U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية احببت فقيرة حبيبه وعمر كاملة من الفصل الأول

رواية احببت فقيرة حبيبه وعمر كاملة جميع الفصول بداية من الفصل الأول إلى الفصل الأخير
رواية احببت فقيرة حبيبه وعمر البارت الثالث عشر 13

رواية احببت فقيرة البارت الأول 1

حبيبه ( فتاه فقيره توفى والديها وهى صغيره فى حادث سير وتعيش مع عمها وزوجتة وهى فتاه جميله جدااا بشرتها بيضاء وعيونها عسليه وجسمها مضبوط فهى فتاه جميله بكل ما تملكه معانى الكلمه تبلغ من العمر 24عاما خريجة كلية اعلام )
عمها ( مسعد ) ويعمل سواق عند (عمر خيرى )
وزوجته ( صفاء ) وله بنتان

صفاء : قومى يلا ي ست حبيبه علشان تفطرى انا مش عارفه والله هتفضلى تكلى وتشربى على قفانا كداااا حااااجه تقرف

ذهبت صفاء حتى تفيق ابنتيها الافطار
وقامت العائله بتناول وجبة الإفطار
وذهب مسعد لكى يذهب لعمر خيرى

عمر خيرى ( بطل الروايه يبلغ من العمر 28 عاماا خريج كلية هندسه يعمل فى شركاته الخاصه به مستقل بنفسه لا يعيش مع اسرته وهو شاب وسيم جدااا ذو البشره القمحيه والعيون البنيه ملامحه صغيره ذو لحيه خفيفه تعشقه كل فتاه تراه )

الداده صفيه على غرفة عمر : عمر ي بنى قوم الساعه بقت8 هتتأخر على الشغل
عمر : اى 8 ي نهار اسود انا عندى معاد مهم اوووى
وقام بسرعه من ع السرير. واخد شور ولبس ونزل
الداده : ي حبيبى الفطار
عمر : لا ي داداه هتأخر سلام
وكان ف انتظاره عم محسن
عمر : بسرعه ي عم محسن انا اتأخرت اووى انهاردة
عم محسن : حاضر ي بنى
ووصل عمر خيرى للشركه
محمد السكرتير العام لعمر : اتأخرت اووى ي فندم شريف باشا مستنى حضرتك من بدرى
عمر : غصب عنى والله راحت عليا نومه دخل قهوتى بسرعه
محمد : حاضر

شريف : اى ي عم بقالى ساعه مستنيك
عمر : معلش والله غصب عني المهم الصفقه انا موافق عليها هات الورق يلا علشان نمضى

فى منزل محسن
هند ابنته ( فتاه بيضاء اللون عينها سوداوت جسمها كيرفى بعض الشئ تدرس فى 2 كليه الاعلام نفس مجال حبيبه لأنها تحبها جدا وتقف معاها فى جميع المواقف الصعبه )

ساره ابنته الثانيه( فتاه قمحية اللون عيونها سوداء جسمها متناسق وجميله بعض الشئ ف اولى ( اداب انجلش ) مغروره جدا تغير جدا جداا من حبيبه لجمالها ولا تحبها ابدا )

حبيبه خلصت وجبة الإفطار بتعتها وعملت شغل البيت كله ودخلت اوضتها بعد م اخدتلها شوية تهزيق محترمين من زوجة عمها ودخلت تبكى ف الاوضه
هند دخلت الاوضه عليها
هند : الجميل قاعد لوحده ليه
حبيبه : ولا حاجه ي حبيبتى بس مخنوقه شويا
هند : عارفه ان كان تصرفاتها مش كويسه معاكى بس والله قلبها طيب جدا
حبيبه : عارفه والله ي حبيبتى بس متشغليش بالك انتى المهم انتى اخبار الكليه معاكى اى
هند : كويسه الحمدلله جميله جدا
حبيبه : لو وقف معاكى اى حاجه قوليلى علطول
هند : اكيد اسيبك تستريحى شويا واحب اشوف محاضراتى
حبيبه : حاضر ي حبيبتى ربنا معاكى⁦♥️⁩

ف فيلا عمر خيرى
الداده : الغدا جاهز ي حبيبى
عمر : حاضر ي داده هطلع اخد شور وانزل اتغدا
الداده : حاضر ي حبيبى

وطلع عمر اخد شور ونزل اتغدا وبعد الغد
الداده : انا عايزه اطلب منك طلب ي حبيبى بس خايفه ترفضه
عمر : ليه بتقولى كدا ي داده انا عمرى م ارفضلك طلب
داده : انت طبعا عارف ان بنتى عائشه ف الخليج وكانت عايزه تخدنى معاها بس انا مردتش علشان مسبكش لوحدك بس والله ي بنى ولدها وهيا وحشونى جدا وكل أما اكلمهم يقولولى عايزين نشوفوكى ي تيته وجوز بنتى حجزلى تذكره والمفروض اسافر بعد بكره اقضى الاجازه الكبيره عندهم
عمر : اى!!! الاجازه الكبيره ازااى ي داده ومين يعمل اللى انتى بتعمليه
الداده : والله على عينى ي بنى بس والله هما وحشونى اووى😑
عمر : خلاص ي داده متعيطيش انا هتصرف بس مشوفش دمعه من عيونك نازله تانى ⁦☺️⁩
الداده : ربنا يخليك ي بنى ويوقفلك ولاد الحلال

تانى يوم
ذهب عم حسن لفيلا عمر خيرى
عمر ركب العربيه ومشوا وفى الطريق
عمر : عم حسن عايز اطلب منك طلب
محسن : اتفضل ي بنى
عمر : انت عارف طبعا ان الداده هتمشى فتره كبيره واكيد البيت مش هيسلم من خدامه
محسن : هشوفلك ي بنى
عمر : بس انهاردة ي بكرااا بالكتير تكون عندى
محسن : حاضر ي بنى

ف المساء
تجلس عائلة حسن لتناول العشاء التى قد احترضته حبيبه
صفاء : الرز دا مالح مية مره اقولك متكتريش ملح منك لله ي بعيده انا مش عارفه اقول اى اخر بلوه وابتلانا بيها ربنا 😡
حبيبه والتى شعرت بالقهر فى قلبها : اسفه ي مرات عمى
وتركت حبيبه الطعام ودخلت غرفتها
ودخلت وراأها هند ابنتة عمها حتى تنهى ما فعلته والدتها مع هذه اليتيمه

محسن : استريحتى انتى كدا منك لله ي شيخه
صفاء : هوا أنا كل اما اكلمها كلمتين تعمل كدا وبعدين انا بعلمها لمستقبلها هيا البنت ليها اى غير بيت جوزها
محسن : طب م بناتك اهم علميهم
صفاء : ببب...بببناتى بيجوا من كليتهم تعبانين
محسن وقد شرد فى تفكيره فيما قاله له عمر بخصوص الخادمه
صفاء : مالك ي حسن
محسن : ملكيش فيه انتى
صفاء : انت زعلت والله مقصدى فيه اى بقااا متخوفنيش عليك
محسن : انهارده الصبح ( وقد قصى لها ما حدث بينه وبين عمر خيرى )
صفاء : انا عندى الخدامه دى ⁦☺️⁩
محسن : مين
صفاء : حبيبه
محسن : انتى اتجننتى 😠 اخويا سيبها امانه معايا وانا اروح اشغل بنته خدامه
صفاء : اولا هتاخد أجر كويس اوووى تجهز بيه نفسها وثانيا هتاكل احسن اكل وهتشرب احسن شرب ثالثا دى فتره صغيره جدا ومحدش هيعر
محسن : بس اى...
صفاء : مفيش بس سيب الموضوع دا عليا

صفاء قد دقت باب حبيبه
صفاء :باإبتسامه مصتنعه معلش ي حبيبتى انا عارفه ان انا زهقتك كتير بس والله دا كان لمصلحتك
حبيبه : عادى ي مرات عمى محصلش حاجه
صفاء : ماشى ي حبيبتى مش انتى كنتى بتقوليلى انك عايزه تشتغلى وعمك مكنش موافق انا خليته يوافق وهتشتغلى علشان تعرفى بس غلوتك عندى
حبيبه بفرحه : بجد ي مرات عمى ⁦☺️⁩
صفاء : ايوا ي حبيبتى
حبيبه : هشتغل ف الاذاعه من بكرا هنزل ادور ع شغل
صفاء : لا انا خلاص اخترتلك الشغل
حبيبه : بجد فين !!
صفاء : تعرفى عمر خيرى
حبيبه : اهلا ومين ميعرفش الشخصيه المغروره دى 😏
صفاء : هتشتغلى خداامه عنده وقد قضت لها ما حدث بينها وبين حسن
حبيبه : اى مستحيل اعمل كدا 🙂انا معايا كليه والاولى ع الدفعه الاربع سنين واى قناه تتمنى تشتغل معايا اشتغل خداامه !!
صفاء : اه علشان يتيمه وملكيش حد وهتشتغلى يعنى هتشتغلى وبكرااا
وخرجت صفاء
وانهارت حبيبه من البكاء

احببت فقيره
البارت الثانى
ذهب محسن لفيلا عمر خيرى
محسن : اهلا ي عمر بيه
عمر : اهلا ي عم محسن هااا عملت اى
محسن : هاااا... هههرد عليك بليل
عمر : لسه بليل 🤨
محسن : معلش ي بنى ان شاء الله بليل هرد عليك
عمر : ماشى ي عم محسن لما اشوف

ذهب عم محسن بعد توصيله لعمر خيرى إلى المنزل
صفاء : اهلا ي محسن استنى احضرلك الغدا
صفاء : ي حبيبه انتى ي بنت
حبيبه بصوت حزين : نعم ي مرات عمى
صفاء : حضرى لعمك الغدا ي ختى
حبيبه وقد اتجهت إلى المطبخ لكى تحضر الغداء لعمها

محسن : هااا ي صفاء عملتى اى اى رأيها ف موضوع الشغل دا عمر بيه كل شويه يقولى ونا مش عارف اقوله اى
صفاء : هااا ... اااه دى موافقه
واحضرت حبيبه الطعام لعمها وتناول محسن وجبته وبعدها دخل لحبيبه فى غرفتها
محسن : هلا ي حبيبه ي بنتى وافقتى ولا اى
حبيبه : هااا... الحقيقه ي عمى انا مش موافقه انا ازاااى اشتغل خدااامه وكمان عند اللى اسمه عمر خيرى دا اللى معروف عنه انو شخصيه مغروره ومش بيعجبه اى حاجه
محسن : بصى ي بنتى انا والله معيزك تشتغلى بس انا شايف تعامل صفاء ليكى ومش بيعجبنى وانتى لما تكونى هناك هتبقى ف امان وهتعيشى عيشه كويسه وهتقدرى بعد متيجى ومعاكى الفلوس تقفى ف وش صفاء هيا شيفاكى ضعيفه علشان انتى مش معاكى فلوس سامحينى ي بنتى بس والله دا لمصلحتك انتى
حبيبه ببكاء : خلاص ي عمى 😓
محسن : يعنى موافقه
حبيبه بحزن شديد : ايوا ي عمى موافقه
محسن بفرحه : خلاص انا هتصل على عمر بيه دلوقتى

محسن : الو
عمر : الو خلال
محسن : خلاص انا لقتها ي عمر بيه وهتكون عندك بكرا ان شاء الله
عمر : خلاص تمام انت تعرفها كويس ؟
محسن : ايوا دى حبيبه بنت اخويا الله يرحمه
عمر : حبيبه !! بس دى معاها كليه والاولى اعتقد على دفعتها اى اللى هيخليها تشتغل خدامه !!؟
محسن بإرتباك : هااا.. داا دااا انا اللي قولتلها علشان مكنتش راضى اجيبلك واحده مش واثق فيها ونا واثق فيهاا جدا
عمر : خلاص خلاص تمام هتجيبها معاك بكراا
محسن : ان شاء الله
عمر : خلاص تمام سلام
محسن : سلام ي بيه

هند وساره وقد وصلوا إلى المنزل بعد خروجهم من الكليه
صفاء : حبايبى الغدا جاهز يلا اتغدوا
وقد تناولوا غداءهم
وبعد الغدا
هند : اومال فين حبيبه ي ماما
صفاء : بتجهز حجتها
هند : ليه هيا رايحه فين !!
صفاء : هتشتغل
هند بفرحه : بجد هيااا طيبه جدا وتستاهل كل خير بس هتشتغل ف اهنى قناه
صفاء : هتشتغل خدامه
ساره بفرحه عارمه : هاهاهاهاها بجد 😂 اهو دا اخرهااااا
هند بعصبيه : انتى بتتكلمى جد انتى متوقعه اللى انتى بتقوليه حرام عليكى ي ماما والله حرام عليكى
وتركتهم ودخلت غرفة حبيبه
وقد كانت حبيبه تبكى وبشده
وعندما رأتها حبيبه اخذت تمسح فى عيونها بإرتباك
هند : انتى بتخبى دموعك عن اختك
حبيبه : ببكى بس علشان هسيبك
هند : متزعليش ي حبيبتى انا هقف لماما ومستحيل تعملى حاجه زى كدا
حبيبه : لا اهدى انا كدا هبقا مستريحه يمكن لما اخرج من هنا نفسيتى تتعدل شويا
هند : اخس عليكى ي حبيبه انتى عايزه تبعدى عنى 😓😒
حبيبه : انتى بتقولى اى اظن انتى عارفه كويس اووى ان انتى اكتر حد بحبه ف البيت دا
هند : خلاص بس اوعدنى انك تسألى عليا كل يوم 😒
حبيبه : اكيد انتى بتقولى اى💚🧡

وقد جهزت حبيبه اغراضها واتجهت مع عمها لكى تبدأ عملها فى فيلا عمر خيرى
وقد وصلت إلى الفيلا وكانت تردى فى ذالك الوقت بنطلون جينز ازرق الون وتيشرت ابيض ذات الاكمام الطويله وكان شعرها منسدل وراء ظهرها
ووصلت هيا وعمها الى فيلا عمر خيرى وكان عمر فى استقبالهم
محسن : اهلا ي عمر بيه اقدملك حبيبه بنت اخويا الشغاله الجديده لحضرتك
عمر وقد انبهر بجمالها فهو لم يتخيل أن تكون بهذا الجمال
عمر وقد مد لها يده اهلا ي حبيبه وقد مدت له يدها ازيك ي عمر بيه
عمر : تمام
حبيبه وقد تركت يده : اقدر اعرف اعمل اى
عمر : المطبخ ع ايديك الشمال وغرفة المكتب على ايدك اليمين والدور التانى فيه الغرف وتانى غرفة ع ايديك اليمين بتعتى نضفيها كويس اما اوضتك اللى قدامك دى
حبيبه : تمام عن اذنك
عمر : اتفضلى
وقد ذهب عمر الى شركته اما حبيبه دخلت إلى الفيلا وكانت فى شكل مبهدل جداا ظبطت الفيلا ودخلت عملت الاكل وطلعت غرفة عمر لتقوم بتنضفها وفى ذالك الوقت كان عمر قد وصل إلى الفيلا واتجه إلى غرفته
حبيبه فى نفسها " الى القرف دا انسان معفن كل حاجه على الأرض حاجه تقرف " وتفجأ بصوت عمر
عمر : بإبتسامه بتقولى حاجه ي انسه حبيبه !؟
حبيبه بخوف وبتلعثم فى لسانها : هاااا لااا.مم..ششبقول حاجه هوا حضرتك جيت من امتى ؟؟!
عمر : من ساعة مكنت معفن🤨
حبيبه : هاااا لالا مششش...قصدى والله
عمر : انتى لسه مجهزتيش الاوضه🤨🤨
حبيبه : لحظه هتكون جاهزه
عمر : انزلى حضرى الغداا على م اخد شاور ونزل ابقى اطلعى جهزيها
حبيبه : حاضر

احببت فقيره
البارت الثالث
فى منزل محسن
محسن : حضريلى الفطار يلا ي صفاء
صفاء : انا تعبت من الصبح بشتغل ادخل اعملك سندوتش
محسن : والله
صفاء : والله مقدره ي محسن
محسن : علشان تعرفى بس حبيبه كانت شايله اى لوحدها
صفاء : والله !! انا كنت بعمل معاها كل حاجه مكنتش بسبها لوحدها خالص
محسن : انا حاسس بالذنب من ناحيتها جداا
صفاء : ليه ي خويا دى عايشه احسن عيشه
محسن : طب انجزى حضريلى الفطار هتأخر على عمر بيه

فى فيلا عمر خيرى
عمر اخد شاور وارتدى ملابسه ونزل على الدرج وفى ذالك الوقت كانت حبيبه قد أحضرت له الطعام
عمر : اى دااا
حبيبه : هوا اى
عمر : فين القهوة بتعتى
حبيبه : مش لما تفطر الاول
عمر : ونتى مالك انا بشرب القهوه الاول انجزى روحى هاتى القهوه بسرعه هتأخر
حبيبه فى نفسها " بيدور على اى حاجه يتخانق عليها وخلاص انا اول مره اشوف حد بيشرب قهوه ع الصبح كدا 😏"
عمر : بتقولى حاجه ي انسه حبيبه !!؟
حبيبه : هاااا.. لالا انا انا هههروح اجبلك القهوه
عمر : انجزى
حبيبه قد احضرت له القهوه واعطتهاله له ولكن قد ألقت بها على بدلته بدون قصد
عمر بعصبيه : اى اللى انتى هببتيه دااا😠😠
حبيبه بخوف شديد وتلعثم فى لسانها : ااااننناااا اسفه والله مكان قصدى
عمر : انتى متعرفيش البدله دى تسولها كام انتى مجنونه دى تشتريكى نفسك
حبيبه وقد شعرت بقهره فى قلبها : اسفه هروح اجبلك بدله تانيه
عمر : استنى عندك انا هتنيل اطلع انا
ونهض عمر إلى غرفته وارتدى ملابسه وخرج مسرعااا الى الشركه اما حبيبه كانت كلماته الى قد قالها له كانت تزلزل فى أذنيها مثل الرعد وقالت فى نفسها

فى مكان ثانى فى كلية هند
ينزل من سيارته " عامر فوزى " المعيد فى كلية الصحافه والاعلام يسرع بسيرتة واذا بفتاه تقف أمامه ولكن اوقف سيارته بسرعه ونزل من سيارته ولملم كتبها التى قد وانزلقت على الأرض
عامر : انا اسف جدااا مكنش قصدى والله انتى طلعتى فجأه قدامى
هند وقد نهضت من على الارض : لا عادى مفيش حاجه انا اللى اسفه
عامر والتى قد أنبهر بجمالها : انتى ..انتى هناا ف الكليه
هند : ايوا
عامر : انا عامر فوزى معيد هنا ف الكليه
هند : اتشرفت بحضرتك عن اذنك
عامر : اتفضلى

فى مكتب عمر خيرى
يجلس عمر على الكرسى ولم تخرج حبيبه من تفكيره ولو للحظة
عمر فى نفسه " بس بقااا كفاايه انا ليه بفكر فيهااا كدا يمكن بس علشان جرحتها بالكلام انا لازم اعتذرلها مكنش ينفع اتكلم بطريقه دى معاها اعتذر اى عمر خيرى يعتذر لخدامه بس بقااا ايوا هعتذر انا اللى غلطان "

فى منزل محسن
صفاء : احضرلك الغدا
محسن : ايوا لحسن انا ميت من الجوع
صفاء وقد أحضرت له الطعام وجلس محسن لكى يتناول وجبته
محسن : منتش ملاحظه حاجه ي حبيبتى ⁦😊
صفاء : اى ي حبيبى
محسن : انتى الظاهر كدا ونتى بتحطى ملح حطيتى سكر مكانه 😊😊
صفاء : يلهوى ورينى كدا
اى دا فعلا معلش يا حبيبى 😁
محسن : انا داخل انام شويا احسن

فى فيلا عمر خيرى
عمر : حبيبه
حبيبه : نعم
عمر : أن.....نننااا اااا..سسسسف
حبيبه : على اى
عمر : على اللى حصل منى الصبح بجد مكنش والله مكنش قصدى
حبيبه : لا عادى ي عمر بيه بس انا عايزه اطلب منك طلب ومتردده شويا
عمر : اتفضلى
حبيبه : انا بس كننننت عايزه اروح المقابر ازور بابا وماما نص ساعه والله مش هتأخر
خلاص : روحى البسى ونا هوصلك
حبيبه : لا انا هروح لوحدى
عمر بعصبيه : قولت هوصلك
حبيبه : هوا اى غصب وخلاص 🙂
عمر : انا طالع اغير لبسى انجزى
دخلت حبيبه الى غرفتها وارتدت فستان طويل بدون اكمام لونه موف وكانت فى كامل جمالها
وعمر ارتدى قميص ابيض وبنطلون اسود وجزمه سوداء وكان فى غاية جماله

عمر عندما رأى حبيبه انبهر بجمالها وعيونها العسليتين
عمر : جاهزه
حبيبه : ايوا جاهزه
وذهبوا إلى السياره ووصلوا الى المقابر
وطلبت حبيبه من عمر ان يبقى فى السياره
عمر : هتدخلى فى المكان دا لوحدك
حبيبه : عادى مش هتأخر عشر دقايق بس
عمر : عشر دقايق متتأخريش
ذهبت حبيبه الى المقابر واخذت تبكى بشده وتشتكى عما يحدث لها
عمر وقد مر اكثر من نصف ساعه قلق عليها فدخل لها عند المقابر وقد وجدها تبكى بشده وكأنهم قد توفوا منذ فتره قصيره وعندما رأها فى هذه الحاله ذهب إليها مسرعاا
عمر : اهدى اهدى ي حبيبه
حبيبه وقد ارتمت فى أحضانه : وحشونى اوووى اووى
عمر وقد شعر بشعور غريب جدا : قدر ومكتوب ي حبيبه يلا قومى لازم نمشى من المكان دا
وقرأو لهم الفاتحه وذهبوا إلى السياره ولكن عمر لم يذهب إلى البيت
حبيبه : دا مش طريق البيت انت رايح فين
عمر : هنروح مطعم نتغدا فيه
حبيبه : بس انا مش جعانه
عمر تجاهل حديثها وذهب إلى المطعم
وجلسوا على الطاوله وطلب عمر لها وله الطعام
عمر وقد فوجئ بوجود شريف شريكه ف العمل
عمر : اهلا شريف عامل اى
شريف : تمام مين القمر⁦☺️⁩
عمر : اى !!
شريف وقد مد لحبيبه يده لتسلم عليه وسلم عليها وقبلها من يديها
أما عمر كان يراقب الموقف والغيره تخرج من عيونه يريد أن يجذب شريف من قميصه ويقتله
عمر : هتفضل ماسك ف ايديها كتير كداا🙄🙂
شريف : هااا لا انتى اسمك اى ؟
عمر : اسمها حبيبه
شريف بإبتسامه : على فكرا انا بسألها هيااا
عمر : لكن هيا بنتكسف ومبترودش على حد عن اذنك ي شريف احنا اتأخرنا اووى لازم نمشى يلا ي حبيبه وقد جذبها من معصميها عند السياره
حبيبه : ااه ااه ايدى ي عمر بيه وجعتنى
عمر بعصبيه : انتى اى اللى عملتيه داا
حبيبه بإستغراب : هوا اى اللى انا عملته
عمر : لما مسك ايدك كنتى فرحانه اووى كدا ليه ومنتش راضيه تسبيها
حبيبه : قصدك اى يعنى اولا انا كنت عماله اسحب ايدى منه هوا مكنش راضى يسبها ثانيا وانت مالك يخصك فى اى اصلا يمسك ايدى أو لا
عمر بغضب : انتى كمان بتكبرى ادخلى يلا
ودخلت بغضب
وعمر طوال الطريق " هوا اى اللى انا عملته دا انا مالى فعلا الا اكون حبيتها حبيتها اى دى لسه جايه من اسبوعين هوا هبل لا انا غبى فعلا "
عمر : انا اسف ي حبيبه مكنش قصدى
حبيبه : كل مره بتغلط غلط اكتر من اللى قبله وتيجى تعتذر
عمر : قولتلك انا اسف
تجاهلته حبيبه ووصلوا الى الفيلا ودخلت حبيبه الى غرفتها

ي تراااا اى اللى هيعمله عمر علشان حبيبه تسامحه واى الى هيحصل مع هند وعامر دا اللى هنعرفه ف البارت الجاى ان شاء الله⁦
قد يعجبك أيضا
الاسمبريد إلكترونيرسالة