Ads by Google X

رواية كلمة منك حركت شي بداخلي كاملة للكاتبة فوج الحمري

الصفحة الرئيسية
رواية كلمة منك حركت شي بداخلي من أروع الروايات الخليجية للكاتبة فـوج الحمـري كاملة عبر مدونة دليل الروايات (deliil.com)
كلمة منك حركت شي بداخلي

شخصيات رواية كلمة منك حركت شي بداخلي

البطل راكان ؛ عصبي لكن حنون في نفس الوقت ، وهو مبتعث لجامعة امريكا ويدرس اخر سنه وتخصصه علم نفس ، عمره 24 '
البطلة ميرال ؛ حساسه جدا ، طيوبه ، تخرجت من الثانوي قبل أسبوع بمعدل 97% ، وصديقتها المقربة كادي وهم ربع من 11 سنه
عمرها 19 '
البطله كادي : صديقة ميرال من 11 سنه ، تحب تستهبل وماتتخيل حياتها بدون ميرال ، تحب تلعب كره وطيبة وايد وعلى نياتها
معدلها 95% '
باقي الشخصيات بتعرفونهم ف الرواية

البارت الأول 1

ساعه 10:00 ص يوم الاحد
في أحد البيوت الفخمة
قامت من النوم ع صوت منبه تلفونها ، شافت الساعة عشر وما اهتمت للوقت ورجعت تنام
طق طق طق
مافي أي رد
دخلت الخدامه غرفتها وياتها قشعريره من برودة الغرفة راحت فتحت الستارة وبندت المكيف
الخدامة راحت عندها : يلا قومي قومي ساعة أشر الهين
ميرال بأنزعاج منها : اوووهه زين زين بقوم بس روحي
الخدامة راحت
قامت وراحت الحمام ( يكرم القارئ ) خذت لها شور وطلعت ولبست تيشيرت لون كحلي وجينز قصير لتحت الركبة لون اسود وجففت شعرها وسوته ذيل حصان ونزلت بعض خصلات من شعرها ع ويها
خذت تلفونها ونزلت تحت '
كانو قاعدين ويتفطرون
نزلت من ع الدرج وراحت قعدت معاهم
ميرال : صباح الخير
الكل : صباح النور
ميرال بدت تأكل
أبوها : سمعو مادام أن احنه في اجازه قررت نروح الشاليه ها شرايكم ؟!!
هبه ( أخت ميرال ) : صج يبه صج بنروح الشاليه
أبوها : أي صج ها شقلتو ؟!
أمها : أي أوك عقب ما نتغدى بنروح
ابوها : بس عيل جهزوا أعراضكم وعقب العصر نروح
ضاري ( أخو ميرال ) : ونا محد خذ رايي
هبه ضحكت بقوة وقالت : اصلا انت من متى صار لك رأي في هالبيت
أبوها بشبه حده : هبه وبعدين معاج
هبه كتمت ضحكتها وسكتت
ضاري قام من عندهم وراح فوق متوجه لغرفته
ميرال : شفيه ذي زعل علينا
هبه بهمس : اقول ماعليج منه خليه يولي
رن تلفون ميرال وشافت رقم غريب
هبه بفضول : من الي اتصل
ماعطتها ويه وقامت : عن اذنكم
وراحت فوق غرفتها بسرعة وقفلت الباب وردت
ميرال بصوتها الناعم : الوو .... : سلام عليكم اختي ميرال
ميرال بستغراب : وعليكم السلام من معاي ؟! .... : انا مديرة المدرسة مالتج عرفتيني؟!
ميرال : أي أي عرفتج هلا هلا خير بغيتي شي ؟!
المديرة : أي بس عندي لج بشارة وايد حلوه حقج انتي ورفيجتج كادي
ميرال : وشنو اهيا ؟!
المديرة : *** ميرال انصدمت وفي نفس الوقت فرحت وقالت بصراخ : يااااااايي يعني صج **

البارت الثاني 2

ميرال : وشنو اهيا ؟!
المديرة : أمس وصلتني رسالة من وزارة التربية والتعليم أنج مبعوثه انتي وكادي لجامعة أميركا وعلى حساب الدولة وحددو لكم السكن وكل شي بس يبون موافقتج انت وكادي
ميرال انصدمت وفي نفس الوقت فرحت وقالت بصراخ : يااااااايي يعني صج إحنا مبعوثين براا
المديرة : أي حبيبتي صج ها شقلتي موافقة
ميرال من الفرحه حضنت التلفون وقالت بصراخ : أي أكييد موافقههه
المديرة ابتسمت : أو اتصلي على كادي وخبريها أوك وردي علي آبي موافقتها
ميرال ضحكت : اصلا كادي موافقه خلاص خبريهم أن إحنا موافقين وغصبن عنها بعد بتوافق
المديرة : خلاص تم برد لهم خبر موافقتكم وبعدين بخبرج بكل شي متى بتسافرين ومن هالاشياء أوك حبيبتي وأي صح مبروك ع البعثة
ميرال : الله يبارك فيج
المديرة : يلا مع السلامه
ميرال : باي
ميرال حطت التلفون ع الطاولة ونزلت تحت وهي تصارخ
ميرال وهي تركض وبصراخ : باركولي باركوووولي
أمها وابوها : بسم الله على شنو مبروك
ميرال وهي تناقز ع الكنب : يمهههه يبههه بنتكم انبعثت للخارج ياااايي
هبه وهي تشرب الشاي غصت : كحكحكح من الي ابتعث انتيي ؟؟!
ميرال تخصرت وبدلع : أي انا ليش طايحه من عينج
هبه ضحكت : لا بالعكس مبروووك عقبالي انا
أم ميرال وابوها حضنوها وباركو لها
أعرفكم على هبه أخت ميرال ( دلوعة وتحب تضحك الي حولها وطيبة حييل وتحب اختها ميرال ، مزاجية بمعنى الكلمة عمرها 16 اول ثانوي )
ميرال راحت من عندهم متوجهه لغرفة ضاري
طقت الباب ثلاث مرات
ضاري : منووو
ميرال فتحت الباب ودخلت راسها منه : عادي آدش
ضاري ضحك : أي حياج دشي
ميرال دخلت الغرفة وقفلت الباب وراها وراحت قعدت ع السرير
ضاري وهو يطقطق بالتلفون : شتبين يايه
ميرال سحبت التلفون وقالت : اول شي بارك لي
ضاري : على شنو
ميرال : بادرس في جامعة امريكا
ضاري ضحك بقوة
ميرال استغربت : ليش تضحك
ضاري : أبوي وافق أنج تدرسين برع
ميرال ضحكت : اشفيك يلغبي ترا أقصد أن انا ابتعثت لجامعة أميركا
ضاري انصدم : حلفي
ميرال : هههههه والله صج
ضاري حضنها بقوة : الف الف مبروك
ميرال : الله يبارك فيك يلا بروح أخبر كادي
ضاري : أوك
اعرفكم عليه ( أخوها الأكبر طيب وحنون ويحب خواته ، عمره 22 )
طلعت من غرفته وراحت غرفتها وقعدت ع السرير واتصلت على كادي
'
عند كادي
كانت تقرأ روايتها المفضلة وسمعت صوت تلفونها يرن
ابتسمت : هلا والله
ميرال : اهلين شخبارج
كادي : تمام
ميرال : سمعي عندي لج خوش خبر
كادي : اذا طلع خبر خايس مثل ويهج بلعن خيرج
ميرال قالت لها كل شي
كادي ضحكت : هههههه تستهبلين
ميرال : والله العظيم م استهبل

البارت الثالث 3

ميرال قالت لها كل شي
كادي ضحكت : هههههه تستهبلين
ميرال : والله العظيم م استهبل
كادي بدت تستوعب الي تقوله كادي وصرخت بصوتها كله من الفرحة وحظنت المخده
ميرال ضحكت : بس خلاص سكتيي
كادي قفلت الخط في ويها ونزلت تحت عند أمها
كادي بفرحه : يمههه باركيلي
أمها : مبروك بس على شنو
كادي قالت لها كل شي
أمها ضمتها : الف الف مبروك
كادي : الله يبارك فيج ، يمه وين ياسين < اخوها
أمها : طلع قبل شوي
كادي : أي أوك
راحت غرفتها
بعرفكم على ياسين ( الأب متوفي من يوم كانت كادي صغيرة وياسين أكبر منها عمره 22 وعندها أخو لكن أمها حطته عند باب المسجد لما كان صغير لانها ماتقدر تربي 3 ف نفس الوقت وبروحها وطبعا كادي وياسين مايعرفون بالي سوته أمهم ، ياسين صديق ضاري أخو ميرال )
'
بعد مرور أسبوع 💫
وقت سفر كادي وميرال ل امريكا
كل وحده ودعت اهلها وتقابلو ف المطار
كادي كانت تدور ميرال وحصتلها قاعدة ، راحت عندها وقعدت يمها
كادي : هااي
ميرال : هايات
كادي : تصدقين عاد أحس بوناسه كبيره
ميرال : أي حتى انا مثلج
سمعو بمكبرات الصوت الي داخل المطار ( مادري شسمهم ) أن رحلتهم بتبتدي بعد دقايق
ميرال : يلا قومي فبل لاتروح عنا الطيارة
كادي : أوك
قامو مع بعض وكل وحده مسكت يد الثانيه ودخلو الطيارة ( طبعا سلمو التذاكر للموظف الي كان واقف عند باب الطيارة )
ركضو لداخل الطيارة بسرعه وكل وحده تبي تقعد عند الدريشه ( النافذة ) ميرال سبقتها وقعدت وضحكت
كادي تنرفزت : اوهه مايصير قومي انا بقعد اهني
ميرال : هههههه تخسين انا قعدت قبلج
كادي : هذي أولها عيل الله يعين تاليها
ميرال : سكتي
كادي قعدت وهي متنرفزه منها
اعلنت الموظفه أن الطيارة من البحرين ل أمريكا 20 ساعة
ميرال : بل بل 20 ساعة
كادي : انا بارقد ماعلي منج
كادي تكتفت ورجعت راسها ورا وغمضت عيونها ونامت
ميرال سوت مثلها
'
بجهة ثانية على أرض أمريكا
في أحد الفنادق
كان قاعد على مكتبه ويشرب قهوة ويقرأ كتاب
طق طق طق
راكان : تفضل
دخل وقعد ع الكرسي الي قدام مكتبه
راكان : شفيك
فيصل : ياخي قوم خل نطلع برع نشم لنا شوية هواء
راكان : تبي تطلع انت اطلع انا مالي بارض اطلع
فيصل تم يحن عليه لما وافق
صك الكتاب وقام طلع معاه
ويدورون بشوارع امريكا
طبعا الجو عندهم برد
دخلو مطعم وطلبو لهم أكل وقعدو ع الكراسي ينتضرونه
راكان تنهد : ودي اعرف امي الحقيقة < هو متربي في دار الايتام
فيصل : .... يتبع

البارت الرابع 4

راكان تنهد : ودي اعرف امي الحقيقية < هو متربي ف دار الأيتام
فيصل : بتعرفها أن شاءالله بس لاتستعيل
وصل طلبهم وبدو ياكلون
'
عند ميرال و كادي 
بعد وقت طويل وأخيرا الطيارة نزلت على مطار أمريكا
يات الموظفة عندهم وقعدتهم من النوم
الموظفة : لو سمحتي انتي وياها
كادي فتحت عيونها بتعب وميرال في سابع نومه
الموظفة : ترا وصلنا امريكا يلا قومو
كادي : انزين
الموظفة راحت من عندهم
كادي تمغطت وقومت ميرال
كادي : هوو ميرال قومي يلا ترا وصلنا
ميرال فتحت عيونها وقامت معاها ونزلو من الطيارة
ودخلو المطار
كادي : تعالي أكا مناك تكسي خليه يودينا الفندق
ميرال : اوكي امشي
راحو عنده وكانو يكلمونه انقليزي
ميرال : مرحبا
راعي التكسي : مرحبا
ميرال : هل يمكنك أن توصلنا إلى فندق ****
راعي التكسي : بالطبع هيا اركبو
ميرال ابتسمت
حطو شنطهم ورا وركبو
'
'
عند راكان وفيصل 
بعد ماخلصو من الأكل دفعو وطلعو من المطعم
وتوجهو للفندق
فيصل : راكان باجر بتروح الجامعة
راكان : أي أكيد
فيصل : انا بأجر ماعندي محاضرات وايد ف بغيب
راكان : والله كيفك
'
ميرال وكادي 
بعد دقايق طويله وقف التكسي عند الفندق ونزلو وخذو شناطهم ودخلو الفندق
وراحو للغرفة
كان الفندق كبير وفيه 30 طابق وكل طابق فيه 5 غرف أو شقق
وهم غرفتهم قدام غرفة فيصل وراكان
فتحو الغرفة بالبطاقة ودخلو
ميرال حطت شنطتها وراحت ع طول الحمام ( يكرم القارئ ) وخذت لها شور
أما كادي فصخت الجاكيت وخلت شعرها مفتوح وفتحت شنطتها وطلعت بجامه وردية
بعد ربع ساعة طلعت ميرال من الحمام وكانت لافه الفوطه على صدرها وشعرها مبلل
كادي قامت ودخلت الحمام وخذت شور
'
راكان وفيصل
دخلو الفندق وراحو الغرفة
راكان : شرايك نلعب فيفا من زمان عنها
فيصل وهو يتمغط : لا انا بروح ارقد تصبح ع خير
راكان انصدم : وين تو الناس ع النوم ساعه 9 الحين
فيصل ماعطاه ويه وراح ينام
راكان بدأ يلعب فيفا
'
ميرال وكادي
كادي طلعت من الحمام وهي لابسه البجامه ولافه الفوطه على شعرها
ميرال : ..... يتبع

البارت الخامس 5

كادي طلعت من الحمام وهي لابسه البجامة ولافه الفوطه ع شعرها
ميرال : اقول كدكد
كادي بصدمة : خربتي اسمي حسبي الله عليج
ميرال ضحكت : وي شفيج عصبتي ترا عادي ناديني مرمر
كادي : مرمر ولا مرمى
ميرال : مرمى فعينج
كادي تفرك عينها : ماجوف مرمى ف عيني انا
ميرال : صج انج غبيه
كادي : تعلمت الغباء منج
ميرال عطتها نظره
كادي : انتبهي عيونج لا تطيح
ميرال : لا تخافين لاصقتهم بقلو (صمغ) تبين منه
كادي : اصلا كنت شاكه انج لاصقتهم بقلو عشان جي ماتطالعين عدل
ميرال : عبالج نفسج ماطالع عدل
كادي : اقول سكتي وقومي طلبي لنا أكل انا حدي يوعانه
ميرال : ليكون انا خدامه عندج ونا مادري
كادي : لا محشومه مب خدامه بس يوعانه صج
ميرال : هه يوعانه طلبي حق روحج
قامت من مكانها وراحت عند التلفون واتصلت في المطعم الي ف الفندق وبدت تطلب لها
كادي أشرت لها من بعيد بمعنى طلبيلي معاج
ميرال سلكت لها
'
عند راكان وفيصل
راكان تملل وقفل اللعبة وبدأ يطقطق ف تلفونه
وفيصل في سابع نومه
راكان حط تلفونه وقعد يطالع فيصل
راكان ف نفسه : والله مايصير هو ينام وانا قاعد جذي
قام من مكانه وراح المطبخ وخذ له كوب ماي باارد وراح للغرفة الي نايم فيها فيصل
راكان : فيصل قوم قوم
فيصل بنزعاج : اقول اذلف عن ويهي خلني اناام
راكان بهمس : انا اراويك ، خذ كوب الماي البارد وكته (صب) كامل على رأسه
راكان شرد من عنده وقفل الباب وطلع من الشقة بكبرها ونزل تحت
فيصل فز من نومه وهو مصدوم
فيصل بعصبية : أيا الحقير انا ارويك لكن مو الحين ،
قام من ع السرير وبدل ملابسه ورجع نام وهو يسب ويلعن في راكان
'
ميرال و كادي
بعد ربع ساعة وصل الطلب
راحت ميرال تفتح الباب وخذت الأكل ودخلت داخل وحطت الاكل ع الطاولة وبدت تأكل
كادي طلعت من الغرفة وشافتها تأكل وانصدمت
كادي : وين أكلي ؟؟!
ميرال : اصلا ماطلبت لج
كادي طالعتها بصدمة : لييش
ميرال : كيفي
كادي تنرفزت : اوك ماعليه هين
ميرال ضحكت : تهددين
كادي : جب وزحري يعله زقوم مايحدر أن شاءالله
ميرال : بل بل بل بل يعلج الكسر ليش اتدعين علي بايقه حلالج
كادي متنرفزه منها : جب مب وقتج بروح أخذ لي أكل بجوفين شباسوي
ميرال ببرود وهي تاكل : سوي الي تبينه حبي
كادي بهمس : زقوم أن شاءالله
طلعت من الشقة وراحت تحت تطلب لها وقعدت تنتظر الطلب
'
عند راكان
كان برا الفندق ولما دخل شاف كادي قاعده
راكان فكر بشي وراح قعد عند نفس الطاولة الي قاعده قدامها وهو ساكت < طبعا ماكان يعرف أنها تتكلم عربي مثله
كادي شافته وعصبت زيادة وقالت بصراخ : خير شعندك قاعد أهني خلصو الأماكن
google-playkhamsatmostaqltradent