رواية التزامي سبب نجاتي بقلم سعود الفصل السابع 7 عبر مدونة دليل الروايات (pdf)
ملحوظة: الرواية كاملة أكتب في جوجل "التزامي سبب نجاتي دليل" أو أدخل على "Deliil.com" مباشرة.
رواية التزامي سبب نجاتي الفصل السابع 7 بقلم سعود نصر الدين
الجزء السابع التزامي سبب نجاتي
اسماعيل.فكره كويسه وتحاول تنسي اللي حصلها بس فكره الاعتداء عليها مفكرتش تعمل فيها ايه من الشخص اللي اعتدي عليها
مديحه.عبير انا عارفاها كويس استحالها تفكر تعمل حاجه دي بتدعي ان ربنا يزوجها من الشخص اللي اعتدي عليها خوفا من انها تظلم شخص تاني او انها متتزوجش نهائي بسبب اللي حصلها
عبير جالسه في الغرفه فاتحه المصحف تقراء القران رحمة علي اخيها.اللهم اني سامحت اخي اللهم اغفر له وارحمه يارب
ريهام.الو ايو ياسماء انتي فين
اسماء.ايوه ياماما انا في المستشفي عند محسن
ريهام.طمنيني عليه واخباره ايه
اسماء.لسا تعبان شويه وبيتكلم عن واحده انها السبب في اللي حصله هي مين دي
ريهام.معرفش انتي مش عارفه اخوكي
اسماء.طيب انا هفضل جنبه لغاية ميقوم بالسلامه
ريهام.طمنيني ديما عليه هو رافض وجودي خايفه اجي يزعق تاني وانا خايفه عليه وهو تعبان لوحدو
اسماء.لا حاضر ياماما
يدخل الدكتور.ها عامل ايه النهارده يابطل
محسن.ياريت كنت موت ياريتني كنت موت
الدكتور.قول الحمدلله مش يمكن ربنا بيديلك فرصه تانيه للحياه
محسن.عندك حق ونعم بالله وكل حاجه لازم تتصلح
اسماء.هو ممكن يخرج امتا يادكتور
الدكتور.هو الحمدلله عدي مرحلة الخطر بس افضل يفضل يومين علشان الكسر
اسماء.ماشي يادكتور ومتشكره جدا لتعبك
الدكتور.متقوليش كدا دا واجبي
اسماء.متشكره جدا
الدكتور.بعد اذنكم
اسماء.قدر الله ماشاء فعل ياحبيبي بكره تشد حيلك وتقف علي رجليك تاني
محسن.مش قبل ماتفهم مني
اسماء.هي مين انت من امبارح بتتكلم عنها
محسن.واحده ظلمتها بس والله مضريتها بالعكس ربنا نور بصيرتي علي اخر لحظه وهي متعرفش كدا
اسماء.ربنا ذي منجاك من الحادث اكيد هيخليك تقابلك وتشرحلها كل حاجه بس انت شد حيلك شويه
محسن.ان شاء الله
مديحه.ممكن ادخل
عبير.اتفضلي
مديحه.ايه دا انتي لسا بتعيطي
عبير.خايفه علي اخويا
مديحه.من ايه ياحبيبتي
عبير.من حساب ربنا
مديحه.ليه يابنتي ان الله غفور رحيم
عبير تمسح دموعها.ونعم بالله انتي مش عارفه اخويا عمل ايه
مديحه.مش هيكون اكتر من المشرك اللي بيرجع يامن بربه وربنا بيسامحه ويغفرله زنوبه انتي بس ادعيله
عبير.بدعيله ديما ومش قادره اتخيل انه حبيبي فارقني انتي مش عارفه كان بالنسبالي ايه عارفه ده كان هو الوحيد اللي اهزر واضحك معاه هو الوحيد اللي مكنتش باتمن لحد علي اسراري غيره هو الوحيد لان ربنا مكرمنيش غير باخ واحد مش قادره اتخيل نفسي من غيره كنت اصحي الصبح علي شوفتي ليه اتعودت احضرله الاكل والهدوم اتعودت اقلق واخاف عليه
مديحه.خلاص ياحبيتي الله يرحمه هو عند ربنا وربنا يصبرك
مديحه.انا عندي فكره كويسه ايه رايك لو تسافري قطر عندي واحده صاحبتي شغاله في مدرسه للاطفال هناك جميله جدا تحفظي الاولاد القران واهو تغيري جو
عبير.ياريت لاحسن مش هقدر لا اروح المدرسه عندك ولا هقدر ارجع البيت تاني
مديحه.خلاص اتفقنا هكلم كريمه صديقتي واقولك تمام ياحبيبتي
عبير.تمام ومتشكره جدا علي وقفتكم جنبي انتي وعم اسماعيل ربنا يبارك فيكم ويردهالكم في صحتكم يارب
مديحه.ربنا يسمع منك يارب
مديحه. عن اذنك هسيبك تنامي شويه وبطلي عياط بقا
عبير.حاضر
رواية التزامي سبب نجاتي
محسن يمسك عكازه بيده اليمني بكل صعوبه وتستيقظ اسماء بجواره
اسماء.انت رايح فين
محسن.انا لازم اخرج
اسماء.استني بس هتخرج تعمل ايه وانت تعبان
محسن.انا بقيت كويس مش هقدر استني اكتر من كدا
اسماء.طب فهمني انت مستعجل علي خروجك ليه انت تعبان
محسن.زهقت ياسماء زهقت مش هقدر استني
تمسكه اسماء ويستند عليها
الدكتور.ايه دا رايحين فين
اسماء.مصمم يخرج
الدكتور.غلط تخرج دلوقتي مش كويس علي الكسور
محسن.انا هروح وابقي كويس هرتاح هناك
الدكتور.ذي متحب بس انا نبهتك
يخرج محسن واخته ويركبا تاكس وتاخذه اسماء الي شقته
مديحه.الو
كريمه.اذيك وحشتيني اوي
مديحه.اذيك ياحبيبتي عامله ايه
كريمه.الحمدلله بخير انتي عامله ايه وحشاني
مديحه.بخير الحمدلله وايه اخبارك واخبار الاولاد عندك
كريمه.احنا بخير الحمدلله واسماعيل عامل ايه
مديحه.الحمدلله كويس
كريمه.مش ناويه تيجي تغيرو جو
مديحه.قريب ان شاء الله انتي لسا شغاله في المدرسه
كريمه.ايوه الحمدلله
مديحه.طيب فيه بنت مربياها عندها ظروف هي متعلمه وبتحفظ الاطفال قران ياريت تشوفيلها مكان عندك
كريمه.ياريت يامديحه هنا محتاجين واحده حافظه القران تحفظه للاطفال
مديحه.الحمدلله متيسره
كريمه.طلعيلها الجواز ياحبيبتي وقوليلي امتا هتيجي استقبلها هنا
مديحه.متشكره اوي
كريمه.تسلمي ياحبيبتي وبردو هستناكي تجيلي
مديحه.ان شاء الله
محسن.ممكن ياسماء تنزلي وسط البلد
اسماء.ليه فيه حاجه
محسن.عاوز اسال علي واحده
اسماء.انزل لو سمحت ياسطي وسط البلد
يصل السائق بناءا علي ارشادات محسن الي المدرسه التي تشنغل بها عبير
محسن.لو سمحت انسه عبير مجتش
الامن.لا يافندم مجتش
محسن.مفيش اي اخبار عنها
الامن.للاسف لا ليها فتره
محسن بحزن.متشكر اطلع ياسطي
مديحه.عبير انا كلمت كريمه وقالتلي انهم محتاجين واحده تحفظ قران الحمدلله متيسره ليكي ربنا ميسرها معاكي
عبير.ونعم بالله
مديحه.النهارده هنزل اروح المدرسه اشوف الاحوال ايه واجبلك النقاب وانا وجايه
عبير.استني ممكن تاخدي دي
مديحه.ايه دي ياعبير
عبير.غويشه كنت مشترياها خديها
مديحه.كدا ياعبير زعلتيني منك
عبير.مش قصدي بس
مديحه.مبسش انا هروح وارجعلك علي طول يلا سلام
عبير تبتسم.متشكره جدا يارب اكرمهم ذي ماكرموني واسترهم ذي مستروني يارب اكرمهم زيارة بيتك الحرام اللهم احفظهم من كل شر
اسماء.اتسند عليا
محسن يستند علي اسماء ويدخل شقته
اسماء.ارتاح وملكش دعوه باي حاجه انا هفضل معاك هنا لغاية متبقي احسن من الاول
محسن.عارفه ياسماء بتفكريني بمين
اسماء مبتسمه.ببنت اسمها عبير
اسماء.عبير مين عبير دي
محسن.بنت متتخريش عنك قريبه من ربنا ومتدينه ومنقبه كمان
اسماء.الله الله انت تعرف كل دا عنها كمان ثم انا مش منقبه
محسن.مش منقبه ايوه لكن قريبه من ربنا ثم انا مقبلتهاش غير مره واحده وياريتني مقبلتها ياريتني كنت قابلتها في ظروف افضل من اللي قبلتها فيها
اسماء.هي حصلها حاجه
محسن.ايوه باعها كلب خسيس بالفلوس يقال انه اخوها واشتراها واحد اقزر منه مليه الغرور لكن ربنا بالمرصاد الكلب قتل نفسه بنفسه لحبه للمال والدنيا والقزر ربنا امد في عمره اداله فرصه يراجع فيها نفسه
اسماء.لا حول ولا قوة الا بالله هو فيه اخ يعمل في اخته كدا
محسن.ربنا بالمرصاد
اسماء.ربنا معاها دي اكيد انتحرت
محسن منفزع.لاا متقوليش انتحرت
اسماء.فيه ايه مالك
محسن يدمع عينيه.لا مش عاوزها تموت مش عاوزها تموت ياريتني كنت اموت انا ولا هي تنتحر
اسماء.للدرجادي
محسن.واكتر هي عايشه باذن الله وربنا هيكرمني واوصلها
اسماء.هي اللي انت سالت عليها صح
محسن.ايوه هي
اسماء.اهدي طيب انا هحاول اوصلها ادخل بس ارتاح انت
بقلم سعود نصر الدين
مديحه.السلام عليكم
امن المدرسه.وعليكم السلام مدام مديحه.فيه واحد كان يغيب ويسال علي الانسه عبير
مديحه.عبير سافرت ولو حد سالك سافرت فين قولو معرفش من وقت مسابت المدرسه منعرفش عنها حاجه
الامن.حاضر يامدام مديحه
اسماء.ايوه ياماما
ريهام.طمنيني عليكم
اسماء.الحمدلله احنا في شقته وهو نايم جوه وانا هفضل جنبه
ريهام.طيب وانا هجيلكم
اسماء.ماشي
مديحه ترجع من المدرسه الي منزلها ومعها نقابين وتدخل بهم علي عبير
مديحه.ايه رايك
عبير تنظر اليهما بفرحه كبيره .والله مش عارفه اعمل مع جمايلك ايه ربنا عالم بدعيلكم اد ايه
مديحه.ربنا مبينساش حد
عبير.ونعم بالله
مديحه.هنروح انا واسماعيل بكره ببطاقتك نطلعلك الفيزا اللي هتسافري بيها
عبير.ربنا يخليكم ليا يارب
مديحه.ربنا ميحرمنا من ابتسامتك الحلوه دي
عبير.ولا منك يارب عارفه طيبتك وحنيتك دي بتفكرني بامي كانت حزينه اوي معايا انا فكراها كويس اصلها ماتت وانا سني 9 سنين وبعدها بابا عارفه اخويا عادل كان يوديني المدرسه ويجيبني كل يوم فضل الناس تساعده وبقا يوديني ويروح يشتغل في بنزيمه يغسل العربيات يخلص يجي المدرسه ياخدني وفضل علي الحال ده لغاية مبقيت 17 سنه وقررت اكتفي بالشهاده اللي خدتها اخويا قرر انه لازم يشوف شغلانه افضل يعرف يجمع منها فلوس لجهازي واحد صاحبه اسمه احمد عرض عليه يشتغل في الكباريه واغواه الشيطان بس اخويا كان همه ياحبيبي يجمعلي الجهاز ويخليني مش محتاجه حاجه لكن مره ومره اتعود علي الشرب والسهر ربنا يرحمه يارب عارفه انا مش زعلانه منه خالص ونفسي ربنا يقبل دعايا ليه ويسامحه...تتفوه عبير بكل هذه الكلمات وهي تبكي بدموعها عليه
مديحه.خلاص طيب كدا خلتيني اعيط
عبير.ربنا يجعل ايامك كلها فرح يارب
مديحه .انا متعرفيش فرحانه اذاي انك بقيتي احسن من الاول عارفه المدرسه مش هيبقالها سعاده من غيرك
عبير.والله يامدام مديحه بحبك ذي امي
مديحه عارفه ياحبيبتي وان شاء الله هتسافري ونرجع نتقابل تاني
عبير.انا مليش غيرك دلوقتي سلميلي علي الاطفال كلهم
مديحه.متقلقيش ياحبيبتي ان شاء الله كلها يومين وتسافري وتغيري جو
عبير.ان شاء الله
مديحه.هناك كريمه دي اعتبريها انا ست جميله ومحترمه جدا
عبير.اكيد هتكون اخلاقها ذيك
مديحه.ربنا يخليكي