U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية عشقتها ولكن الفصل 21 و22 الواحد والثاني والعشرون - دينا دخيل

الفصل الواحد والعشرون 21 والثاني والعشرون 22 من رواية عشقتها ولكن بقلم الكاتبة دينا دخيل
رواية عشقتها ولكن كاملة

رواية عشقتها ولكن البارت الواحد والعشرون 21 للكاتبة دينا دخيل

تاني يوم
ريان أخد أخته وراح اخد اسراء خطيبته وامل وعبدالرحمن كان معاهم عشان يجيبوا الشبكه

وكانت اسراء لابسه دريس زيتي غامق وخمار ونقاب زيتي درجه افتح وكانت زي القمرر وريان عرف فعلا أنه كان صح لما خلاه خطوبه وكتب كتاب وإلا مكنش عارف ممكن يعمل ايه من جمالها

وريان كان لابس كاجول بنطلون جينز وتيشيرت أبيض وجاكت ازرق

وأمل كانت لابسه جيبه شيفون سودا وجاكت جينز وخمار كشمير

وسما كانت لابسه بنطلون اسود وبلوزة نبيتي طويله و توك من نفس لون البلوزة في شعرها ونضارتها

عبدالرحمن كان لابس بنطلون بيج وتيشيرت أبيض

ووصلوا مكان الجواهرجي

ريان: ها يا اسراء تحبي تجيبي ايه

اسراء: انا مش عايزه حاجه كتيرة
ممكن دبله وخاتم بس

ريان: بس ايه
لا هاتي ايه حاجه عايزاها كمان

اسراء: بجد ماليش في الاكسسوارات وكدا

ريان : خلاص متجيبش تشكيله سوليتير
هات دبل وخواتم ألماس

اسراء: ألمااااااااس
لا يا ريان انا مش عايزه حاجه غاليه

ريان: اولا مفيش حاجه غاليه عليكي
وثانيا بقا انتي عايزه خاتم ودبله بس يبقي ألماس

اسراء: يا ريان بسس...

ريان: مفيش بس
مرات ريان الاسيوطي تلبس احلي واغلي حاجه

اسراء كان نفسها لو قامت وحضنته دلوقتي من جماله وفرحتها

ربنا يخليك ليا

ريان: ويباركلي فيكي

واسراء اختارت دبله رقيقه وخاتم جمال اووي وساعدها سما وأمل وريان و....

ريان : هاتلي تشكيله سلاسل لو سمحت
واختار ريان سلسلة علي شكل فراشه رقيقه اووي

ريان: ودي بقا ليكي يا سماا

سما بشهقه : بجددد ليااا

ريان: اه طبعا
معنديش اغلي منك انتي واسراء
يالا تعالي البسهالك

ووقفها ريان قدام مراية كبيرة ولابسها السلسلة وباس دماغها

سما : ربنا يخليك ليا وميحرمنيش منك ابدا يا أحلي ريان في العالم

وكله بارك لإسراء وريان
وبعدين راحوا محل فضه وسما واسراء ساعدوه ينقي دبله
و....

عبدالرحمن كان بيتكلم في الفون وخلص وكان داخل المحل تاني
وسما كانت خارجه برا واتكعبلت وكانت هتقع بس عبدالرحمن شافها ولحقها وسندها

عبدالرحمن: انتي كويسه

سما وهي بتبعد عنه
اه اه
وبعدين انت بتمسكني كدا ليه

عبدالرحمن: اللهم طولك يا روح
يبنتي كنتي هتقعي وانا ساعدتك

سما : وانا كنت قولتلك ساعدني

عبدالرحمن: عندك حق
بعد كدا هبقي اسيبك تقعي ورجليكي تتكسر

سما : علي فكره انت قليل الادب

عبدالرحمن ببردو: بعض ما عندكم
وسابها ودخل المحل

وهي اتغاظت أنه سابها ومشي وقالت
قليل ذوق

وبعدها خرجوا كلك وريان روحهم البيت وقال لإسراء إنها تنزل الشغل بكره عشان حاجات مهمه محتاجها معاه وهي وافقت طبعا

وروحت وريت الدبله والخاتم لأهلها اللي انبهروا بيهم
وفرحوا من طريقه ريان
وحمدوا ربهم أنه رزقهم بمالك وريان عرسان لبناتهم يقدروهم ويحبوهم

في اوضه اسراء وأمل وهما نايمين علي السرير

اسراء: امتاااا بقاا يجي يوم الجمعه الجاي وريان يلبسني دبلته
يااااه

امل: كانت في واحده بتقول عليا بعمل محن وكدا

اسراء: هههههههههههه لا مش انا خالص

امل: هيييييييح
فرحانه اوووووووي.... فاكره أيام الكليه أما كنا بنقول نفسنا نتجوز اتنين صحاب

اسراء: اه يااااه
وكان نفسنا فرحنا يبقي في يوم واحد

أمل: اااه يااااريت
انا من رأيي نقول كدا لريان ومالك ونخلي فرحنا في يوم واحد

اسراء: ياااريت بجد
واكيد هما مش هيعترضوا أصلا

أمل: اه
يالهوي دا احنا هنولعها مع بعض أقسم بالله

اسراء: هههههههههههه اه جدا

أمل: فرحانه

اسراء: وانا اووي
مكنتش أتوقع أن ربنا يرزقني بحد زي ريان

أمل: وانا عمري ما كنت هلاقي حد بيحبني زي مالك

حنان : وايه كمان يختي انتي وهي

اسراء/ امل : عاااااا انتي دخلتي امتا يا حاجه

حنان : من زمان يختي
يالا ناموا في شغل بكرا ولا ناسين

اسراء/. امل ...حاضر

ونامت امل واسراء
بس اسراء جالها مسدج ع فونها من ريان
". علي فكره كنتي قمر النهارده..... تصبحي ع خير يا أميرتي "

اسراء حضنت الفون وفي سرها
بحبك بحبك بحباااااااااااك

ونامت وهي فرحانه

تاني يوم
نزلت اسراء وامل الشغل
وكل واحده راحت علي مكتبها و...

امل بتفتح شنطتها ملقتش الموبايل بتاعها

امل: اووووف شكلي نسيت الموبايل في البيت
طب وبعدين أنا محتاجاه
ااه انا ارن علي عبدالرحمن يجبهولي ويعدي عليا وهو رايح شغله

وراحت أمل لمالك

أمل: صباح الخير

مالك: صباح الورد.... انتي هنا من زمان

امل: لا لسه جايه
معلش يا مالك عايزه موبايلك بس أكلم عبدالرحمن يجبلي الفون بتاعي اصلي نسيته

مالك : يستي الموبايل وصاحب الموبايل تحت امرك
خدي

أمل: احم .... شكرا
وكلمت عبدالرحمن يجبلها الفون بتاعها وهو وافق

أمل: شكرا يا مالك هو هيجبهولي خلاص

مالك: طب كويس

أمل: هروح مكتبي بقا

مالك: خليكي راجعي الملف دا هنا علي ما اخوكي يجي

أمل: ماشي
وقعدت امل تراجع الملف ومالك بيشتغل

عند عبدالرحمن وصل الشركه ولسه بيركب الاسانسير لقي سما قدامه وبتركب الاسانسير

عبدالرحمن في سره : هو انا كل ما اروح في حته
تطلع قدامي

سما شافته واتغاظت لما افتكرت طريقته معاها امبارح
بس تجاهلته وركبت الاسانسير معاه من غير ما تكلمه
بس لفت انتباها ريحه البرفيوم بتاعه
عجبتها اووي

هو كمان كان متجاهلها
بس فجاءة الاسانسير وقف والنور قطع

سما صرخت جامد ومسكت ايد عبدالرحمن وقعدت تعيط
عااااااااا
انا بخاف من الضلمه
بليييز اعمل ايه حاجه

عبدالرحمن بخضه : اهدي بس يا آنسه سماا
مفيش حاجه تخوف

سما مغمضه عينيها جامد اووي وبتعيط اووي
بليييز يا عبدالرحمن اعمل ايه حاجه أنا بترعب من الضلمه وكمان ريان مش هنا

عبدالرحمن.. اهدي حاضر
وطلع موبايله فتح الفلاش ونور بيه
اهدي خلاص في نور اهوو

سما بتدءات تهدي وفتحت عينيها وبعدت عن عبدالرحمن
احم اسفه أن مسكت ايدك مكنش قصدي والله

عبدالرحمن: لا ولا يهمك
بس انتي ليه بتخافي من الضلمه كدا

سما : احم دي فوبيا عندي من زمان

عبدالرحمن: بس لازم تتعالجي

سما : اها عارفه
ريان حاول معايا بس معرفتش

والاسانسير اشتغل تاني والنور اشتغل

سما : شكرا ليك

عبدالرحمن: العفو
وادها منديل تمسح دموعها
وهي اخدته وشكرته وبعدين الاسانسير وقف عند الدور اللي فيه مكتب مالك وريان
عبدالرحمن سأل وراح عند مكتب مالك
وسما راحت لمكتب ريان
و....
عبدالرحمن دخل عند مالك
مالك : ازيك عامل ايه

عبدالرحمن: الحمد لله
خدي يست موبايلك اهوو

امل: شكرا

عبدالرحمن: العفو
همشي انا بقا عشان شغلي

مالك : ربنا يقويك

عبدالرحمن: تسلم
سلام ومشي

سما راحت لمكتب اسراء

اسراء: سمااا
ايه المفاجأة الحلوه دي

سما وهي بتحضنها
حبيبتي وحشتيني

اسراء: انتي اكتر
عامله ايه

سما : فل الفل الحمد لله

ريان جه عليهم
ايه دا الإنسه سما هنا وانا اقول المكتب منور ليه

سما : تشكرات تشكرات 😌

اسراء.. هههههههههههه

ريان ... ها إيه سبب الزيارة السعيده دي

سما ... الشركه وحشتني
وجيت اشوف مالك اللي من ساعه ما جيت وهو مشغول

ريان هههههههههههه
روحيله هتلاقيه في مكتبه

سما ... اشطاا
هروح اسلم عليه

سما راحت مكتب مالك وكان بيشتغل هو وامل

سما خبطت ودخلت

مالك : سماااا
يا بنت الايه وحشتيني اوووووووي

سما حضنته .. وانت كمان اوووووووي
وبعدين انت ما بتسالش عليا من ساعه ما جيت فقلت اجيلك بقا

مالك : نورتي يحبيبتي
انتي لسه قصيره مطولتيش 😂

سما : انتو اللي طوال
مش انا اللي قصيره

مالك : هههههههههههه
نسيت اعرفك

سما : لا عرفتها
امل خطيبتك

امل كانت واقفه بتطلع نار من عينيها وسما بتحضن مالك وبتهزر معاه

امل: بعيظ اها اتعرفنا

مالك : هتحبيها يا امل اووي
هي اوزعه اه بس جميله

سما بغيظ ... بطل تقولي اوزعه

مالك .. هههههههههههه خلاص متقلبيش جعفر كدا
تعالي احكيلي عملتي ايه برا

امل بغيظ ... هروح أنا بقا اخلص المشروع

مالك : ماشي يا امل

وخرجت امل برا المكتب وراحت لإسراء

اسراء: ايه يبنتي شكلك عامل كدا ليه

امل : اه يختي ما انتي مشوفتيش ست سما هانم عملت إيه

اسراء: دي عسل والله
مالها

امل بتتكلم بغيظ وغيره
داخله تسلم علي مالك واشي احضان وهزاز وضحك من الودن للودن

اسراء ... شكلك حلو وانتي غيرانه هههههههههههه

امل : متعصبنييييش

اسراء: يبنتي ما انتي عارفه أن مالك بيعتبر ريان أخوه وسما اكيد نفس الكلام
وغير كدا كانت عايشه برا فممكن يكون دا عندها عادي

امل بغيظ : عااااادي
والله لأوريك يا مالك .... هتشوف مني نكد مشوفتوش في عمرك كله

اسراء: يالهوي دا كدا راح فيها لما تنكدي

أمل: عاااااااااا متغاظه
بس والله لأوريه

عشقتها_ولكن
دينا_دخيل

عشقتها ولكن البارت الثاني والعشرون 22

امل فضلت طول اليوم مضايقه من اللي حصل وكل ما تفتكر اللي حصل بتبقي عايزه تضرب مالك من غيرتها عليه واتجنبته طول اليوم لحد ما كانوا ماشين ...

مالك : يالا يا أمل عشان اروحكم انتي واسراء

امل اخدت شنطتها وطلعت من المكتب وراحت لإسراء من غير ما تتكلم ولا كلمه
ومالك كان مستغرب طريقتها

وراحت أمل لإسراء ونزلوا مع بعض

اسراء: هو انتي بدأتي تنكدي

امل: اه
هوريه بقا امل لما تنكد .... عشان يحرم يسلم علي بنت غيري حتي

اسراء: عاش يا وحش

وركبوا العربيه وامل مش بتتكلم بردو خالص

مالك باستغراب.. مالك يا أمل

امل.. مالي !!
ماليش

مالك ... لا شكل في حاجه

امل. .... مفيش يا مالك ويالا عشان تعبانه وعايزه اروح

مالك اعتقد أنها مرهقه شويه عشان كدا مش تمام
فوصلهم للبيت ومشي هو

دخلت امل وإسراء اكلوا وقعدوا مع أهلهم شويه وبعدين دخلوا يناموا

بس مالك رن علي امل

امل: نعم

مالك .. ايه يبنتي .... مالك

أمل... قولتلك ماليش ... انت اللي في إيه

مالك ... متعصبيش اهلي ... انتي شايفه طريقتك دي طبيعيه مثلا
ولا معملتك اللي اتغيرت من واحنا مروحين وكنتي كويسه

أمل... طب كويس انك ملاحظ أن كنت تمام وبعدها اتضايقت
يبقي اكيد حضرتك عملت حاجه
وطالما مش عارف ايه هي اصلا يبقي مش لازم اقول ... اقولك انا هنام احسن

مالك بعصبية... انتي في إيه وبعدين أنا معملتش حاجه تزعلك أصلا ولا ضايقتك
يبقي تتعدلي وانتي بتتكلمي معايا

امل بعصبية.. يعني غلطان فيا وكمان بتتعصب عليا
عايزني اقولك ايه
اقولك أن مضايقه عشان حضرتك لما شوفت سما حضنتها وسلمت عليها
وقعد تهزر وتضحك ولا كأن حتي خطيبتك واقفه معاكم
ولا أقولك إن دا حرام أصلا و...

مالك:, انتي عامله كل دا عشان سما هو ...

امل قاطعت كلامه وبنبره بتهدد بالعياط
هتقولي أنه عادي في حياتكم وأنكم كلاس وكدا
بس أنا هقولك أنه حرام قبل ايه حاجه

مالك .. يبنتي اسمعيني هفهمك ...

أمل قاطعته ... هتقولي أنها زي اختك وكد
هقولك انا بغيييير عليك ومسمحش لواحده تتكلم معاها كدا غيري ابدا ....
ولو انت مش محترم الدبله بتاعتي اللي ف ايدك يبقي نفسخ الخطوبه احسن

مالك .. انتي اتجننتي ... انتي بتقولي إيه

أمل.. اللي سمعته ومعلش انا تعبانه وعايزه انام
مع السلامه وقفلت المكالمه وقعدت تعيط من غيرتها عليه

مالك رن عليها كتير وبعتلها مسدجات
بس هي قفلت الفون ونامت

عند مالك
ابت المجنونه دي مخلتنيش اتكلم حتي
طب وبعدين الوقت اتأخر ومش هعرف اكلم عبدالرحمن ولا اسراء
اوووف
هستني الصبح بقا وأشوف المجنونه دي .... قال تفسخ الخطوبه دا انا كنت علقتها
وبابتسامه... قمرر اووي وهي غيرانه ومتغاظه كدا هههههههههههه
هصالحها بكرة إن شاء الله بطريقتي
ونام

تاني يوم اسراء وامل وصلوا الشغل
اسراء.. انتو متصالحتوش لسه

أمل... لا ... ومش عايزه اتصالح ... انا رايحه مكتبي باي

اسراء ... ماشي

امل دخلت مكتبها واتفاجئت ببوكية ورد كبير اوووي
وعلبه هدايا صغيرة فتحتها لقيت فيها بلورة ازاز وفيها عريس وعروسه بيرقصوا 

أمل: الله .... كان نفسي فيها من زمان اوووي

مالك: وانا قلت مينفعش امل يبقي نفسها في حاجه ومش اجبهالها

امل... اتضايقت تاني
انا مش عايزه منك حاجه

مالك.. طب إنتي ممكن تفهميني بس وتسمعيني

أمل... هتبررلي ... مش عايزه مبررات

مالك ... يبت اسكتي بقا من امبارح بتنيل اتكلم وانتي تقاطعيني ودلوقتي كمان

أمل... سكت اهووو ... اتفضل

مالك ... اللي إنتي متعرفهوش إن سما أختي في الرضاعه أصلا

امل... نعم !! أختك

مالك ... اه يختي من امبارح عايزه اقولك كدا وانتي مش بتفصلي كلام أصلا
وبعدين إنتي مفكره اني عشان كلاس زي ما بتقولي هحضن ايه حد كدا
لا انا عارف الحلال من الحرام

امل... طب فهمني اختك ازاي

مالك ... يستي سما لما كانت صغيره كانت مامتها طنط سميرة ساعات مكنتش بترضي ترضعها أو مش بتبقي موجوده وكانت هي بتقعد تعيط من الجوع
ف ماما كانت بترضعها كتير والكلام دا من اكتر من ٢٠ سنه أصلا
فهمتي بقا يام افسخ الخطوبه

امل .. احم ...يعني وانا كنت هعرف ازاي مثلا
معلش دا كان من غيرتي عليك وانا شيفاها بتحضنك

مالك .... بتبقي حلوه وانتي غيرانه

امل...احم طب يالا روح علي مكتبك بقا بلاش دلع

مالك ... ههههههههه انتي الوحيده اللي بتهزئيني ومش بعرف اكلمها

امل... ههههههههه 😌 مسيطرة

مالك ... هههههههههههه ماشي يختي
المهم الهديه عجبتك

امل ... جدااااااا
ربنا يخليك ليا

مالك ... وميحرمنيش منك ابدا
هروح مكتبي بقا

امل.. ماشي
ومشي مالك

وأمل راحت لإسراء قالتلها اللي حصل

اسراء... ايه دا أخته اول مره اعرف بردو
طب كويس طلع مظلوم
وانتي طلعتي بهديه اهوو ههههههههه

امل ... اه ههههههههه

يالا بقا اسيبك عشان الشغل

اسراء... ماشي
__
وعدي اسبوع من غير احداث مهمه
ريان وبيساعده مالك في تجهيز الفيلا بتاعت ريان لخطوبته لأن اسراء مكنتش عايزه تعمل خطوبه وحاجه كبيرة فهو قرر يعملوا الخطوبه وكتب الكتاب في الفيلا عنده ويعزم اهله والناس المقربه بس
والفرح يبقي كبير ويعزم كل الناس اللي يعرفها

اسراء وامل وأهلهم اللي بيجهزوا كل حاجه لكتب الكتاب والكل فرحان ومبسوط

وامل بتجهز مع اسراء فستانها وبتختار معاها كل حاجه لكتب الكتاب
وكل صحابها معاها فرحانين ليها

يوم كتب كتاب اسراء وريان
الفيلا كلها كانت جاهزه ومزينه بالورود والانوار وكان كل شئ مميز وجميل ودا بترتيب من سما اللي أشرفت علي ما حاجه عشان اخوها
ودا طبعا كان مضايق سميره وخصوصا انها معرفتش توقف الجوازة

ريان طلب من اسراء تيجي الفيلا هي وأهلها من بدري وطلب ليها البنت اللي تعملها ميكب في الفيلا بدل ما تروح الكوافير

ووصلت اسراء وامل وكان معاهم عبدالرحمن
وأهلهم قالوا هيجوا باليل

وسما اخدتهم عند البنت بتاعت الميكب في اوضتها

سما : بصي يا ستي اعتبري الاوضه اوضتك بالظبط وظبطتي نفسك واحنا معاكي اهوو وهتبقي أجمل عروسه

اسراء: ربنا يخليكي ليا يا سما يا قمر إنتي

أمل: ما شاء الله الفيلا جميله اوووووووي
وكمان الديكور بتاع الحفله تحفه

سما .. ما أنا أشرفت ع كل حاجه فلازم تبقي بيرفكت اوووي 😌

اسراء:. اكيد يروحي

سما ... بس كفايه كلام
ويالا عشان تغيري هدومك وتعملي الميكب ولسه النقاب كل دا هياخد وقت
والماذون هيوصل كمان ساعتين

أمل... اه فعلا يالا

واسراء لبست الفستان وكان فستان لونه دهبي طويل وتقيل وجميل اووي

سما : الفستان قمرر عليكي يروحي

اسراء.. دي عيونك اللي حلوه

أمل... قمر فعلا ... ربنا يفرحك يحبيبتي

اسراء... تسلميلي يا مولتي

وبدءات الميكب ارتست تحط ميكب لإسراء وحطتلها ميكب رقيق اووي ولايق عليها

_ قمر اوووووووي وعلي فكره وشك مكنش محتاج ميكب غير خفيف كدا

سما ... مرات اخويا قمررر يا ناس

اسراء... هههههههه حبيبي

أمل... لا بجد يا سوووو طالعه عسل اووي

اسراء.. يجماعه كدا هتغر هههههههه

سما .... يست براحتك

واسراء لبست الخمار والنقاب اللي من نفس لون الفستان وكانت ملكة متوجة
والكل انبهر من جمالها

المأذون وصل وريان أصر يكتب الكتاب قبل ما يلبسو الدبل عشان يبقوا براحتهم و....
نزلت اسراء تحت والكل كان مبهور من شكلها رغم أنه النقاب مداريه
وقعدت جمب باباها توقع علي عقد القران ليها وريان
وكان الشاهد علي العقد مالك وعبدالرحمن

واخيرا اتكتب الكتاب و...

المأذون... بارك الله لكما وبارك عليكما وجمع بينكما في خير
مبروووك

لولولوللللليييي لولولوللللليييي لولولوللللليييي لولولوللللليييي

الزغاريط مليت المكان كله
والكل فرحان ومبسوط وبيبارك للعرسان ويسلم عليهم و....

ريان ... مبروك يا ملكتي

اسراء كانت مكسوفه اووي ومش مصدقه أنها بقت حرم ريان الاسيوطي
الله يبارك فيك

ريان ... نلبس الشبكه بقا

اسراء.. ماشي

وريان لبس اسراء الدبله والخاتم وبعدها بأس ايديها والكل بيصقف وفرحان والشباب بتصفر وهي كانت مكسوفه اووي بس الاكيد انها فرحانه وجدا

وهي لبسته دبلته

ريان ... وعد يا اسراء دبلتك مش هتتقلع من أيدي ولا هيتلبس مكانها دبله واحده غيرك ابدا
غير لو مت بقا و...

اسراء بسرعه .... بعد الشر عليك متقولش كدا
ربنا يخليك ليا

ريان بابتسامه... ويديمك في حياتي وباس دماغها

مالك لريان ... ايوه انت اللي كسبت والله كتبت كتابك تمسك ايديها براحتك
حسرة عليا ملبستهاش الدبله حتي اهيء اهيء

ريان ... هههههههه ايه الحقد دا يبني وبعدين أنا ريان الاسيوطي 😌

مالك ... اه ما انت اللي فزت في الاخر
ابقا انا خاطب قبلك وانت تتجوز قبلي

أمل كانت واقفه بتضحك عليه

مالك ... اه. اضحكي وانتي مش بتقوليلي كلمه حلوه حتي

أمل .. هههههههه اخص عليك ... مش بقولك ربنا يخليك ليا حصل ولا لا

ريان... ههههههه

مالك ... اه كتر خيرك 🙂
الكل ضحك علي طريقه مالك

واهل اسراء كانوا فرحانين اووي بيها وبريان وأنه شخص كويس
والكل سعيد
أمل فرحانه لأختها
وسما فرحانه أن اسراء هتتجوز اخوها وهيبقي ليها اخت
وبتحلم بحد يحبها زي ريان ما بيحب إسراء

وعبدالرحمن اللي لسه بيفكر في شكل سما وبرائتها لما كانت بتعيط في الاسانسير

ومالك اللي كل يوم بيحب أمل اكتر وهي فرحانه إنها معاه

وسميرة اللي بتحاول تفكر في حاجه تبوظ الجوازه قبل الفرح

وانتهت الخطوبه
وريان اتفق مع إسراء ومالك اتفق مع أمل يخرجوا بكره عشان مفاجأة ليهم ...

عشقتها_ولكن
دينا_دخيل
قد يعجبك أيضا
الاسمبريد إلكترونيرسالة