Ads by Google X

رواية وصال القلوب كاملة - بقلم اشرف الصعيدي واطياف

الصفحة الرئيسية
رواية وصال القلوب كاملة جميع الفصول من الفصل الأول إلى الفصل الأخير، نوفيلا وصال القلوب باللهجة الصعيدية وبقلم الكاتب اشرف الصعيدي والكاتبة اطياف راحلة، ولنبدا بالفصل الأول.

رواية وصال القلوب الفصل الأول

ماعدت احتمل فراقك.. بعدك أصبح يؤلم قلبي ويعذب روحي اشتاق اليك وانتظرك في مفترق الطرق التي تركتني فيها وذهبت تركتني اقاسي مراره البعد ووجع الفراق. حنيني إليك يقتلني أصبحت أرى الأشجار والألوان باهته من دونك الهواء الذي يخلو من انفاسك اختنق به عندما اتنفسه. يناديك قلبي لاتتركه. فماعاد يحتمل مرارالهجر وقسوه البعاد.
---
في احدي قرى محافظه أسيوط فى الصعيد
--
عائله من أكبر العائلات الموجوده في الصعيد وهي عائله الديناري كبيرها الحاج صالح الديناري تزوج من ابنة عمه صدف وانجب منها أولاده يحيى وإسماعيل وكالعاده في الصعيد زواج الولد من ابنة عمه مهما كانت الظروف. زوج يحيى من ابنة عمه دهب أنجب منها ثلاث بنات وإسماعيل من ابنة عمه سعاده وانجب منها ولدان وبنت.
اولاد إسماعيل الكبير يونس عمر ٢٨ سنه درس الهندسه في القاهره وماسك كل الشغل والأملاك في القاهره وشركه المقاولات متزوج من زميلته في الجامعه وده كان سبب رئيسي انه يقعد في مصر لأنها مرضيتش تعيش في الصعيد وهو كان بيحبها ومقدرش يرفض طلبها الابن الثاني عمار خريج كليه زراعه ماسك كل شغل الأرض والمزارع واخر العنقود شهد وهي دلوعه ابوها في كليه التجاره جامعه أسيوط.
اولاد يحيى هما وصال بعد موت وإلديها لم تكمل تعليمها حصلت علي الدبلوم بالرغم من أنها كانت متفوقه جدا اكتفت بالدبلوم لكي تراعي أخواتها بعد وفاه والدها ووالدتها في حادث.
ورده في كلية طب جامعة أسيوط ووجدان أولى صيدله جامعه أسىيوط أصبحوا الثلاث بنات بلا أب ولا ام يعيشون مع جدهم في منزل العائله الذي يعيش فيه أيضا العم وأولاد العم تتولى وصال أمر رعايه أخواتها وجدها أيضا بعد وفاه والديها فزوجة عمها كانت لاتكن لأمها اي محبه بالرغم من أنهم أولاد عم والآن أصبحت لاتحب البنات أيضا لاهتمام ورعايه الجد لهم وتفضيلهم على كل من حوله.

ثلاث بنات وجههم كوجه البدر في تمامه يتميزون بالأدب الأخلاق والتدين والطيبه لاينقصهما شيئا. اعتنى بهم الجد وقام بتربيتهم بعد وفاه الأب والأم دائما تغار منهن زوجة العم بسبب وبدون سبب. اكبرهن وصال جمال الروح قبل جمال الوجه تبدو كاميره لم يحالفها الحظ في التعليم كاخواتها لأنها اختارت ذلك كي تعني بهم وبجدها المريض التي هي عنده في كفه والآخرين جميعا في كفه ومكانتها وغلاوتها عنده لايضاهيها شئ.
أملها وامنيتها الوحيده في الدنيا كانت يونس أحبته وعشقته منذ نعومه اظافرها كانت تعتقد أن لها في قلبه شئ ولكن تحطمت كل الآمال والأحلام عندما قرر يونس أن يترك كل شئ وراءه ويذهب للعيش في القاهره ويتزوج زمليته في الكليه. كسر قلبها وتحطمت كل آمالها وعاشت الحزن والألم دون أن تظهر أي شئ ولكن الوحيد الذي كان يشعر بها هو جدها يعلم جيدا كل ماتعانيه من مرارة عشقها ليونس وفقدانها الأمل في حبه لها. كلما زاد المها كلما زاد مرار الجد وإصراره على أن يونس يجب ان يتجوزها مها كلفه الأمر وأنها الوحيده اللي ستسعد يونس دون غيرها يعرف جيدا أن أخواتها على قدر عالي من كل شئ وأنهم سينالوا من الحظ أوفره هي فقط من ظلمت دارت الأفكار في رأسه والخواطر اتخذ قراره اخيرا انه سوف يعوضها عن تربيتها لاخواتها ووقوفها بجانبهم حتى أصبح الجميع يحسدهم على ماصلوا اليه. رعايتها لجدها دون غيرها في أوقات مرضه وسهرها بجوارها لا أحد غيرها يفعل هذا. لذلك تأكد الجد أن القرار الذي أتخذه هو القرار الصواب،،،،،،،،،يالا نشوف قصتنا
---
الحاج صالح/ اسمعني زين يا اسماعيل ياولدي. رايدك تجمعلي كل الولد بكره بعد صلاه الجمعه رايد اتحدت وياهم في موضوع مهم وماحد يغيب منهم وكومان ولازم تشيع ليونس ولدك ياجي ضروري هو ومرته وبنته خبره اني عايزه ضروري.

إسماعيل / خير يابوي ايه اللي حوصل ليه عايز تجمعنا كليتنا. انت بخير يابوي.

الحاج صالح / خير ياولد أن شاء الله بس لازم الكلام اللي عقوله كلياتكم تسمعوه علشان دا حيكون دين في رجابكم وميثاق وعهد عليكم لازم تنفذوه علشان لما ادخل جبري واجابل وجه كريم ابجي مرتاح ياولدي. اوعدني ياولدي اني اللي عقوله لازم يتنفذ مهما كان تنفيذه صعب.

إسماعيل / اوعدك يا بوي أن كل اللي هتقول عليه لازم يتنفذ على رقبتي وانت عارفني زين لما بوعد.

الحاج صالح / يباركلي فيك ياولدي انت اللي فاضلي من الدنيا بعد موت خيك اللي جطم وسطي وكسر ضهري ودا عشمي فيك يااسماعيل برده انك تحاجي على بنات اخوك وتوصلهم لبر الأمر وتسليمهم لعرسان زين زييهم أكده ومتديهمش الا للي يعرف جميتهم ويصونهم ويحافظ عليهم.

إسماعيل / رجبتي يابوي دول في عنيه التنين ما انت كنت عارف يابوي أن كان نفسي يونس ياخد وصال هو اللي عمل زي الجرع ومد لبره وخد المصراويه اللي مش عارف هو عاجبه فيها ايه وعارف كمان ان عمار بيحب ورده وان شاء الله يكونوا لبعض.

الحاج صالح/ أن شاء الله. يالا متنساش اللي جلتلك عليه تصبح على خير ياولدي.
صالح / وانت من اهل الخير يابوي.
---
بعد صلاه الجمعه بعد الغدا الكل مجتمع في مضيفه كبيره ومنتظرين مايمليه الجد من قرارات .
الجد :عايزكم تسمعوني زين كلياتكم ومش عايز اي اعتراض على أي جرار اني خادته لأن الاعتراض على جراراتي لا عيقدم ولا ياخر اللي اني عايزه هو اللي عيكون أن شاء الله لأن الحاجات دي ملكي واني حر فيها اقسمها كيف ماني عايز حسب شرع ربنا واللي شايف اني راجل ظالم يحتفظ برايه لنفسه لاني انا ليا رب يحاسبني وهو اللي يسألني في اللي انا عملته أن كان صوح ولاغلط.
إسماعيل / يابوي المال مالك وانت حر فيه أياكش ترميه في النيل كله احنا مالناش صالح ومش من حقنا نعترض على أي حاجه تقولها،.
الحاج صالح / خلينا في المهم.
الأرض القبلي ليك كلياتها يا اسماعيل ودا ميراث شرعي ليك من بعدي يمكن يكون بعد عمر طويل ولا حتى قصير مش فارقه مبقيش في العمر قد مامضى.
إسماعيل/ ربنا يديك الصحه وطوله العمر يابوي وريباركلنا فيك.
الحاج صالح / ماعيزش حد يجاطعني هملوني اخلص اللي عايز اقوله..
ونصيب ولاد اخوك وصيه واجبه في حدود تلت الميراث لاني عارف اني كويس ان الأب لو مات في حياه الجد الولاد ميورثوش.ووانا حددت لهم التلت في التركه وجدرته وكتبته لهم اما الشركه اللي في مصر دي من نصيب يونس وهو اللي تعب وشقي فيها وكبرها كمان الأرض في أول البلد مشاركه بين عمار وورده هتتبني مستشفي وكمان المزرعه اللي بيزرع فيها عمار مشاركه بيناتهم على اعتبار انهم عيجوزوا فمافيش فرق بينهم وجدان وعودتها بالصيدليه اول ماتتخرج وشهد هفتح لها مكتب المحاسبه اللي في عايزاه وكمان في أحسنها مكان في المحافظه كليتها. أما حبه جلبي من جوه واللي غلاوتها عند ماتتقدر انا أديتها اكتر مكان هي بتحبه وبتحب تجعد فيه وهي الأرض اللي على النيل عايزه تسبيها جناين زي ماهي عايزه تبنيها اي حاجه زي ما انتي عايزه هي تخصك ومافيش حد ليه فيها أي حاجه.
وصال / ليه اكده بس ياجدي ربنا يديك طولة العمر وميحرمناش منيك ابدا.
سعاده / ليه أكده عاد ياعمي فضلت وصال على للكل الأرض اللي متقدرش بمال وبكرى ياجي اللي عيشلها بفلوسها بارضها وكده نبجوا استفادنا ايه.
إسماعيل / اخرسي يأمره سدى خشمك ده ولا اقوم اسدهولك عاد. ليكي فيه انتي اكتمي خالص.
سعاده / واني جلت ايه عاد ولا الحق عيزعلكوا.

الحاج / صالح انا جلت اللي عندي خلاص ومش عايز اسمع ولا كلمه وزي ماجلت دا مالي وانا حر فيه. يالا كل واحد يشوف حاله.
يونس / لو سمحت ياجدي في ضيوف جايين بكره البلد وعايزين يشوفوا مكان عيجيموا عليه مشروع كبير وعايز اضيفهم في القصر حدانا وانا لقيتها فرصه وانا هنا اعزمهم على الغدا.
الحاج صالح / دارك وموترحك ياولدي يشرفوا في اي وقت.
---
في اوضه يونس في القصر

يونس / ايه مش هتنامي ولا هتفضلي واقفه في البلكونه طول الليل.
هايدي / اللي يشوفك وانت بتتكلم صعيدي واحنا تحت ميشوفكش وانت لسان معوج دلوقت.
يونس / لكل مقام مقال وانا بصراحه بحب الصعيدي بس في مكانه وفي وقته.
هايدي / بس الزاي جدك يعمل كده يدي للفلاحه اللي مش متعلمه أرض بالتمن ده على رأي مامتك بكره يجي واحد يشيل الجمل بماحمل وتخسر وا الأرض دي.

يونس / اولا اسمها وصال مش الفلاحه ثانيا هي متعلمه معا ها دبلوم وأما تتكلمي عنها تتكلمي كويس وبعدين جدي
حر فلوسه وهو حر فيها وأعتقد أنه عطى كل واحد فينا اللي يكفيه وزياده تصبحي على خير.
هايدي / اوووف والنوم بقى هيجي الزاي هنا. مش عارفه اللي عايشين هنا عايشين الزاي.
---
في صباح يوم جديد.
الكل تناول الفطار وكل واحد راح يشوف حاله اللي راح الكليه واللي راح على شغله.
اما يونس قابل أصحابه اللي جايين واخداهم فرجهم على أرضهم اللي في البلد وعلى المزرعه وبعدين خدوا مركب ونزلو النيل وهما في النيل شافوا مكان جميل يشبه الجنه على الأرض كلهم لفت نظرهم المكان بطريقه غريبه وشاورا عليه هوده المكان إجماع في الرأي من كل الموجودين
يونس / مكان ايه.
واحد من أصحابه / مكان المشروع جراند اوتيل تاني في الصعيد بس المره دي سفن ستار رأس مال المشروع مليارات ومستثمرين عرب وأجانب والأرض روعه والمكان خرافه والمشروع مضمون ميه في الميه والشراكه ياعم بالنص انت بالأرض واحنا الفلوس أظن مفيش احسن من كده مشروع

يونس / الدنيا لفت بيه وهو واقف ومش عارف يفوق من الصدمه لو كان عرض المشروع أتقدم يوم واحد بس قبل جدي مايكتب الأرض لوصال بيكلم نفسه وهيتجنن.
وبعد الناس ماراح ا على القصر واتغدوا وتعمل معاهم واجب الضيافه على أكمل وجه وبعدين وصلوهم لحد المطار ومشيو ا يونس رجع البيت.
جدي لوسمحت عايز اكلم معاك كلمتين لوحدينا.

الحاج صالح / تعال يايونس هاتولنا الجهوه في المكتب.
يونس / جدي عايز اطلب منك طلب بس ياريت مترفضش
الحاج صالح / اتفضل ياولدي لو بامكاناني متأخر عنيك وانت خابر أكده زين.
يونس / أدى وصال اي حاجه تطلبها من التركه والديني الجنينه اللي على النيل أو انا مستعد ادفعلها تمنها اللي تقول عليه.

الحاج صالح / اسف ياولدي اللي اتكبتله حاجه خلاص الموضوع طلع من يدي هيا ليهاحاجتها وانت ليك حاجتك.

يونس طيب ناخد رأيها يمكن ترضى اني اشتريها منيها.
الحاج صالح / ميحجش لأي حد منيكوا يتصرف في اي حاجه طول ماني عايش.
يونس / ماشي ياجدي شكرا لحضرتك. تتصبح على خير.

الحاج صالح / الا إذا
يونس / الا اذا ايه ياجدي.
الحاج صالح / تجوز وصال وفي الحاله دي مالك هو مالها. تتصرف في الأرض كيف ماتحب وانا مستعد استثني الأرض دي من الوصيه في التصرف.
يونس / اييييييييييييييه
يتبع
google-playkhamsatmostaqltradent