U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

قسوة قلبك البارت العاشر 10 - هاجر العفيفي

رواية قسوة قلبك الفصل العاشر 10 بقلم هاجر العفيفي

رواية قسوة قلبك البارت العاشر 

فى منزل كاميليا

صرخت باسم والدها : باااااباااااا
طبعا الجيران سمعوا وجهم خبطوا وطلبوا الاسعاف وده كله وكاميليا مش عارفه تتحرك من الصدمه
مش متخيله ازاى هتعيش من غير والدها هو ال ليها فى الدنيا
الاسعاف وصلت واخدوا والدها وهى نزلت ركبت معاهم فى العربيه وكانت طول الطريق منهاره وماسكه ايد والدها
كاميليا بدموع : بااابااا رد عليا اهون عليك تسيبنى كده مش انت قولتلى مش هتسيبنى ابداا ارجوووك متسيبنيش مليش غيرك والله ماليا غيرك اااااه ياقلبى يارب متحرمنيش منه لااااء مش قادره وظلت تبكى لحد ماوصولوا عند المستشفى
وبعد ماوصلوا اخدوا والدها على اوضة الكشف وهى فضلت تسنتا بره وكانت بتبكى طلعت هاتفها ورنت على جيانا
جيانا بنعاس : الو ياكاميليا مالك
كاميليا بدموع : الحقينى ياجيانا بابا هيمووت تعالى والنبى
جيانا اتعدلت بخضه : يلهووى ازاى وفين هاتى العنوان بسرعه
كاميليا بدموع : العنوان ........
جيانا : مسافة السكه واكون عندك سلام وقامت بسرعه بدلت ملابسها وراحت غرفة والدتها علشان تعرفها
كريمه استيقظت بخضه : فى ايه يابنتى وراحه فين كده دلوقتى
جيانا : ابو كاميليا تعبان اووى ياماما وهى لوحدها هاروح اشوفها
كريمه : طب استنى اجى معاكى
جيانا : لاء خليكى ياماما وانا هطمنك
كريمه : خلى بالك من نفسك يابنتى وطمنينى والنبى
جيانا وهي خارجه من الاوضه : حاضر سلام
كريمه بقلق : مع السلامه يارب جيب العواقب سليمه
*****************************************
عند ميرا وشادى

وصلوا عند بيت شادى

ميرا كانت خايفه تنزل من العربيه
شادى : يلا ياحبيبتى مالك كده
ميرا بخوف : خ خايفه ياشادى انا عايزه امشى
شادى بخبث : تؤتؤ خايفه منى ياميرو ده انا شادى حبيبك يلا بقا علشان مزعلش
ميرا نزلت بتردد : ح حاضر
مسك ايدها وطلعوا سوا العماره
شادى طلع وفتح الباب وقال :
شادى : ادخلى ياقلبى
ميرا دخلت وهى بتترعش
شادى لسه هيقفل الباب
ميرا بخضه : لاء سيبه
شادى : علشان نبقا براحتنا
ميرا : معلش ياشادى سيبوا
شادى : ماشى ال يريحك
ميرا قعدت على الاريكه بخوف شادى راح قعد جمبها
ميرا بعدت عنه وقالت بخوف : فين اختك
شادى : تلاقيها بتجيب حاجات وجايه
ميرا : اوك
شادى : تشربى ايه
ميرا : لاء مش عايزه
شادى بخبث : لا لاء لازم تشربى هاجيبلك كاس
ميرا مسرعه : لاء مش هشربوا تانى
شادى بتمثيل الزعل : كده ياميرو تحرجينى
ميرا : بس انا مش عايزه اشرب تانى
شادى : اخر مره علشان خاطر شادى حبيبك
ميرا : اوك بس واحد بس
شادى : اشطا ياقلبى ثانيه هقوم اجهزوا
ميرا : ماشى
شادى دخل المطبخ وعمل كاس ليها وواحد ليه بس جه فى بتاعها وطلع من جيبه شريط برشام منوم وحط تلات اقراص ودوبهم علشان ميبانوش وخرج ليها
شادى : اتاخرت عليكى
ميرا بابتسامه : لاء
شادى وهو يعطيها الكاس : اتفضلى ياميرو
ميرا : ميرسى واخدتوا منه وابدت تشرب واحده واحده
شادى بخبث : اشربى مره واحده احسن علشان متحسيش بطعمه
ميرا : عندك حق وبالفعل شربت الكاس كله مره واحده
ميرا : ها بقا ياشادى مقولتليش هنعمل ايه
شادى بخبث : كل خير ياحبيبتى هاجيب الماذون بكره ونتجوز
ميرا وهى ابتدت دماغها تتقل وتصدع
ميرا بتعب : اااه حاسه بصداع هيموتنى
شادى : بعد الشر ياحبيبتى
ميرا وهى خلاص ابتدت تغيب عن الوعى : مش قاادره وبالفعل غابت عن الوعى
****************************************
فى فيلا الجارحى

سنيه بلغتهم ان ميرا هربت
قصي بصدمه وعصبيه : هربتتتت
سنيه بخوف : ااه
قصي بص لوالدته بعصبيه : شوفتى بنتك اخر دلعك فيها خلاها تعمل ايه هتحط راسنا فى التراب
سميه بدموع : ليه كده يابنتى ليه تعملى كده
قصي بعصبيه : دى عايزه القتل البت دى معاكى رقم اى واحده من صاحبتها
سميه بخوف : اه معايا رقم تالا صديقتها المقربه ممكن تكون راحتلها
قصي : هاتيه بسرعه
سميه مسكت فونها وطلعت الرقم واديتهوله
قصي اخده منها ومسك فونه وطلب الرقم
تالا بنعاس : الو مين معايا
قصي : الو معلش ازعجتك هى ميرا جات عندك
تالا اتعدلت بتركيز : لاء مجتش انت اخوها صح
قصي : اه طب متعرفيش اى حد ممكن تكون راحتلوا
تالا فكرت وقالت مسرعه : ممكن تكون راحتلوا
قصي بصدمه : هو مين
تالا بتردد : ده ده ده
قصي بصوت عالى : مين هو انطقي
تالا انتفضت من صوته وقالت : شادى
قصي بعصبيه : مين زفت ده وهاتى العنوان بسرعه لو تعرفيه
تالا معاها عنوان شادى لان ميرا قالتلها عليه قبل كده
وقالت فى نفسها ان لازم تقولوا علشان شادى ممكن يعمل فيها حاجه
تالا : العنوان ...........
قصي قفل السكه من غير ولا كلمه
تالا قامت بسرعه بدلت ملابسها علشان تروح تلحق ميرا برضوا علشان اخوها ممكن يموتها ونزلت ركبت تاكسى وطلعت على العنوان

عند قصي

سميه : ها عرفت هيا فين
قصي بعصبيه : بنتك راحت عن واحد وخرج مسرع
سميه شهقت بصدمه : يلهوووى طب انت هتعمل ايه اوعا تأذيها ياابنى وكانت بتجرى وراه
قصي : لو وصلت ان اقتلها هاقتلها وخرج من الفيلا وهو خارج قابل والده فى وشه
محمود : رايح فين ياقصي
قصي بعصبيه : رايح اجيب بنتك
محمود باستغراب : بنتى مالها
قصي : خلى امى تفهمك انا لازم امشى دلوقتى وخرج ركب عربيته ومشى بأقصى سرعه
***************************************
فى المستشفى عند كاميليا

جيانا وصلت ودخلت تجرى علشان تطمن على صحبتها
لقت كاميليا واقفه منهاره قدام اوضة الكشف
جريت عليها واخدتها فى حضنها
كاميليا بشهقات متقطعه : بابا ياجيانا بابا بيروح منى
جيانا بدموع : اهدى بس وهيبقا كويس ان شاء الله
كاميليا بدموع : هيسيبنى طب هيسيبنى لمين هو قالى مش هسيبك قالى مش هبعد عنك ليه ليه يارب
جيانا : اهدى بس المهم هو بقاله قد ايه جوه
كاميليا بدموع : من ساعة ماكلمتك كده ومحدش خرج طمنى
وفى الوقت ده خرج الدكتور
وجريوا عليه
جيانا : خير يادكتور طمنا
الدكتور باسف : اسف بس حالته كانت متاخره ملحقناش نسيطر عليه البقاء لله شدو حيلكم عن اذنكم
جيانا شهقت بصدمه
وفجاه سمعت صوت ارتطام على الارض
بتبص لقت كاميليا فقدت الوعى
****************************************
فى شقة شادي

بعد لما ميرا فقدت الوعى ونامت
شيري خرجت من جوه وشالتها مع شادى
شادى : ها عرفتى هتعملى ايه
شيرى : طبعا بس اخرج انت بره يابابا
شادى بخبث : ليه هساعدك
شيرى : متفقناش على كده ياخفيف
شادى : ماشى ياقلبى هستنا بره بس عايز صور كده حلوه تخليها تدفع وهى مغمضه
شيرى : عيب عليك بس اخرج انت
شادى : اشطا وخرج من الاوضه
وشيرى قفلت ودخلت عند ميرا وهى نايمه وابتدت فى تجردها من ملابسها وتصورها
وده كلوا وميرا فى دنيا تانى
فى الوقت ده وصل قصي عند العماره ونزل مسرع
وفى نفس الوقت وصلت تالا
قصي : انتى مين
تالا : انا تالا ال كلمتك فى الفون
قصي : اوك فين الدور
تالا : على مااعتقد الرابع
قصي طلع بسرع وتالا وراه ووصلوا عند الشقه
وقصي خبط الباب بعزم مافيه
شادى اتنفض واتخض ومكانش عارف يعمل ايه لسه هيستخبا
كان قصي كسر الباب ودخل مسكه هدومه ونزل فى ضرب
قصي بعصبيه وهو يلكمه بقوه : فيييين اختى يلا
شادى بتعب : اختك مين انا مش فاهم انت قصدك ايه
قصي وجه كلامه لتالا : ادخلى شوفيها جوه كده
تالا بخوف دخلت تدور فى الاوض وفى اوضه من الاوض فتحتها شافت شيرى المستخبيه لما سمعت الصوت ال بره وميرا كانت على السرير شبه عاريه
جريت عليها وحاولت تلبسها اى حاجه
ده كله وقصي نازل ضرب فى شادى لحد مافقد الوعى فى ايده ودخل جوه يشوف اخته
لاقا شيرى بتتسحب علشان تخرج مسكها من شعرها ونزل ضرب على وشها لحد لما وشها جاب دم
وراح عند اخته شالها ونزل بيها
وتالا نزلت وراه

قد يعجبك أيضا
الاسمبريد إلكترونيرسالة