U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية فتاة فى زمن قاسي الفصل 31 الواحد والثلاثون - دودو محمد

الفصل الواحد والثلاثون "31" وقبل الأخير من رواية فتاة فى زمن قاسي بقلم دودو محمد
رواية فتاة فى زمن قاسي بقلم دودو محمد
فتاة فى زمن قاسي بقلم دودو محمد

رواية فتاة فى زمن قاسي الفصل 31 الواحد والثلاثون

اشرقت شمس صباح يوم جديد بنورها الساطع فى سماء القاهره لتبدء علياء بفتح عيونها بصت جمبها لاقت سمر قاعده وعماله تعيط قامت قعدت على السرير وقالت

علياء :- يا حبيبتى اللى حصل حصل خلاص ليه دموعك دى كلها
سمر :- علشان الدنيا رافضه تدينى فرصه عارفه أن انا غلط كتير بس انا اتغيرت والله العظيم اتغيرت وكنت مقرره أن هعيش حياة نضيفه ومستقره بس الدنيا ليها كلمه تانيه ورفضت تدينى فرصه لده
علياء :- سمر انتى حبيتى مهند
سمر :- بصت ليها بدموع وقالت مهند طيب جدآ وشهم وراجل بمعنى الكلمه وانا كنت بدأت احبه ورسمت حياتى معاه
علياء :- مهند يا سمر
سمر :- ايوه ماله مهند علشان كان حشاش وايه يعنى كلنا بنغلط وبنتوب وهو اتغير وبقى شخص تانى خالص
علياء :- اتنهدت وقالت طيب قومى اغسلى وشك وتعالى نامى شويه انتى منمتيش من امبارح
سمر :- وانتى
علياء :- لاء انا هقوم علشان رايحين نسجل منار بأسم ابوها
سمر :- بحزن ماشى وقامت دخلت الحمام
مياده :- قامت قعدت وقالت علياء كنت عايزه اقولك حاجه
علياء :- قولى يا مياده
مياده :- مروان كان عايز يجى يتقدم ليا
علياء :- ابتسمت ليها وقالت بجد مبروك يا حبيبتى شوفى عايز يجى امته واحنا هنستناه
مياده :- خلاص ماشى هبلغه وارد عليكى
وفى الوقت ده صحيت منار وقالت
منار :- فين بابا
علياء :- بابا مين
منار :- بابا مراد هو قالى اول ما افتح عينى هلاقيه قصادى
علياء :- اتنهدت وقالت دلوقتى هتلاقيه جاى بيخبط علينا الباب
سمر :- دخلت قعدت على السرير وقالت انتوا صحيتوا
مياده :- ايوه علشان هروح شغلى وانتى بقى قؤقى لنفسك وارجعى شغلك يا سمر
سمر :- مليش نفس لأى حاجه يا مياده
مياده :- مش انتى كان نفسك ترجعى الشغل تانى ايه اللى حصل بقى وغيرتى رأيك
سمر:- اتنهدت بحزن وقالت اللى حصل أن مهند طلقنى يا مياده انا هنام شويه وسابتهم ونامت
مياده :- بصت عليها بحزن وقامت خرجت من الاوضه دخلت الحمام
علياء:- جهزت نفسها هى ومنار وخرجت بره لاقت عبدالرحمن صاحى قالت صباح الخير
عبدالرحمن :- صباح النور رايحه مع مراد
علياء :- ايوه
عبدالرحمن :- تحبى اجى معاكم
علياء :- لاء روح انت شغلك انا هروح معاه وهنرجع بسرعه أن شاءالله
عبدالرحمن :- مش مهم الشغل يا علياء المهم انتى
علياء :- عارفه يا حبيبى بس متقلقش عليا
عبدالرحمن :- طيب هتسندى على مين وانتى رجلك كده
علياء :- عادى ما انا بسند على دى وانا ماشيه وشاورت على العجاز اللى فى ايديها
عبدالرحمن :- ماشى لو فيه حاجه اتصلى بيا وانا هجيلك
علياء :- ماشى يا حبيبى وفى الوقت ده خرجت مياده ودخلت علياء اتوضت وخرجت أدت فرضها وفى الوقت ده الباب خبط وفتح عبدالرحمن
مراد:- صباح الخير يا عبدالرحمن
عبدالرحمن :- صباح النور
مراد :- علياء جاهزه
علياء :- خرجت من الاوضه هى ومنار وقالت جاهزين
منار :- طلعت تجرى على مراد وقالت بابا
مراد :- شالها وقال صباح الخير يا قلب بابا واحشتينى
منار :- انا فتحت عينى زى ما انت قولت ليا بس ملاقتكش
مراد :- كنت بجهز نفسى علشان احلى عروسه مستنيانى
منار :- حضنته وباسته فى خده
مراد :- طبطب على ضهرها وبص لعلياء وقال جاهزه
علياء :- ايوه ومشيت وخرجت من الباب ومراد قفل الباب
مراد :- مد أيده وقال تعالى اسندك وانتى نازله السلم
علياء :- بصت على ايده بقرف وقالت مش محتاجه حاجه منك واتفضل انزل انت قدامى
مراد :- اتنهد ونزل وهو شايل منار ونزلت وراه علياء ووقف تاكسى وفتح الباب من وراه وقال اركبى يا علياء
علياء :- ركبت وقالت هات منار
منار :- مسكت فى مراد وقالت لاء خلينى مع بابا
مراد :- خليها معايا وقفل الباب وركب جمب السواق وحط منار على رجله وطول الطريق وهو بيلعب مع منار وعلياء متابعه الفرحه اللى فى عيون منار وهى مع مراد
«««««
نزل عبدالرحمن شغله ونزلت مياده شغلها واتبقى سمر بس فى البيت قامت قعدت على السرير بحزن وقعدت تعيط وقامت وقفت وخرجت من الاوضه وفتحت الباب ونزلت رنت الجرس عند مهند فتحت ليها حكمت وقالت

حكمت :- سمر تعالى يا بنتى
سمر :- ص.ص.صباح الخير يا خالتى
حكمت :- صباح النور يا بنتى تعالى ادخلى
سمر :- ه.ه.هو مهند نايم ولا صاحى
حكمت :- نايم فيه حاجه
سمر :- كنت عايزاه فى حاجه ضرورى
حكمت :- ادخولى ليه الاوضه
سمر :- دخلت وهى بتدعك ايديها فى بعض وبصت لحكمت
حكمت :- ادخلى يا بنتى فيه ايه ده جوزك
سمر :- جوزى
حكمت :- ايوه انتى ناسيه ولا ايه
سمر :- ها ل ل.لاء مش ناسيه وسابتها وراحت فتحت الباب ودخلت بتوتر وقعدت على سرير مراد وبصت على مهند وهو نايم ودموعها نزلت منها واتنهدت بوجع ومسحت دموعها وخبطت على كتف مهند وقالت م.م.مهند يا مهند
مهند :- استغرب لما سمع صوت سمر فكر نفسه بيحلم كمل نوم تانى
سمر :- مهند يا مهند رد عليا
مهند :- فتح عينه بأستغراب وقال سمر خير فيه حاجه
سمر :- م.م.مفيش بس كنت عايزه اتكلم معاك كلمتين
مهند :- قام من على السرير وراح ولع سيجاره واخد نفس منها وقال مبقاش فيه ما بينا كلام يا سمر
سمر :- ممكن اعرف ايه اللى حصل امبارح ما بينك وبين التانى
مهند :- وعايزه تعرفى ليه
سمر :- كده عايزه اعرف
مهند :- سمعنى قذارتك وكلامك معاه حاجه كده فى منتهى الوساخه
سمر :- امته ده انا متكلمتش معاه خالص وهو اللى اتصل بيا وبعت ليا الفيديوهات اللى انت شوفتها والله العظيم ده اللى حصل مش بكذب عليك يا مهند
مهند :- للاسف مبقاش عندى ثقه فيكى ولا بقيت اصدقك يا سمر وطلاقك ده كان احسن قرار انا اخده الحياه ما بينا مستحيله علشان كل ما هشوفك قصادى هفتكر انك رخيصه وانك سلمتى جسمك لكل راجل شويه
سمر :- دموعها نزلت منها وقالت انا عارفه أن انا غلط وبدفع تمن غلطى ده بس انا فعلا اتغيرت يا مهند ونفسى اخد فرصه واحده بس اثبت ليكم أن انا فعلا اتغيرت بجد مش مجرد كلام بقوله
مهند :- للاسف مش هقدر انا راجل واللى شوفته وسمعته مستحيل يخلينى اثق فيكى بعد كده
سمر :- طيب ما انت كنت بتشرب وبتاع بنات وكله بيقول عليك صايع بس لما اتغيرت لاقيت الناس كلها سامحتك واتقبلت شخصيتك الجديده وانا أولهم يا مهند ليه انت رافض تدينى انا كمان الفرصه دى
مهند :- علشان انا راجل ومهما عملت مش هيأثر فيا بحاجه إنما انتى بنت اول حاجه خسرتيها سمعتك وبعد كده خسرتى شرفك وبعد كده بقيتى واحده جسمها رخيص ومش موضع ثقه عند حد
سمر :- قامت عنده ومسكت أيده وقالت سامحنى وادينى فرصه وانا هثبت ليك أن انا فعلا اتغيرت
مهند :- سحب أيده من ايديها وقال لاء يا سمر مبقاش ليكى فرص تانيه عندى دورى على حد غيرى يديكى الثقه دى ونصيحه منى بصى لمستقبلك وفكرى فيه وعيشى حياه نضيفه لو مره واحده بس فى حياتك واستنى يمكن ربنا يبعت ليكى واحد يتجوزك من غير ما يعرف ماضيكى الوسخ بس ياريت لما ده يحصل حافظى عليه وعلى سمعته
سمر :- بصت ليه بدموع وقالت شكرآ على النصيحه يا مهند وعايزه اقولك أن دموعى دى اكبر دليل على تغيرى انا لو كنت سمر بتاعة زمان عمرى ما كنت هتنازل عن كرامتى وانزل اتذلل ليك علشان تسامحنى وتدينى فرصه بس انا اللى بقولك اهو أنا هبعد عنك وهبقى احسن منك مليون مره وأنت اللى هتترجانى بعد كده علشان اسامحك وسعتها بقى هقولك لاء يا مهند وبصت ليه بدموع والم وطلعت تجرى من الاوضه وطلعت على شقتهم فوق ودخلت الاوضه واترمت على السرير بتاعها وقعدت تعيط
مهند :- قعد على السرير بألم وحط راسه ما بين ايديه
««««««
فى الشركه

وصل عبدالرحمن الشركه ودخلت على مكتبه ودخلت مريم حطت الملفات قصاده ومضاها وقفل الملفات ومد ايده بيها واخدتها منه

مريم :- احم ا.ا.انا فكرت فى طلبك
عبدالرحمن :-بص ليها بأنتباه وقال وقررتى ايه
مريم :- ا.ا.انا موافقه
عبدالرحمن :- بفرحه بجد وقام وقف وراح عندها وبص فى عينيها وقال وانا هخليكى اسعد واحده ومش هندمك على قرارك ده ابدآ
مريم :- ابتسمت ليه وقالت إن شاءالله
عبدالرحمن :- بلغيهم فى البيت وشوفى الوقت المناسب ليكم علشان نيجى نطلب ايديكى
مريم :- تمام هبلغهم فى البيت وهرد عليك
عبدالرحمن :- هستنى ردك على نار
مريم :- ابتسمت ليه وقالت عن اذنك وخرجت وسابته
عبدالرحمن :- بص عليها وهى ماشيه وابتسم ورجع قعد على مكتبه وبدء يشوف شغله
مريم :- خرجت من عنده وابتسمت بحب وقعدت وبدأت تشوف شغلها
«««««
فى فيلا أدم

صحى أدم من نومه ونزل تحت لاقه ملك نايمه على الكنبه والدنيا متبهدله حواليها نفخ وبص ليها بقرف وقعد على الكرسى وقال

أدم :- ملك يا ملك
ملك :- فتحت عينيها وقالت عايز ايه يا آدم سيبنى انام بقى
أدم :- بقولك انا موافق اتجوزك وهكتب ليكى اللى انتى طلبتيه من الورث
ملك :- فتحت عينيها بفرحه وقالت بجد يا حبيبى وقامت وحضنته
أدم :- بعدها عنه وقال انا لما قعد مع نفسى وفكرت كتير قولت انتى عندك حق وعملتى كل ده علشانى وعلشان مصلحتى وفى الاخر اقسى عليك واعمل فيكى كده وبعدين علياء تستاهل اللى حصل فيها علشان كانت عايزه تشاركنى فى الورث بتاعى وقال ايه كنت هستنى تسع شهور بحالهم وكانت هتجيب ليا وريث يشاركنى هو كمان فى الورث ده غير البنت اللى طلعت مش بنت اخويه اصلا وكل ده بفضلك انتى يا ملك بجد انا كنت غبى علشان عاملتك المعامله القاسيه دى
ملك :- علشان تعرف بقى مين عدوك ومن حبيبك هو ده ادم اللى انا بعشقه
أدم :- بس فيه حاجه تانيه مضايق منها
ملك :- ايه هى
أدم :- مراته التانيه اللى ظهرت لينا دى كمان فاجئه ومعاها كمان طفلين منه دول هيشاركونى هما كمان فى الورث ياريت تساعدينى اخلص منهم هما كمان ويبقى الورث ليا وليكى ولابننا بس
ملك :- بتوتر ريهام
أدم :- ايوه صح اسمها ريهام وانتى تعرفيها منين
ملك :- ها و.و.وانا هعرفها منين ا.ا.انت اللى حكيت ليا عنها قبل كده
أدم :- انا ،امته ده مش فاكر
ملك :- ق.ق.قبل كده تلاقيك انت ناسى بس
أدم :- ممكن فعلا اكون حكيت ليكى ونسيت المهم عايزين نخلص منها
ملك :- ب ب بس دى لو حصل ليها حاجه يبقى هتثبت التهمه عليك انك انت اللى بتأذى مراتات اخوك
أدم :- لاء ما احنا هنعمل حاجه تنفى التهمه من عليا زى ما حصل مع علياء
ملك :- ط ط.طيب ا.ا.اصبر شويه بس موضوع علياء يتنسي وبعد كده نبقى نفكر فى موضوع ريهام ده
أدم :- اوك مفيش مشكله يلا همشى انا علشان متأخرش على شغلى باى يا بيبى وباسها فى خدها ومشى وسابها
ملك :- قعدت على الكنبه ورجعت شعرها لوراه وقالت اعمل ايه انا دلوقتى اممممم بس لاقتها هو ده اللى لازم يحصل يا سلام عليكى يا ملوكه دماغ صاحيه مش بتنام وقعدت تضحك مع نفسها
«««««
عند علياء ومراد

سجلوا منار بأسم مراد وكان فرحان وشايل منار على كتفه طلع يجرى بيها فى الشارع وهو بيضحك وقال

مراد :- فرحانه يا حبيبت بابا
منار :- اوى اوى يا بابا
مراد :- طيب اطلبى اى حاجه انتى عايزاها وانا هجبها ليكى علطول
منار :- اى حاجه اى حاجه
مراد :- ايوه اطلبى اى حاجه
منار :- طيب انا عايزه بابى عمر واحشنى اوى
مراد :- بص لعلياء ونزل منار من على كتفه وبص لمنار وقال بصى يا حبيبتى انتى عندك بابا واحد بس اللى هو انا بابا مراد
منار :- بس انا بحب بابى عمر اوى
علياء :- غمضت عينيها بحزن واخدت منار من مراد وقالت بصى يا مونى بابى عمر عند ربنا خلاص ومش هينفع يرجع تانى علشان اللى بيروح عند ربنا بيفضل عنده علطول
منار :- يعنى انا مش هشوف بابى تانى
علياء :- لاء
منار :- عيطت وقالت بس انا بحبه وعايزاه خلاص اروح انا عنده مدام هو مش هينفع يجى
مراد :- بخوف ولهفه بعد الشر عليكى يا حبيبتى متقوليش كده تانى هزعل منك عايزه بابا يزعل منك
منار :- لاء بس انا عايزه بابى عمر
مراد :- اخدها من علياء ومسح دموعها وقال طيب أهدى علشان خاطرى وبلاش تعيطى طيب ايه رأيك نروح الملاهى
منار :- بجد هييييييه
علياء :- لاء طبعآ مش هينفع احنا لازم نروح
مراد :- ارجوكى سبينى افرح بنتى شويه
علياء :- بس انا تعبانه ورجلى وجعتنى ومش قادره امشى عليها
مراد :- هقعدك ومش هتعبك ارجوكى يا علياء
منار :- بليز يا مامى بليز
علياء :- اتنهدت وقالت ماشى
منار :- هيييييييه
مراد :- شكرآ يا علياء
منار :- بس انا جعانه وعايزه اكل
مراد :- يا نهارى انا نسيت خالص انك لسه مأكلتيش ده انا هفطرك احلى واجمل فطار فى الدنيا ووقف تاكسى واخدهم على مطعم وطلب ليهم اكل وقعدوا ياكلوا ومراد ياكل منار ويبص على علياء وهو مش مصدق نفسه أنها معاه وبتاكل معاه على نفس الترابيزه
علياء :- ممكن بلاش تفضل تبص ليا كده لو سمحت مش معنى ان قابلت أخرج معاك يبقى سامحتك انا كل ده علشان خاطر بنتى فرحانه فاهم
مراد :- كفايه كره وتعذيب فيا يا علياء تعالى ننسى اللى فات ونبدء صفحه بيضه جديده ونعيش مع بعض اسره واحده ونعوض كل اللى فات من حياتنا فى البعد
علياء :- ده بعدك يا مراد اخرك معايا بنتك وبس وقت ما تحب تشوفها تشوفها لكن غير كده متحلمش
مراد :- انا عندى امل كبير فى ربنا انه هيخليكى تسامحينى فى يوم من الايام علشان هو بس اللى عنده الحقيقه
علياء :- ونعم بالله
منار :- بابا انا بلعت
مراد :- اسف يا حبيبتى مأخدش بالى وحط ليها الاكل فى بؤقها وبص لعلياء وقال ممكن أسألك سؤال
علياء :- لاء
مراد :- شكرآ انتى ليه رجعتى تانى على السطح وسيبتى الشركه والفيلا
علياء :- انا قولتلك لاء متسألش مش ناقصه استظرافك
مراد :- وانا خلاص سألت
علياء :- وانا مش مجبوره ارد عليك
مراد :-انتى عناديه اوى يا علياء
علياء :- حاجه متخصكش
مراد :- اتنهد وهز راسه يمين وشمال وكمل اكل منار وحاسب وخرجوا هما التلاته من المطعم وراحوا على الملاهى

بقلم الكاتبة دودو محمد

فى المدرسه عند مياده

كانت قاعده فى الاوضه الخاصه بالمدرسين وتليفونها رن برقم مروان ابتسمت بحب وقامت خرجت من الاوضه وردت عليه بحب وقالت

مياده :- صباح الخير
مروان :- صباح النور يا قلبى عامله ايه
مياده :- الحمدالله كويسه
مروان :- قعد مستنيكى النهارده كتير علشان تنزلى ومنزلتيش
مياده :- لاء انا نزلت النهارده بدرى شويه مع عبدالرحمن وصلنى معاه على السكه
مروان :- اااه علشان كده وفى الوقت ده جه واحد وقال
احمد :- ميس مياده حضرتك فاضيه
مياده :- خير يا مستر أحمد فيه حاجه انا بتكلم فون بس
احمد:- اوك انا اسف لما تخلصى عايزك
مياده :- حاضر وقالت ايوه يا مروان
مروان :- بعصبيه مين ده
مياده :- ده مستر أحمد مدرس الرياضيات
مروان :- والله وعايزك ليه بقى
مياده :- معرفش ما انا معاك على الفون اهو هعرف منين هو عايز ايه
مروان :- شكلكم واخدين على بعض اوى
مياده :- ايه معنى كلامك ده يا مروان تانى هترجع تجرحنى بكلامك تانى وترجع تقولى اسف هحاول أقل الغير شويه احنا لسه متصالحين بقالنا يومين بس يا مروان
مروان :- هاتى اى راجل مكانى يسمع واحد بيقول لخطيبتى انا عايزك وشوفى هيتصرف ازاى
مياده :- مروان بجد انا بدأت اتخنق من غيرتك الزياده عن اللزوم دى ياريت يكون عندك شويه ثقه فيا اكتر من كده علشان اللى انت بتعملوه ده شك مش غيره سلام وقفلت السكه فى وشه ورجعت تانى على الاوضه الخاصه بيهم وبدأت تشوف شغلها وهى ماسكه دموعها بالعافيه علشان متنزلش
«««««
مر سبعة شهور على ابطالنا بدون احداث تذكر

فى فيلا عمر

خبطت مياده على باب اوضت علياء وفتحت الباب ودخلت وقالت

مياده :- علياء يا لولو اصحى يلا
علياء :- فتحت عينيها بتعب وقالت عايزه ايه يا مياده
مياده :- اصحى يلا ورانا حاجات كتير علشان فرح عبدالرحمن
علياء :- يا بنتى ارحمينى شويه مش كفايه اللى فى بطنى ده طول الليل مبطلش لعب ومش عارفه انام منه
مياده :- حطت ايديها على بطن علياء وقالت براحته حبيب خالتو ملكيش دعوه بيه
علياء :- اه يا اختى ما انتى مش حاسه بالتعب اللى انا فيه
مياده :- معلش يا حبيبتى ربنا يقومك بالسلامه يارب هانت خلاص
علياء :- قامت قعدت وقالت مش عارفه خايفه ليه اوى المرادى مع أن لما ولد منار مكنتش خايفه اوى كده
مياده :- انتى بس علشان خايفه على منار بنتك وتفكيرك فيها مخوفك احسن يحصلك حاجه وانتى بتولدى وتسبيها لوحدها مأثر عليكى كل الامهات كده خوفها وهى بتولد التانى اكتر من اول مره يلا قومى علشان نلحق نجهز لفرح عبدالرحمن وسابتها وخرجت وقفلت الباب وراها
علياء :- بصت لصورة عمر وابتسمت وحطت ايديها على بطنها وقالت ابنك طالع شقى اوى يا عمر ربنا يرحمك يا حبيبى انا كده متأكده انك مستحيل تكون متجوز عليا ومخبى عنى حاجه زى كده اهو يستاهلوا اللى حصل ليهم ونامت تانى على السرير وقعدت تفتكر اللى حصل من سبع شهور
«««««
فلاش بااااااك

فى المستشفى بعد الحادث دخلت علياء المستشفى هى ومنار وحالتهم كانت خطر واول ما فأقت بلغها الدكتور انها فقدت الجنين وانتشر الخبر ولكن اول ما بدأت تنهار دخل الظابط ليها وقال

الظابط :- أهدى يا مدام علياء
علياء :- انا خسرت الجنين وبنتى ما بين الحياه والموت وحضرتك جاى تقول أهدى
الظابط :- الجنين منزلش هو فى بطنك زى ما هو الحمدالله الحادثه مأثرتش على الجنين
علياء :- حطت ايديها على بطنها وقالت يعنى هو كويس طيب ليه الدكتور قالى كده
الظابط :- احنا اللى طلبنا منه كده علشان ردت فعلك تكون طبيعيه ومحدش يشك فى حاجه
علياء :- انا مش فاهمه حاجه
الظابط :- هفهمك اللى حصلك ده بفعل فاعل يعنى حد فك مفاصل الفرامل علشان عايز يموتك ومعنى اللى حصلك ده بعد موت جوزك علطول يبقى اللى عمل كده مستفيد من الورث ومفيش غير اتنين ريهام مراته الاولى وادم اخوه وعلشان نعرف مين فيهم اللى عمل كده لازم نأمنك الاول ونقول إن الوريث اللى فى بطنك مات ونشوف ردت الفعل ايه
علياء :- بس مستحيل الاتنين يعملوا حاجه زى كده اكيد فى حاجه غلط فى الموضوع
الظابط :- هنعرف كل حاجه بعد خروجك من المستشفى وفيه حاجه كمان المحامى بتاعكم واثقه فيه
علياء :- ايوه عمر الله يرحمه كان بيثق فيه جدآ
الظابط :- تمام عايزين نتفق معاه أن هو يبلغهم انك اتنازلتى بأملاكك كلها لمرات عمر
علياء :- بصت ليه بأستغراب
الظابط :- متقلقيش احنا هنضحك عليهم مش هتتنازلى بجد
علياء :- طيب هنعمل كده ليه
الظابط :- علشان لو اللى عمل كده أدم زى ما حاول يتخلص منك هيحاول يتخلص منها هى كمان ونمسكه وهو متلبس ولو مش هو واللى عملت كده ريهام برضه هتحاول تتخلص من أدم وتاخد باقى الورث ليها اللى عمل معاكى كده عصابه ولازم تتمسك قبل ما تأذى حد تانى
علياء :- انا موافقه بس اوعدنى أن حضرتك هتحمى بنتى واللى فى بطنى منهم
الظابط :- اكيد طبعآ بوعدك بس اهم حاجه تلتزمى بالتعليمات ومحدش يعرف انك لسه حامل خالص حتى اخواتك، متحاوليش تتكلمى فى الموضوع ده ما بينك وبين نفسك حتى علشان لو حد عرف يبقى كده بتعرضى نفسك للخطر
علياء :-تمام حضرتك هشوف شقه واقعد فيها انا واخواتي
الظابط :- ياريت تبعدى عن اى حاجه من ورث جوزك علشان تثبتى ليهم انك مش عايزه ولا مليم منهم وحاولى تقنعى أدم بالكلام ده انك مش عايزه حاجه نهائى من ورثك من جوزك طمعيه على قد ما تقدرى
علياء :- حاضر انا كده فهمت حضرتك انا هرجع اعيش تانى فى الشقه القديمه فوق السطح
الظابط :- تمام كده وانا هبقى معاكى على تواصل دايمآ
علياء :- شكرآ لحضرتك
الظابط :- العفو بس حاولى تمثلى انك فقدى البيبى بجد علشان محدش يشك فيكى وقام وقف وقال حمدالله على سلامتك يا مدام علياء
علياء :- الله يسلم حضرتك وخرج الظابط من عند علياء وبدأت تنفذ الخطه زى ما قال ليها الظابط تمام واقنعت الكل انها فقدت الجنين وان هى مش عايزه ترجع تانى الفيلا ورجعت على شقة السطح ومر عدة أيام واستقرت علياء واخواتها على السطح ورجعت سمر شغلها بعد طلاق مهند ليها واستمرت مياده فى شغلها وخطب عبدالرحمن مريم والأمور استقرت إلى حد ما ما بين مراد وعلياء ومنار عايشه ما بين مراد شويه وعلياء شويه
وفى يوم راح أدم عند علياء وخبط الباب وفتحت ليه علياء وقالت
علياء :- أدم خير
أدم :- انا عايزك فى حاجه ضرورى ممكن ادخل
علياء :- اسفه محدش فى البيت اتفضل على الكنبه اللى على السطح دى
أدم :- انا اسف لو جيت من غير ميعاد بس فيه موضوع خطير
علياء :- اتكلم يا آدم خير
أدم :- فيه لعبه كبيره اوى بتتلعب عليا وعليكى
علياء :- لعبه
أدم :- ايوه ريهام طلعت طليقة عمر من زمان ومكانش معاهم اولاد يعنى هى كده نصابه وعملت كل ده علشان الورث
علياء :- وانت عرفت كل ده منين
أدم :- انا دورت وراها وعرفت أن عمر طلقها بعد سنه واحده من الجواز ومكانش معاهم اطفال والكلام ده من خمس سنين
علياء :- بس السواق قالى أن عمر رجعها وانا شوفت الصور دى بعينى وهو متصور مع مراته وعياله
أدم :- السواق كانوا دافعين ليه فلوس علشان يقولك الكلام ده علشان تصدقى علطول والصور فوتوشوب يا علياء ده حتى الوصيه اللى كان عمر الله يرحمه سايبها ليا غيروها صدقينى والله العظيم مش بكذب عليكى
علياء :- طيب وانت هتستفاد ايه لما تكشفها
أدم :- انا هقولك كل حاجه يا علياء انا فيه واحده اسمها ملك هى كانت صديقتى من ثانوى وكبرنا وعلاقتنا تطورت وسافرت معايا تكمل تعليمها بره وسافرت معايا دبى وللاسف حصل ما بينا علاقه محرمه وهى دلوقتى حامل منى
علياء :- وده ايه علاقته بموضوعنا
أدم :- اتنهد وقال علشان دى الشيطان نفسه وكل حاجه بتحصل هى اللى بتمشيها بأيديها وهى اللى دبرت الحادثه بتاعتك علشان تموت الجنين وتموتك انتى كمان والورث يبقى ليا وليها كله منكرش ان انا كنت موافق فى الاول بس بعد كده رفض الفكره وكانت كل ما تسألني اتهرب من الكلام معاها لحد ما فاجئتنى انها نفذت فعلا وحاولت انقذك بس كنتى انتى راكبتى العربيه وحصل اللى حصل وبدأت ريهام تعمل حاجات غريبه بدأت أشك فى الأمر ودورت وراها وعرفت أن ريهام تبقى بنت خالة ملك وان ملك هى اللى عرفت ريهام كل حاجه عن اخويا عمر علشان توقعه ويحبها ويتجوزها وينصبوا عليه وفعلا ده اللى حصل عمر اتعرف عليها عن طريق ناس هما مأجرنهم علشان يعاكسوا ريهام ومع الوقت اتعرف عليها واتجوزها وبعد كده اكتشف طمعها وطلقها وكل ده وانا معرفش اى حاجه ولما عمر مات ملك بلغت ريهام أن عمر مات ورسموه الخطه ودفعوا فلوس لسواق وساعدهم وريهام كانت بتنقل كل حاجه لملك واللى عمل فرامل العربيه ريهام
علياء :- دول عصابه بقى
أدم :- فعلا عصابه وللاسف قتلوا السواق وحاليآ ريهام بتجهز نفسها علشان تهرب من البلد بالفلوس بعد ما ملك بلغتها أن انا عايز اخلص منها
علياء :- وانت كنت عايز تخلص منها فعلا
أدم :- لاء طبعآ انا مليش فى الدم يا علياء انا قولت كده خطه علشان اكتشف الحقيقه مش اكتر
علياء :- تقدر تقول الكلام ده لظابط
أدم :- ايوه بس ابنى اللى فى بطنها ده ايه مسيره
علياء :- اكيد لما تولد هتاخده منها
أدم :- اتنهد بوجع وحزن وقال دى اخرة الحرام هيكون ليا ابن زنا وأمه فى الحبس انا مستعد يا علياء
علياء :- ماشى يلا بينا وراحوا قسم الشرطه وقال أدم كل الكلام ده وقبل ما تسافر ريهام اتقبض عليها هى وملك واتحقق معاهم واعترفوا بكل حاجه عملوها ومنتظرين الحكم
««««
بااااااك

فاقت علياء من سرحانها على صوت منار وهى بتقولها

منار :- مامى يا مامى
علياء :- ها ايوه يا حبيبتى
منار :- هو بابا مجاش ليه
علياء :- شالتها وقعدتها على رجلها وقالت زمانه جاى يا حبيبتى
منار :- حطت ايديها على بطن علياء وقالت هو النونو نايم جوه يا مامى
علياء :- ابتسمت ليها ومسكت ايد منار وحطتها على بطنها وقالت نايم جوه اهو يا حبيبتى
منار :- بصدمه بطنك بتتحرك يا مامى
علياء :- ابتسمت وقالت اخوكى فرحان بيكى وفى الوقت ده جات مياده وقالت
مياده :- مونى بابا جه تحت يلا انزلى ليه
منار :- بفرحه هييييييه بابا جه بابا جه ونزلت تجرى وخرجت مياده وراها
علياء :- قامت وقفت وراحت عند الشباك ووقفت تبص منه على مراد ومنار
مراد :- فتح دراعه وقال حبيبت بابا واحشتينى اوى اوى يا مونى وشالها وحضنها وباسها وقال عامله ايه يا حبيبتى
منار :- باسته وقالت الحمدالله يا بابا انا لسه كنت بسأل مامى عليك
مراد :- معلش يا حبيبتى اتأخرت عليكى شويه كنت بجيب ليكى دى
منار :- اخدتها منه وفتحتها بفرحه وقالت اللللللله يا بابا حلوه اوى
مراد :- عجبتك يا حبيبتى
منار :- اوى اوى يا بابا ورفعت التيشيرت بتاعها وحطت العروسه تحت التيشيرت
مراد :- بأستغراب بتعملى ايه يا مونى
منار :- بحط النونو فى بطنى يا بابا زى مامى
مراد :- ضحك وحضنها وقال عسل يا مونى وشالها ودخل بيها الفيلا

قد يعجبك أيضا
الاسمبريد إلكترونيرسالة