Ads by Google X

رواية نبض البارت الخامس 5 للكاتبة أمنية يونس

الصفحة الرئيسية
رواية نبض للكاتبة أمنية يونس الفصل "5" الخامس كامل عبر مدونة دليل الروايات (pdf)
رواية نبض للكاتبة أمنية يونس
رواية نبض للكاتبة أمنية يونس

رواية نبض البارت الخامس 5 للكاتبة أمنية يونس

تجلس بجانب والدتها تحاول إقناعها بتنفيذ طلب والدها
نبض:يا ماما لو سمحتى دى تعتبر وصية و تنفيذ الوصية واجب
هناء:و ربنا بيقول و لا تلقوا بأيديكم إلي التهلكة و أنتى بتنفيذ الوصية بتودى نفسك للموت بأيديكى يا بنتى استهدى بالله أنا مش حمل مناهدة
نبض: طب و بابا دمه كدا هيروح هدر و اللى قتله مش هيتعاقب
و قد داست على جرح والداتها
هناء ببكاء: مش عارفة يا نبض بس أنا خايفة عليكى يا بنتى
نبض و قد عاد إليها اﻷمل في موافقة والدتها
نبض : ماما عارفة لين صحبتى
هناء: أيوه طبعا عرفاها بس ايه اللى جاب سيرتها دلوقتى
نبض : مانا هقول لحضرتك
بصى يا ماما أنا حكتلها على موضوع الفيديو دا و أخوها مروان ظابط و هى حكتله و يوم لما خرجنا أنا و هى قابلنا في الكافية و وعدنى هيساعدنى
هناء : و خبيت عنى كل دا يا نبض مش احنا دايما متفقين إن احنا صحاب قبل ما أكون أمك
نبض: أيوه طبعا يا ماما معلش متزعليش منى عشان خاطرى و أوعدك بعد كدا مش هخبى عنك أى حاجه
هناء:ماشى يا بكاشة طاب اتصلِ بقا بلين و أخوها أما نشوف ايه الحكاية
نبض :حاضر يا أحلى ماما
و قامت لتحاول الاتصال بلين
لين: ألو أيوه يا نبض خير في حاجة أنتى كويسة طنط كويسة
نبض بضحك : براحه على نفسك بس خدى نفسك اﻷول بس ايه بالعة راديو
لين بسخرية : هههههه عسل يا بت
نبض: قولى اﻷول هو مروان عندك
لين بابتسامه : اه مروان
نبض بصرامه :لين أنا بتكلم جد أنا حكيت لماما كل حاجة و هى عايزه تشوفك أنتى و مروان
لين بضحك : تمام يا فندم نص ساعة و نكون عندكوا المهم في عشا
ضحكت نبض رغما عنها : أيوه يا ستى في عشا بس انجزى
و أغلق كل منهما الهاتف
ذهبت لين لغرفة أخيها مروان و دقت الباب
مروان من الداخل :تعالي يا لين
لين بابتسامه بعد أن دخلت :عرفت منين إنى لين
مروان بضحك فاتحا لها ذراعيه فجرت عليها:يا بت أنتى بتى مش أختى عارف خبطتك و بعدين أنتى ناسية إنى ظابط و لا ايه المفروض تحترمينى
لين مؤدية التحية العسكرية : تحت امرك يا حضرت الظابط
دخلت والدتهم مها وجدت مروان محتضنا أخته و يضحكان
مها :يا ترى ايه سر الجامعة الحلوه دى
مروان : فاتحا ذراعه اﻵخر تعالي يا ماما
ذهبت إليهم محتضنه اياهم
مها : ها بقا قولولى بتعملوا ايه
قبل أن يرد مروان
أسرعت لين : هننزل نتمشى شوية
مروان :--
نظرت له: مش كدا يا مروان و لا ايه
فهم مروان نظرتها : أيوه يا ماما
google-playkhamsatmostaqltradent