U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

قصة الجار الغريب الفصل الرابع والأخير (النهاية)

نهاية قصة الجار الغريب الجزء الرابع "4" والأخير
قصة الجار الغريب كاملة
قصة الجار الغريب كاملة

الفصل الرابع والأخير من قصة الجار الغريب (النهاية)

كنت مصدومه من اللى عامله محمود معايا
بس قررت ان لازم اشيله من دماغى بس فضولى هيقتلنى .....
نمت بعد تعب وعياط كتير صحيت ع صوت مفزع اوى وواحده عماله تقول الحقونى الحقونى هيموتنى هيموتنى
صحيت لقيت زى حاجه بتجرى قدامى بسرعه رهيبه ....
طلعت اجرى ولقيت نفسي عند اوضه محمود
كنت بحاول اكتم نفسي عشان مايحسش بيا
سمعته بيتكلم ويقول لازم اخلص من كل حاجه زى مابداتها
بس الغريب ان كنت سامعه صوت تكسير وصوت محمود وكان بيقول لازم اخلص منك لقيت دم كتيرررر نازل من تحت عتبه باب اوضه محمود
انا خوفت ومن خوفي جريت ع اوضتى ....
لقيت جسمى كله بيتنفض .....
وقولت اكيد محمود قتل حد هنا
وبعد رعب طول الليل وخوف نمت وصحيت الصبح قررت لازم اشوف ف ايه وسمعت باب اوضه محمود اتقفل اتاكيدت انه راح الشغل فتحت الباب وروحت عند اوضه محمود
كان الباب مقفول بالقفل فكرت اكسره بس خوفت بصيت من تحت الباب ملقتش اى اثار دم .......
قررت اسيب الشقه وامشي خالص بس افتكرت هو انا ليه من بعد موت امى وانا بيحصلى حاجات غريبه قررت اروح الشغل واخد مرتبي وامشي خالص وانا ف اوضتى لقيت الباب بيخبط عليا روحت افتح ملقتش حد استغربت بس قررت مشغلش دماغى وانا بكمل لبسي لقيت مكتوب ع المرايا بلون الدم ارجوكى انقذينى حسيت ان هتشل ف مكانى قولت انتى مين ردى عليا ملقتش اى حد بيرد ركبت المشروع وروحت الشغل لقيت محمود وقالى اتاخرتى ليه ياست هانم كنت قرفانه منه قولتله انا عايزه مرتبي وانا هسيب الشغل رد بكل برود وقالى مرتبك ......
مرتب ايه بقي .....
قولتله نعم هو انا موش شغاله بقالى 15 يوم قالى المرتب اول الشهر لكن كدا انتى ملكيش فلوس عندى واستحقرنى ومشي
لقيت نوال ف وشي قالتلى ايه يابنتى اللى يشوفك انتى واستاذ محمود يقول ان بينكو طار هو ايه الحكايه قالتلها مفيش حاجه تعالى نشوف شغلنا قالتلى لا انهارده مفيش شغل
قولتلها ازاى بقي......
قالتلى انهارده لسه هتتبعت البضاعه باليل فمفيش شغل نعمله قولتلها يعنى هنروح قالتلى لا هنقعد لغايه معاد الشغل
قلتلها طيب
قالتلى بس قوليلي انتى ايه حكايتك انتى متجوزه ولا عايشه مع اهلك؟؟
قولتلها لا انا عايشه لوحدى امى وابويا ميتين
قالتلى الله يرحمهم تعرفي ان أسماء كانت برضو اهلها ميتين
قولتلها اسماء مين ؟؟
قالتلى اه صح انا نسيت انك بقالك موش كتير بس انا بحس ان اعرفك من زمان
قولتلها وانا كمان ارتحتلك والله
قالتلى ياستى اسماء دى مرات استاذ محمود
قولتلها وهى فين..؟؟؟؟؟؟
قالت محدش يعرف بعد ماتجوزها كانت برضو بتشتغل معانا بس فجاه اختفت ومحدش يعرف راحت فين
قولتلها طب واهلها قالتلى يابنتى اهلها ميتين
ومن بعد ماختفت واستاذ محمود بقي عصبي اوى ومبيحبش يتكلم مع اى حد
مع انه مكنش كدا ده كان كويس اوى بس كلام ف سرك ناس بتقول ان هو مخاوى
قولتلها يعنى ايه قالتلى ناس بتقول كلام غريب والله اعلم ايه الحقيقه ناس بتقول ان من زمان وهو بيقرا كتب كتير عن الجن والعفاريت
قولتلها عفاريت .؟؟؟؟؟؟
قالتلى معرفش ده كلام الناس اللى عايشين حواليه وان هو قاعد ف عماره كل السكان طفشو بسببه
قولتلها ازاى بسببه........
قالتلى بيقولو ان ..........
لقيتها فجاه سكتت ومتنحه ببص ورايا لقيت محمود بيبصلها ووشه كله شر هى سابتنى وقامت وانا فضلت قاعده
وكان فبالى حاجات كتير والاوحش فضولى اللى مكنتش عارفه اخرته هيكون ايه
روحت اوضتى وقررت اعمل حاجه وممكن تكون نهايتى ع اديها......
روحت اوضتى وانا بفكر ف اللى ناويه اعمله
كنت مراقبه وصول محمود بس الغريب محمود اتاخر انهارده ودى كانت حاجه غريبه
اول مره تحصل
سمعت صويت خارج من اوضته محمود قربت عند الاوضه وقعدت اقول انتى مين ...........
لقيت الباب اتفتح ملقتش اى حد واقف
قولت معقوله الباب محمود سابو مفتوح .......
ولا زى مانوال قالت ؟؟؟؟
قررت ادخل ويحصل اللى يحصل
ودخلت لقيت كتب كتيررر اوى قربت منهم
لقيتهم كلهم طلاسم وحاجات غريبه بس الاغرب ان لقيت صور ناس كتيررر اوى
فضولى خلانى امسك الصور دى
لقيت صور لمحمود وبنت شبه عروسه واقفه جمبه توقعت ان دى اسماء مرات محمود
بس معمول عليها علامه اكس بلون الدم
معقول يكون محمود قتلها
وانا بشوف الصور اتصدمت لما لقيت صوره امى طب ايه جاب الصوره دى هنا؟؟؟؟؟
لقيت محمود بيفتح الباب ودخل اول مالقنى ماسكه الصور اتهجم عليا وكان بيخنقنى
وانا حسيت ان خلاص هموت
قالى انتى مالك بيا ليه بتتدخلى اوضتى
انا حظرتك كتير بس الظاهر ان مفيش فايده لازم اخلص منك زى ماخلصت منهم
لقيت محمود فجاه وقع ع الارض وسايح ف دمه بدات اخد نفسي واحاول اقوم
لقيت شبح امى واقف وبيقولى ابعدى عن هنا
اتملكت اعصابي وقولت امى .......
بس برضه اختفي ........
قربت من محمود لقيت لسه ف النفس
كتفته لغايه لما يفوق وكتمت الدم
وبدا يفوق حاول يفك نفسه معرفش
قعد يصرخ ولقيت عينه اتغيرت انا خفت بس حولت ابين ان قويه
قولتله انت ايه سرك وليه شبح امى لقيته ف اوضتك ؟

قصة الجار الغريب (النهاية)

باقي الجزء الاخير
قالى كان لازم اخلص منك زى ماخلصت منهم
قولتله هما مين ............
قالى اختك وامك
انا اتصدمت ازاى ده انت بتقول ايه انا مليش اخوات انا وحيده ابويا وامى
قالى لا كان ليكى اخت من امك وهى مكنتش قايله لاى حد لان هى كانت غلطت عمرها غلطتها زمان زى ماختك كانت غلطت عمرى اللى عملتها
كنت مصدومه من كل حاجه انا بسمعها
قولتله ازاى ......
قالى انا اتعرفت ع اسماء ف المصنع حبيتها اوى ومن كتر حبي ليها قررت اتجوزها
كانت معرفانى ان اهلها ميتين وملهاش اى حد واكتشفت بعد كدا ان امها عايشه اللى هى برضو تبقي امك
ولما سالتها ليه خبتى عليا قالتلى لان هى طول عمرها بيعها وسيبها
حولت اخفف عنها واحسسها بالامان معايا
بس فجااااااه
لقيت اسماء اتغيرت معايا واكتشفت ان هى بتخونى فكرت اقتلها بس بعد تفكير ان لما اسماء تموت انا الوحيد اللى هتحبس
فكرت فكره تانيه خالص وهو ان احضر ملوك الجن ويبقو خدم ليا وانفذ طلبتهم عشان هما كمان ينفذو طلباتى
وكنت بنفذ اى طلب هما بيطلبو
بس كان ف مشكله هو ان انا بعرف احضرهم بس لكن مكنتش بعرف اصرفهم
طلبت منهم ينتقمو من اسماء ونفذو طلبى وهى دلوقتى محبوسه تحت الارض وعمرها ماهتتطلع
قولتله وامى ؟؟؟
قالى امك مكنتش عايز اذيها بس هى هددتنى وكانت عايزه بنتها انا مقتلتهاش هو كل اللى حصل ان حد من ملوك الجن هو اللى عمل كدا بعد مانا حضرته وكنت فاكره ان كدا الحكايه خلصت لغايه لما انتى ظهرتى
عرفت انك اخت اسماء وان وجودك هنا مكنش صدفه بس كدا الحكايه خلصت
لازم اخلص منك زى ماخلصت منهم
حاول يقاوم يفك نفسه معرفش
لقيته بدا يقول كلام غريب بقيت اجرى واجرى فكرت ابلغ البوليس وبلغت البوليس وجه معايا بس لقينا محمود اختفي دورنا عليه ف كل حته ملقنهوش ومنعرفش هو راح فين قررت ان لازم اسيب البلد دى كلها وامشي كنت مصدومه من كل اللى عرفته عشت فتره ف حاله اكتئاب
مصدومه ف امى اللى ماتت وموش مرتاحه
واختى اللى عمرى ماكنت اعرف ان ليا اخت وليه امى خبت عليا
ومحمود اول راجل يحرك مشاعرى رغم قسوته عليا وليه كل ده انا بالذات حصلى
بس الغريب دلوقتى ان بعد ماكان بيظهرلى شبح امى مبقاش يظهرلى تانى واللى بقي يظهر هوووو
محمووووود
"تمت"
قد يعجبك أيضا
الاسمبريد إلكترونيرسالة