U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية قسوة قلبك الفصل الثاني عشر 12 - بقلم هاجر العفيفي

رواية قسوة قلبك البارت الثاني عشر 12 بقلم هاجر العفيفي

رواية قسوة قلبك الفصل الثاني عشر 12 بقلم هاجر عفيفي

بعد مرور عدة ايام على وفاة والد كاميليا
كاميليا روحت البيت واخدت العزاء بتاع والدها
وكريمه اصرت ان تاخدها تعيش معاهم علشان متعيش لوحدها وكمان ملهاش حد غيرهم

فى منزل جيانا

كانت كاميليا قاعده فى الغرفه وشارده ودموعها نازله فى صمت دخلت جيانا عليها
جيانا بحزن : هتفضلى كده لحد امتى
كاميليا بدموع : وحشنى اووى اووى ياجيانا نفسى اترمى فى حضنه
جيانا اخدتها فى حضنها
جيانا : الله يرحمه ويجعله فى الفردوس الاعلى
كاميليا : الفراق وحش اووى انكسرت مرتين ساعة لما ماما ماتت وحاليا موت بابا مش هاقدر اتكسر تانى نفسى اموت بقا وارتاح
جيانا : بس يابت بعد الشر ربنا يديكى الصحه ويخليكى ليا
كاميليا اترمت فى حضنها وظلت تبكى
جيانا : بقولك ياكاميليا احنا لازم نروح الجامعه من بكره علشان فاتنا كتير والامتحانات قربت
كاميليا : بس انا مش قادره خالص ياجيانا
جيانا : يابنتى لازم تقدرى خلاص مفضلش غير حاجات بسيطه والامتحانت تبدا واحنا ضاع علينا كتيير
كاميليا : ماشى ال تشوفيه
جيانا : اوك ارتاحى دلوقتى وبكره ان شاء الله تكونى فايقه ونروح تصبحى على خير
كاميليا : وانتى من اهل الخير
جيانا خرجت وسابتها وكاميليا نامت وهى شارده
*************************************
فى فيلا الجارحى

فى الغرفه ال فيها ميرا

كانت قاعده ضمه رجلها وبتعيط بقهر
ميرا بدموع : انا كده خسرت كل حاجه خسرت اهلى وثقتهم فيا وخسرت حبيبى وبسخريه ال كنت فاكراه حبيبى وخسرت السنه دى والكليه وخسرت حب اخويا بس انا استاهل انا ال مشيت ورا دماغى ولازم استحمل
وفى الوقت ده دخلت سنيه بالاكل
سنيه : اتفضلى ياهانم
ميرا بسخريه : جايبه بواقى الاكل بتاعهم صح
سنيه : لاء ياهانم انا جيبالك الاكل الطبيعى بتاعك
ميرا بسخريه : وهتفرق فى ايه ماانا مرميه زى الكلبه اهو فى اوضة الخدم زي زى أى حد
سنيه : معلش ياهانم هى فتره وهتعدى
ميرا بشرود : ولو معدتش مش فارقه
سنيه : عن اذنك ياهانم
ميرا : اتفضلى
سنيه خرجت وميرا رجعت لشرودها من تانى
***************************************
فى غرفة قصي

كان بيكلم شخص فى الفون
قصي : كله تمام زى ماقولتلك
الشخص : اه تمام روحت عملت ال قولتلى عليه بالظبط
قصي : تمام ماشى بالنسبه للواد ال فى المخزن ده عايزكم تظبطوه النهارده ماشى
الشخص : ماشى يابشا انت تؤمر
قصي : ماشى سلام
وقفل معاه وبعدها علطول الفون رن برقم عمر
قصي : الو خير ياعمر
عمر : فى مهمه كده المفروض تجهز ليها من بكره
قصي بتساؤل : مهممة ايه بالظبط
عمر هتعرف تفاصيلها لما تيجى بكره
قصي : ماشى اومال انت فين اكيد سهران بره
عمر : لاء يااخويا مش سهران ولا نيله انا روحت انام مش فيا دمااغ خالص انت عارف اخر واحد طلع عينى لحد مااعترف
قصي : ماانت لو بتشد عليهم هيعترفوا علطول
عمر : اشد عليهم ايه زيك كده ده انت بتموتهم ده احنا لولا ان بنلحقهم من ايدك كان زمانك مخلص على واحد من المتهمين
قصي : هى دى طريقتى مليش خلق ان نفضل نتحايل عليه علشان يعترف مبيجوش غير بالعنف اصلا
عمر : الله يكون فى عون ال بيقع تحت ايدك
قصي : ههههههه انت ليه محسسنى ان ابو لهب
عمر : لاء وانت الصادق انيل منه
قصي : طب غور نام ياض اصل شكل النوم ماثر عليك صح
عمر : شاطر عرفت منين تصبح على خير
قصي : وانت من اهله يااخويا
وقفل مع عمر ونام على السرير وشرد شويه فى ال عملوا وفضل يفكر هل ده صح ولا لاء
***************************************
فى صباح اليوم التالى

فى منزل جيانا

استيقظت هى وكاميليا من النوم وكل واحده دخلت اخدت شاور واتوضت وخرجت لبست هدومها وخرجوا الاتنين
كانت كريمه بتحضر الفطار
كريمه : كويس انكم صحيتوا يلا علشان تفطروا
كاميليا : لاء ياماما تسلمى مليش نفس
جيانا : والله ولا انا
كريمه : ايه يابت انتى وهيا الكلام ده مينفعنيش مفهووم يلا اقعدوا كلوا
جيانا : ماهو ياماما
كريمه قاطعتها : ولا كلمه يلا اقعدوا
وبالفعل جلسوا واتناولوا الافطار
وبعد وقت ليس بطويل خلصوا اكل وقامو تستاذنوا من كريمه ونزلوا ركبوا تاكسى وطلعوا على الجامعه

بعد وقت وصلوا للجامعه ونزلوا ولسه هيدخلوا
شافوا بنات بتبص على جيانا اووى وبتتكلم وتضحك
استغربوا بس حاولوا يتجاهلوا
بعد مادخلوا الكلام زاد وكله كان بيبصلها وبيتكلموا
جيانا باستغراب : هو فى ايه كله بيبصلى ليه كده على الصبح
كاميليا باستغراب : مش عارفه ماانا مستغربه برضوا
جيانا : سيبك منهم يلا هنتاخر
كاميليا : يلا
ولسه هيمشوا ايمن ال كان بيطاردها دايما جه قدامهم
ايمن بسخريه : ايه ياقمر مبنشوفكيش ليه
جيانا بصدمه من طريقة كلامه معاها : انت مجنون بتكلمنى كده ماتتكلم عدل
ايمن ببرود : ماانا بتكلم تمام اهو بس انتى ال قفل زياده عن اللزوم ياحبيبتى
جيانا باشمئزار : حبك برص ياشيخ انت معندكش دم صح قولتلك لو وقفت فى طريقى تانى مش هيحصلك كويس ياايمن
ايمن : هههههههههه ضحكتينى يابت والنبى بلاش شغل الاحترام والطيبه عليا ده انتى اخوكى مدمن يعنى
جيانا اتصدمت هى وكاميليا وبصوا لبعض
جيانا بصدمه : انت بتخرف تقول ايه يابنى أدم انت
ايمن : مش هى دى الحقيقه ولا ايه متحاوليش تخبى بس ده الجامعه كلها عرفت
جيانا كده عرفت هما كلهم بيبصولها كده ليه وبيتكلموا عنها ليه
جيانا : اخرس انا مسمحلكش ياحيوان انت اخويا بمية راجل زيك مفهووم وكلمه تانيه والله ماهيكفينى فيك عمرك
ايمن : ماشى ياقطه خليكى على قدك بس وانا ميشرفنيش ان اعجب بواحده اخوها فى المصحه هههههههههههههههه
جيانا اتعصبت اكتر ورفعت ايدها وضربته بالقلم
ايمن بعصبيه : انتى بتضربينى يابت انتى
جيانا : واقتلك كمان يوم ماتفكر تجيب سيرة اخويا بحاجه وحشه انت فااااهم
كل ال فى الجامعه اتلموا والعميد طلب يشوفها وهى راحت هى وكاميليا عندو المكتب
جيانا : حضرتك عايزنى
العميد : بصراحه كده يابنتى انتى اتفصلتى من الكليه
جيانا بصدمه : اااايه !! ده هو ال
العميد : الموضوع مش موضوع الولد ده لاء الحكايه ومافيها ان جاتلنا اخباريه ان اخوكى فى المصحه بيتعالج من الادمان وانتى بيتى ليله كامله فى القسم بسبب انك اتمسكتى فى مكان مش كويس واحنا هنا عندنا هنا بنخاف على سمعت المكان معلش يابنتى ربنا يعوضك بقا
كاميليا كانت واقفه بتسمع ال وصلت ليه صاحبتها
ومش مصدقه خالص
جيانا بقا اتصدمت ودموعها نزلت بصمت وقامت خرجت تجرى وكاميليا خرجت وراها بسرعه وخرجوا بره الجامعه باكملها وركبوا تاكسى وراحوا على كافيه
**************************************
فى قسم الشرطه

عمر : يانهاااار طب ليه عملت كده ياابنى حرام عليك
قصي : ههههههههه علشان مناخيرها ال رفعاها فى السما دى نكسرهلها
عمر : بس كده انت ضيعت مستقبلها حرام مش كفايه اخوها ال فى المصحه ده
قصي ببرود : عادى يعنى هى مش هتموت من غير تعليم تروح تشوفلها شغل ولا تشتغل خدامه ولا حاجه
عمر : ياجبرووتك يااخى انت ايه معندكش قلب
قصي بجمود : لاء
عمر : والله انت مستفز بجد
قصي : ماتلم لسانك ياض انت خلاص هى تخصك فى حاجه
عمر : لاء متخصنيش بس دى بنت حرام يحصل فيها كده
قصي : تستاهل غرورها هو ال وصلها لكده وبعدين اقفل بقا على الموضوع انا غلطان ان حكيتلك اصلا
عمر : خلاص سكتنا
**************************************
فى الكافيه عند جيانا وكاميليا

جيانا بانهيار : انا خسرت تعليمى ياكاميليا عارفه يعنى ايه يعنى مستقبلى ضاع كل حاجه ضاعت اعمل ايه دلوقتى يارب اعمل ايه
كاميليا : اهدى بس وان شاء الله هتتحل
جيانا : هو ايه ده ال هيتحل انتى شوفتيه قال ايه خلاص مفيش امل
كاميليا بحيره : بس مين ليه مصلحه يعمل كده
جيانا بدموع : ماهو ده ال هيجننى مفيش حد يعرف الموضوع ده غيرنا وفى لحظه افتكرت ايوه اكيد هو هو ال عمل كده
كاميليا باستغراب : هو مين فهمينى
جيانا : الزفت الظابط هو ده الوحيد ال يعرف
كاميليا بتساؤل : طب وايه مصلحته فى كده
جيانا : مصلحته يكسرنى ويذلنى وخلاص
كاميليا : طب وناويه تعملى ايه
جيانا : تعالى معايا يلا
كاميليا : هتروحى فين
جيانا : يلا بس وشدتها وخرجوا من الكافيه
وركبوا تاكسى ومشيوا
---
فى قسم الشرطه

فى مكتب قصي كان قاعد هو ومعاذ وعمر
قصي : ايه الصوت ال بره ده
وفجاه الباب فتح ودخلت من غير ماتستاذن
العسكرى دخل وراها بخوف : والله ياقصي باشا هما ال دخلوا مدونيش فرصه امنعهم
قصي بص لجيانا بانتصار : خلاص روح انت
قصي بسخريه لجيانا : تشربوا حاجه
جيانا بعصبيه : يابرودك يااخى انت والله معندكش دم بقا الكليه تعرف ان انا اخويا فى المصحه طب ليه اذيتك فى ايه علشان تعمل كده ها معندكش اخوات بنات تخاف حد يعمل فيها كده مش كفايه المشاكل ال عندى جاى انت تزودها
قصي كان بيبصلها ببرود وقال : خلصتى كلامك
معاذ وعمر كانوا واقفين مصدومين وبيبصوا لبعض ازاى هى بتشتمه كده وهو بالبرود ده
قصي : دى قرصة ودن صغيره بس علشان لسانك ده ميطولش تانى وعلشان ال اقوله يتنفذ
جيانا : ههههههههههههههههههه
كلهم بصولها باستغراب ماعاده هو بصلها ببرود
جيانا : تصدق خوفتنى يا يا كان اسمك ايه معلش نسيت مش مهم ملوش لازمه وبعند انا اتكلم براحتى وفى اى وقت وبالطريقه ال تعجبنى انت مين علشان تعلمنى اتكلم ازاى انا عايزاك تعرف حاجه بس متشغلش بالك بيا كتير علشان متتعبش
قصي بسخريه : وانا هشغل بالى بيكى انتى
جيانا بانتصار : وااضح اووى انت فاكر كده انك كسرتنى او بتذلنى لا لا انت متعرفنيش كويس ياقصي انا محدش يهدنى وان كان على الكليه راحت عادى راحت زى ال راحوا مش فارقه بس انا برضوا هكمل وهفضل زى ماانا بلسانى الطويل مش هقصره علشان واحد زيك وبصتلوا بتحدى واخدت كاميليا وخرجوا من المكتب ومن القسم باكملوا
قصي بص بشرود لمكانها ورجع مكانه بهدوء
معاذ بهمس : عمر عمر
عمر بصوت واطى : ايه
معاذ : انا مش مرتاح لهدوءه ده
عمر : ولا انا مش ده الهدوء ال بعديه العاصفه
معاذ : باين كده انا رايح مكتبى يااخويا عندى عيال عايز اربيها سلام وخرج من المكتب
عمر بصوت واطى : واااطى ياض احم طب عن اذنك بقا ياقصي هاروح اشوف شغلى وخرج هو كمان
قصي كان مش مبالى بيهم خالص وكان باااااارد
---
فى فيلا الجارحى

كانت سميه بتكلم محمود جوزها
سميه : مش شايف ان كده كتير على البنت لو عملت حاجه فى نفسها بقا
محمود : كل حاجه بتدخلها مش ناقصها حاجه
سميه : والحبسه دى
محمود : هى ال جابته لنفسها
سميه بغيظ : انت اب ازاى يعنى مش صعبانه عليك
محمود : لاء لنا تتربى الاول تبقا تصعب عليا
سميه بصوت عالى : سنيه يااااسنيه
سنيه باحترام : نعم ياهانم
سميه : دخلتى الغداء للهانم الصغيره
سنيه : هادخلوا اهو
سميه : طب يلا بسرعه
سنيه : حاضر وراحت جهزت الاكل ودخلتوا بس خرجت وهى بتصرخ
سنيه : الحقووا الهانم الصغيره انتحرت
قد يعجبك أيضا
الاسمبريد إلكترونيرسالة