اجف في وشك كنت بتتعلق بهناك يوم عن التاني وانا شايف وساكت شركتنا هناك واملاكنا كانو امحدودين انت اللي كبرتهم وزودتهم بذكاءك وشطارتك لما جيتني وقولت لي عايز اتجوز زميلتي في الجامعه قلتك العيشه هناك والشغل حاجه والجواز حاجه تانيه كدا تبقى بتجلع توبك الصعيدي وتلبس توب تاني غيره عادات وتقاليد تانيه وعيشه غير عيشتنا
قولتلي بحبها ياجدي ومقدرش اعيش من غيرها سبتك تعمل اللي على هواك وان عارف ومتاكد أن ليك راجعه وأظن أكده أن أوان الرجعه ولا ايه.
يونس / لاياجدي انا عحب مرتي ومش تقدر ازعلها واصل. هي ذنبها اتجوز عليها بناقص منيه المشروع ده انا عاخد مرتي وبنتي ونرجع ا على مصر واني خلاص صرفت نظر عن الموضوع.
الحاج صالح / على العموم فكر في الموضوع وشور مرتك انا متأكد زين انها هي اللي عدلك على الطر يق الصواب.
يونس / ههههه مرتي هي اللي عدلني. بتهزر عاد ياحاج صالح. تصبح على خير ياجدي.
الحاج صالح / وانت من اهل الخير ياولدي. بيتنهد الحمد لله اني اللي عملته ده جه في الوقت المناسب لواتاخر يوم واحد كل الترتيب اللي انا مرتبه كان لو عيبقاله فايده ودي رساله من ربنا اني اللي بعمله هو الصوح.
بقلم اشرف الصعيدي واطياف راحلة
في القصر في اوضه وصال
البنات كلهم مشغلين اغاني وقاعدين بيتكلموا.
ورده / بس ايه ياوصال جدي اختارلك احسن حاجه عنديه وادهالك جدي بيحبك جوي ياوصال اكتر من اي حد.
وصال / هو احنا لينا حد غيره يا ورده من ساعه ماو عينا عالدنيا. ابوكي وامك فاتونا صغار هو اللي ربنا وكبرنا انا مش ممكن نتخيل الدنيا دي من غير وجوده فيها ربنا يخليه لينا ويطول في عمره.
وجدان / بس جوليلي ياوصال انتي عتعملي ايه بالجنينه الكبيره دي أجمل مكان في البلد كليتها دي جنه على الأرض
وصال / والله ماني عارفه لما يجي وقتها واحده زي يادوب تعليم متوسط ولا راحت ولا جات عتفكر في حاجه كبيره زي دي الزاي.
وجدان / علينا برده ياوصال تعليم متوسط اومال الجامعه المفتوحه اللي دخلتيها وخدتي ليسانس الحقوق بتقدير جيد جدا ولا دورأت الانجليزي اللي بتاخديها من علي النت واللغات اللي بتتعلميها فاكرانا نايمين على ود انا إياك وكله كوم والروايات اللي بتكتبيها تطير العقل لما بقراها بحس اني بجري لحدمن الكتاب الكبار. والله ياوصال دا سعيد وامه دعياله في ليله القدر اللي عتكوني من نصيبه.
وصال / حيلك ياوجدان الكلام ده محدش عيعرفه واصل احنا بس اني ماريداش حد يعرف اني ذكرت ودخلت الجامعه ولا اني بكتب ولا باخد كورسات انا عايزاه يتنيهم عارفين اني وصال اللي معاها دبلوم وبس لما يجي أوان اني اقولهم على كل حاجه.
وجدان / خلاص ياوصال براحتك احنا ميهمناش الا مصلحتك اكيد محدش عيعرف حاجه واصل
---
في اوضه يونس
يونس / ساكته يعني بعد اللي حكتهولك كنت فاكر بعد مقولة الكلام ده هتكسري القصرباللي فيه على دماغي مش متخيل رد الفعل دا منك خالص.
هايدي / هي المعادله صعبه بس اكيد مشروع بمليارات زي ده يستاهل التضحيه طبعا.
يونس / ههههه التضحيه بيا طبعا. تصدقي بالله جدي طلع فاهمك اكتر مني وطلعت انا مغفل مرضتش أضحى بيكي في مقابل كل ده وانتي كده تضحي بالسهوله دي.
هايدي / متعقدش الأمور اومال ايه تضحي بيه واضحى بيك دي المسأله بسيطه جواز على الورق لحد مناخد اللي احنا عايزينه هو انت عتعيش معاها ولاتخلي جوازك بيها جواز فعلى.
يونس / ليه لا مش يمكن تعجبني البنت حلوه وعندها اللي مش عند حد دلوقت.
هايدي / الفلاح بتاعه الدبلوم دي تعجبك طيب ماهي كانت قدامك من الاول مخدتهاش ليه.
يونس /يمكن مكنتش شايف كويس و دلوقت بعيد تصحيح الرويه من جديد.
هايدي /بقولك ايه يايونس انا راجعه مصر بكره وانت تخلص ألموضوع ده وتحصلني،علشان نبدأ الشغل ومتنساش أن شركتنا هي اللي هتنفذه دا هيبقى أكبر فندق في مصر كلها والشرق الأوسط كمان. يعني هيبقى مكسب لينا من كل النواحي.
يونس / تصبحي على خير ياهايدي وبيطلع البلكونه وبيولع سيجاره وبيقول لنفسه عارفه ياهايدي المشروع ده ممكن يكون أكبر مكسب في حياتي كلها بس انتي بقى طلعتي أكبر خساره في حياتي كلها طلعتي كذبه وانا الوحيد اللي صدقتها
لا وايه طلع جدي فاهمك اكتر مني هههههه والله انت ماليك قدره ياحاج صالح في كل حاجه.
--
في اوضه المكتب
---
الجد / ايه اخبار المزرعه ياعمار انا عايز الفاكهه اللي عتتصدر مايكون فيها خدشايه دي سمعتنا انتي فاهمني زين ياولدي
عمار / ولاتشغل بالك ياجدي كله تمام وكله بتوجيهاتك
الجد /عفارم عليك ياعمار أدى العيش لخبازه وانت دا كارك علشان كده عتبقي أكبر مصدر فاكهه في مصر كليتها.
عمار / ربنا يديك الصحه وطوله العمر ياجدي كله بفضلك.
الباب بيخبط؛؛؛؛؛؛
الجد / ادخل
يونس / صباح الخير وبيبوس ايد جده صباح الخير ياخوي
الجد / صباح السعادة انا حاسس انك عتفرحني بالخبر اللي مستني اسمعه.
يونس / بيبص لعمار وبيبص لجده. انا موافق على كل اللي انت قولت عليه اني طلعت غلط وانت صوح ياجدي.
الجد / لا ياولدي انت مش غلط بس انا ليا نظره في البنى آدم وانا قاري اللي في دماغ مرتك كويس
يونس / خلاص ياجدي ممنهوش فايده الكلام انا ايه المطلوب مني علشان انفذه.
عمار / في ايه بإجماعه ماتفهموني.
الجد / يونس طلب يدوصال واني وافجت وكتب الكتاب والفرح الخميس الجاي.
عمار / صحيح يايونس عتجوز وصال طيب وهايدي هتعمل معاها ايه.
يونس / هايدي سافرت الصبح وهي عارفه كل حاجه ومواقفه كومان.
عمار / موافقه بالبساطه تسيبك أكده تتجوز عليها.
يونس / تصدج سابتني ومعندهاش اي مشاكل كومان.
الجد / خلاص بجي خلصنا. انا عاخد رأي وصال وزي ماجلت الفرح الخميس الجاي جهزوا نفسكم وحضر كل حاجه
--
في اوضه وصال
---
وصال / الباب بيخبط. ادخل
الجد / احم احم. ازيك يا صال يابنتي عامله ايه.
وصال / اتفضل ياجدي. اني بخير الحمد لله.
الجد / في موضوع عايز اتكلم معاكي فيه.
وصال / اتفضل ياجدي اني سمعاك.
الجد / يونس ابن عمك طلب يتجوزك.
وصال / مين!!!!!! يونس يتجوزني طيب ومرته وبنته.
الجد / مرته عارفه كل حاجه ومواقفه كومان
وصال /بس اني مش موافقه ياجدي مراته موافقه وهو موافق وفي الوقت ده بالذات بعد ماكتبت لي الأرض ياجدي. عايز يتجوزني عشان الأرض صوح.
الجد / مش أكده بالضبط يعني عايز يعمل مشروع على الأرض جلت له الأرض بتاعتك ومفيش بيع ولا شري قالي اتجوز وصال.
وصال / اه ياخد الأرض وفوق منيها وصال فوق البيعه يعني حاجه ملهاش أيتها لازمه. بعد ماياخد الأرض تترمي وصال عادي. انا رخيصه جوي أكده جدي علشان أكده عطيتني الأرض الغاليه دي علشان تعلى جيمتي انا للدرجه دي ماليش جيمه عندك.
الجد / ماعاش ولاكان اللي يقول أكده ياقلب جدك دا انت اغلى حاجه في حياتي كليتها بكره تعرفي ان اللي عملته في مصلحتك. اوعاكي تبكي دموعك دي أغلى حاجه عندي ومجدرش اتحمل دموعك دي. اسمعيني زين يا وصال
فرحك الخميس الجاي على واد عمك اوعاكي تفجدي الثجه في جدك بكره تعرفي ان اللي عملته ده في مصلحتك اولا واخيرا.
---
في المطبخ
سعاده /عتقولي ايه يامقصوفه الرقبه انتي ازاي أكده يونس عيتجوز وصال وجدك وافق ومراته كومان موافقه لا دي حاجه تتطير العقل.
بس والله مانتي قليله يامرت ولدي لعبتيها صوح وكل اللي همك الفلوس وماهمكيش أن جوزك يبقى في حضن واحده غيرك بس اللي متعرفهوش يابنت البندر انها اول حب ليه وأنه مسبهاش الا عشان طموحاته اللي ملهاش اول من اخر وعشان ميجعدش في البلد اهنه متعرفيش انك صحيتي الميت من جديد اشربي يابنت البندر بقى معيفارجش حضنها وابقي قولي حماتي الفلاح قالت دي بنت دهب واني عارفاها زين.
شهد / انتي بتكلمي نفسك ياماي انا بقولك على إلى عماره قاله.
سعاده / غوري يابت من وشي خليني اشوف اللي و ريا يالا من اهنه.
شهد / خلاص متزجيش انا غايره من اهنه.
--
في القصر يوم الفرح
الزينه متعلقه في كل مكان والمزمار والطبل البلدي شغال والرقص والغنى والدبايح والناس في القصر مالها اول من اخر
و العريس لابس العمه والجفطان الصعيدي وبيرقص على الحصان والزغاريط ترج أرجاء القصر كله.
الفرح بيخلص والعريس بياخد عروسه وبيطلع الجناح بتاعه
العروسه مغطيه وشها بالطرحه.
يونس / ايه يا وصال مش عتشيلي الطرحه ولا ايه ولا اجي اشلهالك.
وصال / لا متجيش.
يونس / في عروسه تقول لعريسها لا متجيش ليله دخلتهم برده.
وصال/ عروسه. عروسه ايه يا واد عمي ماانت عارف اللي فيها وعارف انها صفجه.
يونس / عروسه واحلى عروسه في الدنيا كمان ومفيش صفجات ولاحاجه وارضك عنديكي لو مش عايزه نعملو المشروع ولا في دماغي.
وصال / عتضحك عليا يا اد عمي اومال اجوزتني ليه عاد.
يونس / اجوزتك.. اجوزتك.. اجوزتك.. اه علشان كنت أعمى وفتحت خلاص. نسيتي زمان يا وصال نسيتي يونس بتاع زمان احنا مكناش بفارق بعض اوعي تكوني نسيتي. يالا غيري هدومك وتعالى افكرك بكل حاجه بتاعت زمان.
الباب بيخبط ايوه مين ثانيه واحده يونس بيفتح الباب بيلاقي جده بيقوله كلمه بس في السروبيقفل الباب ويدخل
وصال / مين على الباب.
يونس / جدك.
وصال / عايز ايه.
يونس / عايز اممممم عايز الشال
وصال / ايييييييييييه
يونس / واني مالي عاد وواجف على الباب كومان.
وصال / مش هيحصل ولا يكون اتصرف.
يونس / عتصرف الزاي مالهاش تصريف.
وصال / يعني ايه.
يونس / يعني تعالى عايز في كلمتين.
وصال / يونس تتعمل ايه يامجنون انت سيبني عصوت والم عليك الناس. يونس ابعد عن بقى يونس يونس،
يونس / عيون يونس وقلب يونس وحيات يونس اللي ضاعت هدر من غيرك.
_يتبع