U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية صدوا وأنا من عزة النفس صديت - البارت التاسع "9"

رواية الكاتبة "صدود" الجديدة 2020 حيث أصبحت من الروايات الخليجية الأكثر بحثاً 
رواية صدوا وأنا من عزة النفس صديت، حيث رجعت الكاتبة صدود بقوة من بعد رواية أما غرام
ومن أبطال الرواية: رعد - حنين - سعود - سراب - قصايد - والعديد من الشخصيات الآخرى.
  • للدخول إلى فهرس الرواية كاملة جميع الحلقات: أضعط هنا


الفصل التاسع من رواية صدوا وأنا من عزة النفس صديت

أما تَعِبتَ من الأعداءِ.. مَا برحوا
يحاورونكَ بالكبريتِ والنارِ
والصحبُ؟ أين رفاقُ العمرِ؟ هل بقِيَتْ
سوى ثُمالةِ أيامٍ.. تذكارِ
بلى! اكتفيتُ.. وأضناني السرى! وشكا
قلبي العناءَ!... ولكن تلك أقداري
المرحوم ..
غازي القصيبي..

وصل للدور الارضي ولكن ماعاد يعرف وين ممكن يلقاهم..
خرج للمواقف الخارجية..وشاف سراب وسحاب متوجهين لسيارتهم هاربين منه..
ركض وراهم ووقف قبل يوصل لهم وخرج سلاحه ..
سعود\وقفـــي إنتي وهي بأمر الحكومة..اذا ماوقفتوا باطلق النار عليكم..
وقفت سراب وهي تضم سحاب لها..عرفت ان هذا الشرطي مايلعب ويمكن يرميهم بالنار..
قرب منهم بخطوات حذرة وهو يتلفت حوالينه يراقب المكان ومتاكد ان معهم شركاء..
وقفهم على احد السيارات وسلاحه باقي بيده..
سمع صوت خطوات وراه وقبل يلتفت انصعق بالصاعق الكهربائي على رقبته من ورى وطاح بالارض..
فتح عيونه بالقوة وشافها جالسة على ركبتها جنبه..
قصايد\نــــام ياسعود..
سعود\تذكرتك حنيـــن..
قصايد\وش رايك اخذك لحتى يرجع اخوك سديم .؟
سعود بغضب\اذا فيك خير حاولي..
قصايد بسخرية\لو إنت مو لابس البدلة العسكرية كنت باسويها..بس بتكبر القضية ضدي..وانا بنت القانون..

                          

سحبت حنين الاصفاد من حزام سعود ومدتها لسراب..
قصايد\اربطي يدينه..
سراب متمسكة باختها\انهبلتي انتي قومي نشرد قبل يقوم علينا.. 
قصايد\سوي الي قلت لك..مابيقدر الكهرب ارخى عضلاته..
سراب\سحاب انتي اربطي يدينه..انا باموت لو اقرب منه..
سحاب بجزع\والله لو تموتين انتي والهبلة الي معك..كنت باولد وانا توني بالثالث..
قصايد بحدة\سراب تحركي..
سراب بخوف\ليش تقولين اسمي بيلقاني الحين بيعمم اسمي ومواصفاتي بكل المراكز بيوديني ورى الشمس..
قصايد\انا الي باوديك ورى الشمس..
قربت سراب منهم واخذت الاصفاد من قصايد..ومسكت يد سعود اليمين وقفلت عليها وبدت تحس بالقوة وان خوفها منه ماله داعي..
سراب بشماته\تحسب إنك بالساهل بتمسكني..انا اكبر واخطر نصابة بالمملكة بدري عليك بس..
حاولت تسحب الثانية..بينما سعود الي كان مرخي جسمه بارادته لما تاكد من قفلها على يده اليمين تحرك بسرعة وحجز يد سراب وقفل عليها مع يده..
وبكذا صارت الاصفاد وحدة بيد سعود والثانية بيد سراب..
شهقة الموت طلعت من سراب وبعدها بدت تبكي وتتمسك بعباية قصايد بخوف..وراح كل التظاهر بالقوة..وهي تسمع سحاب تشاهق..
سراب\ياويلي يمـــه فكيني بيسجني..والله باموت قلبـــي طاح برجلي..اكذب انا اكذب ماني نصابة ولا شي..
قصايد كانت مصدومة من تصرف سعود السريع ومن خبثه لما تظاهر بانه ضعيف ومايقدر يتحرك..واوهمها بانها هي القوية..
وقفت وسحبت عبايتها من يدين سراب الي كانت شوي وتدخل معها بنفس العباية..
سراب\باذبحك تعالي لا تروحين..خلصيني منه تكفين..
قصايد بقهر\سعود فك يدها..الموضوع بيني وبينكم..
وقف سعود بصعوبة بينما سراب بقيت جالسة وهي تندب حظها وتشتم حالها ولسانها الي بيوديها بمصيبة..
سعود بثقة\تبينها..هاتي عقاب..
قصايد بضيق\المكان مايساعد على النقاش والكلام..فك يدها هي مالها بموضوعنا شي..
سعود\كانت بتخطف سديم..
قصايد\أختــي..وأنا دبرت هالشي واستئجرت هالثنتين بعد ماقالوا عنهم قويات..
سعود\الحين افك يدها وتروح وننسى الموضوع كله..بشرط اشوف عقاب..
قصايد بقهر\مالك حق تشرط علي..تبي تاخذها المركز خذها.. هي ماتهمني..ويمكن شغلتها خطف ونصب واحتيال..يمكن عن طريقها تقدر تجيب عصابة كاملة..
سراب بشهقة\يالنــــذلة يالخاينة ياناكرة العشرة..الحين ماتعرفيني..والله لا اجيب العيد فيك طيب..خذني المركز والله لاعلم على كل سوالفك معليه..
سحاب بقهر\سراب اسكتي..وهي صادقة وش دخلها فينا ورطتنا بمصيبتها بتروح وتخلينا وحن يتامى مساكين..
لو ما الفقر والحالة العاثرة الي حن فيها ماكان اشتغلنا هالشغلة..
سعود بعدم اهتمام\بالله مصدقين انها بتمشي علي سالفتكم الماصخة..قرري عقاب ولا هالنصابة الي باجيب علومها كلها..
سراب بخوف\لا تكفى لا..تراني مسكينة مطلقة وعندي ورعان اصرف عليهم..
سعود طنشها ومركز نظراته بعيون حنين\عقـــاب.؟
قصايد بعناد\مالكم شي عندي..
سعود بعصبية يسحب يده اليمنى يحاول يجبر سراب توقف وتمشي معه..
سعود\قومي يابنت ولا سحبتك بالشارع..
سحاب\تكفى ياخوي ترانا بنات ناس..والله لو تدري امنا تموت بمكانها استر علينا..
سعود بعدم اهتمام\ماتهمني امكم ولا حالكم واعرف الكذب انا ..غيروا الكذبة مستهلكة كثير..
قصايد\ليش الحين تطلب عقاب..؟ مرت سبع سنين توك تتذكر ان لك ولد اخو وتبيه..؟
سعود\انتي عارفة ان حن ماكنا ندري عنه..ولا ماكنا بنخليه..
قصايد\أكيــد ياسعود..؟راقب كلامك ترى بكرة تندم..
سعود بحدة\مانترك عيالنا مع احد غريب..
قصايد بحدة\قلتها لك من سنين ياسعود..الغريب إنت وإخوانك..
سعود\واذكر اني قلت لك بيومها الغريب انتي واختك..
قصايد\إختي زوجتوها عمكم المجنون..والحين الله اعلم وش مسوين فيها ومدخلينها غرفة العمليات..
ويكون بعلمك لو اعرف ان واحد منكم تسبب لها بجرح صغير باخليه يندم..وترى بديت باخوك المشوه..
سعود\طولتيها وهي قصيرة عطيني عقاب والحين افك قيد هالنصابة الخطافة..
قصايد\حاولت اكون كويسة معك..تمام انت تفوز تعال معي..
سراب بخوف\هيه وين بتروحين وانا..؟
قصايد\فك البنت اول..
سعود بانتصار\ابي ضمان منك وافكها الحين..
قصايد\خلها تروح وانت بتجي معي..
سراب\ايه تكفى خلني اروح..
سعود بنظرة حادة\باخليك تروحين..بس باحجزك مرة ثانية وقريب ان شاء الله..

                                      

                    

خرج مفتاح الاصفاد من جيبه وفكها من يده ومن يد سراب..
وسحاب مسكت سراب الي متخشبة من الخوف بعد وعد سعود يمسكها مرة ثانية..وغصب مشت مع اختها بعد ماسمعت قصايد تتخلى عنهم وعن خدماتهم..
قصايد\قولي لمديرتك ماباتعامل معكم مرة ثانية..انتوا فاشلات بشغلكم ومالكم عندي أتعاب ..
سعود\تتعاملين مع عصابات..؟مو على اساس انتي بنت القانون..
قصايد\ايــه تعاملت مع عصابات..وأنقذتك منهم..
سعود باستنكار\وش تقصدين..؟هي مرة التقينا فيها وين انقذتيني ياقوية..؟
قصايد\لي دين عندك وابيك ترده لي اليوم..بتحمي البنتين الي كانوا معي هنا..بتمنع اي احد يوصل لهم..بتتركهم بحالهم..
سعود\الله اكبر وليه انفذ طلباتك..؟واي دين تتكلمين عنه..؟
قصايد\أنا ياسعود اللي خلصتك من قضية المخدرات..انقذتك انت وسمعتك وحياتك كلها..
تعلقت نظراتها على ملامح سعود الي تصنم من بعد ماسمع كلامها عن الفترة المظلمة من حياته..لما تورط بقضية مدبرة ضده كانت بتوديه بحكم قصاص كخائن ومروج مخدرات..وكانت السبب في خروجه من قسم مكافحة المخدرات رافض يتواجد بمكان تم التشكيك فيه بامانته..

سعود بصدمة\انتي.؟! مستحيل انتي..كيف عرفتي عنها كيف قدرتي..؟
قصايد\سيف عطاني كل شي يثبت برائتك..
سعود ولازالت الصدمة مسيطرة عليه\من وين تعرفين سيف..؟حنين انتي مستوعبة كلامك..وش علاقتك بسيف ..؟
قصايد بعدم اهتمام\تضــاربت مصالحنا..قدمت له خدمة وقدم لي خدمة..وهذا حالنا الان انا وانت..ابيك ترد لي معروفي فيك..
تبتعد عن البنات الي انا وظفتهم يجيبون لي سديم..
سعود\ابي اعرف كل شي..وش الخدمة الي قدمتيها لسيف..؟انتي باقي تتعاملين معه؟انتي تعرفين هو وش يكون..؟
قصايد\ايــه أعرف وش يكون..مروج مخدرات..ومطلوب..وقاتل..
سعود بغضب\عارفة وتعاملتي معه ..انتي جنيتي ؟
قصايد\لا ماجنيت..بس مالقيت الا باب العصابات يمنع عديمين الانسانية عني .. بعد ماباب الاقربون تقفل وصدئت ابوابه..
سعود\مـافهــــ
قصايد بمقاطعة\مايهمني اذا فهمت او لا.. بالنسبة لعقاب قبل سنين مالقيت احد فيكم صاحي ممكن يهتم بطفل.. فاخذته رحمة مني بطفولته الي كنتوا بدمرونها انتوا..او امه عديمة الامومة..
سعود\لا تغيرين الموضوع..باقي تتعاملين مع سيف..؟
قصايد\سيف مايقدر علي..بس اذا احتجته بيوم اكيد بالجاء له..
سعود بقهر\هذا مجرم تعرفين وش معنى مجرم..رئيس عصابة قاتل تاجر سلاح ومخدرات..
قصايد\مايهمني كل هذا..انا مو شريكته بشغله..انا قدمت له خدمة وهو بالمثل سوا معي وانتهى الموضوع.. 
سعود\لا ما انتهى..وبتجين معي الحين وبتعطيني كل المعلومات الي تعرفينها عنه..
مقصايد\اشوفك نسيت عقاب..
سعود\مانسيت منه بس موضوع سيف خوفني على عقاب اكثر..
قصايد بحدة\ ما احد يقدر يئذي عقاب او يلمس منه شعره قبل اقص يدينه واحرقها ..قبل تاخذ عقاب ابيك تسال اخوك عن جريمته فيني..وان شفته على حق بتلقاني بسهولة..وان شفته على باطل بتنسى انك شفتني..خله هو يقلع شوكه بيدينه واخرج من بينا.              
كان بيتكلم بيعترض بيجبرها تبقى معه لحتى تنفذ كلامه وتعطيه عقاب..ولكن كل كلامها زرع الخوف بعقله وقلبه ..على عقاب وعليها وعلى كل شخص يرتبط بسيف..
كيف وصلت لسيف وتعاملت معه..هذا المجرم الي كل حياته اجرام وحرام..ترويج وتهريب..وجرايم قتل غير معدودة..
حتى افراد عصابته مايسلمون من طريقته الوحشية بالقتل..اذا حاول واحد منهم ينسحب من العصابة ..

وكيف اسالها عن جريمة رعد فيها وانا لما سالته عنها قال ( سواد وجه ) كنت حاقد عليها ومتوعد اسجنها واعاقبها على خطفها لعقاب..بس ياخوفي من سواتك يارعد..وش سواد الوجه الي سويته معها.. البنت بعد اختطاف طفل لمدة سبع سنين واقفة قدامي بثقة انها الصح وحن غلط.. وكانها تنتظر مني اخجل واسكت ولا اطالب بولدك يارعد.. 
سعود\وأخرتها ياحنين..؟ عقاب لازم يرجع لأبوه..
قصايد\ان شفت أخوك يستاهل يكون أب لولد مثل عقاب.. بارجع عقاب له..
سعود\ماهو انتي الي تقررين ان كان كفو يكون اب لولده الي انتي خطفتيـــه..وحرمتيه منه..
قصايد\اخوك سبع سنين نايم كيف حرمته وهو نايم مو حاس بالدنيا..ولا حاس بالحروب الي اشعلها قبل ينام..
اخوك الي فتح علي الف باب من العداء وتركني اواجه حروبه وحقده.. ولا بيوم باسمح لرعد ياخذ عقاب ويسممه مثل ماسمم تفكيرك انت وفهد علينا وعلى ابوي..
سعود\علاقتنا فيكم وفي ابوك ماكانت تحتاج رعد لحتى تحترق..
قصايد بحقد\صح انت كبير وعاقل وتتحمل مسئولية قراراتك.. واتذكر باول واخر مرة تقابلنا فيها انا وانت..قلت لك بمحبة حنين التافهة لا تصد ياسعود الدنيا فانية.. وانت صديت بقرارك..
الوحيد فيكم الي أحسن لنا هو فهد حس انه مسئول عنا بعد ابوي ..
سأل عنا شال همنا رغم كرهه لنا..ولكن صدق الكذبة لما قالوا خذوهم خوالهم..وكان يبيها من الله صد ونسى انه يعرفنا..
سعود بندم\ رجعت ياحنين بس كنت متاخر..قالوا لي انك تزوجتي ورحتي مع زوجك ولا عرفت ان زوجك هو رعد..ولما سالت عن سديم قالوا اخذها خالها..
قصايد\يعني بكذا يطيح عنك الذنب ..؟ انا واختي ماكنتوا مجبورين فينا لأن أنفرضنا عليكم بالغصب..وصدكم كان يوجع الخاطر صح.. بس ماهو حن المهمين وانت عارف..
سعود بحدة\ قلتها لك قبل لا تتدخلين بامورنا مع ابوك ..
قصايد بكره\أموركم مع أبوي ماتت..وانتوا الي خسرتوا..

برفض انها تكمل معه نقاش وبالمكان الغلط وبالمواضيع الي بتهدم كل شي هي بنته وتحملته..صدت قصايد عن سعود ومشت تحت نظراته باتجاه الشارع متجاهلة سواقها وسيارتها اخذت ليموزين مانعة سعود يعرف رقم سيارتها الخاصة..وارسلت لسواقها يبقى بالمواقف ربع ساعة وبعدها يمشي..

لازلتوا ياسعود تبحثون عن شماعة تعلقون عليها كل خطاياكم..ترضون ضميركم بانكم صح والعالم غلط.. 
بس انا ارفض اكون شماعة لكم ارفض اسمح لكم تستقوون وتتجبرون علي او على اختي.. كل شخص يتحمل نتيجة افعاله..
أنا تحملت بسبب اخوك الف طعنه..
فقدت الف صديق وقريب وهمي.. كسبت الف عدو كاره وحاقد..
تحالفت مع زعيم عصابات عشان احمي عيالي من الموت والقهر..
مابتخوفني اليوم ياسعود لا انت ولا اخوك.. أنا من زمان خسرت روحي وبعتها للجحيم..

الورقة التي لم تسقط في فصل الخريف ..
خائــنة بعين أخواتها..
وفية بعين الشجــر..
معــارضة بعين الفصــول ..
___
ألتفت مساعد على ندا رعد البعيد له..
كانت خطوات يوسف ورعد السريعة تحفر الارض ويدري انها بتبدا موجة اسئلة جديدة بعد ما خلص تبليغ مع الشرطة..
ركز نظراته على يوسف الي من بعد ليلة مضاربتهم بات يشك في بعض الامور..
هل فعلا هذا الشخص مريض وفاقد عقله.. بس لما يتذكر شخصية يوسف العظيمة والنرجسية قبل الحادث يستبعد كل الاستبعاد يكون يوسف يمثل عليهم..غرور يوسف وكبريائه مستحيل يسمح له يظهر بمظهر المجنون ..
دخل يوسف غرفة سديم بدون ماينطق اي كلمة لمساعد ولا رد على صوت رعد وهو يناديه..
مساعد\خلـه يتطمن عليها..
رعد\وش صار..؟ومن هالمجرمات وش يبون فيها؟وش عرفتوا عنهم.؟هم مسوين لسديم شي.؟ مخدرينها قبل يخطفونها؟
مساعد\لا يابن الحلال مالقوا فيها مخدر ولا شي غريب بجسمها.. وباقي بيشوفون كميرات المراقبة وياخذون البصمات عن الكرسي..
رعد بغضب\كيف يتجرئون يدخلون غرفتها وياخذونها بالساهل.. وبعدين ايرم وين راحت وتركتها لحالها..
مساعد\مالك شغل بايرم..ما اعتقد انها حارس شخصي للقزمة الانتحارية حقتكم..
رعد\لا يسمعك يوسف .. وايرم اختنا وترعانا لحتى تاخذها انت لبيتك..
مساعد\تعقــــب انت واخوانك ويوسف معكم.. أهلكتوها بحياتكم الي كلها مضاربه وهواش..
رعد بصدمة\لا ماعرفتك..من الي متضارب قبل امس ومكسر البييت في بيت ايرم..
مساعد\ومن الي مكسر الدنيا بالدور الارضي في بيت ايرم.؟
ومن الي رمى النتفة سديم على الطاولة.؟
رعد بقهر\كنت بابعدها عنكم انت ويوسف..ماحسبتها بتطيح كذا..
مساعد\لا ياشيخ شايف حجمك انت وحجمها حركة من يدك طيرتها..

رعد كان بيرد على مساعد ولكن انتبه على خروج سعود من المصعد وتوجه لهم وتوقع يوقف عندهم سعود او يتكلم معهم..وصدمه لما وجه نظره حاقدة باتجاه رعد..
وكمل طريقة للشرطة الي كانوا موجودين بالمكان..
مد يده لما التهى الشرطي الي يتكلم معه عنه..وخرج منديل من جيبه ومسح البصمات الموجودة على الكرسي..وكل هذا تحت نظرات مساعد ورعد الي انصدموا من تصرفه الغريب..
قرب منه رعد وهو معصب منه\سعود انهبلت..؟
سعود بنظرة باردة\تقولك حنين اقلع شوكك بيدينك..
وأنا اقولك دور على عدوك الحقيقي..عقاب بامان مع حنين..

توجه سعود لغرفة سديم وطلب اذن من يوسف يدخل عشان يقابل سديم..بينما رعد ومساعد واقفين ويفكرون بكلام سعود..
مساعد فهم ان الي حاولوا يخطفون سديم من طرف حنين اختها..
الخبيثة كيف فكرت تاخذها بهالشكل..كانت بتنجح وتاخذها لو مالبنات خافوا من وجودنا..
ركز عيونه على رعد الي من بعد كلام سعود وهو جامد بمكانه وكاظم غيضه وعروقه ظاهرة من رقبته وكفينه..
تجرأت وسوتها..جات لهنا مرة ثانية بعد حركتها السخيفة معي..
كيف بخبثها لمت الناس علي وراحت وهي تضرب تحية لعلامتها الي بوجهي..وكانها تذكرني بكلماتها لما جرحت وجهي.. كيف كانت شامته وحاقدة..
أقلع شوكي بيدي..طيب ياحنين أنا باقلع شوكي بيدي..وانتي اول شوكة باكسرها واحرقها..
كلام سعود يدل انه قابل حنين..بس كيف سعود بيعرف حنين..؟
وليــه تركها تروح.؟
انتبه على مساعد يمسك كفه ويكلمه\رعد بتنفجر عروقك وش فيك؟؟
رعـد\فيني جريمة بارتكبها..
فتح باب الغرفة بدون ماينتظر اي استئذان..
وتوجه لسعود الي كان واقف قريب من يوسف بجنب النافذة ..
رعد بهمس\ليـــه خليتها تروح..؟
سعود بهدؤ\سديم تعبانة ونايمة لاتزعجها..ماهو مكان مناسب للكلام..
رعد بغيض\سعيدان ماهو انا الي تعلمني وش المناسب..
كيف سمحت لها تروح ؟؟ 
سعود بحدة\زوجــتك مالي عليها شور.. روح وحل امورك معها بنفسك..

قبل يرد رعد عليه سمعوا صوت سديم وهي تقول الكلمة الي جننت رعد وتمنى يكسر راسها ومايسمعها تنطقها مرة ثانية..
سديم بتعب\مو زوجته..هو طليقها اقصد خليعها لانها خلعته..
سعود بحذر\إسكتي يالنتفة..
رعد بحدة\من الافضل تسكتين تراك مو ناقصة..
يوسف بعصبية\انتو تسكتون وانقلعوا برا..لعبتي تعبانة..
رعد يحاول يتمالك اعصابه\هــدؤ ثنينكم..سديم الحمدلله على السلامة كيفك الحين..؟
سديم بعدم اهتمام\يوسف قفل الباب بعد مايخرجون..
سعود بهدؤ\خلاص نستأذن بالعافية سديم..
سديم بهمس\الله لا يعافيكم..
رعـد\سديم قومي تكلمي معي..
سديم بتعب\مابي..يوسف خرجهم..

من غير تردد تحرك يوسف ومسك بيد سعود ورعد يوجهم للباب..
سعود مقدر الحالة العدائية الي فيها سديم ويوسف..
ومقدر تصرف يوسف المتملك لسديم لما عرف عن محاولة اختطافها..مسك سعود بيد رعد وهو ياشر له بان الوقت مايناسب استجواب سديم او معاندة يوسف..
وقرر رعد يترك سديم لحتى يستجوب سعود ويعرف وش صار بلقائه مع حنين..

قفل يوسف الباب وراهم وهو يشتمهم بسبب ازعاجهم لسديم..
التفت يشوف سديم اذا راضية عن تصرفه وشتمه لهم..
بس كانت باقي تحت مفرشها مخبية وجهها عنه وعن الي كانوا معه..
يوسف بهدؤ\خلاص راحوا لا تزعلين..

ماردت سديم عليه لانها تفكر كيف تتعامل معه..لما صحت قبل وقت ولقت نفسها بنفس السرير ويوسف يفحص الجرح الي بفخذها والي اعاد الدكتور تقطيبه لها..وهي مرعوبة اذا كان هذا هو الوصف الصحيح لشعورها..
شهقت وهي تحس بيدين يوسف عليها وبعدها فجاءة وبدون ماتستوعب بدت تبكي .. 
صدمت يوسف اكثر من صدمتها بنفسها..الي مافهم سبب بكاها واقترب منها اكثر وضمها يطمنها انها بخير وما احد بيخطفها..
سديم تبكي\أنا ابيهم يخطفوني..
يوسف بغيض\باقتلهم كلهم..أنتي حقتي..
سديم بقهر\مابي اعيش معهم..
يوسف\وانا مابيهم قلتي نهرب..
سديم بتردد\باروح لحالي..انت ابقى معهم..
يوسف بزعل\تخليني معهم يضربوني..

سديم مو عارفة كيف تشرح ليوسف انها خايفة منه.. من تماديه معها..لما باسها كيف خوفها وبعثرها..
ولما صحت وشافت يوسف يلمسها ويناظر بفخذها هالشي خوفها اكثر..سحبت رجلها منه وغطتها بالفراش وهي تناظر بعيونه وتشوف غضب وعصبية..خافت يعصب عليها..
سديم بضيق\يوسف انا تعبانة..ابي اروح عند اختي..
يوسف\وين بيتها نروح لها..
سديم بحزن\ما أعــرف..
يوسف بزعل\بتخليني؟؟ليه رحتي معهم..؟
سديم بغصة مسكت يده\مابي أخليك أنت صديقي..
يوسف يبوس يدها\مابي أخليك انتي لعبتي..
سديم بحيرة\وين الي خطفوني..؟
يوسف\مسكهم سعود حطهم بالسجن..قالي لا تخافين خلاص
سديم تشهق بخوف\لاااااا ليش يمسكهم..؟
يوسف\عشان هم مجرمين..بيقصون راسهم
سديم تبكي\لا تكفـــى يوسف خل سعود يفكهم..
يوسف بحيرة\هم اشرار..ليه تبكين عشانهم؟
سديم برجاء\هم مو اشرار..كانوا غلطانين..
يوسف بغضب\كانوا بيسرقونك..بياخذون قلبك وكبدك ويموتونك..
سديم\لا هم كانوا يحسبون اني اختهم..غلطوا واخذوني بالغلط..
يوسف\كيف يغلط الواحد باخته..شوفي رجلك الحلوة كيف انجرحت ثاني..شوفي كيف خلوك تعبانة مرة ثانية..
سديم بكت وهي تقول ليوسف يخرج سراب واختها من السجن وهو مصمم انهم مجرمين ويستاهلون الموت..
ضمته وهي تترجاه يسامحهم وهم غلطانين..
يوسف بتردد\بيعصب علي سعود ويهاوشني..
سديم\أنا باكلمه..باقوله انهم غلطوا بالغرفة ويحسبوني اختهم..
يوسف\ايه وقولي له يخلي شرطة عند باب غرفتنا عشان ماتنخطفين مرة ثانية..
سديم\طيب باقوله..
اخذت جوال يوسف واتصلت على سعود..
سعود\هلا يوسف..
سديم\انا سديم..
سعود باستغراب\هلا سديم..
سديم\قالي يوسف انك مسكت الي خطفوني..
سعود\ايــه تطمني حطيتهم بالسجن..
سديم بخوف\ترى هم مالهم ذنب انا كذبت عليهم.. مايعرفوني ولا يبون يخطفوني..
سعود\كيف مايبونك..؟اخذوك من غرفتك..
سديم\لا مو كذا..انا كنت باهرب من المستشفى..قابلتهم وانا طالعة من الغرفة وقلت لهم يساعدوني..
سعود\وليش يساعدونك؟؟
سديم\قلت لهم ان زوجي ضربني وابي اهرب منه..
سعود\امممم جميل..وبعدها؟؟
سديم\قالوا يخسي..واخذوني معهم بس تعبت وكذا صار..
سعود يبتسم\القصة من اخراج حنين صح..؟
سديم بتردد\مــ مافهممت.
سعود\البنات مامسكتهم..ولا اعرف عنهم شي..
بس اعرف هم من طرف مين..
سديم\عصابة المتاجرة باعضاء البشر..؟؟
سعود يضحك\لا المتاجرة بعقول البشر..
سديم\سخيف ماتضحك..احترم عمتك..
قفلت جوال يوسف وهي مطمنة بان سعود مامسك سراب وسحاب.. وفهمت انه عرف انهم من طرف حنين..خبيث هالشرطي لازم انتبه منه المرة الجاية..
سديم\خذ يوسف شكرا خليتني اكلم سعود..
يوسف بغضب\من زوجك..؟
سديم بتعجب\محـــد ..
يوسف بنبرة عالية\أقولك منهو زوجك..؟
سديم خافت من صوته\وش فيك..قلت لك ما احد ..
يوسف بصرخة\منهو زوجـــك..؟
سديم بعبرة\أنـــــت..انت زوجي..
يوسف\من ضـــربك..؟انا ضربتك.؟
سديم\لا انت ماضربتني..ليش تقول كذا..؟
يوسف ضرب راسه بلكمة من يده\انا ضربت لعبتي..انا اضربني..
ورجع يضرب نفسه عدة مرات بيدينه..مدت سديم يدها تحاول توقفه..وهي تناديه باسمه وتترجاه يوقف ضرب نفسه بس ماسمع لها..
سديم بالم\يوووسف بس وقف..تعبانة انا تكفى خلاص وقف..
يوسف\تهربين عشان ضربتك..انا اضربني لا تهربين..
سديم تبكي\والله ما اهرب خلاص..مو انت الي ضربتني والله مو انت..انت صديقي..

بمحاولة اخيرة لايقاف يوسف عن ضرب نفسه..رمت سديم براسها عليه وتلقت اخر ضربة وجها يوسف لنفسه بيده القاسية..
شهقت من الوجع الي ضرب راسها بعد ضربة يوسف الغير مقصودة لها..
رفعت يدها اليسرى تتلمس موضع الضربة القاسية الي تلقتها منه..
وبنفس الوقت يدين يوسف حضنت راسها من الجهتين..وعيونه تناظرها بصدمة من الي صار..
سديم بوجع\خلااص يوسف اتعبتني خلاااص..
يوسف بندم\اسف..انتي ليه حطيتي راسك هنا..
سديم\عشان ما ابيك تضرب صديقي..
يوسف\انا صديقك بس..؟
سديم خافت يرجع لاسئلته ويهيج عليها\انت صديقي وزوجي..
يوسف يبتسم\وحبيبك..؟
سديم\عيـــب يوسف..
يوسف\انتي العيب تلبسين كذا..
سديم مصدومة كيف غير الموضوع\وش فيها ملابسي..؟
يوسف\سروالك قصير..عيب يشوفك الناس..
سديم بخجل\ايرم بتجيب واحد ثاني..
يوسف بمرح\انا جبت لك من ملابسي..الي تحبينها..

نزل من سريرها وتوجه لشنطة صغيرة ماكانت منتبهه لها..
خرج منها بلوفر أبيض وبنطلون قطني رياضي من ملابسه..
بخطوات سريعة رجع لها والفرحة بعيونه..
يوسف\وش رايك حلو..؟
سديم تبتسم\حلــو..بس انت كنت تهاوشني عشان اخذ من ملابسك..
يوسف\عشانك حلوة وانتي تلبسينهم..
سديم تضحك\ياحلوك انت..

وبدون تردد او تفكير قرب يوسف منها ومد يده لأزرار بلوزتها وبدأ يفكهم لها..وهي لما استوعبت هو وش يسوي..مدت يدها اليسرى تمنعه يكمل..
سديم برعب\يووسف ابعدد وش تسوي..؟
يوسف\البسك ملابسي..مو حلوة ملابسك..
سديم\ابببعد ايرم بتساعدني الحين بتجي..
يوسف بعناد\لا مايلبس لعبتي الا انا..
ابعد يدها وفك ازارير بلوزتها كلها وبانت له ماتحت بلوزتها من ملابس داخلية..
يوسف باعجاب\الله أنتي صدق حلوة..
سديم\يا حيوااان والله لا اكسر راسك ابعد..
مدت يدها تغطي الباين من صدرها..وبرجلها اليسرى تحاول ترفس يوسف يبعد عنها..وهو بسبب حركتها كان يضحك مبسوط,..
لبسها البلوفر وهي تشتمه وتسبه..وتشتم ايرم الي مارجعت لها من الصبح..
يوسف\خلاااص كنك طفلة..لبستك بس باقي البنطلون..
سديم بقهر\يوسف بجد الحين باقوم واكسر راسك..
يوسف بغضب\تبين تبقين كذا رجلينك الحلوة مكشوفة..
سديم\يووسف والله بالبس انا لحالي..

بدون اهتمام لها ولكلامها مد يده يبي يلمس بنطلون بجامتها..
عشان يلبسها البنطلون تبعه..
فحس بعصا تعليق المغذي تضربه على راسه بقوة..
سديم\انقلع قبل ادخلها في بطنك الحين ياحيوان..
يوسف مصدوم\ضربتيني..
سديم\قلت لك باكسر راسك..
يوسف\أحبــك وإنتي عنيفة..تصيرين حلوة..
قرب وجهه من وجهها وهو يبتسم مبسوط.
وباسها على طرف شفايفها..وابتعد قبل تضربه مرة ثانية..
___

قفلت ايرم جوالها بعد ما اتفقت مع سراب يزورون سديم مع جدها راشد بكرة ..هي متخوفة كثير من هذي الخطوة..
جدها راشد وجدها مساعد من بعد وفاة ابوها ماكان بينهم اي اتصال او تواصل..وحضور جدها راشد كزيارة لسديم بيكون غريب..لأن مافيه قرابة تجمع جدها راشد بسديم..
لكن سراب وقصايد علاقتي فيهم جميلة هم بنات خوالي ومتفاهمين وسراب قررت ان سديم صاحبتها وقريبة لها ومصممة تزورها واكيد ساحبة قصايد معها بالغصب ..ابتسمت وهي متاكدة ان انسانة مثل قصايد لها هذي الشخصية القوية بيكون من المستحيل احد يجبرها على شي..اذا بتجي قصايد مع سراب بيكون عشان خاطري انا لأني عرفتهم عليها..
لازم اعطي هلي خبر وامنعهم يجون بالوقت الي بيكون جدي راشد موجود بكرة..بس ياخوفي من فهد ورعد هالاثنين مايتفاهمون..
ماباسمح لهم يضيقون خاطر جدي بكلمة او يقللون من احترامه..
اذا قلت لجدي مساعد اخاف يزعل..وش الحــل معهم..
ومحتارة كيف أتكلم مع جدي مساعد عن خوالي بعد كلامي معه عن زواجي الغريب والي ماكنت اعرفه.. كان كله عتاب مني .. وتبرير من جدي مساعد..
كلام جدي مساعد لي وهو ضايق وزعلان من حالي وحال مساعد..اوجعني بقوة..اوجع لي قلبي..
سألت جدي ليه ماقلت لي.. ليه مالمحت لي..
ليـــــه ما باركت لي..
ليـــه كلهم أستكثروا علي كلمة مبروك..
إلى اي درجة أنا كنت مخفية وغير مهمة..إلى اي درجة كنت مهمشة..
جدي مساعد يقول ماباركت لك كنت خايف من عتابك..
إنتي طردتي مساعد من حياتنا..حكمتي علينا بالهجر..
كيف أجيك وأقول مساعد يبيك وطالبك زوجة له..؟ ماقدرت أقولها لك .. ماهو من قل قدر مساعد ولا من نقص فيه..
ارسلت لك يوسف يستشيرك وكنت شايل هم كيف اقول لمساعد الغالي مالك نصيب والبنت ماتبيك..
كنت بينكم ثنينكم كلكم غالي على قلبي وموجعني حالكم..
لما قالي يوسف إنك موافقة تمنيت اسجد شكر لله من فرحتي إني ما باوجع مساعد مرة ثانية.. وحددنا الملكة مع عمك ابو مساعد..
ويوسف الي عطاك الدفتر توقعين..
ماقلت لك مبروك لأني بليلة ملكتك ماشفت فيك فرحة.. ماشفت بعيونك إلا نفس نظرة الضياع والحزن..
طلعت لغرفتك لانك مانزلتي تحت قلت خجلانة انا باطلع لها تستاهل الغالية.. وكنت ناوي من بكرة اسوي لك حفلة ماصار مثلها .. أحب الناس على قلبي ربي جمعهم..
في غرفتك كنتي مثل المغيبة عن الدنيا وكانك صاحية من سبات..
عيونك الحلوين متورمة من البكاء..حالك يا روح جدك ماكان حال عروس..
حسيت بعروق قلبي نشفت من الدم وانا اشوف حالك..
وكانك مو مستوعبة انها ليلة ملكتك..
وقفتي وصرتي تتحركين من غير شعور..بستي يدي وراسي ويدينك ترجف من غير ثبات..قلتي ليش يبه تطلع وتتعب نفسك الحين انزل لك وأحضر عشاك..
بستك على راسك وناظرت بعيونك..كنت بانطقها كنت باقول مبروك..
بس لمعة الدموع الي بعيونك والي مانشفت من وفاة امك..
رجفة شفايفك..ورجفة اصابعك الي كنت ضامها بيدي..
كسرت الكلمة بقلبي وعجز ينطقها لساني..
قتلني حالك بهذيك الليلة..ومن بعدها ما تجرأت أتكلم معك في موضوع مساعد..

أنتبهت ايرم من تفكيرها على صوت السواق يناديها..وياشر لها على السيارة الي معترضة طريق سيارتها..
شهقت بصمت لما شافت مساعد ينزل من سيارته بعد ماقطع الطريق على سيارتها..
غصب عنها عيونها تعلقت فيه بهيئته بنسفة شماغه بعقاله..بثوبه وخاتمه العقيق باصبعه..بعارضه وشواربه..
بخطواته الواثقة وطوله المهيب لها..
نزل سواقها من السيارة وتكلم مع مساعد..ورجع يفتح النافذة الي عند بابها بامر من مساعد..
مساعد بهدؤ\مساء الخير..انزلي بسيارتي باخذك معي ..

باستنكار رفعت ايرم عيونها وتقابلت نظراتهم..ارتبكت من نظراته لها ومن صوته ومن وجوده كله.. بس طلبه انها تروح معه هذا ارعبها واعاد لها حقيقة انه زوجها من غير علمها ..
ايرم برفض\مساء النور..مااروح لاي مكان معك..
مساعد وكانه متوقع ردها\تمام..انا اروح معك..

بدون مايترك لها وقت تفهم كلمته..او تتوقع تصرفه..
شافته يبتعد عن نافذتها ويتكلم مع السواق ويعطيه مفتاح سيارته واخذ مفتاح سيارتها منه..وقال بصوت عالي لشغالتها تنزل وتروح مع السواق بسيارته هو..
وكأنه هو صاحب الامر والنهي عليهم نفذوا أمره بدون ماينتظرون رايها توجهوا لسيارته وهي تناظرهم بصدمة..
وزادت صدمتها لما دخل مساعد سيارتها وقفل الباب.. عدل وضعية مقعد السائق على الي يناسبه ..
شغل السيارة وحرك بدون ماينتظر منها اي رد او تعليق..
وكل هالتصرفات اجبرتها تتكلم وتعلن له انها مو راضية تروح معه..
ايرم\ وصلني المستشفى سديم تنتظرني..
بدون مايرد عليها اخذ جواله واتصل على جوال فهد..
مساعد\هلا فهد كيف الحال.؟..الحمدلله تمام..اسمع ايرم مابتجي المستشفى وصل الخبر لسديم..ايه معي..خير وش دخلك انت.؟..
زوجتــــــي يافهد .. لا لا معصي دور لك أخت ثانية ياخو سارة..
توكل بس..في الجنة إن شاء الله..سلام اقول..
قفل مساعد ينهي مجادلة فهد له عشان ايرم.. الكل يحاول يتملكها ويعتبر نفسه ولي امرها..ايرم مالها ولي غيري..
ايرم\ اذا مابتاخذني المستشفى رجعني البيت..
مساعد\بأخذك..أكيد أنا بأخذك ..
رفع يده للمراية الامامية وثبتها بحيث يقدر يناظر عيونها براحته..
اربكتها نظرة عيونه الي التقت بعيونها..
بارتباك عاث بخلاياها وخجل أجبرها تنزل عيونها عن عيونه..
ألتفتت لنافذة السيارة وهي تمنع يدها لا تنحط على قلبها..
قلبها المشتاق لمساعدها..
بأخذك أكيد أنا بأخذك..
كلامك تهديد ماهو طمئنينة..ماهو محبة مثل ماكنت متعودة منك..
هـــذا مو مساعدي..
هـــذا شخص ثاني..
نظراته مو مساعد أبوي..صديقي ..
بروده وتصرفاته تمحي مساعد الاولي..
هذا ( زوجـــي ) كيف نطق كلمة زوجتي لفهد بكل تملك..
وكأنه يقول حطيها حلق بإذنك أنا زوجك..
بهذيك الليلة لما انصدمت انه زوجي من سنتين كبر الكلام.. وانكرته وانكرت قرابته لي..

وقف السيارة وألتفت عليها ومد بده وركزها ورى مقعد الراكب ..
نزل نظارته الشمسية وناظر بعيونها..
مساعد ببرود\إنزلي..
ايرم\ يرحم شيبانك..خذني البيت..
مساعد بنبرة\قلــت إنزلي..
ناظرت لخارج النافذة وماعرفت المكان الي هم فيه..
توقعت ياخذها لمقهى او حديقة أو مكان عام..بس المكان مافيه أحد.. وهم بمواقف خاصة..
ايرم\وين أنزل..
مساعد بهدؤ\بيتـــنا ..
ايرم باستنكار\مستحيــل أنزل معك..
نزل مساعد بدون مايرد عليها..توجه لبابها الخلفي فتحه لها واشر بيده لها عشان تنزل..
حست بخوف..غصب عنها خافت..
ماني مستعدة لمواجهة ثانية يامساعد..ماني قادرة أوقف قدام شخصيتك الجديدة علي.. توني احاول أستوعب..
ليش ماتعطيني وقت..أنا باقي مجروحة منك ومنـــي..
مو قادرة أتقبل إني عروس مهجورة من سنتين..
إنت هاجرني..هلك هاجريني الدنيا كلها هاجرتني..
مساعد بصبر\ايرم إنزلي مابي أنزلك غصب..
لما شافت مساعد مد يده بيمسك يدها..شهقت وتراجعت بالكرسي الثاني..دخل مساعد وجلس بمقعدها وصار قريب منها جدا..
لصقت ظهرها بالباب وعيونها الخايفة تعلقت بعيونه..
صغرت المساحة وضاقت السيارة.. الأكسجين أختفى والهواء أنحبس برئتها..إذا استمر الوضع كذا بتدخل بنوبة ربو غصب عنها..
مساعد\نزلي نقابك..
تحت تاثير صدمة قربه منها وتحت سطوة نظراته ونبرته الآمرة..
بقيت ايرم متجمدة بدون اي حركة..وهذا الشيء شجع مساعد يتصرف براحته..
أرتجفت لما شافته يمد يده وينزل نقابها عن وجهها..
ماحاولت تسحب عيونها من عيونه ولا تنزل وجهها تبتعد عنه..
وتجرأمساعد بزيدة وسحب الطرحة من على راسها..
استولت يدينه الثنتين على شعرها..وبعثره على جانبين وجهها..
ظلت عيونها متعلقة بعيونه تحاول تلقى اي تبرير او تفسير لتصرفاته الغريبة معها..
تلاحظه كيف يمرر عيونه على كل تفصيل بوجهها وملامحها..
وكأنه يحاول يحفظ ملامحها..أو ربما يقارن بين ايرم القديمة.. وايرم الحالية..
وش تعتقد بتلقى يامساعد..؟!
ايرم بجمود\فحصت البضاعة..؟فيه عيوب.؟
مساعد بابتسامة جانبية\ ابــــد مافيه عيوب..إلى الان كل شي عاجبني..
ايرم بصد\ دامك ارضيت نفسك ممكن ترجعني البيت..؟
مساعد\هذا هو بيتك..شارع........مبنى......
إحفظي العنوان كويس عنوان بيتك..لأنه بخلال شهر بتكونين فيه..
ايرم بخوف\ قلت لك ماني راضية..مـــابيك..

أقترب منها مساعد أكثر وصارت لاصقة بصدره..
يدينه حوالين وجهها وعيونه بعيونها..
مساعد\قلت لك ماعاد يهمنـــي رضاك..

كلمته لها طعنتها بالصميم..
بعثرت كل شي متماسك بكيانها كله..
هدمت فيها بقايا مدينة مهجورة..
أسقمت روحها العليلة بفراقه وهجره..

أدري إنــي ماعدت أهمك من سنين..
ليتـــك مانطقتها..
غصب عنها تكلمت عيونها عنها..حكت لمساعد عن الحزن الي باقي مكتوم بقلبها..عن صرخة فزع من سنين ماقدرت تصرخها..
حست بشفايفه تبوس عينها تجبرها تقفلها وتمنع الدمعة الي برموشها تنزل..

لا تستغربين..
شفتي هذاك اللي يغني..
مايغني..
هذا نوع من الأنين..
شفتي هذاك يتلفت..؟ماتلفــت .
هذا نوع من الحنين..
الحــزن علمنا نميــز بعضنا..
مايفهـــم عيون الحزين إلا الحــزين ..

ابتعد عنها لما صدت بوجهها عنه ورفعت طرحتها تخفي وجهها وشعرها..نزل من السيارة ورجع يجلس بمقعد السائق وحرك مبتعد عن بيته..
___

بمجلس البيت الداخلي لبيت رعد وإخوانه..كان رعد وسعود جالسين وكل واحد يناظر الثاني ينتظره يبدأ بالكلام..
سعود\مطوليــن وحن ساكتين..باطلع مع جدي مشوار..
رعد\مابتطلع قبل أعرف وش صار..
سعود\وش سواد الوجه الي سويته مع بنت ظافر..؟
رعد بحدة\شيء مالك علاقة فيــه..ولا تســأل عن أمور خاصة..
سعود\حلــو هي لها نفس كلامك..وتقول امور خاصة محد يتدخل بينا..وخل أخوك يقلع شوكه بيدينه..
رعـد\كيف خليتها تروح وإنت تعرف ان ولدي معها..
سعود\غلبتني..كسرت عيني..ربطت يديني بكلامها.. خفت اوقف ضدها وانا مدري انت وش مسوي فيها..البنت حاقدة عليك كارهتك.. 
رعد\هي خذت بثارها مني على سواتي معها..بس هي تمادت ولازم تعرف حدها..
سعود بقهر\انت وش سويت معها..رعد قلي عن الي صار..
رعد بحدة\اللي صار مايعنيك..مايعني احد غيرنا انا وهي..
سعود بقهر\اعرف انه مايعنيني..بس هي لها فضل علي وابي اخلصها من مصيبة حدها الزمن عليها..
رعد\اي فضل..؟وش المصيبة الي تتكلم عنها.؟
سعود\انا قلت لك عن المشكلة الي صارت معي واضطرتني اترك قسم المكافحة..؟
رعـد\إيه أذكر الي قلته..وش الي يربط حنين بموضوعك..؟
سعود\حنيــن هي الي خلصتني من المصيبة..هي الي قدمت الأدلة الي برئتني وورطت رئيسي بالمكافحة..
رعد بصدمة\وهــي وش الي وصلها لك..؟كيف عرفت قضيتك وكيف اثبتت برائتك..؟
سعود بحيرة\أنا مثلك سألتها الف سؤال بس ماخرجت باجابات..
الي قالته انها اتفقت مع شخص وقدمت له خدمة وبالمقابل هو قدم لها خدمة وعطاها الادلة الي تثبت اني بريء من القضية..
رعد بثوران\من هالشخص واي خدمات واي مقابل تتكلم عنه..؟
سعود بقهر\هذي المصيبة الي انت لازم تعرفها..هي تعاملت مع المجرم الي ورطني هو و رئيسي بالقضية..
المجرم اسمه سيف مروج مخدرات وقاتل ومطلوب من زمان.. معرف كيف تقابلت معه وايش الي جمعها بشخص مثله..   

اقتباس

  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 315  
غير مقروء اليوم, 05:22 AM
صورة صدووودَ الرمزية
صدووودَ
الافتراضي رد: صدوا وأنا من عزة النفس صديت


رعد بجزع\سيــــــــف إنت تقصد سيف القاتل المروج والمجـررم..
سعود\ايـــه هو نفسه سيف الي انت تذكره..
وقف رعد والصدمة شلت كل خلايا دماغه ووقفت عند فكرة وحدة بس الي هي سيف المجرم مع زوجته حنين..
بدأ يدور بمكانه بثوران وهو يسترجع كل شي يتذكره عن سيف..
عن طبايعه واسلوبه..وعن اجرامه المريض..
بقلة حيله بدا يضرب بالجدار بيدينه بقهر..وهو بدأ يتوقع ويتخيل الوضع الي حنين فيه بسبب سيف ..
سعود بضيق\انت تعرفه من الماضي..؟
رعـد بسخرية\تقـصد لما كنت أنا الزعيــم ..؟
سعود\ايـــه ..
رعد\كنت أنا الزعيم عليه وعلى عصابته..
سعود بهدؤ\هذيك فترة من حياتك وانتهت..وكنت بخدمة لوطنك..
المهم تلقى حنين ونفهم اذا باقي لها علاقة بسيف..
سيف مايترك احد لا صديق ولا عدو الا ويتخلص منه.. غريبة الى اليوم ماقتلها ان كانت متورطة معه من ايام قضيتي..
رعد بغيض\لأنه يعرف إني باقتله ان لمسها..زوجتي وش الي وصله لها.؟وش يبي منها؟؟هي كيف تورطت معه..؟
سعود \ ما اعرف اجوبة لاسئلتك..الاجوبة كلها عند حنين..وتبي تقتله ووعود العصابات الي كانت بينكم..؟
رعد\ماقالت لك حنين اني خاين للعهود..والي مثلهم ماله وعد ولا شرف..حنين تورطت معه لأنها زوجتي..ولا تعرف بالي صار بيني وبينهم..واني كنت الزعيم على سيف وعصابته..
سعود\أنت سلمته هو والعصابة كاملة وبعدها تقاعدت من شغلك بالمكافحة..بس رئيسي هربه وسيف كون عصابة جديدة وشغله ماشي بالسوق..
رعد بغيض\لأنهم فاشلين ماقدروا عليه الى اليوم..المفروض مسكوه لما كان ضعيف ومامعه عصابة ولا احد يدعمه ويحميه..

انتي وش الي ساقك لمثل هالقدر ياحنين..وش الخدمات الي تتكلمين عنها..وش المصايب الي واجهتيها وحدتك تلجئين لمجرم..
قاتل ومروج..وش المصايب الي وقعتي فيها..
وش الي صار بغيابي بغيبوبتي القاتلة..
سعود\هي قالت بعد حادثك وغيبوبتك..طلع لها الف عدو بسببك انت..تعرف وش الي يقهر اني كنت قادر امنعها تروح بس خفت من قوتها..ماهي قوة جسدية الا قوة مواجهة.. وكانها مو خاطفة ولدك..كانها هي الي تحميه من الدنيا ومنا ومنك انت..
رعد\إبـــــــن الـ ....... هو السبب..
سعود بغيض\لا إنت السبب..ماهو سيف..
ليه ماتقول وش سويت فيها ليه ماتعلمني..؟هي كانت واثقة انك مابتقول..قالت ان تجرأ أخوك يعلمك بجريمته فيني فتعال وقابلني..
وش انت مسوي يارعــد..؟
رعد بتجاهل\خلــك بموضوع سيف..كل المعلومات اللي تتعلق بقضية سيف من بعد هروبه الى اليوم ابيها ياسعود..وبتجيبها غصب عنك مايهمني كيف بتجيبها ولو تسرق المعلومات سرقة مايهمني..
سعود بحذر\وش بتســوي ..؟
رعد بقهر\ بأرجع الزعيم ياسعود..سيف وعصابته مابينهيها الا رعد وعصابته..

---

بتجاهل تــام للانسانة الي جالسة جنبها وتحاول تبرر تصرفها الغير معقول ..فتحت قصايد جوالها واتصلت على خالها راشد قاطعة كلام سراب الي تعيد وتزيد في عذر هروبها من سعود..
قصايد بمحبة\هلا خالي كيف..؟والله ماتقفل حلفت..
الجد راشد\ يابوك خربتي سهرتنا لو جيتي معنا ماهو احسن..
قصايد بضحكة\والله ليتني رحت معكم احسن من مقابلة بعض الناس..
سراب بصدمة\أفــــــا ..
الجد راشد\والله ان سراب تشرح الصدر بسوالفها..المهم عيالك يشوون لهم ضب على كيفك..
قصايد بقرف\لاااا تكفى ياخال طلبتك امنعهم منه..
الجد راشد\وانتي صدقتي الله يعافينا بس..خذي كلمي هيثم..
هيثم بمحبة\هلا باللي له الخافق يهلي..
قصايد بوله\ ياويـــلي أذوب ولا اذوب..
هيثم\ حبيــــــبي لا ذكرت إنه حبيبي .. دريت إني حظيظ وزان بالي..
قصايد\فديت هيثم الفيصل..تراني ماما مو ايرم..
هيثم\هذا غزل للأم..بس ايرم تعرف قصيدي لها..تبين تسمعين غزل للحب..
قرناس\هات الجوال قصايدك ماتخلص..
هلا بام قرناس هلا بالغالية..ليتك معنا بذا الحيا وشوفة الابل.. 
قصايد بحب\رووحي وقلبي حبيب امه الغالي.. يولد لا تشوش براسي اقوم واشغل الهلي وأجيكم..
قرناس بفخر\كفـوووو وصرتي تعرفين تتكلمين هياطي مثلي..
قصايد بمرح\افا عليك تربيتك وانا امك..
قرناس\فديت من انتي بنته والله..يمه عطيني سراب عندي لها مفاجئة..
قصايد\ابشــر..بس ما اوصيك انتبه لاخوك ولجدك.. خذ هذي الخوافة معك..
سراب بقهر\هيـــه لا تطيحين هيبتي عنده وجع..

أخذت سراب الجوال من قصايد الي طنشتها وماردت عليها..
سراب\هلا بولد الحيوانة الي عندي..
قرناس\ما الحيوان الا الي اذا ضوا ماصفقك..تكلمي زين عن امي لا ادووسك..
سراب\بس هياط يرحم والدينك..
قرناس بخبث\ابشرك انتجت وحدة من نياقي وجابت بكرة تهبـــل اول ماشفت البكرة تذكرتك تشبهــــــك حيل..فسميتها باسمك سراب ..
سراب بفزع\والله ماتسميها باسمي..قرناس لا تجلطني يرحم ابوك..
قرناس بفخر\سميتها وانتهى الموضوع لا نقاش في القرار..
سراب بقهر\هيه شوفي ولدك مسمي بنت ناقته باسمي..
قرناس\اسمها بكرة الناقة ياجاهلة يا أميه البنت تنقال للانسان.. الناقة اذا خلفت انثى يسمونها بكرة..
سراب بصراخ\بكرة ترفسك يالبعير ..
قرناس\مالبعير الا الي بياخذك..المفروض تفتخرين وتنزلينها بكل المواقع من فرحتك اني سميت ناقتي باسمك..ولا ابي منك هدية التسماوه خليها لك يالجاحدة..

قفل قرناس الخط بوجه سراب المصدومة من انفعاله وكانه مصدق انا المفروض تفرح عشان مسمي ناقة صغيرة وتشبهني باسمي..
سراب بقهر\هيــه تراك ماعرفتي تربين عيالك..قرناس هذا فيه قلة ادب مو صاحية..مهايط على غير سنع..
قصايد ببرود\جب اخر من يتكلم عن الهياط انتي..شفتك لما شفتي الشرطي كيف متي بمكانك وقمتي تندبين..
سراب بتمويه\هذي كانت خطة قلت اتبعها عشان اقدر اهرب منه..
قصايد\اصلا خطتك في اخراج سديم غبية ومدري كيف طعتك فيها انتي واختك الهبلة..
سراب تتذكر اختها وتضحك بقوة\بالله شفتي كيف تبكي وتقول باولد وهي توها بالثالث..
قصايد بضيق\هي ماقالت انها حامل والله ماكنت باخليها تروح معك..
سراب\الي في بطنها بيطلع نصاب ومن الحين اقولك..لانه شارك بعملية اختطاف..
قصايد\اكيد بيطلع نصاب فاشل لانه شارك بعملية اختطاف فاشلة..
سراب\ماتبين تعلميني كيف تخلصتي من الشرطي..؟اخو رعد صح؟
قصايد بعدم اهتمام\ايـــه أخوه .. مو مهم كيف تخلصت منه..المهم هل سعود فهم انا وش ابيه يوصل لاخوه..
غرقت حنين بافكارها وماردت على اسئلة سراب الفضولية..
قلت له ياسعود عن سيف..؟
قلت له عن اعدائه الي ورثني إياهم وهو بغيبوبته.. ماقدرت الخلاص منك يارعد كل هالسنين بسبب اعدائك وبلاويك..
اجل كنت زعيم العصابة..مروج وقاتل وخاين لدينك ووطنك..
كم صدمة بانصدم فيك اكثر..كيف زوجني ابوي لشخص مثلك..؟
عساك بلغته ياسعود انه مايستاهل يكون اب لعقاب..
لو تحفر الارض يارعــد لو اقتلك وتقتلني عيالي ماتقرب منهم ولا ترميهم بمستنقعك العفن..
هذا انت صحيت وعرفت ان عصابتك تنتظرك..روح والتهي فيهم وخلني اخذ اختي واهج منكم كلكم..

ألتفتت على سراب الي وقفت من على الكرسي وركضت باتجاه باب السور..وهي تشوف ايرم طايحة بعد خطوتين من دخولها..
وقفت قصايد وتوجهت لهم بخطوات سريعة..وجلست على ركبتينها مقابلة لايرم مسكت يدها وهي تكلمها..ولكن ايرم كانت وكانها مغيبة عن العالم كله..ماتسمعهم ولا تشوفهم..
هزتها قصايد من كتوفها وهي تناديها بصوت عالي..
قصايد\ايرم ياروحي وش فيك..؟وش هالحال.؟
سراب بقهر\اكيــد عيال عمك الحيوانين هم السبب صح.. فهد النمس هو الي مزعلك؟؟
ايرم بغصة\قــصايد..؟
قصايد\لبيــــه..قولي وش فيك ياقلبي..
ايرم تبكي\مســ مســـاعد..زوجوني مساعد..
سراب بشهقة\كيف زوجوك؟متى زوجوك؟؟ميـــن زوجك..؟
قصايد\مســـاعد الغالي..
ايرم بانهيار\ماعاد غـــالي..ماعاد مساعد الغالي..
قهـــرني ياقصايد..قتـــــلني..تزوجني وانا مدري..
وقهرنــــي اليوم والله قهـــــرني قهر سنين..

ضمتها قصايد وهي تسمعها تسب مساعد وتشتمه..تسمعها تشكي منه ومن جدها ومن عمامها..وبنفس الوقت تسمع سراب تسبهم وتشتمهم وتتوعد فيهم تعلم خوالها كلهم يفزعون لايرم من اهلها الظالمين الي اجبروها تتزوج بوغـــد..
قصايد\سراب اهدي خليني افهم البنت وش مصيبتها..
سراب بقهر\مصيبتها انها مظلومة ياقصايد من هلها وخوالها..
والحين متزوجة ولا تدري عن زواجها..زين ما خذوها بيته بدون ماتدري..
قصايد\سراب خلي البنت تهدأ..اصبري شوي ونفهم كل شي منها...
وقفت سراب بقهر\لا والله ماصبرت..كل ماتجي ايرم هالبيت والقهر ماكلها منهم واليوم جاية وهم مزوجينها وشوفي حالها..
أنا باسري لجدي في المزرعة واعلمه وش صاير معها..
قصايد\تعالي لا تفجعين الشايب..انتي مو فاهمة شي..

بتسرع سراب ماسمعت لنداء قصايد دخلت البيت وهي تتوعد فيهم وتشتمهم..يتيمة مسكينة مالها بالدنيا احد يستقوون عليها..تخسون يالمساعد والله تخسون.. لا اعلمكم السنع وانا بنت ابوي..


اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 316  
غير مقروء اليوم, 05:23 AM
صورة صدووودَ الرمزية
صدووودَ
الافتراضي رد: صدوا وأنا من عزة النفس صديت


قصايد بحنية\قومي معي داخل..تعالي ياقلبي لا تسوين بنفسك كذا..هذا بيتك ومقامك..وان فيه خير هالمساعد او غيره يقربون منك..هم يحسبون ماوراك اهل..
ايرم بضيق\ماهو مساعد والله مو هو..هذا واحد غريب.. قـــاسي ومخيف..بالمووت جابني لكم..تمنيت ارمي نفسي بالشارع..
قصايد بصدمة\ايرم إهدي وش ترمين نفسك..انهبلتي..؟ هو الي بنرميه وندوسه بالسيارة كمان..
ايرم بحسرة\اخذني لبيته..يقول احفظي عنوان بيتك..
أخذني لمطعم ويقول غصب تاكلين..غصب تشربين..يقول كل شي تبينه او ماتبينه بيكون غصب عنك..
قصايد\هذا مو مساعد الي سمعت عنه منك ومن سراب..
ايرم\قلت لك غريـــب..أنا مو مستوعبة انه زوجي مو مستوعبة..
قصايد\احكي لي كل شي..كيف تزوجتيه..؟بس اول تعالي نجلس ع المقاعد بتوجعك الارض كذا..
وقفت ايرم بمساعدة قصايد وجلسوا بالجلسة بنص الحديقة المنزلية..اتصلت على الشغالة تجيب ماء بارد وحبوب صداع..
قصايد\إهدي..تنفســي براحة..اخاف تجيك نوبة ربو..
ايرم\جاتني وخلصت..
قصايد\ياقلبي..طيب كيفك الحين..
ايرم تبكي\هو السبب قاهرني من العصر..ضاغط علي لحتى انهرت وجتني النوبة..
قصايد\قولي لي وش مسوي وقاهرك كذا..
بدتت ايرم تحكي لقصايد عن الي صار معها من موضوع زواجها من سنتين ومن تهميش الكل لها..من تصرف مساعد وهله..وتصرف اخته ريما معها ومصيبتها..
لحتى الي صار معها اليوم..
وقف عند المطعم ونزل وهو يقول لها تنزل..بس هي ناوية تبقى بمكانها اما يرجعها او بتنزل وتاخذ سيارة اجره ترجعها البيت المهم ماتبقى معه.. فتح الباب الخلفي ومد يده مسك يدها ونزلها من السيارة بمحاولة منه مايئلمها..
سحبها معه وهي تحاول تمنع خطواتها ما تمشي ولكن سرعة حركته اجبرتها تتحرك..
مساعد بهدؤ\من حق الزوجة تطلع مع زوجها مطاعم ومقاهي..
وتروح معه مشاوير وهدايا وورد ودلع..
ايرم\ما ابي منك شي..
مساعد ببرود\مو عشانك اسوي هالشي..اسويه عشاني انا.. اذا ابي اطلع معك تطلعين غصب عنك..

دخلوا المطعم وهي كاتمة عبرتها وعاضة ع شفايفها عشان من ينسمع صوت انفاسها المرتجفة..
أخذ لهم غرفة خاصة قفل الباب وراه جلسها على المقعد الملتصق وجلس بجنبها ورفع يده وحاوط كتوفها ولصقها فيه..
شهقة عالية هربت منها وتحركت تبي تبتعد عنه ولكن هو ابطل مقاومتها له لما شد عليها وجلسها مثل مايبي..
مساعد\حي الله زوجتي الحلوة..
بيده الثانية سحب طرحتها من عليها..
مساعد بهدؤ\بنطلب العشاء الحين ياقمــر..وبتاكلين وتشربين وتسليني بسواليفك الحلوة مثلك..
ايرم بغصة\مابي اكل ولا اشرب..تعشاء انت بالعافية..
مساعد بنبرة حادة\هــذا أمــــر..وغصب بتاكلين وغصب بتشربين..

صدمات متتالية من معاملة مساعد الغريبة لها تترك ايرم بحالة عدم استيعاب لكل هالتصرفات..غصب وغصب وغصب.. هالكلمة ينطقها بكل شي يقوله..من أنت يا غريــــــــــب..؟
بعد ماطلب الاكل بدأياكل بهدؤ ويتكلم عن اشياء هي مو مركزة فيها..تراقب يدينه وحركاته..مغيبة بصدمتها فيه..
حست بشوكته على شفايفها توخزها..تحركت مبعدة وجهها عنه رافضة تاكل شي معه..او من يدينه..رافضة نبرة صوته ورافضة طريقة معاملته..
بس زادت صدمتها اكثر لما قرصها بذراعها وهي فتحت فمها تطلع صوت وجع من حركته..فدخل الاكل بفمها..
مساعد بعدم اهتمام\قلـــت لك كل شي بيكون غصب..
غصت ايرم بعبرتها وبالاكل الي حسته مثل الرماد بفمها..وبدت تكح وتشهق وهو جنبها مد كاس الماء وشربها منه ويده تطبطب على ظهرها..شربت الماء وهي تتمنى تضربه بالكاس..
مساعد\وهذا انتي شربتي غصب..
وقف مساعد وهو يقول\خلصنا عشاء يالله مشينا عندي اشغال..وقفت ايرم ويده تسحبها توقف..رفع طرحتها ولمها على راسها ورمى طرفها على وجهها..
كانت ساكنة بين يدينه ما ابعدته ولا تكلمت معه..تبي هاللقاء معه ينتهي..تبي هاليوم بس ينتهي..مساعد أستهلك طاقتها وقوتها..
فتح باب السيارة الامامي وهي دخلت بدون عناد او محاولة ترجع لمقعدها الخلفي..وبعدها بثواني جلس مساعد بمقعده وقبل يشغل السيارة ألتفت لها قرب منها وسحب حزام الامان الي هي مافكرت تركبه عليها كان بطيء جدا بحركته وكانه قاصد يستفزها..او يبي يستخرج منها ردة فعل عنيفة لحتى يضايقها اكثر..تعمد يده تلمس صدرها بحركته لسحب الحزام..وهي غصب عنها سحبتها نفسها تحاول تبتعد عن لمسته..ابتسم وشغل السيارة وحركها..بدون مايقول اي شي او يعلق..
وهي تناظر من نافذة السيارة بعيد عنه ماتبي تشوفه ..تبي تنسى انها شافته وقابلته بيوم..طال الطريق وهي ما اهتمت تعرف وين رايحين..المهم توصل وتبتعد عنه.. مستحيل استمر معه بالزواج..
مستحيل اعيش معه..لازم يطلقني غصب عنه يطلقني..
وقف السيارة والتفت عليها لما مدت يدها تفتح الباب..مد يده وقفل الباب وثبتها بمقعدها..
مساعد\ناظريني ..
ايرم بقهر\خــــــلاص إبعـــد..
مساعد بحدة\قلت لك ناظريني..
سحبت طرحتها وناظرت بعيونه بقوة محتقرة دموعها الي تلمع بعيونها..محتقرة رجفتها محتقرها حزنها على مساعد..
ايرم بصوت مبحوح\نعــــــم..ناظرتك..باقي شي غصب بتسويه..؟
مساعد بهدؤ\الي صار اليوم بيكون حال حياتنا العمر كله إذا إنتــــي ماتركتي الهروب.. 
ايرم بسخرية\واثـــق بيكون لنا حياة مع بعض..
مساعد\إنتي الوحيدة الي بتتعبين..انتي زوجتـــي وهالشيء باظل اذكرك فيه كل يوم بما انك ناسيته من سنتين..
ايرم\مو ناسيـــته..قل غير معترفة فيه..
مساعد\ما باعطيك فرصة تهربين.. قررت ما اعيد غلطتي..
اليوم كله رددت عليك كلمة غصب..لأنك ان ماكنتي معي بالرضى بتكونين بالغصب..وعطيتك اليوم امثلة عن الغصب كيف يكون..
اما الرضى فما يخفى عليك كم سنة كنتي مدللة برضاك بحضن مساعد..
ايرم بقهر\كيف ترضى اكون مجبورة عليك وغصب وانا ما ابيك..؟
مساعد بغضب\مثـــل ما أنا رضيت أبقى طول هالسنين ارتجي عطفك ورضاك..شوفي الشيب كسى راسي ولحيتي.. وانا اتصبر بكرة ترضى .. بعده ترضى..مارضيتي..وانا ارخصت سنيني الماضية لك..والحين تعز علي سنيني المقبلة اما برضاك او غصب عنك..ماني مساعد اول يا ايرم..

بانهيار مدت ايرم يدينها وبدت تضربه وتدفعه عنها وهي تبكي..
ايرم بقهر\وأنا مو ايرم الاولة..مابتلقى فيني الرضى ولا القبول..
ولا باسمح لاحد يغصبني ويجبرني لا انت ولا غيرك..
مساعد يثبتها بمقعدها بقوة\من بيخلصك مني..؟ من بيفزع لك ضدي..أنا المدار الوحيد اللي بتدور فيه حياتك..
ايرم\لاااا مابتكون بحياتي غصب عني..مارضى بالغصيبة..
مساعد بحزم\نجرب شي كمان بالغصب ياحبـــي ..خلينا نختم يومنا الجميل بشي حلو واتمناه..
وبدون تردد أسر يدينها بكف يده وثبت رقبتها من الخلف بيده الثانية..
قرب وجهه منها ولصق شفايفه الحازمة بشفايفها المرتعشة..
قبلها بوله مشتاق..بمحبة عميـــقة..بكبرياء مطعون من معشوقته المستبدة..بقهـر لضياع سنينهم بهروب ايرم..
مساعد بهمس ولازال يقبلها\مـــابي الغصيبة..أبيك بالرضى..

مـــا أجمــل ان يؤخذ الثغر عٌنوة .. 
_____

ضحك الجد راشد على قرناس الي يحاول يرتب بيتين من الشعر في ناقته الي فخور هو بانتاجها لبكرة سماها سراب..
وبنفس الوقت هيثم يدخل بنص شعر قرناس ويقول كلام عن الحب والغزل..
قرناس بغضب\عيــب عليك إرفع علومك..
هيثم بروقان\لما تولد ناقتي بارفع علومي..خلني الليلة جوي غزل ياولد..
قرناس\جدي شف وش يقول هذي علوم رجال..؟
هيثم\وش فيهم الرجال يعني مايحبون..
الجد راشد بضحكة\ومن تحب ياعنتر.؟
هيثم\اخاف اقولك وتذبحني..
قرناس\مايذبحك احد وانا حي..أنت خويي وصديقي واخوي..
هيثم\والله انك كفو لبى وجهك يالخوي..خشمك يالذيب خشمك..
قرب قرناس من هيثم وسلموا على بعض بالخشوم..والجد راشد يضحك ومبسوط فيهم وفي سوالفهم..
دخل احد عمال المزرعة يعلمه عن وصول ضيف..وسمح له الجد راشد يدخل الضيف..استغرب من بيجي لمزرعته بهالوقت وتوقع يكون احد عيال اخوانه..
بس بعد لحظات ضاعت كل توقعاته لما شاف خويه مساعد المساعد داخل مجلس الشعر يرتكز على عصاته وعلى يد واحد لابس بدلة الشرطة..كان سعود..
وقف الجد راشد ولازال بصدمته وهو يرد السلام ويهلي ويرحب بضيوفه..
الجد مساعد\مســـاك بالخير يابو جابر..
الجد راشد\مســـاك الله بالنور حياكم الله بيتكم ومطرحكم..
الجد مساعد\زاد فضلك يالطيب..
الجد راشد\حياك الله ياسعود..
سعود بجمود\الله يحيك ويطول عمرك..

جلس سعود بجنب جده مساعد وهو يسمعه يتخابر مع ابو جابر..
ماكان له نية ابدا يرافق جده بهالمشوار.. لما عرف من الشخص الي ناوي يزوره..
ولكن مابقى له اي خيار لما هدده جده بانه بياخذ فهد معه..
هو يعرف فهد يمكن يرتكب جريمة ان دخل بمكان اهل قاتل ابوهم فيه.. هالعائلة مسببه له ولاخوانه عقدة ماقدروا يتخطونها ولو مرت سنين واهل القضية كلهم ماتوا.. يبقى فيه وجع داخلي وضيق منهم..
رفع راسه وشاف الجد راشد شايل الدلة يبي يقهويهم..وقف بسرعة واخذها منه وصب القهوة لابو جابر ولجده مساعد..
ماكان بيرضاها على نفسه يبقى جالس ورجال شايب مثل ابو جابر يصب قهوة..
جلس جنب جده وفضل يبقى مستمع ومايشارك بحديث الاصدقاء الغرباء..
والتفت يناظر بالصقر الي كان باخر المجلس..ولفت نظره الولدين الصغيرين الي جالسين جنب بعض ومعلقة عيونهم فيه بدهشة..
يناظرونه وتهامسون بصوت غير مسموع..
ابتسم وهو يعتقد إنهم خافوا من البدلة الي هو لابسة..او يمكن من السلاح الي بخصره..
بس اثنينهم كذبوا ظنونه لما قربوا من جده مساعد وسلموا عليه باسلوب رجالي قوي.. ماقدر الا ينعجب فيهم وبفصاحتهم وهم يتكلمون مع جده..
وقرب منه واحد منه..مد كفه وصافح اليد الصغيرة الي تصافحه..
واستغرب كيف هالطفل يناظره بتفحص..
قرناس\سبحان الي خلقك..سبحان الله..
سعود بصدمة\سبحــانه.. 
هيثم\اشهد إنك تشبه عمـــي..
سعود يبتسم\الحين فهمت صدمتكم وشكلكم..
قرناس\والله تشبهه يولد..
سعود\يولد..؟؟
هيثم لاخوه\عيب تقول لرجال كبير يولد..
سعود باعجاب\صح كلام اخوك..
قرناس\وش عرفك إنه أخوي..؟
سعود\ماهو أخوك..؟
قرناس\بلى هو أخوي..
هيثم\بأسالك يا .. وش اسم الولد بالله..؟
سعود بمحبة\محمد..
هيثم\والنعم باسالك يابو محمد انت باي قسم..؟
سعود\ليــه تسأل ..؟
هيثم\باشوف يمكن انت مع عمي بقسمه..
سعود\وعمــك بأي قسم يشتغل.؟
قرناس\عمنا يشتغل بقسم المكافحة..
سعود بتفكير\وش اسمه عمكم..؟
هيثم وقرناس\اسمه سعـــود..
سعود يبتسم\عاد تدرون وش اسمي..
قرناس\وشهو..؟
سعود\اسمـي سعود..
هيثم بحماس\يالبيــــه لقينا لعمي شبيه بالاسم وبالشكل..ويمكن حتى الوظيفة..
قرناس\لا فيه اختلاف بالوظيفة عمي مايلبس كذا..
سعود\صح المكافحة فيهم اختلاف باللبس..
قرناس بفخر\شفت والله اني اعرف وافهم..
هيثم بمحبة\أشهد إنك كفو ياولد قصايد..
قرناس\كفوك الطيب خشمك والله خشمك..
-----
سلموا على بعض ودخلوا بحوار عجيب وسعود يراقب كل حركة منهم..دخل معهم بحوار عن السيارات الرياضية وعن التفحيط..
قرناس\ترى جدك هذا كان اشهر مفحط..
سعود بصدمة\جدي مساعد..؟
هيثم\ايــه هو..جدي راشد قال لنا انه كان راعي تفحيط..ويلعب بالشوارع والسيارات لعب مو صاحي..
قرناس بحماس\شف اصبعه مقطوع بسبب التفحيط..
سعود\جـــدي مساعد كان مفحط..؟
هيثم\والله انه كفو يولد لو هو جدي وانا شرطي لا اخليه يفحط على كيفه..وباعزز له بعد..
قرناس\أشهــد إنك ذيــــب..
هيثم\أخوك طال عمرك.. 

اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 317  
غير مقروء اليوم, 05:24 AM
صورة صدووودَ الرمزية
صدووودَ
الافتراضي رد: صدوا وأنا من عزة النفس صديت

بدون شعور ضحك سعود بصوت عالي معــجب بالكائنات العجيبة الي جالسين معه..وبسوالفهم وكيف كشفوا له جده مساعد وسبب قطع اصابعه..لما كان سعود او اي احد من احفاده يساله ليش انقطعت اصبعك يقول كنت بالحرب وهذي اصابة حرب..
التفت على صوت جده مساعد يتكلم مع قرناس..
الجد مساعد\على البركة ياقرناس البكرة..
قرناس بفخر\الله يبارك فيك..
الجد مساعد\وش نوع ناقتك.؟
قرناس\مجاهيم..
الجد مساعد باعجاب\كـــفو..والله إنها من احب الابل على قلبي..
قرناس بحمية\والله إنها جاتك الناقة وبكرتها..
الجد مساعد بفزع\لا والله ماخذتها..
قرناس\والله إن تاخذها وانا ولد قصايد..
الجد مساعد\ابـــــو صالح تحلف علي ياولد..
قرناس\والله إنها جاتك..وأن ماخذتها حرام ان تطلع الشمس واخلي العامل ياخذها السوق..
الجد مساعد\ياراشد انت تسمع ولدكم..؟
الجد راشد بفخر\قرناس حلف..وهو كريم وانت يابو صالح تستاهل الخير..لا ترده وتكسر خاطره..
الجد مساعد\هذي ناقة وبنتها..والله انها غالية عليه..
قرناس\ماهي باغلى من خوي جدي ابو دعاس..
الجد مساعد يضحك\والله إنك شيخ .. ولا انت باكرم مني..
عندي لك ناقة وضح يحبها قلبك ولما ولدت سقتها لك لمكانك..
سعود لازال مبهور بالطفلين الجميلين الي يسمع كلامهم ومراددهم مع كبار السن يكاد يحلف انهم شياب بجسد اطفال..باين عليهم عاقلين رغم بعض التصرفات الطفولية..
والي اعجبه انهم يشبهون أخوه فهــد..
قرناس\وش رايك يابو محمد تشوف الناقة وبكرتها..
سعود بحماس\والله ماني بكاره..توكل..
قام سعود ومشى مع قرناس وهيثم لخارج الخيمة..
متوجهين لمكان تواجد ابل الجد راشد.. 
دخل معهم بنقاش جديد عن الابل والخيل..وانعجب اكثر بمعلوماتهم الكبيرة عن الحلال..
هيثم \والله انه حصان ماتلقى مثله بالدنيا كلها..
سعود\ياولد اقولك مع اخوي حصان يكرفس حصانكم هذا..
قرناس بحميه\لا بالله حصان أمي سبوق..ومايقدر عليه الا امي..
هيثم\عساني فدوة قصايد..
سعود بتعجب\هذي يمكن ثالث مرة تقول الاسم..
قرناس\ايه اسم امنا..
سعود يبتسم\عادي تقول اسم امك..
هيثم\إيه عـــادي هو فخر ان الواحد يقول انا ولد فلانة..
الأم هي الأساس هي الشرف هي الي تحت رجلينها الجنة..
سعود\عز الله ان امك كفو الي ربتكم هالتربية الصالحة..
قرناس\حتــــى أبونا كفو..
هيثم\اشهد انه كفو..
سعود بفضول\ وش اسم ابوكم ..؟
قرناس وهيثم\راكـــان ..
سعود بمحبة\والنعـــم فيكم وفيه..وانا اسم ابوي راكان..
____
متــــعبون ليــس لأنهم يركضون..
بـــل لأنهم لا يصلـــون..

بخطوات واثقة متكبرة ومغرورة..قطعت قصايد ممرات المستشفى متاكدة من ايرم بان رعد مسافر بشغل خارج المدينة..
لا تهتم ان قابلت سعود..او غيره..المهم ماتلتقي برعد قبل ماهي تقرر هالشيء..رفضت وجود سراب معها بهذي الزيارة..
تخاف لا تعيد نفس السيناريو الاول وتفقد معها فرصة زيارة سديم..
بعد رشوتها لأحد الممرضات قدرت تتواصل مع سديم وتتفق معها على خروج سريع من المستشفى..ولكن هالشيء مابيتم قبل ماتتحسن حالة سديم الصحية..مابتخاطر باذيتها مثل المرة الاولى..
بسعادة وفرح كبير وتخيل لكيف بيكون لقاها باختها الغالية..
ارتسمت الابتسامة على وجه قصايد..متجاهلة لكل النظرات الملتفته لها..
دخلت الغرفة بعد مااستئذنت بصوت هادي وناعم..
توقعت يكون يوسف موجود..ولكن ماكان فيه وهذا الشي اسعدها اكثر..
قفلت الباب وعيونها معلقة بالهيئة الصغيرة النايمة بوسط السرير..
ومتغطية بالمفرش الوردي..
نزلت طرحتها ورتبت شكلها تجهز نفسها لعيون أختها الدلوعة الحلوة..
مسكت طرف المفرش بيدها وسحبته عن سديم..
وهنا كانت صدمتها عظيمة لما اكتشفت بان الي تحت المفرش كانت مجرد وسادة ..
أبتعدت عن السرير بسرعة والتفتت لباقي أنحاء الغرفة..
ماكان فيه اي شي يدل على وجود اي شخص غيرها هي..
بخطوات حذرة تحركت باتجاه باب الغرفة وقبل تفتح القفل..
كانت يدينه تلتف عليها مثل القيد الحديدي..
يكتـــم نفسها وشهقتها المخنوقة..
رعـــــد بوعيد\ويــــــن يا حنيـــــن..؟

قراءة البارت العاشر من رواية صدوا وأنا من عزة النفس صديت: أضغط هنا
قد يعجبك أيضا
الاسمبريد إلكترونيرسالة